કાટમાળમાં ફસાયેલાની શોધ ચાલુ

મીડિયા રિપોર્ટ્સ અનુસાર, તેલંગાણાના પશમિલારામ ઇન્ડસ્ટ્રિયલ એરિયામાં સિગાચી ઇન્ડસ્ટ્રીઝ પ્રાઇવેટ લિમિટેડના રિએક્ટર યુનિટમાં વિસ્ફોટ થયો હતો. ઘટનાની જાણ થતાં જ 11 ફાયર ફાઈટરો ઘટનાસ્થળે પહોંચી ગયા હતા અને આગ ઓલવવાનું શરૂ કર્યું હતું. પોલીસે જણાવ્યું હતું કે ઘાયલ થયેલા તમામ કામદારોને સ્થાનિક હોસ્પિટલમાં લઈ જવામાં આવ્યા હતા, જેમાંથી ઘણા ગંભીર રીતે દાઝી ગયા છે. ફાયર વિભાગના અધિકારીઓએ જણાવ્યું હતું કે તેઓ હજુ પણ કાટમાળ નીચે ફસાયેલા કામદારોને શોધી રહ્યા છે.

તમામ એન્ગલથી તપાસ શરૂ

ધ હિન્દુના અહેવાલ મુજબ, ડ્રગ મેન્યુફેક્ચરિંગ યુનિટના રિએક્ટરમાં વિસ્ફોટ થયો હતો, જેના કારણે આસપાસના વિસ્તારમાં ગભરાટ ફેલાયો હતો. ફાયર ફાઇટિંગ ટીમો આગને કાબુમાં લેવા માટે કામ કરી રહી છે. રિપોર્ટ અનુસાર, શરૂઆતની તપાસમાં એવું જાણવા મળ્યું છે કે રિએક્ટરમાં દબાણ વધવાને કારણે વિસ્ફોટ થયો હશે. પરંતુ ચોક્કસ કારણ જાણવા અને ફેક્ટરીમાં સલામતી પ્રોટોકોલનું પાલન કરવામાં આવી રહ્યું હતું કે કેમ તે જાણવા માટે વિગતવાર તપાસ ચાલી રહી છે.

આ પણ વાંચોઃ દલિત મહિલા કોન્સ્ટેબલ પર દરબાર પડોશીએ તલવારથી હુમલો કર્યો

મામલો શું છે    

નરસિંહપુર જિલ્લાનો 28 વર્ષીય યુવક વ્યવસાયે JCB ઓપરેટર છે. તે 7 ફેબ્રુઆરીના રોજ તેની ગર્લફ્રેન્ડ સાથે ભોપાલ આવ્યો હતો. બંનેએ જિલ્લા કોર્ટમાં પોતાના લગ્ન નોંધાવવાનો નિર્ણય લીધો હતો. યુવકે આરોપ લગાવ્યો છે કે જે વકીલે તેમને લગ્ન કરાવવાનું વચન આપ્યું હતું તેણે ગુપ્ત રીતે હિન્દુત્વવાદી સંગઠનોને ફોન પર જાણ કરી દીધી હતી. એ પછી 'સંસ્કૃતિ બચાવો મંચ' ના લોકો ત્યાં પહોંચ્યા અને યુવક પર 'લવ જેહાદ'નો આરોપ લગાવીને તેને માર માર્યો હતો.

આ ઘટના બાદ પોલીસે કહ્યું કે યુવક પર હુમલો કરનારાઓ સામે તેના નિવેદનના આધારે કાર્યવાહી કરવામાં આવશે. જોકે, હજુ સુધી કોઈની ધરપકડ કરવામાં આવી નથી. તેના બદલે પોલીસે હુમલો કરાયેલા યુવકની 'લવ જેહાદ'ના આરોપસર ધરપકડ કરી છે. પોલીસનું કહેવું છે કે યુવકની યુવતીને ધર્મ પરિવર્તન માટે દબાણ કરવાના આરોપમાં ધરપકડ કરવામાં આવી છે.

ઈન્ડિયન એક્સપ્રેસ સાથે વાત કરતા મુસ્લિમ યુવકે કહ્યું કે હુમલા પછી તે ઘરે પાછો ફર્યો નથી. તેનું કહેવંર છે કે તેને અને તેના પરિવારને નિશાન બનાવવામાં આવી રહ્યો છે. યુવકે કહ્યું, 'મારી મંગેતરે કોર્ટ મેરેજ માટે વકીલનો સંપર્ક કર્યો.' મેં ૩૫,૦૦૦ રૂપિયા આપ્યા, પણ લગ્ન રજીસ્ટર થાય તે પહેલાં જ વકીલે કેટલાક લોકોને બોલાવ્યા અને તેમણે મારા પર હુમલો કરવાનું શરૂ કરી દીધું. તેમણે મારા પર બળજબરીથી ધર્મ પરિવર્તનનો આરોપ લગાવ્યો, પરંતુ મારી મંગેતરે વારંવાર તેનો ઇનકાર કર્યો. વકીલે મારો ફોન પણ છીનવી લીધો. મને અપમાનિત કરવામાં આવ્યો, લૂંટવામાં આવ્યો અને અન્યાય કરવામાં આવ્યો.”

યુવકે વધુમાં કહ્યું, ‘જો એક પોલીસ અધિકારીએ મને એમપી નગર પોલીસ સ્ટેશન ન મોકલ્યો હોત તો મારી હત્યા થઈ જાત.’
જોકે, યુવકના વકીલે તેના પર લગાવવામાં આવેલા તમામ આરોપોને નકારી કાઢ્યા છે. એટલું જ નહીં, યુવતીએ પણ બળજબરીથી ધર્મ પરિવર્તનના આરોપોને નકારી કાઢ્યા છે. યુવકનું કહેવું છે કે આ આરોપો ખોટા છે. તે અને યુવતી બંને પુખ્ત વયના છે અને તેમની તેમની ઇચ્છાથી લગ્ન કરવાનું નક્કી કર્યું હતું.

આ પણ વાંચો: વર વિના 20 કન્યાઓના લગ્ન કરી દેવાયા, સર્ટિફિકેટ પણ મળ્યાં!

મામલો શું હતો?

મહીસાગરના લુણાવાડાના દલુખડિયાના વતની અને કેનેડાના સિટીઝન બનેલા કલ્પેશકુમાર કાંતિલાલ પટેલ (ઉં.વ.૪૭) મીસીસાગા શહેરમાં એજ્યુકેશન ઈન્સ્ટીટયુટ ચલાવે છે. વર્ષ-૨૦૨૨માં તેઓ વડોદરાના હરિધામ સોખડા ખાતે ગયા હતા જ્યાં તેમની મુલાકાત વિદ્યાનગરના મિલનકુમાર ઉર્ફે નિશ્ચિંત મનુભાઈ પટેલ સાથે થઈ હતી. મિલને કલ્પેશભાઈને જણાવ્યું હતું કે, તે ૧૮ વર્ષ જેટલો સમય સ્વામિનારાયણ સંપ્રદાયના હરિપ્રસાદ સ્વામી સાથે સહિષ્ણુ સેવક તરીકે રહેલો છે અને વિદ્યાનગરના રેલવે સ્ટેશન રોડ પર સરદાર પટેલ સ્ટેચ્યૂ પાસે આવેલા નેપ્ચુન સ્ક્વેરમાં પ્રબોધમ ઈન્ટરનેશનલ નામથી રીયલ એસ્ટેટ, કોસ્મેટિક પ્રોડક્ટ અને વિઝા કન્સલ્ટન્ટ તરીકે કામ કરે છે. સાથે જ પોતાની પાસે ટુંક સમયમાં રૂપિયા બમણા થાય તેવા રોકાણના વિવિધ પ્રકલ્પો છે. જેથી કલ્પેશે વિશ્વાસમાં આવીને રૂ.૨૩ લાખ રોકડ આપ્યા હતા.

23 લાખ મળ્યાં બાદ વર્તન બદલાઈ ગયું

એ પછી મિલને પટેલે રૂ.૨૩ લાખ રોકડના બદલામાં સિક્યુરીટી પેટે કરમસદમાં આદિત્ય હાર્મની એપાર્ટમેન્ટમાં મારી મમ્મી જયાબેન મનુભાઈ પટેલના નામનો તથા અમારા ઓળખીતા અમિતાબેન દિપકભાઈ દેસાઈના ફ્લેટનો દસ્તાવેજ કરી આપું છું તેમ જણાવ્યું હતું. જેના બદલામાં કલ્પેશ પાસેથી ચાર કોરા ચેકના ફોટો મંગાવ્યા હતા. બાદમાં બંને ફ્લેટના દસ્તાવેજ કરી આપ્યા હોવાનું અને રૂપિયા રોકાણ કરીને સારા એવા પ્રોફિટ અપાવું ત્યારે ફ્લેટના દસ્તાવેજ કેન્સલ કરવા જણાવ્યું હતું. 

આ પણ વાંચો: સ્વામિનારાયણ સાહિત્યમાં વાહિયાત અને તદ્દન જૂઠાં પરચાઓ છે

બાદમાં એક કરોડ રૂપિયાનું રોકાણ કરો તો એક વર્ષમાં મૂડી પાછી મળશે અને ૧૨થી ૧૮ મહિનામાં એક કરોડ જેવો વધારાનો પ્રોફિટ થશે તેમ જણાવ્યું હતું. મિલન હરિભક્ત હોવાથી કલ્પેશે વિવિધ ટ્રાન્ઝેક્શન મારફતે કુલ રૂ. ૧,૩૦,૭૨,૫૦૦ આપ્યા હોવાનો એફઆઈઆરમાં ઉલ્લેખ કરાયો છે. 

છેતરપિંડીની ફરિયાદ નોંધાઈ

સમયમર્યાદા પૂરી થતાં કલ્પેશે નાણાં માંગતા મિલને રૂ.૭.૫૦ લાખ રોકડ પરત મોકલી હતી. બાકીના પૈસા સ્કીમમાં રોકણ કર્યા હોવાથી ત્યાંથી પરત આવે એટલે આપવાના બહાના બનાવ્યા હતા. જોકે, કલ્પેશે વિદ્યાનગર ખાતે જઈને મિલન પાસેથી નાણાં પરત માંગતા મિલને જણાવ્યું હતું કે, તમને જે બે ફ્લેટના દસ્તાવેજ કરી આપ્યા છે, તેમાં તમારા ચેકના ઉલ્લેખ કર્યા છે, તેના પૈસા હજુ સુધી મકાન માલિકોને મળ્યાં નથી. તમે કોઈ ચેક આપ્યા વિના ફ્લેટનો દસ્તાવેજ કરાવી લીધો છે તેમ કહી ખોટો કેસ કરવાની અને જાનથી મારી નાખવાની ધમકી આપી હતી. બાદમાં શખ્સે જાન્યુઆરી-૨૦૨૪માં સ્વહસ્તાક્ષર કરી તા.૨૩ મે ૨૦૨૪ સુધીમાં નાણાં ચૂકવી દેવાનો વાયદો કર્યો હતો. પરંતુ હજૂ સુધી નાણાં પરત ન કરતા કલ્પેશ પટેલે વિદ્યાનગર પોલીસ મથકે મિલન ઉર્ફે નિશ્ચિંત પટેલ વિરૂદ્ધ ૧.૨૩ કરોડની છેતરપિંડી આચરી હોવાની ફરિયાદ નોંધાવી હતી.

ફરિયાદ બાદ જાન્યુઆરી 2025માં બાકરોલના મંદિર ખાતે એનઆરઆઈ કલ્પેશ પટેલ અને હરિભક્ત મિલન પટેલ મળ્યા હતા. અહીં પણ મિલને રૂપિયા પરત કરવાને બદલે ગાળો ભાંડીને જે થાય તે કરી લેવાની ધમકી ઉચ્ચારી હતી. તેણે ત્યાં સુધી કહી દીધું હતું કે, નફો તો દૂરની વાત છે, હવે તને મૂડીની રકમ પણ નહીં મળે. તેણે પોતાને રાજકારણીઓ સાથે ઉંચા સંપર્કો હોવાની શેખી મારી હતી. આમ એક પટેલ સ્વામીનારાયણ હરિભક્તે અન્ય એનઆરઆઈ હરિભક્ત સાથે છેતરપિંડી આચરી હતી.

આ પણ વાંચો: સ્વામિનારાયણ મંદિર બનાવવાના નામે વેપારી સાથે 2.63 કરોડની છેતરપિંડી

સાધુઓ બર્થડે પાર્ટી કરી ભોગવિલાસમાં મસ્ત

જૂનાગઢ પવિત્ર ધર્મસ્થળ અંબાજી ગાદીનો વિવાદ ચરમસીમાએ પહોંચ્યો છે અને ભૂતનાથના મહંત મહેશગીરી (Maheshgiri) સહિત ચાર સાધુઓની અખાડા પરિષદ(Akhada parishad) માંથી હકાલપટ્ટી થયાના અહેવાલો વચ્ચે 30 જાન્યુઆરીએ મહેશગીરી નામના સાધુએ પત્રકાર પરિષદ (Press Conference) યોજીને વિરોધી પક્ષના સાદુઓ પર ચોંકાવનારા આક્ષેપો કર્યા હતા.

મહેશગીરીએ શિવરાત્રી (Shivaratri) ના મેળા (Fair) માં સાધુ-સંતોની હાજરીમાં ચાલતા મુજરા તેમજ સંતની બર્થડે પાર્ટીની ઉજવણી સહિતના વીડિયો જાહેર કરી કહેવાતા સાધુઓની વિલાસી જીવનશૈલીને ઉઘાડી પાડી દીધી હતી. મહેશગીરીએ પત્રકાર પરિષદ કરીને કેટલાક વીડિયો શેર કર્યા હતા અને જૂના અખાડાના સંરક્ષક હરીગીરી બાપુ ઉપર ગંભીર આક્ષેપ લગાવ્યા છે. આ સાથે તેમણે ભવનાથમાં થતી ગેર પ્રવૃતિઓને લઈને ખુલાસા પણ કર્યા હતા. મહેશગીરીએ કહ્યું કે, હું હજુ 20 ટકા જ બહાર આવ્યું છે અને 20 ફેબ્રુઆરી યજ્ઞ પુરો થશે એટલે આ બધા દુષ્ટોને ઉઘાડા પાડીશ, એનો વિનાશ કરીશ. 

અખાડામાં વેશ્યાઓને લઈને આવે છેઃ મહેશગીરીનો ગંભીર આક્ષેપ

મહેશગીરીએ જણાવ્યું હતું કે, આ બધું હરિગીરીની જવાબદારીમાં ચાલે છે. તેમણે કહ્યું કે જૂના અખાડાના કારણે સાધુ-સંતોની ગરિમા ખરડાઈ રહી છે અને તેના માટે જવાબદાર માત્રને માત્ર હરિગીરી (Harigir) છે. મહેશગીરીએ જાહેરાત કરી છે કે જ્યાં સુધી હરિગીરી (Harigiri) ભવનાથ (Bhavnath Temple) અને ગિરનાર (Girnar) માંથી નહીં જાય ત્યાં સુધી તેઓ શાંતિથી નહીં બેસે. અખાડા હરિગીરી ચલાવે છે અને તે નક્કી કરે છે કોણ રહેશે અને કોણ નહીં રહે. તેના જ ચેલાઓ બેસે છે. અખાડામાં દારુ (liqueur) અને પોલીસે રેડ (Police Red) પાડી છે તે પણ વીડિયો છે. અખાડામાં વેશ્યા (Prostitute) ને લઈને આવે છે, શરમ કરો. સરકાર અને અધિયકારીઓ સમજી નથી શકતા કે શું શું થઈ રહ્યું છે. તમે આવા કામો કરી રહ્યા છો. મારા ગિરનારને અપવિત્ર કરે છે. હું સરકાર ને કહીશ કે આ પવિત્ર સ્થળ છે. હરિગીરીનું કંઈક જુઓ. સરકારની બદનામી થશે. જરાક તો વિચાર કરો. ભ્રષ્ટાચારીઓને બચાવવા આ બધાં નીકળી પડ્યાં છે.

90 ટકા સાધુઓ ડરથી બહાર નથી આવતાઃ મહેશગીરી

મહેશગીરીએ વધુમાં કહ્યું કે, “જો સરકાર યોગ્ય તપાસ કરે તો હરીગીરી બીજા દિવસે જેલમાં જાય એમ છે. હરીગીરી જેલમાં જશે તો લાખો સાધુ-સંતો રાજી થશે. હરીગીરી કોઈ મોટી તોપ નથી, ડરપોક છે, હરીગીરી અને પ્રેમગીરીની ગેંગના મોટા કૌભાંડ બહાર આવશે. જો હું કોર્ટમાં જઈશ તો બધાને તકલીફ પડશે. મોટા સાધુ-સંતોના ફોન આવ્યા કે હરીગીરી સમાધાન કરવા માંગે છે, અધર્મ સાથે શા માટે સમાધાન? અંબાજી મંદિરની દશનામ પરિવારનો અધિકાર છે, 25 પેઢીથી સેવા કરે છે.મહેશગીરીએ ગીરીશ કોટેચા (Girish Kotecha) પર પ્રહાર કરતા કહ્યું કે, લોહાણા જ્ઞાતિમાં ઘણા સારા લોકો છે. પણ આનાથી જૂનાગઢ (Junagadh) ને મુક્ત કરો. સમાધાન એક જ વાતે કરીશ કે હરીગીરી ગિરનાર છોડી દે. હરીગીરી એની ફૌજને પહેલા જૂએ. બહિષ્કાર તો હરીગીરીનો થવો જોઈએ. 90% અખાડાના સાધુ સંતો ડરથી બહાર આવતાં નથી.”

અખાડામાં બધાં અંગ્રેજી પાર્ટી કરે છે: મહેશગીરી

મહેશગીરીએ પ્રેસ કોન્ફરન્સમાં હરીગીરીના પાંચ પાપ ગણાવ્યા હતા. જેમાં તેમણે મહાકુંભમાં પેશવાઈ થાય છે પહેલી વખત એવું થયું કે પરંપરા તુટી જે પાપ છે. તનીયા લગાવવામાં ન આવી, અખાડાની ઈજ્જત ધૂળમાં મળી રહી છે. તપાસ કમિટી બેસાડીએ તો બધા અંગ્રેજી પાર્ટી કરે છે. મહેશગીરીએ વધુમાં કહ્યું કે, અખાડો શું હરીગીરીના બાપનો છે. શિવરાત્રીના મેળામાં હરીગીરીને આવવા દેવો કે નહીં એ હવે જૂનાગઢના લોકોને વિચાર કરવો પડશે. ઉત્તરપ્રદેશમાં જ્યારે બહેનો દીકરીઓની ઉપાડી જતાં હતા, ત્યારે દેશપ્રેમ ક્યાં હતો? નાગા સાધુને લઈને કેમ ન ગયા, હરીગીરીના દબાણમાં બોલવું પડે પણ હવે હું જે કરીશ એ તમે કલ્પના પણ નહીં કરી હોય, હું હજી એક ટકા જ બહાર આવ્યો છું.

મારા પર હુમલો થઈ શકે છેઃ મહેશગીરી

મહેશગીરીએ છેલ્લે જણાવ્યું હતું કે, એક એક સાધુ બહાર આવશે તો હરીગીરી એમને એમ જ સમાધિ લઈ લેશે. હું ભાગીશ નહીં આ ચેસ જેવું યુધ્ધ છે, 20 ફેબ્રુઆરીએ યજ્ઞ પુરો થશે એટલે આ બધા દુષ્ટોને ઉઘાડા પાડીશ, એનો વિનાશ કરીશ. હુમલો હરીગીરી મારી પર હુમલો કરાવી શકે છે. શિવરાત્રીનો મેળો બગાડી શકે છે. શિવરાત્રીના મેળામાં હરીગીરી જો કંઈ કરશે તો ઉત્તરનો પ્રત્યુતર આવશે.”

આ પણ વાંચો: મંદિર માટે બે સાધુઓ બાખડ્યા, અંતે બંનેને બાબાસાહેબનું બંધારણ યાદ આવ્યું!

ચાર દિવસ પહેલાની ઘટના છે

ઘટના 28મી જાન્યુઆરીની છે, જ્યારે પીડિત મહિલા એક વ્યક્તિના ઘરે હાજર હતી. એ દરમિયાન 15 લોકોના ટોળાએ ગેરકાયદે મંડળી રચી તેને ઘરમાંથી બહાર ખેંચી કાઢી હતી. આરોપીઓએ મહિલાને માર માર્યો હતો અને બાદમાં નિર્વસ્ત્ર કરીને બાઇક પાછળ સાંકળથી બાંધીને ગામમાં ફેરવી હતી. આરોપીઓએ આ સમગ્ર ઘટનાનો વીડિયો ઉતારી સોશિયલ મીડિયા પર વાઇરલ કરી દીધો હતો.

વાયરલ વીડિયોમાં જોવા મળે છે કે ટોળું આક્રમક રીતે મહિલાને ઘેરીને તેનાં કપડાં કાઢી નાખે છે. મહિલા આજીજી કરતી હોવા છતાં ટોળું નિર્દયતાથી સાંકળ વડે મહિલાને બાઇક પાછળ બાંધે છે અને નિર્વસ્ત્ર મહિલાને દોડાવી દોડાવીને ધોકા ફટકારે છે. પીડિત મહિલા હાંફી જાય છે અને આજીજી કરતી હોવા છતાં રોડ પર ઢસડવામાં આવે છે અને અપશબ્દો બોલી ગામમાં ફેરવવામાં આવે છે.

વીડિયો વાયરલ થતા પોલીસ એક્શનમાં આવી

આ વીડિયો વાઇરલ થતાં સ્થાનિક પોલીસ તરત જ ઘટનાસ્થળે પહોંચી હતી. પીડિત મહિલાએ પોલીસ સમક્ષ ફરિયાદ નોંધાવતાં પોલીસે 15 પૈકી 12 આરોપીની ધરપકડ કરીને આગળની કાર્યવાહી શરૂ કરી છે. જ્યારે અન્ય ત્રણની શોધખોળ ચાલુ છે. આ ઘટનાએ સમગ્ર જિલ્લામાં ચકચાર મચાવી દીધી છે.

આ મામલે દાહોદ એસપી રાજદીપસિંહ ઝાલાએ જણાવ્યું હતું કે, મીડિયાના માધ્યમથી આ ઘટનાની અમને જાણ થઈ હતી. એ પછી ડીવાયએસપી સહિતનો પોલીસ કાફલો ઘટનાસ્થળે પહોંચ્યો હતો. જ્યાં મહિલાને આરોપીઓએ તેના સસરાના ઘરે ગોંધી રાખી હતી તેનું રેસ્ક્યૂ કરાયું હતું. એજ સમયે 12 જેટલા આરોપીઓની ધરપકડ કરવામાં આવી હતી. જેમાં ચાર પુરુષ, ચાર મહિલા અને ચાર સગીરનો સમાવેશ થાય છે. તેમની સામે અપહરણ, ગેરકાયદેસર ગોંધી રાખવાનો, મહિલાને માર મારવાનો, તેમની ગરીમાને નુકસાન જાય એ પ્રકારનું કૃત્ય આચરવાનો અને ઇન્ફોરમેશન ટેક્નોલોજી એક્ટની કલમો હેઠળ ગુનો દાખલ કરવામાં આવ્યો છે. હજી ત્રણ આરોપીઓ ફરાર છે, જેમાં એક પુરુષ, એક મહિલા અને એક બાળ કિશોર છે. જેમની શોધખોળ ચાલુ છે. આ ઘટનાએ આદિવાસી વિસ્તારમાં ચકચાર મચાવી દીધી છે અને યુપી-બિહારની ટોળાશાહીની યાદ અપાવી દીધી છે.

આ પણ વાંચો: ભાજપ નેતાએ બંદૂક બતાવી, દલિત મહિલાને વાળ પકડી ઢસડી?

બઘેલ અને દલિત સમાજ વચ્ચે જમીનનો વિવાદ

ઈબ્રાહિમપુર-ભીમપુર ગામમાં બઘેલ (Baghel community) અને અનુસૂચિત જાતિના લોકો (Scheduled Caste) વચ્ચે ગામની જમીનને લઈને વિવાદ થયો છે. અહીં ગામની જમીનના બે પ્લોટ ખાલી પડેલા છે. 27 જાન્યુઆરીના રોજ, બઘેલ સમાજના લોકોએ એક પ્લોટ પર મંદિરનું બાંધકામ શરૂ કર્યું. અનુસૂચિત જાતિના લોકોએ આ અંગે પોલીસ અને વહીવટી અધિકારીઓને ફરિયાદ કરી. પોલીસ આવી અને મંદિરનું બાંધકામ અટકાવ્યું.

27 જાન્યુઆરીની રાત્રે, અનુસૂચિત જાતિના લોકોએ બીજા પ્લોટ પર આંબેડકરની પ્રતિમા સ્થાપિત (installed Ambedkar's statue) કરી. બઘેલ સમાજના લોકોએ તેનો વિરોધ શરૂ કર્યો. પ્રતિમાને હટાવવાની માંગણીઓ થવા લાગી. જ્યારે અનુસૂચિત જાતિ સમાજના લોકોને લાગ્યું કે પોલીસ બાબાસાહેબની પ્રતિમાને હટાવી શકે છે, ત્યારે સમાજના લોકોના ટોળાએ પ્રતિમા સ્થળને ઘેરી લીધું અને બેસી ગયા. અધિકારીઓએ લોકોને સમજાવીને પ્રતિમા હટાવવાનો પ્રયાસ કર્યો પરંતુ લોકો તૈયાર નહોતા. જેના કારણે ગામમાં પણ તણાવ વધી ગયો હતો.

ટોળું બેકાબૂ બન્યું

28 જાન્યુઆરીના રોજ સાંજે લગભગ 6:30 વાગ્યે, પોલીસે અહીંથી પ્રતિમાને હટાવી અને તેને લઈ જવા લાગ્યા. જેને લઈને બે દિવસથી પ્રતિમા સ્થળની આસપાસ બેઠેલા લોકો ગુસ્સે ભરાયા અને પોલીસ પર પથ્થરમારો કર્યો. ત્યારે પોલીસકર્મીઓની સંખ્યા ઓછી હતી, તેથી તેઓ ભીડને રોકી શક્યા નહીં અને ભાગીને પોતાનો જીવ બચાવ્યો. પોલીસકર્મીઓ તેમના ગાડીઓ અને બાઈક ત્યાં જ મૂકીને ભાગી ગયા. ટોળાએ ટુ-વ્હીલરોને આગ ચાંપી દીધી હતી અને ફોર-વ્હીલર વાહનોમાં તોડફોડ કરી હતી.

ઘટનાની જાણ થતા પોલીસ બોલાવવી પડી

ઘટનાની જાણ થતા નજીકના પોલીસ સ્ટેશનની પોલીસને તાત્કાલિક બોલાવવામાં આવી. અંધાધૂંધી વધતાં, અલીગઢ-ગોંડા રોડ પર ટ્રાફિકજામ થઈ ગયો. ભીડને કાબુમાં લેવા માટે પોલીસે ટીયર ગેસના સેલ છોડવા પડ્યા હતા. લગભગ છ રાઉન્ડ હવાઈ ગોળીબાર પણ થયો. બાદમાં પોલીસે ગામમાં સર્ચ ઓપરેશન હાથ ધર્યું. મોટાભાગના લોકો પોતાના ઘરોને તાળાં મારીને ચાલ્યા ગયા હતા. ગામમાં ભારે પોલીસ બંદોબસ્ત ગોઠવી દેવામાં આવ્યો છે. એસએસપી સંજીવ સુમન કહે છે કે બદમાશોની ધરપકડ માટે દરોડા પાડવામાં આવી રહ્યા છે. ગામમાં ફોર્સ તૈનાત કરવામાં આવી છે.

પોલીસે શું કહ્યું

પોલીસે મીડિયાને જણાવ્યું કે રોરાવર પોલીસ સ્ટેશનના ભીમપુર ગામમાં 26 જાન્યુઆરીથી આ મામલો ચાલી રહ્યો હતો. મામલો સરકારી જમીન પર મંદિર અને ડો.આંબેડકરની પ્રતિમા લગાવવાનો હતો. પહેલા બઘેલ સમાજે મંદિર બનાવવાનું શરૂ કર્યું હતું, જે જોઈને અનુસૂચિત જાતિ સમાજે બાજુની ખાલી જમીન પર ડો.આંબેડકરની પ્રતિમા લગાવવી શરૂ કરી હતી. તે પહેલાં પોલીસ સ્ટેશન દ્વારા કામ બંધ કરી દેવામાં આવ્યું. તે અડધું બંધાયેલું હતું. બે-ત્રણ દિવસમાં તેમણે રાત્રે જ એક પ્રતિમા સ્થાપિત કરી. ત્યારથી ફોર્સ ઘટનાસ્થળે હાજર છે. વિવિધ સ્તરે વાટાઘાટો થઈ છતાં ઘટના બની હતી. 28 જાન્યુઆરીના રોજ, તેમનું એક પ્રતિનિધિમંડળ ડીએમ અને એસએસપી સાથે વાત કરવા ગયું.

નિયમો હેઠળ કોઈપણ સરકારી જમીન પર કોઈ બાંધકામ કરી શકાતું નથી; પ્રતિમા પણ સ્થાપિત કરી શકાતી નથી. જ્યારે બીજા પક્ષ સાથે વાતચીત થઈ, ત્યારે તેમણે કહ્યું કે બઘેલ પક્ષ દ્વારા મંદિર બનાવવામાં આવી રહ્યું છે. તે મંદિરની જગ્યાએ બાઉન્ડ્રી વોલ બનાવી રહ્યો હતો. તેને પણ  બાંધવાની મંજૂરી આપવામાં આવી નહોતી અને બાબાસાહેબની પ્રતિમા પણ સ્થાપિત કરવાની મંજૂરી આપવામાં આવશે નહીં. ડીએમ અને એસએસપી સાથેની વાતચીત બાદ બંને પક્ષો સંમત થયા હતા.

છેલ્લાં બે દિવસથી મામલો ગરમાયેલો હતો

આ લગભગ બે દિવસથી ચાલી રહ્યું હતું અને જ્યારે સાંજે પોલીસ પ્રતિમા હટાવવા ગઈ ત્યારે ત્યાં હાજર મહિલાઓ અને લોકોએ તેમના પર પથ્થરમારો કર્યો. ત્રણ-ચાર સ્કૂટરોને આગ ચાંપી દેવામાં આવી. બે પોલીસકર્મીઓ ઘાયલ થયા અને તેમને સારવાર માટે મોકલવામાં આવ્યા હતા. પ્રતિમા હવે દૂર કરવામાં આવી છે, સ્થળ પર પૂરતો પોલીસ ફોર્સ હાજર છે. પરિસ્થિતિ સંપૂર્ણ નિયંત્રણમાં છે. માત્ર ૧૫ મિનિટ માટે જ અંધાધૂંધી સર્જાઈ હતી. આ ઘટનામાં પૂર્વ સરપંચ અને હાલના સરપંચને પોલીસ કસ્ટડીમાં લેવામાં આવ્યા હતા. આખી ઘટના સ્થાનિક રાજકારણથી પ્રેરિત હોવાનું લાગી રહ્યું છે.

કલેક્ટરે શું કહ્યું

અલીગઢના કલેક્ટર સંજીવ રંજને જણાવ્યું હતું કે, એક સ્પષ્ટ નિયમ છે કે ગ્રામ પંચાયતની જમીન પર આ રીતે કોઈપણ મહાપુરુષની પ્રતિમા કે અન્ય કોઈ પ્રતિમા સ્થાપિત કરી શકાતી નથી. આ વાત ગામલોકોને અને તેમના નેતાઓને વારંવાર સમજાવવામાં આવી હતી. એ જ ક્રમમાં, તેમને સતત વાતચીત દ્વારા માહિતી આપવામાં આવી હતી. અમે નીચેના લેવલના અધિકારીઓની બેદરકારી અને સમયસર જાણ ન કરવાના મામલાની તપાસ કરી રહ્યાં છીએ. જે કોઈ જવાબદાર હશે તેમની સામે કાર્યવાહી કરવામાં આવશે.

આ પણ વાંચો: દેશભરમાં ડો.આંબેડકરની પ્રતિમાઓ પર થઈ રહેલા હુમલા શું સૂચવે છે?

આ દરમિયાન મહિલાએ નગરપાલિકામાં અરજી કરી અને પોતાના ૨૦૦૧માં જન્મેલા બાળકના પિતાનું નામ બદલવા માગ કરી અને દાવો કર્યા કે તેના મૂળ પિતા કોઇ અન્ય પુરુષ છે. જો કે પાલિકાએ અરજી ઠુકરાવી દીધી. બાદમાં સ્થાનિક કોર્ટમાં અપીલ કરાઇ, કોર્ટે બાયોલોજિકલ પિતાનો ડીએનએ ટેસ્ટ કરાવવા આદેશ આપ્યો, જેને બાયોલોજિકલ પિતાએ હાઇકોર્ટમાં પડકાર્યો. હાઇકોર્ટે પ્રાઇવસીના અધિકારને માન્ય રાખીને ડીએનએ ટેસ્ટ ના પાડી દીધી. સાથે જ કહ્યું કે પેટરનિટી ટેસ્ટનો આદેશ ત્યારે જ આપી શકાય જ્યારે એ સાબિત થાય કે પતિ-પત્ની વચ્ચે કોઇ સંપર્ક નહોતો. તેથી હાઇકોર્ટના ચુકાદાને બાદમાં પુત્ર દ્વારા સુપ્રીમ કોર્ટમાં પડકારવામાં આવ્યો. જો કે સુપ્રીમ કોર્ટે પણ હાઇકોર્ટના ચુકાદાને યોગ્ય ઠેરવ્યો હતો.

સુપ્રીમમાં યુવકે દલીલ કરી હતી કે તેના મૂળ પિતા કોણ છે તે જાણવા ડીએનએ ટેસ્ટ જરૂરી છે, આ મારો અધિકાર છે. જો કે જેનો ડીએનએ ટેસ્ટ કરાવવાની માગ થઇ હતી તેણે પુત્રની આ માગનો વિરોધ કર્યો હતો અને દાવો કર્યો હતો કે ડીએનએ ટેસ્ટથી મારી પ્રાઇવેસીનો ભંગ થશે.

સુપ્રીમ કોર્ટે નોંધ્યું હતું કે જ્યારે પુત્રનો જન્મ થયો ત્યારે મહિલા પોતાના પતિ સાથે એક ઘરમાં રહેતી હતી, આ દરમિયાન અન્ય કોઇ પુરુષ સાથે સંબંધથી પણ જો કોઇ બાળકનો જન્મ થાય તો તેવુ ના માની લેવાય કે મહિલા અને તેના પતિ વચ્ચે કોઇ સંબંધ નહોતો. એવુ માની પણ લઇએ કે મહિલા લગ્નેત્તર સંબંધમાં હતી અને તેનાથી જ બાળકનો જન્મ થયો તો પણ આ દલીલ પૂર્ણ નથી. કોઇ એક કે તેથી વધુ સાથે સંપર્ક હોવાથી સાબિત નથી થતું કે મહિલાનો તેના પતિ સાથે કોઇ સંબંધ નહોતો. તેથી યુવકને તેના કાયદેસર પિતાનો જ પુત્ર માનવામાં આવે. આ મામલામાં મહિલાની શાખ, ડીએનએ ટેસ્ટ ના કરાવવાનો પ્રાઇવેસીનો અધિકાર વગેરેને ધ્યાનમાં રાખીને સુપ્રીમે આ ચુકાદો આપ્યો હતો.

આ પણ વાંચો: પતિ દલિત-પત્ની બિનદલિત હોય તો તેમના સંતાનોને અનામત મળે?

મહા કુંભ મેળા અધિકારી વિજય કિરણ આનંદ સાથે પ્રેસ કોન્ફરન્સ માટે પહોંચેલા ડીઆઈજીએ કોઈ પ્રશ્નનો જવાબ આપ્યો ન હતો પરંતુ કહ્યું હતું કે રાત્રે 1 થી 2 વાગ્યાની વચ્ચે અખાડા માર્ગ પર ભારે ભીડનું દબાણ હતું. મૌની અમાવસ્યા પર મોટી સંખ્યામાં લોકો સ્નાન કરવા માટે પહોંચ્યા હતા. દબાણને કારણે બેરિકેડિંગ તૂટી ગયું અને સંગમમાં પ્રવેશેલી ભીડે સ્નાન કરવા માટે રાહ જોઈ રહેલા લોકોને કચડી નાખવાનું શરૂ કરી દીધું. ત્યાંથી કુલ 90 લોકોને હોસ્પિટલમાં લઈ જવામાં આવ્યા હતા. જેમાંથી 30 લોકોના મોત થયા હતા. કેટલાક ઘાયલોને લઈને સંબંધીઓ ચાલ્યા ગયા છે. અહીં 36 ઘાયલોની સારવાર ચાલી રહી છે.

આ પણ વાંચો: પ્રયાગરાજમાં મહાકુંભની બેઠકમાં સંતો-મહંતો વચ્ચે ઢીંકાપાટુ-લાફાવાળી થઈ

ડીઆઈજીએ જણાવ્યું કે ઓળખાયેલા 25 લોકોમાંથી ચાર કર્ણાટકના છે. એક-એક ગુજરાત અને આસામનો છે. તેમણે કહ્યું કે એક હેલ્પલાઇન પણ બનાવવામાં આવી છે. તેનો નંબર ૧૯૨૦ છે. જો કોઈ ગુમ થયું હોય, તો તેની માહિતી આ નંબર પર મેળવી શકાય છે. ડીઆઈજીએ એ પણ સ્પષ્ટતા કરી કે આજે કોઈ વીઆઈપી પ્રોટોકોલ નહોતો. તેમણે કહ્યું કે સરકારે પહેલાથી જ કડક સૂચના આપી દીધી છે કે કોઈ VIP પ્રોટોકોલ નહીં હોય. તેમણે કહ્યું કે ભવિષ્યમાં પણ કોઈપણ સ્નાન ઉત્સવ પર કોઈ VIP પ્રોટોકોલ રહેશે નહીં.

આ પ્રેસ કોન્ફરન્સના થોડા કલાકો પહેલા જ ડીઆઈજીએ અકસ્માત માટે બીજું કોઈ કારણ જણાવ્યું હતું. તે સમયે ડીઆઈજીએ કહ્યું હતું કે સ્થળ પર હાજર પોલીસકર્મીઓના મતે ભીડનું દબાણ વધતાં ચેન્જિંગ રૂમનો દરવાજો ભીડ પર પડ્યો હતો. એ પછી જ નાસભાગ મચી ગઈ હતી. જોકે, હવે ડીઆઈજીએ જે કારણ આપ્યું છે તે જ કારણ મંગળવારે સવારે સીએમ યોગીએ પણ આપ્યું હતું. સીએમ યોગીએ કહ્યું હતું કે બેરિકેડિંગ તૂટવાને કારણે ભાગદોડ મચી હતી.

ભાગદોડની ઘટના બાદ અખાડા પરિષદે શાહી સ્નાન પણ રદ કર્યું હતું. પરંતુ બાદમાં, સીએમ યોગીની મહામંડલેશ્વરો સાથેની વાતચીત બાદ શાહી સ્નાનનો નિર્ણય લેવામાં આવ્યો. એ પછી નક્કી કરેલા સમયપત્રક મુજબ, નાગા સાધુઓ અને સંતોએ શાહી સ્નાન કર્યું.

આ પણ વાંચો: જો કુંભ મેળામાં નાસભાગ થશે તો ભગવાનની ધરપકડ થશે?

જેલમાંથી બહાર આવતી વખતે કડક સુરક્ષા વ્યવસ્થા 

ગુરમીત રામ રહીમને મંગળવારે સવારે 5:26 વાગ્યે ગુપ્ત રીતે જેલમાંથી બહાર કાઢવામાં આવ્યો ત્યારે કડક સુરક્ષા વ્યવસ્થા ગોઠવવામાં આવી હતી. આ પહેલી વાર છે જ્યારે તેમને સિરસાના ડેરામાં જવાની મંજૂરી આપવામાં આવી છે. અગાઉ, રામ રહીમને તેમના આશ્રમની બહાર અન્ય કોઈ જગ્યાએ જવાની મંજૂરી નહોતી.

Gurmeet Ram Rahim નો યુટ્યુબ પર સંદેશ

પેરોલ પર મુક્ત થયા બાદ ગુરમીત રામ રહીમે (Gurmeet Ram Rahim) તેની યુટ્યુબ ચેનલ પર એક સંદેશ જાહેર કર્યો. આમાં તેણે પોતાના અનુયાયીઓને સિરસા ન આવવા અને ડેરાના સેવકો દ્વારા આપવામાં આવેલી સૂચનાઓનું પાલન કરવા વિનંતી કરી હતી. રામ રહીમે પોતાના અનુયાયીઓને જણાવ્યું કે આ વખતે તે સિરસા સ્થિત આશ્રમમાં રહેશે અને કોઈને મળવા જશે નહીં.

ચૂંટણી વખતે જ મળતા પેરોલને લઈને વિવાદ

Gurmeet Ram Rahim ની આ છેલ્લાં 12 મહિનામાં ચોથી પેરોલ છે. 2017 માં તેને દોષિત ઠેરવવામાં આવ્યા પછી આ તેની કુલ 16મી મુક્તિ છે. છેલ્લા કેટલાક વર્ષોમાં તેને મળતા પેરોલમાં એક ચોક્કસ પેટર્ન જોવા મળી રહી છે અને તે મુજબ જ્યારે પણ ઉત્તર ભારતના કોઈ રાજ્યમાં ચૂંટણી હોય ત્યારે તેને પેરોલ પર છોડવામાં આવે છે. પછી ભલે તે મ્યુનિસિપલ ચૂંટણી હોય કે રાજ્ય વિધાનસભાની ચૂંટણી. રામ રહીમને ચૂંટણી દરમિયાન પેરોલ આપવાની જાણે એક પરંપરા બની ગઈ છે.

રામ રહીમનો વિવાદાસ્પદ ઇતિહાસ અને જેલમાંથી મુક્તિ

Gurmeet Ram Rahim ને 2017 માં તેની બે મહિલા અનુયાયીઓ પર બળાત્કારના આરોપસર દોષી ઠેરવવામાં આવ્યો હતો અને તેને 20 વર્ષની જેલની સજા ફટકારવામાં આવી હતી. જોકે, મે મહિનામાં, હરિયાણા હાઈકોર્ટે તેને અને અન્ય ચાર દોષિતોને 2002માં ડેરા સચ્ચા સૌદાના ભૂતપૂર્વ મેનેજર રણજીત સિંહની હત્યા કેસમાં નિર્દોષ જાહેર કર્યા હતા. રામ રહીમની મુક્તિ અને પેરોલના કેસ ઘણીવાર વિવાદાસ્પદ રહ્યાં છે, ખાસ કરીને ચૂંટણી દરમિયાન તેને મળતા પેરોલને લઈ અનેક સવાલો ઉઠતા રહ્યાં છે. આ વખતે દિલ્હી વિધાનસભાની ચૂંટણીના એક અઠવાડિયા પહેલા તેને પેરોલ મળ્યાં છે.

Gurmeet Ram Rahim ના પેરોલ પર વિવાદ અને રાજકીય અસર

રામ રહીમ (Gurmeet Ram Rahim)નો હરિયાણા અને પંજાબમાં મોટો રાજકીય પ્રભાવ છે. તેના પેરોલ અને ફર્લોના મામલાઓ અંગે ઘણીવાર પ્રશ્નો ઉભા થયા છે, ખાસ કરીને જ્યારે તે ચૂંટણી સમયે બને છે. ખાસ કરીને ભાજપને મદદ કરવા માટે તેને ચૂંટણીમાં પેરોલ આપવામાં આવતા હોવાની ચર્ચા થતી રહે છે. આ વવખતે Gurmeet Ram Rahimને દિલ્હી વિધાનસભા ચૂંટણીના આઠ દિવસ પહેલા મુક્ત કરવામાં આવ્યો છે. અગાઉ, તેને ગયા વર્ષે ઓક્ટોબરમાં હરિયાણા વિધાનસભા ચૂંટણીના ત્રણ દિવસ પહેલા 20 દિવસના પેરોલ આપવામાં આવ્યા હતા. જાન્યુઆરીમાં લોકસભા ચૂંટણી પહેલા તેમને ૫૦ દિવસ માટે મુક્ત કરવામાં આવ્યો હતો. ગયા વર્ષે પણ ૧૩ ઓગસ્ટે તેને ૨૧ દિવસ માટે જેલમાંથી મુક્ત કરવામાં આવ્યો હતો. હરિયાણા પંચાયત ચૂંટણી પહેલા જુલાઈ 2023માં તેને 30 દિવસના પેરોલ મળ્યા હતા. 2020 પછી આ 12મી વખત છે જ્યારે તેને જેલમાંથી કામચલાઉ ધોરણે જેલમાંથી મુક્ત કરવામાં આવી રહ્યા છે.

આ પણ વાંચો: યુપીના હાથરસમાં સત્સંગમાં ભાગદોડ થતા ૧૨૦થી વધુના મોત

Mahakumbh 2025 માં મંગળવારે રાત્રે સંગમ નગરીમાં ભીડના દબાણને કારણે ભાગદોડ મચી ગઈ છે. અત્યાર સુધીમાં તેમાં 14 લોકોના મોત થયાના સમાચાર છે. જોકે, હજુ સુધી તેની સત્તાવાર પુષ્ટિ થઈ નથી.

સૂત્રોનું કહેવું છે કે મૃત્યુઆંક વધુ હોઈ શકે છે. આ ઘટના પછી, NSG કમાન્ડોએ મોરચો સંભાળી લીધો છે. સંગમ નોઝ વિસ્તાર સામાન્ય લોકો માટે સીલ કરી દેવામાં આવ્યો છે. મેળાના તંત્રની વિનંતી પર, બધા ૧૩ અખાડાઓએ અમૃત સ્નાન રદ કર્યું છે. ભાગદોડ પછી Mahakumbh ની હોસ્પિટલો ઘાયલ લોકોથી ભરાઈ ગઈ છે. ઘાયલોને લઈ જતી એમ્બ્યુલન્સની લાંબી કતાર છે. સમગ્ર વહીવટીતંત્ર રાહત અને બચાવ કાર્યમાં વ્યસ્ત છે. આ અકસ્માત રાત્રે લગભગ 2 વાગ્યે સંગમ બીચ નજીક થયો.

આ અકસ્માતમાં અત્યાર સુધીમાં ઘણા લોકોના મોત થયા છે. આધારભૂત સુત્રોના મતે 17 મૃતદેહોને પોસ્ટમોર્ટમ માટે સ્વરૂપ રાની હોસ્પિટલમાં લાવવામાં આવ્યા છે. જોકે, વહીવટીતંત્ર દ્વારા મૃત્યુ કે ઈજા અંગે કંઈ કહેવામાં આવ્યું નથી. મેળા પ્રશાસનની વિનંતી પર, બધા ૧૩ અખાડાઓએ અમૃત સ્નાન રદ કર્યું છે. 

આ ઘટના એક અફવાને કારણે બની હતી. એવું કહેવામાં આવી રહ્યું છે કે કેટલીક મહિલાઓ જમીન પર પડી ગઈ. તે ઉભી થાય તે પહેલાં જ કેટલાક લોકો તેને કચડીને પસાર થયા. આ પછી મેળા વિસ્તારમાં નાસભાગ મચી ગઈ. આ ઘટના બાદ, NSG કમાન્ડોએ ચાર્જ સંભાળી લીધો છે. સંગમ નોઝ વિસ્તાર સામાન્ય લોકો માટે સીલ કરી દેવામાં આવ્યો છે. અહીં ફક્ત સાધુઓને જ સ્નાન કરવાની મંજૂરી છે.

આ પણ વાંચોઃ કુંભમેળામાં ભીષણ આગ લાગી, 20થી વધુ ટેન્ટ ખાક

દિલ્હી વિધાનસભા ચૂંટણી 2025 (Delhi Assembly Elections 2025) ના આંકડાઓ પર નજર કરીએ તો અહીંની 70 વિધાનસભા બેઠકોમાંથી 12 અનુસૂચિત જાતિ (SC) માટે અનામત છે. એટલું જ નહીં દિલ્હીમાં લગભગ 17% દલિત મતદારો છે. આમાં ૩૮% જાટવ અને ૨૧% વાલ્મીકી સમાજના લોકોનો સમાવેશ થાય છે, જે દિલ્હીના રાજકારણ પર સીધો પ્રભાવ પાડે છે. ઇતિહાસ સાક્ષી છે કે દિલ્હીમાં ફક્ત તે જ પક્ષ સત્તા પર આવ્યો છે જેણે આ 12 અનામત બેઠકો પર સારો દેખાવ કર્યો હતો. ૨૦૨૦ અને ૨૦૧૫ની ચૂંટણીમાં આમ આદમી પાર્ટી (AAP) એ આ બધી બેઠકો જીતીને સાબિત કર્યું હતું કે આ બેઠકો જીતવી એ સત્તાની ચાવી છે. પરંતુ પ્રશ્ન એ છે કે શું આ અનામત બેઠકોના મતદારો ફક્ત "ચૂંટણીનું શસ્ત્ર" બની ગયા છે?

દરેક પક્ષે દલિતોને આકર્ષવા માટે મોટા મોટા વચનો આપ્યા

દલિત મતદારોને આકર્ષવા માટે તમામ પક્ષોએ મોટી મોટી જાહેરાતો કરી છે. સત્તાધારી AAP એ ઘણી જાહેરાતો કરી છે, જેમાં આંબેડકર શિષ્યવૃત્તિ યોજના, વિદેશમાં અભ્યાસ કરવા માંગતા દલિત વિદ્યાર્થીઓના શિક્ષણ માટે ભંડોળ પૂરું પાડવાનું વચન અને સફાઈકર્મીઓ માટે આવાસ યોજનાનો સમાવેશ થાય છે. પરંતુ શું છેલ્લા 10 વર્ષના શાસન દરમિયાન આ વચનો પૂરા થયા? વાસ્તવિકતા એ છે કે ઝૂંપડપટ્ટીમાં રહેતા સફાઈ કામદારો હજુ પણ મૂળભૂત સુવિધાઓથી વંચિત છે. દલિત વસાહતોમાં દિલ્હી સરકારના ઘણા મોહલ્લા ક્લિનિક હજુ પણ અધૂરા છે.

ભાજપે આ વખતે ૧૪ દલિત ઉમેદવારોને મેદાનમાં ઉતાર્યા છે અને ૫ રૂપિયામાં ભોજન પૂરું પાડવા માટે "અટલ કેન્ટીન યોજના" જેવી યોજનાઓનું વચન આપ્યું છે. પરંતુ ભાજપ માટે આ ચૂંટણી ખોવાયેલી જમીન પાછી મેળવવાનો પડકાર છે, કારણ કે પાર્ટી છેલ્લી બે ચૂંટણીઓમાં એક પણ અનામત બેઠક જીતી શકી નથી. ૧૯૯૩માં ૮ બેઠકો જીતનાર ભાજપનું પ્રદર્શન ધીમે ધીમે ઘટતું ગયું. ઝૂંપડપટ્ટીમાં રહેતા દલિતો માટે વચનો આપવામાં આવ્યા હતા, પરંતુ તેમના માટે કોઈ નક્કર નીતિ લાગુ કરવામાં આવી ન હતી.

કોંગ્રેસે તેના 15 વર્ષના શાસનમાં દિલ્હીને વિકાસના માર્ગે ચોક્કસ લાવ્યું, પરંતુ દલિત વસાહતો માટે કાયમી રોજગાર, શિક્ષણ અને સ્વચ્છતાના મામલામાં નિષ્ફળ ગઈ. કોંગ્રેસ 2020 અને 2015 માં એક પણ બેઠક જીતી શકી નહીં, અને દલિત સમાજ તેનાથી નિરાશ થઈ ગયો.

દલિત બહુમતી ધરાવતા વિસ્તારોની અવગણના

દિલ્હીના ૧૮ દલિત બહુમતી ધરાવતા વિધાનસભા મત વિસ્તારોમાં સ્વચ્છતા, પાણી અને રોજગારની સમસ્યાઓ હજુ પણ યથાવત છે. ત્રિલોકપુરી, બવાના, સીમાપુરી જેવા વિસ્તારોમાં લોકો હજુ પણ મૂળભૂત સુવિધાઓ માટે સંઘર્ષ કરી રહ્યા છે. ચૂંટણી વર્ષમાં રાજકીય પક્ષો અહીં મોટા મોટા વચનો આપે છે પરંતુ ચૂંટણી જીત્યા પછી તેઓ આ વિસ્તારોની કાળજી લેતા નથી.

"અમારો મત ફક્ત વચનો માટે નથી" દલિતોની સ્પષ્ટતા

ત્રિલોકપુરીની સુનિતા દેવી કહે છે, “અમારા ઘરોમાં પાણી નથી, સફાઈ કામદારો હજુ પણ ગટરમાં પોતાના જીવ ગુમાવી રહ્યા છે, અને સરકાર ફક્ત વચનો આપે છે. તેઓ મત માંગવા આવે છે, પણ કોઈ કામ કરતું નથી. ઘડોલીના રામપ્રસાદ કહે છે, “દરેક ચૂંટણીમાં આપણે ફક્ત વચનો જ સાંભળીએ છીએ. આપણને હવે એવા નેતાની જરૂર છે જે આપણા વિસ્તારોને વધુ સારા બનાવે.

શું દલિતો ફક્ત 'વોટ બેંક' બની ગયા છે?

દિલ્હીના રાજકારણમાં દલિત મતદારોનું મહત્વ ફક્ત ચૂંટણી વર્ષમાં જ દેખાય છે. આમ આદમી પાર્ટી, ભાજપ અને કોંગ્રેસ આ બધા જ આ વિસ્તારોમાં ઘણા બધા વચનો આપે છે પરંતુ જમીની સ્તરે પરિસ્થિતિ એવી જ રહે છે. દલિતો માટે રોજગાર, શિક્ષણ અને સામાજિક સમાનતા તરફ નક્કર પગલાં લેવાને બદલે, તેમને ફક્ત વોટબેંક તરીકે ગણવામાં આવે છે. આજે પણ દિલ્હીની અનામત બેઠકો અને દલિત બહુમતી ધરાવતા વિસ્તારોમાં મૂળભૂત સુવિધાઓનો અભાવ છે.

શું દલિતો કોઈ મોટો નિર્ણય લેશે?

૨૦૨૫ની ચૂંટણીમાં દલિત સમાજની ભૂમિકા નિર્ણાયક રહેશે. પણ આ વખતે તેઓ વચનો પર નહીં, કામ પર મત આપશે. જો રાજકીય પક્ષો તેમની વ્યૂહરચના નહીં બદલે અને દલિતોના મુદ્દાઓને ગંભીરતાથી નહીં લે, તો દલિત મતદારો આ પક્ષોને ચોક્કસ પાઠ ભણાવશે. હવે માત્ર ઓફિસોમાં ડો.આંબેડકરનો ફોટો રાખવાથી દલિતો રાજી નહીં થઈ જાય. તેમને તેમના મતોની ટકાવારી મુજબ સત્તામાં ભાગ જોઈએ છે. એવામાં જોવાનું એ રહેશે કે દિલ્હીના દલિત મતદારો સત્તાની ચાવી કોના હાથમાં સોંપે છે.

આ પણ વાંચો: કેજરીવાલથી નારાજ દિલ્હીના 17 ટકા દલિત મતદારોના મનમાં શું ચાલી રહ્યું છે?

'જય બાપુ, જય ભીમ, જય સંવિધાન' રેલીમાં ખડગેએ કહ્યું, “તેઓ બાબા સાહેબ વિશે અફવાઓ ફેલાવી રહ્યા છે, હું દરરોજ અખબારમાં તે જોઉં છું. પણ બાબા સાહેબે પોતે એક પત્ર લખ્યો હતો, હું તમને એ બતાવી રહ્યો છું. તેમણે આ વાત તેના મિત્ર કમલકાંતને લખી હતી. ડૉ. આંબેડકર  લખે છે - મારી હારમાં એસ.એ. ડાંગે અને સાવરકર સિવાય બીજા કોઈનો હાથ નહોતો, તેમણે કાવતરું ઘડીને મને હરાવ્યો. આ પત્ર વાંચો તેનાથી ઘણાં ભ્રમ દૂર થશે.” ખડગેએ ભાજપ પર પ્રહાર કરતા કહ્યું કે, “તમે કેટલું બધું જૂઠું બોલો છો, બાબાસાહેબે પોતે પોતાના હાથે લખ્યું છે, તે ટાઈપ કરેલું નથી.”

વર્ષ 1952ની ચૂંટણીમાં શું થયું હતું”

ઉલ્લેખનીય છે કે ૧૯૫૨ની લોકસભા ચૂંટણીમાં ડૉ.આંબેડકર(Dr.Ambedkar)ને બોમ્બે નોર્થ બેઠક પરથી નારાયણ સદોબા કાજરોલકર (Narayan Sadoba Kajrolkar) જેવા સામાન્ય ઉમેદવાર સામે હારનો સામનો કરવો પડ્યો હતો. કાજરોલકર, જે એક સમયે આંબેડકરના સહયોગી હતા, તેમને કોંગ્રેસ પાર્ટીએ તેમની સામે ઉમેદવાર બનાવ્યા હતા. સ્વતંત્રતા પછી પંડિત જવાહરલાલ નેહરુ (Pandit Jawaharlal Nehru) ના નેતૃત્વ હેઠળ રચાયેલી વચગાળાની સરકારમાં બંધારણના ઘડવૈયા બાબા સાહેબ આંબેડકર કાયદા અને ન્યાય મંત્રી (Minister of Law and Justice) હતા, પરંતુ વડા પ્રધાન સાથે નીતિગત મુદ્દાઓ પર મતભેદો બાદ તેમણે કોંગ્રેસ પાર્ટીમાંથી રાજીનામું આપી દીધું. ભાજપ ઘણીવાર આ મુદ્દા પર કોંગ્રેસ પાર્ટી પર નિશાન સાધે છે.

તાજેતરમાં, સંસદના શિયાળુ સત્રમાં, ભાજપે આ મુદ્દો જોરદાર રીતે ઉઠાવ્યો હતો અને કોંગ્રેસ પર આંબેડકરનું અપમાન કરવાનો આરોપ લગાવ્યો હતો. કેન્દ્રીય મંત્રી કિરેન રિજિજુએ કહ્યું હતું કે જ્યારે બાબા સાહેબ જીવિત હતા, ત્યારે કોંગ્રેસ પાર્ટીએ તેમનું ખૂબ અપમાન કર્યું હતું.

લોકસભામાં વિપક્ષના નેતા રાહુલ ગાંધી (Rahul Gandhi) એ ભાજપ અને RSS પર ડૉ. આંબેડકર અને તેમના દ્વારા બનાવવામાં આવેલા બંધારણનું અપમાન કરવાનો આરોપ લગાવ્યો. તેમણે પક્ષના કાર્યકરોને સત્તામાં રહેલા લોકોથી બંધારણને બચાવવા માટે કામ કરવા કહ્યું. રાહુલ ગાંધીએ એવી પણ જાહેરાત કરી હતી કે કોંગ્રેસ કેન્દ્રમાં સત્તામાં આવ્યા પછી ટૂંક સમયમાં દેશવ્યાપી જાતિ વસ્તી ગણતરી કરશે. તેમણે એમ પણ કહ્યું કે કોંગ્રેસ 50 ટકા અનામત મર્યાદા નાબૂદ કરશે અને લોકસભા અને રાજ્યસભા બંનેમાં આ સંદર્ભમાં કાયદો રજૂ કરશે.

આ પણ વાંચો: જ્યારે ડૉ.આંબેડકરને હરાવવા નહેરૂએ તેમના PA ને જ ચૂંટણીમાં ઉતાર્યો?

દેશભરમાં આજે 76માં પ્રજાસત્તાક દિવસની ઉજવણી કરવામાં આવી રહી હતી ત્યારે ગુજરાતના બનાસકાંઠાના ભાભરમાં નગરપાલિકા ખાતે યોજાયેલા પ્રજાસત્તાક પર્વના કાર્યક્રમ દરમિયાન ભાજપના પ્રદેશ મંત્રીએ જાહેર મંચ પરથી અનામતનો વિરોધ કરીને કહ્યું કે, 'અનામત માથાનો દુખાવો બની રહી છે'

બનાસકાંઠાના ભાભરના આઝાદ ચોક ખાતે પ્રજાસત્તાક દિવસની ઉજવણીમાં જિલ્લાના ભાજપ પ્રદેશ મંત્રી નૌકાબહેન પ્રજાપતિએ જાહેર મંચ પરથી અનામતને લઈને આપેલા નિવેદન આપતા કહ્યું કે, 'તૃષ્ટીકરણની રાજનીતિ અને વોટ બેંકની નીતિના આધારે અનામતને આજે પણ આપણે દૂર કરી શક્યા નથી. અનામત માથાનો દુખાવો બની રહી છે. દેશમાં આપણું આર્થિક સ્તર સુધરીને 5માં સ્થાને જઈ રહ્યું છે. દેશની પ્રોપર્ટી-મિલકત આપણી જ છે મિત્રો, ભારતના નાગરિક તરીકે આપણી શું ફરજ હોઈ શકે. રાષ્ટ્રભક્તિ ફક્ત 15મી ઓગસ્ટ કે 26માં જાન્યુઆરી નહીં પરંતુ આપણા અંદર દેશ પ્રત્યેની નિષ્ઠા હોવી જોઈએ.'

એક તરફ ભાજપ કહેતુ આવ્યું છે કે, દેશમાં બંધારણ છે ત્યાં સુધી અનામતને કોઈ હટાવી નહીં કરી શકે. બીજી તરફ, પ્રજાસત્તાક દિવસે જ ભાજપના આ મહિલા નેતાની અનામત હટાવી દેવાના નિવેદનને કારણે ભારે હોબાળો મચી ગયો છે. 

જ્યારે નૌકાબહેન પ્રજાપતિએ સમગ્ર મામલે જણાવ્યું હતું કે, 'આ મારું વ્યક્તિ નિવેદન હતું અને તેનાથી કોઈને હાની પહોંચી હોય તો હું માફી માંગું છે. આ કોઈ પાર્ટી વતી નિવેદન ન હતું.'

આ પણ વાંચો: 'નહેરૂ, ઈંદિરા, રાજીવ ગાંધી અનામત વિરોધી હતા' - દલિત સાંસદના કોંગ્રેસ પર આક્ષેપ

મળતી માહિતી મુજબ, આ ઘટના મહમુદાબાદ પોલીસ સ્ટેશન વિસ્તારમાં આવેલા બહરૌલી ગામમાં બની હતી, જ્યાં શનિવારે સવારે બિહારી લાલ નામના 50 વર્ષના શખ્સે તીક્ષ્ણ હથિયારથી પોતાનું ગુપ્તાંગ કાપી નાખ્યું હતું. એ પછી, તેણે આ કપાયેલો ભાગ તેમના 15 વર્ષના પુત્ર દ્વારા ગામના શ્રી જાગેશ્વર મહાદેવ મંદિરમાં અર્પણ કરવા મોકલ્યો. પુત્રએ કપાયેલ ગુપ્તાંગ શિવલિંગને અર્પણ કર્યો અને ઘરે પાછો ફર્યો. તે પછી બિહારીલાલ લોહીથી લથપથ પડેલા રહ્યા.

આ પણ વાંચોઃ બ્રાહ્મણ પૌત્રએ ત્રિશૂળથી દાદીની હત્યા કરી લોહી શિવલિંગને ચડાવ્યું

ગુપ્તાંગ કાપી શિવજીને ચઢાવ્યું
બિહારી લાલના દીકરાએ જણાવ્યું કે તેના પિતાએ તેને ભગવાનના મંદિરમાં અર્પણ કરવા માટે પોતાનો ગુપ્ત ભાગ કાપીને આપ્યો હતો. જ્યારે ગામલોકોને માહિતી મળી ત્યારે તેઓ મંદિરે પહોંચ્યા હતા. મંદિરમાં પણ ભારે ભીડ હતી. ગામલોકો ખૂબ જ ડરી ગયા હતા અને મંદિરમાં જોરથી ઓમ નમઃ શિવાયનો જાપ કરવા લાગ્યા. ગુપ્તાંગ કાપીને તેને અર્પણ કરવાની ચર્ચા આખા ગામમાં ફેલાઈ ગઈ. લોકો જાતભાતની ચર્ચા કરી રહ્યા છે. જે આધેડે પોતાનું ગુપ્તાંગ કાપ્યું તે માનસિક રીતે બીમાર હોવાનું કહેવાય છે. હાલમાં, તેની સીતાપુર જિલ્લા હોસ્પિટલમાં સારવાર ચાલી રહી છે.

પત્નીએ સાચી વાત જણાવી
બિહારી લાલની પત્ની આશા દેવીએ જણાવ્યું હતું કે જ્યારે બિહારી લાલને સવારે ઉઠીને નહાવાનું કહેવામાં આવ્યું ત્યારે તેમણે ના પાડી દીધી હતી. તેમણે કહ્યું, મને મંદિર લઈ જાઓ. પરિવાર તેને મંદિરમાં લઈ ગયો, જ્યાં પૂજા કર્યા પછી તેઓ તેને ઘરે પાછો લાવ્યા. થોડા સમય પછી, બિહારી લાલની તબિયત બગડવા લાગી અને તેઓ બોલી શકતા ન હતા. જ્યારે પત્નીએ હોસ્પિટલ જવા કહ્યું, ત્યારે બિહારીલાલે ના પાડી અને મંદિર લઈ જવા કહ્યું. પરિવાર તેને બળજબરીથી હોસ્પિટલ લઈ ગયો, ત્યારે જ ખબર પડી કે તેનો પ્રાઈવેટ પાર્ટ કાપી નાખવામાં આવ્યો હતો.

બિહારીલાલની હાલત ગંભીર છે.
બિહારી લાલની પત્ની આશા દેવીએ જણાવ્યું કે બિહારી લાલની માનસિક સ્થિતિ સારી નથી. તેઓ અંધ શ્રદ્ધામાં માને છે અને તેમનું મન જે કહે છે તે કરે છે. તેઓ ઘણા દિવસથી મંદિરમાં જાય છે. હાલમાં, નાદુરસ્ત તબિયતને કારણે, બિહારી લાલ પાસેથી ઘટના વિશે સંપૂર્ણ માહિતી મેળવી શકાઈ નથી. મળતી માહિતી મુજબ બિહારી લાલને 5 બાળકો છે.

આ પણ વાંચોઃ ગોંડલના ભોજપરામાં આધેડે શિવલિંગ સામે ગળું કાપી કમળપૂજા કરી?

છેલ્લા 75 વર્ષોમાં, ભારતે લોકશાહી પ્રજાસત્તાક તરીકે ઘણી સિદ્ધિઓ હાંસલ કરી છે. ઉદાહરણ તરીકે આ દિવસે અમલમાં આવેલા બંધારણે દેશને સરકાર ચલાવતા શાસનના ખ્યાલથી વાકેફ કરાવ્યો. જેને ધ્યાનમાં રાખીને દેશમાં કેન્દ્ર અને રાજ્ય સ્તરે સરકારો પસંદ કરવા માટે ચૂંટણીઓ યોજાવાની શરૂઆત થઈ. આ ઉપરાંત, દેશમાં ઝડપી આર્થિક વિકાસ અને ઉદારવાદ પણ જોવા મળ્યો છે. ચાલો જાણીએ છેલ્લા 75 વર્ષમાં લોકશાહી પ્રજાસત્તાક તરીકે ભારતની 10 સૌથી મોટી સિદ્ધિઓ વિશે, જે બંધારણ ન હોત તો આપણને મળી ન હોત.

૧. મૂળભૂત અધિકારો

બંધારણ તમામ નાગરિકોને વ્યક્તિગત અને સામૂહિક રીતે ચોક્કસ મૂળભૂત સ્વતંત્રતાઓ પ્રદાન કરે છે. તેની મૂળભૂત અધિકારની 6 વ્યાપક કક્ષાઓ તરીકે બંધારણમાં ગેરંટી આપવામાં આવી છે, જે ન્યાયી છે. બંધારણના ભાગ III માં સમાવિષ્ટ કલમ 12 થી 35 મૂળભૂત અધિકારો સાથે સંબંધિત છે. જે નીચે મુજબ છેઃ 

સમાનતાનો અધિકારઃ જેમાં કાયદા સમક્ષ સૌ સમાન હોવાનો એટલે કે સમાનતાનો સમાવેશ થાય છે; ધર્મ, વંશ, જાતિ, લિંગ અથવા જન્મ સ્થળના આધારે ભેદભાવ પર પ્રતિબંધ મૂકાયેલો છે. આમાં રોજગારના સંદર્ભમાં સમાન તકોનો પણ સમાવેશ થાય છે.

વાણી અને અભિવ્યક્તિની સ્વતંત્રતા, ભેગા થવાની, સંગઠનો અથવા યુનિયન બનાવવાની સ્વતંત્રતા, હરવા-ફરવા, રહેઠાણ અને વ્યવસાયની સ્વતંત્રતા (આમાંથી કેટલાક અધિકારો રાજ્યની સુરક્ષા, વિદેશી દેશો સાથેના વિભિન્ન સંબંધો, જાહેર હિત અને નાગરિક સ્વતંત્રતાઓ સાથે સંબંધિત છે અને શિષ્ટાચાર તથા નૈતિકતાને આધીન આપવામાં આવે છે).

શોષણ સામેનો અધિકારછ જેમાં બળજબરીથી મજૂરી, બાળ મજૂરી અને માનવ તસ્કરી પર પ્રતિબંધ મૂકાયો છે.

શ્રદ્ધા અને કોઈપણ ધર્મનું પાલન કરવાની, તેમાં શ્રદ્ધા રાખવાની અને ધર્મનો પ્રચાર કરવાની સ્વતંત્રતા.

કોઈપણ વર્ગના નાગરિકોને તેમની સંસ્કૃતિ, ભાષા અથવા લિપિ જાળવવાનો અધિકાર અને લઘુમતીઓને તેમની પસંદગીની શૈક્ષણિક સંસ્થાઓ સ્થાપિત કરવા અને જાળવવાનો અધિકાર; અને મૂળભૂત અધિકારોના અમલ માટે બંધારણીય ઉપાયોનો અધિકાર.

2. મૂળભૂત ફરજો

૧૯૭૬માં અપનાવવામાં આવેલા ૪૨મા બંધારણીય સુધારામાં નાગરિકોની મૂળભૂત ફરજોની યાદી આપવામાં આવી છે. બંધારણના ભાગ IV માં કલમ 51 'A' મૂળભૂત ફરજો સાથે સંબંધિત છે. તે અન્ય બાબતોની સાથે નાગરિકોને બંધારણનું પાલન કરવાનો અને ભારતના સ્વતંત્રતા સંગ્રામને પ્રેરણા આપનારા આદર્શોને પ્રોત્સાહન આપવા અને તેનું પાલન કરવાનો આદેશ આપે છે. તે દેશનું રક્ષણ કરવા અને જ્યારે બોલાવવામાં આવે ત્યારે દેશની સેવા કરવા અને સંવાદિતા અને સામાન્ય ભાઈચારાની ભાવના વિકસાવવા અને ધાર્મિક, ભાષાકીય, પ્રાદેશિક અને વર્ગ વિવિધતાને પ્રોત્સાહન આપવાનો પણ આદેશ આપે છે.

૩. રાજનીતિના માર્ગદર્શક સિદ્ધાંતો

બંધારણ રાજનીતિના કેટલાક માર્ગદર્શક સિદ્ધાંતો નક્કી કરે છે. આમ તો તેને અદાલતમાં કાયદેસર રીતે ન્યાયી ઠેરવી શકાય નહીં, પરંતુ તે દેશના શાસન માટે તે મૂળભૂત છે. કાયદાના ઘડતરમાં આ સિદ્ધાંતોનો ઉપયોગ કરવો એ રાજ્યોની ફરજ માનવામાં આવે છે. આમાં એવી જોગવાઈ છે કે રાજ્ય, રાષ્ટ્રીય જીવનની તમામ સંસ્થાઓમાં સામાજિક, આર્થિક અને રાજકીય ન્યાય સહિત દરેક શક્ય સામાજિક વ્યવસ્થા સ્થાપિત કરીને, જાહેર નીતિઓને એવી રીતે નિર્દેશિત કરશે કે બધા પુરુષો અને સ્ત્રીઓને આજીવિકાના પર્યાપ્ત સાધનો પૂરા પાડવામાં આવે. સમાન કામ માટે સમાન પગાર અને તેની આર્થિક ક્ષમતા અને વિકાસની અંદર, બેરોજગારી, વૃદ્ધાવસ્થા, માંદગી અને અન્ય અસમર્થતા અથવા અપંગતાના કિસ્સામાં કામ, શિક્ષણ અને જાહેર સહાયના અધિકારને સુરક્ષિત કરવા માટે અસરકારક જોગવાઈ. રાજ્ય કામદારો માટે જીવનનિર્વાહ વેતન, કામની માનવીય પરિસ્થિતિઓ, યોગ્ય જીવનધોરણ અને ઉદ્યોગોના સંચાલનમાં કામદારોની સંપૂર્ણ ભાગીદારી સુનિશ્ચિત કરવાનો પ્રયાસ કરશે.

૪. મતદાનનો અધિકાર

કોઈપણ લોકશાહી દેશમાં સૌથી મહત્વપૂર્ણ અધિકાર મતદાનનો અધિકાર છે. ભારતીય બંધારણ મુજબ દેશમાં 18 વર્ષથી વધુ ઉંમરના કોઈપણ જાતિ, સમાજ અને ધર્મના દરેક નાગરિકને ચૂંટણીમાં પોતાના મતનો ઉપયોગ કરવાનો અધિકાર છે. ભારતીય બંધારણ મુજબ, ૧૮ વર્ષથી વધુ ઉંમરના દેશના કોઈપણ નાગરિક, જે ચૂંટણી પંચમાં નોંધાયેલા હોય, તે મતદાન કરવા માટે પાત્ર છે. દરેક નાગરિક પોતાના વિસ્તારની રાષ્ટ્રીય, રાજ્ય, જિલ્લા અને સ્થાનિક ચૂંટણીઓમાં મતદાન કરી શકે છે. જ્યાં સુધી કોઈ વ્યક્તિ ગેરલાયકાતના નિયમોની મર્યાદા ઓળંગે નહીં, ત્યાં સુધી તેને મતદાન કરવાથી રોકી શકાય નહીં. દરેક નાગરિકને ફક્ત એક જ મતદાન કરવાનો અધિકાર છે અને મતદાર ફક્ત તેના નોંધાયેલા વિસ્તારમાં જ મતદાન કરી શકે છે.

ભારતીય બંધારણ હેઠળ મતદાનના અધિકારને કેટલો મજબૂત કરવામાં આવ્યો છે તેનો અંદાજ એ વાત પરથી લગાવી શકાય છે કે જે લોકો મતદાન મથક સુધી શારીરિક રીતે પહોંચી શકતા નથી તેમને પોસ્ટલ બેલેટ દ્વારા મતદાન કરવાની સુવિધા મળે છે. એટલું જ નહીં, બિન-નિવાસી ભારતીયોને પણ મતદાનનો અધિકાર આપવામાં આવ્યો છે.

૫. સંઘીય વ્યવસ્થા, સંસદ-વિધાનસભામાં સત્તાનું વિભાજન

ભારતનું બંધારણ દેશને લોકશાહી પ્રજાસત્તાક તરીકે જાહેર કરે છે. એટલે કે, અહીં સત્તાનું વિભાજન સંઘવાદ પર આધારિત છે. ભારતમાં આ સત્તાઓ કેન્દ્ર સરકાર અને રાજ્યો વચ્ચે વહેંચાયેલી છે. અમુક હદ સુધી બંધારણમાં ત્રીજી કેટેગરી - પંચાયતો અને નગરપાલિકાઓને અલગ સત્તા આપવાની જોગવાઈ છે.

ભારત માટે પ્રજાસત્તાક દિવસ કેટલો મહત્વપૂર્ણ રહ્યો છે તેનો અંદાજ એ વાત પરથી લગાવી શકાય છે કે જો 1950 માં આ દિવસે બંધારણ લાગુ ન થયું હોત, તો દેશમાં સંઘવાદનો કોઈ ખ્યાલ ન હોત. જો વિસ્તાર અને વસ્તીની દ્રષ્ટિએ આટલા મોટા દેશને ચલાવવા માટે કેન્દ્ર અને રાજ્ય સરકારો વચ્ચે સત્તાનું વિભાજન ન હોત, તો અરાજકતા ફેલાઈ ગઈ હોત. આવી સ્થિતિમાં, બંધારણે દેશને સંઘવાદ આપ્યો, જેમાં કેન્દ્રની સત્તા રાજ્યો કરતા વધારે રાખવામાં આવી. જોકે, ઘણા મુદ્દાઓ પર કેન્દ્ર દ્વારા રાજ્યોની સત્તા ઘટાડી શકાતી નથી.

૬. સ્વતંત્ર કોર્ટ

ભારતીય બંધારણની એક અનોખી વિશેષતા એ છે કે સંઘીય પદ્ધતિ અપનાવવા અને તેમના સંબંધિત ક્ષેત્રોમાં સંઘ અને રાજ્ય કાયદાઓના અસ્તિત્વ છતાં, તે સંઘ અને રાજ્ય બંને કાયદાઓનું સંચાલન કરવા માટે કોર્ટની એકીકૃત પદ્ધતિની જોગવાઈ કરે છે. 

સમગ્ર ન્યાયતંત્રમાં ટોચ પર ભારતની સુપ્રીમ કોર્ટ છે અને ત્યારબાદ દરેક રાજ્ય અથવા રાજ્યોના ગ્રુપની હાઈકોર્ટ આવે છે. દરેક હાઇકોર્ટના વહીવટ હેઠળ જિલ્લા અદાલતો હોય છે. કેટલાક રાજ્યોમાં નાનામોટા અને સ્થાનિક પ્રકૃતિના દિવાની અને ફોજદારી વિવાદોનો નિર્ણય કરવા માટે ન્યાય પંચાયત, ગ્રામ્ય કોર્ટ, ગ્રામ કચેરી જેવા વિવિધ નામોને આધિન ગ્રામ/પંચાયત ન્યાયાલય પણ કામ કરે છે. દરેક રાજ્યને જિલ્લા અને સત્ર ન્યાયાધીશના નેતૃત્વ હેઠળના ન્યાયિક જિલ્લાઓમાં વિભાજિત કરવામાં આવે છે. જિલ્લા અને સત્ર ન્યાયાધીશ એ જિલ્લાની સર્વોચ્ચ ન્યાયિક સત્તા છે.

આ પણ વાંચો: ભારતના બંધારણ પર RSS અને તેના સ્થાપકો શું માનતા હતા?

જિલ્લા અદાલતો એ નાગરિક અધિકારક્ષેત્રની અદાલતો છે, જેનું નેતૃત્વ વિવિધ રાજ્યોમાં મુન્સિફ, સબ-જજ, સિવિલ જજ તરીકે ઓળખાતા ન્યાયાધીશો દ્વારા કરવામાં આવે છે. તેવી જ રીતે, ફોજદારી અદાલતોના વર્ગોમાં મુખ્ય ન્યાયિક મેજિસ્ટ્રેટ અને પ્રથમ અને બીજા વર્ગના ન્યાયિક મેજિસ્ટ્રેટનો સમાવેશ થાય છે.

૭. ધર્મનિરપેક્ષ શાસન

ભારતના બંધારણના નિર્માતાઓએ દેશને પ્રજાસત્તાક જાહેર કર્યો અને તેને ધર્મનિરપેક્ષ રાજ્ય તરીકે સ્થાપિત કર્યો. આનો અર્થ એ થયો કે ભારતમાં કોઈ પણ ધર્મને રાજ્ય ધર્મનો દરજ્જો નથી અને બધા ધર્મોને સમાન દરજ્જો આપવામાં આવે છે. બંધારણમાં ધર્મનિરપેક્ષતા માટે ઘણી જોગવાઈઓ કરવામાં આવી છે. બંધારણની આ જોગવાઈને કારણે જ દેશના ધાર્મિક સમાજોને પોતાની ઇચ્છા મુજબ શાળાઓ, કોલેજો અને અન્ય શૈક્ષણિક સંસ્થાઓ ખોલવાનો અધિકાર છે. સરકાર બિનસાંપ્રદાયિકતાના સિદ્ધાંતનું પાલન કરે છે, તેથી તે ધર્મના આધારે કોઈની સાથે ભેદભાવ કરી શકતી નથી. તેથી કાયદા સમક્ષ બધા ધર્મો સમાન માનવામાં આવે છે. જોકે, કેટલાક કિસ્સાઓમાં, વિવિધ ધર્મોને તેમના પોતાના નિયમોનું પાલન કરવા માટે અલગ છૂટ આપવામાં આવી છે. બંધારણમાં આને પણ પર્સનલ લો હેઠળ રાખવામાં આવ્યું છે.

આ સંદર્ભમાં, ભારતનું બંધારણ અન્ય લોકશાહી દેશોના બંધારણોથી તદ્દન અલગ રહ્યું છે. જ્યાં અમેરિકામાં સરકાર અને ધર્મ બંને એકબીજાના મામલામાં દખલ કરી શકતા નથી. પરંતુ ભારતમાં વ્યવસ્થા એવી છે કે ભારતીય ધર્મનિરપેક્ષતામાં સરકાર ધાર્મિક બાબતોમાં દખલ કરી શકે છે. અહીં વિવિધ ધર્મોની એવી બાબતોને પડકારી શકાય છે, જે બંધારણ કે મૂળભૂત અધિકારોની વિરુદ્ધ હોય. એટલે કે બંધારણ હેઠળ, દેશમાં કોઈપણ ધર્મના વર્ચસ્વને રોકવાની સત્તા પણ આપવામાં આવી છે.

૮. એકલ નાગરિકતા

ભારતના બંધારણમાં સમગ્ર ભારત માટે એક જ નાગરિકત્વની જોગવાઈ છે. દરેક વ્યક્તિ જે બંધારણના અમલ સમયે (૨૬ જાન્યુઆરી ૧૯૫૦) ભારતના અધિકારક્ષેત્રમાં વસવાટ કરતો હતો અને (a) તેમાં જન્મ્યો હતો, અથવા (b) તેના માતાપિતામાંથી કોઈ એક ભારતમાં જન્મ્યાં હતા અથવા (c) જે વ્યક્તિ સામાન્ય રીતે ઓછામાં ઓછા પાંચ વર્ષ માટે ભારતમાં રહ્યાં તે ભારતના નાગરિક બન્યાં. નાગરિકતા અધિનિયમ, ૧૯૫૫ બંધારણના અમલ પછી ભારતીય નાગરિકતાની પ્રાપ્તિ, નિર્ધારણ અને રદ કરવા સંબંધિત છે.

આ પણ વાંચો: ભારતના બંધારણનો આરંભ ‘અમે ભારતના લોકો’ શબ્દોથી થાય છે, એનો અર્થ એ કે ભારત ઈશ્વરે સર્જેલી ઘટના નથી

યામિની મલ્હોત્રાએ ઇન્સ્ટાગ્રામ સ્ટોરી પર પોસ્ટ કરીને જણાવ્યું છે કે તે એક અભિનેત્રી હોવાથી તેને મુંબઈમાં ઘર મળી શકતું નથી. લોકો તેને ઘર આપવા તૈયાર નથી. તેઓ તેમને ધર્મ સંબંધિત પ્રશ્નો પૂછી રહ્યા છે. પોસ્ટમાં યામિની આવી માનસિકતા ધરાવતા લોકો પર પ્રહાર કરતી જોવા મળી છે.

'તમે હિન્દુ છો કે મુસ્લિમ?'

યામિનીએ પોતાની પોસ્ટમાં લખ્યું - 'નમસ્તે મિત્રો, હું કંઈક એવું શેર કરવા માંગુ છું જે ખરેખર નિરાશાજનક છે. મને મુંબઈ જેટલું ગમે છે, એટલું જ અહીં ઘર શોધવું મુશ્કેલ છે. મને એવા સવાલો પૂછવામાં આવ્યા કે, તમે હિન્દુ છો કે મુસ્લિમ? તમે ગુજરાતી છો કે મારવાડી? અને જેવી લોકોને ખબર પડે છે કે હું એક અભિનેત્રી છું, કે તરત જ તેઓ ઘર આપવાનો ઈનકાર કરી દે છે. શું હું ફક્ત અભિનેત્રી હોવાને કારણે ઘર મેળવવાને લાયક નથી?

યામિનીને સપનાના શહેર પર ગુસ્સો આવ્યો

'બિગ બોસ 18' ફેમ અભિનેત્રીએ આગળ લખ્યું, 'આ આશ્ચર્યજનક છે કે 2025 માં પણ આ પ્રશ્નો કેવી રીતે અસ્તિત્વમાં છે.' જો સપનાઓ શરતો સાથે આવે છે, તો શું આપણે ખરેખર મુંબીને સપનાનું શહેર કહી શકીએ? યામિની મલ્હોત્રા 'બિગ બોસ 18' પહેલા ઘણા ટીવી શોનો ભાગ રહી ચૂકી છે. તેણે સ્ટાર પ્લસના 'ગુમ હૈ કિસી કે પ્યાર મેં' અને 'મૈં તેરી તુ મેરા' જેવા લોકપ્રિય શોમાં કામ કર્યું છે.

યામિની મલ્હોત્રા એક અભિનેત્રી હોવા ઉપરાંત, એક ડેન્ટિસ્ટ પણ છે. ૨૦૧૬ માં આવેલી ફિલ્મ 'ચુટ્ટલાબાઈ' માં પણ તેણે કામ કર્યું છે. આ વર્ષે અભિનેત્રીએ 'બિગ બોસ ૧૮' માં વાઇલ્ડ કાર્ડ સ્પર્ધક તરીકે પ્રવેશ કર્યો હતો. જો કે, તે લાંબા સમય સુધી ઘરમાં ટકી શકી નહોતી. અભિનેત્રી મૂળ દિલ્હીની છે.

જો કે આ પહેલી ઘટના નથી કે, મુંબઈમાં કોઈ અભિનેત્રીને ઘર માટે સંઘર્ષ કરવો પડ્યો હોય અને તેને તેની જાતિ પૂછવામાં આવી હોય. આ પહેલા ઉર્ફી જાવેદ પણ ભેદભાવનો સામનો કરી ચૂકી છે. વર્ષ ૨૦૨૩ માં, ઉર્ફીએ શેર કર્યું હતું કે લોકોએ તેને ઘર આપવાનો ઇનકાર કર્યો હતો કારણ કે તે એક ચોક્કસ ધર્મની હતી. એ વખતે કેટલાક લોકોએ તેના પહેરવેશને કારણે પણ તેને ઘર આપવાનો પણ ઇનકાર કરી દીધો હતો.

આ પણ વાંચો: એક દલિત ડોક્ટર ચાર વર્ષથી ભાડે મકાન મેળવવા રઝળી રહ્યાં છે

કર્ણાટક હાઈકોર્ટના જસ્ટિસ ક્રિષ્ના એસ દીક્ષિતે આ મહાસભામાં કહ્યું હતું કે, આંબેડકરે પોતે કહ્યું હતું કે, ભારતીય બંધારણના નિર્માણમાં બ્રાહ્મણોએ મહત્વપૂર્ણ યોગદાન આપ્યું છે. બંધારણ તૈયાર કરવા માટે રચાયેલી મુસદ્દા સમિતિના સાત સભ્યોમાંથી ત્રણ બ્રાહ્મણો હતા. જેમની બંધારણ બનાવવામાં મહત્વની ભૂમિકા હતી.

અખિલ કર્ણાટક બ્રાહ્મણ મહાસભાની સુવર્ણ જયંતિ નિમિત્તે બેંગલુરુમાં આયોજિત બે દિવસીય બ્રાહ્મણ સંમેલનમાં જસ્ટિસ કૃષ્ણા એસ દીક્ષિતે આ વાત કહી હતી. તેમણે કહ્યું કે, જો બી. એન. રાવે બંધારણનો મુસદ્દો તૈયાર ન કર્યો હોત તો બંધારણ તૈયાર કરવામાં હજુ ૨૫ વર્ષનો સમય લાગી જાત. તેમણે કહ્યું કે મુસદ્દા સમિતિમાં સામેલ સાત સભ્યોમાંથી ત્રણ સભ્યો અલ્લાદી કૃષ્ણસ્વામી આયંગર, એન. ગોપાલસ્વામી આયંગર અને બી. એન. રાવ  બ્રાહ્મણ હતા. દીક્ષિતે કહ્યું કે બ્રાહ્મણ શબ્દને જાતિને બદલે વર્ણ સાથે જોડવો જોઈએ.

અન્ય બ્રાહ્મણ જજોએ પણ ભાગ લીધો હતો

જસ્ટિસ કૃષ્ણા એસ. દીક્ષિત ઉપરાંત અન્ય જસ્ટિસ વી. શ્રીશાનંદે પણ કોન્ફરન્સમાં ભાગ લીધો હતો. જસ્ટિસ દીક્ષિતે કહ્યું કે, બ્રાહ્મણ સમાજે દેશના વિકાસમાં મહત્વનું યોગદાન આપ્યું છે. ડૉ. આંબેડકરે પોતે બંધારણના નિર્માણમાં બ્રાહ્મણોના ફાળાનો ઉલ્લેખ કર્યો હતો. તેમણે તો ત્યાં સુધી કહી દીધું કે ખુદ આંબેડકરે કહ્યું હતું કે જો બી. એન. રાવ બંધારણની મુસદ્દા સમિતિમાં ન હોત તો મુસદ્દો તૈયાર કરવામાં હજુ ૨૫ વર્ષનો સમય લાગત.

આ પણ વાંચોઃ સેલિના જેટલીએ કહ્યું હતું, "બીજો જન્મ મળે તો ડો.આંબેડકર બનવા માંગીશ"

બાબાસાહેબના જીવનમાં બ્રાહ્મણોના યોગદાનની ચર્ચા કરી

જસ્ટિસ દીક્ષિતે આંબેડકરના જીવનમાં બ્રાહ્મણ શિક્ષકના યોગદાન વિશે વાત કરતા કહ્યું હતું કે ભીમરાવ આંબેડકરના એક શિક્ષક હતા જેનું નામ કૃષ્ણજી હતું, તેમણે જ ભીમરાવને આંબેડકર અટક આપી હતી, જેઓ પહેલા આંબાવડેકર હતા. આ સાથે તેમણે આંબેડકરને આર્થિક મદદ પણ કરી હતી જેથી તેઓ તેમનો અભ્યાસ આગળ વધારી શકે. ન્યાયાધીશે કહ્યું કે આ બાબતો સ્પષ્ટપણે દર્શાવે છે કે બ્રાહ્મણ સમાજ દરેકનું સન્માન કરે છે.

જજે વેદો સાથે દલિતોને જોડવા પ્રયાસ કર્યો

જસ્ટિસ દીક્ષિતે કહ્યું કે વેદોનું વર્ગીકરણ કરનાર વેદ વ્યાસ એક માછીમારનો પુત્ર હતો. તેવી જ રીતે, વાલ્મીકિ પણ એસસી અથવા એસટી સમુદાયના હતા. તેમ છતાં તેમણે રામાયણ લખી જેની આપણે પૂજા કરીએ છીએ. (હકીકતે બ્રાહ્મણો વાલ્મિકી રામાયણને બદલે તુલસીદાસ રચિત રામચરિત માનસની પૂજા કરે છે.) તેમણે કહ્યું, શું આપણે બ્રાહ્મણોને એટલા માટે નીચી નજરથી જોઈએ છીએ કેમ કે રામાયણના રચયિતા વાલ્મીકિ અનુસૂચિત જાતિ કે અનુસૂચિત જનજાતિમાંથી હતા? તેમણે કહ્યું કે આપણે સદીઓથી ભગવાન રામની પૂજા કરીએ છીએ અને તેમના મૂલ્યોને બંધારણમાં સામેલ કરવામાં આવ્યા છે. (બંધારણમાં રામાયણના મૂલ્યો ક્યાંથી આવ્યા?) તેમના દ્વારા લખાયેલ રામાયણને બંધારણમાં સ્થાન આપવામાં આવ્યું છે.

બંધારણમાં બ્રાહ્મણોના મોટા યોગદાનની વાતમાં કેટલું તથ્ય?

જ્યારે કોઈ વિદ્વાન કહે છે કે ડૉ. આંબેડકર બંધારણના ઘડવૈયા હતા. તેનો અર્થ એ છે કે બંધારણને આકાર આપવામાં સૌથી મોટી અને નિર્ણાયક ભૂમિકા ભજવનાર એક વ્યક્તિત્વ નિઃશંકપણે ડૉ. ભીમરાવ આંબેડકર હતા. એ અલગ વાત છે કે બંધારણ સભા સમક્ષ બંધારણ રજૂ કરતી વખતે તેમના છેલ્લા ભાષણમાં, ડૉ. આંબેડકરે ગૌરવ અને નમ્રતા સાથે, આટલા ઓછા સમયમાં આટલું સંપૂર્ણ અને વિગતવાર બંધારણ તૈયાર કરવાનો શ્રેય તેમના સાથીદારો રાઉ અને એસ.એન. મુખર્જીને આપ્યો. હતો. પરંતુ સમગ્ર બંધારણ સભા એ હકીકતથી વાકેફ હતી કે આ એક મહાન નેતાની પોતાના સાથીદારો પ્રત્યે કૃતજ્ઞતાની પ્રેમાળ અને નમ્ર અભિવ્યક્તિ હતી.

આ પણ વાંચોઃ સાવરકરના ઘોર વિરોધી ડો.આંબેડકર અમિત શાહને ક્યાંથી ગમે?

બંધારણ સભાએ આંબેડકરની ભૂમિકાને સ્વીકારી

કર્ણાટકના બ્રાહ્મણ જજ ભલે બંધારણમાં બ્રાહ્મણોના યોગદાનની મોટી વાતો કરીને ડો.આંબેડકરના મહાકાર્યની લીટી નાની કરવા પ્રયત્ન કરતા હોય. પરંતુ બંધારણમાં બ્રાહ્મણોનું કેટલું અને કેવું યોગદાન હતું તેનો અસલી ચિતાર બંધારણ સભાની ચર્ચાઓના ભાગ 7ના પાના નંબર 231 પરથી મળે છે. જેમાં ઘણી બધી બાબતો સ્પષ્ટ થઈ જાય છે.

આંબેડકર બંધારણની ખરડા સમિતિના અધ્યક્ષ હતા, જેમની જવાબદારી બંધારણનો લેખિત મુસદ્દો રજૂ કરવાની હતી. આ સમિતિમાં કુલ 7 સભ્યો હતા. બંધારણને અંતિમ સ્વરૂપ આપવામાં ડૉ. આંબેડકરની ભૂમિકા પર પ્રકાશ પાડતા ભારતીય બંધારણની ખરડા સમિતિના સભ્ય ટી.ટી. કૃષ્ણમાચારીએ નવેમ્બર ૧૯૪૮માં બંધારણ સભા સમક્ષ કહ્યું: 'ગૃહ એ વાત જાણે છે કે ડ્રાફ્ટિંગ કમિટીમાં જે સાત સભ્યોની નિમણૂક કરવામાં આવી હતી તેમાંથી એક સભ્યએ ગૃહમાંથી રાજીનામું આપ્યું છે અને તેમના સ્થાને બીજા સભ્યને નિયુક્ત કરવામાં આવ્યા છે. આ દરમિયાન એક સભ્યનું અવસાન થયું છે અને તેમના સ્થાને કોઈ નવો સભ્ય આવ્યો નથી. એક સભ્ય અમેરિકામાં હતા અને તેનું સ્થાન ભરાયું નહોતું. બીજા એક વ્યક્તિ સરકારી બાબતોમાં પડેલા હતા અને તેમને સોંપવામાં આવેલી જવાબદારીઓ નિભાવી રહ્યા નહોતા. એક કે બે વ્યક્તિઓ દિલ્હીથી ઘણાં દૂર હતા અને સંભવત સ્વાસ્થ્યના કારણોસર સમિતિની કાર્યવાહીમાં ભાગ લઈ શક્યા ન હતા. તો એકંદરે એવું બન્યું છે કે આ બંધારણ લખવાનો ભાર ડૉ. આંબેડકર પર આવી ગયો છે. મને કોઈ શંકા નથી કે આપણે બધાએ તેમના આભારી હોવું જોઈએ કે તેમણે આ જવાબદારી આટલી પ્રશંસનીય રીતે નિભાવી. (બંધારણ સભાની ચર્ચાઓ, ભાગ 7, પાનું 231).

આ પણ વાંચોઃ ભારતના બંધારણ પર RSS અને તેના સ્થાપકો શું માનતા હતા?

છેલ્લા એક વર્ષમાં, GSRTC એ એવી હોટલોની યાદી તૈયાર કરી હતી જેમાં હિન્દુ નામોનો ઉપયોગ કરવામાં આવ્યો હતો, અથવા કેટલાક કિસ્સાઓમાં હોટલ માલિક તરીકે હિન્દુ નામ હતું પરંતુ તે મુસ્લિમ સમાજના લોકો દ્વારા ચલાવવામાં આવી રહી હતી.

સરકારનું કહેવું છે કે, હોટલોમાં પારદર્શિતા અને યોગ્ય સંચાલન માટે આ પગલું લેવામાં આવ્યું છે. જે હોટલોના રજીસ્ટ્રેશન રદ કરવામાં આવ્યા છે તેમાં વડોદરા ડિવિઝનમાં અમદાવાદ-સુરત રોડ પર આવેલી સ્વાજી ઇન, હોટેલ વિશાલ, હોટેલ બસેરા અને હોટેલ સતીમાતાનો સમાવેશ થાય છે. આ ઉપરાંત, ભરૂચ વિભાગ હેઠળ સુરત-અમદાવાદ રોડ પર આવેલી હોટેલ તુલસી, હોટેલ મારુતિ, હોટેલ ડાયમંડ અને હોટેલ રોનકના નામ પણ તે હોટલોમાં સામેલ છે જેમના રજીસ્ટ્રેશન રદ કરવામાં આવ્યા છે. આ સિવાય, રાજકોટ વિભાગ હેઠળ ભુજ-ધાંગધ્રા-અમદાવાદ રોડ પર આવેલી હોટલ શિવશક્તિનું રજીસ્ટ્રેશન પણ રદ કરવામાં આવ્યું છે.

GSRTC એ ગોધરા વિભાગ હેઠળ આવતી કિસ્મત કાઠિયાવાડી (ડેલોલ) અને હોટેલ વૃંદાવન નામની હોટલોનું રજીસ્ટ્રેશન પણ રદ કર્યું છે. તેવી જ રીતે, પાલનપુર વિભાગમાં પણ, GSRTC એ હોટેલ ગુરુકૃપા, હોટેલ રિલીફ અને હોટેલ રોનકના રજીસ્ટ્રેશન રદ કર્યા છે. જે હોટલોના રજીસ્ટ્રેશન રદ કરવામાં આવ્યા છે તેમાં સાસણ રોડ પર આવેલી હોટલ તુલસી, ઊંઝા-મહેસાણા હાઇવે પર આવેલી હોટલ માનસી, નડિયાદ ખેડા પર આવેલી હોટલ શ્રીજી અને રાજકોટ-ચોટીલા હાઇવે પર આવેલી હોટલ સર્વોદય એન્ડ રૂમ્સનો સમાવેશ થાય છે. પ્રાપ્ત યાદી અનુસાર, GSRTC એ કુલ ૨૭ હોટલના લાઇસન્સ રદ કર્યા છે.

આ પણ વાંચો: દુકાનનું નામ હિંદુ હોવાથી ભાજપ નેતાએ મુસ્લિમ માલિકને ધમકાવી તોડફોડ કરી

રજૂઆતમાં જણાવવામાં આવ્યું છે કે, નડિયાદમાં મહાત્મા ગાંધી, સરદાર વલ્લભભાઈ પટેલ અને ઈન્દુલાલ યાજ્ઞિક જેવા નેતાઓની પૂર્ણ કદની પ્રતિમાઓ છે, પરંતુ ભારતરત્ન ડૉ.આંબેડકરની માત્ર અર્ધકદની પ્રતિમા છે. હાલનું વર્ષ 'બંધારણ વર્ષ' તરીકે ઉજવાઈ રહ્યું છે ત્યારે બંધારણના ઘડવૈયા અને વિશ્વવિભૂતિ એવા બાબાસાહેબની પૂર્ણ કદની પ્રતિમા હોવી જોઈએ તેવી માગ કરવામાં આવી છે.

ખેડા જિલ્લાના વડા મથક અને હવે મહાનગરપાલિકા બનેલા નડિયાદમાં આ પરિવર્તન શહેરનું ગૌરવ વધારશે. ડૉ. આંબેડકર માત્ર દેશના જ નહીં પરંતુ વિશ્વના ઇતિહાસમાં મહત્વપૂર્ણ સ્થાન ધરાવે છે અને તેમની પ્રતિમા અન્ય મહાન નેતાઓની જેમ પૂર્ણ કદની હોવી જોઈએ તેવી લાગણી દિનેશભાઈ દ્વારા વ્યક્ત કરવામાં આવી છે.

આ પણ વાંચો: ડૉ. આંબેડકર ન હોત તો ફૂલે દંપતિનો સંઘર્ષ પણ ઈતિહાસમાં દટાઈ ગયો હોત

ભાજપના ઉમેદવારે અનેક આક્ષેપો કર્યા

ભાજપના નેતા પ્રવેશ વર્માએ તેમના વકીલ સાકેત ગુપ્તા દ્વારા નવી દિલ્હી બેઠકના રિટર્નિંગ ઓફિસરને ફરિયાદ નોંધાવી હતી. તેમણે આરોપ લગાવ્યો કે અરવિંદ કેજરીવાલના ઉમેદવારી પત્રકમાં અનેક ખામીઓ છે. વર્માએ દાવો કર્યો હતો કે કેજરીવાલે પોતાની આવકની વિગતો ખોટી રીતે રજૂ કરી હતી, જે ચૂંટણી પ્રક્રિયાના નિયમોનું સીધું ઉલ્લંઘન હતું. આ સાથે તેમણે એમ પણ કહ્યું કે કેજરીવાલ હજુ પણ ઉત્તર પ્રદેશના મતદાર છે, જે એક જ સમયે બે જગ્યાએ મતદાર બનવાના નિયમની વિરુદ્ધ છે. આ ઉપરાંત, વર્માએ આરોપ લગાવ્યો હતો કે કેજરીવાલે તેમની સામે નોંધાયેલા ફોજદારી કેસોની માહિતી છુપાવી હતી. ભાજપે આ મુદ્દાને મુખ્ય મુદ્દો બનાવ્યો અને ચૂંટણી પંચ પાસે માંગ કરી કે કેજરીવાલનું નામાંકન તાત્કાલિક અસરથી રદ કરવામાં આવે.

ચૂંટણી પંચનો નિર્ણય અને વિપક્ષનો હુમલો

પ્રવેશ વર્માના આરોપોની તપાસ કર્યા પછી ચૂંટણી પંચે અરવિંદ કેજરીવાલનું ઉમેદવારી પત્રક તપાસીને તેને સાચું માનીને સ્વીકાર્યું હતું. જેને લીને ભાજપ અને કોંગ્રેસ બંનેએ કમિશનના આ નિર્ણય પર અસંતોષ વ્યક્ત કર્યો હતો. ભાજપે તેને "ચૂંટણી પ્રક્રિયાની મજાક" ગણાવી અને કહ્યું કે કમિશને AAP સરકારના દબાણ હેઠળ કામ કર્યું છે. કોંગ્રેસના ઉમેદવાર સંદીપ દીક્ષિતે પણ ચૂંટણી પંચની નિષ્પક્ષતા પર સવાલ ઉઠાવ્યા અને કહ્યું કે પંચે સંપૂર્ણ તપાસ કરી નથી અને આ નિર્મય AAPના પક્ષમાં લેવાયો છે જેથી લોકશાહી મૂલ્યોને નુકસાન પહોંચાડે છે.

હવે જ્યારે અરવિંદ કેજરીવાલ, પ્રવેશ વર્મા અને સંદીપ દીક્ષિતની ઉમેદવારી સ્વીકારાઈ ગઈ છે, તો નવી દિલ્હી બેઠક પરની સ્પર્ધા ખૂબ જ રસપ્રદ બનવાની છે. ભાજપે આ મુદ્દાનો લાભ લેવા માટે પોતાનો ચૂંટણી પ્રચાર તેજ કર્યો છે અને "આપની પારદર્શિતા" પર પ્રશ્નો ઉભા કર્યા છે. કોંગ્રેસે AAP અને BJP બંને પર નિશાન સાધ્યું અને કહ્યું કે આ બંને પક્ષો ફક્ત જનતાને ભ્રમિત કરવા અને વાસ્તવિક મુદ્દાઓ પરથી ધ્યાન હટાવવાનું કામ કરી રહ્યા છે.

આ પણ વાંચો: કેજરીવાલથી નારાજ દિલ્હીના 17 ટકા દલિત મતદારોના મનમાં શું ચાલી રહ્યું છે?

ખડગેએ સોશિયલ મીડિયા પ્લેટફોર્મ એક્સ પર કોંગ્રેસે ડો.આંબેડકરનું અપમાન કર્યું હોવાના ભાજપના આક્ષેપોના જવાબમાં કહ્યું, “કોંગ્રેસે ડૉ. આંબેડકરના સન્માન માટે જે કર્યું તે કદાચ બીજું કોઈ કરી શક્યું ન હોત. તેમને મુંબઈથી બંધારણ સભામાં લાવવા માટે કોંગ્રેસે તેના સભ્ય એમ.આર. જયકર પાસેથી રાજીનામું માંગી લીધું હતું. બંધારણ સભાની મુસદ્દા સમિતિના અધ્યક્ષપદ માટે બાબાસાહેબ ડૉ. આંબેડકરનું નામ કોંગ્રેસે સૂચવ્યું હતું અને ભારત સરકારમાં દેશના પ્રથમ કાયદા પ્રધાન બનાવવામાં પણ પોતાનો ટેકો આપ્યો હતો.

ખડગેએ વધુમાં કહ્યું, 'બાબાસાહેબ બોમ્બેથી બે વાર રાજ્યસભામાં ચૂંટાયા હતા. પહેલીવાર ૩ એપ્રિલ ૧૯૫૨ થી ૨ એપ્રિલ ૧૯૫૬ની વચ્ચે. બીજીવાર ૩ એપ્રિલ ૧૯૫૬ના રોજ તેઓ ફરીથી રાજ્યસભાના સભ્ય બન્યાં પરંતુ ૬ ડિસેમ્બર ૧૯૫૬ના રોજ તેમનું અવસાન થયું. કોંગ્રેસ ઇચ્છતી હતી કે બાબાસાહેબ સન્માન સાથે રાજ્યસભામાં પહોંચે, તેથી જ તેઓ બે વાર રાજ્યસભાની ચૂંટણી બિનહરીફ જીત્યા હતા. ભાજપના લોકો એવું જૂઠાણું ફેલાવવાનો પ્રયાસ કરે છે કે કોંગ્રેસે ડો.આંબેડકરની કોઈ પ્રતિમા સ્થાપિત કરી નથી. ૨ એપ્રિલ ૧૯૬૭ના રોજ કોંગ્રેસ સરકારે બાબાસાહેબના માનમાં સંસદ ભવનમાં તેમની સૌથી મોટી પ્રતિમા સ્થાપિત કરી હતી. તે સમયે ડૉ. એસ.રાધાકૃષ્ણન રાષ્ટ્રપતિ હતા અને સરદાર હુકુમ સિંહજી, જે લોકસભાના અધ્યક્ષ હતા, તેમણે પ્રતિમાનું અનાવરણ કર્યું હતું.

ખડગેએ કહ્યું, 'ભાજપ આરએસએસ અને તેમના પૂર્વજોએ ભારતીય રાષ્ટ્રધ્વ, આપણા બંધારણ, અશોક ચક્ર, બાબાસાહેબ આંબેડકર અને આપણા સ્વતંત્રતા સંગ્રામનો વિરોધ કર્યો હતો. RSS એ 52 વર્ષ સુધી નાગપુર સ્થિત તેના મુખ્યાલય પર રાષ્ટ્રધ્વજ ફરકાવ્યો નહોતો અને કોર્ટના આદેશને પગલે તેને રાષ્ટ્રધ્વજ ફરકાવવાની ફરજ પડી હતી. રામલીલા મેદાનમાં ભાજપ, આરએસએસ અને તેમના પૂર્વજોએ ગાંધીજી, નેહરુ અને ડૉ.આંબેડકરના પુતળા સાથે ભારતના બંધારણની નકલોનું દહન કર્યું હતું. હું તેમને પડકાર ફેંકું છું કે તેઓ ઇતિહાસ વાંચે અને રાષ્ટ્રીય ચળવળમાં તેમની ભૂમિકા શું હતી તે જણાવે.

આ પણ વાંચો: મારા સમાજને મંદિરોમાં જવા નથી દેતા, મને કેવી રીતે સહન કરે?

રાજ્ય ચૂંટણી આયોગના કમિશનર ડૉ. એસ. મુરલીક્રિષ્ણને જણાવ્યું છે કે, રાજ્યમાં જૂનાગઢ મહાનગર પાલિકા, 66 નગર પાલિકા, 3 તાલુકા પંચાયતની ચૂંટણી યોજવામાં આવશે. આ સિવાય અમદાવાદ, ભાવનગર, સુરત મહાનગર પાલિકાની 3 ખાલી પડેલ બેઠકની ચૂંટણી યોજાશે. ખેડા જિલ્લા પંચાયતની ચૂંટણી હાલ જાહેર નથી કરાઈ. આ સિવાય ધાનરા નગરપાલિકાની ચૂંટણીનો કાર્યક્રમ જાહેર નથી કરાયો.

બોરસદ, સોજીત્રા જેમાં OBCની ભલામણ મુજબ હજી રિઝર્વેશન નક્કી થયું નથી. સ્થાનિક સ્વરાજની ચૂંટણીમાં જેમાં 19 લાખ જેટલા મતદારો મત આપશે.  ઉલ્લેખનીય છે કે, સ્થાનિક ચૂંટણીઓમાં 27 ટકા ઓ.બી.સી., 14 ટકા એસ.ટી. અને 7 ટકા એસ.સી. અનામત બેઠકો રહેશે. રાજ્યમાં છેલ્લા બે વર્ષથી ખેડા અને બનાસકાંઠા જિલ્લા પંચાયત, 17 તાલુકા પંચાયત, 75 નગર પાલિકા અને 539 નવી ગ્રામ પંચાયતો સાથે કુલ 4765ની ચૂંટણીઓ થઈ શકી નથી.

પાલિકા અને પંચાયતોની સામાન્યની સાથે પેટાચૂંટણી પણ યોજાશે. જેમાં ત્રણ મહાનગરપાલિકાની ત્રણ બેઠકો, બોટાદ અને વાંકાનેર નગરપાલિકાની મધ્યસત્ર ચૂંટણી. નગરપાલિકાની ખાલી પડેલી 21 બેઠક, જિલ્લા પંચાયતની 9 બેઠક અને તાલુકા પંચાયતની 91 બેઠકો પર પેટાચૂંટણી યોજાશે. આ તમામ બેઠકો પર પણ 16 ફેબ્રુઆરીએ મતદાન અને 18મીએ મતગણતરી હાથ ધરાશે.

આ પણ વાંચો: હવે ઉમેદવારો અને સામાન્ય લોકોને મતદાન મથકોના સીસીટીવી ફૂટેજ નહીં મળે

મળતી માહિતી પ્રમાણે ગાંધીનગર પાસે આવેલા પ્રાંતિજના લાકરોડા ગામે દર્શનયોગ ધામ સંસ્કૃતિ વન ખાતે આ કાર્યક્રમ યોજાશે. ચાર દિવસ સુધી ચાલનારી આ શિબિરને માનવ સંવિધાન મનુસ્મૃતિ પ્રશિક્ષણ શિબિર નામ અપાયું છે. 23 થી 26 જાન્યુઆરી 2025 (ગુરૂવારથી રવિવાર સુધી) ચાલનારી આ શિબિરમાં ભાગ લેવા માટે રજિસ્ટ્રેશન ફરજિયાત કરાયું છે. આ શિબિર માટેની એક ઓનલાઈન પત્રિકા પર સોશિયલ મીડિયામાં ફરી રહી છે. જેમાં આ શિબિરને લઈને વિસ્તારથી માહિતી આપવામાં આવી છે.

આ પત્રિકામાં જણાવ્યા પ્રમાણે ગુરૂકુળ કાંગડી યુનિવર્સિટીના પૂર્વ કુલપતિ ડો. સુરેન્દ્ર કુમાર શિબિરની અધ્યક્ષતા કરશે અને ઉપસ્થિત લોકોને મનુસ્મૃતિ અંગે તાલીમ આપશે. પત્રિકામાં કરાયેલા ઉલ્લેખ મુજબ ડો. સુરેન્દ્ર કુમાર છેલ્લાં દસ વર્ષ કરતા વધુ સમયથી મનુસ્મૃતિ પર સંશોધન કરી રહ્યાં છે અને તેના આધારે તેઓ મનુસ્મૃતિમાં કરવામાં આવેલી ભેળસેળ અંગે પણ વાત કરશે. તેમણે લખેલી મનુસ્મૃતિની નવી પ્રત અંગે પણ ચર્ચા કરવામાં આવશે. 

ખબરઅંતર.કોમે આ મામલે વધુ જાણકારી મેળવવા માટે પત્રિકામાં આપેલા નંબર પર સંપર્ક કર્યો હતો. જેમાં ફોન પર હાજર વ્યક્તિએ જણાવ્યું હતું કે, ચાર દિવસની આ શિબિરમાં ડો. સુરેન્દ્રકુમાર મનુસ્મૃતિ સંબંધિત તમામ પ્રશ્નોનું નિરાકરણ લાવશે. તેમના કહેવા પ્રમાણે ખાસ કરીને લોકોના મનમાં મનુસ્મૃતિને લઈને જે કેટલીક ખોટી ધારણાઓ બંધાયેલી છે તેને લઈને આ શિબિરમાં સ્પષ્ટતા કરવામાં આવશે.

ખબરઅંતર.કોમે મનુસ્મૃતિમાં લખવામાં આવેલી વર્ણવ્યવસ્થા અને મહિલા વિરોધી બાબતો વિશે પૂછતા તેમણે જણાવ્યું હતું કે, આવી અનેક બાબતો મૂળ મનુસ્મૃતિમાં બાદમાં ઉમેરવામાં આવી હોઈ શકે છે અને તેના વિશે જ ડો.સુરેન્દ્રકુમાર જાણકારી આપશે. તેના માટે ચાર દિવસ શિબિરાર્થીએ અહીં જ રહેવાનું રહેશે. અમે તેને પ્રાંતિજથી અમારા વાહનમાં પિક અપ કરીને આશ્રમે લઈ જઈશું અને ત્યાં તેણે રજિસ્ટ્રેશન બાદ શિબિરમાં ભાગ લેવાનો રહેશે. આ શિબિરમાં તેમના આ તમામ સવાલોના જવાબો મળી જશે.

બીજી તરફ સોશિયલ મીડિયામાં આ પત્રિકા ફરતી થતા દલિત-બહુજન સમાજના બૌદ્ધિક વર્ગમાં તેને લઈને રોષની લાગણી ફેલાઈ છે. આ વર્ગનું માનવું છે કે, દેશમાં હાલ જે દૂષણો છે તેના મૂળમાં મનુસ્મૃતિ રહેલી છે, ત્યારે તેની તાલીમ શિબિર યોજાય એ ચોંકાવનારું છે. વાસ્તવમાં તાલીમ દેશના બંધારણ અને તેમાં કરવામાં આવેલી જોગવાઈઓની સમજણ આપવાની યોજાવી જોઈએ. પરંતુ તેના બદલે હિંદુત્વાદી સંસ્થાઓ દેશને ફરી મનુવાદી યુગમાં ખેંચી જવા મથી રહી છે, આ શિબિર તેનો જ એક ભાગ હોય તેવું લાગી રહ્યું છે.

શિબિરમાં નીચે મુજબના વિષયો અંગે ચર્ચા કરાશે

મનુસ્મૃતિ – વિશ્વનું સૌપ્રથમ બંધારણ
ડો.આંબેડકરના તુલનાત્મક અભ્યાસના સંદર્ભમાં મનુસ્મૃતિકાલીન સમાજ વ્યવસ્થા, વર્ણવ્યવસ્થા, જાતિ વ્યવસ્થાની સમજ.
મનુસ્મૃતિ મુજબ શુદ્રોના કર્તવ્ય અને સન્માન
મનુસ્મૃતિ મુજબ મહિલાઓનું કર્તવ્ય અને સન્માન
મનુસ્મૃતિમાં લગ્ન અને ગૃહાસ્થાશ્રમના કર્તવ્યો
મનુસ્મૃતિકાલીન રાજનીતિનો વર્તમાન રાજનીતિના સંદર્ભમાં તુલનાત્મક અભ્યાસ
મનુસ્મૃતિકાલીન શિક્ષણ વ્યવસ્થાનો વેદોત્ક શિક્ષા વ્યવસ્થાની સંદર્ભમાં તુલનાત્મક અભ્યાસ
મનુસ્મૃતિમાં પુરુષાર્થ ચતુષ્ટય ધર્મ, અર્થ, કામ અને મોક્ષનું યર્થાર્થ સ્વરૂપ
મનુસ્મૃતિમાં બ્રહ્મચર્ય વગેરે આશ્રમો અને કર્તવ્ય
મનુસ્મૃતિમાં મોક્ષનો ઉપાય અને સ્વરૂપ
મનુસ્મૃતિમાં પચ્ચયગ્ન વિધાન અને તેના લાભો
મનુસ્મૃતિમાં સંસ્કાર અને તેમની ઉપયોગિતા

આ શિબિર અંગે વધુ જાણકારી મેળવવા માટે દર્શનયોગ ધામ લાકરોડાની વેબસાઈટ darshanyog.org પર જતા ત્યાં આ સંસ્થાની અન્ય કામગીરી વિશે પણ જાણકારી મળે છે. સંસ્થા દ્વારા બહાર પાડવામાં આવેલી મનુસ્મૃતિની શિબિરની પત્રિકામાં બે સંપર્ક નંબરો પણ આપેલા છે, 9409615011 અને 8200915011 જેના પર ફોન કરીને આ શિબિરના હેતુઓ અને વિષય વિશે જાણકારી મેળવી શકાશે.

આ પણ વાંચો: મનુસ્મૃતિના એ કાયદા, જેણે ભારતીય સમાજમાં અસમાનતાના બીજ વાવ્યાં 

ચેન્નાઈમાં ગૌ સંરક્ષાશાળા ખાતે એક કાર્યક્રમમાં IIT મદ્રાસના ડિરેક્ટર વી કામકોટીએ કહ્યું હતું કે જ્યારે સાધુઓને ખૂબ તાવ આવે છે, ત્યારે તેઓ ગૌમૂત્રનો ઉપયોગ કરે છે. પીટીઆઈના અહેવાલ મુજબ, વાયરલ થઈ રહેલો વીડિયો સાચો છે. તેમણે કહ્યું કે તેઓ એક પ્રાકૃતિક ખેડૂત છે તેથી તેમની વાતોનો સંદર્ભ ખૂબ વ્યાપક છે.

IIT મદ્રાસના ડિરેક્ટરના આ નિવેદનની DMK અને કોંગ્રેસે ટીકા કરી છે. કોંગ્રેસના નેતા કાર્તિ ચિદમ્બરમે કહ્યું કે IIT મદ્રાસના ડિરેક્ટરનો દાવો પાયાવિહોણો છે અને તેને વિજ્ઞાન સાથે કોઈ લેવાદેવા નથી. આ દરમિયાન, ડીએમકે નેતા ટીકેએસ એલાંગોવાને કહ્યું કે તેમને આ પ્રખ્યાત સંસ્થામાંથી બીજે ક્યાંક મોકલવા જોઈએ.

ડીએમકે નેતાએ કહ્યું કે જો તેમને આઈઆઈટી મદ્રાસમાંથી સરકારી મેડિકલ કોલેજમાં ટ્રાન્સફર કરવામાં આવે તો તેઓ શું કરશે? તેઓ IIT માં શું કરી રહ્યાં છે? તેમને એઈમ્સના ડિરેક્ટર બનાવી દેવા જોઈએ. સરકારે તેમને તાત્કાલિક IITમાંથી હટાવવા જોઈએ. તમને જણાવી દઈએ કે વી કામકોટીના આવા ઘણા વીડિયો સોશિયલ મીડિયા પર હાજર છે.

આ પણ વાંચો: ગૌમૂત્ર પીવડાવો પછી જ ગરબામાં એન્ટ્રી આપોઃ ઈન્દોર ભાજપ નેતા

આગ એટલી ભયાનક હતી કે આસપાસનો વિસ્તાર ધુમાડાથી ભરાઈ ગયો હતો. આસપાસનો વિસ્તાર ખાલી કરાવી દેવામાં આવ્યો છે. આ લખાઈ રહ્યું છે ત્યાં સુધી કોઈ જાનહાનિના સમાચાર નથી. આગ સેક્ટર 19 માં લાગી હતી પરંતુ ભારે પવનને કારણે તે સેક્ટર 20 સુધી પહોંચી ગઈ હતી અને નજીકના ઘણા તંબુઓમાં ફેલાઈ ગઈ હતી. આ ઘટનાનો એક વીડિયો પણ સામે આવ્યો છે. મીડિયા રિપોર્ટ્સ મુજબ આગ ગીતા પ્રેસ ગોરખપુરના કેમ્પમાં લાગી હતી. જેમાં 20 થી વધુ તંબુ બળી ગયા છે.

યોગી આદિત્યનાથે ઘટના સ્થળની મુલાકાત લીધી

યુપીના મુખ્યમંત્રી યોગી આદિત્યનાથે પણ આ ઘટનાની નોંધ લીધી છે. તેમણે વરિષ્ઠ અધિકારીઓને સ્થળ પર હાજર રહેવા સૂચના આપી છે. તેમણે ઘાયલોને યોગ્ય સારવારના આદેશ આપ્યા છે. મુખ્યમંત્રી યોગી 'પરમાર્થ નિકેતન ઋષિકેશ' ના કાર્યક્રમમાં હાજરી આપવા માટે કુંભ મેળામાં પહોંચ્યા હતા. મુખ્યમંત્રી યોગીએ આગ લાગી તે જગ્યાની પણ મુલાકાત લીધી હતી. 

યુપીના ચીફ ફાયર ઓફિસર પ્રમોદ શર્માએ જણાવ્યું છે કે સિલિન્ડર વિસ્ફોટને કારણે આગ લાગી હતી. NDRF અને SDRFની ટીમો પણ ઘટનાસ્થળે પહોંચી ગઈ છે. એડીજી ભાનુ ભાસ્કરે કહ્યું છે કે આ મામલાની તપાસ કરવામાં આવશે.

ડીઆઈજી-ડીએમે શું કહ્યું?

મહા કુંભ મેળાના ડીઆઈજી વૈભવ કૃષ્ણાએ જણાવ્યું હતું કે, ગીતા પ્રેસ ગોરખપુરના તંબુમાં આગ લાગી હતી. કોઈ જાનહાનિના સમાચાર નથી. આગથી થયેલા નુકસાનની તપાસ માટે સર્વે હાથ ધરવામાં આવી રહ્યો છે. આગ પર કાબુ મેળવી લેવામાં આવ્યો છે. આ તપાસનો વિષય છે. ફક્ત તંબુ અને કેટલીક વસ્તુઓ બળી ગઈ છે.

પ્રયાગરાજના ડીએમ રવિન્દ્ર કુમારે પણ આ ઘટના પર પોતાની પ્રતિક્રિયા આપી છે. તેમણે કહ્યું કે, સેક્ટર ૧૯ માં ગીતા પ્રેસના તંબુમાં સાંજે ૪.૩૦ વાગ્યે આગ લાગી હતી. થોડી જ વારમાં આગ નજીકના 10 તંબુઓમાં ફેલાઈ ગઈ હતી. પોલીસ અને વહીવટીતંત્રની ટીમ ઘટનાસ્થળે પહોંચી ગઈ છે. આગ પર કાબુ મેળવી લેવામાં આવ્યો છે. કોઈ જાનહાનિ વિશે કોઈ માહિતી નથી.

સમાજવાદી પાર્ટીએ મેળાની તૈયારીઓ પર પ્રશ્નો ઉઠાવ્યા

સમાજવાદી પાર્ટીએ આ મામલે પ્રશ્નો ઉઠાવ્યા છે. સપા પ્રવક્તા ફખરુલ ચાંદે જણાવ્યું હતું કે, સમાજવાદી પાર્ટી શરૂઆતથી જ કુંભ મેળાની તૈયારીઓ પર પ્રશ્નો ઉઠાવી રહી હતી. અહીં મોટી સંખ્યામાં ભક્તો પહોંચી તો રહ્યાં છે પરંતુ તેઓ ખુલ્લા આકાશ નીચે છે. પીવાના પાણીની કોઈ વ્યવસ્થા નથી. સમાજવાદી પાર્ટી પોતાના લોકશાહી અધિકારો અંતર્ગત સવાલો ઉઠાવતી રહી છે. આજે લાગેલી આગમાં ભક્તોની સલામતી સુનિશ્ચિત કરવી જોઈએ.

આ પણ વાંચો: દલિત, ઓબીસીને રિઝવવા ભાજપ કુંભમેળાનો ઉપયોગ કરી રહી છે?

રામકૃષ્ણન ફિલ્મ અભિનેતા કલાભવન મણિના ભાઈ છે

રામકૃષ્ણન સ્વર્ગસ્થ ફિલ્મ અભિનેતા કલાભવન મણિના ભાઈ છે. તેમની પાસે મોહિનીઅટ્ટમ અને ભરતનાટ્યમમાં બે એમએ ડિગ્રી છે. ઉલ્લેખનીય છે કે લિંગ અને જાતિના આધારે મોહિનીઅટ્ટમ કરવા બદલ તેમને અપમાનનો સામનો કરવો પડ્યો હતો. રામકૃષ્ણને કહ્યું કે આ એક મોટી ક્ષણ છે. મારા ભાઈ કહેતા હતા કે આપણે દૃઢ નિશ્ચય સાથે આપણા લક્ષ્યાંકોનો પીછો કરવો જોઈએ અને કોઈપણ પ્રકારના પડકારોથી વિચલિત ન થવું જોઈએ. આ મહાન સંસ્થાના ઇતિહાસનો ભાગ બનવા બદલ હું ખૂબ જ ગર્વનો અનુભવ કરું છું.

પસંદગી સમિતિએ તેમને સૌથી યોગ્ય ઉમેદવાર માન્યા

યુનિવર્સિટીના કુલપતિ બી. અનંતકૃષ્ણને જણાવ્યું હતું કે જ્યારે તેમણે આ પદ માટે અરજીઓ મંગાવી હતી ત્યારે રામકૃષ્ણન અરજદારોમાંના એક હતા. પસંદગી સમિતિએ તેમને સૌથી યોગ્ય ઉમેદવાર માન્યા અને અમે તેમની નિમણૂક કરી છે. આ એક નવી શરૂઆત છે. રામકૃષ્ણન ૨૦૦૭ થી ૨૦૧૭ સુધી કલામંડલમમાં એમફિલ અને પીએચડી કરી રહ્યા હતા, તેમ છતાં તેમને ત્યાં મોહિનીઅટ્ટમ કરવાની તક મળી નહોતી. ગયા વર્ષે પણ સંસ્થાના ભૂતપૂર્વ વિદ્યાર્થી, કલામંડલમ સત્યભામા (જુનિયર) એ જાતિવાદી ટિપ્પણી કરી હતી કે રામકૃષ્ણન મોહિનીઅટ્ટમ ન કરી શકે કારણ કે તેમનો રંગ કાળો છે. તેમને ગયા માર્ચમાં જ કલામંડલમમાં સર્ફોમ કરવાની તક મળી હતી. કલામંડલમને અગાઉ મોહિનીઅટ્ટમમાં છોકરાઓને પ્રવેશ ન આપવા બદલ ટીકાનો સામનો કરવો પડ્યો હતો. હવે તેમણે ભરતનાટ્યમ વિભાગના અધ્યક્ષ બનીને રંગભેદી, જાતિવાદી તત્વોની બોલતી બંધ કરી દીધી છે.

આ પણ વાંચો: 'ગાંડો', 'કાળો', 'કચરો', 'કાળી' જેવા અપમાનજનક નામો સામેની લડાઈ

મળતી માહિતી પ્રમાણે નવી 9 મનપામાં સામેલ કરાયેલી 60 ગ્રામ પંચાયતો ભંગ કરી દેવાઈ છે ત્યાં લોકો જન્મ-મરણ, લગ્ન અને આવક સહિતના સરકારી દાખલાઓ મેળવવામાં અટવાઈ પડ્યાં છે. પંચાયતો ભંગ થઈ છે અને નવી બનેલી નવ મહાપાલિકાઓ પાસે ડેટા નથી. આ સ્થિતિમાં આ સરકારી દાખલાઓ કાઢી આપવાની પ્રક્રિયા મહદ્દઅંશે ખોરંભે પડી છે. હોબાળો મચતાં આણંદ સહિતની અમુક મહાપાલિકા સિક્કો મારીને જન્મ- મરણના સાદા દાખલા આપી રહી છે. પરંતુ, ડેટા ટ્રાન્સફર થયાં ન હોવાથી કોમ્પ્યુટરાઈઝડ દાખલાઓ કાઢી અપાતાં નથી. બીજી તરફ, નવ મહાનગરપાલિકાઓએ આ દાખલાઓ કાઢી આપવા માટે સરકારમાંથી સત્તાવાર મંજુરી મેળવવાની દરખાસ્તો કરી દીધી છે તે મળી નથી. આ મંજુરી મળશે ત્યાં સુધી પ્રજાજનો દાખલા માટે ડખે ચડતાં રહેશે.

આયોજનના અભાવે લોકોને હાલાકી વેઠવાની આવી

1લી જાન્યુઆરીથી મહેસાણા, મોરબી, નવસારી, સુરેન્દ્રનગર, ગાંધીધામ, વાપી, આણંદ, નડિયાદ, પોરબંદરને રાજ્ય સરકારે નવી મહાનગરપાલિકા જાહેર કરી દેવામાં આવી હતી. જો કે, આ જાહેરાત પહેલા કે પછી શું કરવું તેનું આયોજન સરકાર દ્વારા કરવામાં આવ્યું ન હોવાથી આજે પરિસ્થિતિ એવી થઈ છે કે આ નવ મહાનગરપાલિકામાં સમાવેશ થતા 60 ગ્રામ પંચાયતોના રહીશોને સરકારી દાખલા મેળવવામાં સમસ્યા સર્જાઈ રહી છે.  

સ્થાનિક સૂત્રો કહી રહ્યાં છે કે, મહાનગરપાલિકા જાહેર થયા 60માંથી મોટાભાગની ગ્રામ પંચાયતોમાં વસતા લોકોને જન્મ, મરણ કે લગ્નનો પ્રમાણપત્ર મેળવવામાં મુશ્કેલી સર્જાઈ રહી છે. પ્રમાણપત્ર કાઢવા માટેની સત્તા મળે તે માટે ઠરાવ પસાર કરી દેવાયો છે અને સરકારને મોકલી પણ દેવાયો છે. પરંતુ સરકારે પોતાની ઢીલી નીતિના દર્શન અહીં પણ કરાવ્યા છે અને હજુ સુધી આવી સત્તા મ્યુનિસિપલ કમિશનરને ન આપતા લોકો પ્રમાણપત્રો મેળવવાની રાહ જોઈ રહ્યા છે. બીજી તરફ સત્તા મળી ગયા બાદ પણ 60 ગ્રામ પંચાયતોના લોકોને જન્મ-મરણ અને લગ્નનો  પ્રમાણપત્ર મેળવવા માટે છેક શહેર સુધી ધક્કા ખાવા પડશે તે કાયમી સમસ્યાનો સામનો લોકોએ કરવો પડશે.

17 દિવસ પછી પણ ગાડી પાટે ચડી નથી

હાલ નવ મહાનગરપાલિકામાં સમાવેશ થઈ ગયેલી 60 જેટલી ગ્રામ પંચાયતોના લોકો દાખલા મેળવવાની સામાન્ય પ્રક્રિયા માટે પિડાઈ રહ્યા છે. જન્મ અને મરણ તેમજ લગ્ન સહિતના પ્રમાણપત્રો થકી  મિલકત તેમજ અન્ય સમાજ સંબંધિત કામગીરીઓ થતી હોય છે. આવા મુદ્દે તાત્કાલિક કાર્યવાહી કરવાના બદલે હવે સરકાર ખૂબ જ ઢીલી નીતિ અપનાવી રહી  છે.

મહાનગરપાલિકા જાહેર થઈ ગયા ને 17 દિવસ વિત્યાં  છતાં હજુ સુધી મહાનગરપાલિકા નો વહીવટ પાટે ચડ્યો નથી. પરિણામે મહત્વના ગણાતા દાખલાઓ હજુ સુધી મહાનગરપાલિકામાંથી નીકળી શકતા નથી.  રાજ્યમાં 60 ગ્રામપંચાયતોને નવી નવ નગરપાલિકાઓમાં ભેળવી દેવામાં આવી છે. આ 60 ગ્રામ પંચાયતો ભંગ કરવામાં આવતાં હાલ પૂરતાં જન્મ-મરણ, આવક સહિતના સરકારી દાખલાઓ આપવાની પ્રક્રિયા થંભી ગઈ છે. સરકાર તરફથી દરખાસ્તને મંજુરી ન અપાય ત્યાં સુધી નીચે દર્શાવેલી 60 ગ્રામ પંચાયતોના રહીશો સરકારી દાખલાઓના મામલે અદ્ધરતાલ છે અને તેને લઈને સ્થાનિકોમાં ભારે રોષ છે.

આ પણ વાંચો: રાજ્યની 9 નગરપાલિકાને મહાનગરપાલિકાનો દરજ્જો અપાયો

ગુજરાતની સ્થાનિક સ્વરાજ્યની સંસ્થાઓની ચૂંટણી અંગેની મહત્વની બાબતો સામે આવી છે. રાજ્યની સ્થાનિક સ્વરાજ્યની સંસ્થાઓની ચૂંટણીને લઈને તંત્ર દ્વારા તૈયારીઓ શરૂ કરી દેવામાં આવી છે. ગાંધીનગર ખાતે તાજેતરમાં મળેલી કેબિનેટ બેઠકમાં મંત્રીઓને સ્થાનિક સ્વરાજ્યની સંસ્થાઓની ચૂંટણીઓ અંગે જવાબદારી સોંપવામાં આવી હતી.  

ગત સપ્તાહમાં મળેલી કેબિનેટની બેઠકમાં તમામ મંત્રીઓને સંબંધિત જિલ્લાઓની જવાબદારી સોંપવામાં આવી છે. ત્યારે આ સ્થાનિક સ્વરાજની સંસ્થાઓની ચૂંટણીઓની જાહેરાત સંભવત આગામી સપ્તાહમાં જાહેર થાય તેવી શક્યતાઓ જોવા મળી રહી છે. રાજયમાં સ્થાનિક સ્વરાજ્યની સંસ્થાઓની ચૂંટણી સંભવત ફેબ્રુઆરીના બીજા કે ત્રીજા સપ્તાહમાં યોજાઇ શકે છે. એટલે કે વિધાનસભાનું બજેટ સત્ર શરૂ થાય તે અગાઉ સ્થાનિક સ્વરાજ્યની સંસ્થાઓની ચૂંટણી પ્રક્રિયા પૂર્ણ કરી દેવામાં આવે તેવું આયોજન કરવામાં આવી રહ્યું છે.  

રાજયમાં સ્થાનિક સ્વરાજની ચૂંટણીને લઈ રાજ્ય ચૂંટણી પંચ દ્વારા આખરી તૈયારીઓ પૂર્ણ કરી દેવામાં આવી છે. જેના અંતર્ગત હાલના સંજોગોમાં પંચાયત, નગરપાલિકા અને જૂનાગઢ સહિતની અન્ય મહાપાલિકાઓની ચૂંટણીઓની આખરી તૈયારીઓ ચાલી રહી છે. રાજ્ય ચૂંટણી પંચ  દ્વારા ગત મહિનામાં સ્થાનિક સ્વરાજ્યની સંસ્થાઓની બેઠકોની ફાળવણી પણ કરી દેવામાં આવી છે.

રાજ્યમાં વિવિધ 73 નગરપાલિકાની ખાલી પડેલી બેઠકોની પેટા ચૂંટણીઓ તેમજ જૂનાગઢ મનપા અને ખેડા જિલ્લા પંચાયતની સામાન્ય ચૂંટણીઓ યોજાશે. જૂનાગઢ મનપાની સામાન્ય તથા અન્ય મનપાઓની ખાલી પડેલી બેઠકો માટેની પેટા ચૂંટણીઓને લઈને ચૂંટણી પંચ દ્વારા આખરી મતદાર યાદી તૈયાર કરાયા બાદ હવે ટૂંક સમયમાં આખરી ફોટો મતદાર યાદી જાહેર થશે.

આ પણ વાંચો: વોટ આપતી વેળાનું ચિંતન

મીડિયા રિપોર્ટ્સ મુજબ પોલીસે માહિતી આપી હતી કે પુડુક્કોટ્ટઈમાં આયોજિત જલ્લીકટ્ટુમાં એક બળદનું મોત થયું છે. શિવગંગાના સિરવયાલ મંજુવિરટ્ટુમાં એક બળદ અને તેના માલિકનું મોત થઈ ગયું હતું. સિરવયાલના નાદુવિકોટ્ટાઈ કીલા આવંધિપટ્ટી ગામનો થનેશ રાજા તેના બળદ સાથે આ કાર્યક્રમમાં ભાગ લેવા ગયો હતો. થનેશનો બળદ અખાડામાંથી ભાગીને કંબનુરમાં કૂવામાં પડી ગયો હતો. આ ઘટનામાં બંનેના મોત થયા હતા.

મંજુવિરાટ્ટુમાં બનેલી ઘટનામાં લગભગ ૧૩૦ લોકો ઘાયલ થયા હતા. અહીં ૧૫૦ આખલા અને ૨૫૦ બળદોએ કાર્યક્રમમાં ભાગ લીધો હતો. દેવકોટ્ટાઈમાં સુબ્બૈયા નામના એક દર્શકને એક બળદે શીંગડા મારી દીધાં હતા. હોસ્પિટલ લઈ જતી વખતે તેનું મૃત્યુ થયું. પોલીસે જણાવ્યું હતું કે મદુરાઈના અલંગનલ્લુરના મેટ્ટુપટ્ટી ગામના રહેવાસી 55 વર્ષીય દર્શક પી પેરિયાસામીને એક તોફાને ચડેલા બળદે ગળામાં શીંગડા ઘૂસેડી દીધાં હતા. મદુરાઈની હોસ્પિટલમાં તેનું મોત થયું હતું. આ રીતે આ કાર્યક્રમમાં ઓછામાં ઓછા 70 લોકો ઘાયલ થયા હતા, જેમાંથી મોટાભાગના દર્શકો હોવાનું કહેવાય છે.

બીજી તરફ તિરુચિરાપલ્લી, કરુર અને પુડુકોટ્ટાઈ જિલ્લામાં ચાર અલગ-અલગ જલ્લીકટ્ટુ ઇવેન્ટમાં બે દર્શકોના મોત થયા હતા. અહીં બળદ માલિકો સહિત ૧૪૮ લોકો ઘાયલ થયા છે. અહેવાલો અનુસાર, પુડુક્કોટાઈ જિલ્લામાં લગભગ 19 લોકો ઘાયલ થયા છે.

જલ્લીકટ્ટુ શું છે?

જલ્લીકટ્ટુ એ તમિલનાડુની પરંપરાગત રમત છે. તે 'પોંગલ' દરમિયાન યોજાય છે. આ રમતમાં ખેલાડીઓ તેમના બળદ સાથે દોરડાથી બંધાયેલા હોય છે અને અન્ય સ્પર્ધકો સાથે રેસ લગાવે છે. આ રમત પર મદ્રાસ હાઈકોર્ટે 2006માં પ્રતિબંધ મૂક્યો હતો. એ પછી વર્ષ 2014 માં સુપ્રીમ કોર્ટે પણ તેના પર પ્રતિબંધ મૂક્યો હતો. કોર્ટના આદેશો સામે રાજ્યમાં ઘણી જગ્યાએ વિરોધ પ્રદર્શનો થયા. જેના કારણે તમિલનાડુ સરકારે વર્ષ 2017 માં આ રમત પરનો પ્રતિબંધ હટાવવાનો નિર્ણય લીધો હતો. પરંતુ રમતના નિયમોમાં કેટલાક ફેરફારો કરવામાં આવ્યા હતા. ત્યારબાદ કેટલાક એનિમલ રાઈટ્સ એક્ટિવિસ્ટોના જૂથોએ સરકારના આ નિર્ણયને સુપ્રીમ કોર્ટમાં પડકાર્યો હતો. કોર્ટમાં ચર્ચા દરમિયાન તમિલનાડુ સરકારે કહ્યું હતું કે આ રમત ફક્ત મનોરંજન માટે નથી. આ રમત સાથે ઇતિહાસ, પરંપરા અને ધાર્મિક શ્રદ્ધા સંકળાયેલી છે.

વર્ષ 2023માં જસ્ટિસ કે.એમ. જોસેફની આગેવાની હેઠળની પાંચ ન્યાયાધીશોની સુપ્રીમ કોર્ટની બેન્ચે જલ્લીકટ્ટુ પર તમિલનાડુ સરકારના નિયમોને મંજૂરી આપી હતી. તેમણે કહ્યું કે જ્યારે રાજ્ય સરકાર માને છે કે જલ્લીકટ્ટુ તમિલનાડુની પરંપરા સાથે જોડાયેલું છે, તો અમે પણ એવું જ માનીએ છીએ. પોતાનો ચુકાદો આપતી વખતે કોર્ટે કહ્યું હતું કે પશુ ક્રૂરતા નિવારણ અધિનિયમ 2017 (તમિલનાડુ સંશોધન) રમતગમતમાં પ્રાણીઓ પ્રત્યે ક્રૂરતામાં નોંધપાત્ર ઘટાડો કરે છે.

આ પણ વાંચો: 12 લોકોની હત્યા કરનાર વઢવાણના ભૂવાનું પોલીસ કસ્ટડીમાં મોત

અન્ય અધિકારી મિત્રોમાં સચિવાલય સંવર્ગના નાયબ સચિવ અને ઉપસચિવ ઉપસ્થિત રહ્યા હતા. જિલ્લા કક્ષાની કચેરીઓ પૈકી જિલ્લા કલેકટર કચેરીના મામલતદાર, માહિતી અને પ્રસારણ નિયામક કચેરીના અધિકારીઓ ઉપસ્થિત રહ્યા હતા. આ વાર્ષિક સ્નેહમિલન કાર્યક્રમ અને સમારોહ પ્રસંગ હતો.

સૌ પ્રથમ સમારંભના આયોજક, સંયોજક રાજેન્દ્ર કુમાર, અધિક કલેકટર અને સંયુક્ત નિયામક માહિતી અને પ્રસારણ નટુભાઈ દ્વારા મંચસ્થ ઉચ્ચ મહાનુભવોનું સ્વાગત અને અભિવાદન કરવામાં આવ્યું હતું. ત્યારબાદ હાજર સર્વે ઉચ્ચ અધિકારી મિત્રોને સ્નેહભર્યો આવકાર આપી સ્વાગત કરવામા આવ્યું અને તમામ મિત્રોને નવા વર્ષની શુભકામનાઓ પાઠવી કાર્યક્રમની શરૂઆત કરવામાં આવી.

ઉપસ્થિત મિત્રોએ પોતાનો પરિચય તેમજ નોકરી-બિઝનેસ વિગેરેની માહિતી આપી તેમજ નિવૃત્તિ અને વર્તમાન પ્રવૃત્તિ Activities થી બધાંને વાકેફ કર્યાં હતા. હાલના ડિજિટલ વર્લ્ડ અને માર્કેટિંગ નાં સ્પર્ધાત્મક અને ચેલેન્જના સમયને અનુલક્ષીને ધંધા - વેપાર સાહસિકતા, યુવા પેઢી વિકાસ અને ઘડતર, શિક્ષણ અને નોકરી સાહસિકતા વિષયો પર વિચાર વિમર્શ કરવમાં આવ્યાં. ઘણાં બધાં નિવૃત અને વર્તમાન અધિકારીઓએ પોતાના નોકરી સમય દરમ્યાનના અનુભવો અને  પોતાના મંતવ્યો જણાવી પોતાના સમય અને માર્ગદર્શન માટે વિનામૂલ્ય ઓફર કરી. સંકલન સમિતિ દ્વારા સર્વે સૂચનો, પગલાં અને માર્ગદર્શક મુદ્દાની અને અમલીકરણના પગલાં માટેની નોંધ લેવામા આવી.

સ્નેહમિલન ના Chief Initiator  શ્રી એમ. બી. પરમાર IASની આગેવાનીમાં શ્રી ડૉ. ડી ડી. કાપડિયા IAS દ્વારા અંત્યંત નિપુણતાપૂર્વક કાર્યક્રમને બખૂબી સફળ અને વિશિષ્ટ બનાવવામાં માટે ખાસ પરિશ્રમ ઉઠાવવામાં આવ્યો હતો. સર્વે મંચસ્થ અધિકારી મહાનુભાવ મિત્રોનો કાર્યક્રમમાં આવી માર્ગદર્શન અને પ્રોત્સાહન આપવા અને યુવાનોને કારકીર્દિ ઘડતર માટે કાળજી લેવા અને સખત મહેનત કરવા વગેરે બાબતે હાર્દિક આભાર વ્યક્ત કરવામાં આવ્યો. ત્યારબાદ અન્ય ઉપસ્થિત અધિકારી મિત્રોનો આભાર માની સ્નેહમિલન સમારોહ પ્રસંગની સમાપ્તિ કરવામાં આવી હતી. ભોજન - લંચની વ્યવસ્થા કરવામાં આવી હોવાથી બધાં મિત્રોએ ભોજનને ન્યાય આપ્યો. આ સ્નેહમિલન સાચા અર્થમાં વાસ્તવિક સ્નેહમિલન બની રહ્યું. બધાં મિત્રો સહકર્મી અધિકારી હતા અને ઘણાં સમય બાદ મળ્યાં હોવાથી ખૂબ સ્નેહ અને લાગણી, કૌટુંબિક ભાવનાથી મળ્યાં અને એકમેકને ભેટી પડયા હતા. શ્રી એમ. બી. પરમાર IAS આખા પ્રોગ્રામની પાયાની ઈંટ અને પૃષ્ઠ ભૂમિ foundation stone બની રહ્યાં. આખા કાર્યક્રમ નાં સફળ સંચાલન માટે પૂર્વ સંયુક્ત માહિતી નિયામક શ્રી નટુભાઈ પરમાર તેમજ Additional Collector શ્રી રાજેન્દ્ર કુમાર RKનું યોગદાન, મહેનત, માર્ગ દર્શન, ખંત અને સંકલન અદ્વિતિય અને અગત્યનાં બની રહ્યાં હતા. 

શ્રી એમ  બી પરમાર IAS, નટુભાઈ JID, રાજેન્દ્ર કુમાર GAS અને અન્ય મિત્રોની મેહનત, જેહમત  કોઈપણ અપેક્ષા વિનાની કામગીરી, કાર્ય ક્ષમતા અને કાર્યશૈલી સ્નેહમિલન ને નજીકના ભવિષ્યની મોટી ગગનચુંબી ઇમારતમાં ફેરવી નાખશે તેમાં લેશ માત્ર શંકા નથી. જે આજના યુવાનોની ભાવિ પેઢીને સોનેરી ભવિષ્ય અને શિક્ષણ અને વ્યવસાય બીઝનેસ કારકિર્દી માટે અંત્યત ઉપયોગી બની રહેશે.

આ પણ વાંચો: VHP ના ત્રિશુલ દીક્ષા કાર્યક્રમમાં બૌદ્ધ ભંતે હાજરી આપી સંકલ્પ લેવડાવ્યા

સેલિના જેટલીએ આ પ્રશ્નનો જવાબ અત્યંત સંવેદનશીલતા અને બૌદ્ધિક અભિગમ સાથે આપ્યો. તેણે કહ્યું કે તે 'ડૉ. ભીમરાવ આંબેડકર' તરીકે જન્મ લેવા માંગશે. સેલિનાએ ડૉ. આંબેડકરના જીવન, સંઘર્ષ અને તેમના યોગદાનની પ્રશંસા કરતા કહ્યું: "હું તેમને તેમના ગહન અભ્યાસ અને જ્ઞાન માટે ખૂબ જ માનથી જોઉં છું. મને તેમના પ્રત્યે ખૂબ જ માન છે. કાયદાકીય અને સામાજિક સુધારા પ્રત્યેનું તેમનું વિઝન અનોખું છે. ભારતમાં જાતિ વ્યવસ્થાનો અંત લાવવા અને ભારતીય બંધારણ લખવાનું તેમણે જે કાર્ય કર્યું તે દરેક માટે પ્રેરણા આપનારું છે. કાશ, હું ભારતનું બંધારણ લખી શકત અને લોકો મને દરેક વખતે એ જ રીતે યાદ કરત, જે રીતે ડો.બાબાસાહેબ આંબેડકરને યાદ કરે છે."

સેલિનાના આ જવાબે ન માત્ર પ્રેક્ષકોને પ્રભાવિત કર્યા પરંતુ એ પણ જોવા મળ્યું કે તે સામાજિક સમાનતા અને માનવ અધિકારો જેવા મુદ્દાઓને કેટલી ગંભીરતાથી સમજે છે. સેલિનાએ ૨૦૦૧નો એ ફેમિના મિસ ઈન્ડિયાનો ખિતાબ જીત્યો હતો અને ૨૦૦૧માં મિસ યુનિવર્સ સ્પર્ધામાં ચોથી રનર-અપ બની હતી. તેણે 2003 ની થ્રિલર ફિલ્મ 'જાનશીન' થી અભિનયની શરૂઆત કરી હતી. સેલેનાને 2013 થી United Nations Equality Champion તરીકે પણ ઓળખવામાં આવે છે.

આ પણ વાંચો: ભારતના બંધારણ પર RSS અને તેના સ્થાપકો શું માનતા હતા?

સેલિના જેટલીનો આ વીડિયો એવા સમયે વાયરલ થઈ રહ્યો છે જ્યારે કેન્દ્રીય ગૃહમંત્રી અમિત શાહ દ્વારા ડૉ. આંબેડકર પર કરવામાં આવેલી ટિપ્પણીની વ્યાપક ટીકા થઈ રહી છે. આ નિવેદનનો માત્ર ભારતમાં જ નહીં પરંતુ વૈશ્વિક સ્તરે બહુજન સમાજ તરફથી વ્યાપક વિરોધ થઈ રહ્યો છે.

17 ડિસેમ્બરે સંસદમાં અમિત શાહના ભાષણ પછી વિવાદ શરૂ થયો હતો. રાજ્યસભામાં બંધારણ પર ચર્ચા દરમિયાન બોલતા કેન્દ્રીય ગૃહમંત્રીએ આંબેડકરને લઈને વિપક્ષી પક્ષો પર નિશાન સાધ્યું હતું. આ વિવાદ હજુ પણ લગભગ ત્રણ અઠવાડિયાથી ચાલી રહ્યો છે અને અમિત શાહ પાસેથી માફી અને રાજીનામાની માંગ કરવામાં આવી રહી છે. સેલિના જેટલીનો આ વાયરલ વીડિયો આંબેડકરના યોગદાન અને તેમના વિચારોને ફરીથી ચર્ચાના કેન્દ્રમાં લાવી રહ્યો છે.

આ ક્લિપ સોશિયલ મીડિયા પ્લેટફોર્મ X (અગાઉ ટ્વિટર) પર ઘણી વખત શેર કરવામાં આવી છે. બહુજન સમાજ અને સામાજિક કાર્યકરોએ સેલિના જેટલીના આ નિવેદનની ખૂબ પ્રશંસા કરી છે.

ટ્રાઇબલ આર્મીના સ્થાપક હંસરાજ મીણાએ એક્સ પર એક પોસ્ટ શેર કરી જેમાં તેમણે સેલિના જેટલીની આ ક્લિપ શેર કરતા લખ્યું, "સેલિનાના જવાબથી ખબર પડે છે કે તે આંબેડકરના જીવન, સંઘર્ષ અને સમાજમાં તેમના યોગદાનથી કેટલી પ્રભાવિત હતી. ડૉ. આંબેડકરે સામાજિક સમાનતાને મહત્વ આપ્યું હતું અને માનવ અધિકારો માટેની લડાઈમાં તેમણે જે મિસાલ સ્થાપિત કરી છે તે દરેક પેઢીને પ્રેરણા આપે છે. સેલિના જેટલીનો આ જવાબ ન માત્ર તેના વિચારો અને સામાજિક સંવેદનશીલતાને જ ઉજાગર કરે છે, પરંતુ પ્રેક્ષકો પર પણ ઊંડી છાપ છોડી ગયો હતો."

ડૉ. ભીમરાવ આંબેડકરે ભારતીય સમાજમાં સમાનતા અને માનવ અધિકારો સ્થાપિત કરવા માટે પોતાનું જીવન સમર્પિત કર્યું. તેમને બંધારણના ઘડવૈયા તરીકે યાદ કરવામાં આવે છે, જેમણે દરેક નાગરિક માટે સમાન અધિકારો સુનિશ્ચિત કરવા માટે લડત આપી હતી. તેમનો વારસો આજે પણ દરેક પેઢીને પ્રેરણા આપે છે.

આ પણ વાંચો: ડૉ.આંબેડકરનું બંધારણ ન હોત તો અમિત શાહ ભંગાર વેચતા હોત : સિદ્ધારમૈયા

અમૃત પ્રજાપતિ વૈદ્યની હત્યામાં આસારામના સાધકોની સંડોવણી ખુલી હતી. રાજકોટમાં તેની હત્યા કરનાર શાર્પશૂટર કાર્તિક બંગાળી ઉર્ફે રાજુ દુલાલચંદ હલદની ધરપકડ બાદ કિશોર બાલકૃષ્ણ બોડકેની સંડોવણી ખુલી હતી. જેની રાજકોટ ક્રાઈમ બ્રાંચે ધરપકડ કરી છે. હજુ આ કેસમાં 7 શખ્સો ફરાર છે. પકડાયેલ કિશોર બાલકૃષ્ણ બોડકનો અમદવાદ સીઆઇડી ક્રાઈમે કબજો લીધો છે.

આસારામ વિરોધી 400 લોકોને પતાવી દેવાનો પ્લાન હતો

પ્રાથમિક તપાસમાં ચોકાનારી હકીકત સામે આવી છે. કિશોર બાલકૃષ્ણ બોડકેએ ભારતમાં આસારામનો વિરોધ કરનાર 400 જેટલા વિરોધીઓની યાદી તૈયાર કરી હતી. અને એક પછી એક દરેક વિરોધીઓની હત્યાનો પ્લાન પણ બનાવ્યો હતો. કિશોર બોડકેએ આસારામના વિરોધીઓને ‘પાઠ’ ભણાવવા એસિડ એટેકથી માંડી ફાયરીંગ સહિતની તૈયારી કરી લીધી હતી.

અમૃત પ્રજાપતિને કેવી રીતે પતાવી દીધો?

દુષ્કર્મ કેસમાં આસારામની સામે પડેલા તેમના પૂર્વ સાધક અને કેસના મહત્વના સાક્ષી અમૃત પ્રજાપતિ ગત તા 23/05/2014ના રોજ રાજકોટમાં પોઇન્ટ બ્લેન્ક રેન્જથી ફાયિંરગ કરી હત્યા કરવામાં આવી હતી. રાજકોટના સંત કબીર રોડ પર આવેલી ઓમ શાંતિ આયુર્વેદિક હોસ્પિટલમાં દર્દીઓની સારવાર માટે આવેલ વૈદ્ય અમૃત પ્રજાપતિ પાસે બપોરે 1 વાગે એક વ્યક્તિ ઓમ શાંતિ આરોગ્ય ધામમાં દર્દીના સ્વાંગમાં આવ્યો હતો અને વૈદ્ય અમૃત પ્રજાપતિ હોસ્પિટલની બહાર નીકળતા હતા ત્યારે આ શખ્સે અમૃત પ્રજાપતિ ઉપર પોઇન્ટ બ્લેન્ક રેન્જથી ફાયિંરગ કર્યું હતું. ફાયિંરગમાં અમૃત પ્રજાપતિને ગળામાં ગોળી ઘૂસી જતા ગંભીર ઇજા થઇ હતી. ભાગવાના પ્રયાસમાં હત્યારાની બે પિસ્તોલ અને એક મેગેઝિન અને 10 કાર્ટીસ સ્થળ પડી જતા તે મળી આવ્યા હતા. અમૃત પ્રજાપતિને રાજકોટ અને બાદમાં અમદાવાદની હોસ્પિટલમાં સારવાર માટે ખસેડાયા બાદ અમદાવાદ હોસ્પિટલમાં સારવાર દરમિયાન તેમનું મૃત્યુ નીપજતા બનાવ હત્યામાં પલટાયો હતો. આ બનાવ અંગે રાજકોટ બી-ડીવીઝન પોલીસમાં હત્યાનો ગુનો નોંધાયો હતો. 

અમૃત પ્રજાપતિએ અંતિમ નિવેદનમાં અનેકના નામ આપ્યાં

આ હુમલામાં ગંભીર રીતે ઘાયલ થયેલા અમૃત પ્રજાપતિએ સારવાર વખતે ભાનમાં હતા ત્યારે પોતાના અંતિમ નિવેદનમાં મેઘજીભાઇ પટેલ(કાંકરેજ, હાલ માં નગર, વડોદરા આશ્રમ), કે.ડી. ઉર્ફે કાંતિલાલ ડી.પટેલ (ઇડર, સાબરકાંઠા, હાલ-એ-16, મહેનજીબા નગર, મોટેરા), આસારામની જમીનનું કામકાજ સંભાળતા વિકાસ કૈલાસચંદ ખેમકા (રહે, સુરત) રામચંદ્ર ચંદીરામ ઠક્કર (ડીસા, હાલ મોટેરા, આશ્રમના ખરીદ વેચાણના ઇન્ચાર્જ), અજય રસિકલાલ શાહ (મનોરમાગંજ ઇન્દોર, હાલ મોટેરા આશ્રમ) અને કૌશિક પોપટ (નંદુરબાર, મહારાષ્ટ્ર, હાલ હિસાબનીશ, મોટેરા આશ્રમ)ના નામ આપ્યા હતા. જોકે આ તમામની પુછપરછ બાદ આ હત્યા કેસમાં શાર્પશૂટર કાર્તિક બંગાળી ઉર્ફે રાજુ દુલાલચંદ હલદરનું નામ ખૂલ્યા બાદ તેની ધરપકડ કરવામાં આવી હતી.

કિશોર બાડકે કર્ણાટકના આસારામ આશ્રમમાંથી ઝડપાયો

બન્ને શખ્સો અગાઉથી રાજકોટ આવી ગયો હતો અને રાજકોટ ખાતે આસારામ આશ્રમમાં રોકાયાનું સીઆઇડીની તપાસમાં બહાર આવ્યું હતું. આ કેસમાં કિશોર બાલકૃષ્ણ બોડકેનું નામ ખુલ્યું હતું જેણે અમૃત પ્રજાપતિની હત્યાની સોપારી આપી હતી.

આ પણ વાંચો: ગૌરી ગરવાની હત્યામાં આખું કચ્છ હિબકે ચઢ્યું, ખુદ સાંસદ ન્યાય માટે રસ્તે ઉતર્યા

રાજકોટમાં આસારામના પૂર્વ સાધકની 10 વર્ષ પૂર્વની હત્યાનું કાવતરું રચનાર હત્યામાં સંડોવાયેલ મૂળ મહારાષ્ટ્રના સોલાપુરના વીડીઘરકુલ બ્રહ્મનાથનગરના વતની અને અમદાવાદ આશારામ આશ્રમ, મોઢેરા ખાતે રહેતા સેવક કિશોર બાલકૃષ્ણ બોડકે (ઉવ.37) કર્ણાટકના કાલા બગુડીમાં આવેલ આશારામ આશ્રમમાં છુપાયો હોવાની બાતમીને આધારે રાજકોટ ક્રાઈમ બ્રાંચના એ.એસ.આઇ.જલદિપસિહ વાઘેલા, હેડ કોન્સટેબલ સુભાષભાઇ ધોધારી, વિજયરાજસિંહ જાડેજા, સંજયભાઇ ખાખરીયાની ટીમે કર્ણાટકના કાલા બગુડીમાં આવેલ આશારામ આશ્રમમાં સેવક બની વેશપલ્ટો કરી પાંચ દિવસ સુધી વોચ રાખી સેવક કિશોર બાલકૃષ્ણ બોડકેને પકડી રાજકોટ લાવવામાં આવ્યો હતો.

'મોહરા' ફિલ્મ જેમ આસારામ બોલે તેનું લિસ્ટ બનાવતો

પોલીસની પ્રાથમિક તપાસમાં કિશોર બોડકે આસારામનો કટ્ટર સાધક હોવાનું જાણવા મળ્યું છે. તે ભારતમાં આવેલ આસારામના અલગ-અલગ આશ્રમમાં ફરતો રહેતો અને સેવા આપતો હતો. તે આસારામના વિરોધીઓ ઉપર ખાસ વોચ રાખતો હતો અને જે લોકો આસારામની વિરુદ્ધ બોલે તેમનું લિસ્ટ તૈયાર કરી તેમના ઉપર હુમલા કે તેની હત્યાનો પ્લાન બનાવતો હતો હતો. કિશોર બોડકે હત્યા અને હત્યાની કોશિશ સહિત ગુનામાં સંડોવાયેલ હોવાનું સામે આવ્યું છે. જેમાં સુરત ખાતે ઉમરા, અડાજણ અને ખાટોદર પોલીસ સ્ટેશનમાં અલગ-અલગ ગુનામાં પોલીસ ચોપડે ચડી ચૂક્યો હોવાનું સામે આવ્યું છે. અગાઉ તે સુરતમાં આસારામના એક વિરોધી ઉપર એસિડ એટેક પણ કર્યો હતો. કિશોર સાથે અન્ય 7 સાધકો ફરાર હોય તેની ભાળ મેળવવા માટે હવે ગાંધીનગર સીઆઈડી ક્રાઈમની ટીમ કિશોરની વિશેષ પૂછપરછ કરશે.

કિશોરની ધરપકડ બાદ પોલીસે નોન સ્ટોપ 1200 કિમી અંતર કાપ્યું

કિશોરની ધરપકડ બાદ કર્ણાટકના કાલા બગુડીમાં આવેલ આસારામ આશ્રમમાં સાધકો રાજકોટ પોલીસ ઉપર હુમલો કરે તેવી દહેશતને પગલે ગુપ્ત ઓપરેશન ઘડવામાં આવ્યું હતું. પી.એસ.આઈ એ.એન.પરમાર પી.એસ.આઈ એમ.કે.મોવલીયાની ટીમમાં ફરજ બજાવતા એએસઆઈ જલદીપસિંહ વાઘેલા, હેડ કોન્સ્ટેબલ સુભાષ ઘોઘારી, વિજયરાજસિંહ જાડેજા તથા પોલીસ કોન્સ્ટેબલ અર્જુન ડવ અને સંજય ખાખરીયા બે દિવસ પૂર્વે રાજકોટથી નીકળી 1200 કિલોમીટરનું અંતર કાપી કર્ણાટક સ્થિત કાલા બગુડા જિલ્લામાં આવેલ આસારામના આશ્રમ ખાતે પહોંચ્યા હતા. અહીંયા પહોંચી તેઓ પ્રથમ એક દિવસ સાધક બની દર્શન કર્યા હતા અને આરોપી ઉપર વોચ રાખવી શરૂ કરી હતી. ત્યાબાદ બાદ કિશોર બોડકે વિશે ભાળ મળી જતા તેને ઝડપી પાડવામાં આવ્યો હતો અને 10 કલાકમાં 1200 કિલોમીટરનું નોનસ્ટોપ અંતર કાપી કર્ણાટકથી પરત રાજકોટ લઈ આવ્યા હતા.

આ પણ વાંચો: ‘ઓ બાંગ્લાદેશી…’ ના મેણાંથી કંટાળી યુવકે 4 બહેનો અને માતાની હત્યા કરી

સંસદમાં બંધારણ પર ચર્ચા દરમિયાન અમિત શાહે જે રીતે બાબાસાહેબ પર ટિપ્પણી કરી, તેનાથી માત્ર ભારતમાં જ નહીં પરંતુ સમગ્ર વિશ્વમાં રહેતા આંબેડકરવાદીઓએ તેમની વિરુદ્ધ મોરચો ખોલી દીધો છે તે સ્પષ્ટ છે. અને તેઓ કોઈ પણ સંજોગોમાં અમિત શાહને માફ કરવાના મૂડમાં નથી.

ખાસ વાત એ હતી કે આ વિરોધ પ્રદર્શનમાં દલિત સમુદાય ઉપરાંત લઘુમતી સમુદાયના લોકોએ પણ ભાગ લીધો હતો. તેમણે સ્પષ્ટ કર્યું કે બાબાસાહેબ આંબેડકર વિના ભારતની કલ્પના પણ કરી શકાતી નથી. આ દરમિયાન આંબેડકરવાદીઓએ સ્પષ્ટ કર્યું કે જ્યાં સુધી અમિત શાહ માફી નહીં માંગે ત્યાં સુધી આ વિરોધ બંધ થવાનો નથી.

ઉલ્લેખનીય છે કે, સંસદમાં અમિત શાહે કહ્યું હતું કે, "આજકાલ એક ફેશન થઈ ગઈ છે, આંબેડકર,આંબેડકર,આંબેડકર..આટલું નામ જો ભગવાનનું લીધું હોત તો સાત જન્મો સુધી સ્વર્ગ મળી જાત." તેમના આ નિવેદન બાદ દેશભરમાં આંબેડકરવાદીઓમાં રોષ ફાટી નીકળ્યો હતો. અનેક શહેરોમાં અને ગામડાઓમાં પણ અમિત શાહ વિરુદ્ધ લોકો રસ્તા પર ઉતરી આવ્યા અને દેખાવો કરી તેમની માફીની માગણી કરી હતી. જો કે, હજુ સુધી અમિત શાહે આ મામલે માફી નથી. એ સ્થિતિમાં ફરી આ મુદ્દે ચગે તેવી પુરી શક્યતા સેવાઈ રહી છે.

આ પણ વાંચો: અમિત શાહ સામે હવે ગુજરાત બાર કાઉન્સિલના વકીલે મોરચો માંડ્યો

શંભુ કુમારે જણાવ્યું હતું કે આવકવેરા વિભાગે સુનાવણી માટે કોઈ સમય આપ્યા વિના તેમની મીડિયા કંપનીના બેંક ખાતાઓ સ્થગિત કરી દીધા હતા. સામાન્ય પ્રક્રિયા મુજબ નોટિસ પછી ઓછામાં ઓછો એક મહિનાનો સમય આપવામાં આવે છે, પરંતુ અહીં સીધી કાર્યવાહી કરવામાં આવી હતી. શંભુ કુમારે તેને "બહુજન સમાજના અવાજને દબાવવા અને સરકાર પર સવાલ ઉઠાવનારાઓ સામે બિનજરૂરી કાર્યવાહી કરવાનો" એક ભાગ ગણાવ્યો.

કર્મચારીઓનો પગાર વિલંબમાં મૂકાયો

નેશનલ દસ્તકની ટીમમાં કુલ 10 લોકો કામ કરે છે, જેમને દર મહિને નિયમિતપણે પગાર ચૂકવવામાં આવે છે. આ મહિને પણ પગાર ચૂકવવાનો સમય હતો, પરંતુ આવકવેરા વિભાગે કોઈપણ સૂચના કે નોટિસ આપ્યા વિના તેમનું બેંક ખાતું ફ્રીઝ કરી દીધું, જેના કારણે કર્મચારીઓનો પગાર અટકી ગયો છે.

નેશનલ દસ્તકના રિપોર્ટર નિધિ રતને આરોપ લગાવ્યો કે આ કાર્યવાહી ફક્ત એટલા માટે કરવામાં આવી છે કારણ કે નેશનલ દસ્તક વંચિત અને શોષિત સમાજનો અવાજ ઉઠાવે છે. નિધિએ કહ્યું, "સરકાર અમને ચૂપ કરવા માટે આવી યુક્તિઓ અપનાવી રહી છે જેથી અમને સમાજના પ્રશ્નો અને સમસ્યાઓ ઉઠાવતા અટકાવતા રોકી શકાય."

અગાઉ માહિતી અને પ્રસારણ મંત્રાલયે નોટિસ મોકલી હતી

નેશનલ દસ્તક ચેનલ પર આ કાર્યવાહી પહેલી વાર નથી રહી. અગાઉ, લોકસભા ચૂંટણી દરમિયાન દિલ્હીના માહિતી અને પ્રસારણ વિભાગે નેશનલ દસ્તકને નોટિસ મોકલી હતી અને તેની યુટ્યુબ ચેનલ બંધ કરવાનું કહ્યું હતું.

શંભુ કુમાર માને છે કે નેશનલ દસ્તક વંચિત અને શોષિત સમાજનો અવાજ ઉઠાવવાનું કામ કરે છે, જે સરકારને અસહજ કરી મૂકે છે. તેમણે કહ્યું, "સરકારને પ્રશ્નો પૂછનારા અને બહુજન સમાજના મુદ્દાઓ ઉઠાવનારાઓને ચૂપ કરવા માટે આ યુક્તિઓ અપનાવવામાં આવી રહી છે."

બંધારણની કલમ 19(1)(a) દરેક નાગરિકને અભિવ્યક્તિની સ્વતંત્રતાનો અધિકાર આપે છે. આવી સ્થિતિમાં યોગ્ય પ્રક્રિયા વિના મીડિયા સંસ્થાઓ સામે કાર્યવાહી કરવી એ લોકશાહી મૂલ્યોની વિરુદ્ધ છે. શંભુ કુમારે કહ્યું કે નેશનલ દસ્તક આ અન્યાયી કાર્યવાહી સામે કાનૂની લડાઈ લડશે.

આ પણ વાંચો: શંભુ કુમાર સિંહની નેશનલ દસ્તક યુટ્યૂબ ચેનલને બંધ કરવાની નોટિસ મળી

ઉત્તર પ્રદેશ વિધાન પરિષદના સભ્ય અને ઉત્તર પ્રદેશ અનુસૂચિત જાતિ નાણા અને વિકાસ નિગમના ભૂતપૂર્વ અધ્યક્ષ ડૉ. લાલજી પ્રસાદ નિર્મલે અખિલેશ યાદવ પર ડૉ. ભીમરાવ આંબેડકરના નામને સરકારી યોજનાઓ અને સ્મારકોમાંથી દૂર કરવાના ગંભીર આરોપો લગાવ્યા છે. ડૉ. નિર્મલે કહ્યું કે જ્યારે અન્ય રાજકીય પક્ષો ડૉ. આંબેડકરના નામે દલિતોને આકર્ષવાનો પ્રયાસ કરી રહ્યા છે, ત્યારે સપા સરકાર દરમિયાન દલિતો માટે કરવામાં આવેલા કાર્યોને પાછળ ધકેલી દેવામાં આવ્યા હતા. તેમણે ખાસ કરીને તે યોજનાઓ અને સ્થળોનો ઉલ્લેખ કર્યો જેમાંથી સપા દ્વારા બાબા સાહેબનું નામ દૂર કરવામાં આવ્યું હતું. આ આરોપ ગંભીર એટલા માટે છે કેમ કે, સપા પણ કોંગ્રેસની જેમ ડો.આંબેડકરની ગુણગાન ગાઈ રહી છે. ત્યારે દલિત સમાજ માટે આ આરોપો ચોંકાવનારા છે. ડૉ. આંબેડકર માત્ર ભારતીય બંધારણના નિર્માતા જ નહોતા, પરંતુ તેમણે દલિતોના અધિકારો માટે સતત લડત પણ આપી હતી.

આ પણ વાંચોઃ ડૉ. આંબેડકરના આ સવાલોનો RSS પાસે કોઈ જવાબ છે?

અખિલેશ યાદવના શાસનમાં ડૉ. આંબેડકરના નામ સાથે છેડછાડ
ડૉ. નિર્મલે સમાજવાદી પાર્ટીની સરકાર દરમિયાન થયેલા નામ પરિવર્તનના ઘણાં ઉદાહરણો આપ્યા. તેમણે જણાવ્યું કે 'આંબેડકર ગ્રામ વિકાસ યોજના' દ્વારા 'ડૉ. આંબેડકર' નામ કાઢી નાખવામાં આવ્યું છે અને લખનૌના 'ડૉ. આંબેડકર ગ્રીન પાર્ક'નું નામ બદલીને જનેશ્વર મિશ્રા પાર્ક રાખવામાં આવ્યું. આ ફેરફાર માત્ર ડૉ. આંબેડકરના યોગદાનનો અસ્વીકાર નહોતો પરંતુ દલિત સમાજને સંદેશ પણ હતો કે રાજ્યમાં તેમના વારસાનું મૂલ્ય નથી.

ડો. નિર્મલે આગળ જણાવ્યું કે, આ સિવાય રામપુરમાં ડૉ. આંબેડકર પ્લેનેટોરિયમમાંથી પણ બાબા સાહેબનું નામ કાઢી નાખવામાં આવ્યું હતું અને કન્નૌજમાં ડૉ. આંબેડકર મેડિકલ કોલેજનું નામ બદલીને એક સામાન્ય નામ આપી દેવામાં આવ્યું હતું. લખનૌના આંતરરાષ્ટ્રીય બસ ટર્મિનલ પરથી પણ ડો.આંબેડકરનું નામ હટાવીને તેને બદલીને આલમબાગ બસ ટર્મિનલ કરવામાં આવ્યું હતું. ભીમનગર(સંભાલ) નું નામ કાઢી નાખવામાં આવ્યું. રમાબાઈ આંબેડકર નગર (કાનપુર દેહાત) પરથી રમાબાઈનું નામ દૂર કરવામાં આવ્યું અને તેને એક સામાન્ય નામ આપવામાં આવ્યું છે. આ તમામ પગલાં દલિતો માટે નિરાશાનું કારણ બન્યાં હતા, જેઓ હંમેશા ડૉ. આંબેડકરને તેમના અધિકારો માટેની લડાઈનું પ્રતીક માનતા આવ્યા છે.

દલિતો પ્રત્યે અખિલેશ યાદવની સરકારનું વલણ
ડૉ. નિર્મલે અખિલેશ યાદવની સરકાર વિરુદ્ધ કડક ટિપ્પણી કરી અને કહ્યું કે દલિતો માટે બનાવેલા સ્મારકો અને યોજનાઓમાંથી ડૉ. આંબેડકરનું નામ દૂર કરવાનું તેમના દ્વારા લેવાયેલું પગલું દલિત સમાજ પ્રત્યે મોટો અન્યાય છે. તેમણે કહ્યું કે અખિલેશ યાદવની સપા સરકારે હંમેશા બાબા સાહેબના વિચારો અને યોગદાનને પાછળ ધકેલી દેવાનો પ્રયાસ કર્યો હતો. જ્યારે યોજનાઓ અને સંસ્થાઓનું નામમાંથી ડૉ. આંબેડકરનું નામ દૂર કરવામાં આવ્યું, ત્યારે જ એ સાબિત થઈ ગયું હતું કે સમાજવાદી પાર્ટીની સરકારને દલિત સમાજના ઇતિહાસ અને તેમના સંઘર્ષો પ્રત્યે કોઈ માન નહોતું.

બધાં રાજકીય પક્ષો ડો.આંબેડકરના યોગદાનનો આદર કરે
અખિલેશ યાદવની સરકાર દ્વારા ડૉ. આંબેડકરના નામ સાથે ચેડા કરવાનો વિવાદ દલિત સમાજ માટે એક ગંભીર પ્રશ્ન છે. ડૉ. નિર્મલે સ્પષ્ટ કર્યું કે અખિલેશ યાદવે બાબાસાહેબના વારસાને નકારીને તેમણે દલિતો માટે કરેલા કાર્યોને નષ્ટ કરવાનું કામ કર્યું છે. હવે સમય પાકી ગયો છે કે બધા રાજકીય પક્ષો ડૉ. આંબેડકરના યોગદાનનો યોગ્ય રીતે આદર કરે અને તેમના વિચારોને પોતાના કાર્યોમાં પણ પ્રતિબિંબિત કરે. દલિતો પ્રત્યે સાચો આદર ફક્ત નામકરણથી નહીં, પરંતુ વાસ્તવિક કાર્યોથી જ સુનિશ્ચિત થઈ શકે છે.

આ પણ વાંચોઃ બુદ્ધ કથામાં બ્રાહ્મણોનો હુમલોઃ બાબાસાહેબનો ફોટો ફાડ્યો, 6 દલિતો ઘાયલ

ઉલ્લેખનીય છે કે, વિશ્વ હિંદુ પરિષદના કાર્યક્રમ દરમિયાન અલ્હાબાદ હાઈકોર્ટના સિટીંગ જજ શેખર કુમાર યાદવે મુસ્લિમ સમાજનો ઉલ્લેખ કરતી ટિપ્પણી કરી હતી. જેને લઈને તેમના પર મહાભિયોગ ચલાવીને દૂર કરવા સુધીની કાર્યવાહી કરવા અરજી કરાઈ હતી. સીજેઆઈ ખન્નાએ અલ્હાબાદ હાઈકોર્ટના ચીફ જસ્ટિસ અરુણ ભસાલીને એક પત્ર લખ્યો છે. જેના દ્વારા, CJI એ આ કેસમાં એક નવો રિપોર્ટ દાખલ કરવા કહ્યું છે. 17 ડિસેમ્બરે જ કોલેજિયમ અને જસ્ટિસ યાદવ વચ્ચેની બેઠક દરમિયાન સ્પષ્ટતા માંગવામાં આવી હતી. અહેવાલ મુજબ, બેઠક પછીથી જસ્ટિસ યાદવ પોતાના નિવેદન પર અડગ રહ્યા છે અને હજુ સુધી માફી માંગી નથી.

આ પણ વાંચોઃ બજરંગ દળ-VHP ની ગુંડાગર્દી, દલિત યુવકનું માથું મુંડી આખા ગામમાં ફેરવ્યો

સી રવિચંદ્રન વિરુદ્ધ જસ્ટિસ એએમ ભટ્ટાચાર્ય અને અન્યોના કેસનો નિર્ણય સુપ્રીમ કોર્ટે 1995માં લીધો હતો. ત્યારબાદ એવું કહેવામાં આવ્યું હતું કે જો કેસ હાઈકોર્ટના ન્યાયાધીશ વિરુદ્ધ ફરિયાદનો હોય, તો તે હાઈકોર્ટના સીજેઆઈ તપાસ પછી ભારતના મુખ્ય ન્યાયાધીશ સાથે આ બાબતે ચર્ચા કરે છે.

મહાભિયોગ કાર્યવાહીને પડકારતી અરજી ફગાવાઈ
અલ્હાબાદ હાઈકોર્ટની લખનૌ બેન્ચે મંગળવારે ન્યાયાધીશ શેખર કુમાર યાદવ સામે લાવવામાં આવેલા મહાભિયોગ પ્રસ્તાવને પડકારતી પીઆઈએલ ફગાવી દીધી. અરજદારે વિનંતી કરી હતી કે હાઇકોર્ટે રાજ્યસભાના અધ્યક્ષને 55 સાંસદો દ્વારા રાજ્યસભાના મહાસચિવ સમક્ષ રજૂ કરાયેલા પ્રસ્તાવ પર આગળની કાર્યવાહી શરૂ ન કરવાનો નિર્દેશ આપવો જોઈએ.

બેન્ચે કહ્યું કે પીઆઈએલ દબાયેલા-કચડાયેલા વર્ગના લોકોનો અવાજ ઉઠાવવા માટે દાખલ કરવામાં આવે છે, પરંતુ આ કિસ્સામાં એવું નથી. કોર્ટે એમ પણ કહ્યું કે આ અરજી પીઆઈએલ દાખલ કરવા માટે નિર્ધારિત સમય મર્યાદાની બહાર છે અને તેથી, તે સુનાવણી માટે યોગ્ય નથી.

મામલો શું હતો?
અલ્હાબાદ હાઈકોર્ટના જજ શેખર કુમાર યાદવ 8 ડિસેમ્બર 2024ના રોજ વિશ્વ હિન્દુ પરિષદ (VHP)ના કાર્યક્રમમાં પહોંચ્યા હતા. અહીં તેમણે કહ્યું હતું કે, "હિંદુઓ એવી અપેક્ષા રાખતા નથી કે મુસ્લિમો તેમની સંસ્કૃતિનું પાલન કરે, પરંતુ તેઓ ઈચ્છે છે કે તેઓ તેનો અનાદર ન કરે. તેમણે યુનિફોર્મ સિવિલ કોડ એટલે કે UCC વિશે પણ વાત કરી. ઉપરાંત, તેમણે કહ્યું કે આ ભારત છે અને તે તેની બહુમતી વસ્તીની ઈચ્છા અનુસાર ચાલશે."

આ કાર્યક્રમમાં ઘણા વકીલો અને VHP કાર્યકર્તાઓ પણ હાજર રહ્યા હતા. તેમને સંબોધતા જસ્ટિસ શેખર કુમાર યાવદ(Justice Shekhar Kumar Yadav) એ વધુમાં કહ્યું કે, "અમે અમારા બાળકોને જન્મથી જ સહનશીલતા અને દયા શીખવીએ છીએ. અમે તેમને પ્રાણીઓ અને પ્રકૃતિને પ્રેમ કરવાનું શીખવીએ છીએ. બીજાના દુઃખ જોઈ અમને દુઃખ થાય છે. પણ તમને એવું નથી લાગતું. શા માટે... જ્યારે તમે પ્રાણીઓને તેમની સામે મારશો ત્યારે તમારું બાળક સહનશીલતા અને દયા કેવી રીતે શીખશે?"

મીડિયા રિપોર્ટ મુજબ તેણે ભારતની બહુમતી વસ્તી વિશે પણ વાત કરી હતી. જસ્ટિસ શેખર કુમારે કહ્યું, મને એ કહેવામાં કોઈ સંકોચ નથી કે આ ભારત છે અને તે પોતાની બહુમતી વસ્તીની ઈચ્છા પ્રમાણે ચાલશે.

આ મામલે તેમની સામે રાજ્યસભામાં મહાભિયોગની કાર્યવાહી કરવા માટે અરજી કરવામાં આવી છે. એ પહેલા તેમને સુપ્રીમ કોર્ટની કોલેજિયમે પણ નિવેદન અંગે ખુલાસો કરીને માફી માંગવા કહ્યું હતું, પણ હજુ સુધી તેમણે માફી નથી માંગી.

આ પણ વાંચોઃ VHPના કાર્યક્રમમાં પહોંચ્યા હાઈકોર્ટના સિટિંગ જજ, રામ મંદિરની પ્રશંસા કરી

સમગ્ર દેશમાં છેલ્લા કેટલાક સમયથી બાળકોમાં સોશિયલ મીડિયા અને સ્માર્ટ ફોનનો વ્યાપ વધી રહ્યો છે, જેના કારણે બાળકોમાં વાંચન શક્તિ અને રમત ગમતનો વ્યાપ પણ ઘટી રહ્યો છે. જે અંગે શિક્ષણ રાજ્ય મંત્રી પ્રફુલ પાનશેરિયાએ આજે ગાંધીનગરમાં સ્વર્ણિમ સંકુલ -2  ખાતે ઉચ્ચ અને ટેકનિકલ શિક્ષણ વિભાગના અધિક મુખ્ય સચિવ સુનયના તોમર સહિતના ઉચ્ચ અધિકારીઓ સાથે એક ઉચ્ચ સ્તરીય બેઠક યોજી હતી. જેમાં શાળાના બાળકોને સોશિયલ મીડિયા અને સ્માર્ટ ફોનની નકારાત્મક અસરોથી કઈ રીતે દૂર રાખી શકાય તે અંગે ચર્ચા વિચારણા કરવામાં આવી હતી.

આ અંગે શિક્ષણ રાજ્ય મંત્રી પાનશેરિયાએ જણાવ્યું હતું કે, બાળકો, વાલીઓ અને શિક્ષકો માટે ચિલ્ડ્રન યુનિવર્સિટી અને ટીચર યુનિવર્સિટી તેમજ સિવિલના સાઇકાટ્રીસ્ટની સાથે પરામર્શ કરીને એક પરિપત્ર બહાર પાડવામાં આવશે અને બાળકોના ભવિષ્યની ચિંતા કરીને એક અભિયાન સ્વરૂપે શરૂ કરવામાં આવશે.

બાળકોનો સોશિયલ મીડિયા અને સ્માર્ટ ફોનનો વધુ ઉપયોગ તેમની શારીરિક અને માનસિક શક્તિને અસર કરી રહ્યો છે, બાળકો મોબાઈલનો ઉપયોગ ઓછો કરે અને રમત ગમત પ્રત્યે વધુ ધ્યાન આપે તે માટે વાલીઓ તેમજ શિક્ષકો માટે નિયમ બનાવાશે. જેમાં શિક્ષકોને ક્લાસ રૂમમાં મોબાઈલના ઉપયોગ પર પ્રતિબંધ અને પ્રાથમિક શાળાના બાળકો મોબાઈલ લઈને શાળામાં ન આવે તે માટેના કડક પગલાં લેવામાં આવશે.

શિક્ષણ રાજ્ય મંત્રીએ વધુમાં જણાવ્યું હતું કે, બાળકોના સોશિયલ મીડિયા અને સ્માર્ટ ફોનના ઉપયોગને બદલે તેમને વાંચન અને રમત-ગમત જેવી પ્રવૃતિઓમાં જોડાયેલા રહે તે માટે શાળાઓના શિક્ષકોને માહિતગાર કરવામાં આવશે. તેમણે બાળકોના માતા-પિતાને વિનંતી કરી હતી કે, બાળકોની સામે પોતે સોશિયલ મીડિયાનો ઉપયોગ ન કરે, માતા-પિતા પોતે પોતાના બાળકના ભવિષ્યની ચિંતા કરીને સોશિયલ મીડિયાથી બાળકને દૂર રાખે. સમગ્ર ભારતમાં બાળકો સોશિયલ મીડિયાથી દૂર રહી પોતાના જીવનમાં વાંચન અને રમત ગમતને સ્થાન આપે તે માટે શિક્ષકો, વાલીઓ અને બાળકો માટે માર્ગદર્શિકા બહાર પાડનારું ગુજરાત પ્રથમ રાજ્ય હશે તેવી આશા પણ શિક્ષણ રાજ્ય મંત્રીએ વ્યક્ત કરી હતી.

શિક્ષણ રાજ્ય મંત્રીએ વધુમાં એન.જી.ઓ, ધાર્મિક સંસ્થાઓ, તેમજ સામાજિક કાર્યકરો તેમજ મીડિયાના મિત્રોને બાળકોને સોશિયલ મીડિયા અને સ્માર્ટ ફોનથી દૂર રહે તે માટેના અભિયાનમાં જોડાવા અનુરોધ કર્યો હતો. તેમજ ચિલ્ડ્રન યુનિવર્સિટી અને ટીચર યુનિવર્સિટી સરકાર સાથે મળીને કઈ રીતે આ મહાભિયાન લોકો સુધી વધુને વધુ પહોચે તે અંગે ચર્ચા કરવામાં આવી હતી. દરેક શાળામાં શોર્ટ ફિલ્મ મારફતે બાળકોના વાલીઓને સોશિયલ મીડિયાના ઉપયોગો અને તેના નુકશાન વિષે માહિતગાર કરવામાં આવશે, વાલીઓ અને શિક્ષકો જો જાગૃત હશે તો જ બાળકો સોશિયલ મીડિયાથી દૂર રહી વાંચનની સાથે પોતાના જીવન ઘડતર અને સ્પોર્ટ્સ સાથે જોડાઈને પોતાની તંદુરસ્તીનો ખ્યાલ રાખી શકશે.

આ પણ વાંચો: આગામી શૈક્ષણિક વર્ષ 2024-25થી ધોરણ 1 થી 12 ના પુસ્તકો બદલાશે

પાસપોર્ટ મામલે કયો દેશ ટોચ પર રહ્યો?

સિંગાપોર સતત બીજા વર્ષે વિશ્વના સૌથી શક્તિશાળી પાસપોર્ટની યાદીમાં ટોચ પર રહ્યું છે. ૨૦૨૫ના હેનલે પાસપોર્ટ ઇન્ડેક્સ મુજબ, સિંગાપોર પાસપોર્ટ ધારક ૧૯૫ દેશોમાં વિઝા વિના મુસાફરી કરી શકે છે. જાપાન આ યાદીમાં બીજા ક્રમે છે, જેના પાસપોર્ટ ધારકો 193 દેશોમાં વિઝા મુક્ત મુસાફરી કરી શકે છે.

આ છે પાસપોર્ટ મામલે ટોચના 10 દેશો:

૧. સિંગાપોર
2. જાપાન
3. ફિનલેન્ડ
4. ફ્રાન્સ
5. જર્મની
6. ઇટાલી
7. દક્ષિણ કોરિયા
૮. સ્પેન
9. ઑસ્ટ્રિયા
૧૦. ડેનમાર્ક

આ પાસપોર્ટના રેન્કિંગમાં પણ ફેરફાર થયો

છેલ્લા દાયકામાં UAE એ પોતાની સ્થિતિમાં મોટો સુધારો કર્યો છે અને હવે તે 10મા સ્થાને છે. તેના નાગરિકો હવે ૧૮૫ દેશોમાં વિઝા મુક્ત મુસાફરી કરી શકે છે. જ્યારે અમેરિકાના રેન્કિંગમાં પણ ઘટાડો થયો છે અને તે હવે નવમા સ્થાને છે, જ્યારે 2015 માં તે બીજા સ્થાને હતું.

તળિયે કોણ છે? 

2025 માં પાકિસ્તાન અને યમન 103મા ક્રમે છે, જ્યાં પાસપોર્ટ ધારકોને ફક્ત 33 દેશોમાં વિઝા-મુક્ત મુસાફરીની મંજૂરી છે. એ પછી ઇરાકનો નંબર આવે છે, આ દેશના પાસપોર્ટ ધારકો 31 દેશોમાં વિઝા-મુક્ત મુસાફરી કરી શકે છે, સીરિયા પાસપોર્ટ ધારકો 27 દેશોમાં વિઝા-મુક્ત મુસાફરી કરી શકે છે અને અફઘાનિસ્તાન પાસપોર્ટ ધારકો 26 દેશોમાં વિઝા-મુક્ત મુસાફરી કરી શકે છે.

આ પણ વાંચો: ભારતમાં પાસપોર્ટ ઈશ્યૂ થવાના આંકડાઓ વધ્યાં, ગુજરાત છઠ્ઠા નંબરે

રાજ્યની સરકારી પ્રાથમિક શાળાઓમાં વિદ્યા સહાયકોની ભરતીની સંખ્યામાં વધારો કરવા માટે ઉમેદવારો દ્વારા સરકારમાં અનેક વખત રજૂઆતો કરવામાં આવી છે, પરંતુ તેમની માંગણીઓને અત્યાર સુધી ધ્યાને લેવામાં આવી નથી. જેના કારણે ઉમેદવારોએ વિદ્યા સહાયકની બેઠક વધારવાની માંગ સાથે ગાંધીનગરમાં ધામા નાખ્યા છે. જેના અંતર્ગત ઉમેદવારો દ્વારા આજે ગાંધીનગરના વિદ્યા સમીક્ષા કેન્દ્ર ખાતે દેખાવો કરવા પહોંચ્યા હતા. ત્યારે પોલીસ દ્વારા ઉમેદવારોની અટકાયત કરવાનો પ્રયાસ કર્યો હતો. જેના કારણે થોડા સમય માટે ઉમેદવારો અને પોલીસ વચ્ચે ઘર્ષણ ના દ્રશ્યો સર્જાયા હતા. જો કે, સમજાવટ બાદ ઉમેદવારો રોડ પર બેસી ગયા હતા. જેથી મામલો થાળે પડ્યો હતો.  

ગાંધીનગર ખાતે વિદ્યા સહાયકની ભરતીમાં જગ્યા વધારવા માટેની માંગણી કરવા આવેલા ઉમેદવારોએ જણાવ્યું હતું કે, સરકાર દ્વારા ચાલુ વર્ષે 5000 વિદ્યા સહાયકોની ઉમેદવારોની ભરતીની પ્રક્રિયા હાથ ધરાઇ છે, અમારી (ઉમેદવારોની) માગ છે કે વિદ્યા સહાયકોની 10,000 જગ્યા પર ભરતી કરવામાં આવે. કારણ કે, હાલમાં રાજયમાં ધોરણ 1 થી 5 માં 18 હજાર કરતા વધુ જગ્યા ખાલી પડી રહી છે.

વિદ્યા સહાયકના ઉમેદવારોએ વધુમાં જણાવ્યું હતું કે, રાજયમાં આશરે 18 હજાર શિક્ષકોની જગ્યાઓ ખાલી પડી છે અને તેની સામે સરકાર દ્વારા ધોરણ 1થી 5માં માત્ર 5 હજારની જગ્યા માટે જ ભરતીની જાહેરાત કરાઇ છે. જ્યારે ધોરણ 6 થી 12 સુધીમાં 50 ટકાથી વધારે ભરતી કરવામાં આવી છે તો અમારી સાથે અન્યાય કેમ થઈ રહ્યો છે? ધોરણ 1થી 5 માં તો 18 હજાર જગ્યાઓ ખાલી હોવા છતાં કેમ આટલી ઓછી જગ્યા માટેની જાહેરાત કરાઇ છે?

વિદ્યાસહાયકોના ઉમેદવારોનું કહેવું છે કે, બાળકો માટે ધોરણ 1થી 5 એ પાયાનું શિક્ષણ છે અને તેમાં જ આટલી ઓછી જાહેરાત કરાઇ છે. જે અમારી સાથે અને બાળકો સાથે થતો અન્યાય છે અને તેના માટે અમે અહીં આવ્યાં છીએ.

આ પણ વાંચો: રાજ્યની ડિગ્રી ઈજનેરી કોલેજોના 4000 અધ્યાપકો મળવાપાત્ર લાભથી વંચિત

મામલો શું છે?
મામલો જાતિવાદ માટે કુખ્યાત ઉત્તરપ્રદેશનો છે. અહીં હરદોઈ જિલ્લાના કોથાવાના અટવા ગામના રહેવાસી વિશ્વનાથની પત્ની શાંતિ દેવીનું ૧૯ ડિસેમ્બર ૨૦૨૪ના રોજ અવસાન થયું હતું. એ પછી વિશ્વનાથ પત્નીનું મૃત્યુ પ્રમાણપત્ર કઢાવવા માટે ગ્રામ પંચાયતના તલાટી સરિતા દેવી પાસે ગયા હતા. વિશ્વનાથના મતે, શરૂઆતમાં તલાટી સરિતા દેવી ડેથ સર્ટિફિકેટ કાઢી દેવામાં ખચકાટ અનુભવતા હતા. એ પછી તેણે સર્ટિફિકેટ બનાવી આપવા માટે બે હજાર રૂપિયાની લાંચની માંગણી કરી હતી.

કલેક્ટરને ફરિયાદ કરી
મળતી માહિતી અનુસાર, જ્યારે વિશ્વનાથે તલાટીને લાંચ આપવાની ના પાડી. તો તેણે વિશ્વનાથને ખૂબ ધક્કા ખવડાવ્યા. અંતે, જ્યારે પ્રમાણપત્ર બનાવવામાં આવ્યું ત્યારે પણ તે પત્ની શાંતિ દેવીનું નહોતું, પરંતુ તેમનું ખુદનું જ હતું. ૩ જાન્યુઆરીના રોજ, તલાટી સરિતા દેવીએ વિશ્વનાથને 'વિશ્વનાથનું' જ મૃત્યુ પ્રમાણપત્ર પકડાવી દીધું હતું. વિશ્વનાથે કહ્યું કે તે સ્થળ પર પ્રમાણપત્ર યોગ્ય રીતે જોઈ શક્યો નહીં. પણ જ્યારે તેણે ઘરે જઈને પ્રમાણપત્ર જોયું ત્યારે તે સ્તબ્ધ થઈ ગયો હતો. એ પછી તેણે આ અંગે હરદોઈ જિલ્લા મેજિસ્ટ્રેટ મંગલા પ્રસાદ સિંહને ફરિયાદ કરી.

ઘરે જ આપવામાં આવ્યું મૃત્યુ પ્રમાણપત્ર
કલેક્ટર મંગલા પ્રસાદ સિંહે આ મામલે કડક કાર્યવાહી કરવાનો આદેશ આપ્યો. જે બાદ જિલ્લા પંચાયતના અધિકારીએ તલાટી સચિવ સરિતા દેવીને સસ્પેન્ડ કરી દીધી. તેમની સામે FIR પણ દાખલ કરવામાં આવી છે. એટલું જ નહીં તાલુકા વિકાસ અધિકારીએ પોતે વિશ્વનાથના ઘરે ગયા અને તેમને તેમની પત્ની શાંતિ દેવીનું મૃત્યુ પ્રમાણપત્ર આપ્યું હતું.

આ પણ વાંચોઃ દલિત મહિલા સરપંચ ને ઉપસરપંચ-તલાટીએ બેસવા ખુરશી ન આપી

એ દરમિયાન કોઈએ આ મામલે વૈજ્ઞાનિકને બોલાવી તથ્યની ચકાસણી કરાવતા તે કોઈ નાગદેવતા નહીં પરંતુ અલગ પ્રકારનું મશરૂમ હોવાનું સામે આવ્યું હતું. જો કે હકીકતનો પર્દાફાશ થયો હોવા છતાં અંધશ્રદ્ધાળુંઓની ભીડમાં જરાય કમી આવી નહોતી અને લોકોના ટોળેટોળાં દર્શન માટે ઉમટી પડ્યાં હતા.

અમલોગા ગામમાં રહેતા તિલક કોચ નામના યુવકના ઘર પાછળ આવેલા વાડામાં તેણે એક વિચિત્ર સાપ જેવી આકૃતિ જમીનમાંથી ઉગેલી જોઈ હતી. તેણે વિચાર્યું કે આ તો એક અદ્દભૂત વસ્તુ છે અને ટૂંક સમયમાં તેનું ઘર એક તીર્થસ્થળમાં ફેરવાઈ ગયું કારણ કે ગામલોકો તે વિચિત્ર વસ્તુને નાગદેવતા માનીને તેના આશીર્વાદ લેવા ઉમટી પડ્યા હતા.

ઘટના ગત સોમવારે ત્યારે પ્રકાશમાં આવી હતી જ્યારે તિલક તેના ઘરની પાછળના યાર્ડમાં ઉગી નીકળેલા ઝાડીઝાંખરાને સાફ કરી રહ્યો હતો. અહીં તેને અસામાન્ય આકાર દેખાયો હતો. આ સમાચાર જંગલની આગની જેમ ફેલાઈ ગયા અને થોડી જ વારમાં લોકોનું ટોળું એકઠું થઈ ગયું અને કહેવાતા દેવતા સમક્ષ પ્રણામ કરી ધૂપદીપ, પ્રાર્થના કરી આશિર્વાદ માંગવા લાગ્યા હતા. લોકો એવું માનતા હતા કે આ નાગદેવતા છે અને તેનું આવું સ્વરૂપ સમૃદ્ધિ અને સુખાકારીનું પ્રતીક હોય છે. 

જો કે, આ નવા દેવતા વિશેની લોકોની ઉત્તેજના લાંબો સમય ટકી શકી નહોતી. રંગપારા કોલેજના આસિસ્ટન્ટ લેક્ચરર શુભમ રોય વિદ્યાર્થીઓ અને કોલેજના બોટની વિભાગના નિષ્ણાતો સાથે ઘટનાની તપાસ કરવા પહોંચ્યા હતા. તેમણે વૈજ્ઞાનિક રીતે તપાસ કરીને જાહેર કર્યું કે નાગદેવતા જેવી દેખાતી આ વિચિત્ર વસ્તુ ખરેખર એક જંગલી મશરૂમ છે.

રંગપારા કોલેજના વનસ્પતિશાસ્ત્ર વિભાગના જણાવ્યા અનુસાર, તિલકના ઘરની પાછળના યાર્ડમાં જોવા મળતા સાપ જેવા મશરૂમ એ ઘણા પ્રકારની ફૂગમાંથી એક છે જે ભેજવાળી પરિસ્થિતિઓમાં ખીલી ઉઠે છે, આવું આસામમાં ઘણી જગ્યાએ બનતું હોય છે. છેલ્લા એક વર્ષમાં, વિભાગે તેના ચાલુ સંશોધનના ભાગરૂપે લગભગ 40 વિવિધ મશરૂમની પ્રજાતિઓને ઓળખી અને તેનું દસ્તાવેજીકરણ કર્યું છે. નાગદેવતા જેવા દેખાતા મશરૂમ તેના લાંબા અને સાપના આકાર માટે જાણીતા છે, તેને કુદરતી રીતે ઉગી નીળકતા પરંતુ અસામાન્ય પ્રજાતિ તરીકે ઓળખવામાં આવ્યા છે.

જો કે આવી અંધશ્રદ્ધાભરી ઘટનાઓની ભારતમાં જરાય કમી નથી. અહીં કુદરતી ઘટનાઓને પણ લોકો ધર્મ અને અંધવિશ્વાસના ચશ્મા ચડાવીને જોવા ટેવાયેલા છે. આંસુ જેવા રસ સાથે ટપકતા વૃક્ષોથી લઈને દેવતાઓનું ઘર માનવામાં આવતા વિચિત્ર આકારના પથ્થરો સુધી, દેશના ઘણા ભાગોમાં અજાણ્યા લોકોને અલૌકિક મહત્વ આપવાનું વલણ છે.

આ પણ વાંચો: એ બંને ડાકણ છે, રાતે ઉંદરડી-બિલાડીનું રૂપ ધારણ કરે છે...

આ મામલે સ્થાનિક અધિકારીઓના જણાવ્યા અનુસાર નવા વર્ષની સવારે દીપડો ફેન્સીંગ ઓળંગીને અંદર પ્રવેશી ગયો હતો. આ બિડાણ કેવડિયા વન વિભાગ હેઠળ આવે છે અને ઉદ્યાન શૂલપાણેશ્વર વન્યજીવ અભયારણ્યના જંગલોથી ઘેરાયેલું છે. અહીં પ્રાણીઓની સુરક્ષા માટે મજબૂત ફેન્સિંગ કરવામાં આવી છે. પરંતુ દીપડો તેને પાર કરવામાં સફળ રહ્યો હતો. તેણે એક કાળિયારનું મારણ કર્યું હતું. જેના આઘાતમાં અન્ય 7 કાળિયાર મોતને ભેટ્યાં હતા. વન વિભાગે કુલ 8 કાળિયારના મૃતદેહો બહાર કાઢી પોસ્ટમોર્ટમ માટે મોકલી આપ્યા હતા. એ પછી તેમના અંતિમ સંસ્કાર કરવામાં આવ્યા છે.

સમગ્ર મામલે કેવડિયા વિભાગના ડેપ્યુટી કન્ઝર્વેટર ઓફ ફોરેસ્ટ (DCF) અગ્નિશ્વર વ્યાસે જણાવ્યું હતું કે, આસપાસના જંગલોમાં દીપડાની હાજરી સામાન્ય છે. પરંતુ સફારી પાર્કમાં દીપડો ઘૂસ્યો હોય તેવી આ પહેલી ઘટના છે. પાર્કની આસપાસ 400 જેટલા સીસીટીવી કેમેરા લગાવવામાં આવ્યા છે. અહીં કેમેરા દ્વારા 24 કલાક દેખરેખ રાખવામાં આવે છે. સીસીટીવી ફૂટેજમાં દીપડાની હાજરી સામે આવી છે. દીપડો પ્રવેશતા જ કર્મચારીઓને જાણ થઈ હતી. કર્મચારીઓને સ્થળ પર મોકલવામાં આવ્યા હતા ત્યારબાદ દીપડો ભાગી ગયો હતો. અત્યારે એ કહી શકાય નહીં કે દીપડો સફારી પાર્કમાંથી નીકળી ગયો છે કે અંદર ક્યાંક છુપાઈ ગયો છે? આ ઘટના બાદ સફારી પાર્ક બે દિવસ બંધ રાખવામાં આવ્યો હતો અને ગઈકાલે ફરીથી શરૂ કરવામાં આવ્યો હતો. હાલમાં દીપડો જંગલ સફારીની અંદર જ છે કે બહાર નીકળી ગયો છે તેને લઈને શંકા સેવાઈ રહી છે. પ્રવાસીઓમાં પણ આ ઘટનાને લઈને ભયનો માહોલ સ્પષ્ટ જોઈ શકાય છે.

ઉલ્લેખનીય છે કે સ્ટેચ્યૂ ઓફ યુનિટી નર્મદા જિલ્લાના આદિવાસી સમાજના લોકોની જમીન પર બનેલું છે. તેમને યોગ્ય વળતર આપ્યા વિના તેમની જમીનો પડાવી લેવાના આક્ષેપો મેધા પાટકરથી લઈને અનેક એક્ટિવિસ્ટો દ્વારા લગાવવામાં આવ્યા છે. આજે પણ અહીં વિસ્થાપિત થયેલા આદિવાસીઓના અનેક પ્રશ્નો જેમના તેમ હોવાનું કહેવાય છે.

આ પણ વાંચો: આદિવાસીઓને જંગલમાંથી ખદેડવા ત્યાં દીપડો છોડી દેવાયો?

સાવરકરના નામે નવી કોલેજની માહિતી દિલ્હી યુનિવર્સિટી (Delhi University) ના સૂત્રો દ્વારા આપવામાં આવી છે. અગાઉ વર્ષ ૨૦૨૧માં દિલ્હી યુનિવર્સિટીની એક્ઝિક્યુટિવ કાઉન્સિલે નઝફગઢમાં અંદાજિત ૧૪૦ કરોડ રૂપિયાના ખર્ચે સાવરકર કોલેજના નિર્માણને મંજૂરી આપી હતી. પીએમ મોદીને કોલેજના શિલાન્યાસ માટે આમંત્રણ આપવામાં આવ્યું છે. 

દિલ્હી યુનિવર્સિટીના સૂત્રોએ જણાવ્યું છે કે યુનિવર્સિટીના પૂર્વ કેમ્પસની સ્થાપના સૂરજમલ વિહારમાં કરવામાં આવશે અને તેનો અંદાજિત ખર્ચ ૩૭૩ કરોડ રૂપિયા હશે. સાથે જ દ્વારકામાં યુનિવર્સિટીનું વેસ્ટર્ન કેમ્પસ સ્થપાશે.

દિલ્હી યુનિવર્સિટીની એક્ઝિક્યુટિવ કાઉન્સિલે વર્ષ ૨૦૨૧માં ભાજપના દિવંગત નેતા સુષ્મા સ્વરાજના નામ પર કોલેજના પ્રસ્તાવને પણ મંજૂરી આપી હતી. આ સિવાય ડીયુના વાઇસ ચાન્સેલરને બે પ્રસ્તાવિત કોલેજો માટે નામ પસંદ કરવાનો અધિકાર આપવામાં આવ્યો હતો. આ નામોની યાદીમાં સ્વામી વિવેકાનંદ, વલ્લભભાઈ પટેલ, અટલ બિહારી વાજપેયી અને સાવિત્રીબાઈ ફુલે જેવા નામો સામેલ હતા. જો કે આખરે સાવરકરના નામ પર કૉલેજ શરૂ કરવાનું નક્કી કરવામાં આવ્યું હતું.

નામકરણને લઈને વિવાદ શરૂ
સાવરકરના ઈતિહાસને જોતા તેમના નામે કોલેજ શરૂ થાય અને વિવાદ ન થાય તો જ નવાઈ લાગે. કોંગ્રેસે આ મામલે પીએમ મોદી અને ભાજપ પર આકરા પ્રહારો કર્યા છે. કોંગ્રેસે કહ્યું છે કે ભાજપને વિવાદાસ્પદ લોકો પર રાજનીતિ કરવાની ટેવ છે. તેઓ કોના નામે સંસ્થા બનાવી રહ્યા છે તે મહત્વનું નથી. છેલ્લા 11 વર્ષમાં તેમણે સાવરકરના નામે કોઈ યોજના શરૂ કરી નથી. આખો દેશ જાણે છે કે સાવરકરનો અંગ્રેજો સાથે કેવો સંબંધ હતો. એક નહીં 50 યુનિવર્સિટી બનાવો, બાળકો ભણવા માટે બહાર જાય.

કોંગ્રેસના સાંસદ સૈયદ નાસિર હુસૈને ભાજપ પર સ્વાતંત્ર્ય સેનાનીઓના યોગદાનની અવગણના કરવાનો આરોપ મૂક્યો અને કહ્યું કે એક કોલેજના નામકરણ દ્વારા એક એવી વ્યક્તિની વાહવાહી કરવામાં આવી રહી છે જેણે અંગ્રેજોને માફીપત્ર લખ્યા હતા. તેમણે કહ્યું કે, ઘણા લોકો દેશ માટે જીવ્યા અને સ્વતંત્રતા સંગ્રામમાં મોટું યોગદાન આપ્યું હતું. પણ ભાજપ એવા લોકોને કાયદેસરતા આપી રહી છે જેમણે અંગ્રેજોને માફી પત્રો લખ્યા હતા અને તેમની પાસેથી પેન્શન લીધું હતું.

આ પણ વાંચોઃ સાવરકર બ્રાહ્મણ હોવા છતાં ગૌમાંસ ખાતા હતા: કર્ણાટકના મંત્રી

ભાજપે વળતો પ્રહાર કર્યો
ભાજપના નેતા શહેઝાદ પૂનાવાલાએ કોંગ્રેસના સાંસદ નસીર હુસૈનની વીર સાવરકર વિશે કરેલી ટિપ્પણીની આકરી ટીકા કરી હતી. તેમણે પક્ષ પર સાવરકર જેવી અગ્રણી વ્યક્તિઓનું વારંવાર અપમાન કરવાનો આરોપ લગાવ્યો. પૂનાવાલાએ કહ્યું, "મહાન લોકોનું અપમાન કરવું એ કોંગ્રેસની ઓળખ બની ગઈ છે. રાહુલ ગાંધીએ તેમના એક સાંસદ નાસિર હુસૈન દ્વારા ફરી એકવાર વીર સાવરકરનું અપમાન કર્યું છે. દિલ્હી યુનિવર્સિટી (ડીયુ) એ તેની એક કોલેજનું નામ વીર સાવરકરના નામ પર રાખ્યું છે. અને કોંગ્રેસે વિરોધ શરૂ કર્યો છે. હું નાસિર હુસૈન જીને પૂછું છું કે શું ઈન્દિરા ગાંધી, શરદ પવાર, ઉદ્ધવ ઠાકરે કે શિવરાજ સિંહ ચૌહાણ પણ ખોટા હતા, કારણ કે આ બધાએ પણ સાવરકરની મહાનતાની પ્રશંસા કરી હતી."

પંજાબ કોંગ્રેસે શહીદોના નામે ઈન્સ્ટિટ્યૂટ ખોલવા કહ્યું
પંજાબના કોંગ્રેસના સાંસદ સુખજિન્દર સિંહ રંધાવાએ દિલ્હીમાં વીર સાવરકરના નામ પર ઈન્સ્ટિટ્યૂટ બનાવવા પર કહ્યું કે, "અંગ્રેજો પાસેથી માફી લાવનારાઓ માટે ઈન્સ્ટિટ્યૂટ બનાવવામાં આવશે, પરંતુ ફાંસીએ લટકી જનારાઓ માટે ઈન્સ્ટિટ્યૂટ કોણ બનાવશે? આઝાદીની ચળવળ દરમિયાન પંજાબના ઘણા લોકોને ફાંસી પણ આપવામાં આવી હતી. આ લોકો માટે ઈન્સ્ટિટ્યૂટ કોણ બનાવશે? જો કોલેજ બનાવવી હોય તો શહીદ ભગતસિંહ, લાલા લજપત રાય, સુખદેવ સિંહના નામની બનાવવી જોઈએ. હું સમજું છું કે આવા લોકોએ દેશ માટે બલિદાન આપ્યું છે. નહીં કે, એવા લોકોના નામે કોલેજ બને જે અંગ્રેજો પાસે માફી માંગીને આવ્યા હતા."

ડૉ. મનમોહનસિંહના નામે ઈકોનોમિક્સ ઈન્સ્ટિટ્યૂટની માંગ
સુખજિન્દર સિંહ રંધાવાએ પૂર્વ પીએમ મનમોહન સિંહના નામ પર વર્લ્ડ ક્લાસ સ્કૂલ ઓફ ઈકોનોમિક્સ ઈન્સ્ટિટ્યૂટ બનાવવાની માંગ કરી હતી. તેમણે કહ્યું કે, "પૂર્વ પીએમ ડૉ.મનમોહન સિંહને જે સન્માન મળવું જોઈએ તે તેમને આપવામાં આવ્યું નથી. તેઓ 10 વર્ષ સુધી ભારતના વડાપ્રધાન હતા. અમે સરકાર પાસે માંગ કરી છે કે સ્કૂલ ઓફ ઈકોનોમિક્સ ઈન્સ્ટિટ્યૂટ બનાવવામાં આવે."

કોંગ્રેસની વિદ્યાર્થી પાંખ નેશનલ સ્ટુડન્ટ્સ યુનિયન ઓફ ઈન્ડિયા (NSUI) એ પીએમ મોદીને પત્ર લખીને દિલ્હી યુનિવર્સિટીની પ્રસ્તાવિત નવી કોલેજનું નામ વીર સાવરકરને બદલે પૂર્વ વડાપ્રધાન મનમોહન સિંહના નામ પર રાખવા વિનંતી કરી છે. પત્રમાં, NSUI ના રાષ્ટ્રીય અધ્યક્ષ વરુણ ચૌધરીએ શિક્ષણ અને વહીવટમાં મનમોહન સિંહના યોગદાન પર પ્રકાશ પાડ્યો અને વિનંતી કરી કે કોલેજ તેમના વારસાને સન્માન આપે.

એનએસયુઆઈએ પીએમને પત્ર લખ્યો
પત્રમાં લખવામાં આવ્યું છે કે, 'માનનીય વડાપ્રધાન, તમે વીર સાવરકરના નામે દિલ્હી યુનિવર્સિટી હેઠળ એક કોલેજનું ઉદ્ઘાટન કરવા જઈ રહ્યા છો. એનએસયુઆઈ ભારપૂર્વક માંગ કરે છે કે આ સંસ્થાનું નામ પૂર્વ વડાપ્રધાન મનમોહન સિંહના નામ પર રાખવામાં આવે. તેમનું તાજેતરનું અવસાન એ એક મોટી ખોટ છે અને તેમના યોગદાન અને વારસાને સન્માનવાનો શ્રેષ્ઠ માર્ગ એ છે કે તેમના નામે પ્રીમિયર શૈક્ષણિક સંસ્થાઓને સમર્પિત કરવામાં આવે.'

NSUIએ કહ્યું છે કે, 'મનમોહન સિંહે IIT, IIM, AIIMS જેવી ઘણી સંસ્થાઓની સ્થાપના કરી અને સેન્ટ્રલ યુનિવર્સિટી એક્ટ રજૂ કર્યો. તેમના નામ પર સંસ્થાઓનું નામકરણ પેઢીઓને પ્રેરણા આપશે અને તેમની પરિવર્તનકારી દ્રષ્ટિનું સન્માન કરશે. ભારતમાં તેમના અનન્ય યોગદાનને ઓળખવા માટે સરકારે તાત્કાલિક પગલાં લેવા જોઈએ.'

આ પણ વાંચોઃ સાવરકરઃ હિંદુત્વવાદી રાજનીતિને મજબૂત કરવા સત્યને વિકૃત કરતો પ્રયત્ન

ગઈકાલે 1લી જાન્યુઆરીએ આણંદ જિલ્લાના મીતલી ગામે પહેલીવાર બહુજન સમાજ દ્વારા ભીમા કોરેગાંવ શૌર્ય દિવસની ઉજવણી કરી હતી. મીતલી ગામના આગેવાનો, યુવા મિત્રો અને મહિલાઓ દ્વારા પ્રથમ તથાગત બુદ્ધની પ્રતિમાને પુષ્પો અર્પણ કરી, બાબાસાહેબ આંબેડકર તથા બહુજન મહામાનવને ફૂલહાર કરી શૌર્ય દિવસની ઉજવણી કરવામાં આવી હતી. આ પ્રસંગે બુદ્ધ વંદના કરી અને પબુદ્ધ સુમેધબોધીજીએ બુદ્ધ વંદના વિશે માહિતી આપી હતી. ડૉ. સુગતરાજ શાક્યજીએ આજના દિવસનું મહત્વ અને ભીમા કોરેગાવ શૌર્ય દિવસની વાત કરી હતી.

સમગ્ર કાર્યક્રમનું સંચાલન અનિલ આંબેડકરજીએ કર્યું હતું. જેમાં મોટી સંખ્યામાં યુવા મિત્રો, આગેવાનો અને મહિલાઓ પણ ઉપસ્થિત રહ્યા હતાં તથા બહાર ગામના અનુયાયીઓ પણ મોટી સંખ્યામાં હાજરી આપી હતી. જેમાં સિલવર્ધન બૌદ્ધ બાવળા, દિલીપભાઈ ખેડા, તરૂણભાઈ અને તેમની ટીમ, પાંદડની ટીમ, કસ્બારા ટીમ વગેરે મોટી સંખ્યામાં લોકો હાજર હતા. ધીરુભાઈ, વિનોદભાઈ ચાવડા અને તેમની મીતલી ટીમ દ્વારા ખૂબ સુંદર આયોજન કરવામાં આવ્યું હતું. પહેલીવાર મીતલીમાં આ પ્રકારનું આયોજન કરાયું હોવાથી સમગ્ર બહુજન સમાજમાં ભારે ઉત્સાહ જોવા મળ્યો હતો. હવે આ રીતે દર વર્ષે આયોજન કરીને પોતાના પૂર્વજોના પરાક્રમોને યાદ કરવામાં આવશે તેમ આયોજકોએ જણાવ્યું હતું.

આ પણ વાંચો: હૂલ વિદ્રોહ: તિલકા માંઝી અને સીદો-કાન્હુ સહિત સંથાલ આદિવાસીઓની શૌર્યગાથા

વર્તમાન અને પૂર્વ ધારાસભ્યોએ વિરોધ નોંધાવ્યો
આ મામલે ધાનેરાના ધારાસભ્ય માવજી દેસાઇએ મુખ્યમંત્રીને પત્ર લખીને ધાનેરાને બનાસકાંઠામાં સમાવેશ કરવા રજૂઆત કરી છે. તેમણે પત્રમાં જણાવ્યું છે કે ધાનેરા તાલુકાની પ્રજા બનાસકાંઠા સાથે સંકળાયેલી છે. અહીં મોટાભાગના લોકોના ધંધા રોજગાર તેમજ વિદ્યાર્થીઓનો અભ્યાસ પણ ધાનેરાથી પાલનપુર તેમજ અમદાવાદ જવા માટે અનુકૂળ છે. એવામાં તેમને નવા જિલ્લામાં ભેળવી દેવાથી સમસ્યાઓ પેદા થશે.

આ પણ વાંચોઃ બનાસકાંઠા જિલ્લાનું વિભાજન કરી નવા વાવ-થરાદ જિલ્લાની જાહેરાત

કાંકરેજના ધારાસભ્ય અમૃતજી ઠાકોરે પણ સરકારના આ નિર્ણયને અયોગ્ય ગણાવી વિરોધ નોંધાવ્યો છે. તેમણે કહ્યું હતું કે સરકારે ભૌગોલિક સ્થિતિને ધ્યાને લીધા વિના જ નિર્ણય લઈ લીધો છે. કાંકરેજ તાલુકાના રહેવાસીઓ બનાસકાંઠા જિલ્લામાં જ રહેવા માંગે છે. 

ધાનેરાના પૂર્વ ધારાસભ્ય નાથાલાલ પટેલે વિરોધ વ્યક્ત કરતાં કહ્યું કે ધાનેરા તાલુકાના લોકોને વાવ-થરાદ નહીં પરંતુ બનાસકાંઠા જિલ્લામાં રહેવું છે. ધાનેરાવાસીઓ માટે થરાદ અનુકૂળ વિસ્તાર નથી. જો ભવિષ્યમાં લોકો સરકારના આ નિર્ણયના વિરોધમાં આંદોલન કરશે તો કોંગ્રેસ તેમની સાથે ઊભી રહેશે.

બનાસકાંઠાનું વિભાજન કરી વાવ-થરાદ જિલ્લો બન્યો
ઉલ્લેખનીય છે કે, બનાસકાંઠાના 14 તાલુકામાંથી નવા બનનાર વાવ-થરાદ જિલ્લામાં વાવ, ભાભર, થરાદ, ધાનેરા, સૂઈગામ, લાખણી, દિયોદર અને કાંકરેજ એમ કુલ 8 તાલુકા તેમજ ભાભર, થરાદ, થરા અને ધાનેરા એમ ચાર નગરપાલિકાઓનો સમાવેશ કરાયો છે. બનાસકાંઠા જિલ્લામાં બાકીના 6 તાલુકા પાલનપુર, દાંતા, અમીરગઢ, દાંતીવાડા, વડગામ અને ડીસા એમ કુલ 6 તાલુકા તેમજ પાલનપુર અને ડીસા એમ બે નગરપાલિકાઓનો સમાવેશ થશે.

આ પણ વાંચોઃ રાજ્યની 9 નગરપાલિકાને મહાનગરપાલિકાનો દરજ્જો અપાયો

દેશભરમાં દલિત કેદીઓ અને કાર્યકર્તાઓ, જેમ કે દોલત કુંવર, જેઓ લાંબા સમયથી જેલોમાં ચાલતા જાતિગત ભેદભાવો અને અત્યાચારો સામે ફરિયાદ કરી ચૂક્યાં છે, તેમને જેલમાં ધકેલી દેવામાં આવ્યા હતા. દૌલત કુંવર જણાવે છે કે, જેલોમાં કેદીઓને તેમની જાતિના આધારે કામ સોંપવામાં આવે છે. દલિત કેદીઓને સફાઈ જેવા અપમાનજનક કામો સોંપવામાં આવતા. જ્યારે સવર્ણ કેદીઓ, ખાસ કરીને બ્રાહ્મણ કેદીઓને રસોડામાં રસોઈ કરવા જેવા કામો સોંપાતા.

આ ભેદભાવ માત્ર કામ પૂરતો સીમિત ન હતો પરંતુ દલિતો પર ખાવા-પીવાની બાબતમાં પણ ભેદભાવ રખાતો. દલિત કેદીઓ અન્યોની સરખામણીમાં નિમ્નસ્તરનું ભોજન પીરસવામાં આવતું હતું. આ માત્ર તેમના માનવ અધિકારોનું ઉલ્લંઘન ન હતું, પરંતુ ભારતીય સમાજમાં ઉંડે સુધી જડ ઘાલી ગયેલી જાતિ વ્યવસ્થા સાબિતી હતી. કેટલાક કેદીઓ પોતાની જેલની વાતો શેર કરી છે, જેમાં તેમને કેવી રીતે તેઓ બીમાર હોવા છતાં બ્રશ વિના ટોઈલેટની સફાઈ માટે મજબૂર કરાયા હતા તેની પણ વાત કરી.

આ પણ વાંચો: જેલમાં કેદીઓને કયા માનવ અધિકારો મળે છે?

દલિત કેદીઓને વધેલું ભોજન આપવામાં આવતું?

હાપુડના ઇન્દર પાલ અને મોનુ કશ્યપ નામના બે દલિત કેદીઓએ એક ન્યૂઝ પોર્ટલને જણાવ્યું કે, કેવી રીતે દલિત કેદીઓને ઓછો ખોરાક આપવામાં આવતો હતો, અને જાનવરોની જેમ કતારોમાં ઊભા રહીને બચેલો ખોરાક આપવામાં આવતો હતો. આ પરિસ્થિતિએ તેમની ગરિમાનું અપમાન તો કર્યું જ, પરંતુ તેમની સાથે થઈ રહેલા જાતિય શોષણનું સત્ય પણ ઉજાગર કર્યું.

સર્વોચ્ચ અદાલતે જેલ મેન્યુઅલમાં ઘણા જૂના નિયમોને ફગાવી દેતા કહ્યું હતું કે, આ નિયમો શ્રમના જાતિ આધારિત વિભાજનને પ્રોત્સાહન આપે છે. આ નિર્ણય દલિત કેદીઓ માટે ન્યાય અને સમાનતા તરફ નવી આશા જગાવે છે. પોલીસ અને વહીવટી અધિકારીઓએ પણ આ નિર્ણયની પ્રશંસા કરી છે.

માત્ર મેન્યુઅલમાં ફેરફારથી પરિસ્થિતિ બદલાશે?

સામાજિક કાર્યકરો માને છે કે જેલ મેન્યુઅલમાં કરાયેલા ફેરફારો માત્ર શરૂઆત છે. દલિત કાર્યકર્તા સતીશ પ્રકાશ કહે છે કે અસલી પડકાર સમાજમાં ઊંડા ઉતરી ગયેલા જાતિગત પૂર્વગ્રહને દૂર કરવાનો છે, જે જેલની અંદર અને બહાર બંને જગ્યાએ અસ્તિત્વ ધરાવે છે. સોશિયલ એન્જિનિયરીંગ અને માનસિકતામાં પરિવર્તન વિના, ફક્ત કાયદાકીય સુધારાઓ પૂરતા નથી. કિશોર કુમાર જેવા વકીલો પણ એ વાત પર ભાર મૂકે છે કે જેલ પ્રશાસન માટે 'દલિત' શબ્દ માત્ર એક ઓળખ નથી, પરંતુ તેમને પરંપરાગત વ્યવસાયો સાથે જોડવાની માનસિકતાને પણ બદલવાની જરૂર છે.

જેલના અધિકારીઓ કેવો અમલ કરે છે તેના પર આધાર

સુપ્રીમ કોર્ટના નિર્ણયથી જેલોમાં જાતિ ભેદભાવને દૂર કરવાની દિશામાં એક નવી દિશા મળી છે. આ ચુકાદો માત્ર દલિત કેદીઓ માટે ન્યાયની આશા જ નહીં પરંતુ ભારતીય સમાજમાં સમાનતા અને ગૌરવને પ્રોત્સાહન આપતા વ્યાપક સુધારાઓનું પણ આહ્વાન કરે છે. કેન્દ્ર સરકારે જેલ નિયમાવલીમાં સુધારા કર્યા છે પણ તેનો છેવટનો અમલ તો જેલ તંત્ર પર નિર્ભર કરે છે. એ સ્થિતિમાં આ સુધારાનો કેટલો અને કેવો અમલ થાય છે, તેના પર જ જેલોમાં થતા જાતિ આધારિત ભેદભાવને ખતમ કરવાનો આધાર રહેલો છે.

આ પણ વાંચો: જેલમાં પણ જાતિવાદ : દલિતો સફાઈ કરે, સવર્ણો રસોઈ બનાવે

કેદીઓ સાથે જાતિ આધારિત ભેદભાવ અંગે સુપ્રીમ કોર્ટના 3 ઓક્ટોબર, 2024ના આદેશને ધ્યાનમાં રાખીને આ ફેરફારો કરવામાં આવ્યા છે. જેલના નિયમોમાં કરાયેલા નવા સુધારા મુજબ જેલ સત્તાવાળાઓએ કડક રીતે એનું પાલન કરવાનું રહેશે કે કોઈપણ કેદી સાથે તેની જાતિના આધારે ભેદભાવ, વર્ગીકરણ કે વિભાજન ન થાય.

તેમાં કહેવામાં આવ્યું છે કે, "જેલમાં કોઈપણ ફરજ અથવા કામની ફાળવણીમાં કેદીઓ સાથે તેમની જાતિના આધારે કોઈ ભેદભાવ ન થાય તેની ખાતરી કરવામાં આવશે. આદર્શ જેલ અને સુધારણા સેવા અધિનિયમ 2023માં પણ ફેરફાર કરવામાં આવ્યો છે. જેમાં કલમ 55(A) તરીકે નવું શીર્ષક 'જેલો અને સુધારણા ગૃહોમાં જાતિ આધારિત ભેદભાવ પર પ્રતિબંધ' ઉમેરવામાં આવ્યું છે.

ગૃહ મંત્રાલયે એમ પણ કહ્યું હતું કે "મેન્યુઅલ સ્કેવેન્જર્સની કામગીરી પર પ્રતિબંધ અને તેના પુનર્વસન અધિનિયમ 2013" ની જોગવાઈઓ જેલો અને સુધારાત્મક સંસ્થાઓમાં પણ બંધનકર્તા રહેશે. જેમાં કહેવામાં આવ્યું છે કે, "જેલની અંદર હાથથી મેલું સાફ કરવાની કે ગટરની સફાઈ કરવા જેવા જોખમી કામો માટેની મંજૂરી આપવામાં આવશે નહીં."

આ પણ વાંચોઃ જેલમાં પણ જાતિવાદ : દલિતો સફાઈ કરે, સવર્ણો રસોઈ બનાવે

ગૃહ મંત્રાલયે જણાવ્યું હતું કે ઘણા રાજ્યો અને કેન્દ્રશાસિત પ્રદેશોએ તેમના અધિકારક્ષેત્રમાં રીઢા ગુનેગારો માટેના કાયદાનો અમલ કર્યો નથી અને વિવિધ રાજ્યોના ઉપલબ્ધ આવા કાયદાની વ્યાખ્યા તપાસ્યા બાદ આદર્શ જેલ નિયમાવલી 2016 અને આદર્શ જેલ અને સુધારાત્મક સેવા અધિનિયમ, 2023માં 'હેબિચ્યુઅલ ઓફેન્ડર એક્ટ'ની હાલની વ્યાખ્યા બદલવાનો નિર્ણય લેવામાં આવ્યો છે.

સુપ્રીમ કોર્ટે તેના આદેશમાં "રીઢા ગુનેગારો" વિશે પણ નિર્દેશો આપ્યા હતા અને કહ્યું હતું કે જેલ નિયમાવલી અને આદર્શ જેલ નિયમાવલી સંબંધિત રાજ્ય વિધાનસભાઓ દ્વારા ઘડવામાં આવેલા કાયદા મુજબની "રીઢા ગુનેગારો" ની વ્યાખ્યા મુજબ હશે. સર્વોચ્ચ અદાલતે નિર્દેશ આપ્યો હતો કે જો રાજ્યમાં આવો કાયદો નથી, તો કેન્દ્ર અને રાજ્ય સરકારો ત્રણ મહિનાની અંદર પોતાના નિર્ણયને અનુરૂપ નિયમાવલી અને નિયમોમાં જરૂરી ફેરફારો કરશે.

ઉલ્લેખનીય છે કે એક ડઝન રાજ્યોની જેલ નિયમાવલીઓમાં જાતિ આધારિત ભેદભાવપૂર્ણ જોગવાઈઓ હતી, જેમાં જાતિના આધારે કેદીઓને અલગ બેરેકમાં રાખવાની જોગવાઈ હતી. સુપ્રીમ કોર્ટે જેલ મેન્યુઅલના એ નિયમોને "ગેરબંધારણીય" જાહેર કર્યા હતા જેમાં માત્ર કથિત ઉચ્ચ જાતિના કેદીઓને જ જમવાનું બનાવવાનો, અનુસૂચિત જાતિઓ, ખાસ કરીને સફાઈ કામદારોએ શૌચાલય સાફ કરવા પડશે અને અન્ય જનજાતિઓ તથા રીઢા ગુનેગારો વિરુદ્ધ જાતિના આધારે ભેદભાવ કરવામાં આવતો હતો.

આ પણ વાંચોઃ શું જેલોમાં પણ થાય છે જાતિ આધારિત ભેદભાવ? સુપ્રીમ કોર્ટે કેન્દ્ર અને 11 રાજ્યો પાસે માંગ્યો જવાબ

મુખ્યમંત્રી ભૂપેન્દ્ર પટેલના અધ્યક્ષ સ્થાને આજે મળેલી મંત્રીમંડળની બેઠકમાં રાજ્યમાં એક સાથે નવી નવ મહાનગરપાલિકાની રચનાના નિર્ણયને બહાલી આપી છે. મુખ્યમંત્રીના નેતૃત્વની વર્તમાન સરકારે વર્ષ 2024-25ના બજેટમાં આણંદ, નડિયાદ, મહેસાણા, સુરેન્દ્રનગર-વઢવાણ, મોરબી, ગાંધીધામ, પોરબંદર-છાયા, નવસારી અને વાપી એમ કુલ નવ નગરપાલિકાને મહાનગરપાલિકામાં રૂપાંતરિત કરવાની મહત્વપૂર્ણ જાહેરાત કરવામાં આવી હતી. એટલું જ નહીં, રાજ્ય સરકાર દ્વારા આ નવ મહાનગરપાલિકાની રચનાને મંજૂરી આપીને મહાનગરપાલિકાઓને તાત્કાલિક અસરથી કાર્યરત કરી છે.

રાજ્ય સરકાર દ્વારા જે નગરપાલિકાઓને મહાનગરપાલિકાનો દરજ્જો અપાયો છે, તેમાં આણંદ, નડિયાદ, મહેસાણા, સુરેન્દ્રનગર, મોરબી, ગાંધીધામ, પોરબંદર, નવસારી અને વાપી મહાનગરપાલિકાનો સમાવેશ થાય છે. છેલ્લા ઘણાં લાંબા સમયથી આ તમામ નગરોના નાગરિકોની માગ હતી, જે હવે પૂર્ણ થતાં સ્થાનિક નાગરિકોમાં ખુશીનો માહોલ જોવા મળ્યો છે.  

હાલમાં રાજ્યમાં આઠ મહાનગરપાલિકા કાર્યરત છે. જેમાં અમદાવાદ, વડોદરા, રાજકોટ, સુરત, ભાવનગર, જામનગર, જૂનાગઢ અને ગાંધીનગર મહાનગરપાલિકા છે. પરંતુ રાજ્ય સરકાર દ્વારા નવ નવી મહાનગરપાલિકાને મંજૂરી અપાતાં હવે મહાપાલિકાઓની સંખ્યા વધીને 17 થઈ ગઈ છે.

કઈ મહાનગરપાલિકામાં ક્યા ક્યા વિસ્તારનો સમાવેશ કરાયો?

રાજ્ય સરકાર દ્વારા નવ નગરપાલિકાને મહાનગરપાલિકાનો દરજ્જો અપાયો છે, તેમાં આણંદ, નડિયાદ, મહેસાણા, સુરેન્દ્રનગર, મોરબી, ગાંધીધામ, પોરબંદર, નવસારી અને વાપી મહાનગરપાલિકાનો સમાવેશ થાય છે. રાજ્ય સરકાર દ્વારા આ નવ નગરપાલિકાને મહાપાલિકા બનાવાઇ છે. ત્યારે આ મહાપાલિકાઓમા જે તે નગરપાલિકા વિસ્તારની સાથોસાથ આસપાસની ગ્રામ પંચાયત વિસ્તારોની સમાવેશ કરાયો છે. નવી બનેલી મહાપાલિકામાં ક્યાં વિસ્તારોનો સમાવેશ કરાયો છે તે અત્રે પ્રસ્તુત છે.  

આણંદ મહાનગરપાલિકા

રાજ્યમંત્રી મંડળના નિર્ણય અનુસાર આણંદ મહાપાલિકામાં આણંદ, વલ્લભવિદ્યાનગર અને કરમસદ નગરપાલિકા ઉપરાંત મોગરી, જીટોડીયા, ગામડી અને લાંભવેલ ગ્રામ પંચાયતો કરાયો છે. આમ આણંદ મહાપાલિકામાં ત્રણ નગરપાલિકા અને ચાર ગ્રામ પંચાયતોનો સમાવેશ કરાયો છે.

નડિયાદ મહાનગરપાલિકા

રાજ્યમંત્રી મંડળના નિર્ણય મુજબ નડિયાદ મહાપાલિકા વિસ્તારમાં નડિયાદ નગરપાલિકા તેમજ યોગીનગર, પીપલગ, ડુમરાલ, ફતેપુરા, કમલા, માંજીપુરા, ડભાણ, બીલોદરા, ઉત્તરસંડા અને ટુંડેલ ગ્રામ પંચાયતોનો સમાવેશ કરાયો છે. આમ નડિયાદ મહાપાલિકા વિસ્તારમાં એક નગરપાલિકા અને 10 ગ્રામ પંચાયતોનો સમાવેશ કરવામાં આવ્યો છે.

મહેસાણા મહાનગરપાલિકા

રાજ્ય સરકારની કેબિનેટમાં અપાયેલી મંજૂરી મુજબ મહેસાણા મહાનગરપાલિકા વિસ્તારમાં મહેસાણા નગરપાલિકા ઉપરાંત રામોસણા નોટિફાઈડ એરિયા (એનએ) વિસ્તાર તેમજ રામોસણા, ફતેપુરા, દેદીયાસણ, પાલાવાસણા, હેડુવા રાજગર, હેડુવા હનુમંત, તળેટી અને લાખવડ ગ્રામ પંચાયતો ઉપરાંત પાલોદર, પાંચોટ, ગિલોસણ, નુગર, સખપુરડા અને લાખવડ ગ્રામ પંચાયતોના કેટલાક સર્વે નંબરવાળા વિસ્તારોનો સમાવેશ કરાયો છે. આમ મહેસાણા મહાપાલિકામાં એક નગરપાલિકા, એક નોટિફાઇડ એરિયા, આઠ ગ્રામ પંચાયતો અને છ ગ્રામ પંચાયતોના કેટલાક સર્વે નંબરવાળા વિસ્તારોનો સમાવેશ કરાયો છે.

સુરેન્દ્રનગર મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત સુરેન્દ્રનગર મહાપાલિકા વિસ્તારમાં સુરેન્દ્રનગર-દૂધરેજ-વઢવાણ નગરપાલિકા તેમજ ખમીસણા, ખેરાળી, માળોદ, મુળચંદ અને ચમારજ ગ્રામ પંચાયતોનો સમાવેશ કરાયો છે. આમ સુરેન્દ્રનગર મહાપાલિકામાં એક નગરપાલિકા અને પાંચ ગ્રામ પંચાયત વિસ્તારોનો સમાવેશ કરવામાં આવ્યો છે.

મોરબી મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત મોરબી મહાનગરપાલિકા વિસ્તારમાં મોરબી નગરપાલિકા તેમજ શક્તસનાળા, રવાપરા, લીલાપર, અમરેલી, નાની વાવડી, ભડીયાદ (જવાહર), ત્રાજપર (માળીયા-વનાળિયા), મહેન્દ્રનગર (ઈન્દિરાનગર) અને માધાપર/વજેપર ઓજી ગ્રામ પંચાયતનો સમાવેશ કરાયો છે. આમ મોરબી મહાપાલિકામાં એક નગરપાલિકા અને નવ ગ્રામ ગ્રામ પંચાયત વિસ્તારોનો સમાવેશ કરવામાં આવ્યો છે.

ગાંધીધામ મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત ગાંધીધામ મહાપાલિકા વિસ્તારમાં ગાંધીધામ નગરપાલિકા તેમજ કિડાણા, ગળપાદર, અંતરજાળ, શિણાય, મેઘપર-બોરીચી અને મેઘપર-કુંભારડી ગ્રામ પંચાયત વિસ્તારોનો સમાવેશ કરાયો છે. આમ ગાંધીધામ મહાપાલિકામાં એક નગરપાલિકા અને છ ગ્રામ પંચાયત વિસ્તારોનો સમાવેશ કરવામાં આવ્યો છે.

પોરબંદર મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત પોરબંદર મહાપાલિકા વિસ્તારમાં પોરબંદર/ છાયા નગરપાલિકા તેમજ વનાણા(વિરપુર), દિગ્વિજયગઢ, રતનપર અને ઝાવર ગ્રામ પંચાયત વિસ્તારોનો સમાવેશ કરાયો છે. આમ પોરબંદર મહાપાલિકામાં એક નગરપાલિકા અને ચાર ગ્રામ પંચાયત વિસ્તારોનો સમાવેશ કરાયો છે.

નવસારી મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત નવસારી મહાપાલિકા વિસ્તારમાં નવસારી નગરપાલિકા તેમજ દાંતેજ, ધારાગીરી, એરુ અને હાંસાપોર ગ્રામ પંચાયત વિસ્તારોનો સમાવેશ કરાયો છે. આમ નવસારી મહાપાલિકામાં એક નગરપાલિકા અને ચાર ગ્રામ પંચાયત વિસ્તારોનો સમાવેશ કરાયો છે.

વાપી મહાનગરપાલિકા

રાજ્ય સરકારની કેબિનેટમાં અપાયેલી મંજૂરી અંતર્ગત વાપી મહાપાલિકામાં વાપી નગરપાલિકા તેમજ બલિઠા, સલવાવ, છીરી, છરવાડા, ચણોદ, કરવડ, નામધા, ચંડોર, મોરાઈ, વટાર, કુંતા ગ્રામ પંચાયત વિસ્તારોનો સમાવેશ કરાયો છે. આમ વાપી મહાપાલિકામાં એક નગરપાલિકા અને 11 ગ્રામ પંચાયત વિસ્તારોનો સમાવેશ કરાયો છે.

આ પણ વાંચો: ગીર આસપાસનો કુલ ૧.૮૪ લાખ હેક્ટર વિસ્તાર ‘ઇકો-સેન્સિટિવ ઝોન’ જાહેર

મુખ્યમંત્રી ભૂપેન્દ્ર પટેલની અધ્યક્ષતામાં આજે મળેલી રાજ્ય મંત્રીમંડળની બેઠકમાં ઉત્તર ગુજરાતને ૨૦૨૫ના વર્ષના પ્રથમ દિવસે નવા જિલ્લાની ભેટ રૂપે બનાસકાંઠા જિલ્લાનું વિભાજન કરીને વધુ એક નવો જિલ્લો વાવ- થરાદ બનાવવાની જાહેરાત કરાઇ હોવાની માહિતી સરકારના પ્રવકતા મંત્રી ઋષિકેશ પટેલે આપી હતી.

ઋષિકેશ પટેલે જણાવ્યું હતું કે, બનાસકાંઠા જિલ્લાના વિવિધ પદાધિકારીઓ અને પ્રજાજનોની વર્ષો જૂની માંગણીને મુખ્યમંત્રી ભૂપેન્દ્ર પટેલે સકારાત્મક પ્રતિસાદ સાથે સંતોષતા હાલના બનાસકાંઠા જિલ્લામાંથી નવો વાવ-થરાદ જિલ્લો બનાવવાની જાહેરાત કરી છે.

પ્રવર્તમાન બનાસકાંઠા જિલ્લો રાજયમાં તાલુકાઓની સંખ્યાની દ્રષ્ટિએ સૌથી વધુ ૧૪ તાલુકા ધરાવતો જિલ્લો છે. એટલું જ નહીં, વિસ્તારની દ્રષ્ટિએ પણ બીજા ક્રમનો જિલ્લો છે. વસ્તી, વિસ્તાર અને તાલુકાઓનું ભારણ ઘટે અને નાગરિકોને સરકારી સવલતો વધુ સુગમતાથી મળી રહે તે માટે જનહિતમાં બનાસકાંઠા જિલ્લાનું વિભાજન કરીને બે જિલ્લા વાવ-થરાદ અને બનાસકાંઠા બનશે.

પ્રવકતા મંત્રીએ જણાવ્યું હતું કે, આ બંને જિલ્લામાં ગામડાઓનું વિભાજન મહદઅંશે સમાન રીતે એટલે કે, બંને જિલ્લામાં ૬૦૦ આસપાસ ગામડાં રહે. તેમજ વિસ્તારમાં જોઈએ તો વાવ-થરાદ જિલ્લામાં ૬૨૫૭ ચો.કિ.મી  અને બનાસકાંઠા જિલ્લામાં ૪૪૮૬ ચો. કિ.મી રહે તે પ્રમાણે વિભાજન કરવામાં આવશે.  

બનાસકાંઠા જિલ્લાના પ્રજાજનોને વહીવટી/ભૌગોલિક/આર્થિક વગેરે બાબતે વધુ સુગમતા રહે તે આશયથી બનાસકાંઠા જિલ્લાનું મુખ્ય મથક પાલનપુર રખાયું છે. જ્યારે નવા બનનારા વાવ-થરાદ જિલ્લાનું મુખ્ય મથક થરાદ રાખવાનું નક્કી કરાયું છે.

જેના પરિણામે અગાઉ વાવ-થરાદ જિલ્લા બાજુના આઠ તાલુકાઓને મુખ્ય મથક પાલનપુર જવા માટે જે અંતર લાગતું હતું. તેમાં સરેરાશ ૩૫ થી ૮૫ જેટલા કિ.મી.નો અંતરમાં ઘટાડો થશે તથા સમય અને ઈંધણની બચત થશે.

બનાસકાંઠા જિલ્લામાં રહેનારા તાલુકાઓ અને નગરપાલિકાઓ

રાજ્ય સરકાર દ્વારા બનાસકાંઠા જિલ્લાનું વિભાજન કરીને વધુ એક નવો જિલ્લા બનાવાશે. આ વિભાજનના કારણે નવા બનાસકાંઠા જિલ્લામાં છ તાલુકા અને બે નગરપાલિકા વિસ્તાર રહેશે. જિલ્લાના વિભાજન બાદ નવા  બનાસકાંઠા જિલ્લામાં પાલનપુર, દાંતા, અમીરગઢ, દાંતીવાડા, વડગામ અને ડીસા એમ કુલ ૬ તાલુકાઓ તેમજ પાલનપુર અને ડીસા એમ બે નગરપાલિકાઓનો સમાવેશ થશે.

નવા વાવ-થરાદ જિલ્લામાં જનારા તાલુકાઓ અને નગરપાલિકાઓ

રાજ્ય સરકાર દ્વારા બનાસકાંઠા જિલ્લાનું વિભાજન કરીને નવો જિલ્લો વાવ-થરાદ બનાવવામાં આવશે. ત્યારે આ નવા વાવ-થરાદ જિલ્લામાં આઠ તાલુકાઓ અને ચાર નગરપાલિકા વિસ્તારનો સમાવેશ થશે. જેમાં નવા બનનાર વાવ-થરાદ જિલ્લામાં વાવ, ભાભર, થરાદ, ધાનેરા, સૂઈગામ, લાખણી, દિયોદર અને કાંકરેજ એમ કુલ ૮ તાલુકા તેમજ ભાભર, થરાદ, થરા અને ધાનેરા એમ ચાર નગરપાલિકાઓનો સમાવેશ થશે.

આ પણ વાંચો: રાજ્ય સરકાર 6 જિલ્લાઓનું વિભાજન કરી નવા 3 જિલ્લા બનાવશે?

કોલોનીના લોકો બાંગ્લાદેશી હોવાના મેણાં મારતા હતા

યુવકે લખનઉની એક હોટલમાં આખી ઘટનાને અંજામ આપ્યો હતો. તેણે ચાર બહેનો અને તેની માતા સહિત પાંચ લોકોને મોતને ઘાટ ઉતાર્યા બાદ એક વીડિયો બનાવ્યો હતો. જેમાં તે પરિવારને સ્થાનિકો બાંગ્લાદેશી હોવાનું કહીને મેણાં મારતા હતા અને આ વિસ્તાર અને ઘર છોડી દેવા માટે દબાણ કરતા હોવાનું જણાવ્યું છે. આરોપી યુવકનું નામ અરશદ છે અને તેનો પરિવાર આગ્રાનો રહેવાસી છે. સ્થાનિકો તેને બાંગ્લાદેશી કહીને પરેશાન કરતા હોવાથી તે તેની માતા અને બહેનો સાથે લખનૌની એક હોટલમાં આવ્યો હતો. અહીં જ પિતાની મદદથી તેણે ચાર બહેનો અને તેની માતાની હાથની નસો કાપીને ગળું દબાવીને હત્યા કરી હતી. હત્યાકાંડ પછી અરશદે એક વીડિયો બનાવ્યો અને તેમાં તમામ બાબતોનો ઉલ્લેખ કર્યો છે.

અરશદે સ્થાનિકો પર આરોપ મૂક્યો અને કહ્યું કે તેઓ તેનું ઘર છીનવી લેવા માગતા હતા. જેના કારણે તેનો પરિવાર છેલ્લા 10-15 દિવસથી ભટકતો હતો. હત્યાકાંડના થોડા દિવસ પહેલા તેણે મુખ્યમંત્રી યોગી અને પીએમ મોદીને એક ફરિયાદ પત્ર પણ મોકલ્યો હતો, જેમાં તેણે વિનંતી કરી હતી કે બાંગ્લાદેશી કહીને તેને હેરાન કરતા લોકોને છોડવામાં ન આવે. કારણ કે આ લોકો જમીન પર કબજો કરી રહ્યા છે. વીડિયોમાં અરશદે માતા અને બહેનોના મોત માટે આખી કોલોનીને જવાબદાર ગણાવી હતી.

બહેનોને વેચાતી જોઈ ન શકત એટલે હત્યા કરી

વીડિયોમાં અરશદ કહી રહ્યો છે કે તે તેની બહેનોને વેચાતી જોઈ ન શકત એટલે તેમની હત્યા કરી હતી. સ્થાનિકો પર આરોપ લગાવતા તેણે કહ્યું કે કોલોનીના લોકો તેને રોજ હેરાન કરતા હતા. તેને બાંગ્લાદેશી કહીને હેરાન કરવામાં આવતો હતો. આથી કંટાળીને તે હિંદુ ધર્મ અપનાવીને હિંદુ બનવા માંગતો હતો. અરશદે પોલીસ પર પણ ગંભીર આરોપ લગાવ્યા હતા. તેણે કહ્યું કે, પોલીસે સ્થાનિકો સામે કોઈ કાર્યવાહી નહોતી કરી. બાંગ્લાદેશી હોવાના આરોપોથી કંટાળી તેણે પોતાનું ઘર મંદિર બનાવવા માટે દાન દીધું હોવાનું પણ તે કહે છે. અરશદે વીડિયોમાં કહ્યું છે કે તેના ઘરમાં જે પણ સામાન છે તે અનાથાશ્રમને આપી દેવામાં આવે જેથી તેની બહેનોને શાંતિ મળે. તેણે જણાવ્યું કે કોલોનીના રહેવાસીઓ સતત તેના પર બાંગ્લાદેશી હોવાનો આરોપ પણ લગાવતા હતા, જેનાથી દુઃખી થઈને તેણે આ પગલું ભર્યું હતું.

હોટલમાં એક સાથે 5 લોકોની હત્યાથી ખળભળાટ મચી ગયો

ઉલ્લેખનીય છે કે અર્શદે આખી ઘટનાને લખનઉની એક હોટલમાં અંજામ આપ્યો હતો. બાંગ્લાદેશી હોવાના આરોપોથી કંટાળીને તે અને તેનો આખો પરિવાર અહીં આવીને રોકાયો હતો. એ પછી તેણે રાત્રે પિતાની મદદથી તેની ચાર બહેનો અને માતાને બ્લેડના ઘા મારી મોતને ઘાટ ઉતારી દીધી હતી. પોલીસે તાત્કાલિક ઘટનાસ્થળે પહોંચી લાશોનો કબજો મેળવ્યો હતો. 

લખનઉ સેન્ટ્રલના ડીસીપી રવિના ત્યાગીએ જણાવ્યું કે આ ઘટના નાકા વિસ્તારમાં આવેલી હોટલ શરણજીતમાં બની હતી. આરોપીની ઓળખ અરશદ (24) તરીકે થઈ છે જેણે કથિત રીતે પોતાના જ પરિવારના પાંચ સભ્યોની હત્યા કરી છે. આ ઘટના બાદ સ્થાનિક પોલીસે તાત્કાલિક કાર્યવાહી કરી આરોપીને સ્થળ પરથી જ પકડી લીધો હતો. પોલીસના જણાવ્યા અનુસાર, મૃતકોની ઓળખ આલિયા (9), અલશિયા (19), અક્સા (16), રહેમીન (18) આ તમામ અરશદની બહેનો છે અને આસ્મા તેની માતા છે. 24 વર્ષીય અરશદ આગ્રાનો રહેવાસી છે. પ્રાથમિક તપાસમાં જાણવા મળ્યું છે કે તેણે ઘરેલું વિવાદને કારણે આ ઘટનાને અંજામ આપ્યો છે.

આ પણ વાંચો: ઈચ્છામૃત્યુના નિર્ણયનો અધિકાર કોને હોવો જોઈએ?

અમદાવાદના ભારતી આશ્રમ સરખેજ, જૂનાગઢ ભવનાથ મંદિર, સતાધાર મંદિરનો વિવાદ આપણી નજર સામે છે ત્યાં હવે વધુ એક 25 વર્ષ જૂના મંદિરનો વિવાદ ઉભો થયો છે. આમાં તો બે સાધુઓ વચ્ચે પ્રોપર્ટીને લઈને એવી બબાલ ઉભી થઈ કે બંને મારામારી પર ઉતરી આવ્યા હતા. 

નર્મદાના માંગરોળના ધનેશ્વર મંદિરનો મામલો
મામલો નર્મદા જિલ્લામાં નર્મદા નદીના કાંઠે આવેલા નાંદોદ તાલુકાના માંગરોલના ધનેશ્વર મહાદેવ મંદિરનો છે. આ આશ્રમનો છેલ્લા 25 વર્ષથી વિવાદ ચાલતો આવ્યો છે. મંદિરની પ્રોપર્ટી મુદ્દે ત્યાં જ રહેતા બે સાધુ વચ્ચે ફરીથી ડખો ઊભો થયો છે. મામલો એટલો ઉગ્ર બની ગયો હતો કે ધનેશ્વર મંદિરના મહંત જાનકીદાસ બાપુના પત્ની ભગવતદાસે મંદિરે સામા પક્ષના અખિલ સદાનંદ મહારાજને પોલીસની હાજરીમાં તમાચો મારી દીધો હતો. આ સદાનંદ મહારાજ અખિલ ભારતીય સંત સમિતિના નર્મદા જિલ્લાના મંત્રી છે. આ હુમલો થયા બાદ સદાનંદ મહારાજે કહ્યું હતું કે, ધનેશ્વર મંદિરના સાધુ દંપતીથી તેમના જીવને જોખમ છે એટલે સુરક્ષા આપવામાં આવે. તેમણે વધુમાં કહ્યું કે, આ મામલે કોઈ નિરાકરણ નહીં આવે તો તેઓ હાઇકોર્ટ નજીક આત્મવિલોપન કરશે. ટૂંકમાં, વાત ન્યાયની આવે ત્યારે ભલભલાં લોકો ભગવાનને ભૂલીને બાબાસાહેબના બંધારણની શરણમાં જ આવતા હોય છે.

એક સાધુની પત્નીએ બીજાને લાફો ઝીંકી દીધો
અખિલ ભારતીય સંત સમિતિના નર્મદા જિલ્લા મંત્રી સદાનંદ મહારાજ વચ્ચે અનેકવાર વિખવાદ થતાં આ મામલો એટલી હદે વધ્યો કે પોલીસ બોલાવી પડી હતી. પોલીસની હાજરીમાં જાનકીદાસ બાપુના પત્નીએ સદાનંદ મહારાજને તમાચો મારી દીધો હતો. જે બાદ આ આખો મામલો પોલીસ મથકમાં પહોંચ્યો હતો. પોલીસે બંને સંતોની સામસામે ફરિયાદો લીધી છે.

ગઈકાલે મહંત જાનકીદાસ બાપુની પત્ની ભાગવતદાસે 100 નંબર પર ફોન કરી ફરિયાદ કરી હતી કે, સદાનંદ મહારાજ અને અન્ય લોકોએ એમના આશ્રમ પર રાત્રે પથ્થરમારો કરી અપશબ્દો બોલ્યા હતા. આ ફરિયાદને લઈને પોલીસ ત્યાં પહોંચી હતી. એ દરમિયાન મહંત જાનકીદાસ બાપુની પત્ની ભાગવતદાસ પોલીસ સાથે સદાનંદ મહારાજના આશ્રમ પર પહોંચી હતી અને પોલીસની હાજરીમાં જ સ્વામી સદાનંદ મહારાજ પર હુમલો કર્યો હતો. જેથી તમામને પોલીસમથકે લઈ જવાયા હતા અને કાયદેસરની કાર્યવાહી બાદ મુક્ત કરાયા હતા.

આ પણ વાંચોઃ ભવનાથ મંદિરના મહંત બનવા માટે ભાજપને 5 કરોડનું ફંડ આપ્યું

એક સાધુએ બીજા સાધુના ડરથી પોલીસ સુરક્ષા માંગી
આ બાબતે અખિલ ભારતીય સંત સમિતિના નર્મદા જિલ્લા મંત્રી સ્વામી સદાનંદ મહારાજે જણાવ્યું હતું કે, "આ લોકોએ અનેકવાર મારી પર હુમલો કર્યો છે, તેઓ ધનેશ્વરની પ્રોપર્ટી હડપ કરવા માંગે છે અને એટલે અનેક ષડયંત્રો કરી મંદિર અને ગામનો માહોલ બગાડી રહ્યાં છે. જો આ બાબતે મને ન્યાય નહીં મળે અને સમસ્યાનું સમાધાન નહીં થાય તો  મુખ્યમંત્રી સુધી રજૂઆત કરીશ અને હાઇકોર્ટ નજીક આત્મવિલોપન કરીશ. હવે હું રજૂઆતો કરીને કંટાળી ગયો છું. મહંત જાનકીદાસ અસામાજિક વ્યક્તિ છે. લોકો એમને ઓળખે છે. હું મારા આશ્રમમાં એકલો રહું છું એટલે આ લોકો મારા પર હુમલો કરી મારી હત્યા કરશે એવી મને આશંકા છે એટલે મને સુરક્ષા મળવી જોઈએ."

અગાઉ પણ એક સાધુની હત્યા થઈ હતી
બીજી તરફ મહંત જાનકીદાસ મહારાજે જણાવ્યું હતું કે, " અને મારી પત્ની શાંતિથી આશ્રમમાં રહી લોકોની સેવા કરીએ છીએ. મારા વિરૂદ્ધ પોલીસ મથકમાં કોઈ પણ કેસ હોય કે અરજી હોય તો મને બતાવો, હું અસામાજિક તત્વ નથી. આ મંદિરના પૂર્વ મહંત રામપ્યારે દાસની પણ હત્યા કરવામાં આવી હતી એટલે મારી પણ હત્યા થશે એવો મને ડર છે."

છેલ્લે તો બાબાસાહેબનું બંધારણ જ કામે લાગ્યું!
આ ઘટના પરથી એટલું તો ચોક્કસ કહી શકાય કે ધર્મની આડમાં સૌ પોતપોતાના રોટલાં શેકી રહ્યાં છે. ભગવાનની સેવા કરવાના બહાને આશ્રમો બાંધીને જમીન હડપ કરી જનારા આવા લોકો જ્યારે આવી પ્રોપર્ટી પર અન્ય કોઈ નજર નાખે ત્યારે મારામારી પર ઉતરી આવતા પણ પાછી પાની નથી કરતા. સૌથી મોટી વાત એ કે લોકોને ભગવાનનો ડર બતાવનારા ખુદ પોતાને મુશ્કેલી પડે ત્યારે ભગવાનને છોડીને દેશના બંધારણની શરણે આવી કોર્ટમાં ન્યાય માંગે છે. ડો.આંબેડકરના બંધારણની આનાથી મોટી જીત બીજી કઈ હોઈ શકે?

આ પણ વાંચોઃ ઈસ્કોન મંદિરે નિવૃત્ત આર્મીમેનની દીકરીને શિષ્ય સાથે ભગાડી ગોંધી રાખી

કેરળના મુખ્યમંત્રી પિનરાઈ વિજયને મંગળવારે શીવગીરી માધોમ ખાતે 92મી શિવગીરી યાત્રાનું ઉદ્ઘાટન કરતી વખતે સામાજિક સુધારણાનો સંદેશ આપ્યો હતો. તેમણે શિવગીરી માધોમ દ્વારા ભક્તોને મંદિરમાં પ્રવેશ કરતી વખતે શર્ટ ઉતારવાની પ્રથાને ખતમ કરવાની અપીલને આધુનિક અને પ્રગતિશીલ મૂલ્યોને અનુરૂપ ગણાવી. મુખ્યમંત્રીએ કહ્યું કે શિવગીરી માધોમના પ્રમુખ સ્વામી સચિતાનંદે આ પ્રથાને જૂના સમયની અવશેષ ગણાવી હતી, જે આજના પ્રગતિશીલ સમાજમાં અપ્રસ્તુત છે.તેમના શબ્દો શ્રી નારાયણ ગુરુના સુધારાવાદી વિચારો અને સંદેશને પ્રતિબિંબિત કરે છે.

શ્રી નારાયણ ગુરુ અને સુધારાવાદી આંદોલન

પી. વિજયને કહ્યું કે, શ્રી નારાયણ ગુરુ સાથે સંકળાયેલા મંદિરોએ આ પ્રથા છોડી દીધી છે અને તેમને આશા છે કે અન્ય મંદિરો પણ આ દિશામાં પગલાં લેશે. તેમણે શ્રી નારાયણ ગુરુને સનાતન ધર્મના સમર્થક તરીકે રજૂ કરવાના પ્રયાસોની નિંદા કરી હતી. તેમણે કહ્યું કે સનાતન ધર્મ અને વર્ણાશ્રમ ધર્મમાં કોઈ ખાસ તફાવત નથી. બંને સમાજ વ્યવસ્થાને જાતિના આધારે બાંધી રાખે છે અને નીચલા વર્ગો માટે સામાજિક પ્રગતિના રસ્તાઓ બંધ કરે છે.

સનાતન ધર્મ પર તીક્ષ્ણ પ્રહાર કરતા વિજયને કહ્યું, "સનાતન ધર્મ સાર્વત્રિક કલ્યાણની વાત કરે છે પરંતુ તેની પાછળ 'ગાય અને બ્રાહ્મણોની સુખાકારી' ની શરત જોડી દેવામાં આવે છે. આ ધર્મ જાતિની સામાજિક વ્યવસ્થાને જાળવી રાખવા માટે બ્રાહ્મણવાદી સર્વોપરિતાને પ્રોત્સાહન આપે છે. તેમણે તેને 'સિંગલ પાવર'ના ગુણગાન અને સામાજિક-આર્થિક અસમાનતાઓને જાળવી રાખનાર ગણાવ્યો હતો.

પિનરાઈ વિજયને મહાભારતમાં ન્યાયની અસ્પષ્ટતા પર પણ સવાલો ઉઠાવ્યા હતા. તેમણે કહ્યું કે મહાભારત એ યુગની રચના છે જ્યારે સમાજ આદિવાસી વ્યવસ્થાથી જાતિના રાજકારણમાં બદલાઈ રહ્યો હતો. શ્રી નારાયણ ગુરુએ આ ગ્રંથની ન્યાય પ્રત્યેની અસ્પષ્ટતા પર આકરા સવાલો ઉઠાવ્યા છે.

તેમણે કહ્યું, "મહાભારત સ્વયં નક્કી નથી કરતું કે ધર્મ શું છે, પરંતુ ધર્મ વિશે શંકા અને પ્રશ્નો ઉભા કરે છે." મુખ્યમંત્રીએ વર્તમાન સંદર્ભમાં ‘સનાતન હિન્દુત્વ’ની પણ ટીકા કરી હતી. તેમણે કહ્યું, "આપણે એવા સમયમાં જીવી રહ્યાં છીએ જ્યારે સનાતન હિંદુત્વને અત્યંત શ્રેષ્ઠ અને ભવ્ય તરીકે દર્શાવવાના પ્રયાસો થઈ રહ્યા છે. તેને તમામ સામાજિક સમસ્યાઓનું સમાધાન કહેવામાં આવે છે." 

તેમણે ‘લોકા: સમસ્તા સુખીનો ભવન્તુ" જેવા સૂત્રની ચર્ચા કરતાં કહ્યું કે આ સૂત્રનો અર્થ ચોક્કસપણે સકારાત્મક છે અને તે સાર્વત્રિક સુખની કામના કરે છે. પરંતુ તેમણે એમ પણ કહ્યું કે તેને માત્ર હિન્દુત્વની વિશેષતા તરીકે રજૂ કરવું તે સુનિયોજિત નેરેટિવનો હિસ્સો છે.

દલિતો અને પછાત લોકો માટે ન્યાયની માંગ કરતા વિજયને કહ્યું કે, આજે પણ ગ્રામીણ ઉત્તર ભારતમાં દલિતો, પછાતો અને લઘુમતીઓ પર અત્યાચાર થઈ રહ્યા છે. આ અત્યાચારોને રાજકીય અને વહીવટી રક્ષણ મળે છે, જેના કારણે ગુનેગારો કાયદાની પકડમાંથી છટકી જાય છે. મુખ્યમંત્રીએ કહ્યું કે, શ્રી નારાયણ ગુરુનો માનવતાવાદી સંદેશ સામાજિક સમાનતા અને ન્યાયનો માર્ગ બતાવે છે. તેમણે બધાંને આગ્રહ કર્યો કે સામાજિક સુધારા માટે શિવગીરીના ઐતિહાસિક નેતૃત્વને અનુસરે.

આ પણ વાંચો: મહારાષ્ટ્રની શિંદે સરકારે દેશી ગાયને રાજમાતા-ગૌમાતાનો દરજ્જો આપ્યો

હાલ દેશ-દુનિયામાં ક્રિસમસ અને નવા વર્ષની ધૂમ મચેલી છે ત્યારે બેટ દ્વારકામાં શ્રદ્ધાળુઓ ભગવાનના દર્શન કરવા માટે ઉમટી પડ્યાં છે અને તેના કારણે અહીં ભગવાનના નામે દલાલી કરતા તત્વો પણ ફૂટી નીકળ્યાં છે. જેઓ વીઆઈપી દર્શનના નામે ભોળાં લોકો પાસેથી પૈસા પડાવવાનું કામ કરે છે.

મળતી માહિતી મુજબ દેવભૂમિ દ્વારકા જિલ્લાના પ્રસિદ્ધ યાત્રાધામ બેટ દ્વારકામાં ભગવાનના વીઆઈપી દર્શન કરાવવા માટે દલાલો ફૂટી નીકળ્યા છે, જેઓ દર્શને આવતા લોકો પાસેથી વીઆઈપી દર્શનના બહાને 200 થી લઈને 2000 રૂપિયા સુધીની રકમ પડાવી રહ્યાં છે. આ આખી ઘટનાનો એક વીડિયો પણ વાયરલ થયો છે, જેમાં એક શખ્સ દર્શને આવનાર એક ગ્રુપ પાસેથી 6 લોકોના રૂ. 1200 રેટ ચાલતો હોવાનું કહીને તેમને વીઆઈપી દર્શન કરાવી આપવાનું કહે છે.

ભગવાનના VIP દર્શન કરાવવા માટે જુદા-જુદા ભાવ દલાલો લગાવે છે ત્યારે કેટલાક ભક્તો શાંતિથી દર્શન કરવા માટે આ દલાલોનું સંપર્ક પણ કરતા હોય છે. ત્યારે શાંતિથી દર્શન કરવા માટે 200થી 2 હજાર રૂપિયા દલાલ ઉઘરાવ છે.

વાયરલ થયેલા વીડિયોમાં જોઈ શકાય છે કે, મોંમાં માવો ઠૂંસી સફેદ શર્ટ પહેલી, માથે ટીલું લગાડેલો એક શખ્સ 6 વ્યકિતના 1200 રૂપિયા લઇ ભગવાનના દર્શન કરાવવાની વાત કરે છે. ચોંકાવનારી વાત એ છે કે આ બધું ખૂલ્લેઆમ થઈ રહ્યું છે, દલાલોને કરાણે સામાન્ય લોકોને અગવડતા ભોગવવી પડે છે, તેમ છતાં લોકો અહીં દર્શન માટે જાય છે. ભગવાનના વીઆઈપી દર્શનના નામે ખૂલ્લેઆમ રૂપિયા પડાવવાનો ધંધો ચાલતો હોવા છતાં લોકોની આંખો ખૂલતી નથી.

આ પણ વાંચો: જૂનાગઢના ભગવાધારી બાબાએ ટ્રાન્સજેન્ડર યુવતીનું જાતીય શોષણ કર્યું

ચૂંટણી હોવાથી કેજરીવાલ દરરોજ નવી જાહેરાતો કરી રહ્યાં છે અને આજે તેમણે પ્રેસ કોન્ફરન્સ કરીને વધુ એક નવી સ્કીમની જાહેરાત કરી છે, જેનું નામ છે 'પૂજારી-ગ્રંથી સન્માન યોજના'. આ યોજના હેઠળ, જો આમ આદમી પાર્ટી ચૂંટણી જીતશે તો દિલ્હીના તમામ મંદિરોના પૂજારીઓ અને ગુરુદ્વારા સાહિબના ગ્રંથીઓને દર મહિને રૂ. 18,000 નું માનદ વેતન આપવામાં આવશે.

કેજરીવાલે કહ્યું કે, દરેક ઘરને તેના સુખ અને દુઃખમાં પૂજારીની જરૂર હોય છે. પરંતુ તેમના પર ક્યારેય ધ્યાન આપવામાં આવ્યું નહોતું. ન તો પૂજારી પોતાના પરિવારો પર પૂરતું ધ્યાન આપી શકે છે. તેથી AAP તેમના સન્માનમાં આ યોજના લાવી છે. આ પ્રેસ કોન્ફરન્સમાં દિલ્હીના મુખ્યમંત્રી આતિશી અને મંત્રી સૌરભ ભારદ્વાજ પણ હાજર રહ્યા હતા.

કેજરીવાલે કહ્યું, “કાલે હું કનોટ પ્લેસના હનુમાન મંદિર જઈશ અને પૂજારીઓની નોંધણી કરાવીશ. હું ભાજપને વિનંતી કરું છું કે પૂજારીઓ અને ગ્રંથિઓના રજિસ્ટ્રેશનમાં અવરોધો ન ઉભા કરે. આ નોંધણી પ્રક્રિયા બંધ ન કરાવશો. જો ભાજપ આ યોજનાને રોકવાનો પ્રયાસ કરશે તો તેમને પાપ લાગશે.” કેજરીવાલની આ યોજના સ્પષ્ટ રીતે મનુવાદ અને મનુવાદીઓને પ્રોત્સાહન આપે છે. ‘પાપ’ જેવો શબ્દપ્રયોગ જ સ્પષ્ટ કરે છે કે તેઓ ડો.આંબેડકરની વિચારધારાનું મહોરું ઓઢીને ફરે છે.

ચૂંટણી નજીક આવતા જ કેજરીવાલે યોજનાઓનો પટારો ખોલી નાખ્યો છે. અગાઉ તેમની પાર્ટીએ વૃદ્ધો માટે પેન્શનની જાહેરાત કરી હતી. જેમાં  દિલ્હીમાં 60 વર્ષથી વધુ ઉંમરના વૃદ્ધોને પેન્શન આપવામાં આવશે. 60-69 વર્ષની વયના લોકોને 2,000 રૂપિયા અને 70 વર્ષથી વધુ ઉંમરના લોકોને 2,500 રૂપિયા પેન્શન આપવાની જાહેરાત કરવામાં આવી હતી.

એટલું જ નહીં કેજરીવાલે મહિલાઓ માટે પણ યોજનાની જાહેરાત કરી હતી. 2024-25ના બજેટમાં દિલ્હી સરકારે 'મુખ્યમંત્રી મહિલા સન્માન યોજના'ની જાહેરાત કરી હતી, જે અંતર્ગત 18 વર્ષથી વધુ ઉંમરની તમામ મહિલાઓને દર મહિને 1,000 રૂપિયા આપવામાં આવશે. પરંતુ જેવી ચૂંટણી નજીક આવી કે તરત કેજરીવાલે જાહેરાત કરી કે 1,000 રૂપિયાની રકમ વધારીને 2,100 રૂપિયા કરવામાં આવશે. આવા તકવાદી અને ઈચ્છા પડે ત્યારે મનુવાદીઓ તરફ ઢળી પડતા કેજરીવાલને દિલ્હીના દલિત મતદારો કેટલા ફળે છે તેના પર નજર રહેશે.

આ પણ વાંચો: કેજરીવાલે દલિતો માટે બનાવેલી મોટાભાગની યોજનાઓ કેમ ફ્લોપ રહી?

હાઈકોર્ટ-સુપ્રીમ કોર્ટમાં 50 ટકા જજો સંબંધીઓ નીકળ્યાં

હાઈકોર્ટમાં નિમણૂક પામેલા જજો અને સુપ્રીમ કોર્ટમાં આવતા જજોની પૃષ્ઠભૂમિ પર નજર કરીએ તો આ આરોપ પણ સાચો લાગે છે, કારણ કે મોટાભાગના જજોના પરિવારમાં પહેલાથી જ કોઈ જજ રહેલું હોય છે. કોઈના પિતા, તો કોઈના કાકા જજ છે અથવા કોઈના નજીકના સંબંધીઓ જજ છે. NJAC (નેશનલ જ્યુડિશિયલ એપોઇન્ટમેન્ટ કમિશન) કેસની સુનાવણી દરમિયાન સુપ્રીમ કોર્ટમાં ખુલાસો થયો હતો કે હાઈકોર્ટના લગભગ 50 ટકા જજ સુપ્રીમ કોર્ટ અથવા હાઈકોર્ટના જજના સંબંધીઓ છે. આટલી હદે જ્યાં ભાઈ-ભત્રીજાવાદ ચાલતો હોય ત્યાં સામાન્ય માણસ તટસ્થ ન્યાયની અપેક્ષા કેવી રીતે રાખી શકે.

પણ સુપ્રીમ કોર્ટ કોલેજિયમ હવે આ સેટિંગનો અંત લાવવાની તૈયારી કરી રહી છે. મળતી માહિતી મુજબ સુપ્રીમ કોર્ટ કોલેજિયમ એ પ્રસ્તાવ પર વિચાર કરી રહ્યું છે કે હાઈકોર્ટ અથવા સુપ્રીમ કોર્ટના નિવૃત્ત અથવા વર્તમાન ન્યાયાધીશના પરિવારમાંથી કોઈપણ વકીલના નામની જજ પદ માટે ભલામણ કરવામાં ન આવે. 

કોલેજિયમની બેઠકમાં મામલો ઉઠ્યો

સૂત્રો પાસેથી મળેલી માહિતી અનુસાર, કોલેજિયમની બેઠક દરમિયાન કોલેજિયમના એક સભ્યએ અભિપ્રાય વ્યક્ત કર્યો હતો કે લોકોમાં સામાન્ય માન્યતા છે કે ફર્સ્ટ જનરેશન એડવોકેટ (જેમના પરિવારમાં કોઈ ન્યાયાધીશ નથી રહ્યું) ની તુલનામાં સંબંધી એડવોકેટ્સને પ્રાથમિકતા મળે છે, જેના કારણે ફર્સ્ટ જનરેશન એડવોક્ટ્સ ભાગ્યે જ જજની ખુરશી સુધી પહોંચી શકે છે. આમાં પણ પાછી જે તે વકીલની જાતિનું મહત્વ તો ખરું જ. તેથી જજોના પરિવારના સભ્યોના નામની જજ તરીકે ભલામણ કરવા પર પ્રતિબંધ હોવો જોઈએ. કોલેજિયમના બાકીના કેટલાક ન્યાયાધીશો પણ આ બાબત સાથે સંમત થયા છે. જ્યારે કેટલાકનું માનવું હતું કે આના કારણે, ન્યાયાધીશ તરીકે નિમણૂક માટે પાત્રતા ધરાવતા કેટલાક લાયક વકીલો ન્યાયાધીશ બની શકશે નહીં કારણ કે તેઓ પૂર્વ ન્યાયધીશના સગા છે.

કોલેજિયમ સિસ્ટમ કેવી રીતે કામ કરે છે?

કોલેજિયમમાં સુપ્રીમ કોર્ટના મુખ્ય ન્યાયાધીશ (CJI) સહિત સર્વોચ્ચ અદાલતના ચાર વરિષ્ઠ ન્યાયાધીશોનો સમાવેશ થાય છે. આ પાંચ લોકો મળીને નક્કી કરે છે કે હાઈકોર્ટ અને સુપ્રીમ કોર્ટમાં કોણ જજ બનશે. જેમને જજ બનાવવાના છે તેવા લોકોના નામ આ કૉલેજિયમ સરકારને મોકલે છે. કોલેજિયમ દ્વારા મોકલવામાં આવેલી ભલામણને સરકાર માત્ર એક જ વાર પરત કરી શકે છે. કોલેજિયમ દ્વારા બીજી વખત મોકલવામાં આવેલી ભલામણને સરકાર સ્વીકારવા માટે બંધાયેલી છે. વર્તમાન કોલેજિયમમાં CJI સંજીવ ખન્ના અને જસ્ટિસ બીઆર ગવઈ, જસ્ટિસ સૂર્યકાંત, જસ્ટિસ હૃષિકેશ રોય અને જસ્ટિસ એ.એસ. ઓકાનો સમાવેશ થાય છે.

NJAC રદ કરવામાં આવી હતી

'Judges Selecting Judges' ની કોલેજિયમ સિસ્ટમની ખામીઓને દૂર કરવા માટે નેશનલ જ્યુડિશિયલ એપોઇન્ટમેન્ટ કમિશન (NJAC) ની સ્થાપના કરવામાં આવી હતી, જેને ઓક્ટોબર 2015માં સુપ્રીમ કોર્ટની પાંચ જજોની બંધારણીય બેંચ દ્વારા ફગાવી દેવામાં આવી હતી. NJAC માં મુખ્ય ન્યાયાધીશ, સર્વોચ્ચ અદાલતના બે સૌથી વરિષ્ઠ ન્યાયાધીશો, કેન્દ્રીય કાયદા પ્રધાન અને નાગરિક સમાજના બે લોકોને સામેલ કરવાની જોગવાઈ હતી. જો કે આમાં સુપ્રીમ કોર્ટથી ઉપર સરકાર પોતાના માણસોને ગોઠવી દે તેવી પુરી શક્યતા દેખાતી હોવાથી સુપ્રીમે તેને ફગાવી દીધી હતી.

હાલ સૂત્રો દ્વારા જે માહિતી મળી રહી છે તેમાં ભાઈ-ભત્રીજાવાદને દૂર કરવા માટેની વાત થઈ છે. પણ ભારતમાં જે રીતે આખું ન્યાયતંત્ર અને અન્ય વહીવટીતંત્ર ચાલી રહ્યું છે તે જોતા આ દાવાઓ પોકળ સાબિત થાય તેવી શક્યતા વધુ જણાય છે.

આ પણ વાંચો: SC, ST માં વર્ગીકરણ બાબતે કોલેજીયમ જજોની દાનત શું છે?

મામલો શું છે?
ગુજરાતના મોટા શહેરોમાં અને હવે તો નાના ટાઉનોમાં પણ જિમ, સ્પ અને ,બ્યૂટી પાર્લરની આડમાં દેહવ્યાપાર થતો હોવાની વાત નગ્ન સત્ય છે. પરંતુ રાજકોટના જેતપુર તાલુકાના જેતલસર ગામે ગૌશાળાની આડમાં બે સંચાલકોએ 6 માસથી દેહવ્યાપારનો ધંધો શરૂ કર્યો હતો. જેમાં હવસખોરો ગૌશાળાની મુલાકતના નામે ઓરડીમાં બેઠેલી લલનાઓ સાથે રંગરેલીયા મનાવવા માટે આવતા હતા. જો કે અચાનકથી ગૌશાળાના મુલાકાતીઓ વધી જતાં ગામલોકોને શંકા ગઈ હતી અને તેમણે અંદરખાને તપાસ કરાવતા તેમને હોંશ ઉડી ગયા હતા. કેમ કે ભૂવાજી ધર્મની આડમાં અહીં કૂટણખાનું ચલાવી રહ્યા હતા.

આ પણ વાંચોઃ ત્રણ માસની 'ભગવતી'ને ભૂવાએ અગરબત્તીના ડામ દેતા મોત

ગામલોકોએ પોલીસને જાણ કરી
ઘટનાની જાણ થતા જ ગામલોકોએ તરત ગ્રામ્ય એસપીને ફોન કરીને જાણ કરી હતી. એ પછી તરત જેતપુર તાલુકા પોલીસે દરોડો પાડીને ગૌશાળાના સંચાલક ધવલ મનસુખ મારકડા અને રાજકોટ ગ્રામ્યની એક મહિલાને ઝડપી પાડીને જાહેરમાં ચેનચાળા કર્યા હોવાનો ગુનો નોંધીને કાર્યવાહી કરી હતી. જો કે આ બનાવમાં પોલીસે બે સંચાલકોની પોલીસે આબરૂ બચાવી લીધી હોવાની ચર્ચા છે. જેનાથી નારાજ થયેલા ગામલોકોએ આ આખી ઘટનાના કેટલાક ઓડિયો-વીડિયો અને ફોટાં સાથેની સીડી તૈયાર કરીને ગૃહ રાજ્યમંત્રીને મોકલી ન્યાયની માંગણી કરતા સ્થાનિક રાજકારણ ગરમાયું છે.

ગૌશાળાની અંદર ધંધો કરવો પડશે, નહીંતર હપ્તો આપવો પડશે?
જેતલસરની ગૌશાળાની અંદર ચાલતા કૂટણખાનાને લઈને તેના સંચાલકો વચ્ચે પૈસા બાબતે ડખ્ખો શરૂ થયા બાદ ઓડિયો ક્લિપ વાઇરલ થતાં ચકચાર મચી ગઈ છે. આ મામલે 7 જેટલી ઓડિયો ક્લિપ વાયરલ થતા સમગ્ર ગામમાં ચકચાર મચી ગઈ છે. જેમાં ગૌશાળાની અંદર દેહવ્યાપારનો ધંધો કરતાં શખ્સો તથા અન્ય શખ્સ વચ્ચેની વાતચીત છે. જેમાં સ્પષ્ટ રીતે સાંભળવા મળે છે કે, જેતલસર ગામે અલગ અલગ ત્રણથી ચાર જગ્યાએ કૂટણખાનું ચાલી રહ્યું છે. ઓડિયોમાં એક શખ્સ બોલતો જણાય છે કે, તે પોલીસ અને ઉચ્ચ અધિકારીઓ સાથે વગ ધરાવે છે તેથી ખંડણી તરીકે રૂ. 10 હજાર આપવા પડશે. તે વધુમાં કહે છે કે, જો ધંધો કરવો હોય તો ગૌશાળાની અંદર જ કરવો પડશે અને દરરોજના 1000 રૂપિયા આપવા પડશે, જો નહીં આપો તો દર મહિને હપ્તો આપવો પડશે. આમ ગૌશાળામાં કૂટણખાનું ચાલું થવાની આ ઘટનાથી ગામલોકોમાં સોંપો પડી ગયો છે અને પોલીસે આ મામલે વહેલીતકે કાર્યવાહી કરે તેવી માંગ ઉઠી છે.

આ પણ વાંચોઃ ભૂવાએ સારવારના નામે આંકડાનું પાણી પીવડાવતા મહિલાનું મોત 

અહીં એ વાતનો ઉલ્લેખ કરવો જરૂરી છે કે, બાબાસાહેબ આંબેડકરે 25 ડિસેમ્બર, 1927ના રોજ મનુસ્મૃતિનું દહન કર્યું હતું. દેશભરમાં આ દિવસે દલિત-બહુજન સમાજ જાહેરમાં મનુસ્મૃતિની હોળી કરે છે. એ રીતે આ પ્રસંગે ભગતસિંહ સ્ટુન્ડ મોરચાના વિદ્યાર્થીઓ ચર્ચા માટે ભેગા થયા હતા. સંસ્થાના એક અધિકારીએ જણાવ્યું કે ચર્ચા દરમિયાન BHU પ્રોક્ટોરિયલ બોર્ડના ગાર્ડ આવ્યા અને વિદ્યાર્થીઓ સાથે ગેરવર્તણૂક શરૂ કરી. પહેલા તેમને ઢસડવામાં આવ્યા અને પછી સાંજે 7:30 વાગ્યાની આસપાસ પ્રોક્ટોરિયલ બોર્ડ ઑફિસમાં લઈ જઈને પુરી દીધાં.

એ દરમિયાન વિદ્યાર્થીઓને ઈજાઓ પણ થઈ હતી, તેમના કપડા ફાટી ગયા હતા અને ચશ્માના કાચ તૂટી ગયા હતા. આ વિદ્યાર્થીઓને મદદ કરવા પહોંચેલા તમામ વિદ્યાર્થીઓની પણ ધક્કા મારીને અટકાયત કરવામાં આવી હતી. એ પછી BHU ગાર્ડ અને વારાણસી પોલીસે મળીને વિદ્યાર્થીઓને વિવિધ પ્રકારની ધમકીઓ આપી હતી. જેમાં તેમનું ભવિષ્ય બગાડવાની અને જોઈ લેવાની ધમકી પણ સામેલ હતી.

આ પણ વાંચોઃ ગુજરાતના 1000થી વધુ ગામોમાં મનુસ્મૃતિનું દહન કરી સમાનતાનું તોરણ બંધાયું

બાદમાં, અટકાયત કરાયેલા વિદ્યાર્થીઓને બળજબરીથી પોલીસ વાનમાં બેસાડી તેમની સાથે મારપીટ કરીને પોલીસ સ્ટેશન લઈ જવામાં આવ્યા હતા. ધરપકડ કરાયેલા વિદ્યાર્થીઓમાં ત્રણ છોકરીઓ પણ સામેલ છે. વિદ્યાર્થીઓએ પોલીસની આ કાર્યવાહીને ગેરકાયદેસર અને વાંધાજનક ગણાવી છે. તેમનું કહેવું છે કે સાંજ પછી પોલીસ દ્વારા છોકરીઓની અટકાયત એ કાયદાનું ઉલ્લંઘન અને સત્તાનો દુરુપયોગ છે. લંકા પોલીસ સ્ટેશન સતત કહી રહ્યું છે કે 'મામલો ઉપરથી ઉઠાવવામાં આવી રહ્યો છે' એટલે કે ભાજપ, આરએસએસ-એબીવીપી જેવા મનુવાદી-ફાસીવાદી લોકો આ મામલામાં ખુલ્લેઆમ સામેલ છે.

સંગઠનના આગેવાનોએ જણાવ્યું હતું કે અટકાયત કરાયેલ તમામ 13 વિદ્યાર્થીઓને પોલીસે જેલમાં મોકલી દીધા છે. ધરપકડ કરાયેલા વિદ્યાર્થીઓમાં મુકેશ કુમાર, સંદીપ જયસ્વાલ, અમર શર્મા, અરવિંદ પાલ, અનુપમ કુમાર, લક્ષ્મણ કુમાર, અવિનાશ, અરવિંદ, શુભમ કુમાર, આદર્શ, ઇપ્સિતા અગ્રવાલ, સિદ્દી તિવારી અને કાત્યાયની બી રેડ્ડીનો સમાવેશ થાય છે.

આ તમામ વિદ્યાર્થીઓ સામે ભારતીય ન્યાયિક સંહિતાની કલમ 132/121(2)/196(1)/299/190/191(2)/115(2)/110 હેઠળ કેસ નોંધવામાં આવ્યો છે. જેમાં 10 વર્ષ સુધીની સજાની જોગવાઈ છે. સંગઠને કહ્યું કે ઉત્તર પ્રદેશ સરકારના ડરના કારણે વિદ્યાર્થીઓ પર આ દમન થયું છે. ભગતસિંહ સ્ટુડન્ટ મોરચાએ ફાસિસ્ટ રાજ્યની મનુવાદી પોલીસ દ્વારા કરાયેલી ગેરકાયદેસર કાર્યવાહી સામે ભારે આક્રોશ વ્યક્ત કર્યો છે. તેમણે તમામ પ્રગતિશીલ પક્ષોને તેમની સામે એક થવાની અપીલ પણ કરી છે.

આ પણ વાંચોઃ મનુસ્મૃતિના એ કાયદા, જેણે ભારતીય સમાજમાં અસમાનતાના બીજ વાવ્યાં 

નાયબ મુખ્યમંત્રીના વતનમાં જ કૌભાંડ થયું?
23 નવેમ્બરના રોજ સિરાથુ તાલુકાના મીઠાપુર સાયરાની બાબુ સિંહ ડિગ્રી કોલેજમાં મુખ્યમંત્રી સમૂહ લગ્ન યોજના હેઠળ ગરીબ પરિવારની દીકરીઓના લગ્નનો કાર્યક્રમ રાખવામાં આવ્યો હતો. જેમાં ર૦0 થી વધુ યુવતીઓના લગ્ન થયા હતા. આ સમૂહ લગ્નમાં કડા બ્લોકના સાયરા મીઠાપુર, અંદાવા, શહઝાદપુર અને સિરથુ બ્લોકના કોખરાજ, બિદાનપુર, ભદવા વગેરે ગામોના યુગલોએ સમૂહ લગ્ન કાર્યક્રમમાં ભાગ લીધો હતો. ભાજપના જિલ્લા અધ્યક્ષ ધરમરાજ મૌર્ય, રાજ્ય મહિલા આયોગના સભ્ય પ્રતિભા કુશવાહા, સિરાથુ બ્લોકના મુખ્ય પ્રતિનિધિ લવકુશ મૌર્ય અને જિલ્લાના ઉચ્ચ અધિકારીઓએ પણ કાર્યક્રમમાં ભાગ લીધો હતો.

20 થી વધુ કન્યાઓના વર જ નહોતા
નાયબ મુખ્યમંત્રી કેશવ પ્રસાદ મૌર્યના વતન સિરાથુના ડીએસ મૌર્યએ IGRS પોર્ટલ દ્વારા સમાજ કલ્યાણના વિભાગના રાજ્ય મંત્રીને ફરિયાદ કરી હતી કે 20 થી વધુ છોકરીઓના વરરાજા સમૂહ લગ્ન કાર્યક્રમમાં આવ્યા ન હતા. પરંતુ સિરથુ અને કડા બ્લોકના મદદનીશ વિકાસ અધિકારી (સમાજ કલ્યાણ)એ 10-10 હજાર રૂપિયા લઈને લગ્ન કરાવ્યા.

આરોપ છે કે ગરીબ છોકરીઓના લગ્નની ફાઇલો મદદનીશ વિકાસ અધિકારીઓ દલાલો દ્વારા તૈયાર કરાવે છે. દરેક કપલ પાસેથી 3 થી 5 હજાર રૂપિયાનું ફંડ એકત્ર કરવામાં આવે છે. જે છોકરીઓના વરરાજા પૈસા કમાવા પરદેશ જાય છે અને લગ્ન સમારોહમાં હાજરી આપી શકતા નથી તેમની પાસેથી 10,000 રૂપિયાની રકમ લેવામાં આવે છે.

તેમણે એવો પણ આક્ષેપ કર્યો હતો કે જો કોઈ અરજદાર પોતે જ સમૂહ લગ્નની ફાઈલ ઓનલાઈન અરજી કરીને લાવે તો તેની ફાઈલમાં કોઈને કોઈ ખામી કાઢવામાં આવે છે. અંતે અરજદાર મજબૂરીમાં અધિકારીઓએ નક્કી કરેલા દલાલો પાસે જાય છે. આ પછી તે મોટી રકમ લે છે અને ફાઇલને સમૂહ લગ્નમાં સમાવી લે છે. ડીએસ મૌર્યએ સિરાથુ અને કડા બ્લોકના સહાયક વિકાસ અધિકારીઓ સામે તપાસ કરીને કડક કાર્યવાહીની માંગ કરી છે.

આ મામલે DMએ શું કહ્યું?
આ મામલે ડિસ્ટ્રીક્ટ મેજિસ્ટ્રેટ મધુસુદન હુલગીએ જણાવ્યું કે, મુખ્યમંત્રી સમૂહ લગ્ન યોજનાનું આયોજન સમાજ કલ્યાણ વિભાગ દ્વારા કરવામાં આવે છે અને જે લોકો અહીં સમૂહમાં લગ્ન કરવા માંગે છે તેમની ત્યાં અરજી સ્વીકારવામાં આવે છે. બધું જ ઓનલાઈન થાય છે. ત્યાર બાદ તપાસ પણ થાય છે. એ પછી તપાસ કરવામાં આવે છે કે તેઓ એક જ પરિવારના તો નથી ને અને અલગ છે કે નહીં? બંને પરિવારોની તમામ વિગતો તપાસવામાં આવે છે. તે પછી જ તેને મંજૂરી આપવામાં આવે છે.

ડીએમ મધુસુદને કહ્યું કે જો આવા કોઈ તથ્યો તેમના ધ્યાન પર આવે છે તો તેઓ દંપતીની તપાસ કરાવે છે. જો કોઈ વર-કન્યા ન આવ્યા હોય તો પણ અમે તેમના લગ્ન કરાવીએ એ શક્ય નથી. પરંતુ જો આવો કિસ્સો સામે આવ્યો છે, તો અમે તેની ફરીથી તપાસ કરીશું. જેટલા લોકો લગ્ન કરી ચૂક્યા છે તે જ ક્રમમાં ડિપાર્ટમેન્ટમાંથી ચૂકવણી કરવામાં આવશે અને સુવિધા પણ આપવામાં આવશે. એવું નથી કે વર ન આવ્યા અને કન્યા આવી ગઈ છતાં લગ્ન થઈ ગયા અને તેમને લાભ પણ મળશે.

આ પણ વાંચોઃ દેશભરમાં પહેલીવાર માત્ર બંધારણ અને આંબેડકરની સાક્ષીએ લગ્ન થયા

મળતી માહિતી પ્રમાણે, મુંદ્રાનો ગરીબ પરિવાર સંબંધીના ખબરઅંતર પૂછવા માટે આબુ રોડ આવ્યો હતો. તેઓ સ્વજનોને મળીને મુંદ્રા પરત ફરવા આબુ રોડ રેલવે સ્ટેશને પહોંચ્યા હતા. અહીં રિઝર્વેશન રૂમમાં પરિવાર સૂતો હતો ત્યારે અચાનક જ ત્યાં એક રખડતો આખલો આવી ચડ્યો હતો અને તેણે સૂતેલી દોઢ વર્ષની બાળકીની છાતી પર પગ મૂકી દીધો હતો.

જેના પગલે બાળકી ગંભીર રીતે ઘાયલ થઈ હતી અને તેને તાત્કાલિક સારવાર માટે હોસ્પિટલ લઈ જવામાં આવી હતી. જ્યાં ફરજ પર હાજર ડોક્ટરે તેને મૃત જાહેર કરી હતી. પરિવાર બાળકીને રેલવે સ્ટેશન લઈ ગયો હતો, જ્યાં ડ્રાઈવરોએ પરિવારના સભ્યોની મદદ કરી પૈસા ભેગા કરી આપ્યા હતા. પરિવારજનોએ મૃતક બાળકીને લઈને પોતાના ઘરે જવા રવાના થયા હતા. 

આ ઘટનાની માહિતી મળતાં જ એસડીએમએ ઘટનાસ્થળે પહોંચી ઘટનાસ્થળનું નિરીક્ષણ કર્યું હતું. આ ઘટના બાદ રિઝર્વેશન રૂમની બહાર સાંકળ લગાવી દેવામાં આવી છે. રખડતા ઢોર રિઝર્વેશન રૂમમાં પ્રવેશ ન કરે તે માટે બેરિકેડિંગ કરવામાં આવ્યું છે. ભવિષ્યમાં કોઈ આવી ઘટના ન બને તે માટે વહીવટીતંત્રએ આ કાર્યવાહી કરી છે.

આ પણ વાંચો: કેરીના ગોટલાનો રસો પીવાથી 3 આદિવાસી મહિલાઓના મોત, 7 બીમાર

વાયરલ વીડિયોમાં હિન્દુ સંગઠન સાથે સંકળાયેલ એક વ્યક્તિ ઝોમેટો ડિલિવરી બોયને સાન્તાક્લોઝનો ડ્રેસ પહેરવા વિશે સવાલ પૂછે છે. એ પછી તે તેને કહે છે કે તમારા મોટાભાગના ગ્રાહકો હિંદુ છે છતાં તમે લોકો ક્યારેય કોઈ હિંદુ તહેવારો પર કંઈ ખાસ નથી કરતા.

તે એમ પણ કહે છે કે Zomato જેવી કંપનીઓ માત્ર ખ્રિસ્તી અને મુસ્લિમ તહેવારો પર જ અમુક ખાસ સંદેશ આપે છે, પરંતુ હિન્દુ ધાર્મિક તહેવારો પર ક્યારેય કંઈ કરતી નથી. હિંદુત્વવાદી યુવક ડિલિવરી બોયને સલાહ આપે છે અને કહે છે કે જો તમારે બનવું હોય તો ભગતસિંહ બનો, ચંદ્રશેખર આઝાદ બનીને ડિલિવરી કરો.

એ પછી તે વ્યક્તિ ડિલિવરી બોયને તેનું નામ પૂછે છે અને જ્યારે તે તેનું નામ અર્જુન કનાત હોવાનું જણાવે છે, ત્યારે હિંદુ કટ્ટરવાદી વ્યક્તિ કહે છે, 'અર્જુન ભાઈ, હિંદુ હોવા છતાં તમે સાન્તાક્લોઝનો ડ્રેસ પહેરીને શું સંદેશ આપવા માંગો છો?' એ પછી તે ડિલિવરી બોયને સાન્તાક્લોઝનો ડ્રેસ ઉતારાવી દે છે અને પછી ‘જય શ્રી રામ’ કહીને નીકળી જાય છે.

ડિલિવરી બોય અને હિંદુવાદી વ્યક્તિ વચ્ચેની વાતચીતના વીડિયોમાં હિંદુવાદી યુવક ડિલિવરી બોયને સાન્તાક્લોઝનો ડ્રેસ પહેરવાનું કારણ પૂછે છે. જેના જવાબમાં ડિલિવરી બોય કહે છે કે ઝોમેટોએ કેટલાક ડિલિવરી બોયને સાન્તાનો ડ્રેસ પહેરીને ડિલિવરી કરવા કહ્યું છે.

એ પછી, હિન્દુ યુવક તેને કહે છે કે આ ઓર્ડર તો મોટાભાગે હિન્દુ સમાજના લોકો દ્વારા આપવામાં આવે છે, અન્ય ધર્મના લોકોની વસ્તી એટલી નથી. તો જ્યારે તમે આ લોકોના તહેવારો પર આ રીતે ખાસ ગેટઅપ ધારણ કરીને જાવ છો તો હિંદુઓના તહેવારો દિવાળી વગેરે પર પણ આ રીતે ભગવા પહેરીને જાવ. આ રીતે સાન્તાક્લોઝ બનીને તમે પરિવારોને શું સંદેશ આપો છો?

એ પછી, હિંદુવાદી યુવક ડિલિવરી બોયને તેનું આખું નામ પૂછે છે અને જ્યારે તે તેનું નામ અર્જુન કણાટ જણાવે છે, ત્યારે હિંદુવાદી યુવક કહે છે કે, અર્જુન ભાઈ આપણે હિંદુ છીએ, આ રીતે સાન્તાક્લોઝ બનીને આપણે શું સંદેશ આપવાના છીએ. આને તમે જાતે ઉતારી લો. આ હિન્દુ બાળકોને સાંતાક્લોઝ વિશે શું સંદેશ આપવા જઈ રહ્યા છે? શું એ જરૂરી છે કે જ્યારે આપણે સાન્તાક્લોઝ બનીને જઈશું ત્યારે જ લોકોમાં સંદેશો જશે. ભગતસિંહને જુઓ, ચંદ્રશેખર આઝાદને જુઓ. હટાવો આને, ઉતારો આ સાન્તાક્લોઝનો ડ્રેસ.

એપછી હિન્દુ યુવક કહે છે, 'જો તમે તમારી પર્સનલ લાઈફમાં આ બધું કરો છો તો કોઈ વાંધો નથી. પરંતુ તમારા સાન્તાક્લોઝ બનીને તમે લોકોના ઘરે જઈને તેમને ડિલિવરી આપી રહ્યા છો. આજ સુધી મેં તમને ક્યારેય હિન્દુ તહેવારો પર કંઈ બનતા જોયા નથી.

આ પછી યુવકે ફરી એકવાર ડિલિવરી બોયને તેનો ડ્રેસ ઉતારવાનું કહ્યું, ત્યારે ડિલિવરી બોય ફોન પર વાત કરતાં કહે છે કે, સાહેબ, હું મારા સરને પૂછી લઉં. એ દરમિયાનથોડો સમય લાગતા હિન્દુ યુવક ગુસ્સે થઈ જાય છે અને ધમકી આપતા કહે છે કે, આ રીતે ડ્રેસ નહીં ઉતારો કે શું? તમારા સાહેબ કોણ છે, તેમણે આવી ગાઈડલાઈન નક્કી રાખી છે?

એપછી, હિન્દુ યુવક વીડિયોમાં કહે છે, 'આ એવા લોકો છે, તેમની હિન્દુ તહેવારો પર બુદ્ધિ લગભગ ખતમ થઈ જાય છે, પરંતુ ખ્રિસ્તી અને ઇસ્લામિક તહેવારોમાં તેમને સારો મેસેજ આપવો હોય છે. તો જુઓ, આ Zomato વાળા લોકો આ રીતે આજે સાન્તાક્લોઝ બન્યાછે. આ લોકો ક્યારેય હિંદુ ધર્મ કે હિંદુ તહેવારો માટે આ પ્રકારનો પોશાક પહેરતા નથી. આખરે, તે હિંદુ યુવક ડિલિવરી બોયનો સાન્તાક્લોઝનો ડ્રેસ અને તેણે પહેરેલ લાલ લોઅર કઢાવી નાખે છે અને અંતે આભાર અને જય શ્રી રામ કહીને ચાલ્યો જાય છે.

આ પણ વાંચો: ટિફિનમાં નોનવેજ લાવતા શાળાએ ત્રણ મુસ્લિમ બાળકોને કાઢી મૂક્યા?

દિલ્હીની ચૂંટણી પહેલા જ ત્રિશૂળ દીક્ષાનો કાર્યક્રમ

તમને જણાવી દઈએ કે દિલ્હી વિધાનસભાનો કાર્યકાળ 23 ફેબ્રુઆરી 2025ના રોજ સમાપ્ત થઈ રહ્યો છે. તારીખોની સત્તાવાર જાહેરાત જાન્યુઆરીના પ્રથમ સપ્તાહમાં થઈ શકે છે અને ફેબ્રુઆરીના મધ્યમાં મતદાન થઈ શકે છે. એ દરમિયાન વિશ્વ હિંદુ પરિષદના આ ત્રિશૂળ વિતરણની ઝુંબેશ 15મી ડિસેમ્બરે પહાડગંજમાં પ્રથમ સમારોહ યોજીને શરૂ કરવામાં આવી હતી. આગામી મોટો સમારોહ 19 જાન્યુઆરી, 2025 ના રોજ યોજાનાર છે. કોઈપણ વ્યક્તિ આ કાર્યક્રમોમાં આવીને ત્રિશુલ લઈ શકે છે. VHP સામાન્ય જનતાને વ્હોટ્સએપ દ્વારા આમંત્રિત કરી રહ્યું છે - 'તમે બધા તમારા નામ નોંધાવો અને શસ્ત્ર ધારણ કરો'

ત્રિશૂળ દીક્ષા એટલે બજરંગ દળમાં ભરતીનો કાર્યક્રમ

એક રીતે આ VHPની યુવા પાંખ બજરંગ દળમાં ભરતીનો કાર્યક્રમ પણ છે. વિશ્વ હિંદુ પરિષદના પ્રાંત મંત્રી સુરેન્દ્ર ગુપ્તા કહે છે, 'જેઓ પહેલેથી જ સંગઠનમાં છે, તેમણે તો (ત્રિશૂલ) ધારણ કરવાનું જ હોય છે. જેઓ સંસ્થામાં નથી અને જોડાવાની ઈચ્છા વ્યક્ત કરે છે, તેમને સંસ્થામાં સામેલ કરવામાં આવે છે. ત્રિશુલ દીક્ષાનો કાર્યક્રમ બજરંગ દળની શરૂઆતથી થઈ રહ્યો છે. દિલ્હીમાં પણ સમયાંતરે આવું બન્યું છે. આ કાર્યક્રમ પાંચ-દસ વર્ષમાં એકવાર આ રીતે થાય છે. કારણ કે જે પેઢીને આપણે તે પહેલા ત્રિશુલ આપ્યું હતું તેમની પાસેથી તો તે હજુ પણ હોય જ છે.

સુરેન્દ્ર ગુપ્તા આગળ કહે છે, "જો અમે ચૂંટણીને ધ્યાનમાં રાખીને આવું કરી રહ્યા હોત, તો લોકસભાની ચૂંટણી થઈ ત્યારે અમે આવું કેમ ન કર્યું? તે પહેલા મહાનગરપાલિકાની ચૂંટણીમાં કેમ ન કર્યું? વિશ્વ હિંદુ પરિષદ અને બજરંગ દળના કાર્યકર્તાઓ હિંદુ સમાજની રક્ષા માટે જે સંકલ્પ લે છે તે ચૂંટણીના આધારે લેવામાં આવતો નથી.' જો કે, પહાડગંજના કાર્યક્રમમાં એ જ મુદ્દાની ગૂંજ ઉઠી હતી, જેને ભાજપ ચૂંટણીનો મુદ્દો બનાવી રહી છે - બાંગ્લાદેશી ઘૂસણખોરોનો."

દિલ્હીના લેફ્ટનન્ટ ગવર્નર હાજર રહ્યાં

સમારોહમાં મુખ્ય વક્તા તરીકે હાજર રહેલા VHPના કેન્દ્રીય સંયુક્ત મહાસચિવ સુરેન્દ્ર જૈને દિલ્હીના લેફ્ટનન્ટ ગવર્નરનો આભાર માન્યો હતો અને કહ્યું હતું કે, "લેફ્ટનન્ટ ગવર્નર વિનય કુમાર સક્સેનાની પહેલથી દિલ્હી પહેલું રાજ્ય બન્યું છે જેણે બાંગ્લાદેશી ઘૂસણખોરોને ઓળખી કાઢ્યા છે અને તેમને ભારતમાંથી હાંકી કાઢવાના પ્રયાસો શરૂ કરી દીધાં છે. પરંતુ અમને શંકા છે કે લેફ્ટનન્ટ ગવર્નરની આ પ્રશંસનીય પહેલ અને સૂચનાઓનું તેમના વહીવટી અધિકારીઓ ગંભીરતાથી પાલન કરશે કે કેમ. બજરંગ દળના સેંકડો કાર્યકરો ગેરકાયદે બાંગ્લાદેશી ઘૂસણખોરોની ઓળખ કરવા અને તેમને બહાર કાઢવા માટે દિલ્હીના લેફ્ટનન્ટ ગવર્નર અને વહીવટીતંત્રને સહકાર આપવા તૈયાર છે."

જૈને તે દિવસે કહ્યું હતું કે સંભલની હિંસા 'સુયોજિત ષડયંત્રનો ભાગ' હતી. જેહાદી તત્વો હિંદુઓના ધાર્મિક યાત્રાધામો પર હુમલા કરે છે અને સ્થાપિત મંદિરોનો કાયદેસર રીતે સર્વે કરવામાં આવે તો પણ સાંપ્રદાયિક ઉન્માદ ફેલાવવાના પ્રયાસો કરવામાં આવે છે. હવે બજરંગ દળના કાર્યકરો આવા હુમલાઓનો જવાબ આપવા માટે તૈયાર થયા છે,'

ત્રિશુલ દીક્ષાનો હેતુ શું છે?

VHP શસ્ત્ર વિતરણનો આ કાર્યક્રમ કેમ ચલાવે છે? આના જવાબમાં સુરેન્દ્ર ગુપ્તા કહે છે, "આપણા તમામ દેવી-દેવતાઓના હાથમાં શસ્ત્રો છે. અમે વિજયાદશમીના દિવસે શસ્ત્રોની પૂજા પણ કરીએ છીએ. અમે ઈચ્છીએ છીએ કે દરેક હિંદુએ ભગવાન મહાકાલના આશીર્વાદના પ્રતીક તરીકે ત્રિશુલ ધારણ કરવું જોઈએ."

15 ડિસેમ્બરના કાર્યક્રમમાં હિન્દુત્વવાદી ટીવી ચેનલ સુદર્શન ન્યૂઝ સાથે વાત કરતા VHPના દિલ્હી પ્રદેશ પ્રમુખ કપિલ ખન્નાએ કહ્યું હતું કે, "અમે દિલ્હીમાં વિધર્મીઓના કુચક્રને સમાપ્ત કરી દઈશું. અમે દિલ્હીમાં વિધર્મીઓ દ્વારા ફેલાવવામાં આવતી લવ જેહાદ, લેન્ડ જેહાદ જેવી તમામ બદીઓનો અંત લાવવાનો સંકલ્પ કર્યો છે. અમે ગાયોની રક્ષાની પણ પ્રતિજ્ઞા લીધી છે."

બૌદ્ધ ભંતેએ શસ્ત્ર વિતરણ કાર્યક્રમમાં સંકલ્પ લેવડાવ્યા

આ ત્રિશૂળ દીક્ષા કાર્યક્રમની સૌથી ચોંકાવનારી બાબત એ રહી કે, વિશ્વ હિંદુ પરિષદના પહાડગંજમાં યોજાયેલા શસ્ત્ર વિતરણ કાર્યક્રમમાં ઉપસ્થિત લોકોને સંકલ્પ લેવડાવવાનું કામ એક બૌદ્ધ ધર્મી રાહુલ સંઘપ્રિયા ભારતીએ કર્યું હતું. આરએસએસ, વિશ્વ હિંદુ પરિષદ, બજરંગ દળ સહિતના સંગઠનો સાથે ઘરોબો ધરાવતા રાહુલ સંઘપ્રિયા ભારતી ભાજપના તમામ મોટા નેતાઓ સાથે પણ જોવા મળે છે. તેમના સોશિયલ મીડિયા એકાઉન્ટ પર તેઓ સતત તેનો પ્રચાર કરતા પોસ્ટરો, ફોટા શેર કરતા રહે છે.

સૌ જાણે છે કે બૌદ્ધ ધર્મની મુખ્ય દીક્ષા જ અહિંસા અને કરૂણાની હોય છે. આ જ કારણોસર ડો.આંબેડકરે બૌદ્ધ ધર્મ અંગિકાર કર્યો હતો. પણ ભંતે રાહુલ બૌદ્ધે તે ઉપદેશને ભૂલી જઈને વિહિપના ત્રિશૂળ કાર્યક્રમમાં હાજરી આપી ઉપસ્થિત લોકોને સંકલ્પ લેવડાવ્યા હતા. જે જોઈને બહુમતી બૌદ્ધ ધર્મીઓને મોટો આંચકો લાગ્યો છે.

આ પણ વાંચો: હવે દલિતોને રીઝવવા વિશ્વ હિંદુ પરિષદ તેમના ઘરે જઈને ભોજન કરશે

આર્મીમેન પિતાનું કહેવું છે કે, તેમને બે દીકરા અને એક પુખ્ત વયની દીકરી છે. દીકરીને ભક્તિભાવમાં રસ હોવાથી તે અમદાવાદના એસ.જી.હાઇવે સ્થિત ઇસ્કોન મંદિરમાં જતી હતી. જ્યાં સુંદરમામા પ્રભુ નામના સ્વામીના સંપર્કમાં આવતા તેમને ગુરૂ માનતી હતી. સુંદરમામા તેને કૃષ્ણલીલાનો બોધ આપતા હતા. ઇસ્કોન મંદિર પર વિશ્વાસ હોવાથી તેઓ દીકરીને ત્યાં જવા દેતા હતા. પરંતુ, ઇસ્કોન મંદિરમાં ભક્તિના નામે યુવાન દીકરીઓનું બ્રેઇન વોશ કરવામાં આવે છે. ત્યાંના સ્વામીઓ પોતે કૃષ્ણ છે એવો આડંબર કરે છે અને ઇસ્કોનમાં રહેતી 600 દીકરીઓ ગોપી હોય તેમ દીકરીઓને જણાવે છે. ગુરુના મહત્વને માતા-પિતા કરતા ચઢિયાતું જણાવે છે.

દીકરીના પિતાએ વધુમાં જણાવ્યું હતું કે, આ સુંદરમામાએ દીકરી સુંદર અને હોંશિયાર હોવાથી તેને ઇસ્કોન મંદિરમાં રાખવાની છે તેમ જણાવી તેને પોતાના શિષ્ય સાથે પરણાવી દો તેમ કહ્યું હતું. પરંતુ અરજદાર પોતે રાજપુરોહિત જાતિના હોવાથી અન્ય જાતિમાં પરણાવવા ના પાડી હતી. ત્યારબાદ તેમને ધમકીઓ મળવા લાગી હતી. 

નિવૃત્ત આર્મીમેન પિતાએ વધુ આક્ષેપ કરતા જણાવ્યું હતું કે, એ પછી તેમની દીકરીને ભડકાવીને 23 તોલા સોનું અને 3.62 લાખ રૂપિયા રોકડા લઈને મથુરાના એક શિષ્ય સાથે ભગાડી દેવામાં આવી છે. હાલ તેમની દીકરી ઉતર પ્રદેશના મથુરા ખાતે જ રહે છે, એવી તેમની પાસે માહિતી છે. રાજસ્થાનના એક ઇસ્કોનવાસીએ અરજદારને જણાવ્યું હતું કે, તેની દીકરીને એરપોર્ટ ઉપર મૂકવા પણ ગયા હતા. આ ધર્મ અને ઈશ્વરનું અપમાન છે.

અરજદારની દીકરી જૂન મહિનાના અંતમાં ભાગી ગઈ હતી. જુલાઈ મહિનામાં પોલીસ કમિશનર, કાયદા મંત્રી અને ગૃહ મંત્રીને અરજી આપવામાં આવી હતી. અગાઉના વકીલે હેબિયસ કૉર્પસની જગ્યાએ ફરિયાદના નિર્દેશ માંગતી અરજી કરી હતી પરંતુ, પુત્રીને ગેરકાનૂની રીતે ગોંધી રાખવામાં આવી છે. હાઈકોર્ટ આ સંદર્ભે પક્ષકારોને નોટિસ પાઠવીને વધુ સુનાવણી જાન્યુઆરી મહિનામાં રાખી છે. આ ઘટનાએ ફરી એકવાર ઈસ્કોન મંદિરની પ્રવૃત્તિઓને ઉઘાડી પાડી દીધી છે. જો કે, ભક્તિના નશામાં ચૂર બની ગયેલા લોકો આ બાબતમાંથી કોઈ બોધપાઠ લે તેવી શક્યતા ઓછી છે.

આ પણ વાંચો: સ્વામી મારા સિવાય બીજી છોકરીઓને પણ ગંદી નજરથી જોતા હતા...

સતાધારના મહંત વિજયબાપુના ભાઈ રમણીકભાઈ ચાવડાએ જણાવ્યું હતું કે, અમે છ ભાઈઓ છીએ, બે મારાથી મોટા અને ત્રણ મારાથી નાના અને બે બહેનો. અમે મજૂરી કરીએ છીએ, અમે વિજય બાપુને ભણાવ્યાં છે, જે જેના લલાટમાં હોય તે ન ભુસાય. અમને તેમના પર ગર્વ છે. પણ બધાં સરખા ન હોય, એક બે જ્યારે આવા નીકળે તો તેની પાછળ બધાંએ સોસાવું પડે. 

રમણીકભાઈએ વધુમાં જણાવ્યું હતું કે, નિતીન ભાઈએ વિજય બાપુ પર જે આક્ષેપો કર્યા છે તે વ્યાજબી નથી. આવું ક્યારેય વ્યાજબી ન હોય. તેને ક્યાં તકલીફ છે? શું તકલીફ છે? કોની તકલીફ છે? તે જાણવું જોઈએ. તે અમને પણ ત્યાં રહેવા દેતો નથી. આ બે ભાઈઓ નાનજી મોહન અને નીતિન મોહન, નરાધમ દુર્યોધન થઈને આવ્યાં છે. અથવા શિશુપાલ હોય. નહિતર અમારી દશા આવી ન હોય. એ નથી સમજતો, મેં બે વર્ષથી તેને ફોન કરવાનુ પણ બંધ કરી દીધુ છે.

મહંત વિજય બાપુ પર સગા ભાઈ નીતિન ચાવડાના ગંભીર આક્ષેપ

સતાધારની જગ્યાના મહંત પર સગા ભાઈ દ્વારા જ ગંભીર આક્ષેપો લગાવવામાં આવ્યાં છે. સતાધાર મહંત વિજય બાપુના સગાભાઈ નીતિન ચાવડાએ મુખ્યમંત્રી તેમજ ગૃહ મંત્રીને પત્ર લખી રજૂઆત કરી હતી. મહંતના સગાભાઈ નીતિન ચાવડાએ સતાધારમાં જ રહેતી મહિલા ગીતા વ્યાસ અને વિજય બાપુ વચ્ચે પ્રેમ સંબંધ છે અને બંનેએ લગ્ન કરી લીધા હોવાના પણ ગંભીર આક્ષેપો કરવામાં આવ્યાં છે. ગીતા વ્યાસે વિજય બાપુને બ્લેકમેલ કરી સતાધારના કરોડો રૂપિયા પડાવી લીધા હોવાના પણ આક્ષેપ કર્યા હતા.

વ્યભિચાર-ભ્રષ્ટાચારની તરફેણમાં સાધુ-સંતો આવ્યા?

વિસાવદર નજીક આવેલા સતાધાર ધામના મહંત વિજય બાપુ પર તેના સગાભાઈ દ્વારા વ્યભિચાર અને ભ્રષ્ટાચારને લઈ ગંભીર આક્ષેપો કરવામાં આવ્યાં છે. સામાન્ય રીતે આ પ્રકારની મેટરથી સંસાર છોડી ચૂકેલા સાધુ-સંતો દૂર રહેતા હોય છે. પરંતુ અહીંથી તો જેમના પર આરોપ લાગ્યા છે તે મહંતના બચાવમાં સાધુ-સંતો આવ્યા છે. ગિરનાર છાયા મંડળના સાધુ સંતો દ્વારા વિજય બાપુ સાથે બેઠક યોજી ગુજરાત ભરના સાધુ સંતોએ વિજય બાપુના સમર્થનમાં આવવા અપીલ કરી હતી. અને સૌ સતાધાર ખાતે આવી પહોંચ્યા હતા. જેમાં અખિલ ભારતીય સંત સમિતિના ઉપાધ્યક્ષ પણ હાજર રહ્યા હતા.

વિવાદ સનામત ધર્મને બદનામ કરવાનું કાવતરુંઃ ગુરુવંદ સનાતન ધર્મ

ગુરુવંદ સનાતન ધર્મના અધ્યક્ષ ડી જી વણઝારાએ જણાવ્યું હતું કે, આજે સમગ્ર ગુજરાત રાજ્યમાંથી સનાતન ધર્મના અને તમામ સંપ્રદાયના સાધુ-સંતો અને આગેવાનો સતાધારમાં ઉપસ્થિત થયા છીએ. અહીં આવનાર સાધુ-સંતોનો ઉદ્દેશ્ય માત્ર એટલો હતો કે, સતાધાર મામલે જે વિવાદ ઊભો થયો છે તેનો યોગ્ય ઉકેલ આવે. આ વિવાદ સનાતન ધર્મને અને સતાધાર સમાધિ સ્થાનને બદનામ કરવાનો પ્રયાસ છે. વિજયદાસ બાપુની બદનક્ષી કરવા માટે આ વિવાદ ઉભો કરવામાં આવ્યો છે અને તેમાં કોઈપણ પ્રકારના આધાર પુરાવા નથી. આજે જે સાધુ-સંતો અહીં ઉપસ્થિત રહ્યા તે તમામે વિજય બાપુને પોતાનો ટેકો અને સમર્થન એક મતે જાહેર કર્યો છે. સૌ ઈચ્છે છે કે આ મામલે વહેલી તકે સુખદ સમાધાન આવે.

વિજય બાપુ પરના વ્યક્તિગત આરોપોને ધર્મનું અપમાન ગણાવાયા

સાધુ સંતો પણ હવે રાજકારણીઓને શરમાવે તેવું રાજકારણ રમવા લાગ્યા છે. સતાધારની જગ્યામાં મહંત પર વ્યભિચાર અને ભ્રષ્ટાચારના આરોપોની સરકારી રાહે પોલીસ તપાસ કરાવવાને બદલે કહેવાતા સાધુ-સંતો તપાસ વિના જ મહંતને ક્લિન ચીટ આપી રહ્યાં છે અને તેને સનાતનનું અપમાન ગણાવી આખા મામલાનો વીંટો વાળી દેવા માંગે છે.

વડવાળા રામજી મંદિર ઝાંખના મહંત ગણેશદાસ બાપુએ જણાવ્યું હતું કે, આજે તમામ સાધુ સંતો સનાતન સત્યની ધરોહર સમા સતાધાર ખાતે આવ્યાં હતા. સતાધારની જગ્યા પર જે આક્ષેપ કરવામાં આવ્યાં છે. સાધુઓ અને સનાતનીઓનું દિલ દુભાય છે. ત્યારે વિજયદાસ બાપુ સાથેના સાધુ-સંતોને ખૂબ ભાવ છે. સતાધારમાં વિજય બાપુ દ્વારા રાત દિવસ સેવા કરવામાં આવે છે. ત્યારે વિજય બાપુ પર જે આક્ષેપો કરવામાં આવ્યાં છે જેને લઈ આજે સમગ્ર ગુજરાતભરના સાધુ સંતો અલગ અલગ જિલ્લાઓમાંથી અહીં આવ્યાં છે. 

સાધુ સંતોએ વિજય બાપુને આશ્વાસન આપ્યું છે કે, સત્ય એ સત્ય છે અને સતાધાર એ સત્યના પાયા પર રચાયેલુ છે. સતાધાર જેવો રોટલો અને ઓટલો કોઈએ કોઈને આપ્યા નથી. આવી આ પરંપરાની જગ્યા પર જ્યારે આક્ષેપો થઈ રહ્યા હોય તે ખૂબ જ દુ:ખની વાત છે. આક્ષેપોને લઈ આજે સતાધાર ખાતે સાધુ સંતોએ વિજય બાપુ સાથે બેઠક યોજી હતી. વિજય બાપુને આશ્વાસન આપ્યું છે કે, સૌ સાધુ સંતો તમારી સાથે છે. વિજય બાપુ પર કરાયેલા આક્ષેપોમાં જો તથ્યો જણાશે તો તેનો પણ નિકાલ કરાશે અને તેનો પણ રસ્તો થશે. તેમજ સમાધાન ફોર્મ્યુલામાં તમામ સાધુ સંતો વિજય બાપુને સાથ સહકાર આપી આ વિવાદનો ઉકેલ લાવશે.

રામજી બાપુએ જણાવ્યું હતું કે, ગુજરાત ભરના સાધુ-સંતો સતાધારના વિવાદ મુદ્દે ચિંતિત હતા. ત્યારે ગુજરાત ભરના સાધુ-સંતો સતાધાર વિજય બાપુની શુભેચ્છા મુલાકાત અને સત્યને જાણવા સતાધાર પહોંચ્યા હતા. સૌ સાધુ સંતોએ વિજય બાપુ સાથે મુલાકાત કરી હતી. થોડા જ સમયમાં વિવાદ મામલે જે સત્ય હશે તે બહાર આવશે.

આ પણ વાંચો: સતાધારની આપા ગીગા જગ્યાના મહંતે પ્રેમલગ્ન કરી લીધાં? ભ્રષ્ટાચારના આરોપ લાગ્યા

લાંબા સમયથી આરોગ્ય સમસ્યાનો સામનો કરી રહ્યાં છે

વિનોદ કાંબલી છેલ્લા એક દાયકા કરતા વધુ સમયથી સ્વાસ્થ્ય સમસ્યાઓ સામે ઝઝૂમી રહ્યા છે. માત્ર સ્વાસ્થ્ય જ નહીં પરંતુ તેમની આર્થિક સ્થિતિ પણ સારી નથી. કાંબલીએ કબૂલ્યું હતું કે તેની આર્થિક સ્થિતિ ખરાબ છે. આરોગ્યની સમસ્યાઓનો સામનો કરી રહેલા કાંબલીની આવકનો એકમાત્ર સ્ત્રોત તેમનું BCCI નું પેન્શન છે, જે દર મહિને રૂ. 30,000 છે.

તેમણે પોતે 2022માં આ વાતનો ખુલાસો કર્યો હતો. કાંબલી તેમના બે બાળકોની સંભાળ રાખવા માટે 15મી વખત રિહેબમાં જવા માટે પણ તૈયાર હતા. તેઓ 14 વખત રિહેબ સેન્ટરમાં જઈ ચૂક્યા છે પરંતુ તે પછી કોઈ સુધારો થયો નહોતો.

2013માં બે વાર હાર્ટ એટેક આવ્યો હતો

દારૂની લતને કારણે વિનોદ કાંબલીની તબિયત લથડી હતી. કાંબલીએ આ વર્ષની શરૂઆતમાં એક ઈન્ટરવ્યૂમાં કેટલાક ખુલાસા કર્યા હતા. 2013 માં તેમને બે હાર્ટ એટેક આવ્યા હતા. તે ગંભીર ચેપથી પણ પીડિત હતા. કાંબલીએ કહ્યું, 'મને બે હાર્ટ એટેક આવ્યા હતા. મારી પત્ની મને લીલાવતી હોસ્પિટલમાં લઈ ગઈ અને પછી સચિને મારી મદદ કરી. તેણે 2013 માં મારી બે સર્જરીના રૂપિયા પણ ચૂકવ્યા હતા.

ગયા અઠવાડિયે કાંબલીનો વીડિયો વાયરલ થયો હતો

કાંબલી થોડા અઠવાડિયા પહેલા ફરી ચર્ચામાં આવ્યા હતા, જ્યારે તેમના કોચ રમાકાંત આચરેકરના સ્મારકના અનાવરણ દરમિયાન તેમનો એક વીડિયો સામે આવ્યો હતો. જેમાં તેઓ બોલવા માટે પણ સંઘર્ષ કરતા જોવા મળ્યા હતા. તેમની બોલચાલ પરથી તેમના નબળા સ્વાસ્થ્ય વિશે અનેક અટકળો ચાલી હતી. એ વિડિયો સામે આવ્યાના 48 કલાકથી પણ ઓછા સમયમાં 1983ની વર્લ્ડ કપ વિજેતા ભારતીય ક્રિકેટ ટીમ કાંબલીની મદદ કરવા આગળ આવી હતી. ગાવસ્કરથી લઈને કપિલ દેવ સુધીના ક્રિકેટરોએ કાંબલીને મદદની ઓફર કરી હતી.

વર્તમાન પરિસ્થિતિ વિશે કાંબલીએ શું કહ્યું?

જ્યારે કાંબલીને ઈન્ટરવ્યુમાં તેની વર્તમાન નાણાકીય સ્થિતિ વિશે પૂછવામાં આવ્યું તો તેમણે કહ્યું હતું, 'તેમની પરિસ્થિતિ ખૂબ જ ખરાબ છે.' કાંબલીએ વિકી લાલવાનીની યુટ્યૂબ ચેનલ પર કહ્યું, 'પણ મારી પત્નીએ જે રીતે બધું સંભાળ્યું છે એ માટે તેને સલામ. કાંબલીએ કહ્યું હતું કે, મને રિહેબ સેન્ટરમાં જવા માટે કોઈ ખચકાટ નથી, જ્યાં સુધી મારી સાથે મારો પરિવાર છે ત્યાં સુધી હું કોઈ પણ બાબતથી ડરતો નથી. હું તેને પૂર્ણ કરીશ અને પાછો આવીશ.”

અતિશય દારૂ પીવાને કારણે તબિયત બગડી

કાંબલીએ એ પણ કબૂલ્યું હતું કે વધુ પડતાં દારૂના સેવનથી તેમને તકલીફ થઈ, પણ તેમણે એ પણ કહ્યું કે છેલ્લાં ઘણાં સમયથી તેમણે એક ટીપું પણ દારૂ પીધો નથી. કાંબલીના મિત્ર અને ભૂતપૂર્વ ફર્સ્ટ ક્લાસ અમ્પાયર માર્કસ કાઉટોએ પણ આ વાતની પુષ્ટિ કરી હતી.

કાંબલીએ કહ્યું, 'મેં છ મહિના પહેલા પીવાનું અને ધૂમ્રપાન કરવાનું બંધ કર્યું હતું. મારા બાળકો માટે આ કર્યું. હું અગાઉ આ બધું કરતો હતો, પરંતુ હવે મેં તેને છોડી દીધું છે.”

કેવી રહી છે કાંબલીની કારકિર્દી?

વિનોદ કાંબલી ક્રિકેટર કરિયર ટૂંકી છતાં ભલભલા ક્રિકેટરોને ઈર્ષા અપાવે તેવી રહી છે. તેમણે વર્ષ 1993 થી 2000 વચ્ચે ભારત માટે 17 ટેસ્ટ અને 104 વનડે રમી હતી. તે સૌથી ઝડપી 1000 ટેસ્ટ રન બનાવનાર ભારતીય બેટ્સમેન છે. આ એક એવો રેકોર્ડ છે જે આજે પણ કોઈ તોડી શક્યું નથી. 1991માં આંતરરાષ્ટ્રીય ક્રિકેટમાં પદાર્પણ કર્યા બાદ ભારત માટે 104 ODI અને 17 ટેસ્ટ રમ્યા છતાં કાંબલીની આંતરરાષ્ટ્રીય કારકિર્દી એક દાયકા પણ ટકી શકી નહીં. કાંબલીએ 17 ટેસ્ટમાં 54.20ની એવરેજથી 1084 રન બનાવ્યા હતા. જેમાં ચાર સદી અને ત્રણ અડધી સદીનો સમાવેશ થાય છે. આ સિવાય તેણે 104 વનડેમાં 32.59ની એવરેજથી 2477 રન બનાવ્યા છે. જેમાં બે સદી અને 14 અડધી સદી સામેલ છે. આ સિવાય 129 ફર્સ્ટ ક્લાસ મેચમાં તેણે 59.67ની એવરેજથી 9965 રન બનાવ્યા છે. જેમાં 35 સદી અને 44 અડધી સદી સામેલ છે. આ સિવાય કાંબલીએ 221 લિસ્ટ-એ મેચોમાં 41.24ની એવરેજથી 6476 રન બનાવ્યા છે. જેમાં 11 સદી અને 35 અડધી સદી સામેલ છે. આટલો શાનદાર ટ્રેક રેકોર્ડ ધરાવતા ખેલાડી સાથે તેની દલિત જાતિના કારણે અન્યાય થયાની ચર્ચા છેલ્લાં ઘણાં સમયથી થતી રહી છે.

આ પણ વાંચો: વિનોદ કાંબલીના રેકોર્ડ સામે 'ક્રિકેટના ભગવાન' ક્યાંય પાછળ છે!

કુમાર વિશ્વાસે આ નિવેદન અભિનેત્રી સોનાક્ષી સિન્હાના ઝહીર ઈકબાલ સાથેના લગ્નને લઈને કર્યું છે. અભિનેતા અને રાજકારણી શત્રુધ્ન સિંહાના ઘરનું નામ 'રામાયણ' છે અને તેના પરિવારના લોકોના નામો પણ રામાયણના પાત્રોના નામ મુજબ છે. આથી કુમાર વિશ્વાસે સોનાક્ષીના લગ્ન પર નિશાન સાધ્યું હતું.

સુપ્રિયા શ્રીનેતે કુમાર વિશ્વાસને આપેલો જવાબ 

કુમાર વિશ્વાસના આ નિવેદન મુદ્દે અનેક લોકોએ પ્રતિક્રિયા આપીને  તેમની ભારે ઝાટકણી કાઢી છે. આ બધામાં કોંગ્રેસી નેતા સુપ્રિયા શ્રીનેતે આપેલો જવાબ ભારે ચર્ચામાં આવ્યો છે.

સુપ્રિયા શ્રીનેતે સોશિયલ મીડિયા પ્લેટફોર્મ X પર પોસ્ટ કરી હતી કે, "જો તમારા પોતાના ઘરમાં એક દીકરી હોય તો શું તમે બીજા કોઈની દીકરી પર ભદ્દી કોમેન્ટ કરીને સસ્તી તાળીઓ ઉઘરાવશો? આ નિવેદન પરથી તમે કઈ હદે નિમ્ન સ્તર સુધી જઈ શકો છો તેનો અંદાજ આવે છે."

"છોકરી કોઈ સામાન નથી કે કોઈ ઉપાડી જાય"

સુપ્રિયાએ વધુમાં લખ્યું કે, "કુમાર વિશ્વાસ, તમે માત્ર સોનાક્ષી સિન્હાના આંતરધર્મી લગ્ન પર જ ભદ્દી મજાક નથી કરી, પરંતુ તમારી અંદર મહિલાઓને લઈને પડેલી અસલી વિચારસરણી પણ સામે આવી ગઈ છે. નહીંતર તમે 'તમારા ઘરની શ્રીલક્ષ્મીને કોઈ બીજું ઉપાડીને લઈ જશે' એવા શબ્દો ન બોલત. શું છોકરી કોઈ સામાન છે કે તેને કોઈ ગમે ત્યાં ઉપાડીને લઈ જશે? તમારા જેવા લોકો ક્યાં સુધી સ્ત્રીને પહેલા તેના પિતા અને પછી તેના પતિની મિલકત માનતા રહેશે?"

"કોણે કોની સાથે લગ્ન કરવા એ ધર્મના સ્વ-ઘોષિત ઠેકેદારો નક્કી કરશે?"

સુપ્રિયા શ્રીનેતે આગળ લખ્યું, "લગ્ન અને તેનો પાયો સમાનતા, પરસ્પર વિશ્વાસ અને પ્રેમ છે. કોઈ કોઈને ઉપાડીને ક્યાંય લઈ જતું નથી અને 2024ના ભારતમાં તમે પોતાની મરજીથી લગ્ન કરવાને તેના ઉછેર પર સવાલ ગણાવો છો!?? શું એક છોકરીને એ હક નથી કે જેની સાથે તેની ઈચ્છા હોય તેની સાથે લગ્ન કરે? અહીં કોણ શું ખાશે, શું પહેરશે, કોને પ્રેમ કરશે, કેવી રીતે લગ્ન કરશે એ પણ ધર્મના સ્વ-ઘોષિત ઠેકેદારો નક્કી કરશે?"

કોઈને તમારા પ્રમાણપત્રની જરૂર નથી - સુપ્રિયા શ્રીનેત

કોંગ્રેસના નેતાએ કહ્યું, "આમ તો ઉછેરનો સવાલ તો ત્યારે પણ ઉઠવો જોઈએ જ્યારે તમારી સાથેના બાઉન્સરો એક જાણીતા ડોક્ટરને માર મારે છે, આ તો તમારી ખામી છે કે તમારો સ્ટાફ તમારી હાજરી હોવા છતાં આવું કરે છે. તમારા સર્ટિફિકેટની ન તો શત્રુધ્ન સિંહાને જરૂર છે, ન તેમની સફળ દીકરી સોનાક્ષીને. પરંતુ તમારાથી 17 વર્ષ નાની છોકરી પરનું તમારું નિવેદન ચોક્કસપણે તમારી નિમ્ન સ્તરની વિચારસરણીને છતી કરે છે."

તમારે પિતા અને પુત્રી બંનેની માફી માંગવી જોઈએ - કોંગ્રેસ નેતા

સુપ્રિયા શ્રીનેતે કહ્યું, "બીજાના બાળકોને રામાયણ અને ગીતા ભણવાની શિખામણ આપનારા કવિ મહોદય, સોનાક્ષીના પતિના ધર્મને નફરત કરવામાં તમે રામાયણમાં પ્રેમને કેટલી મધુરતાથી દર્શાવવામાં આવ્યો છે તે ભૂલી ગયો છો. જો તમે ખરેખર રામાયણનો અભ્યાસ કર્યો હોત, તો તમે ચોક્કસપણે પ્રેમને સમજી શક્યા હોત. બે મિનિટની સસ્તી તાળીઓ તો તમને ચોક્કસ મળશે પરંતુ તમારું કદ જમીનની અંદર વધુ ઉતરી ગયું. તમારે ભૂલનો અહેસાસ કરવો જોઈએ અને પિતા અને પુત્રી બંનેની માફી માંગવી જોઈએ."

આ પણ વાંચો: દલિત મહિલાએ મજૂરી કરી બે દીકરીઓને કુસ્તીબાજ બનાવી

આ મામલે કોંગ્રેસ સહિતના વિપક્ષોએ મોદી સરકાર અને ચૂંટણી પંચ પર પ્રહારો કર્યા છે. તેમણે ચૂંટણી પ્રક્રિયા પર તેની શુદ્ધતા અને પારદર્શિતાનો નાશ કરવાનો આરોપ લગાવ્યો છે. સામે પંચનું કહેવું છે કે મતદારોની પ્રાઈવસી અને સુરક્ષાને ધ્યાનમાં રાખીને આ પગલાં લેવામાં આવ્યા છે.

આ ફેરફારો એવા સમયે કરવામાં આવ્યા છે જ્યારે પંજાબ અને હરિયાણા હાઈકોર્ટે ચૂંટણી પંચને હરિયાણા વિધાનસભા ચૂંટણી સંબંધિત દસ્તાવેજો એડવોકેટ મહેમૂદ પ્રાચાને આપવાનો નિર્દેશ આપ્યો હતો. એડવોકેટે હાઈકોર્ટમાં અરજી દાખલ કરી હતી, જેમાં તેણે હરિયાણા ચૂંટણી દરમિયાન લીધેલા વિડીયોગ્રાફી, સીસીટીવી કેમેરા ફૂટેજ, ફોર્મ ૧૭-સી ભાગ ૧ અને ભાગ ૨ની નકલો માંગી હતી. અત્યાર સુધી નિયમો અને નિયમોમાં એક યાદી હતી, જે સક્ષમ કોર્ટની સૂચનાથી લોકોને ઉપલબ્ધ કરાવવામાં આવતી હતી. પરંતુ ચૂંટણી પંચે તેમાં એક લીટીનો ઉમેરો કરીને આખી વ્યવસ્થાને સામાન્ય માણસ માટે બંધ કરી દીધી છે. જેમાં ચૂંટણી પંચે સ્પષ્ટતા કરી છે કે પેપરોની યાદીમાં એવા દસ્તાવેજો કે ઈલેક્ટ્રોનિક રેકોર્ડ્‌સ સામેલ નહીં હોય, જેનો નિયમોમાં ઉલ્લેખ કરવામાં આવ્યો નથી.

કોંગ્રેસના પ્રવક્તા જયરામ રમેશે કહ્યું કે તેમની પાર્ટી આ ફેરફારોને કોર્ટમાં પડકારશે. તેમણે કહ્યું કે જો ચૂંટણી પંચે ચૂંટણીની અખંડિતતાને અસર કરવા માટે તાજેતરના સમયમાં કોઈ પગલું ભર્યું હોય તો તે આ છે. જો કે ચૂંટણી પંચના સૂત્રોએ આ ફેરફારોને યોગ્ય ઠેરવ્યા છે. તેમાં કહેવામાં આવ્યું છે કે સીસીટીવી ફૂટેજ કોઈને પણ ઉપલબ્ધ કરાવવાથી મામલો ગંભીર બની શકે છે. ખાસ કરીને જમ્મુ-કાશ્મીર અને નક્સલ જેવા સંવેદનશીલ વિસ્તારોમાં આ સુરક્ષાનો મુદ્દો બની શકે છે.

ચૂંટણી પંચના અધિકારીઓના જણાવ્યા અનુસાર, ચૂંટણીના તમામ કાગળો અને દસ્તાવેજો સામાન્ય લોકોના નિરીક્ષણ માટે ઉપલબ્ધ છે. કોઈપણ સંજોગોમાં ઉમેદવારો તમામ પ્રકારના રેકોર્ડ વિશે જાણી શકે છે. અધિકારીએ કહ્યું કે પ્રાચા તેમના વિધાનસભા મતવિસ્તારના તમામ દસ્તાવેજો મેળવવા માટે પણ હકદાર છે. ચૂંટણી પંચના સૂત્રોના જણાવ્યા અનુસાર નિયમોમાં જે દસ્તાવેજો જાહેર જનતાને ઉપલબ્ધ ન કરાવવાનું કહેવામાં આવ્યું છે તે ઈલેક્ટ્રોનિક રેકોર્ડ છે. ચૂંટણી પંચના અધિકારીએ કહ્યું કે સીસીટીવી ફૂટેજ મળ્યા બાદ કોઈ પણ વ્યક્તિ આઇએ દ્વારા તેની સાથે છેડછાડ કરી શકે છે. તેથી આ નિયમમાં ફેરફાર કરવામાં આવ્યો છે.

આ પણ વાંચો: વોટ આપતી વેળાનું ચિંતન

મામલો શું છે?
પીકે ફિલ્મના આ દ્રશ્ય જેવો જ અસલી કિસ્સો હાલ સામે આવ્યો છે. તમિલનાડુના તિરુપોરુરમાં અરુલમિગુ કંદસ્વામી મંદિરના દાન પેટીમાં એક ભક્તનો આઇફોન ભૂલથી પડી ગયો હતો. એ પછી મંદિર તંત્રે આઈફોન પરત કરવાનો ઈન્કાર કરી દીધો છે. તમિલનાડુ સરકારના હિંદુ ધાર્મિક અને ચેરિટેબલ એન્ડોમેન્ટ્સ વિભાગે પણ આ અંગે પ્રતિક્રિયા આપી છે અને કહ્યું છે કે આઇફોન પરત કરી શકાય નહીં. તંત્રે આ મામલે નિયમો બતાવ્યા છે.

18 ઓક્ટોબરે ફોન પડ્યો હજુ મળ્યો નથી
આ ઘટના શ્રી કંદસ્વામી મંદિરમાં બની હતી. ભક્તનું નામ દિનેશ છે અને તે તિરુવલ્લુર જિલ્લાના વિનાયગપુરમનો રહેવાસી છે. 18 ઓક્ટોબરે દિનેશ પરિવાર સાથે મંદિરે દર્શન કરવા ગયો હતો. દર્શન દરમિયાન દાન કરતી વખતે તેના હાથમાંથી આઇફોન સરકીને દાન પેટીમાં પડી ગયો હતો. એ પછી તેણે મંદિર પ્રશાસનને ફોન પરત કરવા વિનંતી કરી હતી.

આ પણ વાંચોઃ મંદિરની દાનપેટીમાંથી 18.11 કરોડનું દાન નીકળ્યું, 4 દિવસ ગણતરી ચાલી

ઘટનાના બે મહિના પછી 20 ડિસેમ્બરે દાન પેટી ખોલવામાં આવી હતી અને ફોન મળી આવ્યો હતો. રિપોર્ટ અનુસાર, મંદિર પ્રશાસને દિનેશને જાણ કરી કે તેનો ફોન મળી ગયો છે પરંતુ તે પરત કરવામાં નહીં આવે તેમ જણાવ્યું હતું, મંદિરના તંત્રે કહ્યું કે ફોન હવે મંદિરની મિલકત બની ગઈ છે. જોકે વહીવટીતંત્રનું કહેવું છે કે ભક્ત દિનેશ તેના ફોનમાંથી ડેટા લઈ શકે છે. દિનેશે આ નિર્ણયને ફગાવી દીધો છે અને તે મંદિર તંત્ર પાસેથી આઈફોન પરત મેળવવા અડગ છે.

મંદિર વિભાગના મંત્રીએ શું કહ્યું?
આ મામલે તમિલનાડુ સરકારના હિંદુ ધાર્મિક અને ચેરિટેબલ એન્ડોમેન્ટ્સ (HR&CE) વિભાગના મંત્રી પીકે શેખર બાબુએ મીડિયા સાથે વાત કરતા કહ્યું કે, "દાનપેટીમાં જે પણ પ્રસાદ આવે છે. પછી તે જાણી જોઈને આપવામાં આવે કે ભૂલથી, તે ભગવાનનો બની જાય છે. મંદિરોમાં પ્રચલિત પરંપરા અને નિયમો મુજબ દાન પેટીમાં મૂકેલી કોઈપણ વસ્તુ પરત કરી શકાતી નથી."

તેમણે એમ પણ કહ્યું કે વિભાગના અધિકારીઓ સાથે વાતચીત કરવામાં આવશે. જો જરૂરી હોય તો ભક્તને વળતર આપવાની વિચારણા કરવામાં આવશે.

અગાઉ પણ આવા કિસ્સા બન્યાં છે

આ કંઈ પહેલી ઘટના નથી. મે 2023માં પણ આવો જ એક કિસ્સો પ્રકાશમાં આવ્યો હતો. કેરળના અલપ્પુઝાની એક મહિલાનો સોનાનો હાર દાનપેટીમાં પડી ગયો હતો. બાદમાં મંદિર ટ્રસ્ટ બોર્ડે તેના વજન પ્રમાણે બીજી માળા બનાવી આપી હતી. અધિકારીએ વધુમાં જણાવ્યું હતું કે 1975ના નિયમો મુજબ દાન પેટીમાં મૂકેલી કોઈપણ વસ્તુ પરત કરી શકાતી નથી. તેને મંદિરની સંપત્તિ માનવામાં આવે છે.

આ પણ વાંચોઃ ધર્મનો ધંધોઃ ઉજ્જૈનના મહાકાલ મંદિરે 1 મહિનામાં 15 કરોડની આવક રળી

બાર કાઉન્સિલ ઓફ ગુજરાતના એક વકીલ સભ્ય પરેશ વાઘેલાએ અમિત શાહનો વિરોધ કરીને સમગ્ર કાર્યક્રમનો બહિષ્કાર કરવાની વાત કરી છે. વાઘેલાએ કહ્યું કે જો અમિત શાહ તેમના ડૉ.આંબેડકર અંગેના કથિત અપમાનજનક નિવેદનને લઈને માફી નહીં માંગે તો તેઓ આ કાર્યક્રમનો ભાગ નહીં બને. તેમણે કહ્યું, "તમે તે વ્યક્તિનું અપમાન કર્યું છે જેના નેતૃત્વમાં બંધારણ ઘડવામાં આવ્યું હતું. તમારે ત્રણ દિવસ સુધીમાં માફી માંગવી પડશે. જો તમે આમ નહીં કરો, તો તમે જે કાર્યક્રમમાં મુખ્ય અતિથિ તરીકે હાજરી આપી રહ્યા છો, ત્યાં હું શું કામ હાજર રહું?"

આ પણ વાંચોઃ ડૉ.આંબેડકરનું બંધારણ ન હોત તો અમિત શાહ ભંગાર વેચતા હોત : સિદ્ધારમૈયા

ઉલ્લેખનીય છે કે ગુજરાત બાર કાઉન્સિલ દ્વારા 30મી ડિસેમ્બરે વિજ્ઞાન ભવન, સાયન્સ સિટી અમદાવાદ ખાતે નવા વકીલોના શપથ ગ્રહણ સમારોહનું આયોજન કરવામાં આવ્યું છે. આ કાર્યક્રમમાં 6,000 નવા વકીલો શપથ લેશે.

વાઘેલાએ કહ્યું કે, "મેં એક દલિત અને આંબેડકરવાદી તરીકે આ નિર્ણય લીધો છે. તેને કોંગ્રેસ સાથે કોઈ લેવાદેવા નથી. મારી લાગણીઓને ઠેસ પહોંચી છે, તેથી મેં આ નિર્ણય લીધો છે."
દરમિયાન BCG પ્રમુખ જેજે પટેલે વાઘેલા પર રાજનીતિ કરવાનો આરોપ લગાવ્યો હતો. તેમણે કહ્યું કે, "વાઘેલા કોંગ્રેસના સમર્થક છે. તેઓ કોંગ્રેસના લીગલ સેલના પદાધિકારી છે. જો તેઓ રાજકીય રીતે વિરોધ કરવા માંગતા હોય તો તે તેમનો અધિકાર છે, પરંતુ તે BCGના મંચ પરથી ન થવો જોઈએ. "

પટેલે એમ પણ કહ્યું હતું કે BCGની તમામ બોર્ડ મીટિંગમાં વાઘેલા હાજર રહ્યા હતા, જ્યાં એવો નિર્ણય લેવાયો હતો કે આ કાર્યક્રમ અમિત શાહના નેતૃત્વમાં યોજાશે અને ત્યારબાદ વાઘેલાએ સંમતિ આપી દીધી હતી.

પટેલે જણાવ્યું હતું કે BCG આ કાર્યક્રમનું સંપૂર્ણ તાકાત સાથે આયોજન કરશે અને ગુજરાતમાંથી રેકોર્ડ સંખ્યામાં વકીલો તેમાં ભાગ લેશે.

આ પણ વાંચોઃ અમિત શાહે ડૉ.આંબેડકર સામે કરેલા નિવેદનનો હવે વિદેશોમાં પણ વિરોધ

આ ઉપરાંત ગુજરાતના મુખ્યમંત્રી ભૂપેન્દ્ર પટેલ, રાજ્યના વિધાનસભા મંત્રી રૂષિકેશ પટેલ, બાર કાઉન્સિલ ઓફ ઈન્ડિયાના ચેરમેન મનન કુમાર મિશ્રા, ભારત સરકારના સોલિસિટર જનરલ તુષાર મહેતા અને ગુજરાતના એડવોકેટ જનરલ કમલ ત્રિવેદી પણ આ કાર્યક્રમમાં હાજરી આપે તેવી શક્યતા છે.

ઉલ્લેખનીય છે કે, ભારતના બંધારણના 75 વર્ષ પુરા થવા પર મંગળવારે રાજ્યસભામાં ચર્ચા દરમિયાન અમિત શાહે બંધારણના ઘડવૈયા ડો.આંબેડકર પર વિવાદાસ્પદ નિવેદન આપ્યું હતું. જેને લઈને દેશભરમાં ડો.આંબેડકરના ચાહકોમાં રોષ ફાટી નીકળ્યો છે. એટલું જ નહીં, વિદેશમાં પણ અમિત શાહનો વિરોધ થઈ રહ્યો છે. વિપક્ષોએ શાહના નિવેદનનો વિરોધ કર્યો અને તેને આંબેડકરનું અપમાન ગણાવ્યું છે. એ પછી અમિત શાહે પ્રેસ કોન્ફરન્સ કરીને કોંગ્રેસ પર તેમના વિરુદ્ધ ખોટી માહિતી ફેલાવવાનો આરોપ લગાવ્યો હતો. જો કે, હજુ સુધી તેમણે આ મામલે કોઈ પસ્તાવો નથી કર્યો કે માફી નથી માંગી. જેના કારણે આંબેડકરવાદીઓમાં ભારે રોષ છે.

આ પણ વાંચોઃ સાવરકરના ઘોર વિરોધી ડો.આંબેડકર અમિત શાહને ક્યાંથી ગમે?

આ મામલે ભાજપ અને કોંગ્રેસના ધારાસભ્યોના હોબાળા વચ્ચે વિધાનસભામાં વિગતવાર નિવેદન વાંચતા, સિદ્ધારમૈયાએ કહ્યું કે, “બાબા સાહેબ આંબેડકર વિશે ગૃહપ્રધાન દ્વારા બોલવામાં આવેલા "અપમાનજનક" શબ્દો સમગ્ર દેશે સાંભળ્યા છે.

ઉલ્લેખનીય છે કે, રાજ્યસભામાં બંધારણ પર ચર્ચા દરમિયાન અમિત શાહે કહ્યું હતું કે, "હવે એક ફેશન બની ગઈ છે... આંબેડકર, આંબેડકર, આંબેડકર, આંબેડકર, આંબેડકર, આંબેડકર. આટલું નામ જો ભગવાનનું લીધું હોત તો સાત જન્મો સુધી સ્વર્ગ મળી જાત.”

વિપક્ષી નેતાઓએ આ નિવેદને લઈને અમિત શાહની ટીકા કરી છે. સિદ્ધારમૈયાએ કહ્યું કે શાહે જે કહ્યું તેમાં આશ્ચર્યજનક કંઈ નથી. કેમ કે, ભાજપ અને (રાષ્ટ્રીય સ્વયંસેવક) સંઘ પરિવારના નેતાઓના મનમાં જે કંઈ ચાલી રહ્યું હતું તે હવે ખુલીને સામે આવ્યું છે.

સિદ્ધારમૈયાએ કહ્યું, "સૌથી પહેલા હું તમને (અમિત શાહ)ને અભિનંદન આપું છું કે તમે બાબા સાહેબ આંબેડકર વિશે ભારતીય જનતા પાર્ટીના આંતરિક મતને ખુલ્લેઆમ અને હિંમતપૂર્વક દેશ સમક્ષ મૂક્યો અને અંતે સાચું બોલી ગયા." તેમણે કહ્યું કે, “જો બંધારણ ન હોત, તો શાહ દેશના ગૃહમંત્રી ન હોત, પરંતુ તેમના ગામમાં "ભંગાર વેચનાર" હોત.”

કેન્દ્રીય ગૃહમંત્રી અમિત શાહે બુધવારે કોંગ્રેસ પર આરોપ લગાવ્યો હતો કે તેણે રાજ્યસભામાં બાબાસાહેબ આંબેડકર પરના તેમના નિવેદનને તોડી-મરોડીને રજૂ કરી સમાજમાં ભ્રમ ફેલાવવાનો પ્રયાસ કર્યો છે, કારણ કે ચર્ચા દરમિયાન સત્તાધારી પક્ષના સભ્યોએ કોંગ્રેસ દ્વારા બંધારણના ઘડવૈયાના વારંવાર કરવામાં આવેલા અપમાનની પોલ ખોલી નાખી હતી.

મુખ્યમંત્રી સિદ્ધારમૈયાએ કહ્યું, “જ્યાં સુધી આ લેખિત બંધારણ અમલમાં નહોતું આવ્યું ત્યાં સુધી ભારતીય સમાજમાં ‘મનુસ્મૃતિ’ હતી, જેણે જાતિ અને લિંગ ભેદભાવને કાયદો બનાવી દીધો હતો. સ્વતંત્રતા, સમાનતા અને બંધુત્વની આશા રાખતા ડૉ.આંબેડકરે માત્ર બંધારણ જ નહોતું આપ્યું પરંતુ તેમણે એ અલિખિત બંધારણ 'મનુસ્મૃતિ'ને પણ બાળી નાખ્યું હતું જે અત્યાર સુધી અમલમાં હતું.''  તેમણે કહ્યું કે 25 ડિસેમ્બર, 1927ના રોજ આંબેડકરે જાહેરમાં 'મનુસ્મૃતિ' સળગાવી અને 22 વર્ષ પછી નવું બંધારણ બનાવ્યું.

આ પણ વાંચો: ભારતના બંધારણ પર RSS અને તેના સ્થાપકો શું માનતા હતા?

મળતી માહિતી મુજબ કથા સાંભળવા માટે મોટી સંખ્યામાં મહિલાઓ અને વડીલો આવ્યા હતા. આ દરમિયાન બાઉન્સરોએ તેમને રોક્યા હતા. એ પછી ભીડમાં ધક્કા-મુક્કી શરૂ થઈ ગઈ. લોકો એકબીજા પર પડવા લાગ્યા. શિવમહાપુરાણ સાંભળવા માટે ઘણા VVIP પણ મેરઠ પહોંચ્યા હતા. 

મેરઠના શતાબ્દીનગરમાં શ્રી કેદારેશ્વર સેવા સમિતિ દ્વારા આ કથાનું આયોજન કરવામાં આવ્યું છે. કથા 15મી ડિસેમ્બરથી ચાલી રહી છે, જે બપોરે 1 વાગ્યે શરૂ થાય છે અને 4 વાગ્યા સુધી ચાલે છે. દરરોજ લાખો ભક્તો કથા સાંભળવા આવી રહ્યા છે. આયોજકો દ્વારા વાહનો પાર્ક કરવા માટે 7 પાર્કિંગ લોટ બનાવવામાં આવ્યા છે. જ્યારે લગભગ 1000 પોલીસકર્મીઓ સ્થળ પર તૈનાત છે.

આયોજકોના જણાવ્યા મુજબ એસએસપી ડો.વિપિન ટાડા તમામ વ્યવસ્થા જોઈ રહ્યા છે. એસપી ટ્રાફિક રાઘવેન્દ્ર મિશ્રાના જણાવ્યા અનુસાર, કથા પંડાલ અને આસપાસના વિસ્તારો પર ડ્રોનથી નજર રાખવામાં આવી રહી છે. વહીવટીતંત્ર દ્વારા સંપૂર્ણ વ્યવસ્થા કરવામાં આવી હતી. કથાના કારણે ટ્રાફિક પણ ડાયવર્ટ કરવામાં આવ્યો છે. તેમ છતાં આ ઘટના ઘટી હતી. જેમાં મોટી સંખ્યામાં મહિલાઓને ઈજા પહોંચી હોવાનું સામે આવી રહ્યું છે. સ્થાનિક તંત્ર દ્વારા હાલ બચાવ કામગીરી શરૂ કરવામાં આવી છે.

આ પણ વાંચોઃ દરેક હિંદુએ ૪ બાળકો પેદા કરવા જોઈએ: કથાકાર પ્રદીપ મિશ્રા

NRI આંબેડકરવાદીઓ દ્વારા શરૂ કરાયેલી ઓનલાઈન પિટિશનને ગુરુવારે કલાકોમાં જ સેંકડો સહીઓ મળી હતી. આ અરજી ભારતના રાષ્ટ્રપતિ દ્રૌપદી મુર્મુને સંબોધવામાં આવી છે અને કેન્દ્રીય ગૃહ પ્રધાન અમિત શાહ દ્વારા ડૉ. ભીમરાવ આંબેડકર પર કરવામાં આવેલી ટિપ્પણી પર પગલાં લેવાની માંગ કરવામાં આવી છે.

આ પણ વાંચોઃ ડૉ.આંબેડકર પર અમિત શાહના નિવેદન પર માયાવતી નારાજ, જાણો શું કહ્યું

અરજીમાં અમિત શાહના કથિત નિવેદનની આકરી ઝાટકણી કાઢવામાં આવી છે. અરજદારોનું કહેવું છે કે આ નિવેદનો ડૉ. આંબેડકરના વારસા અને તેમના યોગદાનને ઓછો કરવાનો પ્રયાસ છે. અરજીમાં લખવામાં આવ્યું છે કે, "ડૉ. આંબેડકરનો વારસો માત્ર એક સમાજનું ગૌરવ નથી, પરંતુ સમગ્ર રાષ્ટ્રનો વારસો છે. દરેક નાગરિક, ખાસ કરીને સત્તામાં રહેલા લોકો તેમના યોગદાનને માન આપે અને તેમની મહાનતાને ઓળખે તે જરૂરી છે."

અરજીમાં શું માગણી કરવામાં આવી?
એનઆરઆઈ આંબેડકરવાદીઓ દ્વારા રાષ્ટ્રપતિને કરવામાં આવેલી અરજીમાં નીચે મુજબની માગણીઓ કરવામાં આવી છે.

જાહેરમાં માફી માગવામાં આવે: અમિત શાહે કરેલા નિવેદન બદલ જાહેરમાં માફી માંગવામાં આવે અને તેનાથી લોકોની લાગણીઓને ઠેસ પહોંચી હોવાનું સ્વીકારવામાં આવે.

આંબેડકરવાદી મૂલ્યોનું સમર્થન: સરકાર એ ખાતરી આપે કે ડૉ. આંબેડકર દ્વારા સ્થાપિત ન્યાય, સમાનતા અને બંધુત્વના મૂલ્યોનું સન્માન કરવામાં આવશે.

શિક્ષણ અને જાગૃતિ: ડૉ. આંબેડકરના યોગદાન વિશે જાગૃતિ ફેલાવવા માટે વિશેષ પગલાં લેવામાં આવે.

આ પણ વાંચોઃ જ્યારે ડૉ.આંબેડકરને હરાવવા નહેરૂએ તેમના PA ને જ ચૂંટણીમાં ઉતાર્યો?

આ અરજીને NRI આંબેડકરવાદી સંગઠનો અને યુએસ, કેનેડા અને યુકે સહિત અનેક દેશોમાં રહેતા વ્યક્તિઓ તરફથી સમર્થન મળી રહ્યું છે. થોડા જ કલાકોમાં તેને વિશ્વભરમાંથી સેંકડો લોકોનો ટેકો મળ્યો. શિક્ષણવિદો, સામાજિક કાર્યકરો અને વ્યાવસાયિકો આ અરજીને સમર્થન આપી રહ્યા છે. તેઓ કહે છે કે ડો. આંબેડકરના વિચારો જાતિના ભેદભાવ સામેની લડાઈમાં હજુ પણ પ્રાસંગિક છે. 

અરજદારોનું કહેવું છે કે ડૉ. આંબેડકરનું બંધારણ અને ન્યાયી સમાજનું વિઝન ભારતની લોકશાહી વ્યવસ્થાનો પાયો છે. તેમના વારસાને ઘટાડવાનો કોઈપણ પ્રયાસ સમાજના પોતને નબળો પાડી શકે છે. આ અરજીમાં બંધારણના રક્ષક તરીકે રાષ્ટ્રપતિના હસ્તક્ષેપની માંગ કરવામાં આવી છે.

આ ઓનલાઈન પિટિશન દર્શાવે છે કે ડૉ. આંબેડકરનો વારસો માત્ર ભારત પૂરતો મર્યાદિત નથી. એનઆરઆઈ પણ તેને પોતાનો માને છે અને તેની સુરક્ષા માટે પગલાં લઈ રહ્યો છે.

આ પણ વાંચોઃ સાવરકરના ઘોર વિરોધી ડો.આંબેડકર અમિત શાહને ક્યાંથી ગમે?

એકવીસમી સદીમાં એક તરફ અંધશ્રદ્ધા દૂર કરવા મામલે સરકાર બિલ લાવી રહી છે. બીજી તરફ સરકારી હોસ્પિટલમાં જ ICU વિભાગમાં ભૂવાએ વિધિ કરતા હોબાળો મચી ગયો છે. અમદાવાદની સિવિલ હોસ્પિટલમાં જડબેસલાક સિક્યોરિટી વચ્ચે એક ભૂવો આઈસીયુ સુધી પહોંચ્યો અને વિધિ પણ કરી. આ સમગ્ર ઘટનાનો વીડિયો પણ વાયરલ થયો છે. જેને લઈને હોસ્પિટલના સુપ્રિટેન્ડન્ટે સ્પષ્ટતા કર્યા બાદ રેશનાલિસ્ટો પણ મેદાનમાં આવ્યા છે. જો કે આ બધાં વચ્ચે ભૂવો કોણ છે તેની પણ શોધખોળ શરૂ થઈ ગઈ છે. 

કોણ છે મુકેશ ભુવાજી?

મળતી માહિતી મુજબ સિવિલમાં વિધિ કરનાર ભૂવાનું નામ મુકેશ ભુવાજી છે અને અમદાવાદના નિકોલ વિસ્તારનો રહેવાસી છે. મુકેશ ભુવાજી સોશિયલ મીડિયામાં 81 હજારથી વધુ ફોલોવર્સ ધરાવે છે. અન્ય ભુવાઓની જેમ તેણે પણ કમાણી કરવા માટે પોતાની યુટ્યૂબ ચેનલ બનાવેલી છે અને તેમાં તેણે ભૂતપ્રેત ભગાડતો હોવાના, તાંત્રિક વિદ્યા અને મેલી વિદ્યા કરતો હોવાના વીડિયો મૂકેલા છે. અત્યાર સુધીમાં તેણે આવા 468 થી વધુ અપલોડ કરેલા છે જેમાંના મોટાભાગના લોકોને ગેરમાર્ગે દોરતા અને અંધશ્રદ્ધાનો ફેલાવો કરી ભૂતપ્રેત તાંત્રિક વિદ્યા તરફ દોરી જતા છે.

આ રીતે તે અંધશ્રદ્ધા ફેલાવતા વીડિયો યુટ્યુબ ચેનલમાં મૂકીને લોકોમાં પોતાનો પ્રચાર કરી કમાણીની તકો શોધતો રહેતો હતો. તેના પરિવારમાં બે સંતાનો અને પત્ની છે અને તે નરોડા વિસ્તારમાં રહેતો હોવાનું પણ ખુલ્યું છે. જોવાનું એ રહેશે કે સિવિલ હોસ્પિટલમાં જઈને અંધશ્રદ્ધા ફેલાવ્યા બાદ તેના પર કોઈ કાર્યવાહી થાય છે કે નહીં.

દર રવિવારે પોતાના ઘરે દરબાર ભરી લોકોને ફસાવે છે

મુકેશ ભુવાજી દરરોજ રવિવારે ભોળા લોકોને ફસાવવા દરબાર ભરતો હતો અને લોકોના મગજમાં એવી અંધશ્રદ્ધા ફેલાવતો કે તે પોતે ગમે તેવા દર્દીઓ હોય તેને સાજા કરી દે છે. આજે પણ દર રવિવારે મોટી સંખ્યામાં લોકો તેને ત્યાં પૂજા કરવા આવે છે. ચોંકાવનારી વાત એ છે કે, લોકોના દુ:ખ દૂર કરી દેવાની વાતો કરતો મુકેશ ભુવાજી ખુદ જીવનનિર્વાહ ચલાવવા માટે ખાનગી કંપનીમાં નોકરી કરે છે. મુકેશ ભુવાજી પોતાના ઘરે માતાજીને પણ ડોક્ટરના વાઘા ધરાવે છે અને પોતે ડોક્ટર જે દર્દીને સાજા ન કરી શકે તેમને પોતાની ચમત્કારિક શક્તિથી સાજા કરી દેતો હોવાની શેખી મારતો ફરે છે.

આ પણ વાંચો: બોલો લો! અમદાવાદ સિવિલના ICU માં પહોંચી ભૂવાએ દર્દી પર વિધિ કરી

સિવિલની સુરક્ષાને લઈને સવાલો ઉઠ્યાં

ભૂવાની આ કરતૂતોને કારણે એશિયાની સૌથી મોટી જનરલ હોસ્પિટલની સુરક્ષાને લઈને સવાલો ઊભા થઈ રહ્યા છે, કારણ કે સિવિલ હોસ્પિટલની કડક સુરક્ષા માટે વર્ષો લાખો રૂપિયાનો ખર્ચ કરવામાં આવે છે. અહીં સામાન્ય માણસના પરિવારજનો સાથે સિક્યોરિટી સ્ટાફ અત્યંત તોછડું વર્તન કરતો હોય છે, જેને લઈને પણ ફરિયાદો થતી રહે છે ત્યારે આ ભૂવાએ ગેટથી લઈને આઇસીયુ તરફ જતા રસ્તા પર વીડિયો ઉતારીને રીલ બનાવી, એટલું જ નહીં આઇસીયુમાં વેન્ટિલેટર પર રહેલા દર્દીની બાજુમાં ઊભા રહીને રીલ બનાવતા હોસ્પિટલની સિક્યોરિટી સામે પણ સવાલ થઈ રહ્યા છે.

દર્દીનો સગો બની આઈસીયુમાં પહોંચ્યાનું અનુમાન

સમગ્ર ઘટનાને લઈને સિવિલ હોસ્પિટલના સુપરિન્ટેન્ડેન્ટ રાકેશ જોષીએ જણાવ્યું હતું કે, પ્રાથમિક દૃષ્ટિએ તપાસ કરતાં આ વ્યક્તિ દર્દીનો સગો બનીને હોસ્પિટલમાં ગયાનું જણાયું છે. દર્દીના સગાને જવા માટે હોસ્પિટલમાંથી પાસ આપવામાં આવે છે, તેનો ઉપયોગ કરીને આ વ્યક્તિ દર્દી સુધી પહોંચ્યો હોવાનું પ્રાથમિક તારણ છે. આઇસીયુમાં દાખલ દર્દીની ઇન્ફેક્શન ન લાગે એ પ્રમાણે કર્ટેન્સ સાથે પ્રાઈવસી જાળવવામાં આવે છે. તેનો દુરુપયોગ કરીને આ વ્યક્તિએ વીડિયો બનાવ્યો હોવાનું જણાય છે.

વીડિયોમાં જે દર્દી બતાવવામાં આવ્યો છે તે ઓલરેડી વેન્ટિલેટર પર છે, પરંતુ તે સાજો થઇ રહ્યો હોવાની ક્રેડિટ ભૂવાએ કરેલી વિધિને નથી જતી. તે સંપૂર્ણપણે સિવિલના નિષ્ણાત ડોક્ટરોની ટીમને જાય છે. એટલે ભૂવા કે અન્ય કોઇ વિધિ, માન્યતાથી દર્દી સાજો થયો એમ કહેવું અંધશ્રદ્ધાથી ભરેલું છે. સિક્યોરિટી દ્વારા પુરતી તકેદારી રાખવામાં આવે છે છતાં આ વ્યક્તિ દર્દી સુધી કેવી રીતે પહોંચી તેની વધુ તપાસ કરીશું. આગામી સમયમાં વધુ ધ્યાન રાખીને આ પ્રકારની ઘટના કોઇપણ હોસ્પિટલમાં ન બને એનું ધ્યાન રાખવામાં આવશે.

આ પણ વાંચો: 12 લોકોની હત્યા કરનાર વઢવાણના ભૂવાનું પોલીસ કસ્ટડીમાં મોત

વિલ્સનની જૂન 2018માં પુણે પોલીસ દ્વારા તેમના દિલ્હીના નિવાસસ્થાને દરોડા પાડ્યા બાદ ધરપકડ કરવામાં આવી હતી. જે બાદ આ કેસ નેશનલ ઈન્વેસ્ટિગેશન એજન્સી (NIA)ને સોંપવામાં આવ્યો હતો. પુણે પોલીસે આ કેસમાં પ્રાથમિક તપાસ હાથ ધરી હતી.

વિલ્સન હાલમાં ન્યાયિક કસ્ટડીમાં છે અને મહારાષ્ટ્રના નવી મુંબઈમાં આવેલી તલોજા જેલમાં બંધ છે. તેમણે તાજેતરમાં તેની પિતરાઈ બહેનની પુત્રીના લગ્નમાં હાજરી આપવા માટે 6 જાન્યુઆરીથી 20 જાન્યુઆરી, 2025 સુધી વચગાળાના જામીન માંગ્યા હતા.

13 ડિસેમ્બરે સ્પેશિયલ જજ ચકોર બાવિસ્કરે તેમની અરજી ફગાવી દીધી હતી. ગયા મંગળવારે (17 ડિસેમ્બરે) ઉપલબ્ધ ઓર્ડરમાં વિશેષ અદાલતે અરજીને ફગાવી દેતા કહ્યું હતું કે, "આરોપી તેમની ભત્રીજીના લગ્ન સમારોહમાં હાજરી આપવા માંગે છે. આ સંબંધ ઘણો દૂરનો છે અને તેના માટે લગ્નમાં હાજર રહેવું બિલકુલ જરૂરી નથી."

ગયા અઠવાડિયે કોર્ટે ચાર વર્ષ પહેલાં આ કેસમાં ધરપકડ કરાયેલા અન્ય આરોપી સાગર ગોરખેને લોની પરીક્ષા આપવા માટે વચગાળાના જામીન મંજૂર કર્યા હતા.

ઉલ્લેખનીય છે કે, પુણે પોલીસ અને NIAએ એલ્ગાર પરિષદ કેસમાં 15 કાર્યકર્તાઓ, શિક્ષણવિદો અને વકીલોની ધરપકડ કરી હતી. તેમાંથી સૌથી વૃદ્ધ ફાધર સ્ટેન સ્વામી હતા, જેમનું જુલાઈ 2021માં અવસાન થયું હતું.

એલ્ગાર પરિષદનો મામલો 31 ડિસેમ્બર 2017ના રોજ પુણેમાં આયોજિત સેમિનારમાં કથિત ભડકાઉ ભાષણ સાથે સંબંધિત છે. પોલીસનો દાવો છે કે આ ભાષણને કારણે બીજા દિવસે શહેરની હદમાં આવેલા ભીમા-કોરેગાંવ યુદ્ધ સ્મારક પાસે હિંસા થઈ હતી અને આ સેમિનારના આયોજકોના કથિત માઓવાદીઓ સાથે સંબંધો હતા. આ કેસમાં ધરપકડ કરાયેલા 16 લોકોમાંથી આઠ લોકો કસ્ટડીમાં છે.

આ કેસમાં અત્યાર સુધી જેમને જામીન મળ્યા છે તેમાં કવિ વરવરા રાવ, શિક્ષણવિદો આનંદ તેલતુમ્બડે અને શોમા સેન, પત્રકાર ગૌતમ નવલખા, વકીલ સુધા ભારદ્વાજ અને અરુણ ફરેરા તથા  કાર્યકર્તા વર્નોન ગોન્સાલ્વિસનો સમાવેશ થાય છે.

આ પણ વાંચોઃ ભીમા કોરેગાંવ મામલોઃ પત્રકાર ગૌતમ નવલખાને 4 વર્ષ બાદ જામીન મળ્યાં

ગુજરાત ભાજપના સંગઠનમાં હાલમાં સંગઠન પર્વ ચાલી રહ્યું છે. એટલે આગામી દિવસોમાં પક્ષના સંગઠનના માળખામાં ફેરફારો થવાના છે. ત્યારે ભારતીય જનતા પાર્ટી (ભાજપ) દ્વારા સંગઠનમાં પણ કેટલાક મહત્વના પદો માટે વયમર્યાદા નક્કી કરવામાં આવી છે. જેના અંતર્ગત તાલુકા પ્રમુખ કે વોર્ડ પ્રમુખ બનવા માટે ભાજપ દ્વારા કાર્યકરની 40 વર્ષની વયમર્યાદા નક્કી કરી છે. આ સંજોગોમાં વોર્ડ કે તાલુકા પ્રમુખ બનવા ઇચ્છુક અનેક કાર્યકરોની આશાઓ પર પાણી ફરી વળ્યું છે. ત્યારે રાજકોટમાં વોર્ડ પ્રમુખ બનવા ઇચ્છુક ભાજપના એક કાર્યકરે સરકારી દસ્તાવેજોમાં ચેડાં કરીને પોતાની જન્મ તારીખ બદલી નાખીને મોટો કાંડ કરી નાખ્યો. જેના કારણે વોર્ડ પ્રમુખ બનવું તો દૂર રહ્યું, પક્ષમાંથી સસ્પેન્ડ થવું પડ્યું છે.

રાજકોટ શહેર ભાજપના કાર્યકર અને બક્ષી પંચ મોરચાના પ્રમુખ એવા એવા વિપુલ માખેલા વોર્ડ પ્રમુખ બનવા ઈચ્છતો હતો. પરંતુ ભાજપ સંગઠનના નવા નિયમો મુજબ 40 વર્ષથી વધુ વયની વ્યક્તિ વોર્ડ કે તાલુકા પ્રમુખ બની શકે નહીં. જ્યારે ખાસ કિસ્સા વધુમાં વધુ 45 વર્ષની વય મર્યાદા નિશ્ચિત કરાઇ છે. પરંતુ વિપુલ માખેલા 50 વર્ષનો છે, પરંતુ વોર્ડ પ્રમુખ બનવાની લાલસા એટલી બધી હતી કે, તેણે સરકારી દસ્તાવેજો એવા જન્મના દાખલા અને આધારકાર્ડમાં પોતાની જન્મ તારીખ સાથે છેડછાડ કરીને પોતાની ઉમર છ વર્ષ નાની કરી હતી. વિપુલ માખેલાનો જન્મ 1974માં થયો હતો, પરંતુ તેણે જન્મના દાખલા અને આધારકાર્ડમાં જન્મનું વર્ષ 1980 કરી નાખ્યું હતું. વિપુલ માખેલાની આ કરતૂત પક્ષના નેતાઓના ધ્યાને આવી હતી. જેના અંતર્ગત ભાજપ દ્વારા વિપુલ માખેલાને પક્ષમાં સસ્પેન્ડ કરી દીધો છે.

આ પણ વાંચો: 15 નકલી મત તો મેં નાખ્યા હતાઃ ભાજપ કાર્યકરના વીડિયોથી હોબાળો મચ્યો

ગુજરાત કોંગ્રેસના પ્રવક્તા ડૉ. મનિષ દોશીએ જણાવ્યું હતું કે, સમગ્ર દેશમાં લક્ષિત વિતરણ વ્યવસ્થા હેઠળ નિયમીત રીતે વિવિધ અનાજ અપાય છે. જેમાં લીકેજ એટલે કે કાળાબજારમાં ધકેલાઈ જતા અનાજ અને ફુડ કોર્પોરેશન ઓફ ઈન્ડિયાના ગોડાઉનમાં પણ હજારો ટન અનાજ સડી જાય છે. હાલમાં જ એક ઈકોનોમીક ર્થીક ટેન્ક દ્વારા અપાયેલા તારણ મુજબ સરકારી વિતરણનું ૨૮% અનાજ એટલે કે ૨૦ મિલિયન ટન ચોખા અને ઘઉં જેની આશરે કિંમત રૂા.૬૯૦૦૦ કરોડનું અનાજ ગરીબો સુધી પહોંચતું જ નથી. આ વાર્ષિક નુકસાન છે. આ ક્યાં જઈ રહ્યું છે? કદાચ તે ખુલ્લા બજારમાં અથવા નિકાસ માટે મોકલવામાં આવી રહ્યું છે.

દોશીએ જણાવ્યું હતું કે, હાઉસ હોલ્ડ કન્ઝમ્પશન એકસપેન્ડીચર સર્વેના ડેટા અને ફુડ કોર્પોરેશન ઓફ ઈન્ડિયા દર મહીને જે ડેટા રીલીઝ કરે છે તેના અભ્યાસ પરથી (ઓગષ્ટ ૨૦૨૨થી જુલાઈ ૨૦૨૩ વચ્ચે) એ તારણ અપાયુ છે કે, ૨ કરોડ ટન ઘઉં અને ચોખા લાભાર્થી સુધી પહોંચ્યા જ ન હતા. આ એક મોટું રાષ્ટ્રીય નુકસાન છે અને તે અનાજ જે ફુડ કોર્પોરેશન ઓફ ઈન્ડિયાના ગોડાઉનમાંથી નિકળે છે તે કયાં જાય છે ? તે ગંભીર બાબત છે.

મનીષ દોશીએ વધુમાં જણાવ્યું હતું કે, આ એક મોટો આર્થિક ભ્રષ્ટાચાર છે અને તેનાથી સરકારી તિજોરીને મોટું નુકસાન થાય છે. ૨૮% બગાડ કે ખરેખર જરૂરિયાતમંદ સુધી ન પહોંચે તે એક મોટો મુદ્દો છે. સરકાર ટેકાના ઉંચા ભાવે આ અનાજ ખરીદે છે અને જરૂરિયાતમંદ વર્ગને મફત અથવા સાવ નીચા ભાવે તે પૂરું પાડે છે. સરકારે જાહેર વિતરણ વ્યવસ્થામાં ડિજિટલ ટેકનોલોજી અપનાવી અને જોબ ઈન્વેસન સહિતના ઉપાયોની જાહેરાતો કર્યા છતાં પણ રૂા.૬૯૦૦૦ કરોડનું અનાજ 'ગરીબો સુધી પહોંચતું નથી. જાહેર વિતરણ વ્યવસ્થા હેઠળ સમગ્ર દેશમાં ૨૮ ટકા લીકેજ, જાહેર વિતરણ વ્યવસ્થાના અનાજનો બગાડ અટકાવવા જરૂરી છે.

દોશીએ વધુમાં જણાવ્યું હતું કે, એક તરફ સતત કુપોષણનો ભોગ બની રહેલા બાળકો અને કુપોષિત મહિલાઓ દેશ માટે મોટો પડકાર છે ત્યારે, જાહેર વિતરણ વ્યવસ્થાના છીંડા માટે સરકાર દ્વારા મક્કમતાથી પગલા ભરવામાં આવશે તો જ ભ્રષ્ટાચાર અટકશે અને ગરીબોને તેમના હક્કનું અનાજ મળશે.

સૌથી વધુ લીકેજ ધરાવતા રાજ્યો અને સૌથી ઓછુ લીકેજ ધરાવતા રાજ્યોની યાદી

ક્રમ – રાજ્ય - ટકા : ક્રમ - રાજ્ય - ટકા
1 અરૂણાચલ પ્રદેશ ૬૩.૧૮ - 1 તેલંગાણા ૦.૩૦
2 નાગાલેન્ડ ૬૦.૩૬ - 2 આંધ્રપ્રદેશ ૧.૨૦
3 ગુજરાત ૪૩.૦૨ - 3 કર્ણાટક ૬.૧૭
4 હિમાચલ પ્રદેશ ૩૬.૨૭ - 4 પશ્ચિમ બંગાળ ૯.૦૦
5 ઉત્તરાખંડ ૩૫.૭૨ - 5 જમ્મુ કાશ્મિર ૯.૮૭
6 મહારાષ્ટ્ર ૩૫.૬૮ - 6 તામિલનાડુ ૧૫.૮૪
7 ઉત્તર પ્રદેશ ૩૩.૧૫ - 7 બિહાર ૧૯.૧૬

આ પણ વાંચો: સૂત્રાપાડામાં 15.50 લાખનું સરકારી અનાજ સગેવગે થતું પકડાયું

બારા જિલ્લામાં ગઢીમાઈ મ્યુનિસિપલ કોર્પોરેશન સ્થિત વિશ્વ પ્રસિદ્ધ ગઢીમાઈ મંદિર ખાતે દર પાંચ વર્ષે આયોજિત મેળાનું ઉદ્‌ઘાટન ૨જી ડિસેમ્બરે નેપાળના ઉપરાષ્ટ્રપતિ રામ સહાય યાદવે કર્યું હતું. આ મેળો ૧૫ ડિસેમ્બર સુધી ચાલ્યો હતો. ૮મી ડિસેમ્બરે એક વિશેષ પૂજા કરવામાં આવી હતી અને તે પછી, જેમની મનોકામના પૂર્ણ થઈ હતી તેવા લોકોએ તેમની માનતા મુજબ પશુ-પક્ષીઓની બલિ ચઢાવી હતી.

લોહીયાળ આ પરંપરા પાછળ શું માન્યતા છે?

આ લોહિયાળ પરંપરા સાથે જોડાયેલી માન્યતા એવી છે કે, ગઢીમાઈ મંદિરના સ્થાપક ભગવાન ચૌધરીને સપનું આવ્યું હતું કે માતા તેમને જેલમાંથી મુક્ત કરવા માટે બલિ માંગી રહી છે. એ પછી પૂજારીએ પ્રાણીનું બલિદાન આપ્યું હતું. ત્યારથી  લોકો આ મંદિરે આવે છે અને માનતા માની, તે પૂર્ણ થતા પ્રાણીઓની બલિ ચઢાવે છે.

કહેવાય છે કે ગઢીમાઈનો આ ઉત્સવ ૨૬૫ વર્ષથી ચાલ્યો આવે છે. નેપાળની સુપ્રીમ કોર્ટે વર્ષ ૨૦૧૯માં અહીં પ્રાણીઓની બલિ પર પ્રતિબંધ મૂકવાનો આદેશ આપ્યો હતો. નિષ્ણાતો કહે છે કે જ્યારે લોકો તેમની મનોકામના પૂર્ણ થાય ત્યારે ગઢીમાઈના મંદિરમાં બલિ ચઢાવે છે. વિશ્વમાં સૌથી વધુ બલિ આ મંદિરમાં અપાય છે. અહીં બલિ આપવા માટે જાનવરોની ખરીદી કરવામાં આવે છે.

ગિનીસ બુક ઓફ વર્લ્ડ રેકોર્ડમાં નામ

ગઢીમાઈનો મેળો ગિનીસ બુક ઓફ વર્લ્ડ રેકોર્ડમાં સૌથી મોટી સામૂહિક બલિ પ્રથા તરીકે નોંધાયેલો છે. અહીં સૌથી પહેલા વારાણસીના ડોમ રાજને ત્યાંથી આવતા 5100 પ્રાણીઓની બલિ ચઢાવવામાં આવે છે. આ મેળો લગભગ ૧૫ દિવસ સુધી ચાલે છે અને તેમાં નેપાળ અને ભારતના ભક્તો ભાગ લે છે. દરરોજ લગભગ પાંચ લાખ ભક્તો આવે છે.

ભારતમાં આ મેળાનો ભારે વિરોધ થઈ રહ્યો છે

આ મેળામાં નેપાળ ઉપરાંત ભૂટાન, બાંગ્લાદેશ અને ભારત સહિતના અનેક દેશોમાંથી કરોડો શ્રદ્ધાળુઓ આવે છે. વિશ્વના ઘણા દેશોમાં બલિ પ્રથા વિરુદ્ધ અવાજ ઉઠાવવામાં આવ્યો છે ત્યારે ભારતમાં પણ આ બલિ પ્રથા સામે અવાજ ઉઠવા લાગ્યો છે. ભારતમાં આ મેળાને લઈને પશુઓની તસ્કરી થવા લાગી છે. આ મામલો નેપાળની સુપ્રીમ કોર્ટમાં પણ પહોંચ્યો છે. જો કે વર્ષ ૨૦૧૯માં અહીંની કોર્ટે અહીં પ્રાણીઓની બલિ પર તાત્કાલિક પ્રતિબંધ મૂકવાનો ઇનકાર કર્યો હતો. પરંતુ આદેશમાં તેણે કહ્યું હતું કે ગઢીમાઈના મેળા દરમિયાન પશુઓની બલિ ધીરેધીરે ઘટાડવામાં આવે. કોર્ટે કહ્યું હતું કે મામલો ધાર્મિક માન્યતાઓ સાથે જોડાયેલો છે, તેથી તેની સાથે જોડાયેલા લોકોની ધાર્મિક ભાવનાઓને ઠેસ પહોંચાડી શકાય નહીં.

આ પણ વાંચો: ભારતનું માંસ ઉત્પાદન 5% વધીને 1.02 કરોડ ટન સુધી પહોંચી ગયું

પોતાના એક્સ હેન્ડલ પર રામગોપાલ વર્માએ લખ્યું, અલ્લુ અર્જુનની ધરપકડ મામલે મારા અધિકારીઓને ચાર સવાલ છે. એક - કુંભ મેળા કે બ્રહ્મોત્સવ જેવા સ્થળોએ નાસભાગ થાય તો શું દેવતાઓની ધરપકડ કરવામાં આવશે? બીજું- રાજકીય સભાઓ કે રેલીઓમાં નાસભાગને કારણે થતા મૃત્યુના કિસ્સામાં રાજકીય નેતાઓની ધરપકડ કરવામાં આવશે?

રામ ગોપાલ વર્માએ આગળનો પ્રશ્ન પૂછ્યો - જાહેર ફિલ્મ કાર્યક્રમોમાં નાસભાગ મચી જવાના કિસ્સામાં પોલીસ સિવાય હીરો-હીરોઈનોની ધરપકડ કરવામાં આવશે? અને આયોજકો સિવાય આ નાસભાગને બીજું કોણ નિયંત્રિત કરી શકે?' રામુની અગાઉની પોસ્ટના જવાબમાં આ એક પોસ્ટ હતી જેમાં તેણે નાસભાગના કેસ માટે અલ્લુ અર્જુનને દોષી ઠેરવવાની ટીકા કરી હતી.

તેમણે લખ્યું હતું કે, 'પુષ્પા ૨ દર્શાવતા થિયેટરની બહાર નાસભાગમાં એક મહિલાના દુર્ભાગ્યપૂર્ણ મૃત્યુ માટે અલ્લુ અર્જુનને દોષી ઠેરવવો ખરેખર હાસ્યાસ્પદ છે. સેલિબ્રિટીઓ તેમની અપીલથી ભારે ભીડને આકર્ષિત કરે છે, પછી તે ફિલ્મ સ્ટાર્સ, રોક સ્ટાર્સ અને ભગવાન પણ હોય. અને નાસભાગ સામાન્ય રીતે ત્યારે થાય છે જ્યારે ભારે ભીડ હોય અને નાસભાગની આ પહેલી ઘટના નથી.

રામ ગોપાલ વર્મા પહેલા, રવિ કિશન, રશ્મિકા મંદન્ના, નાની, વિવેક ઓબેરોય અને વરુણ ધવન જેવા સ્ટાર્સ પણ પોલીસની આ કાર્યવાહીની ટીકા કરતા અને તેને અન્યાયી ગણાવતા જોવા મળ્યા છે. અલ્લુ અર્જુન જેલમાંથી છૂટ્યો પછી, 'પુષ્પા ૨' ના નિર્દેશક સુકુમાર, વેંકટેશ અને વિજય દેવરાકોંડા તેને મળવા તેના ઘરે પહોંચ્યા હતા. જ્યારે પ્રભાસે અભિનેતા સાથે ફોન પર પણ વાત કરી અને તેની ખબર પૂછી હતી.

આ પણ વાંચો: પ્રયાગરાજમાં મહાકુંભની બેઠકમાં સંતો-મહંતો વચ્ચે ઢીંકાપાટુ-લાફાવાળી થઈ

'સપા-કોંગ્રેસના કારણે અનામત બિલ પાસ ન થઈ શક્યું'

બીએસપી સુપ્રીમો માયાવતીએ કહ્યું કે બંધારણ પર સંસદમાં ચાલી રહેલી ચર્ચામાં એસસી-એસટી, ઓબીસી સમાજના લોકો અને ખાસ કરીને અનામત વિશે જે કહેવામાં આવી રહ્યું છે તેમાં એક અંશ પણ સત્ય નથી. એ વખતે કોંગ્રેસની જ સરકાર હતી, જ્યારે સમાજવાદી પાર્ટીએ પ્રમોશનમાં અનામત બિલને ફાડીને સંસદમાં ફેંકી દીધું હતું અને તેનો ભારે વિરોધ કર્યો હતો અને બસપાએ આ બિલને પાસ કરાવવા માટે અથાગ મહેનત કરી હતી. જો કે, આ પક્ષોના કારણે આ બિલ હજુ સુધી પસાર થઈ શક્યું નથી.

'80 કરોડ લોકો રસ્તા પર રહેવા મજબૂર'

માયાવતીએ કહ્યું કે, જો સત્તામાં રહેલા પક્ષોએ બંધારણના નિયમોનું પાલન કરવામાં ઈમાનદારી અને દેશભક્તિ બતાવી હોત તો આજે દેશની આ હાલત ન હોત. આજે દેશમાં 80 કરોડ લોકોને બેરોજગારીને કારણે અનાજ અને આજીવિકાની શોધમાં રસ્તાઓ પર રહેવું પડે છે. હાલમાં દેશમાં વિદ્યાર્થીઓ, યુવાનો, ખેડૂતો, મજૂરો અને મહિલાઓ પોતાની સમસ્યાઓથી ચિંતિત છે. જો શાસક પક્ષોએ બંધારણનું યોગ્ય રીતે પાલન કર્યું હોત અને રોજગાર પર કામ કર્યું હોત તો આ સ્થિતિ સર્જાઈ ન હોત.

'દેશ ચલાવનારા લોકોએ બંધારણને નિષ્ફળ ગયા'

કોંગ્રેસ-ભાજપનું નામ લીધા વિના માયાવતીએ કહ્યું કે બંધારણ નિષ્ફળ ગયું નથી, પરંતુ દેશમાં સરકાર ચલાવી રહેલા લોકો અને પક્ષોએ બંધારણને નિષ્ફળ બનાવવાનું કામ કર્યું છે. માયાવતીએ કહ્યું કે જ્યારે સંસદમાં બંધારણ પર ચર્ચા થઈ રહી હતી, ત્યારે ખાસ કરીને કોંગ્રેસ અને ભાજપ વચ્ચે સમાન પ્રકારના આક્ષેપો થઈ રહ્યા હતા. બંને પક્ષો અમારા કરતાં તમે વધુ દોષી છો એમ સાબિત કરવામાં વ્યસ્ત રહી. 

અનામત પર માયાવતીએ કહ્યું કે બંને પાર્ટીઓ મળીને કોર્ટની આડમાં અનામત પર હુમલો કરી રહ્યાં છે. બીએસપી વડાએ આરોપ લગાવ્યો કે સત્તાપક્ષ અને વિપક્ષે પોત પોતાના અંગત સ્વાર્થ માટે બંધારણનું રાજનીતિકરણ કર્યું છે. સંસદમાં થયેલી ચર્ચા જોયા બાદ આવું જ જણાય છે. બસપાના વડાએ કહ્યું કે જો સત્તામાં રહેલી કોઈપણ પાર્ટી કોઈ ચોક્કસ સંસ્થાને લાભ આપવા માટે બંધારણમાં સુધારો કરે છે તો તેમની પાર્ટી તેનું સમર્થન કરશે નહીં.

આ પણ વાંચો: ઓબીસી સમાજના મસીહા કર્પૂરી ઠાકુરને મળશે ભારતરત્ન, જન્મ શતાબ્દીની પૂર્વસંધ્યાએ જાહેરાત

એઆઇસીટીઇના તા. 1 માર્ચ 2019ના પરિપત્રના પાંચ વર્ષ બાદ 1 માર્ચ 2024ના રોજ શિક્ષણ વિભાગ દ્વારા કેસ અંગે પરિપત્ર કરાયો હતો. વર્ષોની રજૂઆત બાદ પરિપત્ર થતા સરકારી ડિગ્રી અને ડિપ્લોમા કોલેજોના અધ્યાપકો તેમના 7-8 વર્ષોથી લંબિત કેસ ટૂંક સમયમાં મળી જશે તેવી આશા જન્મી હતી. આ અંતર્ગત અરજીઓ મંગાવી ઓફલાઈન ચકાસણી કરી સત્વરે આદેશ થાય એવી વ્યવસ્થા ઉભી કરવાની બદ્લે  ઓનલાઇન ચકાસણી કરવા અંગે કમિશનર ઓફ ટેકનિકલ શિક્ષણ દ્વારા નિર્ણય કરાયો હતો. 30 જુલાઈ 2024ના પરિપત્ર દ્વારા તમામ અધ્યાપકોને કેસની અરજી ફરજિયાત કોજન્ટ પોર્ટલ ઉપર કરવા માટે સૂચના આપી હતી. પરંતુ કોજન્ટ પોર્ટલ યોગ્ય રીતે થયેલ ન હોવાના કારણે ટેકનિકલ ક્ષતિઓને લીધે પોર્ટલ પર અરજી કરવામાં મોટાભાગના અધ્યાપકોએ વ્યાપક હેરાનગતિ ભોગવી હતી તેમ કોંગ્રેસ પ્રવકતાએ જણાવ્યું હતું.

કોંગ્રેસ પ્રવકતાએ જણાવ્યું હતું કે, ટેકનિકલ શિક્ષણ કચેરી દ્વારા અધ્યાપકોને કોજન્ટ પોર્ટલ પર કેસ માટે ઓનલાઈન અરજી કરવા માટે ૨૦ ઓગસ્ટ 2024ની સમયમર્યાદા આપી હતી. પરંતુ ટેકનિકલ ક્ષતિઓને લીધે ટેકનિકલ શિક્ષણ વિભાગ દ્વારા અરજી કરવા માટેની છેલ્લી તારીખ બે વખત લંબાવી અનુક્રમે 5 સપ્ટેમ્બર કરવાની ફરજ પડી હતી. તેમાં પણ આજદિન સુધી કોજન્ટ પોર્ટલના 5 તબક્કામાંથી માત્ર બે તબક્કાની ચકાસણી પૂર્ણ થઇ છે, બાકીના 3 તબક્કાની પરિપત્રના ૬ મહિના થયા છતાં અમલીકરણ થયું નથી. જે રાજ્યના 4000 જેટલા અધ્યાપકો માટે ખૂબ જ નિરાશાજનક બાબત છે.

તેમણે વધુમાં જણાવ્યું હતું કે, ટેકનિકલ શિક્ષણ વિભાગનું કોજન્ટ પોર્ટલ જે ગતિથી ચાલી રહ્યું છે તે જોતા હજુ આગામી તા. ૩૧/૦૩/૨૦૨૫ સુધીમાં અધ્યાપકોની ગ્રેડ-પે ૬૦૦૦ થી ૭૦૦૦ તેમજ ગ્રેડ-પે ૭૦૦૦ થી ૮૦૦૦ એમ બે ઇવેન્ટ તો દૂર રહી, પરંતુ પ્રથમ ઇવેન્ટ પણ પૂરી થઇને જરૂરી આદેશ થશે કે કેમ એ પણ અનિશ્ચિત જણાય છે. આ રીતે ટેકનિકલ ક્ષતિઓ તેમજ સંવેદનશીલતાના અભાવે સરકારે કેસ જાહેર કર્યાને અંદાજે ૧૦ મહિના થયા છતાં હક/ન્યાય/લાભથી વંચિત 4000 જેટલા અધ્યાપકોને નાણાકીય તેમજ તેમની કારકિર્દીને ભારે નુકસાન થઇ રહ્યું છે. તો આ અંગે સરકાર દ્વારા તાકીદે ઘટતી કાર્યવાહી ઝડપભેર થાય તેવી માંગણી પણ કોંગ્રેસ પ્રવક્તાએ કરી છે.

આ પણ વાંચો: એન્જિનિયરિંગના પ્રોફેસરો ડિલિવરી બોયનું કામ કરી રહ્યા છે...

તેમણે સોશિયલ મીડિયા પ્લેટફોર્મ X પર એક પોસ્ટમાં લખ્યું, "કેન્દ્રીય કેબિનેટે સંસદમાં કઠોર 'એક રાષ્ટ્ર, એક ચૂંટણી બિલ' રજૂ કરવાની મંજૂરી આપી છે. આ અવ્યવહારુ અને લોકશાહી વિરોધી પગલું છે, જે પ્રાદેશિક અવાજોને અને સંઘવાદને ખતમ કરી તંત્રને ખોરવી નાખશે. જાગો ભારત! ચાલો ભારતીય લોકશાહી પરના આ હુમલાનો આપણી પૂરી તાકાતથી વિરોધ કરીએ!”

આ પહેલા મુખ્ય વિપક્ષી પાર્ટી કોંગ્રેસે (INC) પણ કેન્દ્ર સરકારના આ પગલા પર સવાલ ઉઠાવ્યા હતા. કેન્દ્રીય કેબિનેટે 'એક દેશ, એક ચૂંટણી' વ્યવસ્થાને લાગુ કરવા માટેના બિલને મંજૂરી આપ્યા પછી, કોંગ્રેસે ગુરુવારે આરોપ લગાવ્યો કે સરકાર ચૂંટણી પર ઉઠાવવામાં આવતા પ્રશ્નો પરથી ધ્યાન હટાવવાનો પ્રયાસ કરી રહી છે. કેન્દ્રીય કેબિનેટે ગુરુવારે 'એક રાષ્ટ્ર, એક ચૂંટણી' લાગુ કરવા માટેના બિલને મંજૂરી આપી દીધી છે અને વર્તમાન શિયાળુ સત્રમાં ડ્રાફ્ટ કાયદો સંસદમાં રજૂ કરવામાં આવે તેવી શક્યતા છે. વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય કેબિનેટની બેઠકમાં આ નિર્ણય લેવામાં આવ્યો હતો.

કોંગ્રેસના મહાસચિવ જયરામ રમેશે (Jairam Ramesh) પાર્ટી અધ્યક્ષ મલ્લિકાર્જુન ખડગે (Mallikarjun Kharge) દ્વારા પૂર્વ રાષ્ટ્રપતિ રામનાથ કોવિંદની અધ્યક્ષતાવાળી સમિતિને લખેલા પત્રને ટાંકીને કહ્યું કે પાર્ટીના વલણમાં કોઈ ફેરફાર થયો નથી. ખડગેએ આ વર્ષે 17 જાન્યુઆરીએ સમિતિને પત્ર લખીને 'એક દેશ, એક ચૂંટણી'ના વિચારનો સખત વિરોધ કર્યો હતો. લોકસભામાં કોંગ્રેસના ઉપનેતા ગૌરવ ગોગોઈ (Gaurav Gogoi) એ ગુરુવારે કહ્યું હતું કે, આ પહેલા પણ તેમની પાર્ટીએ ચૂંટણી, ચૂંટણી પદ્ધતિ અને ચૂંટણીની અખંડિતતા સાથે જોડાયેલા ઘણા પ્રશ્નો ઉઠાવ્યા છે.

ગોગોઈએ કહ્યું, “હવે આ બિલ આવવા દો, ચાલો જોઈએ કે તેઓ શું કરવાનો પ્રયાસ કરી રહ્યા છે. પરંતુ અમે અગાઉ પણ કહ્યું છે કે આ બિલના માધ્યમથી આપણા દેશના સંઘીય ચરિત્ર પર પ્રભાવને લઈને ઈન્ડિયા ગઠબંધન વચ્ચે અનેક ચિંતાઓ છે. તેમણે કહ્યું કે, "વડાપ્રધાન મોદી તેમની વાત નથી પાળી રહ્યા તેઓ 'એક દેશ, એક ચૂંટણી'ની વાત કરે છે, પરંતુ જ્યારે તે તેમને અનુકૂળ આવે છે ત્યારે તેઓ હરિયાણા અને મહારાષ્ટ્ર માટે અલગ ચૂંટણીઓ કરાવે છે. તેઓ ગુજરાતની ચૂંટણી અલગથી કરાવે છે.”

ગોગોઈએ કહ્યું કે, “ભારતના લોકો ખૂબ જ સમજદાર છે અને સમજે છે કે આખી ચૂંટણી પ્રક્રિયાના સંબંધમાં ચૂંટણી કમિશનરોની ભૂમિકા અને તેમની નિમણૂક જેવા ઘણા મોટા પ્રશ્નો ઉઠાવવાની જરૂર છે. 

કોંગ્રેસ સાંસદે કહ્યું, "મને લાગે છે કે તેઓ માત્ર એ સવાલોથી ધ્યાન ભટકાવવાનો પ્રયત્ન કરી રહ્યાં છે જે આપણી લોકશાહી પદ્ધતિની ચૂંટણીની શુચિતાના સંબંધમાં લોકોના મનમાં ઉઠી રહ્યાં છે.”

આ પણ વાંચો: શિડ્યુઅલ કાસ્ટ ફેડરેશન AMC ની ચૂંટણી લડશે, તમામ વોર્ડમાં ઉમેદવાર ઉભા રાખશે

કેન્દ્ર દ્વારા અરજીઓ પર જવાબ દાખલ કરવામાં આવ્યા બાદ કોર્ટે સંબંધિત પક્ષકારોને રિજાઇન્ડર દાખલ કરવા માટે ચાર અઠવાડિયાનો સમય આપ્યો છે. અદાલતે કાર્યવાહીમાં હસ્તક્ષેપની માંગ કરતી મુસ્લિમ સંસ્થાઓ સહિત વિવિધ પક્ષકારોની અરજીઓને પણ સ્વીકારી છે. સર્વોચ્ચ અદાલતે જણાવ્યું હતું કે આગળના આદેશો સુધી કોઈ પણ કોર્ટમાં સર્વેક્ષણ માટે કોઈ નવો દાવો દાખલ કરવામાં આવશે નહીં અથવા નોંધવામાં આવશે નહીં. વધુમાં, અદાલતો આગળના આદેશો સુધી પડતર કેસોમાં કોઈ અસરકારક વચગાળાનો અથવા અંતિમ આદેશ પસાર કરશે નહીં.

શું છે મામલો? 

સર્વોચ્ચ અદાલતે ગુરુવારે પૂજા સ્થાન અધિનિયમ, 1991 ની કેટલીક જોગવાઈઓની માન્યતાને પડકારતી પીઆઈએલ પર સુનાવણી શરૂ કરી છે. સંબંધિત કાયદો જણાવે છે કે 15 ઓગસ્ટ, 1947 ના રોજ અસ્તિત્વમાં રહેલા પૂજા સ્થાનોની ધાર્મિક પ્રકૃતિ તે દિવસે હતી તેવી જ રહેશે. તે ધાર્મિક સ્થળ પર ફરીથી દાવો કરવા અથવા તેના પાત્રને બદલવા માટે દાવો દાખલ કરવા પર પ્રતિબંધ મૂકે છે. ચીફ જસ્ટિસ સંજીવ ખન્ના, જસ્ટિસ સંજય કુમાર અને જસ્ટિસ કેવી વિશ્વનાથનની બેન્ચ આ કેસની સુનાવણી કરે તેવી શક્યતા છે. ચીફ જસ્ટિસે કહ્યું કે આ મામલો કોર્ટમાં પેન્ડિંગ છે. જ્યાં સુધી અમે કેસની સુનાવણી અને નિકાલ ન કરીએ ત્યાં સુધી કોઈ વધુ કેસ દાખલ કરી શકાશે નહીં. અમારી પાસે રામજન્મભૂમિનો મામલો પણ છે.

આ સંબંધમાં સુપ્રીમ કોર્ટમાં અનેક અરજીઓ પેન્ડિંગ છે, જેમાંથી એક અશ્વિની ઉપાધ્યાય દ્વારા દાખલ કરવામાં આવી છે. ઉપાધ્યાયે પૂજાના સ્થળો (વિશેષ જોગવાઈઓ) અધિનિયમ, 1991ની કલમ બે, ત્રણ અને ચારને રદ કરવાની વિનંતી કરી છે. અરજીમાં કરાયેલી દલીલો પૈકીની એક એવી છે કે આ જોગવાઈઓ કોઈ વ્યક્તિ અથવા ધાર્મિક જૂથના પૂજા સ્થળ પર ફરીથી દાવો કરવા માટે ન્યાયિક નિવારણ મેળવવાના અધિકારને છીનવી લે છે.

માર્ક્સવાદી કમ્યુનિસ્ટ પાર્ટી અને મહારાષ્ટ્રના વિધાનસભ્ય જિતેન્દ્ર સતીશ આવ્હાડે પણ પ્લેસ ઓફ વર્શીપ (વિશેષ જોગવાઈઓ) અધિનિયમ, 1991ની બંધારણીય માન્યતાને પડકારતી અનેક પડતર અરજીઓ સામે અરજીઓ દાખલ કરી છે, જેમાં કહેવામાં આવ્યું છે કે કાયદો જાહેર વ્યવસ્થા, બંધુત્વ, એકતા અને બિનસાંપ્રદાયિકતાના રક્ષણ માટે ખતરો છે. 

આ કેસની સુનાવણી વારાણસીની જ્ઞાનવાપી મસ્જિદ, મથુરામાં શાહી ઇદગાહ મસ્જિદ અને સંભલમાં શાહી જામા મસ્જિદ સહિત વિવિધ અદાલતોમાં દાખલ કરાયેલા અનેક મુકદ્દમાઓની પૃષ્ઠભૂમિમાં થશે. આ કિસ્સાઓમાં, એવો દાવો કરવામાં આવ્યો છે કે આ સ્થળો પ્રાચીન મંદિરોના વિનાશ પછી બનાવવામાં આવ્યા હતા અને હિન્દુઓને ત્યાં પૂજા કરવાની મંજૂરી આપવા વિનંતી કરવામાં આવી છે.

આમાંના મોટાભાગના કેસોમાં, મુસ્લિમ પક્ષે 1991ના કાયદાને ટાંકીને દલીલ કરી છે કે આવા કેસ સ્વીકાર્ય નથી. આ કાયદાની જોગવાઈઓ વિરુદ્ધ રાજ્યસભાના ભૂતપૂર્વ સભ્ય સુબ્રમણ્યમ સ્વામી દ્વારા દાખલ કરાયેલી એક અરજી સહિત છ અરજીઓ દાખલ કરવામાં આવી છે. સ્વામી ઇચ્છે છે કે સુપ્રીમ કોર્ટ વારાણસીની જ્ઞાનવાપી મસ્જિદ અને મથુરામાં શાહી ઇદગાહ મસ્જિદ પર દાવો કરી શકે તે માટે કેટલીક જોગવાઈઓનું ફરીથી અર્થઘટન કરે, ઉપાધ્યાયે દાવો કર્યો કે આખો કાયદો ગેરબંધારણીય છે અને તેના પર પુનર્વિચાર કરવો પડશે.

આ પણ વાંચો: બાબરી મસ્જિદ નીચે રામમંદિર નહોતું, ચૂકાદો સેક્યુલરિઝમની વિરુદ્દ હતો

ન્યાયાધીશે વોટ્સએપ અને અન્ય સોશિયલ મીડિયા પ્લેટફોર્મ પર મુસ્લિમો વિરુદ્ધ સામાન્ય રીતે ઉપયોગમાં લેવાતા 'કઠમુલ્લા' શબ્દનો ઉપયોગ કરવા સહિત અનેક વિવાદાસ્પદ નિવેદનો આપ્યા હતા. ઉગ્રવાદીઓને 'કઠમુલ્લા' ગણાવતા તેમણે કહ્યું કે દેશે તેમનાથી સતર્ક રહેવું જોઈએ. તેમણે કહ્યું, 'પણ આ જે કઠમુલ્લાઓ છે... આ સાચો શબ્દ નથી... પરંતુ કહેવામાં કોઈ સંકોચ નથી કારણ કે તે દેશ માટે ખરાબ છે... તે દેશ માટે ખતરનાક છે, તે દેશની વિરુદ્ધ છે. આ એવા લોકો છે જે જનતાને ઉશ્કેરે છે... દેશ આગળ ન વધી શકે તે પ્રકારના લોકો છે...તેમનાથી સાવધાન રહેવાની જરૂર છે.

આ પણ વાંચોઃ સપા નેતાએ કહ્યું - નીચલી કોર્ટમાં બેઠેલાં નાના જજો દેશમાં આગ લગાડવા માંગે છે...

રાજ્યસભામાં ઈન્ડિયા એલાયન્સની પાર્ટીઓએ અલ્હાબાદ હાઈકોર્ટના આ જજ શેખર કુમાર યાદવ વિરુદ્ધ મહાભિયોગ પ્રસ્તાવ લાવવા માટે નોટિસ આપવાની તૈયારી કરી રહી છે.
ઈન્ડિયન એક્સપ્રેસે સૂત્રોને ટાંકીને અહેવાલ આપ્યો છે કે વિવિધ પક્ષોના 36 વિપક્ષી સાંસદોએ અરજી પર હસ્તાક્ષર કરી દીધા છે. આ અરજી રાજ્યસભાના સ્વતંત્ર સાંસદ અને વકીલ કપિલ સિબ્બલે શરૂ કરી છે. હજુ વધુ સહીઓ કરાવીને વિપક્ષ તેને આગળ લઈ જઈ શકે છે.

ઈન્ડિયા એલાયન્સના રાજ્યસભામાં 85 સાંસદો છે. રિપોર્ટ અનુસાર, જે લોકોએ પહેલાથી જ તેના પર હસ્તાક્ષર કરી દીધા છે તેમાં કોંગ્રેસના દિગ્વિજય સિંહ, જયરામ રમેશ અને વિવેક તન્ખા, આમ આદમી પાર્ટીના સંજય સિંહ, તૃણમૂલ કોંગ્રેસના સાકેત ગોખલે અને સાગરિકા ઘોષ, આરજેડીના મનોજ કુમાર ઝા, સમાજવાદી પાર્ટીના જાવેદ અલી ખાન, સીપીઆઈએમના જ્હોન બ્રિટાસ અને CPI ના સંદોષ કુમારનો સમાવેશ થાય છે.

નોટિસમાં જસ્ટિસ યાદવ સામે મહાભિયોગની કાર્યવાહી શરૂ કરવાની માંગ કરવામાં આવી છે. ન્યાયાધીશ તપાસ અધિનિયમ, 1968 મુજબ, જો કોઈ ન્યાયાધીશ વિરુદ્ધ લોકસભામાં ફરિયાદ કરવામાં આવે છે, તો તેમાં ઓછામાં ઓછા 100 સભ્યોની સહી હોવી જોઈએ, અને જો રાજ્યસભામાં રજૂ કરવામાં આવે છે તો ઓછામાં ઓછા 50 સાંસદો દ્વારા તે પ્રસ્તાવ પર સહી કરવામાં આવી જોઈએ.

આ પણ વાંચોઃ VHPના કાર્યક્રમમાં પહોંચ્યા હાઈકોર્ટના સિટિંગ જજ, રામ મંદિરની પ્રશંસા કરી

સાંસદો દ્વારા દરખાસ્ત રજૂ કર્યા પછી ગૃહના પ્રમુખ અધિકારી તેને સ્વીકારી અથવા નામંજૂર કરી શકે છે. જો સ્વીકારવામાં આવે, તો ફરિયાદની તપાસ કરવા અને મહાભિયોગ પ્રક્રિયા શરૂ કરવા માટે તે યોગ્ય કેસ છે કે કેમ તે નક્કી કરવા માટે બે ન્યાયાધીશો અને એક ન્યાયશાસ્ત્રીની બનેલી ત્રણ સભ્યોની સમિતિની રચના કરવામાં આવે છે.
આ સમિતિમાં સુપ્રીમ કોર્ટના જજ અને હાઈકોર્ટના ચીફ જસ્ટિસનો સમાવેશ થાય છે. જો ફરિયાદ હાઈકોર્ટના ન્યાયાધીશ વિરુદ્ધ હોય, અથવા જો ફરિયાદ સુપ્રીમ કોર્ટના વર્તમાન ન્યાયાધીશ વિરુદ્ધ હોય, તો સુપ્રીમ કોર્ટના બે ન્યાયાધીશો તેમાં હોય છે. બંધારણની કલમ 124 (4) જણાવે છે કે મહાભિયોગ માટેની દરખાસ્તને સંબંધિત ગૃહના કુલ સભ્યપદના બહુમતી દ્વારા અને ગૃહમાં હાજર રહેલા અને મતદાન કરતા સભ્યોના બે તૃતીયાંશ કરતા ઓછા ન હોય તેવા બહુમતી દ્વારા સમર્થન હોવું જોઈએ. બંને ગૃહોમાં એનડીએની બહુમતી જોતાં, લોકસભા કે રાજ્યસભામાં મહાભિયોગ પ્રસ્તાવ પસાર થવાની શક્યતા નથી.

અત્યાર સુધીમાં, હાઈકોર્ટના ન્યાયાધીશો પર મહાભિયોગ કરવાના ચાર પ્રયાસો થયા છે અને સુપ્રીમ કોર્ટના ન્યાયાધીશોને દૂર કરવાના બે પ્રયાસો થયા છે, જેમાંથી છેલ્લો પ્રયાસ 2018માં ભારતના તત્કાલિન મુખ્ય ન્યાયાધીશ દિપક મિશ્રા વિરુદ્ધ કરવામાં આવ્યો હતો. આમાંથી કોઈપણ પ્રસ્તાવ આખી પ્રક્રિયામાં પસાર નહોતો થઈ શક્યો.

આ પણ વાંચોઃ 'દેશ બહુમતીના હિસાબે ચાલશે' કહેનાર જજ સામે સુપ્રીમ કોર્ટ કાર્યવાહી કરશે

મામલો શું છે?
જૂનાગઢની સતાધારની જગ્યાના મહંત વિજય બાપુના સગાભાઈ નીતિન ચાવડાએ મુખ્યમંત્રી તેમજ ગૃહમંત્રીને પત્ર લખીને રજૂઆત કરી છે કે જગ્યાના મહંત દ્વારા ગેરકાયદેસર કરોડોના વ્યવહારો થાય છે અને સતાધારમાં જ રહેતી મહિલા ગીતા વ્યાસ અને જગ્યાના મહંત વિજય બાપુ વચ્ચે પ્રેમ સંબંધ છે અને બંનેએ લગ્ન કરી લીધા છે. 

આ આક્ષેપો કોઈ અન્ય વ્યક્તિને નહીં પરંતુ સતાધારના મહંત વિજયબાપુના ભાઈ નીતિનભાઈ ચાવડાએ કર્યા છે. તેમણે મીડિયાને જણાવ્યું છે કે, સતાધારના મહંત વિજય બાપુ કરોડોના ખોટા વ્યવહારો કરે છે અને તેઓ વ્યભિચારી છે. તેમની કથિત પ્રેમિકાના કારણે તેઓ જગ્યામાં સેવા કરતા લોકોને માર મારે છે. આ બાબતે કોઈ નાના માણસો પોલીસ ફરિયાદ પણ કરી શક્યા નથી. જેના કારણે દિવસેને દિવસે તેમની દાદાગીરી વધતી ગઈ છે. જેને લઈ મેં મુખ્યમંત્રી અને ગૃહમંત્રી રજૂઆત કરી આ બાબતે વાકેફ કર્યા છે. ત્યારે સતાધાર ને સરકાર દ્વારા વહીવદારની નિમણૂક થાય તેવી માંગ કરી છે.

મહંત વિજય બાપના સગાભાઈ નીતિન ચાવડાએ વધુમાં જણાવ્યું છે કે, વિજય બાપુએ જેની સાથે લગ્ન કરી લીધા છે તે ગીતાબેન વ્યાસ ગોંડલ પાસેના શ્રીનાથગઢના વતની છે. અમારી જાણ મુજબ તેમણે બે-ત્રણ લગ્ન કર્યા છે અને સતાધારમાં છેલ્લા 20 વર્ષથી રહે છે અને સતાધારના મહંત વિજયબાપુ સાથે તેમને પ્રેમ સંબંધ થઈ ગયો છે, જેમણે લગ્ન અને મૈત્રી કરાર પણ કરી લીધા છે. વિજય ભગતને બ્લેકમેલિંગ કરી સતાધારના કરોડો રૂપિયા ગીતાબેન વ્યાસે ઉઠાવી લીધા છે.

કરોડો રૂપિયાના વહીવટમાં ભ્રષ્ટાચારના આક્ષેપ
નીતિન ચાવડાએ તા. 3 ડિસેમ્બરના રોજ મુખ્યમંત્રીને પત્ર લખીને જણાવ્યું હતું કે, જૂનાગઢના વિસાવદર તાલુકાના સતાધાર મુકામે આવેલા આપા ગીગાના મંદિરમાં હાલના મહંત અને એકમાત્ર ટ્રસ્ટી વિજય ભગત ગુરૂ જીવરાજ ભગત મંદિરનો વહીવટ સંભાળે છે. છેલ્લા 20 વર્ષથી તેઓ સતાધાર મંદિરના મહંત તરીકે વહીવટ કરી રહ્યા છે, મંદિરની પોતાની 1200થી 1300 વીઘા જમીન છે. તેમજ મંદિર પાસે ગેરકાયદેસર 60 દુકાનો પણ છે, જેનું વાર્ષિક ભાડું બે લાખથી અઢી લાખ છે. મંદિરની મોટી ગૌશાળા સતાધારના ગ્રાઉન્ડમાં આવેલી છે. આ ગૌશાળામાં જે ગાયો છે તેના દૂધની વાર્ષિક આવક એક કરોડથી વધુ છે, તેમજ ખેતીવાડીની વાર્ષિક આવક 50 કરોડ તથા ધર્માદાની વાર્ષિક આવક 100 કરોડ ઉપરની થાય છે. આ તમામ રકમ મહંત વિજય બાપુ દ્વારા ગેરમાર્ગે વાપરવામાં આવે છે. આવું આગળ ન થાય તે માટે સતાધારમાં વહેલી તકે વહીવટદારની નિમણૂક કરવામાં આવે.

વિજય બાપુ આઈપીએસ-ડીવાયએસપી હોવાનો રોફ મારે છે
નીતિન ચાવડાએ અગાઉ એક પત્રમાં ગુહમંત્રીને લખ્યું હતું કે, છેલ્લા 20 વર્ષથી સતાધાર આપાગીગા મંદિરના મહંત તરીકે વિજય ભગત છે. 20 વર્ષ પહેલા વિજય ભગત પોલીસ ખાતાની જુદાજુદા કેડરની પરીક્ષાઓ આપતા હતા, પરંતુ કોઈ પણ કેડરમાં તેઓ પાસ નહોતા થયા. એ પછી વર્ષ 2004 થી તેઓ સતાધાર મંદિરના મહંત તરીકે સતાધારમાં સ્થાયી થયેલ છે. અહીં તહેવારોમાં હજારો ભાવિક ભક્તો આવે છે ત્યારે ભીડને નિયંત્રણ કરવા માટે મહંત દ્વારા અનેકવાર લોકોને મારકૂટ કરવામાં આવી છે. જો કોઈ વ્યક્તિ વિજય ભગતનો પ્રતિકાર કરે તો વિસાવદર પોલીસ સ્ટેશનમાં પી.આઇ કે પી.એસ.આઇને એવું કહેવામાં આવે છે કે વિજય ભગત પોતે IPS કે DySP હતો. આવો ખોટો રોફ ઝાડીને લોકોને ડરાવાય છે. વિજય બાપુએ અનેક વાર કાયદો હાથમાં લઇ લોકોને બેફામ માર પણ માર્યો છે. ત્યારે આ મામલે યોગ્ય તપાસ કરવામાં આવે તેવી નીતિન ચાવડાએ માંગ કરી છે.

સગાભાઈએ કોર્ટમાં સોગંદનામું રજૂ કર્યું
સતાધાર જગ્યાના મહંત વિજય બાપુના ભાઈ નીતિન ચાવડાએ તારીખ 09/05/2023ના કોર્ટમાં સોગંદનામુ કરી જણાવ્યું હતું કે, તેનું મૂળ વતન અમરેલી જિલ્લાના ધારી તાલુકાનું બોરડી ગામ છે. તેઓ છ ભાઈઓ છે. જેમાં સૌથી નાના વાલજીભાઈ એટલે કે હાલના સતાધારના મહંત વિજય બાપુ છે. તેમના બાપદાદાની ખેતીની જમીન અને ઘર સહિતનું બધું બોરડી ગામે આવેલું છે તેઓ ગુર્જર ક્ષત્રિય કડિયા સમાજ જ્ઞાતિના છે, સૌથી નાના વાલજી મોહન ચાવડા જે હાલ સતાધારના મહંત હોવાથી વિજય બાપુ તરીકે ઓળખાય છે તેમને નીતિનભાઈ ચાવડાએ અમરેલી ખાતે કોલેજમાં ગુજરાતી વિષય સાથે બી.એ.નો અભ્યાસ કરાવ્યો હતો. નિતીન ચાવડાએ સોગંદનામાં લખ્યું હતું કે વિજય બાપુની પ્રવૃત્તિઓ કોલેજકાળથી ખરાબ હતી. તે અશોભનીય પ્રવૃત્તિ કરતા અને દારૂ પી પરસ્પર ગમન જેવી પ્રવૃત્તિઓ કરતા હતા.

વિજય બાપુ પરસ્ત્રી સાથે સંબંધથી બિમાર પડ્યા હતા
નીતિન ચાવડાએ સોગંદનામામાં ઉલ્લેખ કરતાં જણાવ્યું હતું કે મારો નાનો ભાઈ વાલજી મોહન ચાવડા એટલે કે સતાધારનો મહંત વિજય કંઈપણ પ્રકારનો કામ ધંધો ન કરતો હોવાના કારણે મારા ઘરના સભ્યો વારંવાર તેને ઠપકો આપતા અને એકવાર તે ઘરેથી ચાલ્યા ગયા અને મુંબઈ જતા રહ્યા હતા. જ્યાં એક સ્ત્રી સાથે શારીરિક સંબંધ બાંધવાથી બીમાર પડેલો અને જેની મેં તપાસ કરાવતા તેને ગંભીર બીમારી થયાનું જાણવા મળેલ હતું. ત્યારે મેં તેને સ્ત્રીથી છોડાવેલ અને મેં સારવાર કરાવેલ ત્યાર બાદ અમારા જ્ઞાતિના આગેવાનના સહકારથી ગીતા વ્યાસ નામની સ્ત્રી સાથે લગ્ન કરેલા અને તેને રહેવા માટે જૂની સતાધાર અને મોટી સતાધારની વચ્ચે બંગલા ની વ્યવસ્થા પણ મેં કરી આપેલ હતી.

નીતિન ચાવડાના સોગંદનામામાં ઉલ્લેખ કરાયો છે કે, ગીતા વ્યાસે વિજય બાપુની કોઈ સીડી બનાવી લીધી છે અને તે પેનડ્રાઈવમાં પોતાની પાસે રાખીને બ્લેકમેઈલ કરે છે. જેના કારણે વિજય ભગતે ગીતા વ્યાસની શરણાગતિ સ્વીકારી લીધી છે અને બધી વ્યવસ્થા કરી આપી છે. મહંત વિજય બાપુ અને ગીતા વ્યાસે આપાગીગાની જગ્યામાંથી વર્ષોથી સેવા-પૂજા કરતા લોકોને જગ્યામાંથી કાઢી મુકેલ છે.

આ પણ વાંચોઃ કબરાઉ મોગલ ધામના બાપુની દીકરીએ બુકી સાથે લગ્ન કરી લીધાં?

મામલો શું હતો?

પરભણી શહેરમાં કલેક્ટર કાર્યાલય સામે ડો. બાબા સાહેબ આંબેડકરની પ્રતિમા પાસે ભારતીય બંધારણની એક કોપી રાખવામાં આવી છે. મંગળવારે સાંજે લગભગ સાડા પાંચ વાગ્યે કોઈ અજાણ્યા શખ્સે સંવિધાનની કોપી ખરાબ કરી નાખી હતી. તેની જાણકારી મળતા જ પરભણી શહેરમાં તણાવની સ્થિતિ ઊભી થઈ ગઈ હતી. ગુસ્સે થયેલા ભીમયોદ્ધાઓએ મંગળવારે શાંતિપૂર્ણ રીતે બંધનું એલાન આપ્યું હતું. એ દરમિયાન કોઈ તોફાની તત્વોએ ફરીથી છમકલું કરતા મામલો બિચક્યો હતો અને રસ્તો રોકો, રેલ રોકો આંદોલન કરી વિરોધ પ્રદર્શન કર્યા હતા. આજે પણ પરભણી બંધ છે. ભીમયોદ્ધાઓની માંગ છે કે આ મામલાના માસ્ટરમાઇન્ડની ધરપકડ કરવામાં આવે.

આજના બંધ દરમ્યાન ભીડ અચાનક આક્રમક થઈ ગઈ હતી. અમુક જગ્યા પર રસ્તા પર ટાયરો સળગાવ્યા હતા, તો વળી રસ્તા પર ઊભેલી ગાડીઓમાં તોડફોડ કરી હતી. અમુક દુકાનોના બોર્ડ પણ તોડી નાખ્યા હતા. અમુક જગ્યાએ ભીડને કાબૂમાં કરવા માટે ટીયર ગેસના સેલ છોડવામાં આવ્યા હતા, તો વળી અમુક જગ્યાએ હળવો લાઠીચાર્જ પણ કરવામાં આવ્યો હતો. પરભણીમાં હાલ કર્ફ્‌યૂની સ્થિતિ છે. જ્યાં સુધી આગળનો આદેશ ન આવે ત્યાં સુધી લોકોને ઘરોમાં જ રહેવાની સલાહ આપવામાં આવી છે.

આજે પરભણી બંધને લોકોનો મોટી સંખ્યામાં પ્રતિસાદ મળ્યો હતો. અહીં હિંસા બાદ કલમ 144 લાગુ કરવામાં આવી છે. શહેરના કેટલાય વિસ્તારો સવારથી જ બંધ રહ્યા હતા. કોઈ અપ્રિય ઘટના ન થાય, તે માટે જિલ્લામાં કેટલીય જગ્યાએ ભારે પોલીસ ફોર્સ ખડકી દેવામાં આવી છે.

આ પણ વાંચો: બોરસદના નાપા તળપદમાં ડૉ. આંબેડકરની પ્રતિમા ખંડિત કરાતા હોબાળો

મહિલાના પતિએ 7 ડિસેમ્બર, 2024ના રોજ પોલીસમાં ફરિયાદ નોંધાવી હતી કે તેનો નવજાત પુત્ર ઘરેથી ગુમ થયો હતો અને તેને તેની પત્નીની મિલીભગતથી કંઈક ખોટું થયું હોવાની શંકા હતી. પતિ-પત્ની બંને મજૂરી કરે છે અને તેમને પાંચ બાળકો છે. ઓછી આવકના કારણે દંપતીને ઘર ચલાવવામાં મુશ્કેલી પડી રહી હતી.

આ પણ વાંચોઃ દલિત હોવાને કારણે 6 વર્ષના બાળક પાસે શિક્ષિકાએ ટોઈલેટ સાફ કરાવ્યું

મીડિયા રિપોર્ટ મુજબ બાળકના પિતાએ પોલીસને જણાવ્યું કે, “મારા પર 3 લાખ રૂપિયાથી વધુની લોન છે અને મારી પત્નીએ થોડા દિવસો પહેલા મને સૂચન કર્યું હતું કે લોનની ચુકવણી કરવા માટે આપણે આપણા નવજાત બાળકને એક નિઃસંતાન દંપતીને વેચી દઈએ, પરંતુ મેં સ્પષ્ટ ના પાડી દીધી અને કહ્યું કે તેણે આવું ક્યારેય ન વિચારવું જોઈએ.”

તેણે વધુમાં જણાવ્યું હતું કે, “5 ડિસેમ્બરની સાંજે હું કામ પરથી ઘરે પાછો આવ્યો અને જોયું કે મારો પુત્ર ગુમ હતો. જ્યારે મેં પૂછપરછ કરી તો મારી પત્નીએ મને કહ્યું કે તેને સ્વાસ્થ્ય સંબંધી કેટલીક સમસ્યાઓ હતી અને તેણે તેને એક સંબંધી પાસે રાખ્યો હતો. આ વાત માનીને હું કામ પર ગયો અને રાત્રે પાછો આવ્યો, પરંતુ મારી પત્નીએ તે જ વાતનું પુનરાવર્તન કર્યું, પરંતુ આ વખતે મને શંકા હતી."

ફરિયાદીએ જણાવ્યું હતું કે, “જ્યારે મને શંકા થઈ, ત્યારે મેં મારી પત્ની પાસે એ ડૉક્ટર અથવા સંબંધીનો નંબર માંગ્યો કે જેમની પાસે મારો પુત્ર હતો, પરંતુ તેણીએ ના પાડી. જેના કારણે અમારી વચ્ચે ઝપાઝપી થઈ.” ફરિયાદ બાદ મહિલા પોલીસ બાળકની માતાને મળવા ગઈ હતી. રિપોર્ટ અનુસાર, એક તપાસ અધિકારીએ કહ્યું, “આરોપીઓએ બાળક તેના સંબંધી પાસે હોવાનું કહીને ગેરમાર્ગે દોરવાનો પ્રયાસ કર્યો હતો. જો કે, આ પછી મહિલાએ કબૂલાત કરી હતી કે તેણે તેનું બાળક બેંગલુરુની એક મહિલાને 1.5 લાખ રૂપિયામાં વેચ્યું હતું.

આ પણ વાંચોઃ માથાભારે તત્વોના ત્રાસના કારણે 40 દલિત બાળકોએ ભણતર છોડી દીધું

તમિલનાડુના જાહેર બાંધકામ વિભાગના મંત્રી ઈ.વી. વેલુએ ગઈકાલે એક પ્રેસ કોન્ફરન્સ દરમિયાન જાહેરાત કરતા કહ્યું હતું કે, "આ કાર્યક્રમને લઈને તમામ તૈયારીઓ પૂર્ણ થઈ ગઈ છે અને મુખ્યમંત્રી સ્ટાલિન આજે કોટ્ટાયમ પહોંચશે," વેલુએ કેરળના દેવસ્વમ અને પોર્ટ મંત્રી વી.એન. વસવન સાથે મળી મીડિયાને આ કાર્યક્રમની રૂપરેખા આપી હતી.

મંત્રી વેલુ છેલ્લા ત્રણ દિવસથી આ સ્મારક અને પુસ્તકાલયની અંતિમ તૈયારીઓનું મોનિટરિંગ કરી રહ્યા હતા. આ કાર્યક્રમમાં કેરળના મંત્રી વી.એન. સહિત અનેક મહાનુભાવો પણ ભાષણો આપશે. જેમાં કેરળના મંત્રી વી.એન. વસવન, સાજી ચેરિયન અને તમિલનાડુના મંત્રીઓ દુરાઈમુરુગન, ઈ.વી. વેલુ અને એમ.પી. સામીનાથનનો સમાવેશ થાય છે. આ ઉપરાંત કેરળના મુખ્ય સચિવ શારદા મુરલીધરન, તમિલનાડુના મુખ્ય સચિવ એન. મુરુગાનંદમ અને કોટ્ટાયમના જિલ્લા કલેક્ટર જોન વી. સેમ્યુઅલ પણ હાજર રહે તેવી શક્યતા છે.

શું છે થંથાઈ પેરિયાર સ્મારક?

થંથાઈ પેરિયાર મેમોરિયલ અને પેરિયાર લાઇબ્રેરીને મહાન સમાજ સુધારક ઈ.વી.રામાસામી પેરિયારના સામાજિક ન્યાય અને સમાનતાને પ્રોત્સાહન આપવાના તેમના કાયમી વારસાને શ્રદ્ધાંજલિ તરીકે જોવામાં આવે છે. વૈક્કમ, જે સામાજિક ન્યાય આંદોલન માટે એક ઐતિહાસિક મહત્વનું સ્થાન છે ત્યાં આ સ્મારક બની રહ્યું છે. કોટ્ટાયમ સ્થિત પેરિયાર સ્મારક અને પુસ્તકાલય રૂ. 10 કરોડના ખર્ચે પુનઃનિર્મિત કરવામાં આવ્યું છે. આ સ્મારક સામાજિક ન્યાય માટે પેરિયારના સંઘર્ષ અને તેમની જીતને દર્શાવે છે.

70 એકર જમીનમાં ફેલાયેલા આ સ્મારક કમ લાઈબ્રેરીમાં એક કાયમી ફોટો પ્રદર્શન હોલ, એક વિશાળ પુસ્તકાલય, એક ગેસ્ટ હાઉસ, બાળકો માટે પાર્ક અને પેરિયારની બેઠેલી અવસ્થામાં મૂર્તિ હશે. ઉદ્ઘાટન સમારોહ વૈકમ વિરોધની શતાબ્દિ મહોત્વ સાથે મેળ ખાય છે, જે સામાજિક ન્યાયના સંઘર્ષમાં એક મહત્વની ઘટના છે. કેરળના મુખ્યમંત્રી પી. વિજયન આ કાર્યક્રમમાં ખાસ સંબોધન કરશે. જ્યારે તમિલનાડુની આખી સરકાર કાર્યક્રમમાં ભાગ લેશે. આ પહેલીવાર બની રહ્યું છે કે, પેરિયારનું સ્મારક કેરળમાં બની રહ્યું હોવા છતાં તેનું ઉદ્ઘાટન કરવા માટે તમિલનાડુના મુખ્યમંત્રી આવી રહ્યાં છે. આ પેરિયારની વિચારધારામાં જ શક્ય બની શકે.

આ પણ વાંચો: બ્રાહ્મણવાદ સામેની લડાઈમાં કેવી રીતે ઉપયોગી છે પેરિયારનું ‘સાચી રામાયણ’ પુસ્તક?

મામલો શું હતો?
અલ્હાબાદ હાઈકોર્ટના ન્યાયાધીશ જસ્ટિસ શેખર કુમાર યાદવે 9 ડિસેમ્બર, 2024ના રોજ વિશ્વ હિન્દુ પરિષદ (VHP) દ્વારા આયોજિત એક કાર્યક્રમમાં નિવેદન આપ્યું હતું, જેના કારણે દેશવ્યાપી વિવાદ સર્જાયો હતો. તેમણે કહ્યું, “આ ભારત છે અને તે ભારતમાં રહેતા બહુમતીઓના હિસાબે ચાલશે. આ કાયદો છે અને તે બહુમતીના હિસાબે કામ કરશે.” જસ્ટિસ યાદવનું આ નિવેદન તરત જ ચર્ચામાં આવ્યું કારણ કે તેમાં તેમણે બહુમતી સમાજની ઇચ્છાને દેશના કાયદા અને બંધારણનો આધાર ગણાવ્યો હતો. આ નિવેદન માત્ર બંધારણ અને ન્યાયતંત્રની નિષ્પક્ષતા પર જ સવાલો ઉઠાવતું નથી પરંતુ હાઈકોર્ટના જજ માટે તેને ગેરબંધારણીય પણ માનવામાં આવે છે.

સુપ્રીમ કોર્ટે તરત મામલો હાથમાં લીધો
આ વિવાદ બાદ સુપ્રીમ કોર્ટે જસ્ટિસ શેખર કુમાર યાદવના ભાષણની નોંધ લીધી છે અને મામલાની તપાસનો આદેશ આપ્યો છે. કોર્ટે અલાહાબાદ હાઈકોર્ટ પાસેથી ન્યાયાધીશના ભાષણની સંપૂર્ણ વિગતો માંગી છે જેથી તે નક્કી કરી શકાય કે નિવેદન ન્યાયતંત્રની સ્વતંત્રતા અને નિષ્પક્ષતાના સિદ્ધાંતોનું ઉલ્લંઘન કરે છે કે કેમ. સુપ્રીમ કોર્ટનું આ પગલું આ મામલાની ગંભીરતા દર્શાવે છે અને સ્પષ્ટ કરે છે કે ન્યાયતંત્રમાં કોઈપણ પ્રકારનું પક્ષપાતી નિવેદન સ્વીકાર્ય નથી.
રાજકીય અને સામાજિક વર્તુળોમાં ભારે ટીકા થઈ
જસ્ટિસ યાદવના ભાષણે માત્ર સુપ્રીમ કોર્ટમાં જ નહીં પરંતુ રાજકીય વર્તુળોમાં પણ હોબાળો મચાવ્યો હતો. AIMIMના સુપ્રીમો અસદુદ્દીન ઓવૈસી (Asaduddin Owaisi) એ જજ વિરુદ્ધ કાર્યવાહીની માંગ કરતી નોટિસ પર સહી કરી હતી. ઓવૈસીએ પોતાની ટિપ્પણીમાં કહ્યું કે જસ્ટિસ યાદવનું આ નિવેદન બંધારણની વિરુદ્ધ છે અને તે ગેરબંધારણીય અભિગમને પ્રોત્સાહન આપે છે.

સીપીઆઈ નેતા વૃંદા કરાતે (Vridha Karat) પણ જસ્ટિસ યાદવના ભાષણને બંધારણ પર હુમલો ગણાવ્યો હતો અને ઉચ્ચ સ્તરીય તપાસની માંગ કરી હતી. કરાતે કહ્યું કે જે લોકો આવા પક્ષપાતી વિચારોનું સમર્થન કરે છે તેમના માટે ન્યાયતંત્રમાં કોઈ સ્થાન ન હોવું જોઈએ.

સામાજિક સંસ્થાઓએ પણ ટીકા કરી
સામાજિક ન્યાય માટે કામ કરતી સંસ્થા “કોઓર્ડિનેશન ઑફ જસ્ટિસ ફોર એલિયન રિજેક્ટર્સ” (CJAR) એ પણ જસ્ટિસ શેખર યાદવના ભાષણ પર ચિંતા વ્યક્ત કરી છે. સંગઠને સુપ્રીમ કોર્ટને જસ્ટિસ યાદવ સામે ઇન-હાઉસ તપાસ શરૂ કરવા વિનંતી કરી હતી. સંગઠને એમ પણ કહ્યું કે જ્યાં સુધી આ તપાસ પૂર્ણ ન થાય ત્યાં સુધી જસ્ટિસ યાદવ પાસેથી તેમની ન્યાયિક ફરજો પરત ખેંચી લેવી જોઈએ. તેમના નિવેદનથી સ્પષ્ટ છે કે તેઓ ન્યાયિક કાર્યવાહીમાં નિષ્પક્ષતા જાળવી શકતા નથી.

સિટીંગ જજ આવું નિવેદન આપે તે કેવી રીતે ચલાવી લેવાય?
જસ્ટિસ શેખર યાદવના નિવેદન બાદ સવાલ ઉઠવા લાગ્યા છે કે શું કોઈ જજને આવા પક્ષપાતી વિચારો જાહેરમાં વ્યક્ત કરવાનો અધિકાર હોવો જોઈએ. તેમનું નિવેદન ભારતના બિનસાંપ્રદાયિક અને લોકશાહી સિદ્ધાંતોની વિરુદ્ધ હોવાનું જણાય છે, કારણ કે બંધારણ દરેક વ્યક્તિને તેમની ધાર્મિક માન્યતાઓને ધ્યાનમાં લીધા વિના સમાજમાં સમાનતાની ખાતરી આપે છે. જસ્ટિસ યાદવનું આ નિવેદન ન માત્ર ન્યાયતંત્રની સ્વતંત્રતાના સિદ્ધાંતને પડકારે છે પરંતુ તે

લોકશાહીમાં વૈવિધ્યતાના અભિગમની પણ વિરુદ્ધ છે.
હવે અલાહાબાદ હાઈકોર્ટના જજ દ્વારા આપવામાં આવેલા આ નિવેદનને લઈને કોર્ટમાં ચર્ચા ચાલી રહી છે. સુપ્રીમ કોર્ટે આ મામલાની તાત્કાલિક નોંધ લીધી છે અને તપાસ શરૂ કરવાની પ્રક્રિયા ઝડપી બનાવી છે. હવે જોવાનું એ રહે છે કે જસ્ટિસ યાદવ સામે શું પગલાં લેવામાં આવે છે અને ન્યાયતંત્રમાં આવો વિચાર રાખનારાઓ માટે કોઈ સજા નક્કી કરવામાં આવશે કે કેમ.

બંધારણ અને ન્યાયતંત્ર પર સવાલો ઉભા થયા
આ મામલાએ ફરી એકવાર બંધારણ અને ન્યાયતંત્રની ભૂમિકા પર સવાલો ઉભા કર્યા છે. શું ન્યાયાધીશને કોઈ ચોક્કસ સમુદાય વિરુદ્ધ જાહેરમાં નિવેદન આપવાનો અધિકાર હોવો જોઈએ? શું આવા નિવેદનો ભારતના ધર્મનિરપેક્ષતાના સિદ્ધાંતોનું ઉલ્લંઘન નથી કરતા? આ સવાલોના જવાબ આવનારા સમયમાં કોર્ટના નિર્ણય પરથી મળી જશે, જે ભારતીય ન્યાય વ્યવસ્થા માટે મહત્વનું ઉદાહરણ બની શકે છે.

આ પણ વાંચોઃ VHPના કાર્યક્રમમાં પહોંચ્યા હાઈકોર્ટના સિટિંગ જજ, કહ્યું - દેશ બહુમતીના હિસાબે ચાલશે

એસપી અનિલ કુમારે જણાવ્યું કે આ કેસ 4 જુલાઈએ સ્વરૂપગંજ પોલીસ સ્ટેશનમાં નોંધવામાં આવ્યો હતો. અચપુરાના રહેવાસી અશોક કુમારે રિપોર્ટ નોંધાવ્યો અને કહ્યું કે દલાલે તેના લગ્ન અન્ય સમાજમાં કરાવ્યા હતા. તેના બદલામાં 2.5 લાખ રૂપિયા લીધા હતા. દલાલે પંઢરી, અમરાવતી મહારાષ્ટ્રમાં સંબંધ ગોઠવ્યો હતો. પછી સુષ્મા અભ્યંકર નામની છોકરી સાથે મુલાકાત કરાવી હતી. 5 મે, 2024ના રોજ અમરાવતીની સુષ્મા સહિત દલાલ અને તેના સંબંધીઓ સ્વરૂપગંજની એક હોટલમાં રોકાયા હતા. હોટલમાં દોઢ લાખ રૂપિયા લીધા. પછી કાશી વિશ્વનાથ મંદિર કાસિન્દ્રા ગયા. ત્યાં સુષ્મા સાથે હિંદુ રીતિ-રિવાજ મુજબ લગ્ન થયા હતા.

પીડિત અશોકે જણાવ્યું કે દુલ્હનના કહેવા પર તેણે બાબા બાગેશ્વર ધામ જવાની યોજના બનાવી. 26મીએ આબુ રોડથી જયપુર ગયો હતો. ટ્રેન દ્વારા ખજૂરાહો થઈને બાગેશ્વરધામ પહોંચ્યા હતા. ત્યાંથી અજમેર-પુષ્કર પરત ફર્યા. ત્યારબાદ સાલાસર બાલાજી ધામના દર્શન કરવા ગયા હતા. જ્યાં દર્શન કર્યા બાદ સુષ્મા દુકાનમાં ખરીદી કરતી વખતે ભાગી ગઈ હતી. આખી ટોળકીએ તેની સાથે છેતરપિંડી કરીને લગભગ ચાર લાખ રૂપિયા પડાવી લીધા હતા.

એસપી અનિલ કુમારની સૂચનાથી વિશેષ ટીમને જવાબદારી સોંપવામાં આવી હતી. વિશેષ ટીમે કન્યા સુષ્મા (26) કૈલાશ સુખદેવ અગ્રવાલ (62) સિંધુ વિલાસરાવ ઇગડે અને રાજકન્યા વિજય ટેલમોરની ધરપકડ કરી હતી. ચારેય આરોપીઓની ધરપકડ કરીને સોમવારે સાંજે કોર્ટમાં રજૂ કરવામાં આવ્યા હતા, જ્યાંથી તેમને જેલ હવાલે કરાયા હતા.

આ પણ વાંચોઃ ડાકોરના રણછોડજી મંદિરમાં મંગળા આરતી વખતે ભક્તો વચ્ચે મારામારી

ફાર્માસ્યુટીકલ પાર્ટસ, ઓઈલ એન્જિન, બ્રાસપાર્ટ સહિતના 55 હજાર ઉદ્યોગોને સરકારની નીતિને કારણે મૃત્યુ ઘંટ વાગી રહ્યો છે. હીરાના હજારો એકમો બંધ છે. વેપારી અને સાહસી લોકોના કારણે લઘુ, સૂક્ષ્મ અને મધ્યમ ઉદ્યોગ ક્ષેત્રે ગુજરાત દેશમાં પાંચમાં ક્રમે અને સ્ટાર્ટઅપ ક્ષેત્રે પ્રથમ ક્રમે છે, નહીં કે સરકારના કારણે.

ગુજરાતમાં જુલાઈ 2020થી 2024ના 4 વર્ષમાં 4,861 મધ્યમ, નાના, લઘુ ઉદ્યોગો એમએસએમઈ બંધ થયા છે. જેમાં 5876 માઈક્રો, 89 સ્મોલ અને 7 મિડિયમ એકમો બંધ થયા હતા. જે દેશના ત્રીજા નંબરે મહારાષ્ટ્ર અને તમિલનાડુ બાદ ગુજરાતમાં ઉદ્યોગો મંદીના ઝપેટમાં છે. સરકારના એમએસએમઈ મંત્રાલયના જણાવ્યા મુજબ, આમ વાઈબ્રન્ટ ગુજરાતમાં રોજના ત્રણથી ચાર ઉદ્યોગ માંદા પડી રહ્યાં છે. સરકારી દાવા પ્રમાણે ગુજરાતમાં 19.60 લાખ એકમોની નોંધણી થઈ હતી. જેમાં 1.07 કરોડ લોકોને રોજગારી મળતી હોવાનું સરકાર અગાઉ જાહેર કર્યું હતું.

38 હજાર ફેક્ટરીઓમાંથી 9800 બંધ પડી

4 વર્ષમાં દેશમાં 49,342 એકમોને તાળાં વાગ્યા છે. 2022-2023માં ઉત્પાદન ક્ષેત્રમાં લગભગ 1 કરોડ 78 લાખ કારખાના ચાલતા હતા. જે 2015-16માં 1 કરોડ 97 લાખ હતા. 9.3 ટકા ઓછા થયા હતા. તેમાં કામ કરતા લોકોની સંખ્યામાં 15 ટકા ઘટી હતી. 2014માં ગુજરાતમાં લગભગ 3 લાખ નોંધાયેલા નાના અને મધ્યમ ઉદ્યોગો હતા જેમાં લગભગ 95 ટકા નોંધણી થયા વગરના હતા. 9 ટકા નાના અને મધ્યમ ઉદ્યોગો બંધ પડી ગયા હતા. 2021માં જીઆઈડીસીમાં આવેલા 1500 ઉદ્યોગો બંધ પડી ગયા હતા. 2024માં ઈન્ડસ્ટ્રીયલ ડાયરેક્ટરની વેબસાઈટ પ્રમાણે 48 હજાર નોંધાયેલી ફેક્ટરીઓમાંથી 38 હજાર ફેક્ટરી ચાલુ હતી અને 9800 ફેક્ટરીઓ બંધ પડી છે.

ગુજરાતમાં કુલ આશરે પાંચ લાખ એકમો છે જેમાં 70 હજાર એકમ જીઆઇડીસીમાં આવેલા છે. ગુજરાતમાં જ ઔદ્યોગિક વસાહતોમાં 8500 પ્લોટ અને 500 શેડ ખાલી પડેલા છે. જ્યારે 2200 ઉદ્યોગો બંધ હાલતમાં છે. 36000 હેક્ટર જગ્યામાં 228 ઔધોગિક વસાહતો છે. 1 લાખ હેક્ટરમાં 500થી વધુ ખાનગી વસાહતો છે.

2024 ફેબ્રુઆરીમાં 2020થી ફેબ્રુઆરી 2024 સુધીમાં ભારતમાં 3 કરોડ 70 લાખ નાની અને મધ્યમ કદની ફેક્ટરીઓમાંથી 35,680 ફેક્ટરીઓ બંધ થઈ છે. જેમાં 2022-23માં 13,290 એકમો બંધ થયા હતા. 2021-22 માં 6,222 બંધ થયા હતા. જેમાં ગુજરાતમાં 3,243 નાના એકમો બંધ થયા હતા. 34 હજાર ઉદ્યોગો બંધ થવાના કારણે 17 કરોડ નોકરીઓમાંથી 1 લાખ 20 હજાર લોકોએ નોકરી ગુમાવી હતી.

ગુજરાતમાં સ્ટીલના 30-35 ટકા એકમો બંધ થયા

ઓક્ટોબરને મીની મંદીનો મહિનો તરીકે ગણવામાં આવે છે. ઓક્ટોબર મહિનો એપ્રિલ 2020 પછીનો સૌથી ખરાબ જોવાયો છે. સ્ટેનલેસ સ્ટીલના દેશમાં 80 ટકા એમએસએમઈ ગુજરાતમાં છે. 30-35 ટકા એકમોએ ધંધો બંધ કરવામાં આવ્યા હતા. અલંગમાં પણ આવી જ હાલત છે. અમદાવાદની 80 ઇન્ડક્શન ફર્નેસ કંપનીઓમાંથી 20 કંપનીઓએ બિઝનેસ બંધ કરી દીધો છે. તે જ સમયે સસ્તી આયાતને કારણે 100થી વધુ રી-રોલર (વાસણો જેવી વિવિધ વસ્તુઓના નિર્માતાઓ) બંધ થઈ ગયા છે. 

કાપડ ઉદ્યોગમાં ઉત્પાદન 40 ટકા સુધી ઘટ્યું

2023માં સુરત અને અમદાવાદમાં વિશ્વમાં કાપડ ઉદ્યોગ સારો વ્યવસાય કરતો હતો તેમ છતાં દક્ષિણ ગુજરાતમાં 400 ટેક્સટાઇલ પ્રોસેસીંગ યુનિટમાંથી રૂ.5 કરોડનું 1 લાખ મીટર કાપડ બનાવતાં 20 મોટા યુનિટ બંધ થઈ ગયા હતા. 2023માં ગુજરાતમાં સુરત કાપડ ઉદ્યોગના ઉત્પાદનમાં 30-40% ઘટાડો થયો હતો. ઉત્પાદન અને રોજગારીમાં 50 ટકાનો કાપ મૂક્યો હતો. તમિલનાડુમાં તિરૂૂપુર પછી સુરત એ ભારતનું બીજું સૌથી મોટું રૂૂ.80 હજાર કરોડનું કાપડ ઉત્પાદન કેન્દ્ર છે. 20 લાખ બહારના રાજ્યના મજુરોને રોજગારી આપે છે. 4.5 કરોડ મીટર કાપડની સામે 2.5 કરોડ મીટર પ્રતિદિન થઈ ગઈ હતી. સુરતમાં અંદાજે 50 હજાર કાપડ ઉત્પાદન એકમો છે. ઉદ્યોગમાં એકંદર ઉત્પાદન લગભગ 30% ઘટ્યું છે.

હીરાના 60 લાખમાંથી 50 ટકા લોકો બેકાર બન્યાં

સુરતની હીરા બનાવતી કંપનીમાં 4 ડિસેમ્બર 2024માં મારૂતિ ઈમ્પેક્ષ કંપનીમાં 15 હજાર કર્મચારીઓને છૂટા કરવામાં આવ્યા હતા. મારૂતિ ઈમ્પેક્ષના માલિક સુરેશ ભોજપરાને બ્રેઈન સ્ટ્રોક આવ્યો હતો. 2023 ઓક્ટોબરમાં બોટાદમાં 20 ટકા મંદીને કારણે 40 ટકાથી વધુ હીરાના કારખાના બંધ થઈ ગયા હતા.

સુરતમાં 6 લાખ ડાયમંડ પોલિમર્સ છે અને 5 હજાર નાની, મધ્યમ અને મોટી ફેક્ટરી છે. એક યુનિટમાં 10 લોકોને રોજગારી મળતી હોય છે. સુરતમાં પણ આવી જ હાલત હતી. હીરાના કારખાનામાં કામ કરતા 60 લાખ લોકોમાંથી 50 ટકા બેકાર બની ગયા હતા. સુરત વિશ્વના 85% હીરા બનાવે છે. સુરત ડાયમંડ બોર્સનું ઉદઘાટન 17મી ડિસેમ્બર 2023ના રોજ વડાપ્રધાન નરેન્દ્ર મોદી દ્વારા કર્યું હતું. ત્યારથી ભારે મંદી ચાલી રહી છે. 4,200 ઓફિસ રૂમ સાથે વિશ્વનું સૌથી મોટું ઓફિસ કોમ્પ્લેક્સ તો બન્યું પણ મંદીએ કમર તોડી છે.

હીરાના 75 ટકા નાના એકમો હજુ શરૂ થયા નથી

ડિસેમ્બર 2024 સુધીમાં દિવાળી બાદ 50 ટકા કારખાના શરૂ થયા નથી. કુદરતી હીરાના કુલ 75 ટકા સુધી નાના ઉદ્યોગો ફરીથી શરૂ થયા નથી. 2 વર્ષથી મંદી હોવાથી હીરાના ભાવમાં 40 ટકા ઘટાડો થયો છે. પ્લાસ્ટિકના વપરાશ પર પ્રતિબંધ પછી 2 હજાર નાના ઉદ્યોગો બંધ થયા હતા. 50 હજાર લોકોને રોજગારી પર અસર થઈ હતી. મોટા ભાગના એકમો પંચમહાલ જિલ્લાના હાલોલ, વડોદરા અને વાઘોડિયાના છે.

દેશમાં 30 હજાર એકમો પ્લાસ્ટિક ઉત્પાદન કરે છે. જેમાં 90% નાના એકમો છે. જેમાંથી ૠીષફફિિં માં 10 હજાર એકમો છે. જેમાંથી લગભગ 80% નાના પાયાના ક્ષેત્રમાં છે જે લગભગ રૂૂ. 10 હજાર કરોડનું વાર્ષિક ટર્નઓવર ધરાવે છે. દેશમાં કુલ ટર્નઓવર 38,500 કરોડ રૂૂપિયા છે. જેમાં ભારે મંદી છે. 50 હજાર લોકોને સીધી રોજગારીની અસર થઈ રહી છે.

દિવાળી બાદ 70 હજાર વતનથી પરત ફર્યા જ નથી

ગુજરાત ડાયમંડ વર્કર સંગઠનના ભાવેશ ટાંકે નવેમ્બરમાં જ ધ્યાન દોર્યું હતું કે, 10 મહિનામાં 50 હજાર કારીગરો સુરતમાં બેકાર થયા છે. સૌરાષ્ટ્રના 4 જિલ્લાઓ જેમાં અમરેલીમાં 1.5 લાખ, ભાવનગર 3.50 લાખ, જૂનાગઢ, બોટાદમાં 2 લાખ કારીગરો કામ કરતા હતા. જેમાં 1 લાખ બેકાર છે. સુરતથી એસટીની 1 હજાર બસમાં વતન ગયેલા 70 હજાર લોકો પરત ફર્યા નથી. બોટાદમાં 1,500 હીરાના કારખાનામાં 70 હજાર લોકો કામ કરતા હતા. 2 મહિનામાં 40 ટકાથી વધુ નાની અને મધ્યમ ફેક્ટરીઓ બંધ થઈ ગઈ હતી. બેકાર બનેલા 42 કારીગરોએ આત્મહત્યા કરી હતી. કુટુંબોની આર્થિક હાલત ખરાબ છે. અમરેલીમાં 960 કારખાના છે જેમાં 2024ની દિવાળી પછી 30 ટકા કારખાના ફરી શરૂૂ ન થતા 42 હજાર કારીગરોને અસર થઈ છે. સરકાર સમક્ષ મદદ માટે માંગણી કરી છે. પણ સરકારે કોઈ મદદ કરી નથી. 2023માં 5.1% વૃદ્ધિ થવાની ધારણા હતી, પણ ઉદ્યોગ પર આફત આવી હતી. 5 મહિનામાં 30થી વધુ હીરાના કારીગરોએ પોતાનો જીવ લીધો છે. 2 મહિનાથી હીરાના કારખાના બંધ રાખવા પડ્યા હતા. હીરાની નિકાસ ત્રણ મહિનામાં રૂ. 77,500 કરોડથી ઘટીને રૂ. 60,222 કરોડ થઈ હતી.

1800 કંપનીઓ બંધ

2020 એપ્રિલથી 29 નવેમ્બર, 2021 સુધી 1,938 કંપનીઓએ સમગ્ર ગુજરાતમાં શટર ડાઉન કર્યા છે. પ્રવાસન અને પર્યટન ક્ષેત્રની કંપનીઓ હતી. કોવીડના કારણે બંધ થઈ છતાં સરકારે કોઈ મદદ ન કરી. 2023 જૂન સુધીમાં ગુજરાતમાં 100 કાગળ મીલોમાંથી 20 મિલો 6 મહિનામાં બંધ હતી. મોરબી, અમદાવાદ, સુરત, વાપીમાં બંધ થઈ ગઈ છે. જેનાથી 26 હજાર લોકો બેકાર થઈ ગયા છે. મિલો 3 લાખ મેટ્રિક ટનની માંગ હતી. 50 ટકા ઉત્પાદન ઘટાડી દીધું છે. ગુજરાત અને મહારાષ્ટ્રની નિકાસ વાર્ષિક 1.50 લાખ ટન હતી, જે ઘટીને 30,000 ટન થઈ ગઈ છે. નિકાસ સ્થળો ચીન, મધ્ય પૂર્વ વગેરે હતા. એક એક પેપર મિલ 300 લોકોને સીધી રોજગાર અને 1,000 લોકોને આડકતરી રોજગારી પૂરી પાડે છે. એક મિલનું રોજનું ઉત્પાદન 150 ટન છે. પેપરને પેકેજિંગ મટિરિયલ્સ માટે વપરાય છે. વાપીમાં બે મહિનામાં ચાર મિલો બંધ થઈ ગઈ છે.ૠીષફફિિં માં વાપી અને મોરબીમાં પેપર મિલો આવેલી છે. 100 પેપર મિલોમાંથી 20 વલસાડ જિલ્લાના વાપી જીઆઇડીસીમાં હતી.

શિક્ષિત બેરોજગારોમાં છ ટકાનો વધારો

મોદી રાજના 10 વર્ષમાં શિક્ષિત બેરોજગારોમાં છ ટકાનો વધારો થયો છે. ઈન્ડિયા એમ્પ્લોયમેન્ટ રિપોર્ટ 2024માં સ્પષ્ટ કહેવાયું છે કે, ભારતમાં શિક્ષિત યુવાનોમાં બેરોજગારી વધી છે. માધ્યમિક કે તેથી વધુ શિક્ષણ ધરાવતા બેરોજગાર યુવાનોની સંખ્યામાં વધારો થયો છે. બેરોજગારીમાં શિક્ષિત યુવાનોનો હિસ્સો 54.2 ટકા હતો, જે 2022માં વધીને 65.7 ટકા થયો હતો.

આ પણ વાંચો: ઓક્ટોબરમાં બેરોજગારી દર વધીને બે વર્ષની સર્વોત્તમ સપાટી 10.09 ટકાએ પહોંચ્યો - રિપોર્ટ

તેમણે જસ્ટિસ કૃષ્ણ અય્યર મેમોરિયલ લેક્ચરમાં કહ્યું કે, “અનામતનો વિચાર સૌથી નીચલા સ્તરના લોકો સુધી પહોંચવાનો હતો. પરંતુ EWS અનામતમાં આવી વિચારણાને ધ્યાનમાં રાખવામાં આવી ન હતી. આ સિવાય તેમણે સુપ્રીમ કોર્ટના આ ક્વોટાને યથાવત રાખવાના નિર્ણય પર પણ સવાલ ઉઠાવ્યા હતા. આ કેસમાં સર્વોચ્ચ અદાલતની 5 સભ્યોની બેન્ચે 3-2ની બહુમતીથી ક્વોટાને યથાવત રાખ્યો હતો. તેમણે કહ્યું, 'આર્થિક માપદંડો પર આધારિત આ નિર્ણય ન તો બંધારણીય કાયદામાં યોગ્ય છે અને ન તો કોઈપણ પ્રકારના સિદ્ધાંતમાં યોગ્ય છે. આ હકીકતમાં કલમ 46ની વિરુદ્ધ છે. ચોક્કસપણે કલમ 15(1) અને 16(1)ની વિપરિત છે, જેવું અલ્પમતના ન્યાયાધીશ જસ્ટિસ ભટે માન્યું છે.”

જસ્ટિસ નરીમને કહ્યું કે, “આ 10 ટકા અનામતના દાયરામાંથી SC, ST અને OBCને જ બહાર રાખવામાં આવ્યા છે. આ બંધારણને જ માથાના ટેકે ઉભા કરવા જેવો નિર્ણય હતો. આ અનામતને સુપ્રીમ કોર્ટમાં પડકારવામાં આવી હતી અને એવી દલીલ કરવામાં આવી હતી કે 10 ટકા EWS ક્વોટા 50 ટકાની મર્યાદા કરતાં વધી જાય છે, જેને ખુદ સુપ્રીમ કોર્ટ દ્વારા જ નક્કી કરવામાં આવી હતી. પરંતુ 5-સભ્યની બંધારણીય બેન્ચે અનામતને એમ કહીને સમર્થન આપ્યું હતું કે, માત્ર આર્થિક માપદંડોના આધારે અનામતની 50% મર્યાદાને વટાવી દેવાથી બંધારણના મૂળભૂત માળખાનું ઉલ્લંઘન થતું નથી.”

જ્યારે અલ્પમતમાં રહેલા અન્ય બે ન્યાયાધીશો, રવિન્દ્ર ભટ અને તત્કાલીન સીજેઆઈ યુ યુ લલિતે અનામતની 50 ટકાની ની મહત્તમ મર્યાદાનું ઉલ્લંઘન કરવું અને SC/ST/OBC ના ગરીબોને EWS ક્વોટામાંથી બાકાત રાખવાના નિર્ણયને ખોટો ગણાવ્યો હતો. તેમણે કહ્યું હતું કે અનામતની 50 ટકાની મર્યાદા તોડવી યોગ્ય નથી. આ સિવાય સામાજિક રીતે પછાત લોકોને પણ આ અનામતના દાયરામાં સામેલ ન કરવા તે પણ ખોટું છે.

આ પણ વાંચો: EWS ક્વૉટાનો લાભ ફક્ત જનરલ કેટેગરીને જ કેમ?, મધ્યપ્રદેશ હાઈકોર્ટે કેન્દ્ર સરકાર પાસે જવાબ માંગ્યો

મળતી માહિતી પ્રમાણે 1983ની ભારતની પ્રથમ વર્લ્ડ કપ વિજેતા ટીમ વિનોદ કાંબલીની સંભાળ લેશે અને તેને પગભર કરવામાં મદદ કરશે. ક્રિકેટર સુનીલ ગાવસ્કર (Sunil Gavaskar) જેઓ આ ટીમના સભ્ય હતા તેમણે આ વાતની પુષ્ટિ કરી છે. 1983ની ટીમના કેપ્ટન કપિલ દેવે પણ આ વાતનો સંકેત આપ્યો હતો.

સુનીલ ગાવસ્કરે વિનોદ કાંબલીને પોતાનો પુત્ર ગણાવીને કાંબલીના ચાહકોને આશ્વસ્ત કર્યા કે 1983ની ટીમના સભ્યો તેમના વિનોદ કાંબલી સહિત અન્ય ક્રિકેટરોને મદદ કરવા માટે એકસાથે આવશે. ગાવસ્કરે ઓસ્ટ્રેલિયા સામે રમાઈ રહેલી ટેસ્ટ મેચ સિરીઝ દરમિયાન આ વાત કરી હતી.

આ વાતચીતમાં ગાવસ્કરે કહ્યું કે, 1983ની ટીમ યુવા ખેલાડીઓને લઈને ખૂબ જ સભાન છે. તે (વિનોદ કાંબલી) મારા માટે પૌત્ર જેવો છે. મને મદદ શબ્દ ગમતો નથી. 1983ની આખી ટીમ તેની કાળજી લેવા માંગે છે. અમે વિનોદ કાંબલીની સંભાળ રાખીશું અને તેને ફરી તેના પગ પર ઉભો થવામાં મદદ કરીશું.

સુનીલ ગાવસ્કરે વધુમાં કહ્યું, 'અમે એવા ક્રિકેટરોની સંભાળ લેવા માંગીએ છીએ જેઓ સંઘર્ષ કરી રહ્યા છે.' અગાઉ એવા અહેવાલો આવ્યા હતા કે કપિલ દેવ (Kapil Dev) પણ વિનોદ કાંબલીની મદદ કરવા માંગે છે. 1983નો વર્લ્ડ કપ જીતનાર ભારતીય ટીમના સભ્ય બલવિંદર સિંહ સંધુ (Balwinder Singh Sandhu)એ મીડિયા સાથેની વાતચીતમાં કહ્યું હતું કે, 83ની ટીમના કેપ્ટન કપિલ દેવે મને સ્પષ્ટ શબ્દોમાં કહ્યું છે કે, જો વિનોદ કાંબલી રિહેબમાં જવા માંગે છે તો અમે તેને આર્થિક મદદ કરવા તૈયાર છીએ. જો કે, તેણે પહેલા જાતે રિહેબ સેન્ટરમાં જવું પડશે. જો તે જાતે ત્યાં જશે તો અમે તેનો તમામ ખર્ચ ઉપાડવા તૈયાર છીએ. પછી સારવાર કેટલો સમય ચાલે છે તે મહત્વનું નથી.

કેવી છે વિનોદ કાંબલીની હાલત?

હાલમાં જ એક વીડિયો વાયરલ થયો હતો જેમાં વિનોદ કાંબલી બરાબર ચાલી શકતા ન હતા. તેને સંતુલન જાળવવામાં પણ મુશ્કેલી પડી રહી હતી. જેના કારણે તેમના ચાહકોમાં ચિંતા ફેલાઈ હતી. કહેવાય છે કે વિનોદ કાંબલી દારૂની લત સામે ઝઝૂમી રહ્યાં છે. કાંબલીના નજીકના મિત્ર માર્કસ કોઉટોએ તેમના સ્વાસ્થ્ય વિશે વાત કરી હતી. આ વાતચીતમાં તેણે જણાવ્યું કે તે ઘણી સ્વાસ્થ્ય સમસ્યાઓનો સામનો કરી રહ્યાં છે.

તેણે વધુમાં કહ્યું કે, તેના રિહેબમાં જવાનો કોઈ અર્થ નથી. કાંબલી 14 વખત રિહેબમાં ગયો છે! ત્રણ વાર અમે તેને વસઈમાં પુનર્વસન માટે લઈ ગયા હતા. હાલમાં જ વિનોદ કાંબલીનો સચિન તેંડુલકર સાથેનો એક વીડિયો વાયરલ થયો હતો. એમાં જેવો સચિન તેની પાસે આવે છે કે તરત કાંબલી તેનો હાથ પકડી લે છે અને થોડી સેકન્ડ માટે છોડતો નથી. જો કે, બાદમાં બાજુમાં બેઠેલો વ્યક્તિ આવીને તેમાં દરમિયાનગીરી છે. સચિન અને કાંબલીની આ મુલાકાત બાળપણના કોચ રમાકાંત આચરેકરની પ્રતિમાના અનાવરણ સમારોહમાં થઈ હતી. બંને ખેલાડીઓ રમાકાંત આચરેકરના શિષ્ય રહી ચૂક્યા છે. જો કે, સચિન જાતિના કારણે તેને સતત તકો મળતી ગઈ, જ્યારે કાંબલીને તેની દલિત જાતિના કારણે વર્ષ 1996ના વર્લ્ડ કપ બાદ કોઈ મોટી તક અપાઈ નહોતી અને તેની કરિયર ખતમ કરી દેવાઈ હતી. એ પછી કાંબલી તાણમાં આવી ગયા હતા અને દારૂની લતે ચડી ગયા હતા. તેમાંથી આ સમસ્યા ઉભી થઈ છે.

આ પણ વાંચો: વિનોદ કાંબલીના રેકોર્ડ સામે 'ક્રિકેટના ભગવાન' ક્યાંય પાછળ છે!

આ કાર્યક્રમમાં ઘણા વકીલો અને VHP કાર્યકર્તાઓ પણ હાજર રહ્યા હતા. તેમને સંબોધતા જસ્ટિસ શેખર કુમાર યાવદ(Justice Shekhar Kumar Yadav) એ વધુમાં કહ્યું કે, "અમે અમારા બાળકોને જન્મથી જ સહનશીલતા અને દયા શીખવીએ છીએ. અમે તેમને પ્રાણીઓ અને પ્રકૃતિને પ્રેમ કરવાનું શીખવીએ છીએ. બીજાના દુઃખ જોઈ અમને દુઃખ થાય છે. પણ તમને એવું નથી લાગતું. શા માટે... જ્યારે તમે પ્રાણીઓને તેમની સામે મારશો ત્યારે તમારું બાળક સહનશીલતા અને દયા કેવી રીતે શીખશે?"

એક મીડિયા રિપોર્ટ મુજબ તેણે ભારતની બહુમતી વસ્તી વિશે પણ વાત કરી હતી. જસ્ટિસ શેખર કુમારે કહ્યું, મને એ કહેવામાં કોઈ સંકોચ નથી કે આ ભારત છે અને તે પોતાની બહુમતી વસ્તીની ઈચ્છા પ્રમાણે ચાલશે.

આ પણ વાંચોઃ સુપ્રીમ કોર્ટના બે નિવૃત્ત જજો વિશ્વ હિંદુ પરિષદની બેઠકમાં શું કામ ગયા હતા?

હિંદુ રીતિ-રિવાજો અને મહિલાઓના આદર અંગે તેમણે કહ્યું હતું કે, "અમને એવી અપેક્ષા નથી કે તમે લગ્ન કરતી વખતે અગ્નિની આસપાસ સાત ફેરા લેશો. અમે અપેક્ષા નથી રાખતા કે તમે ગંગામાં ડૂબકી મારશો. પરંતુ અમે તમારી પાસેથી અપેક્ષા રાખીએ છીએ કે તમે દેશની સંસ્કૃતિ, દેવતાઓ અને મહાન નેતાઓનો અનાદર ન કરો. હિંદુ શાસ્ત્રો અને વેદોમાં દેવી ગણાતી સ્ત્રીનું તમે અપમાન ન કરી શકો."

ઉલ્લેખનીય છે કે, પ્રયાગરાજમાં VHP legal cell દ્વારા આ કાર્યક્રમનું આયોજન કરવામાં આવ્યું હતું. અહીં જસ્ટિસ શેખર કુમાર યાદવે 'UCCની બંધારણીય આવશ્યકતા' વિશે વાત કરી. એ દરમિયાન જસ્ટિસ શેખર કુમારે કહ્યું હતું કે, "તમે ચાર પત્નીઓ રાખવાનો, હલાલા કરવાનો અથવા ટ્રિપલ તલાકના હકનો દાવો ન કરી શકો. મહિલાઓને ભરણપોષણ આપવાનો ઇનકાર અને અન્ય પ્રકારનો અન્યાય કામ કરશે નહીં. શાહ બાનો કેસમાં સુપ્રીમ કોર્ટે પણ સંમતિ આપી હતી કે પીડિત છૂટાછેડા લીધેલી મુસ્લિમ મહિલાને ભરણપોષણ ભથ્થું આપવામાં આવે. પરંતુ તત્કાલીન કેન્દ્ર સરકારે કેટલાક લોકો સમક્ષ આત્મસમર્પણ કર્યું હતું."

જસ્ટિસ શેખર કુમારે વધુમાં કહ્યું કે હિંદુ સમાજે સતી પ્રથા અને બાળ વિવાહ સહિત અનેક ખરાબ પ્રથાઓમાંથી મુક્તિ મેળવી છે. ભૂલો સ્વીકારીને સમયસર સુધારી લેવામાં કંઈ ખોટું નથી. હિંદુ હોવાને કારણે તે પોતાના ધર્મનું સન્માન કરે છે. પરંતુ આનો અર્થ એ નથી કે તેમની અન્ય ધર્મો કે આસ્થાઓ પ્રત્યે દુર્ભાવના છે.

આ પણ વાંચોઃ "હું RSS નો સભ્ય હતો અને છું", નિવૃત્ત થઈ રહેલા જજ ચિત્તરંજન દાસ

UCC પર વાત કરતા તેણે કહ્યું, "યુનિફોર્મ સિવિલ કોડ (યુસીસી)ની હિમાયત કરનાર માત્ર RSS, VHP કે હિન્દુઓ જ નથી. દેશની સર્વોચ્ચ અદાલત પણ આનું સમર્થન કરે છે. જો કે, તેણે વધુમાં કહ્યું કે તેમણે જે કહ્યું તે કોઈ ખાસ ધર્મ માટે નથી. આ આપણા બધાં પર લાગુ પડે છે. દરેક ધર્મે પોતે બધી ખોટી પ્રથાઓથી દૂર રહેવું જોઈએ. જો તેઓ આમ નહીં કરે, તો દેશ તમામ નાગરિકો માટે સમાન કાયદા લાવશે."

તેમણે કહ્યું કે રાષ્ટ્રીય સ્વયંસેવક સંઘ (RSS) 2025માં તેનું શતાબ્દી વર્ષ ઉજવશે. સાથે જ એ પણ જણાવ્યું કે કેવી રીતે સંઘ પરિવાર અને તેની પાંખ VHP 'મહત્વપૂર્ણ મુદ્દાઓ' પર કામ કરી રહી છે. તેમણે અયોધ્યામાં રામ મંદિરના નિર્માણની પણ પ્રશંસા કરી હતી. તેમણે સ્પષ્ટ કર્યું કે હાઈકોર્ટના ન્યાયાધીશ તરીકે આ વાત કરવા પર તેમન કોઈ સવાલ નહીં કરી શકે. કારણ કે તેઓ કાયદાની વાત કરી રહ્યા છે અને મીડિયા આ ભાષણમાં જે ઈચ્છે તે છાપી શકે છે. આ કાર્યક્રમમાં અન્ય એક સિટીંગ જજ દિનેશ પાઠક પણ હાજર રહ્યા હતા. જો કે, તેમણે કાર્યક્રમનું ઉદ્ઘાટન કર્યું પરંતુ ત્યાં કોઈ ભાષણ આપ્યું ન હતું.

આ પણ વાંચોઃ નીચલી કોર્ટમાં બેઠેલાં નાના જજો દેશમાં આગ લગાડવા માંગે છે...

તાંત્રિક વિધિથી રૂપિયા ચાર ગણાં કરી દેવાની લાલચ આપતો

આરોપી નવલસિંહ ચાવડા પૈસાદાર લોકોને શીંશામાં ઉતારતો હતો અને તેમને તાંત્રિક વિધિ કરી રૂપિયા ચાર ગણાં કરી દેવાની લાલચ આપતો હતો. આ રીતે તેણે સુરેન્દ્રનગર અને અમદાવાદમાં અનેક લોકોને છેતર્યા હતા. અમદાવાદમાં તેણે એક ફેક્ટરીના માલિક સાથે ષડયંત્ર રચ્યું હતું. ફેક્ટરીના માલિકને તેણે તાંત્રિક વિધિના નામે સોડિયમ નોઇટ્રેટ નેનો 3 પીવડાવીને હત્યાનો પ્રયાસ કર્યો હતો. પોતાને મસાણી મેલડી માતાનો ભૂવો કહેતો નવલસિંહ આ રીતે અત્યાર સુધીમાં 12 લોકોને મોતને ઘાટ ઉતારી ચૂક્યો હતો, તેવી તેણે પોલીસ સમક્ષ કબૂલાત કરી હતી. છેલ્લે તેણે તાંત્રિક વિધિના નામે ફેક્ટરીના માલિકને લૂંટી લીધો હતો અને બાદમાં તેની હત્યાનો પ્રયાસ કર્યો હતો. જોકે, સરખેજ પોલીસ સમયસર પહોંચી જતા ફેક્ટરી માલિકનો આબાદ બચાવ થયો હતો.

મામલો શું હતો? 

અમદાવાદના સરખેજ વિસ્તારમાં રહેતા ચાંગોદરમાં એબીઆર કોસ્મેટિક ટ્રેડિંગ ફેક્ટરીના માલિક અભિજિત સિંહ રાજપૂતને કથિત ભૂવા નવલસિંહ ચાવડાએ તાંત્રિક વિધિ કરીને તેમના રૂપિયાના ચાર ગણા કરી આપવાની લાલચ આપી હતી. આ માટે નવલસિંહે ફેક્ટરીના માલિકને 1લી ડિસેમ્બરે બપોરે 3 વાગ્યે સનાથલ ખાતે રૂપિયા લઈને બોલાવ્યો હતો. ત્યારબાદ તાંત્રિક વિધિના નામે માલિકને ઝેરી પદાર્થવાળું પ્રવાહી ભેળવીને વિધિના બહાને પીવડાવી તેની હત્યાની યોજના ઘડી હતી. ફેક્ટરીના માલિકની હત્યા કરી નવલસિંહ બધાં રૂપિયા લઈ નાસી જવાની તૈયારીમાં હતો.

પરંતુ નવલસિંહના જ એક મિત્રએ પોલીસને આખા મામલાની જાણ કરી દેતા સરખેજ પોલીસ સમયસર ઘટના સ્થળે પહોંચી જતા ફેક્ટરીના માલિક અભિજિતસિંહનો જીવ બચી ગયો હતો. ચોંકાવનારી વાત એ છે કે નવલસિંહની ચાલમાં ફસાયેલો અભિજિતસિંહ તેનો કૌટુંબિક સંબંધી થાય છે.

મસાણી મેલડી નામે યુટ્યુબ ચેનલ ચલાવતો

પોલીસ તપાસમાં સામે આવ્યું કે, આરોપી ભૂવો નવલસિંહ મૂળ સુરેન્દ્રનગરના વઢવાણનો રહેવાસી હતો અને લોકોમાં પોતાનો પ્રભાવ ઉભો કરવા માટે થઈને મસાણી મેલડી નામની યુટ્યૂબ ચેનલ ચલાવતો હતો. જેમાં તે આ જ પ્રકારના તંત્ર વિદ્યા અને મેલડી માતાની શક્તિના વીડિયો બનાવી પોતાને શક્તિશાળી ભૂવા તરીકે સ્થાપિત કરતો હતો. યુટ્યૂબ ચેનલના તેના વીડિયો જોઈને અનેક લોકો તેના પ્રભાવમાં આવી જતા હતા. થોડા દિવસ પહેલાં જ તે અમદાવાદના વેજલપુરમાં રહેવા આવ્યો હતો. તે વઢવાણમાં મસાણી મેલડી માતાનો મઢ ચલાવતો હતો અને ત્યાં ભૂવા તરીકે તાંત્રિક વિધિ કરી લોકો સાથે છેતરપિંડી આચરતો હતો. યુટ્યૂબ ચેનલમાં તે તાંત્રિક વિદ્યા કરતા વીડિયો પણ શેર કરતો હતો.

ક્રાઈમ પેટ્રોલ શો જોઈને ગુનો શીખતો

સરખેજ પોલીસની પ્રાથમિક તપાસમાં ખુલાસો થયો છે કે આરોપી નવલસિંહ જાણીતો ટીવી શો ક્રાઈમ પેટ્રોલ નિયમિત રીતે જોતો હતો અને તેમાંથી જ તે સોડિયમ નાઈટ્રેટનો ઉપયોગ કરવાનું શીખ્યો હતો. તેણે કોઈ લેબમાંથી સોડિયમ નાઇટ્રેટ ખરીદ્યુ હતું. તે તાંત્રિક વિધિ કરી રૂપિયા ચાર ગણાં કરી દેવાની લાલચ આપી પૈસાદાર લોકોને મોટી રકમ લઈને અવાવરૂ જગ્યાએ બોલાવતો. જ્યાં તે વિધિના બહાને તેમને સોડિયમ નાઈટ્રેટ પીવડાવી દેતો, જેથી તે વ્યક્તિનું મોત થઈ જતું અને નવલસિંહ રૂપિયા લઈને ફરાર થઈ જતો. વિધિ પહેલા તે વ્યક્તિ પાસેથી મોતને લઈને ચિઠ્ઠી લખાવી લેતો હતો, જે પછી મરનાર વ્યક્તિના ખિસ્સામાં મૂકી હત્યાને આપઘાતમાં ખપાવી દેતો. આ રીતે તે 12 જેટલી હત્યાઓ કરી ચૂક્યો હોવાનું કબૂલ્યું હતું. તેણે અભિજિતસિંહ રાજપૂતને રૂ. 15 લઈને વિધિ માટે બોલાવ્યો હતો. જો કે તેના સાથીએ પોલીસને આખા મામલાની જાણ કરી દેતા નવલસિંહનો ભાંડો ફૂટી ગયો હતો અને સરખેજ પોલીસે તેને ઝડપી લીધો હતો. હવે તે ખુદ ગુના કબૂલ કર્યા બાદ વોમીટ થતા મોતને ભેટ્યો છે.

બહુજન સમાજે આમાંથી શું શીખવાનું છે?

આ ઘટનામાંથી બહુજન સમાજના લોકોએ એટલું જ શીખવાનું કે તાંત્રિક વિધિ એક પ્રકારની અંધશ્રદ્ધા છે, તેનાથી કદી કોઈનું ભલું કે બુરું કરી શકાય નહીં. તે મનુવાદીઓના ભગવાન જેવું જ છળકપટ છે. તેમાં પડવું નહીં, કહેવાતા ભૂવાઓ જો રૂપિયા ચાર ગણાં કરી શકતા હોય તો તેઓ ખુદ કેમ માંગતા ફરે છે? તેમનો પરિવાર કેમ કામ ધંધા કરીને ઘર ચલાવે છે. કેમ મુકેશ અંબાણી કે ગૌતમ અદાણી તેમનાથી વધારે પૈસાદાર છે? ઈશ્વરી શક્તિ જેવું કશું હોતું નથી, તમારે તમારો ઉદ્ધાર જાતે કરવાનો છે અને તેના માટે લક્ષ્ય નક્કી કરી યોગ્ય દિશામાં મહેનત કરીને ફળ મેળવી શકાય છે, નહીં કે નવલસિંહ જેવા ઢોંગી તાંત્રિકો કે ભૂવાઓ પાસે વિધિ કરાવવાથી

આ પણ વાંચો: વાસ્તુદોષ દૂર કરવાની વિધિના બહાને તાંત્રિકે પરિણીતા પર બળાત્કાર ગુજાર્યો

લિકર પરમિટમાં મહિલાઓનું પ્રમાણ 40 ટકા વધ્યું

અમદાવાદમાં 2019થી 2024ના મે સુધીમાં કુલ 14,132 લોકોની લિકર પરમિટ રિન્યૂ કરવામાં આવી હતી. તેમાં 8115 પુરૂષ અને 6257 મહિલા છે. એક દાયકા પહેલાં અમદાવાદમાં અપાતી લિકર પરમિટમાં 90 ટકા પરમિટ પુરૂષોને અપાતી હતી. પરંતુ મહિલાઓ પણ ધીરે ધીરે લિકર પરમિટ લેવા માંડી તેના કારણે રિન્યુઅલ અરજીઓમાં હવે પુરૂષોનું પ્રમાણ 60 ટકાથી ઓછું થઈ ગયું છે. જ્યારે મહિલાઓનું પ્રમાણ 40 ટકાથી વધારે છે.

છેલ્લાં બે વર્ષમાં બમણી મહિલાઓએ પરમિટ લીધી

અમદાવાદમાં મહિલાને લિકર પરમિટમાં વધારાના આંકડો ધ્યાન ખેંચનારો છે. 2019થી 2022 દરમિયાન છ વર્ષમાં કુલ 275 મહિલાઓને નવી લિકર પરમિટ અપાઈ હતી. જ્યારે છેલ્લાં 2 વર્ષમાં તેના કરતાં લગભગ બમણી મહિલાઓને લિકર પરમિટ અપાઈ છે. અમદાવાદમાં છેલ્લા એક દાયકામાં પરમિટ લેનારાંની સંખ્યામાં પણ જંગી વધારો થયો છે. અમદાવાદમાં 31મી ડિસેમ્બર 2013 સુધીમાં કુલ 11,890 લોકોને પરમીટ આપવામાં આવી હતી. છેલ્લા એક દાયકામાં રીન્યુઅલ લિકર પરમિટ સાથે કુલ 20,339 લોકો પાસે લિકર પરમિટ છે.

હોટલો કરોડોનો દારૂ વેચે છે

અમદાવાદ અને ગાંધીનગરમાં 25 જેટલી હોટલોને લિકર પરમિટ આપવામાં આવી છે. આ હોટલો સામાન્ય સંજોગોમાં 3 કરોડ રૂપિયાની આસપાસનો દારૂ વેચે છે. દિવાળીના તહેવારમાં 4 કરોડ રૂપિયાથી વધારેનો દારૂ વેચાયો હતો. અત્યારે પણ ઠંડીની સિઝન અને લગ્નની સિઝન ચાલુ હોવાથી લિકર પરમિટવાળી હોટલોનો ધંધો ધમધોકાર ચાલી રહ્યો છે. અત્યારે લિકર પરમિટ ધરાવતી હોટલોમાંથી દારૂ અને બિયર મોટા પ્રમાણમાં વેચાણ થઈ રહ્યા છે.

આ પણ વાંચો: આંધ્રપ્રદેશમાં માત્ર 99 રૂપિયામાં ઉચ્ચ ગુણવત્તાનો દારૂ મળશે

જે વડોદરાના કમાટી બાગના ઝાડ નીચે ફેંકાઈ દેવાયેલા સામાનને સમેટીને સજળ આંખોએ ડો.આંબેડકરે જાતિભેદ નાબૂદીનો કૃતસંકલ્પ કર્યો હતો તે સ્થળ આજે તો 'સંકલ્પ ભૂમિ' રૂપે ખ્યાત છે. આંબેડકરી તવારિખમાં મહત્વના સ્થાને રહેલા શહેર વડોદરાના અલકાપુરી વિસ્તારમાં આવેલા 'ડો.બી.આર. આંબેડકર ભવન' ખાતે ગઈકાલે 6 ડિસેમ્બર 2024ના રોજ મહામાનવ ડો. આંબેડકરના 68માં મહાપરિનિર્વાણ દિવસ નિમિત્તે બાબાસાહેબને સ્મૃતિવંદના અર્પણ કરવાની સાથે એક ખાસ પરિસંવાદ યોજાયો હતો.

આ કાર્યક્રમમાં પૂર્વ મેયર જીવરાજભાઈ ચૌહાણ, 'ભવન'ના પ્રમુખ શ્રી મણિભાઈ પરમાર, મેનેજિંગ ટ્રસ્ટી શ્રી પી.એમ.ચાવડા, પારૂલ યુનિવર્સિટીના ડો. જી.કે.વણકર, અગ્રીમ સાહિત્યકાર પ્રવીણ ગઢવી, વડોદરા મ્યુનિસિપલ કાઉન્સિલર્સ બહેનો - લીનાબેન મકવાણા અને રશ્મીબેન વાઘેલા, સેન્ટ્રલ યુનિવર્સિટી(ગુજરાત)ના ડો.રાજેશ મકવાણા, સરદાર પટેલ યુનિવર્સિટીના ડો.બલદેવ આગજા, યુવા દલિત લેખક મયૂર વાઢેર સાથે  પૂર્વ સંયુક્ત માહિતી નિયામક નટુભાઈ પરમારે 'ડો.આંબેડકર અને આજના રાજકીય પક્ષો' વિષય પર પોતાના વિચારો વ્યક્ત કર્યા હતા.

કાર્યક્રમમાં પ્રવીણ શ્રીમાળી, વસંત જાદવ, સાહિલ પરમાર, રમણ વાઘેલા, ગિરીશ સેંગાલ, અશોક વાણીયા, કે.પી.વાઘેલા, મુકેશ હેલૈયા, અજય ડાભી સહિત અનેક મહાનુભાવો, લેખકો, કવિઓ અને ડો.આંબેડકરના ચાહકો ઉપસ્થિત રહ્યાં હતા.

આ પણ વાંચો: અમદાવાદ ખાતે ‘દલિત સાહિત્ય અને ઉપેક્ષિત સમાજ’ વિષય પર રાજ્ય કક્ષાનો પરિસંવાદ યોજાયો

સૌથી મોટો કાર્યક્રમ આ વખતે સુરતમાં યોજાઈ રહ્યો છે. જ્યાં સ્વયં સૈનિક દળ (SSD) દ્વારા જંગી ભીમ રેલી અને મહા સલામીના કાર્યક્રમનું આયોજન કરવામાં આવ્યું છે. આ સિવાય એસએસડીના તમામ યુનિટ દ્વારા દરેક શહેરો, ગામડાઓમાં પણ આ જ પ્રકારના શ્રદ્ધાંજલિ કાર્યક્રમો યોજાશે.

સુરતના કાર્યક્રમની વાત કરીએ તો વહેલી સવારે 9 વાગ્યે ભીમ રેલીનું પ્રસ્થાન શ્યામધામ મંદિર કામરેજ રોડથી થશે. આ જંગી રેલીમાં એસએસડી રીતસરનું શક્તિ પ્રદર્શન કરશે. આ ભીમ રેલીમાં 500 જેટલી વોલ્વો બસ, 1400થી વધુ કાર અને 3000થી વધુ બાઈક તથા અન્ય વાહનો જોડાશે. રેલી સવારે 9 વાગ્યે શરૂ થશે. ત્યારબાદ વીઆઈપી સર્કલ મોટા વરાછા ખાતે મહા સલામીનો કાર્યક્રમ રાખવામાં આવ્યો છે. જ્યાં મહાનાયક ડો.આંબેડકરને ગુજરાતભરમાંથી આવેલા એસએસડીના કાર્યકરો અને ભીમયોદ્ધાઓ સલામી આપશે.

ત્યારબાદ બપોરે 2.00 વાગ્યાથી 4.00 વાગ્યા સુધી કેપિટલ ગ્રાઉન્ડ, વીઆઈપી સર્કલની બાજુમાં, મોટા વરાછા ખાતે જંગી મહાસભાનું આયોજન કરાયું છે. જેમાં પણ હજારો લોકો ઉમટી પડશે.

ઉલ્લેખનીય છે કે, એસએસડી ગુજરાત સહિત દેશભરમાં ડો.આંબેડકરની વિચારધારાનો પ્રચાર-પ્રસાર કરતું સૌથી મોટું સંગઠન છે. તેની સૌથી મોટી ખાસિયત એ છે કે, અહીં કોઈ નેતા નથી, સૌ કાર્યકરો છે અને એટલે જ તેના કાર્યક્રમોમાં હાજર રહેતો સ્વયંસેવક સ્વખર્ચે ત્યાં પહોંચે છે. SSD આ પ્રકારના કાર્યક્રમો દરમિયાન ભવિષ્યના કાર્યક્રમોની રૂપરેખા પણ આપતું હોય છે. એ મુજબ આગામી ચાર વર્ષમાં 6ઠ્ઠી ડિસેમ્બરના કાર્યક્રમો હવે ભૂજ, ગોધરા અને પાટણ ખાતે યોજાશે. જ્યારે 14મી એપ્રિલનું રાષ્ટ્રીય સ્તરનું આયોજન વર્ષ 2025માં કલકત્તામાં, 2026માં ભોપાલમાં અને 2027માં બેંગલુરુમાં થશે. જ્યારે વર્ષ 2028માં ચૈત્યભૂમિ દાદર-મુંબઈમાં 2 કરોડ મૂળનિવાસીઓ એકસાથે બૌદ્ધ ધર્મ અંગિકાર કરશે તેવું લક્ષ્યાંક રાખવામાં આવ્યું છે. આ તમામ કાર્યક્રમોમાં એસએસડીનું માઈક્રો મેનેજમેન્ટ અને કાર્યકરોનું સમર્પણ સ્પષ્ટ રીતે ઉડીને આંખે વળગે છે. જેમાથી અન્ય સંગઠનો પણ ઘણું બધું શીખી શકે છે.

આ પણ વાંચો: 6th December Special: નિર્વાણ, પરિનિર્વાણ અને મહાપરિનિર્વાણમાં ફરક છે

જેણે કર્યું હશે તેને મારી માતા જોઈ લેશે

બાપુએ કહ્યું કે, 'બાપુને કોઈ ફરક પડવાનો નથી. મારે મોગલથી મતલબ છે અને જે કરશે એ મોગલ જ કરશે. જે પણ લોકો આમા સામેલ હશે, આંગળી ચિંધનારો, રસ્તો બતાવનારો તેમજ સાચું-ખોટું બોલનારાનું કશું નહીં વધે. બાપુ પાસે અહીં અઢારેય વર્ણની દીકરીઓ આવે છે અને સેવા કરે છે. અમે તો સંત છીએ અને અમારો સ્વભાવ તો ક્ષમા કરવાનો છે. હું દુઃખનો ભિખારી છું. તમારા તમામ દુઃખ મને આપો. આટલાં બધાં દુઃખ લીધા બાદ આ દુઃખ મને શું નડવાનું? પણ એટલું ધ્યાન રાખજો કે, જેણે પણ આ કર્યું હશે તેને મારી માતાજી જોઈ લેશે.'

હિંમત રાખજો, કોઈની વાતમાં ન આવતા..

મણિધર બાપુએ વધુમાં કહ્યું કે, "મારે કંઈ નથી કરવું. કેમકે, મારી પાસે મારી મોગલ છે. મોટા-મોટા અધિકારીઓથી લઈને બધાને ખબર છે કે, મારૂ હથિયાર મોગલ છે. હું સાચું કહેવાવાળો ચારણ છું. પોતાની દીકરી સાથે લગ્ન કરેલા વ્યક્તિ વિશે વાત કરતાં બાપુએ કહ્યું કે, આવા ઉંદરડા કદાચ ઠેકડા મારતા હોય તો એ કરે.. સમાજ તો બધો આ ઉંદરડાથી દૂર ભાગી ગયો છે અને ઉંદરડાને એકલો મૂકી દીધો છે. હું તો અઢારેય વર્ણની દીકરીને કહું છું કે, તમે બધી મારી રાજબાય છો. હું તમને આદેશ કરૂ છું કે, હિંમત રાખજો અને કોઈની પણ વાતમાં ન આવતાં." 

એકવાર સામે આવીને ઉભા રહો એટલે ખબર પડે..

બાપુએ સમગ્ર મામલે સંડોવાયેલા લોકોને ચેતવણી આપતા કહ્યું કે, "તમારે બેન છે, દીકરી છે, મા છે. આ તો બાપુનું કામ છે અઢારેય વર્ણના અવળા રસ્તે ગયેલાં ને સવળા રસ્તે લાવવાનું. કોઈ પક્ષપાત નથી, પરંતુ આ ષડયંત્રમાં જેટલાં છે એમને કહેવું છે કે, તમારી તાકાત નથી બાપુને ઝૂકાવી શકો. તમારી તાકાત હોય તો સામે આવીને આંખ મેળવીને વાત કરો. એકવાર સામે આવીને ઉભા રહો એટલે ખબર પડે કે બાપુ સામે કેમ બોલાય અને ઉભા રહેવાય."

આ પણ વાંચો: કબરાઉ મોગલ ધામના બાપુની દીકરીએ બુકી સાથે લગ્ન કરી લીધાં?

અહીં ચોંકાવનારી બાબત એ છે કે, કેન્દ્ર સરકારે અન્ય પછાત વર્ગો એટલે કે OBC માટે આ સંસ્થાઓમાં 27 ટકા બેઠકો, SC માટે 15 ટકા અને આદિવાસી સમુદાય માટે 7.5 ટકા બેઠકો અનામત રાખી છે. તેમ છતાં 90 ટકાથી વધુ શિક્ષકો સવર્ણો છે.

IIM ઇન્દોરમાં, 109 માંથી 106 પોસ્ટ સામાન્ય કેટેગરીના લોકો પાસે છે. અહીં એસસી અને એસટી કેટેગરીના કોઈ શિક્ષક નથી. જ્યારે IIM ઉદયપુરમાં સામાન્ય વર્ગના શિક્ષકોની સંખ્યા 90 ટકાથી વધુ છે. IIM લખનૌમાં આ સંખ્યા વધીને 95 ટકા થઈ ગઈ છે. છ આઈઆઈએમમાં ​​એસટી કેટેગરીના એક પણ શિક્ષક નથી. IIM બેંગ્લોરમાં, જ્યાં અનામત લાગુ કરવા માટે નિયમિત વિરોધ પ્રદર્શન થઈ રહ્યાં છે, ત્યાં 85 ટકા ફેકલ્ટી જનરલ કેટેગરીના છે.

IIT મુંબઈ અને IIT ખડગપુરના 700 શિક્ષકોમાંથી 90 ટકા શિક્ષકો જનરલ કેટેગરીના છે. જ્યારે મંડી, ગાંધીનગર, કાનપુર, ગુવાહાટી અને દિલ્હી IITમાં આ આંકડો 85 ટકા છે.

આ પણ વાંચો:  દેશની સંપત્તિમાં દલિતોનો હિસ્સો ફક્ત 2.6 ટકા, જનરલનો 89 ટકા

એકંદરે 13 IIM માં 82.8 ટકા ફેકલ્ટી જનરલ કેટેગરીના છે. જ્યારે 5 ટકા એસસી અને 1 ટકા એસટી કેટેગરીના છે. જ્યારે 9.6 ટકા ફેકલ્ટી સભ્યો ઓબીસી કેટેગરીના છે. બાકીના EWS અને શારીરિક રીતે વિકલાંગ લોકો માટે છે.

21 IIT માં, 80 ટકા શિક્ષકો જનરલ કેટેગરીમાંથી છે. જ્યારે 6 ટકા SC અને 1.6 ટકા ST અને 11.2 ટકા ઓબીસી કેટેગરીના છે. બાકીની સીટો EWS અને વિકલાંગ વર્ગ માટે અનામત છે.

જો કે તમામ IIT અને IIM આવી નથી. IIT પટનામાં 38 ટકા ફેકલ્ટી OBC સમાજની છે. જ્યારે 22 ટકા SC અને 13 ટકા ST સમાજના છે. અહીં માત્ર 12 ટકા જ જનરલ કેટેગરીના છે. IIT ભિલાઈ અને ઈન્દોરમાં પણ 50 ટકા ફેકલ્ટી જનરલ કેટેગરીના છે.

તેવી જ રીતે IIM જમ્મુમાં 51 ટકા ફેકલ્ટી જનરલ કેટેગરીના છે. 19 ટકા SC, 5 ટકા ST, 23 ટકા OBC અને 2 ટકા EWS કેટેગરીના છે.

જે સંસ્થાઓએ વિગતો પુરી પાડી છે તેમાં 7 IIM માં કુલ 256 જગ્યાઓ ખાલી હતી. જેમાં તમામ કેટેગરીમાં સૌથી વધુ ઓબીસી કેટેગરીની હતી, જેની સંખ્યા 88 છે. આ સિવાય SC સમાજની 54 જગ્યાઓ ખાલી છે. જ્યારે STની 30 જગ્યાઓ ખાલી છે.

તેવી જ રીતે, 11 IITમાં 1557 જગ્યાઓ ખાલી છે. જેમાં સૌથી વધુ 415 ઓબીસીની છે અને 223 SC અને 129 ST સમાજની છે.

આ પણ વાંચો: IIM લખનઉમાં જાતિવાદઃ 86 ટકા ફેકલ્ટી સવર્ણ, SC 2 ટકા, ST ઝીરો

રાજ્ય સરકારના મહેસૂલ વિભાગ દ્વારા કોઈ પણ જાતના સાયન્ટિફિક રીતે સર્વે કર્યા વિના નવી સૂચિત જંત્રીના દર આગામી તા. 31. માર્ચ 2025થી અમલમાં મૂકવાનો નિર્ણય કરાયો છે. એટલું જ નહીં, આ નવી જંત્રીના દરમાં 200થી 2000 ટકા સુધીનો ધરખમ વધારો કરાયો છે. આ નવી જંત્રીના દર અંગે આગામી તા. 20 નવેમ્બર સુધીમાં ઓનલાઈન દ્વારા વાંધા સૂચનો મંગાવવામાં આવ્યા છે. સરકારનો આ નિર્ણય રાજ્યના રિયલ એસ્ટેટ ક્ષેત્ર પર ગંભીર અસર પહોંચાડી શકે છે. સરકારના આ નિર્ણયથી સૌથી વધુ કફોડી સ્થિતિ ખેડૂતો તેમજ ઘર (મકાન) ખરીદનાર સામાન્ય વર્ગના લોકો તેમજ રિયલ એસ્ટેટ ક્ષેત્રના લોકોની બનશે.

રાજ્ય સરકારના આ નિર્ણય અંગે કોન્ફેડેરેશન ઓફ રિયલ એસ્ટેટ ડેવલોપર્સ એસોશિએશન ઓફ ઈન્ડિયા (ક્રેડાઈ) અમદાવાદ ગાહેડના પ્રમુખ ધ્રુવ પટેલે જણાવ્યું હતું કે, વર્ષ 2011 માં જંત્રી આવી હતી, તેના બાદ 12 વર્ષ સુધી કોઈ જ વધારો કરાયો ન હતો. ડેવલપમેન્ટને ધ્યાને રાખી ક્રેડાઈ દ્વારા સરકારને અવારનવાર સૂચનો કરવામાં આવ્યા છે. રાજ્ય સરકાર દ્વારા માર્ચ 2023 માં એક સરપ્રાઈઝ તરીકે જંત્રી ડબલ કરવાની જાહેરાત કરાઈ હતી. ત્યારે પણ ક્રેડાઈએ હકારાત્મક અભિગમ અપનાવ્યો હતો. હવે 12 વર્ષ પછી આ જંત્રીમાં વધારો કરાયો છે તે અંગે સરકારે વૈજ્ઞાનિક પદ્ધતિથી સર્વે કરી જંત્રીમાં સુધારો કરાયો હોવાની વાત કરી છે. રાજ્ય સરકારે એપ્રિલ 2023 થી અત્યાર સુધી સર્વે કર્યો અને 20 ઓક્ટોબર 2024ના રોજ એ સૂચિત જંત્રી જાહેર કરી છે. અને આગામી તા. 20 નવેમ્બર સુધીમાં વાંધા સૂચનો ઓનલાઈન મંગાવવામાં આવ્યા છે. જેથી અમે આ મામલે મુખ્યમંત્રીને મળીને રજૂઆત કરી હતી કે, રાજ્યમાં 40,000 વેલ્યૂ ઝોન આવેલા છે. આ ઝોનને ધ્યાનમાં રાખ્યા વિના નવી જંત્રીના દર નક્કી કરાયા છે. આ વેલ્યૂ ઝોનની અનેક પ્રકારની જમીનના મુદ્દા રાજ્યના ખેડૂતોથી લઇ તમામ લોકોને લાગુ પડે છે.

ધ્રુવ પટેલે જણાવ્યું હતું કે, રાજ્ય સરકારે પોતે નવી જંત્રી માટે દોઢ વર્ષ લીધું, પરંતુ જનતાના વાંધા સૂચનો માટે ફક્ત 1 મહિનો આપ્યો, તે વ્યાજબી નથી. હાલની સૂચિત જંત્રીમાં અમારા સર્વે મુજબ 200 ટકાથી લઈને 2000 ટકા સુધીનો સરેરાશ વધારો કરાયો હોવાનું જણાય રહ્યું છે. વિકાસ અને સમય મુજબ જંત્રી વધવી જોઈએ એ અમે પણ માનીએ છીએ, પણ એક ઝાટકે આટલો ધરખમ વધારો અમને સ્વીકાર્ય નથી.

તેમણે વધુમાં જણાવ્યું હતું કે, રાજ્ય સરકારે પોતે રિવ્યૂ કરવા માટે દોઢ વર્ષનો સમય લે છે અને પ્રજાને તેના વાંધા સૂચનો માટે ફક્ત 1 મહિનો અને તે પણ ઓનલાઈન સિસ્ટમ દ્વારા આપે છે. જે બિલકુલ યોગ્ય નથી. અમારી માંગણી છે કે, આગામી તા. 31 માર્ચ 2025 સુધી અમને રિવ્યૂ કરવાનો સમય આપો. એટલું જ નહીં, ઓનલાઇન રિવ્યૂનો વિકલ્પ બિલકુલ ઉપયોગી (યુઝર ફ્રેન્ડલી) નથી, ઓનલાઈન સિસ્ટમમાં અનેક ટેકનિકલ ક્ષતિઓ આવી રહી છે. જેના કારણે અમદાવાદ જેવા મહાનગરમાં અમારા જેવા શિક્ષિત લોકોએ અનેક મુશ્કેલીઓ પડી રહી છે, તો ગ્રામીણ વિસ્તારમાં રહેતા નાદાન અને નાસમજ લોકો આ વાંધા સૂચનો કરી જ નહીં શકે. આ માટે રાજ્યના તાલુકા અને જિલ્લા મથકો ખાતે નાગરિકોના ઓફલાઈન પદ્ધતિથી પણ વાંધા સૂચનો સ્વીકારવામાં આવે એવી અમારી માંગણી છે. એટ્લે કે આ માટે મામલતદાર અને કલેકટર કચેરીએ પણ  લેખિતમાં વાંધા સૂચનો સ્વીકારવા જોઈએ.

ક્રેડાઈના પ્રમુખ ધ્રુવ પટેલે વધુમાં જણાવ્યું હતું કે, આ સૂચિત જંત્રી મામલે અમારે પણ હજી સંપૂર્ણ અભ્યાસ કરવો શક્ય નથી. તેથી આ જંત્રી હાલના સંજોગોમાં અમારા માટે કોઈ કાળે સ્વીકાર્ય નથી. જેથી આ નવી જંત્રીના ધરખમ દર વધારાનો અમલ કરવા માટે રાજ્ય સરકાર અમને વધુ મુદત આપે તે જરૂરી છે. સાથોસાથ ઓફલાઈન વાંધા સૂચન સ્વીકારવાનો પણ સરકાર વિકલ્પ આપે. તેમજ જંત્રીનો વૈજ્ઞાનિક પદ્ધતિથી સર્વે થવો જોઈએ પરંતુ હાલની જંત્રી કયા ધારા ધોરણોથી જાહેર કરવામાં આવી છે તેનો અમને જરા પણ અંદાજ નથી આવતો.

સામાન્ય વર્ગના લોકોને ઘરનું ઘર ખરીદવું સપનું બની રહેશે

આ અંગે ક્રેડાઈના પ્રમુખે જણાવ્યું હતું કે, સરકારની આ નવી સૂચિત જંત્રીમાં જમીન ફેરફાર માટેનું પ્રીમિયમ અનેકગણું વધી જાય છે. જેના કારણે અનેક કિસ્સાઓમાં જમીનની કિંમત કરતા પ્રીમિયમની રકમ ઘણી વધારે થાય છે. આ ઉપરાંત દસ્તાવેજની કિંમતમાં પણ વધારો થતાં મકાન કે ઘર ખરીદનાર સામાન્ય વર્ગના નાગરિકોને મોટી તકલીફ થશે. રાજ્ય સરકારની આ નવી સૂચિત જંત્રીથી અમદાવાદ, ગાંધીનાર, વડોદરા, સુરત, રાજકોટ, ભાવનગર, જામનગર, જૂનાગઢ સહિતના શહેરો અને નગરોમાં મકાનોની કિંમતમાં 30 થી 40 ટકા જેટલો ધરખમ વધારો થશે. જેના કારણે સામાન્ય વર્ગના લોકોને ઘરનું ઘર ખરીદવું એક સપનું બની જાય તેવી સ્થિતિનું નિર્માણ થાય તેવી સંભાવના બળવત્તર બની છે.

નવા તેમજ રિડેવલપમેન્ટની યોજનાઓ પડી ભાંગશે

નવી જંત્રીથી આવનારી મુશ્કેલીઓ વિશે ક્રેડાઈના અગ્રણીઓએ જણાવ્યું હતું કે, નવી જંત્રીથી ટીડીઆરમાં પણ મુશ્કેલી થતા સ્લમ ડેવલપમેન્ટ તેમજ રિડેવલોપમેન્ટની યોજનાઓ પડી ભાંગશે. રિડેવલપમેન્ટ સહિતના પ્રોજેક્ટ પણ વિવાદમાં સપડાશે. ગ્રાહકો અને બિલ્ડરો વચ્ચે વર્તમાન પ્રોજેક્ટને લઈને અનેક કાનૂની ગુંચવણ ઉભી થશે. જંત્રીનો દર બજાર કિંમતની નજીક હોવો જોઈએ એ અમે પણ માનીએ છીએ. પણ આ ટૂંકા ગાળાની જાહેરાતથી આટલો મોટો વધારો પચાવવો શક્ય નથી. એક તરફ અમદાવાદમાં ઓલિમ્પિક યોજવા માટેની અરજી કરાઈ છે, અને અમદાવાદમાં મોટું ઈન્ફ્રાસ્ટ્રક્ચર બનવાનું છે. કોઈપણ સિટીનું રિયલ એસ્ટેટ એની ઓળખ બને છે, પરંતુ આ નવી જંત્રીના કારણે આ આખું માર્કેટ 3 થી 4 વર્ષ પાછળ જતું રહેશે. આની સૌથી મોટી અસર જમીન માલિક એવા ખેડૂતોને થશે.

રાજયમાં કલેકટરને આવેદનપત્ર આપવા ઉપરાંત જરૂર પડે મુખ્યમંત્રીને ફરી મળીશું

ક્રેડાઈ પ્રમુખે જણાવ્યું હતું કે, આ તમામ મામલે આગામી સમયમાં અમે રાજ્યભરમાં કલેક્ટરને આવેદન પત્રો આપી વાસ્તવિકતા જણાવીશું. સમય આવે મુખ્યમંત્રીને પણ પુનઃ મળવા જઈશું. જરૂર પડ્યે કોર્ટનો પણ સહારો લેવાની વાત અમારા સભ્યોએ કરી છે. કોઈપણ ઘર્ષણ વગર જંત્રીનો યોગ્ય અમલ થાય એવી અમારી સરકારને રજૂઆત છે. હાલની જાહેર કરાયેલી જંત્રીના સર્વેના ધારાધોરણ જાહેર કરવા જોઈએ.

આ પણ વાંચો: હવે જંત્રીના 10 ટકા વસૂલ કરીને જમીન એનએ કરાવી શકાશે

ઘટનાનું લોકેશન અને વીડિયો વાયરલ થયો

આ ઘટનાનો વીડિયો વાયરલ થયો છે અને લોકો જાતભાતની ચર્ચાઓ કરી રહ્યા છે. ઘટના મધ્યપ્રદેશના રાજગઢના ભારત માતા ચોક પર બની હતી. ભાજપના ધારાસભ્યએ ચાર રસ્તા પર ભારતનો રાષ્ટ્રધ્વજ ઉતારી લીધો હતો અને તેની જગ્યાએ હિંદુત્વની નિશાનીસમો ભગવો ધ્વજ ફરકાવ્યો હતો. આ સમગ્ર ઘટનાનો એક વીડિયો સામે આવ્યો છે, જે સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં ધારાસભ્ય અમર સિંહ યાદવ ચાર રસ્તા પર ભગવો ઝંડો ફરકાવતા જોવા મળે છે અને તેની સાથે કેટલાક અન્ય લોકો પણ હાજર છે.

ભાજપ ધારાસભ્યનું નિવેદન સામે આવ્યું

વીડિયોમાં મીડિયા સાથે વાત કરતા ભાજપના ધારાસભ્ય અમર સિંહ યાદવે કહ્યું કે, "આજથી ભારતને હિંદુ રાષ્ટ્ર બનાવવાની પ્રક્રિયા રાજગઢથી શરૂ થઈ રહી છે. અમે ભારતને હિંદુ રાષ્ટ્ર તરીકે જાહેર કરવાની પહેલ રાજગઢથી શરૂ કરી રહ્યા છીએ." તેમણે એમ પણ કહ્યું કે ભગવો ધ્વજ લહેરાવીને આ અભિયાન શરૂ કરવામાં આવી રહ્યું છે, અને હવે સમગ્ર હિન્દુ સમાજ એકત્ર થયો છે. ધારાસભ્યએ વધુમાં જણાવ્યું કે તેઓ આ મિશનને આગળ વધારવા માટે પગપાળા કૂચ શરૂ કરશે, જેનો ઉદ્દેશ્ય ભારતને હિન્દુ રાષ્ટ્ર તરીકે જાહેર કરવાનો છે. આ ઘટના સ્થાનિક અને રાષ્ટ્રીય સ્તરે ચર્ચાનો વિષય બની છે અને ભાજપના ધારાસભ્યના આ નિવેદન અને કાર્યવાહી અંગે વિવિધ પ્રતિક્રિયાઓ આવી રહી છે.

આ પણ વાંચો: સાવરકરઃ હિંદુત્વવાદી રાજનીતિને મજબૂત કરવા સત્યને વિકૃત કરતો પ્રયત્ન

94 કર્મચારીઓના મોત છતાં લેખિત દસ્તાવેજોમાં આ આંકડો માત્ર 75 છે. નવાઈની વાત એ પણ છે કે 75 લોકોના જીવ ગુમાવવાના મામલામાં માત્ર એક જ વ્યક્તિને દોષિત ઠેરવવામાં આવી છે અને સજા થઈ છે, જેના કારણે સવાલ એ ઊભો થાય છે કે શું આ 75 કે 94 મોત માટે માત્ર એક દોષિત વ્યક્તિ જ જવાબદાર છે.

ગટરમાં થયેલા મોતના માત્ર 9 કેસ ઉકેલાયા

ઈન્ડિયન એક્સપ્રેસની આરટીઆઈ ટીમે ભેગી કરેલી માહિતી ચોંકાવનારી છે. દસ્તાવેજો અનુસાર, આ 75 લોકોમાંથી 38 લોકો વિરુદ્ધ કેસ નોંધવામાં આવ્યો છે અને તેમાંથી માત્ર 9 કેસ જ ઉકેલાયા છે અને તે 19 લોકોના જીવ લેતો મામલો છે.

પોલીસ આરોપીઓને શોધી શકી નથી

ગટરની સફાઈમાં થયેલા મોતને લગતા કેસોમાંથી માત્ર એક કેસમાં જ આરોપી ગુનો સાબિત થયો છે અને બે કેસમાં તો લોકોને નિર્દોષ છોડી મુકવામાં આવ્યા છે. એટલું જ નહીં હાઈકોર્ટે ગટર અકસ્માતને લગતા બે કેસ રદ કર્યા છે. એક કેસમાં સમાધાન થઈ ગયું છે અને બીજા કેસમાં ક્લોઝર રિપોર્ટ દાખલ કરવામાં આવ્યો છે. દિલ્હી પોલીસ બે કેસમાં આરોપીઓને શોધી શકી નથી. આરટીઆઈ રેકોર્ડ દર્શાવે છે કે પોલીસે હજુ સુધી નિર્દોષ છોડવામાં આવેલા આદેશોને હાઈકોર્ટમાં પડકાર્યા નથી.

અલગ અલગ કારણોસર કેસો પેન્ડિંગ છે

આરટીઆઈમાં મળેલી માહિતી મુજબ ગટર અકસ્માતના ઘણા કેસો દિલ્હીની વિવિધ અદાલતોમાં પેન્ડિંગ છે, જેના ઘણા કારણો છે. કેટલાક કિસ્સામાં અધિકારીઓ આવતા નથી, તો કેટલાક કિસ્સામાં સ્ટાફની અછત છે. ઓછામાં ઓછા ત્રણ કેસમાં પોલીસે કહ્યું છે કે તેઓ આરોપીઓને શોધી શક્યા નથી.

- બે કેસ એવા છે જેમાં તપાસકર્તાઓને કોઈ સાક્ષી મળ્યાં નથી.
- પાંચ કેસમાં સાક્ષીઓ કે તપાસ અધિકારીઓ સમયસર કોર્ટમાં પહોંચ્યા ન હતા, જેના કારણે કેસ આગળ વધી રહ્યો નથી.
- કુલ 5 કેસ એવા છે જેમાં પોલીસે હજુ સુધી તપાસ પૂર્ણ કરી નથી અને ચાર્જશીટ પણ દાખલ કરી નથી.
- અન્ય કેટલાક કિસ્સામાં સ્ટાફના અભાવે સુનાવણી પૂર્ણ થઈ શકી ન હોવાનું ધ્યાને આવ્યું છે.
- આટલું જ નહીં, પોલીસ અધિકારીઓનો સહકાર ન મળવાને કારણે અનેક મામલા અટવાયા છે.

સફાઈ કામદારો માટે કેટલાક ખાસ નિયમો છે

મેન્યુઅલ સ્કેવેન્જર્સ તરીકે રોજગાર પર પ્રતિબંધ અને તેમના પુનર્વસન અધિનિયમ, 2013 જોખમી સફાઈને પ્રતિબંધિત કરે છે, પરંતુ ગટર અને સેપ્ટિક ટાંકીઓના મેન્યુઅલ સફાઈ પર કોઈ ચોક્કસ પ્રતિબંધ નથી. કાયદામાં 44 પ્રકારના રક્ષણાત્મક ગિયરનો ઉલ્લેખ કરવામાં આવ્યો છે, જેમાં શ્વાસ લેવા માટેનું માસ્ક, ગેસ મોનિટર અને ફુલ-બોડી વેડર સૂટનો સમાવેશ થાય છે.

દરેક મોત માટે જવાબદારી નક્કી થવી જોઈએ

સફાઈ કર્મચારીઓના રાષ્ટ્રીય આયોગના અધ્યક્ષ એમ. વેંકટેશને કહ્યું કે પોલીસનું કહેવું છે કે તેઓ આ કેસોમાં પુરાવા એકત્ર કરવામાં સક્ષમ નથી. ધારો કે ઘટનાસ્થળે માત્ર બે જ લોકો હાજર હતા, સુપરવાઈઝર અને સફાઈ કામદાર – અને સફાઈ કામદાર ગટરમાં ઉતર્યા પછી મૃત્યુ પામ્યો. એવામાં સુપરવાઈઝરે સફાઈ કામદારને ગટરમાં પ્રવેશવાનું કહ્યું હતું કે કેમ તે કોણ સાબિત કરશે?

તેમણે કહ્યું કે આ માટે કાયદામાં કેટલાક ફેરફારોની જરૂર છે. ગટરોમાં થતા મૃત્યુના કિસ્સામાં, મ્યુનિસિપલ કોર્પોરેશન કમિશનર સામે પણ એફઆઈઆર નોંધવી જોઈએ, તો જ મ્યુનિસિપલ સંસ્થાઓ નિયમોનું યોગ્ય રીતે પાલન કરશે. જ્યારે દરેક મૃત્યુ માટે જવાબદારી હશે ત્યારે જ નિયમોનું પાલન કરવાનો સંકેત મળશે.

આ પણ વાંચો: ગટર ટેંક સાફ કરતી વખતે ઝેરી ગેસથી ત્રણ સફાઈ કર્મીઓના મોત

સમગ્ર મામલે એક અરજદાર સંજય પરમારે  રાષ્ટ્રીય અનુસૂચિત જાતિ આયોગને લેખિતમાં રજૂઆત કરવામાં આવી હતી. જેમાં નેહા કુમારી સામે એટ્રોસિટી એક્ટ સહિત માનવ અધિકાર હનન જેવા ગંભીર આરોપો સાથે ફરિયાદ કરવામાં આવી હતી. ત્યારબાદ રાષ્ટ્રીય અનુસૂચિત જાતિ આયોગ દ્વારા કાર્યવાહી કરતા ગુજરાત રાજ્યના ડાયરેક્ટર જનરલ ઓફ પોલીસ (DGP)ને નોટિસ મોકલવામાં આવી છે. જેમાં ડીજીપીએ સમગ્ર ઘટના અંગે 15 દિવસની અંદરમાં આયોગને એક્શન ટેકન રિપોર્ટ મોકલવા જણાવ્યું છે.

મામલો શું છે?

મહીસાગરના જિલ્લા કલેક્ટર નેહાકુમારીએ સરકારી તાલુકા સ્વાગત કાર્યક્રમમાં લોકોની સમક્ષ જાહેર પ્રશ્નો બાબતે વાર્તાલાપમાં નાગરિકો સાંભળી શકે તે રીતે તિરસ્કાર અને અપમાનજનક શબ્દોનો પ્રયોગ કર્યો હતો. જેમાં નેહાકુમારીએ 'ચપ્પલ ખોલ કે મારને જેસી હૈ' જેવા શબ્દોથી અનુસૂચિત જાતિના અરજદારનું અપમાન કર્યું હતું. આ મામલે દલિત સમાજમાં રોષ જોવા મળ્યો હતો. જેને લઈને દલિતો દ્વારા વિરોધ નોંધાવી રહ્યાં છે. સમગ્ર મામલે ધારાસભ્ય જીગ્નેશ મેવાણીએ આગામી છઠ્ઠી ડિસેમ્બરના રોજ લુણાવાડા ખાતે મોટો કાર્યક્રમ આયોજિત કરવાની જાહેરાત કરી હતી.

આ પણ વાંચો: એટ્રોસિટીના 90 ટકા કેસ બ્લેકમેઇલ કરવા માટે કરાય છે : મહીસાગર કલેક્ટર

દીપક ચૌરસિયા, સૈયદ સુહેલ, અજીત અંજુમ પણ આરોપી

આ કેસમાં ચિત્રા ત્રિપાઠી ઉપરાંત ન્યૂઝ એન્કર દીપક ચૌરસિયા, સૈયદ સુહેલ, અજીત અંજુમ, રાશિદ હાશ્મી, રિપોર્ટર સુનીલ દત્ત અને લલિત સિંહ બડગુર્જર અને ઈન્ડિયા ન્યૂઝ માટે કામ કરતા નિર્માતા અભિનવ રાજ સામેલ છે. તેમની સામે પહેલાથી જ આરોપો ઘડવામાં આવ્યા છે. આ તમામ લોકો પર દસ વર્ષની બાળકી અને તેના પરિવારના 'મોર્ફ્ડ, એડિટ અને અશ્લીલ' વીડિયો ફરતા કરવાનો આરોપ છે. આ વીડિયોને આસારામ બાપુ સામેના જાતીય સતામણીના કેસ સાથે જોડવાનો પણ આરોપ છે. આ તમામ લોકો પર IPCની કલમ 120B, 469 અને 471, કલમ 67B અને 67 IT એક્ટ અને POCSO એક્ટની કલમ 23 અને 13C હેઠળ ગુનો નોંધવામાં આવ્યો છે.

હવે ચિત્રા ત્રિપાઠી સામે શું પગલાં લેવાશે?

હવે જોવાનું એ રહે છે કે આ મામલે આગળ શું કાર્યવાહી થાય છે અને ચિત્રા ત્રિપાઠી સામે શું કાયદાકીય પગલાં ભરાય છે? ચિત્રા ત્રિપાઠી સામે ધરપકડ વોરંટ જારી કરવામાં આવ્યું હતું જ્યારે કોર્ટે તેના જામીન રદ કર્યા હતા અને કોર્ટમાં વ્યક્તિગત હાજરીમાંથી મુક્તિ માટેની તેની અરજીને ફગાવી દીધી હતી. ચિત્રા ત્રિપાઠીએ કોર્ટમાં વ્યક્તિગત હાજરીમાંથી મુક્તિ માંગી હતી કારણ કે તેને મહારાષ્ટ્રની ચૂંટણી કવર કરવાની હતી. 

મહારાષ્ટ્રની ચૂંટણી કવર કરવાનું બહાનું કાઢ્યું હતું

ચિત્રા ત્રિપાઠીએ કહ્યું હતું કે તે મહારાષ્ટ્રની ચૂંટણીને કવર કરવા અને નાયબ મુખ્યમંત્રીનો ઈન્ટરવ્યૂ કરવા મહારાષ્ટ્રના નાસિક જઈ રહી છે. જો કે, આ દલીલો સાંભળ્યા પછી, કોર્ટે કહ્યું કે તે કોર્ટની કાર્યવાહીને હળવાશથી લઈ રહી છે. ચિત્રા ત્રિપાઠીના આ કેસમાં તેની સામે શું કાર્યવાહી કરવામાં આવશે, તેની ધરપકડ કરવામાં આવશે કે નહીં…હાલ આ અંગે કોઈ માહિતી નથી. તેમજ ચિત્રા ત્રિપાઠીએ આ મામલે કોઈ સત્તાવાર નિવેદન જારી કર્યું નથી. જો કે, કાયદાકીય પ્રક્રિયા મુજબ, એકવાર ધરપકડ વોરંટ જારી થયા પછી પોલીસને આરોપીની ધરપકડ કરવાનો અધિકાર મળે છે. આથી વોરંટ જારી થયા બાદ ચિત્રા ત્રિપાઠીએ તેના વકીલ મારફત આગોતરા જામીન અરજી કરી હતી. પરંતુ હવે આ પણ ફગાવી દેવામાં આવ્યું છે. આથી હવે ગમે ત્યારે ચિત્રાની ધરપકડ થઈ શકે છે.

ભાજપ સાથે ઘરોબો હોવાથી કશું નહીં થાય?

પણ ચિત્રા ત્રિપાઠી વગદાર હોવાથી અને સત્તાધારી ભાજપ સાથે તેનો સારો એવો ઘરોબો હોવાથી તેના પર તરત કાર્યવાહી નથી થઈ રહી. જેના કારણે પણ લોકોમાં રોષ જોવા મળી રહ્યો છે. ફરિયાદીના વકીલે જણાવ્યું હતું કે છેલ્લી બે તારીખો પર આરોપી ચિત્રા ત્રિપાઠીને સ્વાસ્થ્યના કારણોસર હાજર રહેવામાંથી મુક્તિ આપવામાં આવી હતી, પરંતુ હવે આરોપીને હાજર થવામાંથી મુક્તિ આપવા માટે કોઈ યોગ્ય કારણ નથી. જો કે આ કેસમાં ચિત્રા ત્રિપાઠીને જેલમાં મોકલવામાં આવશે કે કેમ તે અંગે હાલ કોઈ અપડેટ નથી.

આ પણ વાંચો: AAJ TAK ના એન્કર સુધીર ચૌધરીની આદિવાસી સમાજ પર વાંધાજનક નિવેદન કેસમાં ધરપકડ નહીં

મુખ્યમંત્રી ભૂપેન્દ્ર પટેલે સુપોષિત ગુજરાત મિશન અંતર્ગત આ 'મુખ્યમંત્રી પૌષ્ટિક અલ્પાહાર યોજના' શરૂ કરવાનો નિર્ણય કર્યો છે. મુખ્યમંત્રી પૌષ્ટિક અલ્પાહાર યોજના નામાભિધાન સાથે શરૂ થનારી આ નવી યોજના હેઠળ રાજ્યની ૩૨,૨૭૭ શાળાના અંદાજે ૪૧ લાખ વિદ્યાર્થીઓને શાળામાં શિક્ષણકાર્ય શરૂ થાય તે પહેલાં પ્રાર્થના સમયે પૌષ્ટિક અલ્પાહાર આપવામાં આવશે.

રાજ્યના આદિજાતિ વિસ્તારના 52 તાલુકા તથા બિન આદીજાતિ વિસ્તારના 29 વિકાસશીલ તાલુકાની સરકારી અને ગ્રાન્ટ ઇન એઈડ પ્રાથમિક શાળામાં બપોરના ભોજન ઉપરાંત દૂધ સંજીવની યોજના અન્વયે ૨૦૦ મિલિગ્રામ ફ્લેવર્ડ મિલ્ક અપાય છે. આવા ૮૧ તાલુકાઓની ૧૨,૫૨૨ શાળાઓમાં નોંધાયેલા ૧૫.૦૫ લાખ વિદ્યાર્થીઓને પી.એમ. પોષણના બપોરના ભોજન બાદની નાની રિસેસમાં આ પૌષ્ટિક અલ્પાહાર અપાશે.

રાજ્યમાં પીએમ પોષણ યોજના હેઠળ વિદ્યાર્થીઓને અપાતા કેલરી-પ્રોટીનયુક્ત ગુણવત્તાસભર બપોરના ભોજન ઉપરાંત આ નવી યોજનામાં સપ્તાહ દરમિયાન ખાંડેલા સીંગદાણા સહિતની સુખડી, ચણા ચાટ, મિક્સ કઠોળ તથા શ્રી અન્ન(મીલેટ)માંથી બનાવેલી ખાદ્ય સામગ્રી અલ્પાહાર સ્વરૂપે અપાશે.

આ હેતુસર મટિરિયલ કોસ્ટ માટે રૂ. ૪૯૩ કરોડ તથા પૌષ્ટિક અલ્પાહાર તૈયાર કરવાની વધારાની કામગીરી માટે માનદવેતન ધારકોને ૫૦ ટકા માનદવેતન વધારા માટે રૂ. ૧૨૪ કરોડ મળીને 'મુખ્યમંત્રી પૌષ્ટિક અલ્પાહાર યોજના' માટે કુલ મળીને વાર્ષિક રૂ. ૬૧૭ કરોડનો વધારાનો ખર્ચ રાજ્ય સરકાર ભોગવશે.

સંચાલકોનું માસિક માનદ વેતન વધારાશે

તદ્અનુસાર, પીએમ પોષણ યોજનાના માનદ વેતનધારક સંચાલકને હવે રૂ.૪૫૦૦નું માસિક માનદવેતન, ૨૬ કે તેથી વધુ વિદ્યાર્થીઓ ધરાવતી શાળાઓના કૂક કમ હેલ્પરને માસિક રૂ.૩૭૫૦ તથા નાની શાળાઓ માટે વધારાના સ્ટાફ-હેલ્પરને માસિક રૂ.૧૫૦૦ માનદવેતન અપાશે.

આ 'મુખ્યમંત્રી પૌષ્ટિક અલ્પાહાર યોજના'નો અમલ થવાથી સરકારી અને ગ્રાન્ટ ઈન એઈડ પ્રાથમિક શાળાઓના વિદ્યાર્થીઓના શિક્ષણ સહ પોષણ, આરોગ્ય અને શારીરિક સૌષ્ઠવના માપદંડો પર મોટી હકારાત્મક અસરો પડશે તેમ કહેવાય છે. જો કે ગુજરાતમાં આંગણવાડીઓ, મધ્યાહન ભોજન સહિતની યોજનાઓમાં જે રીતે ભ્રષ્ટાચાર ઘૂસી ગયો છે તે જોતા પૌષ્ટિક અલ્પાહાર યોજનાનો લાભ બાળકોના પેટ સુધી પહોંચશે કે કેમ તે મુખ્ય સવાલ છે.

આ પણ વાંચો: પ્રક્રિયા અઘરી બનતા સેંકડો ગરીબ બાળકો શિષ્યવૃત્તિ નહીં મેળવી શકે

આ મોગલ ધામ કચ્છના ભચાઉ પાસે કબરાઉમાં આવેલું છે જે લાખો શ્રદ્ધાળુઓની આસ્થાનું કેન્દ્ર છે. કબરાઉ ધામના બાપુની દીકરીનું થોડા દિવસ પહેલા અપહરણ થયું હોવાની વાત સામે આવી હતી. પણ હવે તેમાં અણધાર્યો ટ્વિસ્ટ આવ્યો છે. મળતી માહિતી પ્રમાણે બાપુની પુખ્ય વયની દીકરીએ ભૂજના એક બૂકી સાથે કાયદેસર રીતે લગ્ન કરી લીધાં છે અને તેના ફોટા તથા સર્ટિફિકેટ પણ સોશિયલ મીડિયામાં વાયરલ કર્યા છે. હાલ પોલીસ બાપુની દીકરી અને યુવકને વલસાડથી પકડીને ભચાઉ લઈને આવી રહ્યાં છે ત્યારે પોલીસ તેમની સાથે કેવા પ્રકારનો વ્યવહાર કરે છે તે જોવાનું રહેશે.

કચ્છ (Kutch)ના ભચાઉ (Bhachau) તાલુકામાં આવેલા પ્રસિદ્ધ યાત્રાધામ કબરાઉ (Kabrau) ના બાપુની પુખ્ત વયની દીકરીને ભૂજનો એક બુકી પાંચ દિવસ પહેલા 25મી નવેમ્બરે ઉઠાવીને લઈ જતા ખળભળાટ મચી ગયો હતો. જો કે હવે મળતી માહિતી પ્રમાણે બૂકીએ યુવતી સાથે કાયદેસર લગ્ન કરી લીધા હોવાનું સામે આવી રહ્યું છે. હાલ ભચાઉ પોલીસની ટીમ તેમને લઈને કચ્છ આવી રહી છે. દીકરીના કુટુંબીજનો પોલીસ સ્ટેશનમાં હાજર છે. બીજી તરફ ભુજથી બુકી યુવાનના ફેમેલી મેમ્બર પણ ભચાઉ જવા રવાના થઇ ગયા છે. અત્યાર સુધી આ મામલામાં એવું લાગતું હતું કે, ભૂજનો બૂકી યુવાન ઓમ ડાભી બાપુની દીકરીને બળજબરીથી ઉઠાવી ગયો છે. પરંતુ જે રીતે બંનેના લગ્ન ફોટા અને મેરેજ સર્ટિફિકેટના ફોટા વાયરલ થઇ રહ્યા છે તેના ઉપરથી એમ લાગે છે કે દીકરી તેની મરજીથી ઘર છોડીને બુકી સાથે જતી રહી હતી. 

અગાઉ ભચાઉ પોલીસ મથકમાં દાખલ થયેલી ગુમ નોંધને પગલે પોલીસે ટેક્નિકલ સર્વેલન્સને આધારે બંનેને પાંચ દિવસે વલસાડ જિલ્લામાંથી ઝડપી લેવામાં આવ્યા હતા. ભચાઉ પોલીસની એક ટીમ બંનેને લેવા માટે શુક્રવારે વલસાડ જવા માટે નીકળી ગઈ હતી. યુવક ત્રણ વર્ષથી કબરાઉ દર્શન માટે આવતો હતો, એવામાં તેણે બાપુની યુવતી સાથે પ્રેમ લગ્ન કરી લેતા શ્રદ્ધાળુઓમાં ભારે આક્રોશ જોવા મળી રહ્યો છે. 

સમગ્ર મામલે શરૂઆતથી જ પૂર્વ કચ્છ પોલીસની ભૂમિકા અતિ શંકાસ્પદ હોવાનું ચિત્ર ઉપસી રહ્યું છે. ભૂજના બુકી યુવક અને મોગલધામના બાપુની દીકરીના લગ્ન અને તેમને ભચાઉ લઇ આવવા અંગે પોલીસનો સંપર્ક કરવામાં આવ્યો હતો પરંતુ પોલીસે કશું કહેવાનું ટાળ્યું છે.

કચ્છના એક લોકલ ન્યૂઝ પોર્ટલ દ્વારા પૂર્વ કચ્છના SP સાગર બાગમાર, ભચાઉના ડેપ્યુટી એસપી સાગર સાંબડ તેમજ ભચાઉના પોલીસ ઇન્સ્પેક્ટર શૈલેન્દ્રભાઈ સીસોદીયાનો સંપર્ક કરવામાં આવ્યો હતો. કારણ કે, ભાગેલા બંને યુવક-યુવતી પુખ્ત વયના છે. વળી તેમણે લગ્ન પણ કરી લીધા છે. એટલે સમગ્ર મામલે હવે પોલીસનું વલણ કેવું રહેશે તે જાણવું જરૂરી હતું. પરંતુ પોલીસે ફોન ન ઉપાડીને ચૂપ રહેવાનું પસંદ કર્યું હતું. 

આ પણ વાંચો: 50 કરોડના ભારતી આશ્રમ પર બાપુએ બાઉન્સરો સાથે કબ્જો મેળવ્યો

કાંકરેજના થળી જાગીર મઠનો મામલો

મામલો બનાસકાંઠાના કાંકરેજના થળી જાગીર મઠનો છે. અહીં મહંત જગદીશપુરી દેવલોક પામ્યા બાદ હવે જાગીર મઠના મહંત કોણ તેને લઇ વિવાદ છેડાયો છે. વિવાદ એટલો વકર્યો છે કે છેલ્લાં કેટલાય દિવસથી આખો મઠ પોલીસ છાવણીમાં ફેરવાઈ ગયો છે. એક તરફ દેવ દરબારના મહંત બળદેવનાથ બાપુ સહિત થરા જાગીરદાર સ્ટેટ દ્વારા શંકરપુરી મહારાજને ગુરૂ ગાદી સોપાઈ. તો બીજી તરફ થળી મઠ નજીક આવેલા ગામોના લોકો દ્વારા શંકરપુરી મહારાજનો વિરોધ કરી કાર્તિકપુરી મહારાજને ચાદર ઓઢાડાતા વિવાદ વકર્યો છે. જો કે મહંતના વિવાદમાં સપડાયેલી આ થળી ખાતે કાયદો વ્યવસ્થા ન કથળે તેને લઈને પોલીસ ખડકી દેવામાં આવી છે.

બનાસકાંઠાના કાંકરેજ વિસ્તારમાં બનાસ નદી નજીક આવેલો થળી જાગીર મઠ એ વર્ષો જૂની ધાર્મિક જગ્યા છે અને સ્થાનિકો માટે આસ્થાનું કેન્દ્ર છે. આ જાગીર મઠમાં અત્યાર સુધી ૧૩ જેટલાં મહંત ગુરૂગાદીએ બિરાજી ચૂક્યા છે. જો કે તાજેતરમાં મહંત જગદીશપુરી કે જે છેલ્લાં કેટલાય સમયથી આ મઠનો કારભાર સંભાળતા તેઓ ૧૯ નવેમ્બરે હાર્ટએટેકના કારણે તેઓ દેવલોક પામ્યા હતા. મહંત દેવલોક પામ્યા બાદ તેમના દેહને મઠની જગ્યામાં જ સમાધિ અર્પણ કરાઈ હતી. એ પછી ગુરૂગાદી દેવ દરબારના મહંત બળદેવનાથ બાપુ અને થરા સ્ટેટના આગેવાનો દ્વારા થળી જાગીર મઠના મહંત તરીકે મહંત શંકરપુરીને ચાદર ઓઢાડીને ગુરૂગાદી સોપાઈ હતી.

આ તરફ આ મઠની આસપાસના ગામોના લોકો દ્વારા દેવ દરબાર અને થરા સ્ટેટ દ્વારા લેવાયેલા આ નિર્ણયનો વિરોધ કરાયો અને ૨૨ નવેમ્બર આસપાસના ગામોના હજારો લોકોએ થળી જાગીર મઠ ખાતે વિરોધ પ્રદર્શન કર્યું તું. એ દરમ્યાન સ્થાનિકો દ્વારા મઠ બહાર જ મહંત કાર્તિકપુરીને થળી જાગીર મઠના મહંત તરીકે સ્થાપિત કરવા નિર્ણય લેવાયો હતો અને તેમને ચાદર ઓઢાડી દીધી હતી.

સમર્થકોનો રોષ જોતા પોલીસ ખડકી દેવી પડી

આમ સમગ્ર મામલામાં શંકપુરી અને કાર્તિકપુરીના સમર્થકો મહંતપદને લઈને સામસામે આવી ગયા છે અને કોઈપણ ભોગે મહંતપદું મેળવવા તત્પર છે. સ્થિતિની ગંભીરતા પારખીને જાગીર મઠ ખાતે કાયદો વ્યવસ્થા કથળે નહીં તે માટે બનાસકાંઠા એસપી સહિત પોલીસ કાફલો ખડકી દેવાયો છે અને બંને પક્ષોને પોલીસ દ્વારા સમજાવવા પ્રયાસ કરાયા છે. પરંતુ એક પણ પક્ષ કોઈ વાતે ન સમજતા આખરે બનાસકાંઠા એસપી દ્વારા થળી જાગીર મઠ ખાતે એસઆરપીની ટુકડી ઉતારી જાગીર મઠને પોલીસ છાવણીમાં ફેરવી દેવામાં આવ્યો છે. મહંત કાર્તિકપુરીના સમર્થનમાં ઉમટેલા લોકોએ આક્ષેપ કર્યા કે મહંત શંકરપુરીને ખોટી રીતે ગાદીએ બેસાડવામાં આવ્યા છે. તો કેટલાક લોકોએ તો મઠની તિજોરીના તાળા તૂટી ગયા હોવાના પણ આક્ષેપો કરી દીધા છે.

કથિત સાધુ-સંતોનો દંભ ખૂલ્લો પડ્યો

આ ઘટનામાં પરિણામ જેની પણ તરફેણમાં આવે તેનાથી કોઈ ફરક નથી પડતો. પરંતુ આખા મામલામાંથી એટલો બોધ ચોક્કસ મળે છે કે કહેવાતા સાધુ-સંતો જ્યારે તેમની ગાદીઓનો ત્યાગ કરવાનો વખત આવે ત્યારે સામાન્ય સમજણ પણ વિસરી જાય છે. જે લોકો ખુદ ભોગવિલાસનો ત્યાગ નથી કરી શકતા તેઓ એક સામાન્ય માણસ, જેણે હજુ દુનિયાના રંગો પુરા જોયા પણ નથી તેને ત્યાગ કરવાની સલાહ આપે ત્યારે દંભની પરાકાષ્ઠા આવ્યા વિના રહેતી નથી.

આ પણ વાંચો: 50 કરોડના ભારતી આશ્રમ પર બાપુએ બાઉન્સરો સાથે કબ્જો મેળવ્યો

મહારાષ્ટ્ર વિધાનસભા ચૂંટણી 2024ના મતદારોના ડેટા વિશ્લેષણમાં જાણવા મળ્યું છે કે મતોની ગણતરી અને પડેલા મતો વચ્ચે મોટો તફાવત છે. કેન્દ્રીય ચૂંટણી પંચ (ECI) અનુસાર, અંતિમ મતદાન 66.05% હતું, જેમાં કુલ 64,088,195 મતદારોએ મત આપ્યા હતા. પરંતુ ગણતરી કરાયેલા કુલ મતોમાં 64,592,508 નો ઉમેરો થાય છે, જે કુલ પડેલા મતો કરતાં 504,313 વધુ છે.

8 વિધાનસભા સીટો પર ગણતરી કરાયેલા મતોની સંખ્યા મતદાન કરતા ઓછી નીકળી

5,04,313 નો આ તફાવત સમગ્ર રાજ્યમાં ગણવામાં આવેલા વધારાના મત દર્શાવે છે. જ્યારે આઠ વિધાનસભા મતવિસ્તારમાં ગણતરી કરાયેલા મતોની સંખ્યા મતદાન કરતાં ઓછી હતી, જ્યારે બાકીના 280 મતવિસ્તારમાં ગમવામાં આવેલા મત નાખવામાં આવેલા મતથી વધુ હતા. સૌથી મોટી વિસંગતતા અષ્ટી મતવિસ્તારમાં જોવા મળી હતી, જ્યાં મતદાન કરતાં 4,538 વધુ મત ગણવામાં આવ્યા હતા. મતલબ જેટલા મત પડ્યા નહોતા તેનાથી વધુ મત ગણવામાં આવ્યા. ઉસ્માનાબાદ મતવિસ્તારમાં પણ તફાવત 4,155 મતોનો છે.

વિધાનસભા ચૂંટણીની આ ગેરરીતિઓ મે 2024ની લોકસભા ચૂંટણી દરમિયાન મતદાર મતદાનના ડેટા અને ફોર્મ 17C સંબંધિત ચિંતાઓની યાદ અપાવે છે. વાસ્તવમાં, ફોર્મ 17C દરેક મતદાન મથક પર પડેલા મતોની સંખ્યા રેકોર્ડ કરે છે. ત્યારે એસોસિએશન ફોર ડેમોક્રેટિક રિફોર્મ્સ (ADR) એ દરેક મતદાન તબક્કાના 48 કલાકની અંદર મતદાન મથક મુજબ મતદાર મતદાનનો ડેટા જાહેર કરવા જણાવ્યું હતું, જેમાં પ્રારંભિક અને અંતિમ મતદાનના આંકડાઓ વચ્ચે 5-6% ની વિસંગતતા હતી.

પરંતુ સુપ્રીમ કોર્ટે ચૂંટણી પંચની દલીલોને ટાંકીને આ વિનંતીને ફગાવી દીધી હતી કે આ પ્રકારનો ખુલાસાથી તાર્કિક સમસ્યાઓ પેદા થઈ શકે છે, ડેટાના દુરુપયોગ અંગે ચિંતા વધી શકે છે અને તેમાં સ્પષ્ટ કાયદાકીય આધારનો અભાવ છે. ECIએ જણાવ્યું હતું કે ફોર્મ 17C ડેટા ઉમેદવારોના એજન્ટોને આપવામાં આવે છે, પરંતુ તે જાહેર પ્રચાર માટે નથી. પરંતુ 10 વર્ષ પહેલા આ ફોર્મ 17Cનો ડેટા સાર્વજનિક કરવામાં આવ્યો હતો. આના પર ક્યારેય કોઈ પ્રતિબંધ નહોતો. ચૂંટણી પંચ તેના ભૂતકાળના રેકોર્ડ કેમ તપાસતું નથી?

મહારાષ્ટ્ર વિધાનસભા ચૂંટણીએ ચૂંટણી પ્રક્રિયામાં ડેટાની પારદર્શિતા પર નવા પ્રશ્નો ઉભા કર્યા છે. ચૂંટણી પંચે ભૂતકાળની વિસંગતતાઓ માટે ડેટા અપડેટ કરવાની અને એકત્ર કરવાની પ્રક્રિયાને જવાબદાર ઠેરવી છે. જાહેરમાં ઉપલબ્ધ વિસ્તૃત મતદાન કેન્દ્ર ડેટાનું ન હોવું, જેમ કે ફોર્મ 17સી સંબંધમાં એડીઆરની અગાઉની અરજીમાં દર્શાવવામાં આવ્યું હતું, એ જ સ્થિતિ આજે પણ છે. ફોર્મ 17સી દ્વારા ન મળનારો ડેટા અને તેની ખરાઈના અભાવમાં સમગ્ર પ્રક્રિયા પડકારરૂપ બની ગઈ છે.

વધુમાં, હાલની વિસંગતતાઓ ચૂંટણી પરિણામો પર તેમની સંભવિત અસર વિશે પ્રશ્નો ઉભા કરે છે. ખાસ કરીને જ્યાં ઓછા મતોથી જીત અને હાર થઈ છે. આવા વિધાનસભા મતવિસ્તારોમાં આ આંકડાઓ પડેલા અને ગણેલા મતોમાં તફાવતની કોઈપણ પેટર્નને જાહેર નથી કરતી. પરંતુ અમુક સો કે હજાર મતોનો તફાવત નિર્ણાયક બની શકે છે અને હકીકત એ છે કે આવી વિસંગતતાઓ ઘણા મતવિસ્તારોમાં બહાર આવી છે. આવી સ્થિતિમાં, પરિણામો કેવી રીતે વિશ્વસનીય હોઈ શકે?

નવાપુરનું ઉદાહરણ

ચૂંટણી પંચના ડેટા અનુસાર, નવાપુર (અનુસૂચિત જનજાતિ) વિધાનસભા મતવિસ્તારમાં કુલ મતદારોની સંખ્યા 2,95,786 છે અને મતદાન 81.15% થયું હતું. મતલબ કે 20 નવેમ્બરે 2,40,022 વોટ પડ્યા હતા. જો કે, કમિશન દ્વારા જાહેર કરાયેલા પરિણામો અનુસાર, કુલ 2,41,193 મતોની ગણતરી કરવામાં આવી હતી, જે મતદાન કરતાં 1,171 મત વધુ છે. હવે જુઓ - અહીં જીતનું માર્જિન 1,122 જેવા નજીવા મતોનું હતું. એટલે 1171 મત જે વધારે હતા, અને હારજીતનું અંતર 1122 મતોનું છે, તો આ જે 1171 વધારાના મતો છે, તે આ વિધાનસભા સીટના પરિણામોને સંદિગ્ધ બનાવે છે, કેમ કે હારજીતમાં માત્ર 1122 મતોનું જ અંતર છે.

માવલ વિધાનસભા મતવિસ્તાર

બીજા મતવિસ્તારનું ઉદાહરણ લઈએ જ્યાં મતદાનની તુલનામાં ઓછા મતોની ગણતરી કરવામાં આવી હતી. ચૂંટણી પંચના ડેટા અનુસાર, માવલ વિધાનસભા ક્ષેત્રમાં કુલ મતદારોની સંખ્યા 3,86,172 છે અને 72.59% મતદાન થયું હતું. મતલબ કે 20 નવેમ્બર 2024ના રોજ 2,80,319 મત પડ્યા હતા. જો કે, કમિશન દ્વારા પ્રકાશિત પરિણામો અનુસાર, કુલ મતોની ગણતરી 2,79,081 હતી, જે મળેલા મતો કરતાં 1,238 મત ઓછા છે. આ વિધાનસભા મતવિસ્તારના પરિણામોને શું કહેવું જોઈએ?

જો કે, ઈલેક્ટ્રોનિક વોટિંગ મશીન (EVM) અને વોટર વેરીફાઈએબલ પેપર ઓડિટ ટ્રેઈલ (VVPAT) સ્લીપના સંચાલન દરમિયાન ક્લાર્કની ભૂલો, ડેટા એન્ટ્રી અથવા ટેકનિકલ ક્ષતિઓ સહિતના વિવિધ કારણોસર વિસંગતતાઓ આવી શકે છે, પરંતુ પારદર્શિતા માટે મજબૂત ઓડિટ કેમ કરવામાં આવતું નથી તે સવાલ છે.

આ પણ વાંચો: EVMમાં ચેડાં કરી શકાય છે, મેં વર્ષો સુધી તેનો અભ્યાસ કર્યો છે - સામ પિત્રોડા

ડેઈલી સ્ટારના રિપોર્ટ મુજબ, હાઈકોર્ટ એ જાણવા માગે છે કે બાંગ્લાદેશ સરકારે ઈસ્કોનની તાજેતરની પ્રવૃત્તિઓ અંગે શું પગલાં લીધાં છે. કોર્ટે એટર્ની જનરલ એમડી અસદુઝમાનને કહ્યું કે તેઓ આજે (ગુરુવાર 28 નવેમ્બર) સુધીમાં કોર્ટને સરકારની કાર્યવાહી વિશે જણાવે.

બાંગ્લાદેશની સુપ્રીમ કોર્ટના વકીલ મોનીરુઝમાને ઇસ્કોન પરના બે અખબારોના અહેવાલોને બેંચ સમક્ષ મૂક્યા બાદ જસ્ટિસ ફરાહ મહેબૂબ અને જસ્ટિસ દેબાશિષ રોય ચૌધરીની હાઇકોર્ટ બેન્ચે આ આદેશ આપ્યો હતો.

બાંગ્લાદેશ હાઈકોર્ટે દેશમાં ધાર્મિક લઘુમતીઓની સુરક્ષા અંગે ચિંતા વ્યક્ત કરતા સરકારને પરિસ્થિતિનો સામનો કરવા તાત્કાલિક પગલાં લેવા જણાવ્યું છે. બાંગ્લાદેશમાં તાજેતરની અશાંતિની શરૂઆત 25 નવેમ્બરના રોજ ઢાકા એરપોર્ટ પર અગ્રણી હિન્દુ પૂજારી ચિન્મય કૃષ્ણ દાસ પ્રભુ (chinmay krishna das prabhu) ની ધરપકડથી થઈ હતી. ધાર્મિક લઘુમતીઓના અધિકારો અને રક્ષણની તરફેણ કરવા માટે જાણીતા ચિન્યમ કૃષ્ણ પર રાજદ્રોહનો આરોપ મૂકવામાં આવ્યો હતો અને જામીન નકારવામાં આવ્યા હતા. તેમની ધરપકડ પછી, સમગ્ર બાંગ્લાદેશમાં વિરોધ ફાટી નીકળ્યો અને હિંદુઓએ તેમની મુક્તિની માંગ શરૂ કરી. ચિત્તાગોંગ કોર્ટની બહાર પ્રદર્શન હિંસક બન્યું, જેના પરિણામે ટોળાના હાથે વકીલનું મૃત્યુ થયું. સંબંધિત અથડામણમાં 20 થી વધુ લોકો ઘાયલ થયા છે.

ઇસ્કોને સમગ્ર દુનિયા પાસે સમર્થન માંગ્યું

ઘટનાક્રમ પર પ્રતિક્રિયા આપતા, ઇસ્કોને ધરપકડની નિંદા કરી અને આંતરરાષ્ટ્રીય સમાજને દરમિયાનગીરી કરવા વિનંતી કરી. ઇસ્કોનના પ્રવક્તાએ કહ્યું- “સંયુક્ત રાષ્ટ્રોએ બાંગ્લાદેશમાં લઘુમતીઓને બચાવવા માટે પગલાં લેવા જોઈએ.

ભારતે ચિંતા વ્યક્ત કરી

વિદેશ મંત્રાલયે મંગળવારે એક નિવેદનમાં "ઊંડી ચિંતા" વ્યક્ત કરી. વિદેશ મંત્રાલયે કહ્યું- “આ ઘટના બાંગ્લાદેશમાં કટ્ટરપંથી તત્વો દ્વારા હિંદુઓ અને અન્ય લઘુમતીઓ પર અનેક હુમલાઓ બાદ છે. નિવેદનમાં કહેવામાં આવ્યું છે કે લઘુમતીઓના ઘરો અને વેપાર સંસ્થાઓમાં આગ અને લૂંટફાટ તેમજ ચોરી, તોડફોડ અને દેવી-દેવતાઓના મંદિરોને અપવિત્ર કરવાના અનેક મામલા સામે આવ્યા છે. તેમણે હિંદુઓ દ્વારા શાંતિપૂર્ણ વિરોધ પ્રદર્શન પરના હુમલાની પણ નિંદા કરી હતી. વિદેશ મંત્રાલયે લખ્યું, "અમે બાંગ્લાદેશના સત્તાવાળાઓને વિનંતી કરીએ છીએ કે હિંદુઓ અને તમામ લઘુમતીઓની સલામતી સુનિશ્ચિત કરે, જેમાં શાંતિપૂર્ણ સભા અને અભિવ્યક્તિની સ્વતંત્રતાનો અધિકાર પણ સામેલ છે."

અમારી આંતરિક બાબતોમાં દખલ ન કરોઃ બાંગ્લાદેશ

બાંગ્લાદેશના વિદેશ મંત્રાલયે ભારતના જવાબની ટીકા કરતા કહ્યું કે આ મુદ્દો બાંગ્લાદેશનો "આંતરિક મામલો" છે. નિવેદનમાં કહેવામાં આવ્યું છે કે, "અત્યંત નિરાશા અને ઊંડા દુઃખ સાથે બાંગ્લાદેશ સરકાર નોંધે છે કે ચિન્મય કૃષ્ણ દાસની ધરપકડનું અમુક લોકો દ્વારા ખોટું અર્થઘટન કરવામાં આવ્યું છે કારણ કે ચિન્મય કૃષ્ણ દાસની ચોક્કસ આરોપોમાં ધરપકડ કરવામાં આવી છે."

બાંગ્લાદેશે એમ પણ કહ્યું કે ભારતનું નિવેદન તથ્યોને ખોટી રીતે રજૂ કરે છે અને પડોશી દેશો વચ્ચે મિત્રતા અને સમજણની ભાવનાનું ખંડન કરે છે. બાંગ્લાદેશના નિવેદનમાં એમ પણ કહેવામાં આવ્યું છે કે ભારતનું નિવેદન તમામ ધર્મના લોકો વચ્ચે ઉપસ્થિત સદ્ભાવ અને આ સંબંધમાં સરકાર અને લોકોની પ્રતિબદ્ધતા અને પ્રયત્નોને પ્રતિબિંબિત નથી કરતું.

મૂળ સવાલ એ છે કે, ભારતમાં ધાર્મિક લઘુમતીઓની સ્થિતિ શું છે? સરકાર બાંગ્લાદેશમાં હિંદુઓ લઘુમતીઓમાં છે તેની ચિંતા કરે છે, પણ ખુદ ભારતમાં લઘુમતી સમાજના ઘરો તોડી પાડે છે. તેમની સામે અત્યાચારની સેંકડો ઘટનાઓ બને છે તેમાં ન્યાય નથી મળતો તેના વિશે કેમ કશું બોલતી નથી. એવું નથી લાગતું કે આપણે પહેલા પોતાનું મોં ચહેરામાં જોવાની જરૂર છે?

આ પણ વાંચો: ભારતની ચૂંટણી પર વિદેશી મીડિયા શું કહે છે?

ઇંડાના ઉત્પાદનમાં આંધ્ર પ્રદેશ મોખરે

ઉપલબ્ધ ડેટા અનુસાર 2023-24 દરમિયાન દેશનું કુલ ઇંડા ઉત્પાદન 142.77 અબજ હોવાનો અંદાજ છે અને 2014-15 દરમિયાન 78.48 અબજના અંદાજની સરખામણીએ છેલ્લા 10 વર્ષમાં સરેરાશ 6.8 ટકા વૃદ્ધિ નોંધાવી છે. વધુમાં, પાછલા નાણાકીય વર્ષની સરખામણીમાં 2023-24 દરમિયાન ઉત્પાદનમાં 3.18 ટકાનો વધારો થયો છે. ઇંડાના કુલ ઉત્પાદનમાં મોટો ફાળો આંધ્રપ્રદેશનો છે, જેનો કુલ ઈંડા ઉત્પાદનમાં હિસ્સો 17.85 ટકા છે. આ પછી તમિલનાડુ (15.64 ટકા), તેલંગાણા (12.88 ટકા), પશ્ચિમ બંગાળ (11.37 ટકા) અને કર્ણાટક (6.63 ટકા) આવે છે.

ઊનના ઉત્પાદનમાં રાજસ્થાનનો હિસ્સો સૌથી વધુ

ઉનના ઉત્પાદનમાં એજીઆરની દ્રષ્ટિએ સૌથી વધુ વૃદ્ધિ દર લદ્દાખ (75.88 ટકા)માં નોંધાયો હતો, ત્યારબાદ મણિપુર (33.84 ટકા) અને ઉત્તર પ્રદેશ (29.88 ટકા)નો નંબર આવે છે. ડેટા અનુસાર, 2023-24 દરમિયાન કુલ ઊનનું ઉત્પાદન 3.36 કરોડ કિલો થવાનો અંદાજ છે, જે પાછલા વર્ષની સરખામણીમાં 0.22 ટકાનો નજીવો વધારો છે. કુલ ઊનના ઉત્પાદનમાં રાજસ્થાનનો મોટો ફાળો છે, જેનો હિસ્સો 47.53 ટકા છે. એ પછી જમ્મુ અને કાશ્મીર (23.06 ટકા), ગુજરાત (6.18 ટકા), મહારાષ્ટ્ર (4.75 ટકા) અને હિમાચલ પ્રદેશ (4.22 ટકા) આવે છે.

આ પણ વાંચો: સાવરકર બ્રાહ્મણ હોવા છતાં ગૌમાંસ ખાતા હતા: કર્ણાટકના મંત્રી

તા.૨૬ નવેમ્બર ૧૯૪૯ના રોજ અંગીકાર થયેલા આપણા બંધારણના મૂલ્યોને પ્રોત્સાહન આપવાની રાષ્ટ્રહિત ભાવના ઉજાગર કરવા સમગ્ર દેશમાં ૨૦૧૫થી દર વર્ષે ૨૬ નવેમ્બરને બંધારણ દિવસ તરીકે ઉજવાય છે.

આ વર્ષે બંધારણના ઘડતરના ૭૫ વર્ષ પૂર્ણ થયા છે તે સંદર્ભમાં “હમારા સંવિધાન, હમારા સ્વાભિમાન” થીમ સાથે અમૃતકાળનો આ બંધારણ દિવસ દેશભરમાં ઉજવાયો છે. ગાંધીનગર ખાતે મુખ્યમંત્રી ભૂપેન્દ્ર પટેલની અધ્યક્ષતામાં બંધારણ દિવસની ઉજવણી અન્વયે મુખ્યમંત્રી સહિત મંત્રીઓ, ધારાસભ્યો, પદાધિકારીઓ, મુખ્ય સચિવ રાજકુમાર અને વરિષ્ઠ સચિવો સૌએ બંધારણના આમુખનું સામૂહિક પઠન કર્યું હતું.

આ અવસરે મુખ્યમંત્રીએ જણાવ્યું હતું કે, ભારતીયતા આપણો ધર્મ છે તો બંધારણ આપણો ધર્મગ્રંથ છે એટલું જ નહીં, નાગરિક ધર્મ નિભાવવામાં આ બંધારણ આપણા સૌનું પથદર્શન કરે છે. તેમણે વધુમાં જણાવ્યું હતું કે, જનહિતના કોઈપણ કામ માટે 'ફ્રી હેન્ડ' એ આપણા બંધારણનું હાર્દ છે. આ ઉપરાંત ‘વી ધ પીપલથી’ શરૂ થતું બંધારણ “એક ભારત, શ્રેષ્ઠ ભારત”ની ભાવના પણ સાકાર કરનારું છે.

મુખ્યમંત્રી ભૂપેન્દ્ર પટેલે બંધારણ સભા દ્વારા બંધારણ નિર્માણ અને સ્વીકારમાં ડૉ. બાબા સાહેબ આંબેડકરના અમૂલ્ય યોગદાન સાથે સરદાર વલ્લભભાઈ પટેલ, કનૈયાલાલ મુન્શી,  હંસાબેન મહેતા જેવા ગરવા ગુજરાતીઓના પ્રદાનનું પણ સ્મરણ કર્યું હતું.

મુખ્યમંત્રી ભૂપેન્દ્ર પટેલે આ અગાઉ બંધારણ દિવસની ઉજવણી રૂપે યુવાશક્તિને રાષ્ટ્રહિત સ્વાભિમાન માટે પ્રેરિત કરી “હમારા સંવિધાન, હમારા સ્વાભિમાન” સૂત્ર સાથેની સંવિધાન ગૌરવ પદયાત્રાને પ્રસ્થાન કરાવીને પોતે પણ પદયાત્રામાં જોડાયા હતા.

આ અગાઉ સેન્ટ્રલ વિસ્ટા ખાતે આયોજિત કાર્યક્રમમાં મુખ્યમંત્રી અને મંત્રીઓએ બંધારણના ઘડવૈયા ડૉ. આંબેડકરની પ્રતિમાને શ્રદ્ધાંજલિ અર્પણ કરી હતી તેમજ વિકસિત ભારત યંગ લીડર ડાયલોગના પોસ્ટરનંડ લોન્ચિંગ પણ કર્યું હતું. ત્યાર બાદ મુખ્યમંત્રી ભૂપેન્દ્ર પટેલે સંવિધાન ગૌરવ પદયાત્રાને પ્રસ્થાન કરાવીને પોતે પણ પદયાત્રામાં જોડાયા હતા. આ પદયાત્રામાં ગાંધીનગર શહેરની શાળા-કોલેજના વિદ્યાર્થીઓ, એન.વાય.કે.એસ.ના કર્મીઓ, સ્વૈચ્છિક સંગઠનો તથા નાગરિકો જોડાયા હતા.

આ પણ વાંચો: ન્યાયની દેવીની આંખેથી પટ્ટી ઉતરી, હાથમાં તલવારને બદલે બંધારણ અપાયું

આ પ્રસંગે રાષ્ટ્રપતિ દ્રૌપદી મુર્મુ હાજર રહ્યા હતા, જ્યારે બંને ગૃહોના સ્પીકર, પીએમ નરેન્દ્ર મોદી અને વિપક્ષના નેતા રાહુલ ગાંધી પણ હાજર હતા. બંધારણ દિવસ પર એક ખાસ ટપાલ ટિકિટ અને સિક્કો પણ બહાર પાડવામાં આવ્યો છે. આ પ્રસંગે કાર્યક્રમને સંબોધતા રાષ્ટ્રપતિ દ્રૌપદી મુર્મુએ કહ્યું કે આ બંધારણ દેશને તેજસ્વી લોકોની ભેટ છે. તેણે દેશની વિવિધતાને અભિવ્યક્તિ આપી છે.

રાષ્ટ્રપતિએ કહ્યું કે છેલ્લા 75 વર્ષોમાં આપણો દેશ વિશ્વબંધુ તરીકે ઉભરી આવ્યો છે. આજે કૃતજ્ઞ રાષ્ટ્ર તેના બંધારણના નિર્માતાઓને વંદન કરે છે. આપણે આ સમયગાળા દરમિયાન ઘણી પ્રગતિ કરી છે અને હવે મહિલા સશક્તિકરણ તરફ આગળ વધ્યા છીએ.

આ દરમિયાન રાષ્ટ્રપતિએ મહિલા સાંસદોના યોગદાનની પણ પ્રશંસા કરી હતી. તેમણે કહ્યું કે અમારી સરકારે આવશ્યક જાહેર સુવિધાઓ પર ધ્યાન કેન્દ્રિત કર્યું છે. આપણા બંધારણનો એ જ હેતુ એ છે કે કાર્યપાલિકા, ન્યાયતંત્ર અને ધારાસભાએ સામાન્ય લોકોના હિત માટે સાથે મળીને કામ કરવું જોઈએ. તેમણે કહ્યું કે આપણે બધા રાષ્ટ્રના લક્ષ્યોને પ્રાપ્ત કરવા માટે સાથે છીએ અને વિવિધતામાં એકતા છે.

આ કાર્યક્રમ દરમિયાન સત્તા પક્ષ અને વિપક્ષ સાથે જોવા મળ્યાં. બંધારણની મૈથિલી અને સંસ્કૃતિ નકલના વિમોચન દરમિયાન જ્યારે પીએમ નરેન્દ્ર મોદી રાષ્ટ્રપતિ સાથે મંચ પર હતા, ત્યારે રાહુલ ગાંધી, મલ્લિકાર્જુન ખડગે જેવા વિપક્ષી નેતાઓ પણ હાજર હતા. આ સિવાય બંને ગૃહોના સ્પીકર અને ડેપ્યુટી સ્પીકર પણ મંચ પર જોવા મળ્યા. 75માં સંવિધાન દિવસ નિમિત્તે ખાસ સ્ટેમ્પ અને સિક્કા પણ બહાર પાડવામાં આવ્યા હતા.

ઉલ્લેખનીય છે કે બંધારણ દિવસના અવસર પર ગૃહની સામાન્ય કાર્યવાહી નથી થઈ રહી પરંતુ બંનેનું સંયુક્ત સત્ર બોલાવવામાં આવ્યું હતું. આ પ્રસંગે રાષ્ટ્રપતિએ તમામ સભ્યો પાસે બંધારણની પ્રસ્તાવનાનું વાંચન પણ કરાવ્યું હતું.

આ પણ વાંચોઃ બંધારણ દિવસ વિશેષઃ જાણો ભારતનું બંધારણ આપણને ક્યા મૂળભૂત અધિકારો આપે છે

ઘટના બદાયૂના કબૂલપુરની છે. અહીં હિન્દુ સંગઠનની આડમાં આ ટોળકી ઘણા દિવસોથી યુવતીઓની છેડતી અને ખંડણીનો ધંધો કરતી હતી અને તેમની સામે કાર્યવાહી કરાઈ છે. ભૂતકાળમાં મળેલી ફરિયાદના આધારે પણ પોલીસે આ કાર્યવાહી કરી છે. આમાં કેટલાક કહેવાતા મીડિયાકર્મીઓ પણ સામેલ છે. પોલીસે વિશ્વ હિન્દુ મહાસંઘના જિલ્લા પ્રમુખ સહિત ત્રણ આરોપીઓની ધરપકડ કરીને જેલમાં ધકેલી દીધા છે.

યુપીના કબુલપુર વિસ્તારના રહેવાસી ધર્મેન્દ્ર કુમારની સિવિલ લાઇન્સ પોલીસ સ્ટેશન વિસ્તારના પટેલ ચોક પાસે મિડટાઉન હોટેલ છે. જેમાં તેઓ ઓનલાઈન હોટલ બૂકિંગ સર્વિસ ઓયેની ફ્રેન્ચાઈઝી ધરાવે છે. પોલીસને ફરિયાદ આપતાં ધર્મેન્દ્રએ કહ્યું કે ગુરુવારે કેટલાક લોકો હોટલના રૂમમાં રોકાયા હતા. નિયમો અનુસાર, તેમને તેમના ઓળખ કાર્ડ વગેરે સબમિટ કર્યા પછી જ રૂમ આપવામાં આવ્યા હતા. રૂમમાં રહેલા તમામ લોકો પુખ્ત વયના હતા.

દાદાગીરી કરી હોટલના રૂમમાં પ્રવેશી ગયા

ફરિયાદીએ જણાવ્યું કે, બપોરે વિશાલ ઠાકુર, કરણ પટેલ, તેજેન્દ્ર કુમાર, બબલુ અને અન્ય ચાર-પાંચ લોકો આવ્યા અને હોટલના રૂમમાં રોકાયેલા ગ્રાહકોના ઓળખ કાર્ડ દાદાગીરી કરીને ચેક કરવા લાગ્યા. જ્યારે ગ્રાહકોએ વિરોધ કર્યો તો તેઓ બળજબરીથી તેમના રૂમમાં પ્રવેશ્યા અને તેમના આઈડી ચેક કર્યા. તમામ ગ્રાહકોના આઈડી ચેક કર્યા બાદ પણ તેમણે છેડતીના ઈરાદે ત્યાં આવેલી યુવતીઓનો હાથ પકડી લીધો હતો. એ પછી ગાળો ભાંડી ધમકીઓ આપવા લાગ્યા. આ ગેંગે પોતાના મોબાઈલમાં ગ્રાહકોનો વીડિયો બનાવી લીધો હતો અને તેને વાયરલ કરી દેવાની ધમકી આપવા લાગ્યા હતા. હોટલમાં કેટલાક કપલ્સ પણ રોકાયેલા હોવાથી તેમને ધમકાવવાનું શરૂ કર્યું હતું.

વીડિયો વાયરલ ન કરવા માટે પૈસાની માંગણી કરી

આરોપ છે કે આ લોકોએ કપલ્સને કહ્યું હતું કે, જો તમે ઈચ્છો છો કે વીડિયો વાયરલ ન થાય તો રૂપિયા આપો. ફરિયાદના આધારે પોલીસે વિશાલ ઠાકુર, કરણ પટેલ, તેજેન્દ્ર કુમાર, બબલુ અને અજાણ્યા વિરુદ્ધ FIR નોંધી તપાસ શરૂ કરી છે. પોલીસના જણાવ્યા અનુસાર ત્રણ આરોપીઓની ધરપકડ કરવામાં આવી છે, જેમાં વિશાલ ઠાકુર, અમિત પિપ્પલ અને કરણ પટેલનો સમાવેશ થાય છે, જે પોતાને વિશ્વ હિન્દુ મહાસંઘના જિલ્લા પ્રમુખ કહે છે. ત્રણેયને જેલમાં ધકેલી દેવામાં આવ્યા છે.

કેટલાક સાગરિતો હજુ પણ ફરાર

સિવિલ લાઇન્સના ઇન્સ્પેક્ટર સંજય સિંહે જણાવ્યું કે આરોપીઓએ હોટલમાં દરોડા પાડવાનો વીડિયો પણ સર્ક્યુલેટ કર્યો છે. જેમાં યુવતીઓનો હાથ પકડનારો બબલુ અને અન્ય કેટલાક લોકો જોવા મળે છે. આ તમામ ફરાર છે અને તેમની શોધખોળ ચાલી રહી છે. પોલીસે FIR નોંધાયા બાદ તપાસ શરૂ કરી અને વીડિયો તથા CCTV ફૂટેજના આધારે વધુ બે નામ ઉમેર્યા છે. જેમાં અમિત પિપ્પલ પહેલેથી જ પોલીસને મળી આવ્યો હતો. જ્યારે અજયની શોધખોળ ચાલુ છે.

હિંદુ સંગઠન અને ગૌરક્ષક દળની આડમાં કાળા કામો

પોલીસે આ મામલે અન્ય કેટલાક આરોપીઓની ઓળખ કરી છે, પરંતુ તેમના નામ મળી શક્યા નથી. થોડા દિવસો પહેલા વિશ્વ હિન્દુ મહાસંઘના જિલ્લા પ્રમુખ વિશાલ ઠાકુરનો ઓડિયો અને વિડીયો પ્રસારિત કરવામાં આવ્યો હતો. ઓડિયોમાં તે પશુઓના વેપારી સાથે વાત કરી રહ્યો હતો. આ સાથે સ્ક્રીન શોટ પણ પ્રસારિત કરવામાં આવ્યો હતો. જેમાં દસ હજાર રૂપિયા નાખવામાં આવ્યા હતા. ઓડિયોમાં પશુઓ ભરેલા વાહનોને બહાર કાઢવા માટેની વાત ચાલી રહી હતી. એ પછી આ ગેંગ પર આરોપો લાગ્યા હતા કે તેઓ હિંદુ સંગઠન અને ગૌરક્ષક દળની આડમાં પશુઓની હેરાફેરી કરતી ગાડીઓને જે તે વિસ્તારમાંથી કઢાવવાનું કામ કરે છે. તેમ છતાં પોલીસે તે સમયે કોઈ કાર્યવાહી કરી ન હતી.

આ પણ વાંચો: હવે દલિતોને રીઝવવા વિશ્વ હિંદુ પરિષદ તેમના ઘરે જઈને ભોજન કરશે

કોર્ટે કહ્યું કે 26 નવેમ્બર 1949 જેવું આમુખ બનાવવા માટે આ બે શબ્દોને આમુખમાંથી દૂર શકાય નહીં. એ વાત સાચી કે છે કે, 26 નવેમ્બર 1949ના બંધારણ આ દેશના લોકોને સોંપવામાં આવ્યું હતું. પરંતુ બંધારણના સ્વીકારની તારીખ કલમ 368 હેઠળ આપવામાં આવેલા અધિકારોને છીનવી શકે નહીં. ભાજપના પૂર્વ સાંસદ સુબ્રમણ્યમ સ્વામી, સામાજિક કાર્યકર્તા બલરામ સિંહ અને એડવોકેટ અશ્વિની ઉપાધ્યાયે સુપ્રીમ કોર્ટમાં અરજી દાખલ કરીને કહ્યું હતું કે 42માં સુધારા બાદ બંધારણના ઘડવૈયાઓના મૂળ દ્રષ્ટિકોણને ખતમ કરી દેવામાં આવ્યો છે.

તેમણે કહ્યું, 'સમાજવાદી અને બિનસાંપ્રદાયિક શબ્દો 1976 માં સુધારા દ્વારા ઉમેરવામાં આવ્યા હતા અને તે હકીકતથી કોઈ ફરક પડતો નથી કે બંધારણ 1949માં અપનાવવામાં આવ્યું હતું...જો આ દલીલો, જે અગાઉના કેસોમાં પ્રભાવી હતી તેને સ્વીકારવામાં આવે તો તે બધા સુધારાઓને લાગુ પડશે.’

સુબ્રમણ્યમ સ્વામીએ તેમની અરજીમાં કહ્યું હતું કે બંધારણ અપનાવવાની તારીખે જે પ્રસ્તાવના હતી તેને બદલવામાં આવી હતી. એડવોકેટ અશ્વિની ઉપાધ્યાયે કહ્યું કે તેમને ‘સમાજવાદી’ અને ‘બિનસાંપ્રદાયિક’ શબ્દો સામે કોઈ વાંધો નથી પરંતુ જે ગેરકાયદેસર રીતે તેને બંધારણમાં સામેલ કરવામાં આવ્યા હતા તેના પર વાંધો છે.

આ પણ વાંચો: ‘ધર્મનિરપેક્ષ’ અને ‘સમાજવાદી’ શબ્દો બંધારણમાં રહેશે કે દૂર થશે?

ઉદ્ધવ ઠાકરેની શિવસેનાએ જ્યાં મહા વિકાસ અઘાડી (MVA) હેઠળ 95 બેઠકો પર ચૂંટણી લડી હતી પરંતુ માત્ર 20 બેઠકો જીતી શકી હતી.  મહા વિકાસ અઘાડીના અન્ય ગઠબંધન ભાગીદારોનું પ્રદર્શન પણ સારું નહોતું રહ્યું. કોંગ્રેસે 101 બેઠકોમાંથી માત્ર 16 બેઠકો જીતી હતી અને રાષ્ટ્રવાદી કોંગ્રેસ પાર્ટી (શરદપવાર) 86 બેઠકોમાંથી માત્ર 10 જ જીતી શકી હતી.

પત્રકારો સાથે વાત કરતા સંજય રાઉતે આરોપ લગાવ્યો કે, 'ચંદ્રચૂડે પક્ષપલટુઓના મનમાંથી કાયદાનો ડર દૂર કરી દીધો છે. તેમનું નામ ઇતિહાસમાં કાળા અક્ષરે લખવામાં આવશે.' 

વર્ષ 2022માં અવિભાજિત શિવસેનાના ભાગલા બાદ ઉદ્ધવ ઠાકરેના નેતૃત્વવાળા જૂથે એકનાથ શિંદે સાથે પક્ષપલટો કરનારા પક્ષના ધારાસભ્યોની ગેરલાયકાતને લઈને સુપ્રીમ કોર્ટમાં અરજી કરી હતી. પરંતુ સુપ્રીમ કોર્ટે ધારાસભ્યોની ગેરલાયકાત અંગે નિર્ણય લેવાની જવાબદારી મહારાષ્ટ્ર વિધાનસભાના અધ્યક્ષ પર છોડી દીધી હતી. એ પછી વિધાનસભા અધ્યક્ષે એકનાથ શિંદેની આગેવાની હેઠળના શિવસેના જૂથને 'અસલી રાજકીય પક્ષ' જાહેર કર્યો હતું.

રાઉતે આક્ષેપ કર્યો હતો કે વિધાનસભા ચૂંટણીના પરિણામો પહેલાથી જ નક્કી થઈ ગયા હતા. તેમણે કહ્યું કે જો તત્કાલિન સીજેઆઈએ આ ધારાસભ્યોની ગેરલાયકાતની અરજીઓ પર સમયસર નિર્ણય કર્યો હોત તો આજે પરિણામ અલગ હોત.

અદાલતો હવે ICUમાં છે

સંજય રાઉતે કહ્યું, 'અમે દુઃખી છીએ, પરંતુ નિરાશ નથી. અમે લડાઈને નહીં છોડીએ. મતોનું વિભાજન પણ એક પરિબળ હતું અને રાષ્ટ્રીય સ્વયંસેવક સંઘ (RSS) એ ચૂંટણીમાં મહત્વની ભૂમિકા ભજવી હતી. નફરતનું ઝેર ફેલાવતા અભિયાને અમારા પર નકારાત્મક અસર પાડી.'

રાઉતે કહ્યું કે, નવી સરકારનો શપથ ગ્રહણ સમારોહ પડોશી રાજ્ય ગુજરાતમાં યોજવો જોઈએ. દરમિયાન, પક્ષના મુખપત્ર 'સામના'માં તેમની સાપ્તાહિક કૉલમ 'રોકઠોક' માં રાઉતે દાવો કર્યો હતો કે ચૂંટણી પંચ પ્રત્યે સંવેદના વ્યક્ત કરવાનો સમય આવી ગયો છે, તેણે ચૂંટણીમાં ધનબળના ઉપયોગ તરફ આંખ આડા કાન કર્યા હતા. તેમણે આરોપ લગાવ્યો કે કોર્ટ લાંબા સમયથી ICUમાં છે.

આ પણ વાંચો: ગણપતિ પૂજા પર PM મારા ઘરે આવે એમાં કંઈ ખોટું નથી: ડી.વાય. ચંદ્રચૂડ

તે સરકારી દરખાસ્તને મૂળ પિટિશનમાં પડકારવામાં આવી છે. સંસ્થાની દલીલ હતી કે, નેશનલ એજ્યુકેશન પોલિસી અનુસાર, તમામ ધર્મોની સારી બાબતો શીખવતા બિનસાંપ્રદાયિકતાના સિદ્ધાંતોનો અભ્યાસમાં સમાવેશ થવો જોઈએ, માત્ર ભગવત ગીતા જ નહીં.

સંસ્થાની દલીલ તાર્કિક હોવા છતાં ગુજરાત હાઈકોર્ટે તેને સ્વીકારવાને બદલે ભારતીય સંસ્કૃતિ અને સભ્યાનો ભાગ ગણાવીને આખા મામલાને છાવર્યો હોય તેમ જણાય છે. હાઈકોર્ટે કહ્યું કે ભગવદ ગીતા માત્ર એક ધાર્મિક ગ્રંથ નથી પરંતુ ભારતીય સંસ્કૃતિ અને સભ્યતાનો એક ભાગ છે. તેમાં રહેલા સિદ્ધાંતો નૈતિક મૂલ્યો શીખવે છે. તેથી, ભગવદ ગીતા એક પ્રકારનું નૈતિક વિજ્ઞાન છે. 
હાઈકોર્ટની બેન્ચે એમ પણ કહ્યું કે અમે વર્ષોથી પશ્ચિમી વિશ્વના નૈતિક પાઠ શીખી રહ્યા છીએ. આ અરજી એક પ્રચાર અને સ્ટંટ સિવાય બીજું કંઈ નથી અને તેમાં રાષ્ટ્રીય નીતિ વિરુદ્ધ કંઈ નથી. અભ્યાસક્રમમાં સામેલ કરવા માટે અરજદારોએ તેમના ધર્મની યોગ્યતાઓ સરકાર સમક્ષ રજૂ કરવાની રહેશે. સરકાર પછી સરકાર તેને પોતાની રીતે ઉમેરી શકે છે.

આ સંદર્ભમાં અરજદારે સુપ્રીમ કોર્ટમાં થયેલી સુનાવણીને પણ ટાંકી હતી અને એમ પણ કહ્યું કે સરકાર દ્વારા અરજી અંગે કોઈ જવાબ રજૂ કરવામાં આવ્યો નથી. અરજદારે કહ્યું કે, એક વિશેષ સંસ્થા છે જે અભ્યાસક્રમ નક્કી કરે છે. તેમણે અભ્યાસ નક્કી કરવો જોઈએ, સરકારે તેમાં દખલ ન કરવી જોઈએ. જો કે, હાઈકોર્ટે કહ્યું કે ભગવદ ગીતા માત્ર ધાર્મિક શિક્ષણ નથી, પરંતુ જીવનના મૂળભૂત નીતિ-નિર્માણ મૂલ્યો શીખવે છે. તે રાષ્ટ્રીય શિક્ષણ નીતિની વિરુદ્ધ નથી. હાઈકોર્ટે અરજદારને મૂળ અરજી પર સુનાવણી માટે એક મહિના પછીની તારીખ આપી હતી.

આ પણ વાંચોઃ નવા શૈક્ષણિક સત્રથી ધો. 6 થી 8માં ભગવદ ગીતાના પાઠ ભણાવાશે

ખંભાતમાંથી બહાર પડતા પાક્ષિક 'તીસરી આઝાદી' ના તંત્રી અને ઉપરોક્ત લેખો દ્વારા રેશનાલિસ્ટ વિચારોને પ્રકાશિત કરનાર શ્રી જોન ડી'કોસ્ટા  વિરુદ્ધ ફરિયાદ થયેલી.  વિશ્વ હિંદુ પરિષદ ખંભાતના પ્રમુખ દ્વારા આઈ.પી.સી.ની કલમ 295(ક) તથા કલમ 153(ક) એટલે કે ધાર્મિક લોકોની લાગણી દુભાવવી અને પ્રાદેશિક અને જ્ઞાતિઓ અને કોમો વચ્ચે દુશ્મનાવટ અને દ્વેષની લાગણી ફેલાવવી અને તેથી શાંતિ ભંગ થાય તેવું કૃત્ય કરવા બદલ ૩ માર્ચ 2020 ના રોજ કેસ ચલાવી ટ્રાયલ કોર્ટ દ્વારા જોન ડી'કોસ્ટા તંત્રીને ત્રણ વર્ષની કેદની અને દંડની સજા કરવામાં આવેલી.

આ કેસમાં અનેક સિનિયર વકીલોએ અપીલ કરવા કે બચાવવા આવા કેસ લડવાની ના પાડેલી અને હિન્દુ ધર્મ વિશે ટિપ્પણી કરતા હોવાથી સજા ભોગવવા કહેલું. આરોપી કંટાળીને સજા ભોગવવા પણ તૈયાર થયેલ. આખરે ખંભાતથી જ્હોન ડી'કોસ્ટાએ એડવોકેટ પિયુષ જાદુગરનો સંપર્ક કર્યો. 

એ વખતે કોરોનાનો ભયાનક સમય હતો અને સૌ ઘરમાં પુરાયેલા હતા. તેમ છતાં એડવોકેટ પિયુષ જાદુગરે એડવોકેટ તરીકેની ફરજ બજાવવા તમામ સાથ સહકાર આપી ઓનલાઇન અપીલ કરી જામીન અપાવેલા અને ફરી અપીલ દાખલ કરી આપેલી. એ અપીલમાં સેશન્સ અપીલ કોર્ટે ટ્રાયલ કોર્ટનો ત્રણ વર્ષની કેદની સજાનો હુકમ રદ કરી દીધો હતો.

તાજેતરમાં ધર્માંધ લોકો રેશનાલિસ્ટોને ટાર્ગેટ કરીને, ખોટા કેસ કરીને હેરાન કરવા માંગતા હોય છે. સરકારના કેટલાક લોકો પણ આમાં સામેલ રહે છે અથવા આડકતરી મદદ કરતા હોય છે. આવી સ્થિતિમાં રેશનાલિસ્ટો સાચાં હોવા છતાં તેમને મદદ નથી કરતું (ડૉ. વલિ કેસનો કેસ) તે નોંધવું રહ્યું. આથી સાવચેત રહેવું જરૂરી છે.

સવર્ણ ધાર્મિક જજ અને સવર્ણ ધાર્મિક સરકારી વકીલ અને ક્યારેક તો આરોપી તરફે પણ ધાર્મિક વકીલ ડિફેન્સ તરીકે હોય ત્યારે રેશનાલિસ્ટને  સજા થવાના ચાન્સ વધુ હોય છે તે પણ નોંધવું રહ્યું. 
જ્હોન ડી કોસ્ટના આ કેસમાં અપીલ સમયે એડવોકેટ પિયુષ જાદુગર સાથે કોર્ટ પ્રોસિજર જોવા અને જાણવા દરેક મુદ્દતે હાજર હતો અને કોર્ટની કાર્યવાહીથી માહિતગાર છું. ઘણીવાર કોર્ટ પણ પોતાની ધાર્મિક આસ્થાને કારણે પોતાની અંગત માન્યતાઓને કેસમાં જોડી દે છે અને રેશનલ વાતો, તર્ક અને સત્ય સ્વીકારવા તૈયાર નથી હોતી, તે મેં નજરે જોયું છે.

એન. વી. ચાવડા પ્રખર રેશનાલીસ્ટ અને લેખક તો હાલ હયાત નથી. પરંતુ આજે એક રેશનાલિસ્ટ અખબારના તંત્રી ત્રણ વર્ષની કેદની સજામાંથી બચી ગયેલ છે. જે રેશનાલીસ્ટ લોકો માટે ખૂબ આનંદની વાત છે. 

આ પણ વાંચોઃ કાળી ચૌદશનો ડર છોડી અમદાવાદમાં 4000થી બહુજનો સ્મશાનમાં ઉમટી પડ્યાં

આ દરમિયાન સીજેઆઇએ કહ્યું કે. બંધારણમાં ૪૨મો સુધારો આ અદાલત દ્વારા ઘણી ન્યાયિક સમીક્ષાઓને આધિન છે. તે સમયે (ઇમરજન્સી) સંસદે જે પણ કર્યું તે અમાન્ય હતું એવું આપણે કહી શકીએ નહીં. ચુકાદો અનામત રાખતી વખતે બેન્ચે અરજદારોની આ કેસને બંધારણીય બેન્ચને મોકલવાની માંગને ફગાવી દીધી હતી. બેન્ચે એ પણ કહ્યું કે ભારતીય અર્થમાં "સમાજવાદી બનવું" એ "કલ્યાણકારી રાજ્ય" ગણાય છે. સીજેઆઈની બેન્ચે આ મુદ્દે ચુકાદો આપવા માટે ૨૫ નવેમ્બરની તારીખ નક્કી કરી છે.

ઉલ્લેખનીય છે કે, વર્ષ ૧૯૭૬માં ઈન્દિરા ગાંધીની સરકારે ૪૨મો બંધારણીય સુધારો કરીને બંધારણની પ્રસ્તાવનામાં “સમાજવાદી”, “સેક્યુલર” અને “અખંડિતતા” શબ્દોનો સમાવેશ કર્યો હતો. આ સુધારા પછી પ્રસ્તાવનામાં ભારતનું સ્વરૂપ "સાર્વભૌમ, લોકશાહી, પ્રજાસત્તાક" થી "સાર્વભૌમ, સમાજવાદી, બિનસાંપ્રદાયિક, લોકશાહી પ્રજાસત્તાક" માં ફેરવાયું હતું.

આ પણ વાંચો: અદાલતોના કાર્યક્રમોમાં પૂજા-અર્ચના બંધ કરો, ફક્ત બંધારણ આગળ માથું નમાવોઃ જસ્ટિસ અભય ઓકા

મામલો શું છે?
અંબાજી મંદિરના મહંત બ્રહ્મલીન થતા ગાદી માટેનો વિવાદ ચરમ સીમાએ પહોંચ્યો છે. સાધુ-સંતોમાં કેટલી હદે ભ્રષ્ટાચાર ચાલે છે તે પણ આનાથી ખૂલ્લું પડી ગયું છે. ભૂતનાથના મહંત મહેશગિરિએ શ્રી પંચ દશનામ જૂના અખાડાનો પત્ર જાહેર કરી ભવનાથના મહંત હરિગિરિ પર ગંભીર આરોપ લગાવ્યો છે. અખાડામાંથી હરિગિરિએ રકમ લઈ ભાજપ પાર્ટી ફંડમાં તથા બે કલેક્ટર, ભવનાથના સાધુ-સંતોને મળી કુલ 8 કરોડ રૂપિયા આપ્યા હોવાનું દર્શાવતો કથિત પત્ર તેમણે રજૂ કર્યો છે.

અખાડા પરિષદના મહામંત્રી અને જુના અખાડાના સંરક્ષક તથા ભવનાથના મહંત હરિગિરિની સહીવાળો શ્રી પંચ દશનામ જુના અખાડાનો પત્ર ભૂતનાથના મહંત મહેશગિરિએ જાહેર કર્યો છે. પત્રમાં કથિતપણે હરિગિરિના લખ્યા મુજબ, 'મહંત હરીગિરિ ગુરૂ દત્તાત્રેગિરિ ભવનાથ મંદિરને અખાડામાં સામેલ કરવા માટે હરીગિરિના નામ જોગ કલેક્ટર અને મહમંડલેશ્વર ભારતી બાપુ, ઈન્દ્રભારથી, મહાદેવગિરિ, મુક્તાનંદગિરિ સહિતનાઓએ મળી ભવનાથ મંદિરનો કબ્જો ભોગવટો મને સોંપવા માટે સહયોગ આપ્યો છે તે માટે મારા પાસે રહેલા નાણાંમાંથી તમામને આપ્યા છે. મારો કાયમી હુકમ કલેક્ટર કરી દેશે ત્યારે ભવનાથ મંદિર મારી માલિકીનું થઈ જશે.'

ભૂતનાથના મહંત મહેશગિરિએ આક્ષેપ કર્યો છે કે, ભવનાથના મહંત હરીગિરિ ટોચના નેતાના નામે તંત્ર અને લોકોને દબાવી રહ્યા છે, જો તેઓ ભવનાથ અને ગિરનાર નહી છોડે તો હજુ તેના એક-એક કરતુત જાહેર કરી દઈશ, અખાડાઓમાંથી પૈસાની હેરાફેરી કરી છે, આવી રીતે સાધુ-સંતો, તંત્રને ભડકાવ્યા છે, ધર્મને નુકસાન કર્યું છે અને અખાડાની આબરૂને બટ્ટો લગાડયો છે. આમ, ભવનાથના મહંત બનવા માટે ભાજપ, સાધુ-સંતોને નાણાં આપવામાં આવ્યા હોવાના ગંભીર આક્ષેપથી ચકચાર મચી ગઈ છે.

મહંતે અખાડામાંથી ભાજપને ફંડમાં રૂ. 5 કરોડ આપ્યા
પત્રમાં ઉલ્લેખ મુજબ ભાજપના રાષ્ટ્રીય ફંડમાં પાંચ કરોડ આપવામાં આવ્યા છે. જૂનાગઢના બે કલેક્ટરો અને મહામંડલેશ્વર ભારતીબાપુને 50-50 લાખ રૂપિયા, ઈન્દ્રભારથી, સિધ્ધેશ્વરગિરિ, મહાદેવગિરિ, મુક્તાનંદગિરિ કમંડલકુંડ, જયશ્રીગિરિને 25-25 લાખ, શિવધુણાવાળા મહંત, સેવાદેવી પુનીતાચાર્યને 15-15 લાખ રૂપિયા આપવામાં આવ્યા છે.

જૂનાગઢના કલેક્ટરની શંકાસ્પદ ભૂમિકા
ભવનાથના મહંત તરીકેનો ઓર્ડર કલેક્ટર દ્વારા કરવામાં આવે છે. આ ઓર્ડર કરવાની ભૂમિકા પણ શંકાસ્પદ રહેલી હોવાના આક્ષેપ થઈ રહ્યા છે. જૂનાગઢના તત્કાલીન કલેક્ટર રચીત રાજ દ્વારા ભવનાથ મહંત હરીગિરિની મુદ્દત પુરી થતી હતી તેના ચાર માસ પહેલા તેમને ફરી મહંત તરીકે વર્ષ 2025 સુધીનો ઓર્ડર કરી દેવામાં આવ્યો હતો. સામાન્ય રીતે મહંતની મુદ્દત પુરી થતી હોય તેવા કિસ્સામાં પંદેરેક દિવસ અગાઉ નિર્ણય થતો હોય છે. તત્કાલીન કલેક્ટર દ્વારા ચાર માસ અગાઉ જે ઓર્ડર કરવામાં આવ્યો તે શા માટે થયો? તે મહત્વનું છે. કલેક્ટરે ઓર્ડર કરી દીધા બાદ તેની બદલી થઈ ગઈ હતી. પોતાની બદલી પહેલા ભવનાથના મહંતનો રિન્યુઅલ ઓર્ડર અને એ પણ અગાઉ શંકાસ્પદ ભૂમિકા છે.

અંબાજી મંદિરની ગાદીનો વિવાદ
આ તરફ અંબાજી મંદિરની ગાદી માટે પણ મોટો વિવાદ ચાલી રહ્યો છે. ભવનાથના મહંત હરિગીરી સહિતનાઓએ અંબાજીના મહંત તરીકે  પ્રેમગીરીની નિમણૂક કરી પરંતુ તે અંગે મોટો વિવાદ સર્જાતાં કલેક્ટરે ચેરિટી કમિશનરમાંથી અંબાજી, ભીડભંજન મંદિર ટ્રસ્ટના કાગળો મંગાવી તપાસ શરૂ કરી છે. હાલ ભીડભંજન ખાતે હરિગીરીએ તેમના બે સાધુઓને બેસાડી દીધા છે, જ્યારે અંબાજી મંદિરે કબ્જો લેવાની ગતિવિધિઓ પડતી મુકવી પડી છે. કોઈ અનિચ્છનીય બનાવ રોકવા ભીડભંજન ખાતે પોલીસ બંદોબસ્ત ગોઠવાયો છે.

એક સાધુને સમાધિ આપ્યા પહેલા વારસને લઈને બબાલ
તનસુખગીરી બાપુ બ્રહ્મલીન થયા અને હજુ તેને સમાધી પણ આપવામાં ન આવી હતી, તેમનો પાર્થિવ દેહ ભીડભંજન ખાતે હતો ત્યારે ગાદી માટે વિવાદ શરૂ કરી દેવામાં આવતા સભ્ય સમાજમાં આકરી ટીકા શરૂ થઈ ગઈ છે. તનસુખગીરી બાપુના ટ્રસ્ટ અંગેના તમામ કાગળો ચેરીટી કમિશનર પાસેથી કલેક્ટરે મંગાવી તેના બંધારણમાં શું જોગવાઈ છે તે અંગેની કાયદાકીય પ્રક્રિયા શરૂ કરી દીધી છે. બુધવારે હરીગીરીના જૂથ દ્વારા ઉગ્ર વિરોધ વચ્ચે ધરાર પ્રેમગીરીની તનસુખગીરીના ઉતરાધીકારી તરીકે ચાદરવિધી કરી નાખી હતી. બાદમાં બુધવારથી જ ત્યાં બે સાધુઓને બેસાડી દેતા અનેક અટકળો શરૂ થઈ ગઈ છે.

સાધુઓના ડરથી પોલીસ ગોઠવવી પડી
જવાહર રોડ પર આવેલા ભીડભંજનને ચાદરવિધી કર્યા બાદ ગુરૂવારે ગિરનાર પર્વત પર આવેલા અંબાજી મંદિરે કબજો લઈ ત્યાં પણ સાધુઓની નિમણુંક કરવાની ગતિવિધીઓ થવાની શક્યતાઓ હતી પરંતુ કોઈપણ કારણોસર તે પ્રક્રિયા બંધ રાખવાની ફરજ પડી છે. ભીડભંજન ખાતે કોઈ અનિચ્છનીય બનાવ ન બને તે માટે પોલીસે પણ બંદોબસ્ત ગોઠવવાની ફરજ પડી છે. સમગ્ર ડખ્ખા મુદ્દે સરકાર દ્વારા હાલ પુરતો મંદિરનો સમગ્ર વહિવટ હસ્તગત કરવામાં આવે તેવી શક્યતાઓ જોવા મળી રહી છે. સરકાર દ્વારા થોડા સમય માટે મંદિરનું સંચાલન વહિવટી તંત્રને સોંપી ત્યારબાદ તમામ કાયદાકીય પ્રક્રિયાઓ કરી જો નિયમ મુજબ શક્ય હશે તો અન્યને મહંત તરીકે નિમણુંક કરવામાં આવે તેવી સંભાવના છે.

ભીડભંજન મહાદેવ મંદિરના સંપત્તિ પર અનેકનો ડોળો
ભીડભંજન મહાદેવ મંદિરની જગ્યામાં એક રૂમમાં બ્રહ્મલીન મહંતની બચત કરેલી મોટી રકમ, સોના-ચાંદીના આભૂષણો, દાગીના સહિતની અનેક કિંમતી જરઝવેરાતો છે. આ તમામ કિંમતી ચીજવસ્તુઓ પર અનેક લોકોનો ડોળો હોવાનું ચર્ચાઈ રહ્યું છે. કલેક્ટર દ્વારા તાત્કાલિક આ રૂમને સીલ મારી દેવામાં આવે ત્યારબાદ તમામ વિવાદનો અંત આવ્યા બાદ જ તેમનું સીલ ખોલવું જોઈએ તેવી પણ પ્રબુદ્ધ નાગરિકોમાંથી માંગ ઉઠી છે.

આ પણ વાંચોઃ ગિરનાર મંદિરના વિવાદમાં મહંત પરિવારે આત્મવિલોપનની ચિમકી ઉચ્ચારી

અદાણી તરફથી તાજેતરમાં ગ્રીન એનર્જી સેક્ટરમાં ભારે રોકાણ કરવાની જાહેરાત કરાઈ હતી. આ જાહેરાત ગ્રુપના ચેરમેન ગૌતમ અદાણી તરફથી અમેરિકી રાષ્ટ્રપતિ ચૂંટણીમાં ડોનાલ્ડ ટ્રમ્પની જીત પર શુભેચ્છા આપવાની સાથે કરાઈ હતી. ટ્રમ્પે એનર્જી કંપનીઓ માટે નિયમોને સરળ બનાવવાનું વચન આપ્યું છે. જેનાથી તેમને ફેડરલ લેન્ડ પર ડ્રિલિંગ કરવામાં અને પાઈપલાઈન બનાવવામાં સરળતા રહેશે. બીજી બાજુ અમેરિકાના સિક્યુરિટીઝ એન્ડ એક્સચેન્જ કમીશન તરફથી ગૌતમ અદાણી પર અમેરિકી રોકાણકારોને દગો કરવાના અને અધિકારીઓને લાંચ આપવાના આરોપ લગાવવામાં આવ્યા છે. 

અદાણી, તેમના ભત્રીજા સાગર અદાણી (૩૦), અદાણી ગ્રીન એનર્જીના અધિકારી અને એજ્યોર પાવર ગ્લોબલ લિમિટેડના એક એક્ઝિક્યુટિવ સિરિલ કેબનેસ પર મલ્ટી બિલિયન ડોલરની યોજના હેઠળ અમેરિકી રોકાણકારો અને ગ્લોબલ ફાઈનાન્શિયલ ઈન્સ્ટીટ્યૂટથી પૈસા મેળવવા માટે ખોટા અને ભ્રામક નિવેદનો દ્વારા પ્રતિભૂતિ અને વાયર ફ્રોડ કરવાનું ષડયંત્ર રચવાનો આરોપ છે. આ આરોપોનો સંબંધ એક અબજો ડોલરના પ્રોજેક્ટ સાથે હોવાનું કહેવાય છે. 

આરોપ પત્રમાં કહેવાયું છે કે અદાણી અને અન્ય લોકોએ લગભગ ૨૬૫ મિલિયન ડોલરની લાંચ આપી છે. તેમને આશા હતી કે આ કોન્ટ્રાક્ટથી આગામી બે દાયકામાં ૨ બિલિયન ડોલરથી વધુનો ફાયદો થશે. એવો પણ દાવો છે કે યોજનામાં સામેલ કેટલાક લોકોએ ગૌતમ અદાણી માટે 'ન્યૂમેરો ઉનો' અને 'ધ બિગ મેન' જેવા કોડ વર્ડ વાપર્યા હતા. આરોપ છે કે અદાણી, તેમના ભત્રીજા સાગર અદાણી અને એક અન્ય એક્ઝીક્યુટિવ વિનીત જૈને અદાણી ગ્રીન એનર્જી માટે ૩ અબજ ડોલરથી વધુની લોન અને બોન્ડ મેળવવા માટે લેણદારો અને રોકાણકારોથી લાંચને છૂપાવી રાખી હતી.

આ પણ વાંચો: લોકસભા ચૂંટણીના પરિણામોથી અદાણી ગ્રુપને મોટો ફટકો

આ બધા આરોપ Foreign Corrupt Practices Act હેઠળ આવે છે જે વિદેશી વ્યાપારિક લેવડદેવડમાં લાંચ વિરુદ્ધના અમેરિકી કાયદા છે. આસિસ્ટન્ટ એટોર્ની જનરલ લિસા એચ મિલરે કહ્યું કે આરોપ પત્રમાં ભારતીય સરકારી અધિકારીઓને ૨૫૦ મિલિયન યુએસ ડોલરથી વધુની લાંચ આપવા, રોકાણકારો અને બેંકોથી અબજો ડોલર ભેગા  કરવા માટે ખોટું બોલવા અને તપાસમાં વિધ્ન નાખવાની યોજનાઓનો આરોપ લગાવવામાં આવ્યો છે. 

કેસમાં જેમના નામ છે તેમાં - ગૌતમ અદાણી (૬૨), સાગર એસ અદાણી (૩૦), વિનિત એસ. જૈન (૫૩)- રંજીત ગુપ્તા(૫૪), સિરિલ કબાનેસ (૫૦), સૌરભ અગ્રવાલ (૪૮), દીપક મલ્હોત્રા(૪૫), રૂપેશ અગ્રવાલ (૫૦) નો સમાવેશ થાય છે. 

રિપોર્ટ્‌સમાં દાવો કરાયો છે કે ગૌતમ અદાણી અને સાગર અદાણી વિરુદ્ધ અરેસ્ટ વોરંટ જાહેર કરાયું છે. અમેરિકી સિક્યુરિટીઝ એન્ડ એક્સચેન્જ કમીશનએ બે લોકો અને એક અન્ય વ્ય્કતિ, સિરિલ કેબનેસ વિરુદ્ધ સંબંધિત દીવાની આરોપ દાખલ કર્યા છે. અમેરિકી સરકારે હજુ સુધી  અદાણી અને અન્ય વ્યક્તિઓ વિરુદ્ધ વિશિષ્ટ આરોપો વિશે પૂરી જાણકારી આપી નથી.

અદાણી ગ્રુપે આ આરોપોને સંપૂર્ણપણે ફગાવી દીધા છે. જૂથે એક મીડિયા નિવેદનમાં જણાવ્યું હતું કે, 'અદાણી ગ્રીનના ડિરેક્ટરો પર યુએસ ડિપાર્ટમેન્ટ ઓફ જસ્ટિસ અને યુએસ સિક્યોરિટીઝ એન્ડ એક્સચેન્જ કમિશન દ્વારા લગાવવામાં આવેલા આરોપો પાયાવિહોણા છે.

અદાણી ગ્રૂપે નિવેદનમાં જણાવ્યું હતું કે, "યુએસ ડિપાર્ટમેન્ટ ઓફ જસ્ટિસ દ્વારા જ જણાવવામાં આવ્યું છે તેમ, "તપાસમાં મૂકવામાં આવેલા આરોપો સમાન છે અને જ્યાં સુધી દોષિત સાબિત ન થાય ત્યાં સુધી પ્રતિવાદીઓ નિર્દોષ હોવાનું માનવામાં આવે છે."

નિવેદનમાં વધુમાં કહેવામાં આવ્યું છે કે, 'અદાણી જૂથ હંમેશા ઉચ્ચતમ ધોરણોનું પાલન કરે છે અને તેના તમામ ઓપરેટિંગ ક્ષેત્રોમાં શાસન, પારદર્શિતા અને નિયમનકારી અનુપાલન જાળવવા માટે પ્રતિબદ્ધ છે. અમે અમારા હિતધારકો, ભાગીદારો અને કર્મચારીઓને ખાતરી આપીએ છીએ કે અમે કાયદાનું પાલન કરતી સંસ્થા છીએ, તમામ કાયદાઓનું સંપૂર્ણ પાલન કરીએ છીએ.

ગૌતમ અદાણી પર યુએસ પ્રોસિક્યુટર્સ દ્વારા ભારતમાં સોલાર પાવર કોન્ટ્રાક્ટ જીતવા માટે અનુકૂળ શરતોના બદલામાં ભારતીય અધિકારીઓને ઇં૨૫૦ મિલિયન લાંચ આપવાનો આરોપ મૂકવામાં આવ્યો છે. યુએસ પ્રોસિક્યુટર્સે અદાણી, તેમના ભત્રીજા સાગર અદાણી અને અન્ય પર ૨૦૨૦ અને ૨૦૨૪ ની વચ્ચે સોલાર પાવર કોન્ટ્રાક્ટ જીતવા માટે ભારતીય સરકારી અધિકારીઓને ૨૫૦ મિલિયન ડોલરથી વધુ લાંચ આપવાનો આરોપ મૂક્યો હતો. એક અંદાજ મુજબ, આનાથી અદાણી જૂથને બે અબજ ડોલરથી વધુનો નફો થવાની સંભાવના હતી.

યુએસ પ્રોસિક્યુટર્સે આરોપ લગાવ્યો હતો કે આ બધું અમેરિકન બેંકો અને રોકાણકારોથી છુપાવવામાં આવ્યું હતું, જેમની પાસેથી અદાણી ગ્રુપે પ્રોજેક્ટ માટે અબજો ડોલર એકત્ર કર્યા હતા. ન્યૂયોર્કના પૂર્વીય જિલ્લાના યુએસ એટર્ની બ્રાયન પીસે એક નિવેદનમાં જણાવ્યું હતું કે, "પ્રતિવાદીઓએ અબજો ડોલરના કોન્ટ્રાક્ટ મેળવવા માટે ભારતીય સરકારી અધિકારીઓને લાંચ આપવાનું એક વિસ્તૃત કાવતરું ઘડ્યું હતું.”

આ પણ વાંચો: હિંડનબર્ગે અદાણીનું સામ્રાજ્ય હચમચાવી દીધું, અબજોનો ફટકો પડ્યો

મળતી માહિતી મુજબ, જૂનાગઢના ગિરનાર પર્વત પર આવેલા અંબાજી મંદિરના મહંત તનસુખગીરી મહારાજ બ્રહ્મલીન થયા હતા. એ બાદ નવા મહંતની નિમણૂંકને લઈને વિવાદ ઊભો થયો છે. ભારે હોબાળો વચ્ચે મંદિરના નવા મહંત તરીકે અખાડા પરિષદે પ્રેમગીરીબાપુની નિયુક્તિ કરી છે. જેને લઈને પૂર્વ મહંતના પરિવારે ઉગ્ર વિરોધ કર્યો છે.

બ્રહ્મલીન તનસુખગીરી મહારાજના પરિવારજનોએ માગ કરી છે કે, તેમની પરંપરામાંથી અંબાજી મંદિરની ગાદી આપવામાં આવે. અન્ય મહંતની ચાદરવિધિ કે જાહેરાત સ્વીકારવામાં નહીં આવે. તનસુખગીરી બાપુના પરિવારજનોએ આત્મવિલોપનની ચીમકી આપી છે.

આ તરફ પ્રેમગીરી બાપુએ કહ્યું કે, ગાદીપતિ કંઈક લખીને ગયા હોત અથવા કોઈને ઉત્તરાધિકારી તરીકે નિયુક્ત કરીને ગયા હોત તો કોઈ વિરોધ ન થાત. જ્યારે રૂદ્રેશ્વર જાગીર ભારતી આશ્રમના ઈન્દ્રભારતી બાપુએ કહ્યું કે, અખાડાના સર્વે સંતોએ નિર્ણય લઈને પ્રેમગીરી મહારાજને મહંત ઘોષિત કર્યા છે. છતાં આ મામલે અંતિમ નિર્ણય કલેક્ટર લેશે.

આ તરફ જૂના અખાડા દ્વારા અંબાજી મંદિરના નવા મહંત તરીકે અખાડાની પરંપરા મુજબ પ્રેમગીરી મહારાજની ચાદરવિધિ કરવામાં આવી હતી. 

આ મામલે અન્ય એક મહંત મહેશગીરી બાપુએ પ્રતિક્રિયા આપતા જણાવ્યું કે, જે પણ વિવાદ થયો છે એ મુદ્દે મેં સ્પષ્ટતા આપી છે. આ વિવાદ મારી જગ્યામાં નથી. ગિરનાર અને ધર્મમાં કોઈ આંચ ન આવે, એ વિશે વધુ ધ્યાન આપવું જોઈએ. અખાડા સંરક્ષણની ભૂમિકામાં હોય છે. નવા મહંતની ચાદરવિધિ સહમતીથી થવી જોઈએ. કલેક્ટરે આ બાબતે ધ્યાન આપવાની જરૂર નથી. હું અંબાજી મંદિરના મહંત બનવા માટે સામેથી દાવો નહી કરું.

સામાન્ય માણસને ત્યાગ કરવાનું કહેતા સંતો શું કરી રહ્યાં છે?

આ વિવાદમાં એટલું તો સ્પષ્ટ વર્તાય છે કે, સામાન્ય માણસને ધન, પૈસાની લાલચ છોડી દેવાની, આ બધું મોહમાયા છે કહીને ઈશ્વરના ચરણોમાં ધરી દેવાની સલાહો આપતા આ કથિત સંતોથી ગાદીનો મોહ છુટતો નથી અને તેના માટે કોર્ટ સુધી જવા તૈયાર હોય છે. હમણાં સરખેજના ભારતી આશ્રમમાં પણ બે સાધુઓના જૂથો ગાદી મેળવવા માટે થઈને બાઉન્સરો સાથે ફરતા હતા. આ શું સૂચવે છે? એ જ કે, કહેવાતા સંતો ખુદ રૂપિયા, પૈસા, ધન અને ગાદીનો મોહ છોડી શકતા નથી, તેના માટે તેઓ બાઉન્સરો રાખી મારામારી પર ઉતરી આવતા કે સામેના મહંતને ઉતારી પાડતી ચેષ્ટા કરવામાં પણ નાનપ નથી અનુભવતા. આ લોકો સામાન્ય માણસને શું રસ્તો બતાવવાના? તથાગત ગૌતમ બુદ્ધે એટલે જ કહ્યું છે, અપ્પો દીપો ભવ, અર્થાત તું જ તારો પ્રકાશ બન. આ ઘટનામાંથી સામાન્ય માણસે બસ આટલો જ ધડો લેવાનો છે.

આ પણ વાંચોઃ લીલી પરિક્રમામાં ઉમટતી ભીડ તીવ્ર બેરોજગારી-બેકારીનો સંકેત છે?

કંઈક આવો જ પેંતરો દ્રોણાચાર્યોએ અલાહાબાદ યુનિ.ના ઈતિહાસ વિભાગના પ્રોફેસર વિક્રમ હરિજનની નોકરી ખાઈ જવા માટે કર્યો છે. મધ્યયુગીન અને આધુનિક ઇતિહાસ વિભાગના સહાયક પ્રોફેસર ડૉ. વિક્રમ હરિજનને યુનિવર્સિટી તરફથી એક લેખિત ચેતવણી આપવામાં આવી છે જેમાં તેમને હિંદુ દેવી-દેવતાઓ વિરુદ્ધ અપમાનજનક ટિપ્પણી કરવા બદલ તેમની વિરુદ્ધ કાર્યવાહી કરવા સૂચના આપવામાં આવી છે.

અગાઉ પ્રો. વિક્રમે સોશિયલ મીડિયા પર હિંદુ દેવી-દેવતાઓ પર ટિપ્પણી કરી હતી, એ પછી સોશિયલ મીડિયા પર હોબાળો થયો હતો. આરોપ હતો કે તેમની ટિપ્પણીથી હિન્દુ ધર્મના લોકોની ભાવનાઓને ઠેસ પહોંચી છે. જોકે બાદમાં પ્રોફેસરે માફી પણ માંગી હતી. આખું પ્રકરણ પુરું થઈ ગયા બાદ ફરીથી તેને ઉખેળવામાં આવી રહ્યું છે.

પ્રો.વિક્રમ હરિજન ફરીથી કોઈ ટિપ્પણી ન કરે તે માટે 3 ઓક્ટોબરના રોજ કુલપતિ પ્રો. સંગીતા શ્રીવાસ્તવની અધ્યક્ષતામાં મળેલી એક્ઝિક્યુટિવ કાઉન્સિલની બેઠકમાં નિર્ણય લેવાયો હતો કે, જો યુનિવર્સિટીના કોઈ શિક્ષક કે કર્મચારી યુનિવર્સિટીની છબી ખરડવામાં સંડોવાયેલા જણાશે તો તેમને નિવૃત્તિ બાદ ગ્રેચ્યુઈટીનો લાભ આપવામાં આવશે નહીં. યુનિવર્સિટીના કર્મચારીઓ વાઇસ ચાન્સેલરની મંજૂરી બાદ જ યુનિવર્સિટી વિશે સોશિયલ મીડિયા પર લખી શકશે તેવું પણ કહેવામાં આવ્યું હતું. આ બેઠકમાં નિર્ણય લેવાયો હતો કે મદદનીશ પ્રોફેસર ડો.વિક્રમ હરિજનને દેવી-દેવતાઓ વિરુદ્ધ અપમાનજનક નિવેદનો કરવા બદલ ચેતવણી આપવામાં આવશે.

આ જ ક્રમમાં 14 નવેમ્બરે યુનિવર્સિટીના રજીસ્ટ્રાર પ્રો. આશિષ ખરે દ્વારા જારી કરાયેલા પત્ર દ્વારા એક્ઝિક્યુટિવ કાઉન્સિલ દ્વારા પ્રો. વિક્રમ હરિજનને ચેતવણી આપવામાં આવી છે કે, તમે ભવિષ્યમાં આવી પ્રવૃત્તિઓ ટાળો અને ધર્મ અને સંસ્કૃતિ જેવા સંવેદનશીલ મુદ્દાઓને લઈને કોઈપણ જાહેર કે સોશિયલ મીડિયા પ્લેટફોર્મ પર કોઈપણ ભડકાઉ ટીપ્પણી ન કરો, કારણ કે તેનાથી યુનિ.ની છબિ ખરડાય છે. જો ભવિષ્યમાં તમે સોશિયલ મીડિયા/પ્રિન્ટ મીડિયા પર આવી બદનક્ષીભરી ટિપ્પણીઓ લખવાનું ચાલુ રાખશો, તો યુનિવર્સિટી તમારી સામે કડક કાર્યવાહી કરશે.

આ મામલે પ્રોફેસર ડૉ. વિક્રમ હરિજને કહ્યું કે, "એવું નથી કે નોટિસ મળ્યા પછી હું અટકી ગયો છું. જો ધર્મ, જાતિ અને અંધશ્રદ્ધાને પ્રોત્સાહન આપશે તો હું ચોક્કસપણે તેના પર ચોક્કસ બોલીશ અને આજેય બોલી રહ્યો છું. માત્ર કોઈ એક ધર્મની વિરુદ્ધ જ નહીં, હું એવા તમામ ધર્મોની વિરુદ્ધ બોલું છું જે જાતિ ભેદભાવને પ્રોત્સાહન આપે છે. મેં એક એવો કોર્સ બનાવ્યો છે જેમાં એક સેગમેન્ટ છે - Religion in Marginal communities. હું શીખવું છું કે દરેક ધર્મ જે હાંસિયામાં ધકેલાઈ ગયેલા લોકો છે તેમને કોઈ સ્થાન નથી મળ્યું. હિંદુ, ઈસ્લામ કે શીખ એકેય ધર્મમાં તેમના માટે સ્થાન નથી."

આ પણ વાંચો: કોણ છે પ્રોફેસર વિક્રમ હરિજન, જેમની સામે VHP, બજરંગ દળે FIR કરી છે?

મળતી માહિતી પ્રમાણે આણંદ શહેરના વ્યાયામ શાળા નજીક 2013માં ડો. આંબેડકર ભવનનું નિર્માણ કરવામાં આવ્યું હતું. એ વખતે સરકાર દ્વારા માત્ર હોલ બનાવીને આપવામાં આવતો અને બાકીની વ્યવસ્થા સ્થાનિક લોકોની મદદથી કરવાની હતી. પરંતુ હાલમાં સરકાર દ્વારા આંબેડકર ભવનમાં સિટીંગ વ્યવસ્થા સહિત સુવિધા પુરી પાડવામાં આવે છે છતાં અહીં યોગ્ય બેઠક વ્યવસ્થા પણ કરવામાં આવી નથી. અહીં સ્ટેજની પણ વ્યવસ્થા નથી અને સાઉન્ડ સીસ્ટમના અભાવે કાર્યક્રમોમાં કરવામાં પણ તકલીફો પડે છે. ભવન ખાતે યોગ્ય વાહન પાર્કિંગની વ્યવસ્થા પણ નથી. સાથે સાથે કેટલાક સ્થળોએ બ્લોક પણ ક્ષતિગ્રસ્ત થઈ ગયા છે. 

સ્થાનિકોના જણાવ્યા પ્રમાણે, આ ભવનને 10 વર્ષ થઇ ગયા હોવાથી કેટલીક જગ્યાએ હોલમાં મરામતની જરૂરીયાત ઉભી થઇ છે. જેથી સમાજ કલ્યાણ વિભાગ દ્વારા આણંદ માર્ગ મકાન વિભાગને લેખિતમાં રજૂઆત કરીને રીનોવેશન અને ઇલેક્ટ્રીક સમારકામ માટે બે થી ત્રણ વખત રજૂઆત કરાઈ છે પરંતુ કામગીરી હાથ ધરાતી નથી. જેના કારણે દલિત સમાજનો લોકો સામાજીક કાર્યક્રમો યોજી શકતા નથી. ત્યારે સરકાર દ્વારા તાત્કાલિક ડો આંબેડકર ભવનનું નવેસરથી રીનોવેશન કરીને બાકી કામગીરી પૂર્ણ કરવી જોઈએ તેવી માગ ઉઠી છે.

આ તરફ માર્ગ અને મકાન વિભાગના સૂત્રો કહે છે કે, ડો આંબેડકર ભવનના બિલ્ડીંગનો માર્ગ મકાન વિભાગમાં સમાવેશ થતો નથી. જેથી તેની ગ્રાન્ટ જે તે વિભાગને મળતી હોય છે. સમાજ કલ્યાણ વિભાગની રજૂઆતના પગલે વિભાગ તપાસ કરીને એસ્ટીમેટ કાઢી આપશે. તે મુજબની ગ્રાન્ટ જે તે વિભાગ દ્વારા ફાળવવામાં આવશે એટલે રિનોવેશનની કામગીરી શરૂ કરી દેવામાં આવશે. જોવાનું એ રહેશે કે સરકાર ગ્રાન્ટ ક્યારે ફાળવે છે.

આ પણ વાંચો: ડૉ. આંબેડકર ફાઉન્ડેશનના બાકી કામો મુદ્દે મંત્રી ભાનુબહેનને અરજી કરાઈ

ઘટના વલસાડના પારનેરા ગામની છે. અહીં 65 વર્ષના એક વૃદ્ધને શિવજીની પૂજા કરતી વખતે હાર્ટ એટેક આવ્યો હતો અને તેનો ત્યાં જ ઢળી પડ્યા હતા. વૃદ્ધ કિશોરભાઈ પટેલ શિવાલય ખાતે દર્શન કરવા ગયા હતા. જ્યાં શિવજીની પૂજા કરતી વખતે તેઓ અચાનક ઢળી પડ્યા હતા. એ દરમિયાન મંદિરમાં ઉભેલા એક યુવકે તાત્કાલિક તેમને CPR આપી બચાવવાનો પ્રયાસ કર્યો હતો, પરંતુ તેમના શ્વાસ ચાલુ થઈ શક્યા નહોતા. ત્યારબાદ વૃદ્ધને નજીકની હોસ્પિટલમાં લઇ જવામાં આવ્યા હતાં. જ્યાં ફરજ પરના તબીબે તેમને મૃત જાહેર કર્યા હતા. આ સમગ્ર ઘટનાના CCTV ફૂટેજ પણ સામે આવ્યા છે.

કિશોરભાઈ પારનેરા ગામના સેકન્ડ ગેટ ખાતે રહેતા હતા અને અહીં જ ફાઇબર રિપેરીંગનું કામ કરતા હતા. પારનેરા ડુંગર ઉપર આવેલા શિવાલયમાં આરતી ગ્રુપના સક્રિય સભ્ય તરીકે તેઓ સેવા આપતા હતા. આ ઘટના ત્યારે બની હતી જ્યારે તેઓ નિત્ય ક્રમ મુજબ પારનેરા ડુંગર ઉપર આવેલા શિવાલયમાં રોજ દર્શન કરવા જતાં હતાં. આજે પણ કિશોરભાઈ રોજની જેમ શિવાલયમાં શિવજીના દર્શન કરવા આવ્યા હતા અને એ વખતે જ તેમને હાર્ટએટેક આવતા ત્યાં જ ઢળી પડ્યા હતા.

આ પણ વાંચો: રામલીલાના રામનું સ્ટેજ પર હાર્ટ એટેક આવતા મોત

રાજ્ય સરકાર દ્વારા ખેડૂતોની જમીન બિન ખાતેદાર (બિન ખેડૂત) ખરીદી શકે તે અંગે જમીન કાયદામાં સુધારા કરવાનું આયોજન કરાયું છે. જે અંગે વિધાનસભા કોંગ્રેસ પક્ષના નેતા અમિત ચાવડાએ ગાંધીનગર ખાતે પત્રકાર પરિષદ યોજીને ભાજપ સરકાર પર પ્રહારો કર્યા હતા.

ચાવડાએ જણાવ્યું હતું કે, ગુજરાતમાં ૫૬ લાખ કરતા વધુ ખેડૂત ખાતેદારો છે. છેલ્લા ૩૦ વર્ષથી રાજ્યમાં રાજ કરતી ભાજપ સરકારની નીતિ અને નિયતના કારણે દિવસે-દિવસે ગુજરાતમાં ખેતી અને ખેડૂતો બરબાદ થઇ રહ્યા છે. ત્યારે રાજ્ય સરકાર દ્વારા ખેડૂતો બરબાદ થાય એવો એક નિર્ણય કરવાનું આયોજન કરાયું છે. જેમાં ગુજરાતમાં બિન ખેડૂત હોય તે પણ ખેતીની જમીન ખરીદી શકશે, જેના કારણે તેની મોટી દુરોગામી અસરો પડશે અને ખેડૂતોને નુકસાન થવાનું છે.

દેશ આઝાદ થયો ત્યારે દેશમાં મોટાભાગની જમીનો દેશી રજવાડા, ગરાસદાર કે ગામધણી સાથે જમીનદારોના કબ્જામાં હતી. તે વખતે સામાન્ય ગરીબ લોકો ખાસ કરીને એસ.સી., એસ.ટી. પછાતવર્ગના લોકોએ જમીનોમાં ખેત મજૂરી કરતા હતા, ગણોતિયા હતા. આવા લોકોને સમૃદ્ધ બનાવવા કોંગ્રેસ સરકાર અને એની નીતિઓ દ્વારા જમીનના કાયદા લાવ્યા હતા. જેના કારણે જે જમીનમાં ખેતમજૂરો, ગણોતિયા, ભાગિયા લોકોને "ખેડે એની જમીન" નો કાયદો લાવી જમીનના માલિકો બનાવ્યા હતા. આવા કાયદા દ્વારા એક વ્યક્તિ પાસેથી જમીન લઇને નાના-નાના લોકોને આપી, જેના કારણે ગ્રામ્ય વિસ્તારમાં સમૃદ્ધિ વધી અને લોકોનું જીવન ધોરણ સુધર્યું છે.

વધુમાં અમિત ચાવડાએ જણાવ્યું હતું કે, અનેક સરકારી વિભાગોમાં ચર્ચા ચાલી રહી છે કે ગુજરાત સરકાર દ્વારા ડિસેમ્બર ૨૦૨૩માં જમીનમાં સુધારણા કરવા, નિયમો બદલવા, એના માટેની જોગવાઈ કરવા માટે સી. એલ. મીના અધ્યક્ષ પદે એક કમિટીની રચના કરાઇ હતી. ફેબ્રુઆરી ૨૦૨૪માં આ કમિટીએ ગુજરાત સરકારમાં અહેવાલ રજૂ કર્યો છે. જે અંગે સરકારે ચર્ચા-વિચારણા કરી રહી છે.

ચાવડાએ જણાવ્યું હતું કે, આ અહેવાલમાં જણાવ્યા મુજબ ગુજરાતમાં જમીન કાયદામાં સુધારો કરીને સરકાર "બિન ખેડૂત હોય તેવી વ્યક્તિ પણ ખેતીની જમીન ધારણ કરી શકે" એવો કાયદામાં સુધારો કરવા જઈ રહી છે. જેના માટે પૂર્વ કાયદામાં પણ સુધારા કરવા પડશે, સરકારનું પગલું રાજ્ય માટે ખૂબ જોખમી પુરવાર થશે.

વધુમાં તેમણે જણાવ્યું કે, રાજ્ય સરકાર દ્વારા રાજયમાં ખેતી અને ખેડૂતને ખતમ કરવાનું એક વ્યવસ્થિત ષડયંત્ર વર્ષોથી ચાલી રહ્યું છે એને અમલમાં મુકવા માટેનું આ પગલું છે. આ કાયદામાં સુધારાથી ગુજરાતમાં મોટા પ્રમાણમાં બિન ખેડૂતને ખોટી રીતે ખેડૂત બનાવવાનું નેટવર્ક ચાલી રહ્યું છે. જેના આધારે કરોડો રૂપિયાનો ભ્રષ્ટાચાર થઇ રહ્યો છે. ભાજપ સરકાર જમીન કાયદામાં સુધારો કરી "બિન ખેડૂત ખેતીની જમીન ધારણ કરી શકશે" તેવો સુધારો કરશે તો કોંગ્રેસ પક્ષ સડકથી લઇ વિધાનસભા સુધી ખેતી અને ખેડૂતોને બચાવવા ઉગ્ર વિરોધ કરશે.

આ પણ વાંચો: પાંજરાપોળો બંધાવનારા ગૌચરની જમીન પરના દબાણ વખતે કેમ ચૂપ રહે છે?

રાજ્યમાં કોઈ પણ હેતુ માટે અગાઉ બિન ખેતી (એનએ) થયેલી જમીનની કોઈપણ દરખાસ્ત પુન: હેતુફેર માટે જે તે જિલ્લા કલેકટર સમક્ષ રજૂ થાય છે. તો ત્યારે જો પ્રિમીયમ વસુલાત પાત્ર હોય અને અગાઉના બિનખેતીના નિર્ણય વખતે પ્રિમિયમ વસૂલ કરવાનું રહી ગયું હોય તેવા કિસ્સામાં હાલના સમયમાં આવું પ્રિમીયમ પ્રવર્તમાન જંત્રી દરના ૩૦ ટકા પ્રમાણે વસૂલ કરવાની પ્રથા અમલમાં છે.

આવા કિસ્સામાં જે તે જમીન બિનખેતી થયા સમયે પ્રીમિયમ વસૂલ ન કરાયું હોય તો આસામીને પ્રવર્તમાન જંત્રીની રકમના 30 ટકા પ્રમાણે પ્રીમિયમની રકમ ભરવાની થાય છે. જેના કારણે મુખ્યમંત્રી સમક્ષ સમાજના વિવિધ વર્ગો દ્વારા રજૂઆતો થઈ હતી. જે અંગે રાજ્ય સરકાર દ્વારા આ મામલે મહત્વપૂર્ણ નિર્ણય લેવામાં આવ્યો છે. આ મામલે મુખ્યમંત્રી દ્વારા નિર્ણય કરીને મહેસુલ વિભાગને દિશા નિર્દેશો આપ્યા છે.

જેના ભાગરૂપે રાજ્ય સરકાર દ્વારા એવો નિર્ણય કરાયો છે કે, ભૂતકાળમાં પ્રતિબંધિત સત્તા પ્રકાર અને નવી અને અવિભાજ્ય શરતની જમીનમાં પ્રીમિયમની રકમ વસુલવાની પાત્ર હતી, પરંતુ તે રકમ વસુલ લીધા વિના બિનખેતી પરવાનગી આપવામાં આવેલ છે. આવી જમીનમાં હાલના અરજદાર/કબજેદાર પાસેથી પ્રવર્તમાન જંત્રી કિંમતના ૧૦ ટકા પ્રીમિયમની રકમ વસુલ કરીને રિવાઇઝડ બિનખેતીની પરવાનગી આપવાની રહેશે.

આ પણ વાંચો: અયોધ્યામાં રામના નામે જમીન કૌભાંડનો નવો અધ્યાય...

મીડિયા રિપોર્ટ્સ મુજબ, આરએસએસએ જુલાઈથી જ પોતાની રણનીતિ પર કામ કરવાનું શરૂ કરી દીધું હતું. સંઘના સહ મહાસચિવ અતુલ લિમયેને ભાજપના ચૂંટણી પ્રચારના સંકલનની જવાબદારી સોંપવામાં આવી હતી. તેમણે કેન્દ્રીય પ્રધાન નીતિન ગડકરી અને મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસ સાથે ઘણી બેઠકો કરી હતી. ગડકરી અને ફડણવીસે રાજ્યભરમાં 70 થી વધુ જાહેર સભાઓને સંબોધી હતી. આરએસએસની મહિલા પાંખ રાષ્ટ્ર સેવિકા સમિતિ પણ ચૂંટણી પ્રચારમાં પાછળ રહી નથી. સમિતિની મહિલા કાર્યકરો દિવસ-રાત પ્રચારમાં વ્યસ્ત રહી હતી.

આરએસએસે મરાઠા, કુણબી અને માલી સમુદાયો જેવા વિવિધ સમુદાયોના નેતાઓ સાથે સંવાદ સ્થાપિત કર્યો હોવાનું કહેવાય છે. આ સાથે યુવાનો અને શહેરી મતદારોને આકર્ષવા માટે ખાસ વ્યવસ્થા કરવામાં આવી હતી. આઇટી સેક્ટર અને અન્ય વ્યવસાયોમાં કામ કરતા યુવા મતદારોને તેમના ગૃહ જિલ્લામાં મતદાન કરવા માટે બસો અને મફત ભોજનની વ્યવસ્થા કરવામાં આવી હતી. સંઘે 100 ટકા મતદાન સુનિશ્ચિત કરવા માટે ઘણી યોજનાઓ બનાવી છે. નાગપુર જેવા મુખ્ય વિસ્તારોમાં ડોર ટુ ડોર પ્રચાર કરવામાં આવ્યો છે. રામનગર જેવા વિસ્તારોમાં આરએસએસના કાર્યકરોએ બે વખત મતદારોનો સંપર્ક કર્યો હોવાનું કહેવાય છે.

ચૂંટણીમાં આ વખતે આરએસએસ અને ભાજપ વચ્ચેનો તાલમેલ પહેલા કરતા વધુ મજબૂત જણાય છે. ટિકિટ વિતરણથી લઈને બૂથ મેનેજમેન્ટ સુધી સંઘે દરેક પાસાઓમાં ઉંડાણપૂર્વકનો રસ લીધો હતો. સંઘના વરિષ્ઠ કાર્યકર દિલીપ દેવધરે દાવો કર્યો કે આ પહેલીવાર છે જ્યારે RSSએ કોઈ ચૂંટણીમાં પોતાની તમામ તાકાત લગાવી દીધી હોય.

મહારાષ્ટ્રમાં આવતીકાલે ચૂંટણી યોજાવાની છે અને ચૂંટણીનું પરિણામ 23મીએ જાહેર થશે. મતગણતરી બાદ જ સ્પષ્ટ થશે કે સંઘ અને ભાજપની આ રણનીતિ કેટલી સફળ રહી અને આરએસએસ-ભાજપના સંયુક્ત પ્રયાસોએ ચૂંટણીના માહોલને કેટલી પોતાના તરફ વાળી.

આ પણ વાંચો: મહારાષ્ટ્રમાં આંબેડકરવાદી પક્ષોમાં મતભેદને કારણે દલિત મતદારો મૂંઝવણમાં

સુરતના પાંડેસરા વિસ્તારની ઘટના
શહેરના પાંડેસરા વિસ્તારમાં નકલી તબીબોએ ભેગા મળી હોસ્પિટલ જ શરૂ કરી દીધી હતી. જન સેવા મલ્ટી સ્પેશિયાલિટી હોસ્પિટલ નામ આપી દીધું હતું. જેમાં 24 કલાક ઈમરજન્સી સેવા આપવાનું બોર્ડ પણ મારી દીધું હતું. આ સાથે જ પોલીસ અધિકારીનું નામ પણ આમંત્રણ પત્રિકામાં પ્રિન્ટ કરાવ્યું હતું. જોકે એક જ દિવસમાં દર્દીઓને લૂંટવા માટે શરૂ થયેલી આ હોસ્પિટલનો ભાંડો ફૂટી ગયો હતો.

બે નકલી ડોક્ટરો, ત્રીજો બુટલેગર
આ હોસ્પિટલ શરૂ કરનારમાં બે સામે બોગસ મેડિકલ પ્રેક્ટિસ તો ત્રીજો સામે દારૂની ફેરાફેરીના કેસમાં અગાઉ ઝડપાઈ ચૂક્યો છે. એસઓજી દ્વારા બબલુ શુકલા સામે બોગસ મેડિકલ પ્રેક્ટિસનો ગુનો નોંધાયો હતો. પાંડેસરા પોલીસે પણ આ જ રીતે રાજા રામ દૂબે સામે ફરિયાદ નોંધી હતી. બોગસ ડો.જી.પી.મિશ્રા સામે તો વર્ષ 2022 માં દારૂની ફેરાફેરીનો કેસ નોંધાયો હતો.

બે માળની હોસ્પિટલમાં ઓપરેશન થિયેટર પણ બનાવ્યું
નવાઈની વાત એ છે કે હોસ્પિટલનું ઉદ્દઘાટન થતાં જ અહીં દર્દીઓની લાઈન લાગી ગઈ હતી. 24 કલાક ઇમર્જન્સી સેવા આપવા હોસ્પિટલના કથિત ડોક્ટરો દ્વારા બે માળમાં આ હોસ્પિટલની શરૂઆત કરવામાં આવી હતી, જેમાં ઓપરેશન થિયેટર પણ હતું. આ કોઈ પ્રથમ હોસ્પિટલ કે ક્લિનિક નથી જ્યાં ડોક્ટરો ઉપર આવી રીતે કાર્યવાહી કરવામાં આવી હોય, તેઓ ગણતરીના કલાકોમાં જામીન મેળવીને ફરીથી આવી પોતાની જ ક્લિનિકમાં પ્રેક્ટિસ શરૂ કરી દે છે.
ગુજરાત સરકારે સર્ટિફિકેટ પણ આપી દીધું
હોસ્પિટલના સંચાલક ડોક્ટર સજ્જન કુમારે જણાવ્યું હતું કે, અમારી પાસે ગુજરાત સરકાર દ્વારા માન્ય સર્ટિફિકેટ છે અને અમે એ પ્રમાણે જ હોસ્પિટલની શરૂઆત કરી છે. બબલુ શુકલા, રાજારામ દુબે અને ડોક્ટર મીશ્રા MD ડોક્ટર્સની નજર હેઠળ અહીં RMO તરીકે ફરજ બજાવે છે અને ફક્ત અહીં કામ કરે છે. ઓર્થોપેડિક ડોક્ટર તરીકે પ્રત્યુષ ગોહિલ અને MD ડોક્ટર તરીકે સજ્જન કુમાર મીના છે અને તે ત્રણેય ડોક્ટરો ફક્ત અમારા નિમંત્રણ પર આવ્યા છે કહીને લુલો બચાવ કર્યો હતો અને પોતે જ આપેલા RMOના નિવેદન પરથી ફરી ગયા હતા.

આ પણ વાંચોઃ 20 હિંદુઓએ નકલી બૌદ્ધ સર્ટિફિકેટ બનાવડાવી એમબીબીએસમાં એડમિશન લઈ લીધું

આ મામલે ખાંભા પોલીસે અલગ અલગ ટીમો બનાવીને તપાસ હાથ ધરી હતી. જેમાં પોલીસને આરોપીઓ હળવદના અર્જુનગીરી અને બ્રિજેશગીરી હોવાની જાણકારી મળતા હળવદ પહોંચી મુખ્ય આરોપી અર્જુનગીરીને દબોચીને મુદ્દામાલ જપ્ત કર્યો હતો.

મામલો શું હતો? 

મળતી માહિતી પ્રમાણે, અમરેલીના ખાંભા ખાતે આવેલા ખોડીયાર આશ્રમમાં ભગુડાના એક સાધુ આરામ કરી રહ્યાં હતા. એ દરમિયાન અર્જુનગીરી નામનો સાધુ અને અન્ય એક અજાણ્યો સાધુ ત્યાં આવ્યાં હતા. આ બંનેએ ભગુડાના સાધુને 'તું વિધર્મી, નકલી સાધુ છે' કહીને મારામારી કરીને જાનથી મારી નાખવાની ધમકી આપી હતી. આ સાથે બંનેએ ભગુડાના સાધુના માથાની જટા કાપીની વીડિયો બનાવી વાઈરલ કર્યો હતો.

પોલીસે મુદ્દામાલ કબ્જે કરી ગુનો નોંધ્યો

બંને આરોપી સાધુઓ ભગુડાના સાધુ પાસે રહેલા 10,805 રોકડ, એક મોબાઈલ અને 300 ગ્રામના કાજુ-બદામ મળીને કુલ 21 હજાર લૂંટ કરીને ભાગી ગયા હતા. આ મામલે ભગુડાના સાધુએ બંને આરોપી સાધુ વિરુદ્ધમાં ખાંભા પોલીસ સ્ટેશનમાં ફરિયાદ નોંધાવી હતી. જેમાં પોલીસે સુલેહ શાંતિનો ભંગ અને ધાર્મિક માન્યતાઓનું અપમાન કરનારા બંને આરોપી વિરુદ્ધ ગુનો નોંધ્યો હતો.

આ પણ વાંચો: "વાસનાના પૂજારીના દિવસો આવ્યા" નવરાત્રી મુદ્દે સ્વામીનારાયણ સાધુ

બનાસકાંઠા જિલ્લા ભાજપના મોટા નેતા ગણાતા અને અરવલ્લી જિલ્લા ભાજપના પ્રભારી ગિરીશ જેઠાભાઇ જગાણિયા સામે પાલનપુરની ઉમિયા બીએડ કોલેજ પચાવી પાડવા અંગે ડૉ. ભરતભાઈ બેચરભાઈ બાન્ટિયાએ પાલનપુર પોલીસમાં ફરિયાદ નોંધાવી છે. જેમાં ડૉ. ભરતભાઈએ આરોપી ગિરીશ જગાણિયા સામે એવી ફરિયાદ નોંધાવી છે કે, આરોપી ગિરીશ જગાણિયાએ ડૉ. ભરત બાન્ટિયાને રૂ. ૧૦૦ના સ્ટેમ્પ પેપર ઉપર કરાર કરીને બંધ પડેલી ઉમિયા બીએડ કોલેજ ચલાવવા માટે કુલમુખત્યારનામું કરી આપ્યું હતું. ત્યાર બાદ ડૉ. ભરતભાઈ બેચરભાઈ બાન્ટિયાએ બીએડ કોલેજને શરૂ કરવા માટે સમયાંતરે રૂ. ૬૦ લાખથી વધુનો ખર્ચ કર્યો હતો. જેના કારણે ઉમિયા બીએડ કોલેજ સારી ચાલવા લાગી હતી.

ઉમિયા બીએડ કોલેજ સારી ચાલવા લાગતાં ગિરીશ જગાણિયાએ કોલેજનો વહીવટ પડાવી લેવા માટે ડૉ. ભરતભાઈ બેચરભાઈ બાન્ટિયા સાથે કરેલા કરારનો ભાગ કર્યો હતો. એટલું જ નહીં, ડૉ. ભરતભાઈ બેચરભાઈ બાન્ટિયાએ કોલેજ શરૂ કરવા માટે તેમજ અન્ય બાબતો માટે કરેલા ખર્ચ પેટેના રૂ. ૬૦ લાખની રકમ પરત આપી ન હતી. આમ કરીને ગિરીશ જગાણિયાએ ડૉ. ભરતભાઈ બેચરભાઈ બાન્ટિયા સાથે ગુનાહિત વિશ્વાસઘાત અને છેતરપિંડી કરી હતી.

આ મામલે જે તે સમયે ડૉ. ભરતભાઈ બેચરભાઈ બાન્ટિયાએ પોલીસ ફરિયાદ કરવા માટે પ્રયાસો કર્યા હતા. પરંતુ તે સમયે પોલીસ દ્વારા ગિરીશ જગાણિયા સામે ફરિયાદ લેવામાં આવી ન હતી. જેના કારણે ડૉ. ભરતભાઈ બેચરભાઈ બાન્ટિયાએ કોર્ટના દ્વાર ખખડાવ્યા હતા. જે અંગે ગુજરાત હાઇકોર્ટ દ્વારા આ મામલે ડૉ. ભરતભાઈ બેચરભાઈ બાન્ટિયાની તરફેણમાં ચુકાદો આપ્યો હતો. જેમાં હાઈકોર્ટે સ્પષ્ટ અને કડક શબ્દોમાં ગિરીશ જગાણિયા વિરુદ્ધ એફઆઇઆર દાખલ કરવાનો આદેશ કર્યો હતો. જેના અંતર્ગત પાલનપુર પોલીસ દ્વારા ભાજપના નેતા ગિરીશ જગાણિયા સામે રૂ. ૬૦ લાખની છેતરપિંડી અને ઠગાઇની ફરિયાદ નોંધીને કાર્યવાહી હાથ ધરી છે.

આ પણ વાંચો: ભાજપ નેતાએ OBC મહિલા સાથે દુષ્કર્મ આચરી મારી નાખવાની ધમકી આપી

બહુજન સમાજને ગર્વ થાય તેવી ઘટના

પહેલીવારમાં માનવામાં ન આવે તેવી આ ઘટના જૂનાગઢજિલ્લામાં બની છે. અહીં એક દલિત-બહુજન પરિવારે તેમના એકના એક દીકરાનું અચાનક અવસાન થતા પુત્રવધુના ભવિષ્યને ધ્યાનમાં રાખીને રાજીખુશીથી તેના પુનઃલગ્ન કરાવ્યા હતા. એટલું જ નહીં તેનો તમામ ખર્ચ પણ પોતે ઉપાડ્યો હતો. આ ઘટનાએ સમગ્ર જૂનાગઢ જિલ્લામાં દલિત-બહુજન સમાજનું માથું ગર્વથી ઊંચું કરી દીધું છે. ગુજરાતમાં કદાચ આ પહેલો એવો પ્રસંગ છે જેમાં કોઈ દલિત-બહુજન પરિવારે તેમની પુત્રવધુના લગ્ન કરાવ્યા હોય અને એ પણ બૌદ્ધ રીતિરિવાજોથી.

આ ઘટનાની મળતી માહિતી મુજબ જૂનાગઢના નાની ખોડિયાર ગામના વતની અને આરોગ્ય વિભાગમાં નોકરી કરીને નિવૃત્ત થયેલા કર્મચારી મનસુખભાઈ પરમારના એકના એક પુત્ર સુનીલનું ટૂંકી બીમારી બાદ અવસાન થયું હતું, જેના કારણે પરિવારનો માળો વેરવિખેર થઈ ગયો હતો. જો કે પ્રગતિશીલ વિચારો ધરાવતા મનસુખભાઈએ પ્રકૃતિને ગમ્યું તે ખરું તેમ માનીને યુવાનવયે વિધવા થયેલા પુત્રવધુના ભવિષ્યની ચિંતા કરીને તેમના પુનઃલગ્ન કરાવવાનું નક્કી કર્યું હતું.

સમગ્ર સૌરાષ્ટ્રમાં ઘટનાની નોંધ લેવાઈ

એ રીતે તેમણે ગત તા. 8 નવેમ્બર 2024ના રોજ તાલાળા તાલુકાના ચિત્રાવડ ગામના વતની અને સર્વ શિક્ષા અભિયાનમાં ફરજ બજાવતા પ્રકાશકુમાર આમલ સાથે પુત્રવધુ કિરણના બૌદ્ધ સંસ્કારથી પુનઃલગ્ન કરાવી સમાજમાં એક આગવો દાખલો બેસાડ્યો હતો. મનસુખભાઈએ નવદંપતીને આશીર્વાદ આપી જે રીતે બાપ દીકરીને સાસરે વળાવે તેમ કાળજે પત્થર મૂકી પોતાની પુત્રવધૂને સાસરે વળાવી હતી. ઉલ્લેખનીય છે કે, દલિત બહુજન સમાજમાં કદાચ આ પહેલો એવો પ્રસંગ છે, જેમાં કોઈ સાસરિયાએ તેમની વિધવા પુત્રવધુના પુનઃલગ્ન કરાવ્યા હોય.

હાલ માત્ર જૂનાગઢ જ નહીં પરંતુ સમગ્ર સૌરાષ્ટ્રના દલિત બહુજન સમાજમાં મનસુખભાઈ પરમાર અને તેમના પરિવારના સરાહનિય, હિંમતભર્યા અને પ્રેરણાદાયી નિર્ણયની પ્રશંસા થઈ રહી છે અને બહુજન સમાજ તેમને અભિનંદન પાઠવી રહ્યો છે.

સસરા મનસુખભાઈ શું કહે છે?

ખબરઅંતર.કોમ સાથે સમગ્ર મામલે વિસ્તારથી વાત કરતા ડૉ. મનસુખભાઈ પરમાર કહે છે, "મારું મૂળ વતન જૂનાગઢના મેંદરડા તાલુકાનું નાની ખોડીયાર ગામ છે અને હાલ જૂનાગઢના મધુરમ વિસ્તારમાં આવેલી એન્જલ પાર્ક સોસાયટીમાં રહું છું. વર્ષ 2022માં જૂનાગઢ સિવિલ હોસ્પિટલના આરોગ્ય વિભાગમાં વહીવટી ખાતામાં સર્વિસ કચેરી અધ્યક્ષ તરીકે સેવા નિવૃત્ત થયા બાદ ત્યાં ફરી ત્યાં જ કરાર આધારિત સેવા આપી રહ્યો છું. મારા પુત્ર સુનીલના વર્ષ 2011માં લગ્ન થયા હતા. તેનું 1-8-2022ના રોજ ડેન્ગ્યૂના કારણે અવસાન થયું હતું. તેને રૂહી નામની 8 વર્ષની દીકરી છે. સુનીલના પત્ની કિરણ બે વર્ષથી અમારી સાથે જ રહેતા હતા. પણ અમારાથી તેમનું દુઃખ જોવાતું નહોતું. મને સતત એવું લાગતું હતું કે, પુત્રના જવાથી અમારી જિંદગીથી બગડી છે, પણ પુત્રવધુની જિંદગી પણ અમે બગાડી રહ્યાં છે. આથી અમે તેમના માતાપિતા સાથે વાત કરી, પુત્રવધુ કિરણને વિશ્વાસમાં લઈને પુનઃલગ્ન માટે મનાવ્યા. એ પછી મેં તેમના માટે યોગ્ય પાત્રની શોધ શરૂ કરી. એમાંથી ચિત્રાવડના પ્રકાશકુમાર આમલનો સંપર્ક થયો. તેમના પત્નીનું હાર્ટ એટેકના કારણે અવસાન થયું હતું. તેમની સ્થિતિ પણ અમારા જેવી જ હતી. તેમના પ્રગતિશીલ વિચારો અમારા પરિવાર સાથે અને પુત્રવધુ કિરણ સાથે સારા મેળ ખાતા હોવાથી આખરે અમે આ લગ્ન કરાવવાનું નક્કી કર્યું અને 8 નવેમ્બર 2024ના રોજ પુત્રવધુ કિરણના પ્રકાશકુમાર સાથે લગ્ન કરાવ્યા."

મનસુખભાઈ નાનપણથી બુદ્ધ-આંબેડકરને અનુસરે છે

પુત્રવધુના પુનઃલગ્ન કરાવનાર મનસુખભાઈ પરમાર જૂનાગઢમાં જાણીતું નામ છે. તેઓ નાનપણથી જ બુદ્ધ અને ડો. આંબેડકરના રસ્તે ચાલી રહ્યાં છે. તેમણે તેમના ભાઈના લગ્નમાં બ્રાહ્મણે કહ્યું હતું તેનાથી વિરુદ્ધનું સૌથી ખરાબ મૂહુર્ત પસંદ કરીને લગ્ન લેવડાવ્યા હતા અને એ રીતે મનુવાદ સામે જંગ છેડેલો. તેમના પિતા જૂનાગઢ શહેર સામાજિક ન્યાય સમિતિના ચેરમેન રહી ચૂક્યા છે. મનસુખભાઈ પોતે અનેક સામાજિક કાર્યો સાથે જોડાયેલા છે. દર વર્ષે તેઓ બહુજન સમાજના અનેક તેજસ્વી વિદ્યાર્થીઓનું સન્માન કરી તેમને પ્રોત્સાહન પુરું પાડે છે. આ સિવાય આરોગ્ય વિભાગમાં પણ તેઓ સક્રીય રીતે ગરીબ દર્દીઓને મદદરૂપ થાય છે.

બુદ્ધ, આંબેડકર જ બહુજનોનો ઉદ્ધાર કરી શકે છે

મનસુખભાઈ કહે છે, "બહુજન સમાજે મનુવાદી વિચારોને જેમ બને તેમ ત્યજીને ડો. આંબેડકર અને બુદ્ધના રસ્તે ચાલવાનું નક્કી કરી લેવું પડશે. મનુવાદ હાલ જે રીતે માથું ઉચકી રહ્યો છે, તે બહુજન સમાજ માટે ઘાતક છે. તે આપણને અંધશ્રદ્ધામાં ધકેલી મનુવાદીઓના ગુલામ બનાવી રાખે છે. તેમાંથી નીકળવા માટે બહુજન સમાજે એક થઈને શિક્ષણ પર ફોકસ કરવું પડશે, યુવાનોને વ્યસનો, ધાર્મિક મેળાવડાઓથી દૂર રહી રોજગારી મેળવવા તરફ પ્રેરવા પડશે. સમાજ એક થશે તો આવતા દિવસોમાં તેનું ફળ ચોક્કસ મળશે. બહુજન સમાજે પ્રગતિ કરવી હશે તો સાચો રસ્તો માત્ર ડો. આંબેડકર અને તથાગત ગૌતમ બુદ્ધે જે માર્ગ અપનાવ્યો હતો તે જ દિશામાં છે."

આ પણ વાંચો: અમદાવાદના અમરાઈવાડીમાં 37 લોકોએ બૌદ્ધ ધર્મની દીક્ષા ગ્રહણ કરી

માતાપિતાના સોશિયલ મીડિયા એકાઉન્ટનો દુરુપયોગ

સોશિયલ મીડિયા પર બાળકોના એકાઉન્ટ ખોલી શકાતા નથી કે તેમના નામે સીમકાર્ડ ખરીદી શકાતા નથી, તેમ છતાં બાળકો તેમના માતા-પિતા અથવા વાલીઓના ફોન અને એકાઉન્ટનો દુરુપયોગ કરી રહ્યા છે. શાળા કે ઘરે અભ્યાસમાં ઇન્ટરનેટ અને સોશિયલ મીડિયાની વધતી જતી ભૂમિકાને કારણે માતાપિતા પણ તેમના બાળકોને તેનો ઉપયોગ કરવા દેવા માટે બંધાયેલા છે. ઓસ્ટ્રેલિયાએ 16 વર્ષથી ઓછી ઉંમરના બાળકો માટે સોશિયલ મીડિયા પર પ્રતિબંધ મૂક્યો છે. બ્રિટન સહિત યુરોપના ઘણા દેશોમાં બાળકોને અઠવાડિયામાં એકવાર સેક્સ એજ્યુકેશન અને સોશિયલ મીડિયાની ખરાબ બાબતોથી કેવી રીતે બચવું તે વિશે શીખવવામાં આવે છે.

80 ટકા સગીરો દરરોજ બે કલાક સોશિયલ મીડિયા વાપરે છે

ઇન્સ્ટિટ્યૂટ ઓફ ગવર્નન્સ પોલિસીસ એન્ડ પોલિટિક્સે સોશિયલ મીડિયા મેટર્સ અને યુથ ઓનલાઈન લર્નિંગ ઓર્ગેનાઈઝેશન સાથે મળીને ભારતીય બાળકોમાં ઈન્ટરનેટના ઉપયોગની રીતો પર એક અભ્યાસ હાથ ધર્યો હતો. અભ્યાસ અનુસાર, દેશના 80 ટકા સગીરો દરરોજ સરેરાશ બે કલાક સોશિયલ મીડિયાનો ઉપયોગ કરે છે. તેમાંથી 30 ટકા લોકોએ આ સમયગાળા દરમિયાન ઓનલાઈન મિત્રો સાથે સંવેદનશીલ માહિતી શેર કરી હતી અને 15 ટકાએ ઓનલાઈન પોર્નોગ્રાફી જોયાનું સ્વીકાર્યું હતું. 40 ટકાએ એવા લોકો સાથે પરિચિત હોવાનું જણાવ્યું જેમણે ઇન્ટરનેટ પર અશ્લીલ સામગ્રી જોઈ છે. સર્વેમાં સૌથી વધુ પ્રતિક્રિયાઓ મહારાષ્ટ્ર, ઉત્તર પ્રદેશ અને રાજસ્થાનમાંથી આવી છે. કોરોનાકાળ (જુલાઈ 2020) થી શરૂ થયેલો આ સર્વે દર વર્ષે વિવિધ સંસ્થાઓના સહયોગથી કરવામાં આવે છે.

માનસિક રીતે બીમાર બનવું

યુનિવર્સિટી ઓફ મિડલસેક્સ, લંડન તેના એક અહેવાલમાં જણાવ્યું હતું કે બાળકો એકવાર પોર્ન જોયા પછી વારંવાર તેને શોધે છે. ભારતમાં આવા બાળકોની ઉંમર 12 થી 16 વર્ષની છે. પોર્નોગ્રાફીના પ્રભાવને કારણે બાળકો મહિલાઓને સેક્સ ઓબ્જેક્ટ સમજવા લાગે છે. તેઓ માને છે કે બળાત્કાર એ સામાન્ય જાતીય પ્રક્રિયા છે. આ બાળકો નાની ઉંમરમાં જ સેક્સ કરવાનો પ્રયાસ કરે છે અને જ્યારે તેઓ નિષ્ફળ જાય છે ત્યારે તેઓ ડ્રગની લતનો શિકાર બને છે.

પોર્નોગ્રાફીને કારણે ગુનામાં વધારો થયો છે

પોર્ન સાઇટ્સ પર પ્રતિબંધ મૂકવાની ઝુંબેશ ચલાવી રહેલા બેંગલુરુ સ્થિત NGO રેસ્ક્યૂના જણાવ્યા અનુસાર, મેટ્રો શહેરોમાં 10 વર્ષથી ઓછી ઉંમરના બાળકો પણ પોર્ન જુએ છે. 10 કોલેજોના 400 વિદ્યાર્થીઓના સર્વેના આધારે એનજીઓએ જણાવ્યું કે હિંસક પોર્નોગ્રાફી જોનારા યુવાનોની સંખ્યા વધી રહી છે. જેમાં કોલેજના વિદ્યાર્થી-વિદ્યાર્થિનીઓની સંખ્યામાં બહુ ફરક નથી. પોર્નોગ્રાફી યુવાનોને જાતીય અપરાધો તરફ દોરી રહી છે.

કાયદો શું કહે છે?

ભારતમાં માત્ર પોર્ન સામગ્રી જોવી એ ગુનો નથી પરંતુ પોર્નોગ્રાફી પણ ગેરકાયદેસર છે. તેને સ્ત્રી, પત્ની કે મિત્રને બતાવવું ગેરકાયદેસર છે. ફિલ્મ, ફોટા, લિંક્સ શેર કરવી અથવા ગ્રુપમાં જોવાનું ગેરકાયદેસર છે. POCSO એક્ટ હેઠળ ચાઈલ્ડ પોર્નોગ્રાફીમાં સજાની જોગવાઈ છે. જો કે, સામાન્ય કેસમાં પાંચ વર્ષની જેલ અથવા 10 લાખ રૂપિયાના દંડની જોગવાઈ છે.

બાળકોના વર્તન પર આ રીતે નજર રાખો

-શાળાઓમાં સેક્સ એજ્યુકેશન ફરજિયાત હોવું જોઈએ અને બાળકો-યુવાનો સાથે ખુલ્લી ચર્ચા થવી જોઈએ.
-બાળકોના મોબાઈલ પર કોઈપણ સોશિયલ મીડિયા એકાઉન્ટ એક્ટિવેટ ન કરો.
-શાળામાં છોકરા-છોકરીઓ પ્રત્યે બાળકના વર્તન વિશે શિક્ષકને પૂછો.
-બાળક સાથે મૈત્રીપૂર્ણ બનો અને બ્રાઉઝર હિસ્ટ્રી પણ ચેક કરતા રહો.
-બાળક કહ્યા વગર મોબાઈલ ન લે, શક્ય હોય તો તમારી સામે જ ભણે.
-દરરોજ બાળકને શાળાના અભ્યાસ, મિત્રો અને રમતગમત વિશે પૂછો.
-બાળકને તેની ભૂલ માટે ઠપકો ન આપો, બલ્કે તેને બેસાડો અને તેને પ્રેમથી સમજાવો.

આ પણ વાંચો: લેબનોન પર ઈઝરાયલના હુમલામાં 4 લાખ બાળકો બેઘર બન્યાં

હાઈકોર્ટની ધારવાડ બેંચના જસ્ટિસ એસ. હરીશ કુમાર અને જસ્ટિસ ટીજી શિવશંકર ગૌડાએ આ લોકોની સજાને સ્થગિત કરી અને તેમને જામીન આપ્યા હતા. બેંચે કહ્યું કે આ કેસમાં નીચલી કોર્ટે 10 વર્ષમાં ચુકાદો આપ્યો અને આ દરમિયાન આ તમામ લોકો જામીન પર હતા. પરંતુ તેમના દ્વારા એવું કોઈ કૃત્ય કરવામાં નથી આવ્યું જેનાથી પીડિત પરિવારોને કોઈ મુશ્કેલી પડે અથવા કેસને અસર થાય. આવી સ્થિતિમાં તેમને જામીન મળી શકે છે કારણ કે જો તેઓ બહાર રહે તો કોઈ નુકસાન થવાની શક્યતા નથી.

એસસી-એસટી એક્ટ હેઠળ દોષિત ઠેરવવામાં આવેલા આ લોકોના વકીલે કહ્યું કે આ કેસ 10 વર્ષ જૂનો છે. હવે પીડિતો અને આ લોકો આ ઘટનાને ભૂલી ગયા છે. હાલમાં ગામમાં બંને પક્ષોના પરિવારો અને સમાજના લોકો શાંતિથી રહે છે. ખંડપીઠે પણ આ અંગે સહમતિ દર્શાવી હતી. આ દલીલો અને હકીકતોના આધારે જામીન મંજૂર કરવામાં આવ્યા હતા. બેન્ચે કહ્યું, 'તમામ આરોપીઓ ટ્રાયલ દરમિયાન જામીન પર હતા. આ લોકોએ જામીનનો દુરુપયોગ કર્યો હોવાના કોઈ પુરાવા નથી. પીડિતોને થયેલી ઇજાઓ સામાન્ય છે. તેમના બળી ગયેલા ઘરોની તસવીરો પણ સામે આવી છે. અમારું માનવું છે કે નીચલી અદાલતના નિર્ણય પર વિચાર કરવાની જરૂર છે અને ત્યાં સુધી સજાને સ્થગિત કરવામાં આવે.

આ ઘટના 28 ઓગસ્ટ, 2014 ના રોજ બની હતી, જ્યારે મારકુંબી ગામમાં કેટલાક દલિતોને સલૂન અને હોટલોમાં પ્રવેશવાની ના પાડી હતી. આ ગામ કોપ્પલ જિલ્લાના ગંગાવટી તાલુકામાં આવે છે. તે જ દિવસે હિંસા ફાટી નીકળી હતી. આરોપ છે કે કહેવાતા ઉચ્ચ જાતિના લોકોએ દલિતો પર ઈંટો, પથ્થરો અને લાકડીઓ વડે હુમલો કર્યો હતો. એ દરમિયાન મહિલાઓ અને બાળકો સહિત દલિતોને મોટા પાયે માર મારવામાં આવ્યો હતો. વૃદ્ધોને પણ માર મારવામાં આવ્યો અને તેમના ઘરોને આગ ચાંપી દેવામાં આવી હતી. આ કેસમાં 25 ઓક્ટોબરે કોપ્પલ જિલ્લા કોર્ટે 101 લોકોને દોષિત ઠેરવ્યા હતા અને તેમાંથી 98ને આજીવન કેદની સજા સંભળાવી હતી.

આ પણ વાંચો: એટ્રોસિટીના એક કેસમાં 101 આરોપીમાંથી 98ને આજીવન કેદની સજા થઈ

ભારતમાં ધાર્મિક મેળાવડાઓ, ઉત્સવોમાં દર વર્ષે કોઈને કોઈ અકસ્માતો, દુર્ઘટનાઓ, ભાગદોડમાં અનેક લોકો મોતને ભેટતા હોય છે. મોંઘવારી, બેરોજગારીના કારણે તણાવમાં રહેતા લોકોને વ્યસ્ત રાખવામાં મોટો ફાળો આપતા આવા મેળાવડાઓ સત્તાધારીઓ માટે એક અગત્યનું ટૂલ બની ગયા છે.

આવું જ એક ટૂલ એટલે દર વર્ષે જૂનાગઢમાં યોજાતી ગિરનારની લીલી પરિક્રમા. જૂનાગઢમાં ગિરનારની લીલી પરિક્રમાનો વિધિવત પ્રારંભ થઈ ચૂક્યો છે. જો કે એ પહેલા સાત લાખ લોકો પરિક્રમાના રુટ પર પ્રવેશ કર્યો છે. હાલમાં પરિક્રમાના રૂટ પર ૪ લાખ યાત્રાળુઓ છે અને ૩ લાખ જેટલા યાત્રાળુઓ નળ પાણીની ઘોડી વટાવી ગયા છે.

આ બધી ચર્ચાઓ વચ્ચે લીલી પરિક્રમામાં અત્યાર સુધી ૯ લોકોના મોત થયા છે તેના પર ભાગ્યે જ કોઈનું ધ્યાન ગયું છે. આ સિવાય બે દિવસમાં ૬ બાળકો સહિત ૪૩ લોકો ગુમ થયા છે. લીલી પરિક્રમાની શરૂઆત પહેલા જ ૨ શ્રદ્ધાળુઓના હાર્ટ એટેકથી મોત થયા હતા. મૃતકનું નામ પરસોત્તમભાઈ છે, જ્યારે અન્ય એક રાજકોટના મહેશ રૂડાભાઈનું પણ એટેકથી મોત થયુ છે.

લીલી પરિક્રમામાં વીસ લાખ લોકોના આવવાના અંદાજને ધ્યાને લઇ એસ પી દ્વારા મોટી સંખ્યામાં પોલીસ કાફલો તૈનાત કરવામાં આવ્યો છે. શહેરના ૪૨૭ કેમેરાઓ થી સતત નજર રાખવામાં આવશે.

ગિરનાર પરિક્રમા માટે કુલ ૨૪૨૭ પોલીસ કર્મી ફરજ બજાવી રહ્યાં છે. આ ઉપરાંત બોડીવોર્ન કેમેરા ૨૧૦, રસા ૧૯, અગ્નિશામક ૪૯, વાયરલેસ સેટ ૪૦, રાવટી ૪૭ ,વોકીટોકી ૧૯૫ જેવા આધુનિક સાધનો સાથે પોલીસ કર્મી ફરજ પર રહેશે. ચોરી, લૂંટફાટ જેવી ઘટના કે આકસ્મિક ઘટનાઓ પર પોલીસ દ્વારા સતત નજર રાખવામાં આવશે.

આશ્ચર્યની વાત એ છે કે, દર વર્ષે અનેક લોકો આ રીતે ગુમ થઈ જાય છે કે મોતને ભેટે છે, તેમ છતાં લીલી પરિક્રમામાં લોકોનો ધસારો જરાય ઓછો નથી થતો. જે સેંકડો લોકો આ પરિક્રમમાં ઉમટી પડે છે તેમાં બહમતી દલિત, આદિવાસી કે ઓબીસી સમાજના હોય છે. કથિત ઉચ્ચ જાતિના બહુ ઓછા લોકો આમાં નજરે પડતા હોય છે. જે રીતે લાખો લોકો આ પરિક્રમમાં ઉમટી પડે છે તે બેરોજગારી અને બેકારીનો પણ સંકેત આપતા હોય છે. તમને શું લાગે છે?

આ પણ વાંચો: Exclusive - ગિરનાર પર્વતની પાંચમી ટૂંક ઉપર આવેલા પગલાંનો વિવાદ: ઐતિહાસિક પુરાવા પર એક દ્રષ્ટિપાત

વડાપ્રધાન નરેન્દ્ર મોદીના બિહાર ખાતેથી રાજકોટ રેલવે સ્ટેશન સહિતના ભારતનાં 18 સ્થળોએ પ્રધાનમંત્રી ભારતીય જન ઔષધિ કેન્દ્રોનું વર્ચ્યુઅલ લોકાર્પણ કરવાના કાર્યક્રમો યોજાયા હતા. જેના અંતર્ગત રાજકોટ રેલવે સ્ટેશન ખાતે રૂ. ૧૦.૨૩ લાખના ખર્ચે નિર્માણ થયેલ જન ઔષધિ કેન્દ્રનું આજે વડાપ્રધાન નરેન્દ્ર મોદી દ્વારા વર્ચ્યુઅલી લોકાર્પણ કરાયું હતું. જેના કારણે મુસાફરો અને મુલાકાતીઓને 50 થી 90 ટકા સુધી ઓછી કિંમતમાં સસ્તી દવાઓ ઉપલબ્ધ થશે.

રાજકોટ ખાતે યોજાયેલા લોકાર્પણ સમારોહમાં રાજ્યસભાના સાંસદ રામભાઈ મોકરિયાએ રેલવે તંત્ર દ્વારા બે વર્ષ અગાઉ જાહેરાત કરાયેલી છ નવી ટ્રેનો શરૂ કરવામાં આવતી ન હોવા અંગે પોતાનો બળાપો જાહેરમાં ઠાલવ્યો હતો.

સાંસદ રામ મોકરિયાએ જણાવ્યું હતું કે, રાજકોટને જરૂરિયાત મુજબની ટ્રેનો દોડાવવામાં આવે તે જરૂરી છે. પરંતુ રેલવે તંત્રને તેની કોઈ ગંભીરતા નથી. બે વર્ષ અગાઉ તત્કાલિન કેન્દ્રિય રેલ મંત્રી દર્શના જરદોશની ઉપસ્થિતિમાં રાજકોટથી નવી છ ટ્રેનો દોડાવવા માટેની જાહેરાત કરવામાં આવી હતી. પરંતુ આ ટ્રેનોને હજુ સુધી શરૂ કરવામાં આવી નથી. આ મામલે મે અનેક વખત રાજકોટ ડીઆરએમ સહિત કેન્દ્રિય રેલવે મંત્રી અશ્વિની વૈષ્ણવ સહિતના તમામને રજૂઆતો કરી છે. પરંતુ રેલવે તંત્ર દ્વારા હજુ સુધી આ છ ટ્રેનોને શરૂ કરવા માટે ગંભીરતાપૂર્વક નોંધ લેતું નથી તેવું લાગી રહ્યું છે.

આ પણ વાંચો: રેલવેએ 100 વંદે ભારત ટ્રેનોનો રૂ. 30 હજાર કરોડનો ઓર્ડર રદ કર્યા

લોકસભાની ચૂંટણીમાં ભાજપના ક્લીન સ્વીપની હેટ્રીકના સ્વપ્નને બનાસકાંઠા બેઠકના કોંગ્રેસના ઉમેદવાર અને વાવના તત્કાલિન ધારાસભ્ય ગેનીબેન ઠાકોરે ચકનાચૂર કર્યું હતું. બનાસકાંઠા લોકસભા બેઠક જીત્યા બાદ ગેનીબેન ઠાકોરે ધારાસભ્ય પદેથી રાજીનામું આપ્યું હતું. જેના કારણે ખાલી પડેલી વાવ વિધાનસભા બેઠકની પેટા ચૂંટણી અંતર્ગત આજે મતદાનની પ્રક્રિયા હાથ ધરાઇ હતી. આ પેટા ચૂંટણીમાં ભાજપ, કોંગ્રેસ ઉપરાંત પૂર્વ ધારાસભ્ય અને ભાજપના બંડખોર નેતા માવજી પટેલ (ચૌધરી)એ અપક્ષ ઉમેદવારી નોંધાવી છે. જેના કારણે આ પેટા ચૂંટણી ભારે રસાકસીભરી બની રહેશે તેવું જણાય રહ્યું છે. ત્યારે આજે ભાજપના સ્વરૂપજી ઠાકોર, કોંગ્રેસનાં ગુલાબસિંહ રાજપૂત અને અપક્ષ ઉમેદવાર માવજી પટેલનું ભાવિ આજે ઇવીએમ મશીનમાં કેદ થઈ ગયું છે. આ ત્રણ ઉમેદવારો વચ્ચે ત્રિપાંખીયો જંગ બની રહે તેવી સંભાવના છે. પરંતુ વટની બેઠકના કોણ ધારાસભ્ય બનશે તે આગામી તા. 23મી નવેમ્બરના રોજ મતગણતરી હાથ ધરાયા બાદ જ જાણવા મળી શકશે.

વટની બેઠક ગણાતી એવી વાવ વિધાનસભા બેઠક માટે પેટા ચૂંટણી માટે આજે તા.૧૩ નવેમ્બરના રોજ મતદાન હાથ ધરાયું હતું. આ વાવ વિધાનસભા બેઠકની પેટા ચૂંટણી માટે ભરાયેલા કુલ ૨૧ ઉમેદવારો પૈકી ચકાસણી અને ફોર્મ પાછા ખેંચાવાની પ્રક્રિયા બાદ કુલ ૧૦ ઉમેદવારો વચ્ચે યોજાનાર ચૂંટણી જંગમાં કુલ ૩.૧૦ લાખથી વધુ મતદારોમાંથી સાંજે પાંચ વાગ્યા સુધીમાં ૬૭.૧૩ ટકા મતદારોએ પોતાના મતાધિકારનો ઉપયોગ કર્યો હતો.

અત્રે ઉલ્લેખનીય છે કે, વાવ વિધાનસભા બેઠકના તમામ ૩૨૧ જેટલા મતદાન મથકો ખાતેથી વૅબ કાસ્ટિંગ કરવામાં આવ્યું હતું. મતદાન દરમિયાન સાંજના પાંચ વાગ્યા સુધીમાં ૧ બેલેટ યુનિટ (બીયુ), ૧ કંટ્રોલ યુનિટ (સીયુ) અને ૩ વીવીપીએટી બદલવામાં આવ્યા હતા. જે પણ મતદાન મથકે બીયુ, સીયુ અથવા વીવીપીએટી બદલવાની જરૂર પડી તે કિસ્સામાં સૅક્ટર ઑફિસર પાસેના રિઝર્વ મશીનમાંથી બીયુ, સીયુ અથવા વીવીપીએટી બદલવામાં આવ્યા હતા.

આ પણ વાંચો: બનાસકાંઠાની વાવ વિધાનસભા બેઠક માટે પેટાચૂંટણી જાહેર

તાજેતરમાં, એક સંસ્થા દ્વારા આયોજિત પ્રવચનમાં, RSS સાથે જોડાયેલા મેગેઝિન 'ઓર્ગેનાઇઝર'ના એડિટર પ્રફુલ્લ કેતકરને પૂછવામાં આવ્યું હતું કે શું ભારતમાં પણ નાગરિકોએ ઇઝરાયેલ જેવા પડકારોનો સામનો કરવા માટે તૈયાર રહેવું જોઈએ?

તેના જવાબમાં તેમણે કહ્યું કે આ હેતુ માટે અગ્નિપથ યોજના શરૂ કરવામાં આવી છે અને આ યોજના હેઠળ લોકોને સેના માટે તૈયાર કરવામાં આવી રહ્યા છે.

પ્રફુલ્લ કેતકરનું નિવેદન અગ્નિપથ યોજના માટે રજૂ કરવામાં આવેલી સરકારી દલીલોથી સંપૂર્ણપણે અલગ એક નવી વાત સામે લાવે છે.

અગ્નિપથ યોજનાની તરફેણમાં એક વાત કહેવામાં આવી છે કે તે સેનાને વધુ યુવા બનાવશે અને સરકાર માટે નાણાં બચાવશે. આ યોજના હેઠળ, સરકાર માટે તેના નિયમિત દળમાંથી એક ભાગને છુટો કરી શકશે અને એ રીતે તે પેન્શન અને અન્ય લાભો હેઠળ આપવામાં આવતી રકમને બચાવી શકશે. સરકાર માટે આ નફાકારક સ્થિતિ હશે કારણ કે દર વર્ષે સંરક્ષણ બાબતો માટેના 5 લાખ કરોડ રૂપિયાના બજેટમાંથી તેને આ કામ હેઠળ 2.6 લાખ કરોડ રૂપિયા ચૂકવવા પડે છે.

તો પછી કેતકર શા માટે કહી રહ્યા છે કે આંતરિક કટોકટી વખતે ઈઝરાયેલની જેમ લશ્કરી તાલીમ મેળવનાર અગ્નિવીરોની મદદ લેવામાં આવશે?

ચોક્કસપણે આ એક વિવાદાસ્પદ સમજ છે. ઇઝરાયેલ તેના પોતાના પેલેસ્ટિનિયન નાગરિકોને બીજા વર્ગના નાગરિકો જેવો વ્યવહાર કરે છે. આંતરરાષ્ટ્રીય કોર્ટમાં તેના પર 'નરસંહાર જેવો કેસ વર્તાવવાનો' આરોપ લાગ્યો છે, પરંતુ સંઘના વરિષ્ઠ સ્વયંસેવકો તેમની પ્રશંસા કરી રહ્યા છે.

જો કે, વિશ્લેષકો અગાઉ અગ્નિપથ યોજનાને લઈને આવી વાતો કહી ચૂક્યા છે કે તે કેવી રીતે ભારતીય સમાજનું લશ્કરીકરણ કરવાનો પ્રયાસ કરી રહી છે.

કર્ણાટકના પૂર્વ મુખ્યમંત્રી એચડી કુમારસ્વામીએ એકવાર આ યોજના પર કહ્યું હતું કે તે ભારતીય સેનાને રાષ્ટ્રીય સ્વયંસેવક સંઘના નિયંત્રણમાં લાવવાની યોજના છે.

આ પણ વાંચો: શીખ નેતાએ કેનેડામાં RSS ના નેટવર્ક પર પ્રતિબંધની માંગ કરી

પ્રફુલ્લ કેતકરે જે ખુલાસો કર્યો છે તે પુષ્ટિ કરે છે કે ઘણા નિવૃત્ત લશ્કરી અધિકારીઓએ આ યોજના પર પ્રશ્નો ઉઠાવ્યા હોવા છતાં, આ યોજનાને ચાલુ રાખવામાં સરકારનું જિદ્દી વલણ એમ જ નથી ઉભું થયું. આની પાછળ હિંદુત્વ વર્ચસ્વવાદી વિચારધારાથી ચાલતી વર્તમાન સરકારનો વ્યાપક એજન્ડા કામ કરી રહ્યો છે.

સંઘ તેની શરૂઆતથી જ લોકોને હથિયારબંધ કરવાનો પ્રયાસ કરી રહ્યો છે જેથી કરીને 'ધર્મદ્રોહિયો' વિરુદ્ધ અસરકારક રીતે તેમનો ઉપયોગ કરી શકાય. ત્રીસના દાયકાથી જ 'હિંદુઓના લશ્કરીકરણ'ની વાતો કરવામાં આવી હતી. હેડગેવાર, બાબારાવ સાવરકર વગેરે સાથે મળીને રાષ્ટ્રીય સ્વયંસેવક સંઘની સ્થાપના કરનાર હિંદુ મહાસભાના તેમના વરિષ્ઠ સાથીદાર/માર્ગદર્શક બી.એસ. મુંજે તેમની ઇટાલીની મુલાકાત દરમિયાન મુસોલિનીને મળ્યા હતા અને પરત ફર્યા પછી ભોંસલા સૈનિક શાળાની સ્થાપના કરી હતી.

બીજા વિશ્વયુદ્ધમાં બ્રિટિશ દળો સક્રિય હતા ત્યારે હિંદુ મહાસભાએ બ્રિટિશ સેનામાં હિંદુ યુવાનોની ભરતી કરવા માટે નિયમિત અભિયાન ચલાવ્યું હતું. અભિયાનનું સૂત્ર 'સેનાનું હિંદુકરણ અને રાષ્ટ્રનું લશ્કરીકરણ' હતું.

નરેન્દ્ર મોદીના કાર્યકાળના છેલ્લા દાયકા દરમિયાન, સમાજનું લશ્કરીકરણ કરવાના ઇરાદાઓ વિશે વારંવાર વાતો કરવામાં આવી છે.

સંઘના સુપ્રીમો મોહન ભાગવતે 2018 માં બિહારના મુઝફ્ફરપુરમાં તેમની બેઠકમાં જાહેરાત કરી હતી કે તેમના સ્વયંસેવકો પાસે માત્ર ત્રણ દિવસમાં સેનાનું ગઠન કરી શકે છે, જેને સરહદો પર તૈનાત કરી શકાય છે.

કેન્દ્ર સરકારે એ પણ નિર્ણય લીધો હતો કે તે 67 ટકા સૈનિક શાળાઓ સંઘ પરિવાર અને તેની સાથે સંકળાયેલી સંસ્થાઓ અને ભાજપના નેતાઓને હવાલે કરી દેશે.

શસ્ત્રોની તાલીમથી સજ્જ બેરોજગાર લોકોની આ ભીડ હિંદુત્વના પ્રસાર માટે એક સરળ માધ્યમ બનશે અને ભારતના ઘડતર માટે એક મોટો પડકાર રજૂ કરશે અને પ્રજાસત્તાકના ભવિષ્ય માટે ચિંતાજનક રહેશે.

જે સમાજમાં ભારે સૈન્યીકરણ થયું છે, ત્યાં વિવાદની સ્થિતિમાં બહુમતીવાદી દળો લઘુમતી સમાજોને પાયમાલ કરી શકે છે. એવામાં તેની આસાનીથી કલ્પના કરી શકાય છે કે, અગ્નિવીરની સેવા પૂરી કરીને હથિયારોની તાલીમ પામેલા યુવાનો જ્યારે સમાજમાં પરત ફરશે ત્યારે તેની કેવી વિપરિત અસર સમાજ પર પડી શકે છે.

(મૂળ લેખ ડાબેરી કાર્યકર, લેખક અને અનુવાદક સુભાષ ગાતાડે દ્વારા ધ વાયરમાં લખવામાં આવ્યો હતો, અહીં તેનો અનુવાદ પ્રસ્તુત છે.)

આ પણ વાંચો: દલિતોને રીઝવવા RSS મથુરામાં બે દિવસ મંથન કરશે

બેન્ચે કહ્યું કે વહીવટીતંત્ર ન્યાયાધીશ ન બની શકે અને કોઈની મિલકત માત્ર એટલા માટે તોડી ન શકાય કારણ કે સંબંધિત વ્યક્તિ આરોપી અથવા દોષિત છે. જસ્ટિસ બીઆર ગવઈ અને જસ્ટિસ કેવી વિશ્વનાથનની બેંચે કહ્યું કે બદલો લેવા માટે બુલડોઝરની કાર્યવાહી કરી શકાય નહીં.

કોર્ટે કહ્યું કે ઘર એ મૂળભૂત અધિકાર છે અને નિયમોનું પાલન કર્યા વિના તેને છીનવી શકાય નહીં. સર્વોચ્ચ અદાલતે કહ્યું કે મનસ્વી કાર્યવાહીને બદલે નિયમોનું પાલન કરવું જોઈએ. સરકારમાં જનતાનો વિશ્વાસ તેના પર નિર્ભર કરે છે કે તે લોકો પ્રત્યે કેટલી જવાબદાર છે અને તે તેમના અધિકારોનું કેટલું રક્ષણ કરે છે. તેમની મિલકતો પણ સુરક્ષિત હોવી જોઈએ.

કોર્ટે કહ્યું કે વહીવટીતંત્ર ન્યાયાધીશ ન બની શકે અને કાયદાકીય પ્રક્રિયાને અનુસર્યા વિના બુલડોઝરની કાર્યવાહી જેવી બાબતો થઈ શકે નહીં. એટલું જ નહીં, બંધારણની કલમ 142નો ઉપયોગ કરીને સુપ્રીમ કોર્ટે બુલડોઝરની કાર્યવાહીને લઈને સમગ્ર દેશ માટે માર્ગદર્શિકા નક્કી કરી છે.

બુલડોઝર એક્શન પર કોર્ટે શું માર્ગદર્શિકા નક્કી કરી?

કોર્ટે કહ્યું કે, લેખિત સૂચના આપ્યા વિના કોઈની મિલકત તોડી ન શકાય. આ નોટિસ ઓછામાં ઓછા 15 દિવસ પહેલા મળવી જોઈએ. આ રજિસ્ટર્ડ પોસ્ટ દ્વારા મોકલવું જોઈએ અને સંબંધિત બિલ્ડિંગ પર પણ ચોંટાડવું જોઈએ. સાથે જ એ પણ જણાવવું જોઈએ કે શા માટે ઈમારત તોડી પાડવામાં આવી રહી છે. આ જ નોટિસમાં એ પણ જણાવવાનું રહેશે કે આ કાર્યવાહીને રોકવા માટે શું કરી શકાય.

આ પણ વાંચો: સોમનાથમાં બુલડોઝર કાર્યવાહી પ્રતિબંધ મૂકવા સુપ્રીમનો ઈનકાર

કોઈપણ મિલકત પર બુલડોઝર દ્વારા કાર્યવાહી કરતા પહેલા તેના માલિકને વ્યક્તિગત સુનાવણીની તક આપવી પડશે. આ સિવાય અધિકારીઓએ આદેશ અંગે મૌખિક માહિતી આપવાની રહેશે. બુલડોઝર કાર્યવાહીની વિડિયોગ્રાફી પણ કરવામાં આવશે જેથી કોર્ટની માર્ગદર્શિકાનું પાલન થયું કે નહીં તે અંગે પુરાવા મળી શકે.

કોર્ટે કહ્યું કે ડિસ્ટ્રીક્ટ મેજિસ્ટ્રેટે એ જોવાનું રહેશે કે બુલડોઝર કાર્યવાહીના નિયમોનું પાલન થઈ રહ્યું છે કે નહીં. તેમણે નક્કી કરવાનું રહેશે કે જે ઈમારતો ગેરકાયદે છે તેને જ તોડી પાડવામાં આવે અને તેમાં પણ નિયમોનું પાલન કરવામાં આવે. નિયમોનું પાલન કર્યા વિના મકાનો કે બિલ્ડીંગ તોડી પાડનાર અધિકારીઓ સામે કાર્યવાહી કરવામાં આવશે. કન્ટેમ્પ્ટ ઓફ કોર્ટની કાર્યવાહી પણ થઈ શકે છે. આ સિવાય દંડ પણ થઈ શકે છે. એટલું જ નહીં, મિલકતને તોડી પાડવાને કારણે થયેલા નુકસાનની ભરપાઈ પણ સત્તાવાળાઓ પાસેથી થઈ શકે છે.

જસ્ટિસ બીઆર ગવઈએ કહ્યું કે કાયદા હેઠળ તમામ નાગરિકો સાથે સમાન વ્યવહાર થવો જોઈએ. કોઈનું ઘર તોડવું એ તેના મૂળભૂત અધિકારની વિરુદ્ધ છે. કોર્ટમાં કેટલાક રિપોર્ટનો ઉલ્લેખ કરતા તેમણે કહ્યું કે કોઈનું ઘર કોઈ ગુના માટે તોડી પાડવામાં આવ્યું હતું, પરંતુ તે જ ગુનો કરવા બદલ અન્ય સમાજની વ્યક્તિ સામે આવી કોઈ કાર્યવાહી કરવામાં આવી નથી.

કોર્ટે કહ્યું કે જો કોઈ ગેરકાયદે બાંધકામ તોડવું હોય તો તેમાં કોઈ પક્ષપાત ન કરવો જોઈએ અને આરોપી કે તેના સમાજના બેકગ્રાઉન્ડને ધ્યાનમાં રાખીને કાર્યવાહી ન કરવી જોઈએ.

જસ્ટિસ ગવઈએ કહ્યું કે, એ નક્કી કરવું જોઈએ કે કોઈપણ આરોપીના બંધારણીય અધિકારોનું ઉલ્લંઘન ન થાય. વહીવટીતંત્ર કોઈપણ વ્યક્તિને દોષિત ઠેરવી શકે નહીં અને તેના આધારે મકાન તોડી શકાય નહીં. આવી ઘટનાઓ સીધી કાયદાની ભાવના પર પ્રહાર કરે છે.

આ પણ વાંચો: 'બુલડોઝર ન્યાય'નો મામલો સુપ્રીમમાં પહોંચ્યો, ૨ સપ્ટેમ્બરે સુનાવણી

મામલો શું છે?

આ બનાવની મળતી માહિતી મુજબ ગોંડલ-જેતપુર રોડ પર આવેલ આશોપાલવ સોસાયટીમાં રહેતા ધર્મેન્દ્રસિંહ મહેન્દ્રસિંહ ઝાલા (ઉ.47) નામના આધેડ ગઈકાલે સવારે પોતાના ઘરેથી નીકળી ભોજપરા ગામે આવેલ નૂતન સ્કૂલ પાસેના ચંદ્રમૌલેશ્વર મહાદેવ મંદિરે પહોંચ્યા હતા. ત્યાં પુજા કર્યા બાદ આજુબાજુમાં કોઇ નહીં દેખાતા પોતાની પાસે રહેલી ધારદાર છરી વડે પોતાનું ગળું કાપી બલી ચડાવવાનો પ્રયાસ કર્યો હતો.

એ દરમિયાન એક દર્શાનાર્થી મંદિરમાં પહોંચ્યો હતો અને તેણે ધર્મેન્દ્રસિંહને લોહીલુહાણ હાલતમાં શિવલિંગ પાસે પડેલો જોઈ આજુબાજુના લોકોને જાણ કરી હતી. એ પછી તેને પહેલા ગોંડલ અને બાદમાં એમ્બ્યુલન્સ મારફતે રાજકોટ સિવિલ હોસ્પિટલમાં ખસેડવામાં આવ્યા હતા. હાલ આધેડની ઇમરજન્સી વોર્ડમાં સારવાર ચાલી રહી હોવાનું જાણવા મળ્યું છે.

આધેડ મુંબઈમાં કોન્ટ્રાક્ટર સાથે કામ કરે છે

ઉલ્લેખનીય છે કે, આધેડ વયનો ધર્મેન્દ્રસિંહ ઝાલા મુંબઇમાં કોન્ટ્રાકટર સાથે કામ કરે છે અને શિવજીના મોટા ભક્ત છે. તેમને સંતાનમાં એક દિકરી અને એક દિકરો છે. તેઓ બે મહીનાથી ગોંડલ તેમના ઘરે આવ્યા હતા. પોતે બે ભાઇમાં મોટા હોવાનું જાણવા મળી રહ્યું છે. ધર્મેન્દ્રસિંહને સારવાર માટે લઇને આવેલા તેમના નાના ભાઇ ક્રિપાલસિંહે જણાવ્યું હતું કે, ધર્મેન્દ્રસિંહ આજે સવારે મંદિરે જાવ છું તેમ કહી નિકળ્યા બાદ તેઓ મંદિરેથી લોહીલુહાણ હાલતમાં મળી આવ્યા હતા. તેમણે કમળપૂજા કરવાનો પ્રયાસ કર્યો હોવાનો હાલ સ્થાનિકો પાસેથી જાણવા મળ્યું છે.

આ પણ વાંચોઃ બ્રાહ્મણ પૌત્રએ ત્રિશૂળથી દાદીની હત્યા કરી લોહી શિવલિંગને ચઢાવ્યું

છેલ્લા 12 વર્ષથી કલા,સાહિત્ય, સમાજ અને શિક્ષણને વરેલું આંતરરાષ્ટ્રીય ત્રિમાસિક સામયિક ચાલી રહ્યું છે. આ સામયિકના ઉપક્રમે ગોધરા ખાતે સર્જક સ્નેહમિલન યોજાઈ ગયું. કાર્યક્રમમાં ઉપસ્થિત પદ્મશ્રી ડૉ. પ્રવીણ દરજીએ ઉપસ્થિત શ્રોતાઓને સંબોધિત કરતાં કહ્યું હતું કે, "કવિતા યુગપ્રવર્તક હોય છે. કવિતા કોઈની સેવા કરવા માટે કે પ્રશસ્તી માટે નહીં પણ સત્યને ઉજાગર કરવા માટે હોય છે."

આ પ્રસંગે સર્જક વિશેષ એવા કાનજી પટેલે દેશીવાદ વિશે વક્તવ્ય આપ્યું હતું તો અમેરિકાથી આવેલા કવિ અને અનુવાદક હિમાંશુ પટેલે કવિતાનું મહત્વ સમજાવ્યું હતું. 

આ પ્રસંગે ઉપસ્થિત મહાનુભાવો સાહિત્ય સામાજિક સેવા બદલ દિલુ હાજી, ઉત્તમ વિચારક ડૉ. મનહર સુથાર, સામાજિક કાર્યકર રમણભાઈ રેતીવાળાનું જાહેર સન્માન કરવામાં આવ્યું હતું.
કાર્યક્રમને સફળ બનાવવા  પરિવેશના તંત્રી શીતલ શૌહણ, સંપાદકો વિનુ બામણિયા, રાજેશ વણકર, સતીષ પ્રિયદર્શી અને પ્રવીણ ખાંટે જહેમત ઉઠાવી હતી.

આ પણ વાંચો: ગુજરાતી દલિત સાહિત્ય પ્રતિષ્ઠાનનું પાંચમું અધિવેશન યોજાયું

તમામ 48 વોર્ડમાં પેનલ બનાવી 192 ઉમેદવારો ઉભા રાખશે

શિડ્યુઅલ કાસ્ટ ફેડરેશનના સંયોજક બાલકૃષ્ણ આનંદે ખબરઅંતર.કોમને જણાવ્યા પ્રમાણે, હાલ તેઓ પાર્ટીને અમદાવાદ શહેરમાં સક્રિય કરવાના પ્રયાસ કરી રહ્યા છે અને વર્ષ ૨૦૨૬માં થનાર અમદાવાદ મ્યુનિસિપલ કોર્પોરેશનની ચૂંટણીને લક્ષમાં રાખી શહેરના તમામ ૪૮ મ્યુનિસિપલ વોર્ડમાં સંગઠન બનાવી ચાર-ચાર ઉમેદવારોની પેનલ બનાવી ૧૯૨ ઉમેદવારોને ચૂંટણીના મેદાનમાં ઉતારશે. 

વિધાનસભા અને લોકસભા ચૂંટણી પણ લડશે

તેમણે વધુમાં જણાવ્યું હતું કે, શિડયુઅલ કાસ્ટ ફેડરેશન ૩૫ વર્ષ બાદ અમદાવાદ શહેરને મુસ્લિમ મેયર અને સામાન્ય બેઠક ઉપર દલિત મેયર આપવાની દિશામાં કામ કરી રહ્યું છે. આગામી મ્યુનિસિપલ ચૂંટણી બાદ પાર્ટી સમગ્ર ગુજરાતમાં જનાધાર બનાવી આગામી વિધાનસભા અને લોકસભાની ચૂંટણીઓમાં પણ મોટા પ્રમાણમાં ઝંપલાવશે. રાજ્યના તમામ જિલ્લા અને તાલુકાઓની શાખાઓની રચના કરવા માટે તથા અમદાવાદના તમામ ૪૮ વોર્ડમાં અત્યારથી જ પેનલો બનાવવાની હોઈ સમાજકારણ અને રાજકારણમાં રસ ધરાવતા સક્રિય કાર્યકરોએ શિડ્યુઅલ કાસ્ટ ફેડરેશનના સંયોજક બાલકૃષ્ણ આનંદનો મોબાઈલ નંબર ૯૮૨૪૫૦૭૫૬૯ ઉપર સંપર્ક કરવા કહેવાયું છે.પ

આ પણ વાંચો: ડો. રમેશચંદ્ર પરમારઃ ગુજરાતમાં દલિત આંદોલનનો એક આક્રમક અવાજ

જાતિવાદીઓએ એંઠી થાળીમાં ભોજન પીરસ્યું

આ ઘટનાની મળતી વિગતો પ્રમાણે અઢુપુરમાં રહેતા રજનીશ કથેરિયાએ પોલીસમાં ફરિયાદ નોંધાવી છે કે, તેમનો પુત્ર સૌરભ 30મી ઓક્ટોબરની રાત્રે 8.30 વાગ્યે ગામના એક સમૂહ ભોજનમાં જમવા માટે ગયો હતો. એ દરમિયાન ગામના બદનસિંહ યાદવ, અવનીશ સિંહ યાદવ, જેકી યાદવ, ધીરેન્દ્ર યાદવ અને ત્રણ અજાણ્યા તેની સામે એંઠી થાળી રાખીને ભોજન પીરસ્યું હતું. જ્યારે સૌરભે આ મામલે વાંધો ઉઠાવ્યો તો આ લોકો મારામારી પર ઉતરી આવ્યા હતા અને જાતિસૂચક ગાળો ભાંડી તેને ત્યાંથી ભગાડી દીધો હતો.

જાતિવાદીઓએ ઘરે પહોંચીને મારામારી કરી

એ પછી આ તમામ લોકોએ સૌરભનો પીછો કર્યો હતો અને તેના ઘર સુધી પહોંચી ગયા હતા. જ્યાં સૌરભ, તેના પિતા રજનીશ કથેરિયા સહિતના લોકોને માર માર્યો હતો અને જાતિસૂચક ગાળો ભાંડી તોફાન મચાવ્યું હતું.

પોલીસે આ મામલે નોંધાયેલી ફરિયાદ બાદ આરોપીઓ સામે મારામારી અને એટ્રોસિટી એક્ટ સહિતની કલમો હેઠળ ફરિયાદ નોંધી છે. પીઆઈ રોહિતાશ સિંહનું કહેવું છે કે ટૂંક સમયમાં જ આરોપીઓની ધરપકડ કરીને જેલમાં ધકેલી દેવામાં આવશે.

આ પણ વાંચો: એમણે કહ્યું કે ગામ જમે છે તો તમે પણ ‘કાયમ આવો છો એ રીતે’ જમવા આવજો. હવે કાયમની જેમ એટલે?

વિપક્ષ નેતા શહેજાદ ખાન પઠાણે સવાલ ઉઠાવતા કહ્યું કે, 'અમદાવાદ મહાનગરપાલિકામાં સૌથી મોટો ભ્રષ્ટાચાર થયો હોય તો એ છે હાટકેશ્વર બ્રિજમાં થયો છે. 2017માં 42 કરોડના ખર્ચે બનાવેલા બ્રિજમાં ભ્રષ્ટાચાર થતા પાંચ વર્ષ પછી આ બ્રિજ જનતા માટે બંધ કરવામાં આવ્યો હતો. હાટકેશ્વર બ્રિજનો બે વર્ષ પછી પણ કોઈ નિકાલ આવ્યો નથી.2 મહિના પહેલા ભાજપના નેતાઓએ મોટા મોટા દાવા કર્યા હતા કે હાટકેશ્વર બ્રિજને તોડીને ફરી નવો બનાવવા પાછળ 52 કરોડનો ખર્ચ થશે અને આ તમામ ખર્ચ અગાઉના કોન્ટ્રાક્ટર પાસેથી વસૂલવામાં આવશે.

.વિપક્ષના નેતા શહેજાદ ખાન પઠાણે કહ્યું કે, "2 મહિના પહેલા ભાજપના નેતાઓ 52 કરોડમાં બ્રિજને તોડીને નવો બનાવવાનો દાવા કર્યા હતા અને હાલમાં બ્રિજની કોસ્ટ 118 કરોડએ પહોંચી ગઈ છે. હાલમાં અધિકારીઓ તરફથી જાણવા મળી રહ્યું છે કે હાટકેશ્વર બ્રિજને તોડીને નવો બનાવવા પાછળ 118 કરોડનો ખર્ચ થશે. બીજી તરફ અમદાવાદની જનતા ટ્રાફિકથી પરેશાન થઈ રહી છે અને તેનો કોઈ નિકાલ નથી આવી રહ્યો. હાટકેશ્વર બ્રિજ મામલે પાંચ વર્ષથી ભાજપના નેતા અમદાવાદ શહેરની જનતાને વાયદા ઉપર વાયદા આપી રહ્યા છે.

સમગ્ર મામલે મ્યુનિસિપલ કોર્પોરેશનના ઇજનેર વિભાગના અધિકારીએ જણાવ્યું હતું કે, હાટકેશ્વર બ્રિજને તોડીને નવો બનાવવા પાછળ ખર્ચ માટે જે ટેન્ડર પ્રક્રિયા કરવામાં આવી હતી. તેમાં વર્ષ 2015-16ના જુના S0R મુજબ ગણતરી કરી અને ટેન્ડર પ્રક્રિયા કરવામાં આવી હતી. જેમાં તોડી અને નવો બનાવવા પાછળ 54 કરોડ રૂપિયા જેટલો ખર્ચનો અંદાજ હતો. જે તે સમયે સ્ટીલ, સિમેન્ટ, રેતી સહિતનો ભાવ હતો તે ભાવ ગણતરી કરી અને મૂકવામાં આવ્યો છે. પરંતુ હવે અત્યારના સ્ટીલ સહિતની ચીજ-વસ્તુઓના ભાવમાં વધારો થયો છે, જે મુજબ ખર્ચ વધી ગયો છે.

રાજસ્થાનની કંપની આ બ્રિજને તોડીને નવો બનાવવા માટે ક્વોલિફાઇ થઈ છે. કોન્ટ્રાકટર સાથે આ ખર્ચ મામલે હાલ નેગોશીએશન ચાલી રહ્યું છે. જુના ભાવ અને નવા ભાવમાં વચ્ચે તફાવત છે, જેથી ખર્ચમાં વધારો થયો છે. આ તમામ ખર્ચ જૂના કોન્ટ્રાક્ટર અજય ઇન્ફ્રાસ્ટ્રક્ચર પ્રાઇવેટ લિમિટેડ પાસેથી જ વસૂલ કરવામાં આવશે. કોન્ટ્રાક્ટર સાથે આ મામલે વાતચીત ચાલી રહી છે, જો કોન્ટ્રાક્ટર તરફથી નેગોએએશન નહીં સ્વીકારવામાં આવે તો ફરીથી ટેન્ડર પ્રક્રિયા કરવી પડશે.

આ પણ વાંચો: અમદાવાદના રસ્તાઓ જીવલેણ છે, ૨૦૨૩માં ૮૭૦નાં મોત થયા

થંગાલન દ્વારા રંજિથ અનુસૂચિત જાતિ અને દલિતોના સંઘર્ષને કોઈપણ સંકોચ વગર સિનેમાના પડદા પર લાવ્યા છે. તેમણે હંમેશા દલિતોના સંઘર્ષને પોતાની ફિલ્મો દ્વારા સમાજ સમક્ષ રજૂ કર્યો છે. તેઓ પોતે દલિત સમાજમાંથી આવે છે અને વ્યવસાયિક રીતે સફળ થનાર દેશના પ્રથમ દલિત ફિલ્મ નિર્માતા છે. રંજિથ તેમની ફિલ્મો અને ડોક્યુમેન્ટ્રીમાં દલિત પાત્રોને હીરો તરીકે બતાવે છે. તેઓ પોતાની ફિલ્મોમાં મુખ્યત્વે જાતિ આધારિત દમન અને ભેદભાવને ઉજાગર કરવા પ્રયત્ન કરે છે, જેના માટે દેશમાં કાયદાઓ તો છે, તેમ છતાં તેનું યોગ્ય રીતે પાલન થતું નથી. રણજીતની આંબેડકરવાદી વિચારસરણીએ તેમને હંમેશા તેમની ફિલ્મો થકી "અસ્પૃશ્ય" ગણાતા દલિત સમાજને સશક્ત બનાવવા માટે પ્રેરણા આપી છે.

મારી માં જાતિ વિશે બોલવાની ના પાડતી હતી- પા રંજિથ

વોશિંગ્ટન પોસ્ટને આપેલા એક ઈન્ટરવ્યૂમાં પા રંજિથે કહ્યું હતું કે, તેમની માં તેમને ઘણીવાર કહેતી હતી કે તે તેની જાતિ જાહેર ન કરે. પરંતુ તેમ છતાં રંજિથે એવા ક્ષેત્રમાં પગ મૂક્યો જેમાં અત્યાર સુધી બહુ ઓછા લોકો પ્રગતિ કરી શક્યા હતા. તેમણે તેમના કામ દ્વારા દલિતોને ઓળખ આપવાનું શરૂ કર્યું, માત્ર થોડા વર્ષોમાં રંજિથે એવી ફિલ્મો બનાવી છે જેમાં દલિતોને સ્પર્શતા મુદ્દાઓને મજબૂતીથી ઉઠાવવામાં આવ્યા છે. તમિલ ફિલ્મ ઉદ્યોગમાં પ્રવેશતા પહેલા, પા રંજીથે દલિત સમાજના લોકોને સિનેમાના પડદે શરાબી, મૂર્ખ, ગુંડા અને ગામડાના ગરીબડાં ગમાર તરીકે જોયા હતા. પરંતુ રણજિતની ફિલ્મોમાં વંચિત સમાજમાંથી આવતા પાત્રો પરિસ્થિતિનો શિકાર, હારેલા અને લાચાર નથી હોતા. તેઓ ગમે તેવી વિપરીત પરિસ્થિતિનો સામનો કરે છે, લડી લે છે.

ફિલ્મોનો રસ્તો કેવી રીતે પસંદ કર્યો?

રણજીતનો જન્મ 8 ડિસેમ્બર 1982ના રોજ ચેન્નાઈના કરાલાપક્કમ અવડી વિસ્તારના એક રૂમના એક ઘરમાં થયો હતો. આ ફ્લેટ AIADMKના સ્થાપક M.G. રામચંદ્રનની એક સરકારી યોજના અંતર્ગત બનાવવામાં આવ્યા હતા. રણજીતે એનિમેશનના ક્ષેત્રમાં કારકિર્દી બનાવવા માટે મદ્રાસ ફાઈન આર્ટસ કોલેજમાં એડમિશન લીધું હતું. પરંતુ તેઓ તેમના મોટા ભાઈ પ્રભુથી ખૂબ પ્રભાવિત હતા, જેઓ દલિત સંગઠનો સાથે સંકળાયેલા વકીલ હતા. પ્રભુએ જ રંજિથને આંબેડકરનો પરિચય કરાવ્યો હતો. જ્યારે રંજિથ કોલેજમાં હતા ત્યારે તેઓ એક ફિલ્મ ચેમ્બરમાં જોડાયા હતા, અહીં તેમણે વિશ્વ સિનેમાનો બારીકાઈથી અભ્યાસ કર્યો.

માજિદ મજીદીની ફિલ્મ જોઈને હું બહુ રડ્યો..

રણજીતે ઈન્ડિયન એક્સપ્રેસને એક ઈન્ટરવ્યુમાં જણાવ્યું હતું કે તેમણે કોલેજમાં સેંકડો ફિલ્મો જોઈ હતી, જેમાં માજિદ મજીદીની ચિલ્ડ્રન ઓફ હેવન (1997) પણ સામેલ છે, જેનું નિર્દેશન ઈરાની દ્વારા કરવામાં આવ્યું હતું. આ મારા જીવનમાં એક મહત્વનો વળાંક હતો. મારી નબળી અંગ્રેજીને કારણે હું ફિલ્મના સબટાઈટલ વાંચી શકતો ન હતો. જો કે, મને સારી રીતે યાદ છે કે એ ફિલ્મ જોયા પછી હું બહુ રડ્યો હતો. આ ફિલ્મમાંથી મને પ્રેરણા મળી અને મેં ફિલ્મમેકરની જેમ વિચારવાનું શરૂ કર્યું.

રંજિથનો પહેલો મોટો બ્રેક

2006માં, રંજીથે ફિલ્મ થાગપંસમી માટે સહાયક દિગ્દર્શક તરીકે તેમની કરિયરની શરૂઆત કરી. તેમને પહેલો બ્રેક ત્યારે મળ્યો જ્યારે તેમના મિત્ર મણિએ તેમને એક ઉત્સાહી નિર્માતા સી.વી. કુમાર પાસે મોકલ્યા. 2012માં સી.વી. કુમાર જેઓ એક ટ્રાવેલ બિઝનેસ ચલાવતા હતા, તેમણે રંજીથની પહેલી ફિલ્મ અટ્ટકથીનું નિર્માણ કર્યું. તેમની ફિલ્મે વધુ લોકપ્રિયતા ત્યારે મેળવી જ્યારે તમિલ સિનેમાના સૌથી મોટા સ્ટુડિયો પૈકીના એક સ્ટુડિયો ગ્રીને મળીને ફિલ્મના ડિસ્ટ્રીબ્યૂશનના રાઈટ્સ મેળવ્યા. સ્ટુડિયો ગ્રીને એ પછી રંજિથની આગામી ફિલ્મ મદ્રાસનું નિર્માણ કર્યું, ત્યારબાદ સાઉથ સુપરસ્ટાર સૂર્યાએ રંજિથ સાથે ફિલ્મ બનાવવાની ઈચ્છા વ્યક્ત કરી હતી.

આંબેડકર મારી શક્તિ અને હિંમત છેઃ પા રંજિથ

ધ વાયરને આપેલા ઈન્ટરવ્યુમાં રણજીતે કહ્યું હતું કે, "જ્યારે હું દલિત પાત્રો વિશે લખું છું ત્યારે સૌથી પહેલા હું મારી જાતને આ વાર્તાઓમાં સ્થાન આપું છું અને પૂછું છું કે હું સમાજમાં ક્યાં ઊભો છું? મારા માટે સૌથી મોટા રોલ મોડલ બાબા સાહેબ એટલે કે ડૉ. ભીમરાવ આંબેડકર રહ્યા છે. બાબા સાહેબે ગાંધી અને કોંગ્રેસનો વિરોધ ત્યારે કર્યો જ્યારે તેમને લાગ્યું કે તેઓ (ગાંધી અને કોંગ્રેસ) દલિતોના મુદ્દાઓને મહત્વ નથી આપતા. મેં તેમને પ્રેરણા તરીકે જોયા છે. મને આંબેડકર પાસેથી હિંમત મળે છે.

આ પણ વાંચો: Kaala - સિનેમાના પડદે રજૂ થયેલી દલિત અસ્મિતાની સિંહગર્જના

આ અંગે પીડિતાના પિતાએ મીડિયા સાથેની વાતચીતમાં જણાવ્યું છે કે, “આ સ્વામિનારાયણ મંદિરની જ્યારથી ઈંટ મૂકી ત્યારથી મારા માતા અહીં કામ કરતા હતા. તેમના ગુજરી ગયા બાદ મારી પત્ની અને મંદબુદ્ધિની દીકરી અહીં કામ કરતી હતી. મારી દીકરીને પૂજારીએ બળાત્કાર કરીને ગર્ભવતી બનાવી છે. મારી દીકરી સવારે ચાર વાગે આંગણવાડી પાસે પેશાબ કરવા ગઈ હતી. ત્યારે તેનું બાળક ગરી ગયું હતું. જે બાદ તે બાળકને અમે બાજુમાં મૂક્યું અને દીકરીને અમે નડિયાદ સિવિલ હોસ્પિટલમાં લઈ ગયા હતા. જે બાદ ત્યાંથી અમે અમદાવાદ સિવિલ હોસ્પિટલમાં લઇ ગયા હતા.”

પરિવારે વધુમાં જણાવ્યું હતું કે, પોલીસની પૂછપરછમાં અમારી દીકરીએ જણાવ્યું છે કે, “આ મંદિરના પૂજારીએ મારી સાથે દુષ્કર્મ કર્યું છે. એટલું જ પૂજારીએ કોઈને આ અંગેની જાણ કરીશ તો મારી નાખીશ તેવી ધમકી આપી હતી. જેથી અમારે હવે ન્યાય જોઈએ છે. આ મંદિરને સીલ લાગવું જોઈએ. આ સંસ્થા મોટી છે અને ગરીબનું કોઈ ન સાંભળે તેવું ન થવું જોઈએ. ન્યાય એવો આપો કે, અન્ય કોઈ યુવતી સાથે આવું ન થાય.”

આ પણ વાંચો: સ્વામિનારાયણ સાહિત્યમાં વાહિયાત અને તદ્દન જૂઠાં પરચાઓ છે

ટીપુ સુલતાન ધાર્મિક સંવાદિતા માટે ગમે તેટલા ઉચ્ચ વિચારો ધરાવતા હતા, પણ કેટલાંક સ્થાપિત હિતોએ ઇતિહાસને વિકૃત કરી નાખ્યો અને પોતાનાં લખાણોમાં ટીપુને બિન-મુસ્લિમો વિરુદ્ધ ક્રૂર રીતે વર્તતા એક કટ્ટર ધર્માંધ તરીકે દર્શાવ્યા. જે અંગ્રેજોએ આ ધરતી પર કબજો જમાવ્યો અને કેટલાક સ્થાનિક ઇતિહાસકારો કે જેમનું દિમાગ મુસ્લિમ વિરોધી લાગણીઓથી ભરેલું હતું તેમણે આ કામ કર્યું. લાંબા સમય સુધી ચાલેલી આ ખોટી ઝુંબેશને પરિણામે લોકો સામાન્ય અને વિશિષ્ટ એમ બન્ને રીતે, જૂઠાણાંઓ અને વિકૃતિઓને સાચાં માનવા લાગ્યા.

જો કે આ જૂઠાણા લાંબો સમય ટકી શક્યા નહીં. કેટલાક સંશોધકોએ કરેલા પ્રયત્નોના પરિણામે સત્ય હકીકતો બહાર આવી છે, જે સ્થાપિત હિતો દ્વારા ફેલાવવામાં આવેલા જુઠ્ઠાણાઓ અને વિકૃતિઓની ઝુંબેશ પાછળના દુષ્ટ હેતુને છતી કરે છે. ટીપુ સામે મુખ્ય આરોપ હતો કે "ત્રણ હજાર બ્રાહ્મણો આત્મહત્યા કરવા માગે છે, કારણ કે ટીપુ તેમને બળજબરીથી ઇસ્લામમાં પરિવર્તિત કરવા માંગતા હતા." ('ઔરંગઝેબ એન્ડ ટીપુ સુલતાન', ડૉ. બી. એન. પાંડે, પાના નં. ૧૪)

આ આરોપને કલકત્તા યુનિવર્સિટીના સંસ્કૃત વિભાગના વડા ડૉ. હરપ્રસાદ શાસ્ત્રીએ પોતાના પુસ્તકમાં સમાવ્યો હતો અને આ પુસ્તકનો મેટ્રિકની કક્ષામાં સમાવેશ કરાયો હતો. આ પુસ્તક લાંબા સમયથી બંગાળ, આસામ, ઉત્તર પ્રદેશ, મધ્ય પ્રદેશ અને રાજસ્થાનની હાઈસ્કૂલોના વિદ્યાર્થીઓ માટે ઇતિહાસનું પાઠ્યપુસ્તક રહ્યું.

લાંબા સમય પછી આ બાબત ડો. બી. એન. પાંડેના ધ્યાનમાં આવી, જેઓ તે સમયે જાણીતા ઇતિહાસકાર હતા અને પછીથી સંસદસભ્ય બન્યા હતા અને રાજસ્થાનના રાજ્યપાલ તરીકે પણ કામ કર્યું હતું. તે સમયે તેઓ 'ટીપુ સુલતાનની ધાર્મિક નીતિ' વિષય પર સંશોધન કરી રહ્યા હતા. એક વ્યક્તિ કે જેણે અનેક પુરાવાઓનો અભ્યાસ કર્યો છે, જેમ કે, ફરમાન(હુકમો), ટીપુએ મઠ અને પીઠના વડા, જગદગુરુઓને લખેલા સેંકડો પત્રો વગેરેનો. જે ટીપુ એક બિનસાંપ્રદાયિક શાસક હોવાનું સાબિત કરે છે, ટીપુ પરનો આ આરોપ આશ્ચર્યજનક લાગે છે અને માની શકાય એમ નથી.

ડો. બી.એન. પાંડે આ બાબતે જિજ્ઞાસુ બન્યા અને સત્ય શોધવા માંગતા હતા. તેમણે ડો. હરપ્રસાદ શાસ્ત્રીને અનેક પત્રો લખીને આરોપોના પુરાવા જાહેર કરવા વિનંતી કરી હતી પરંતુ ડો.શાસ્ત્રી તરફથી તેમને કોઈ જવાબ મળ્યો ન હતો. ડો. પાંડે પત્રો લખતા રહ્યાં. છેલ્લા પત્રમાં ડો.પાંડેએ ડો.શાસ્ત્રીને ચેતવણી આપી હતી કે જો તેઓ તે પત્રનો જવાબ નહીં આપે તો તેમણે ટીપુ સામેના તેમના આક્ષેપોને બૌદ્ધિક અપ્રમાણિકતા તરીકે ગણવા પડશે. ત્યારે ડો.શાસ્ત્રીએ એક પત્ર લખીને માત્ર એટલું જ કહ્યું હતું કે આ ઘટનાની વિગતો મૈસુર ગેઝેટમાં પ્રકાશિત કરવામાં આવી છે.

આ પણ વાંચો: 'જય ભીમ' નો નારો ખરેખર કોણે આપ્યો હતો, બાબુ હરદાસે, મહાર સૈનિકોએ કે પછી બીજા કોઈએ?

ડૉ. બી. એન. પાંડેએ મૈસૂર ગેઝેટમાં આ માહિતીની તપાસ કરી. તેમણે પ્રા. કંથૈય્યા અને શ્રી બ્રિજેન્દ્રનાથ સીલની સલાહ લીધી, જેઓ મૈસૂર રાજ્યના ઇતિહાસના નિષ્ણાત હતા. પ્રો. કંથૈયાએ જવાબ આપ્યો, "મૈસુરમાં ૩૦૦૦ બ્રાહ્મણોની આત્મહત્યાનો એપિસોડ ક્યાંય નથી. ગેઝેટ અને મૈસૂરના ઇતિહાસના એક વિદ્યાર્થી તરીકે મને ખાતરી છે કે આવો કોઈ બનાવ બન્યો જ નથી.' ('ઔરંગઝેબ એન્ડ ટીપુ સુલતાન', બી. એન. પાંડે, પૃષ્ઠ ૧૪)

પ્રો. કંથૈય્યા આટલેથી અટક્યા નહિ. આ બાબતમાં ડૉ. પાંડેએ જે ઊંડો રસ દાખવ્યો હતો તેની નોંધ લીધા પછી પ્રો. કંથૈય્યાએ તેમને કેટલાક મહત્ત્વના દસ્તાવેજોની નકલો મોકલી, જે પુરવાર કરતી હતી કે ટીપુ સુલતાન બિનસાંપ્રદાયિક શાસક હતા. દસ્તાવેજોનો અભ્યાસ કર્યા બાદ ડો.પાંડે એવા તારણ પર આવ્યા હતા કે ડો.શાસ્ત્રીએ ચોક્કસ હેતુ સાથે ટીપુ પર આરોપ મૂક્યો હતો. ડૉ. પાંડેએ તેમને એક પત્ર લખીને પ્રા. કંથૈય્યા પાસેથી મળેલા દસ્તાવેજોની નકલો વિષે ધ્યાન દોર્યું. પત્રમાં તેમણે ડો.શાસ્ત્રીને વિનંતી કરી હતી કે તેઓ બ્રાહ્મણોની સામૂહિક આત્મહત્યાના કથિત એપિસોડ અંગેના તથ્યો સાથે સામે આવે. તેમણે અનેક પત્રો લખ્યા પણ ડો.શાસ્ત્રી તરફથી કોઈ જવાબ ન મળ્યો. ત્યારે ડો.પાંડે એ અંતિમ તારણ પર આવ્યા કે ૩૦૦૦ બ્રાહ્મણોએ આત્મહત્યા કરી હોવાનો કથિત એપિસોડ બનાવટી હતો.

તેમણે આ મામલે વધુ સંશોધન કર્યું અને પુષ્ટિ કરી કે ડો.હરપ્રસાદ શાસ્ત્રીએ જાણીજોઈને ટીપુ સુલતાન પર ખોટો આરોપ લગાવ્યો હતો. એ પછી તેમણે આ બાબતને લગતા બધા જ દસ્તાવેજો કલકત્તા યુનિવર્સિટીના વાઇસ ચાન્સેલરને મોકલી આપ્યા અને ડૉ. શાસ્ત્રીએ ટીપુ પર ખોટો આરોપ કેવી રીતે મૂક્યો તે તેમના ધ્યાન પર આવ્યું. યુનિવર્સિટીના અધિકારીઓની સુધારણા સમિતિ અનુસાર તપાસ કરવામાં આવી હતી

આ દસ્તાવેજોના આધારે, વાઇસ ચાન્સેલરે ડૉ. શાસ્ત્રીના પુસ્તકને કલકત્તા યુનિવર્સિટીએ સૂચવેલાં પુસ્તકોની યાદીમાંથી દૂર કરવાનો નિર્ણય કર્યો. વી.સી.ના નિર્ણયની સાથે સાથે, પુસ્તકને આખરે દૂર કરવામાં આવ્યું, જે  ઘણાં વર્ષો પહેલાંથી જ આ પાઠ્યપુસ્તક અમલમાં રહ્યું, આટલા બધાં વર્ષો સુધી ખોટા આરોપને ટેક્સ્ટ બુકમાં સ્થાન મળવાને કારણે તેણે ઘણી પ્રસિદ્ધિ મેળવી લીધી હતી.

ટીપુ સામે બીજો આરોપ જેણે વ્યાપક પ્રસિદ્ધિ મેળવી તે એ હતો કે તેમણે માલાબારમાં હિન્દુ સમાજ વિરુદ્ધ ખૂબ જ ક્રૂર વર્તન કર્યું હતું. ડૉ. બી. એન. પાંડે જેવા કેટલાક સંશોધકોએ આ બાબતમાં ઊંડા ઊતર્યા અને હકીકતો બહાર આવી. તે બધાએ એક અવાજમાં કહ્યું કે ટીપુએ મલબારના લોકો પર કડક કાર્યવાહી કરી હતી, પરંતુ તે રાજકીય કારણોસર હતી, લોકોની ધાર્મિક આસ્થાને કારણે નહીં.

વ્યાપક બિનસાંપ્રદાયિક દ્રષ્ટિકોણ ધરાવતા ટીપુએ તેમના દરજ્જા અથવા ધર્મને ધ્યાનમાં લીધા વિના તેમના આદેશોનો ભંગ કરનારાઓ પર કડક કાર્યવાહી કરી. મલબારના લોકોએ અંગ્રેજો સાથે હાથ મિલાવ્યા હતા, આ ઉપરાંત મહિલાઓએ બ્લાઉઝ પહેરવા જોઈએ ના ટીપુના આદેશનો પણ અનાદર કર્યો હતો. 

આ પણ વાંચો: આંબેડકર તમે આવા ય હતા?

ઇસ્ટ ઇન્ડિયા કંપનીના હાથની કઠપૂતળીઓ બનીને મૈસૂરના રાજ્યની વિરુદ્ધ થઈ જતાં લોકો વિરુદ્ધ ટીપુનો ક્રોધ જોઈ મેંગ્લોરના ખ્રિસ્તીઓ આકર્ષાયા. કુર્ગના લોકોએ બહુપત્નીત્વ પર પ્રતિબંધ મૂકવાના ટીપુના આદેશોનું પાલન નકાર્યું હતું અને મૈસૂર રાજ્યના લોકો સાથે સાંઠગાંઠ કરી હતી.

કુર્ગના લોકો દ્વારા કરવામાં આવેલા આ રાજદ્રોહના કૃત્યોથી ગુસ્સે ભરાયેલા, ટીપુએ નિર્દયતાથી તેમને સજા કરી. ટીપુનાં આ બધાં કાર્યો પાછળ રાજકીય કારણો હતા, પરંતુ તેમાં ધાર્મિક લાગણીઓની કોઈ ભૂમિકા નહોતી એ બાબતને ડી. એલ. નિગમ ('ટીપુ કી જીવની'), ડૉ. વિશ્વેશ્વરૈયા ('બોન્ડેજ એન્ડ ફ્રીડમ- બંધન અને સ્વતંત્રતા') અને શ્રી રંભા સયમ સુંદર જેવા પ્રખ્યાત ઇતિહાસકારોએ પૂરાવા સાથે સમજાવી હતી.

ટીપુ પોતાના સમયના અન્ય રાજાઓની જેમ જ, જેમને તે પોતાના શત્રુ માનતા હતા તેમના પ્રત્યે પણ ક્રૂર હતા, તેમ છતાં ધર્મની બાબતમાં, ખાસ કરીને હિન્દુઓ પ્રત્યે તે ક્રૂર નહોતા. તેમણે કેનેરામાં ખ્રિસ્તીઓ પર અથવા માલાબારના નાયરો પર કડક કાર્યવાહી ફક્ત રાજકીય કારણોસર કરી હતી, નહીં કે ધાર્મિક નફરતને કારણે. જો તે નાયરોથી ગુસ્સે હતા, તો તેનું કારણ એ હતું કે તેમણે તેમના આદેશોનું ઉલ્લંઘન કર્યું હતું, જેનો ઉદ્દેશ તેમના બહુપત્નીત્વના રિવાજો અને તેમની સ્ત્રીઓ બ્લાઉઝ વિના ફરતી તેમના સમાજમાં સુધારણા કરવાનો હતો. એકંદરે ટીપુ પર મુસ્લિમો પ્રત્યે પક્ષપાત રાખીને હિન્દુઓ સાથે ભેદભાવ રાખવાનો અને હિન્દુઓ પર અત્યાચાર કરવાનો અને તેમને બળજબરીથી ઇસ્લામમાં રૂપાંતરિત કરવાનો આરોપ મૂકવો અન્યાયી લાગે છે. ('ઈદી ચરિત્ર' (તેલુગુ), એમ.વી.આર.શાસ્ત્રી, દુર્ગા પ્રકાશનો હૈદરાબાદ, ૨૦૦૫, પાના નં. ૨૦૧)

ટીપુ મુસ્લિમ મોપિલાઓ સાથે પણ નિર્દય હતા, જેમણે તેમના આદેશોનું ઉલ્લંઘન કર્યું હતું. તેમણે લોખંડી પંજાથી તેમના બળવાને સંપૂર્ણપણે દબાવી દીધો. તેણે સોવનૂર, કુર્નૂલ અને કડપ્પાના નવાબો સામે નિર્દયતાથી કામ કર્યું, જેઓ તેમની વિરુદ્ધ કાવતરું ઘડી રહ્યા હતા. તે દિવસોમાં કોઈ પણ શાસકો, જેમને તેઓ તેમના દુશ્મન માનતા હતા તેમની સામે ક્રૂર વર્તન કરતા હતા અને ટીપુ પણ તેમાં અપવાદ ન હતા. આ બાબતે અંગ્રેજ લશ્કરના એક અધિકારી મેજર ડાયરોમે ટિપ્પણી કરી હતી કે, "તેમની ક્રૂરતાઓ સામાન્ય રીતે માત્ર એ લોકો પર જ આધારિત હતી જેમને તે પોતાનો શત્રુ માનતા હતા." (એડવાન્સ્ડ હિસ્ટ્રી ઓફ ઇન્ડિયા. આર.સી. મજુમદાર, પૃષ્ઠ ૭૦૮)

ટીપુને તેમની નિષ્પક્ષતા અને ધાર્મિક સંવાદિતાની નીતિ માટે પ્રજાનો ટેકો મળ્યો. ધાર્મિક સંવાદિતાની નીતિ માટે ટીપુની પ્રશંસા કરતાં ગાંધીજીએ પણ ટિપ્પણી કરી હતી કે "મૈસૂરના ફતેહ અલી ટીપુ સુલતાનનું પ્રતિનિધિત્વ વિદેશી ઇતિહાસકારો દ્વારા એક કટ્ટરપંથી તરીકે કરવામાં આવે છે, જેમણે તેમની હિન્દુ પ્રજાનો વિરોધ કર્યો હતો અને બળજબરીથી ઇસ્લામ ધર્મ અંગીકાર કરવ્યો હતો. પણ એવું કશું જ નહોતું. હિન્દુ પ્રજા સાથેના તેમના સંબંધો સંપૂર્ણપણે સૌહાર્દપૂર્ણ હતા. (યંગ ઇન્ડિયા', ૨૩ જાન્યુઆરી, ૧૯૩૦, પેજ. ૩૧)

સૌજન્ય/સાભાર : ટાઈગર ઓફ મૈસૂર ટીપુ સુલતાન

આ પણ વાંચો: શા માટે ‘સમ્રાટ અશોક’ ભારતની કથિત ઉચ્ચ જાતિઓ માટે અસ્પૃશ્ય છે?

આ સંદર્ભમાં તુલસીદાસ અને મુઘલ સામ્રાજ્યનું ઉદાહરણ આપતા ક્રાંતિ કુમારે કહ્યું હતું કે જેમ ગોસ્વામી તુલસીદાસે મુઘલો સામે એક શબ્દ પણ લખ્યો નથી તેવી જ રીતે RSSએ પણ અંગ્રેજો સામે કશું કહ્યું નથી. તેના બદલે, કુમારના જણાવ્યા મુજબ, આરએસએસે પોતાના વિચારોનું કેન્દ્ર ગાંધી અને આંબેડકર વિરુદ્ધ કેન્દ્રિત રાખ્યું હતું અને પછાત જાતિઓ પ્રત્યે અપમાનજનક વર્તન દર્શાવ્યું હતું. ક્રાંતિકુમારનો દાવો છે કે આરએસએસ માત્ર રાષ્ટ્રીય નેતાઓ અને સમાજ સુધારકો સામે અવાજ ઉઠાવીને માત્ર પોતાનો વૈચારિક વિરોધને વ્યક્ત કરે છે.

ક્રાંતિ કુમારે કહ્યું કે, "ગાંધી, નેહરૂ, સરદાર સહિત અનેક સ્વાતંત્ર્ય સેનાનીઓ જેલમાં ગયા અને દેશ માટે બલિદાન આપ્યું, જ્યારે RSSના સ્થાપક કેશવ બલીરામ હેડગેવાર અને પછી ગુરુ ગોલવલકર જેવા નેતાઓ ક્યારેય જેલમાં ગયા નથી," 

કુમારે આ નિવેદન દ્વારા આરએસએસના ઐતિહાસિક યોગદાન પર સવાલો ઉઠાવ્યા હતા અને તેને વૈચારિક હુમલો ગણાવી ટીકા કરી હતી. આ નિવેદન કેટલાક અગ્રણી નેતાઓ દ્વારા વારંવાર આરએસએસ પર લગાવવામાં આવતા આરોપોની શ્રેણીમાં એક નવો અધ્યાય ઉમેરે છે.

કુમારના નિવેદને સોશિયલ મીડિયા પર નવી ચર્ચા જગાવી છે. સમર્થકો અને વિરોધીઓ બંને પોતપોતાના મંતવ્યો વ્યક્ત કરી રહ્યા છે. ઘણાં માને છે કે કુમારનું નિવેદન ઈતિહાસના કડવા સત્યો તરફ ઈશારો કરે છે જેને ઘણીવાર અવગણવામાં આવે છે.

પોતાના નિવેદનના અંતે ક્રાંતિ કુમારે પડકારજનક સ્વરમાં કહ્યું, "તમે ખુલીને બેટિંગ કરો છો, હવે અમે પણ ખુલીને બોલિંગ કરીશું." ઘણા લોકો તેમના નિવેદનને નવા વૈચારિક સંઘર્ષની શરૂઆત તરીકે જોઈ રહ્યા છે. આ ટિપ્પણીને લઈને રાજકીય વર્તુળોમાં પણ ચર્ચાઓએ જોર પકડ્યું છે.

આ પણ વાંચોઃ RSS કહે છે હિંદુ ધર્મમાં કોઈ 'અછૂત' નથી, તો પછી 'મનુસ્મૃતિ'માં શું છે?

પલારી નગરપાલિકાના પ્રમુખ યશવર્ધન મોનુ વર્મા અને પલારી પોલીસ વચ્ચેનો આ વિવાદ છે. પોલીસ સ્ટેશન સામે બસ સ્ટેન્ડ પર ભાજપના નેતાઓ કારમાં મોટા અવાજે અશ્લીલ ગીતો વગાડી રહ્યા હતા. જેનાથી પરેશાન સ્થાનિકોએ પલારી પોલીસ સ્ટેશનમાં જાણ કરી હતી. જેને લઈને પોલીસ કાફલો તેને અટકાવવા પહોંચ્યા હતા. જો કે ભાજપ નેતાઓ પોલીસનું માન્યા નહોતા અને તેમણે પોલીસ સામે દાદાગીરી કરવાનું શરૂ કરી દીધું હતું અને તેમની ટ્રાન્સફર કરાવી દેવાની ધમકી આપી હતી. જેને લઈને બંને વચ્ચે ઝઘડો થઈ ગયો હતો.

ભાજપના નેતાઓએ પોલીસ અધિકારીઓને સરકારમાં પોતાની પહોંચની દાટી મારીને બસ્તરમાં ટ્રાન્સફર કરાવી દેવાની ધમકી આપી હતી. આ દરમિયાન વિવાદ વધી ગયો હતો અને બંને પક્ષો વચ્ચે મારામારી થઈ હતી. મળતી માહિતી મુજબ ભાજપના નેતાઓ અને પોલીસ કર્મચારીઓ વચ્ચે ભારે મારામારી થઈ હતી.

આરોપ છે કે એક તરફ પોલીસકર્મીઓ પોતાની ખાખી વર્દીનો પાવર બતાવતા હતા, તો બીજી તરફ ભાજપના નેતાઓએ સત્તાનો પાવર બતાવીને પોલીસ સ્ટેશનનો ઘેરાવ કર્યો હતો. આ અંગે ઉચ્ચ અધિકારીઓને જાણ થતાં પોલીસ અધિક અધિક્ષક સહિત મોટી સંખ્યામાં પોલીસ દોડી આવી હતી.

આ બાજુ રાજકીય દબાણને કારણે પોલીસકર્મીઓ પર કાર્યવાહી કરવામાં આવી હતી પોલીસ અધિક્ષકે પીઆઈ કેશર પરાગ વણઝારા અને 2 કોન્સ્ટેબલ રામ મોહન રાય અને મનીષ વણઝારાને સસ્પેન્ડ કરી દીધા છે. આ મામલે નાયબ પોલીસ અધિક્ષક રાજેશ શ્રીવાસ્તવને તપાસ અધિકારી તરીકે નિયુક્ત કર્યા છે.

આ પણ વાંચો: ડાકોરમાં ASI દારૂ ઢીંચી ખાતાકીય તપાસમાં જવાબ લખાવવા પહોંચ્યાં

મળતી માહિતી પ્રમાણે લાભ પાંચમે તસ્કરોએ ચિત્રોડ ગામે એક જ રાત્રિમાં એક સામટા આઠ જેટલા દેવ મંદિરોને સામૂહિક તસ્કરી કરી પોલીસને પડકાર ફેંક્યો છે. આ ઘટનાને લઈને ગ્રામજનોમાં ચિંતા સાથે રોષની લાગણી ફેલાઇ છે.

બનાવમાં ચાંદીના છત્ર, માતાજીની મૂર્તિઓ ઉપર ભાવિકોએ ચડાવેલા વિવિધ ઘરેણાં અને દાન પેટીમાં પડેલી રકમ તસ્કરો ઉઠાવી ગયા છે. આ અંગે ગાગોદર પોલીસની ઘટનાસ્થળે દોડી ગઈ છે અને ઝીણવટ ભરી તપાસ હાથ ધરી છે. કુલ કેટલી રકમની ચોરી થઈ છે તે વિધિવત ફરિયાદ દાખલ થયા બાદ જાહેર થશે.

પોલીસ પાસેથી મળતી માહિતી મુજબ ચિત્રોડમાં ગત રાતથી આજ સવાર સુધીના અરસામાં આઠ જેટલા અલગ અલગ મંદિરોમાં ચોરી થઈ છે. આ મંદિરોમાં આઈ દેવ માંનું મંદિર, જેઠા શ્રી ગોગા મહારાજ, મોમાઈ માતાજી મંદિર, વાળંદ સમાજનું મંદિર, પ્રજાપતિ સમાજનું મંદિર, પટ્ટણી સમાજનું મંદિર, રાજપૂત સમાજનું મંદિર અને કોળી સમાજના મંદિરનો સમાવેશ થાય છે.

આ પણ વાંચો: ડાકોરમાં તસ્કરો શનિદેવના આભૂષણો, દાનપેટીની રોકડ ચોરી ગયા

આ અંગે સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતું કે, અગાઉની પીએમજે યોજનામાં આવક મર્યાદા હતી, પરંતુ વય વંદના યોજનામાં આવક મર્યાદા નથી. ૭૦ વર્ષથી ઉપરના કોઈપણ વૃદ્ધ નાગરિક આ યોજનાનો લાભ લઈ શકે છે. તેમણે વધુમાં જણાવ્યું હતું કે, શહેરના ૮૫ અર્બન હેલ્થ સેન્ટર પર વય વંદના કાર્ડ બનાવવાની સુવિધા ઉપલબ્ધ કરાવવામાં આવી છે. નાગરિકો માત્ર આધાર કાર્ડ સાથે આ સેન્ટર પર જઈને કાર્ડ બનાવી શકે છે. આ કાર્ડથી તેઓ ૧૦ લાખ રૂપિયા સુધીની સારવાર મફતમાં કરાવી શકશે.

વડા પ્રધાન નરેન્દ્ર મોદીએ થોડા દિવસ પહેલા જ સત્તાવાર રીતે ૭૦ વર્ષથી વધુ ઉંમરના લોકો માટે આયુષ્માન ભારત યોજનાની સુવિધાની જાહેરાત કરી હતી. તેનો ઉદ્દેશ્ય દેશના દરેક વૃદ્ધ વ્યક્તિને વધુ સારી સ્વાસ્થ્ય સુવિધાઓ પૂરી પાડવાનો છે. તેથી, સરકારે વૃદ્ધો માટે આવક અથવા અન્ય કોઈ માપદંડ નક્કી કર્યા નથી અને દરેક વ્યક્તિ આ યોજનાનો લાભ મેળવી શકે છે.

આ યોજના હેઠળ, ૭૦ વર્ષથી વધુ ઉંમરના લોકો માટે બનાવેલ આયુષ્માન ભારત કાર્ડને ‘આયુષ્માન વય વંદના કાર્ડ’ કહેવામાં આવશે. આ કાર્ડના આધારે વરિષ્ઠ નાગરિકોને હોસ્પિટલમાં ૫ લાખ રૂપિયા સુધીની મફત સારવાર મળશે. (ગુજરાતમાં આ રકમ ૧૦ લાખ રૂપિયા છે) આ કાર્ડ વરિષ્ઠ નાગરિકોના સ્વાસ્થ્ય ખર્ચના બોજને ઘટાડવામાં સામાન્ય લોકોને રાહત આપશે.

આ ૭૦ વર્ષથી વધુ ઉંમરના લોકો માટે સાવર્ત્રિક આરોગ્ય કવરેજ હશે. દેશના લગભગ ૪.૫ કરોડ પરિવારો અથવા ૬ કરોડ વરિષ્ઠ નાગરિકોને આ વિશેષ સુવિધાનો લાભ મળશે. જે પરિવારો પહેલેથી જ આયુષ્માન ભારત યોજનાનો હિસ્સો છે, જાે તેમના પરિવારમાં એક વ્યક્તિ પણ ૭૦ વર્ષથી વધુ વયની હોય, તો તેમને પ્રતિ વર્ષ ૧૦ લાખ રૂપિયાના દરે ટોપ-અપ હેલ્થ કવરેજ મળશે.

આ યોજનાનો લાભ લેવા વૃદ્ધો માટે 'આયુષ્માન વય વંદના કાર્ડ' બહાર પાડવામાં આવ્યું છે. જેનો મતલબ છે કે આ યોજનાનો લાભ લેવા માટે આયુષ્માન ભારત કાર્ડ માન્ય નહીં ગણવામાં આવે.

આ પણ વાંચો: પીએમ બેરોજગારી ભથ્થાં હેઠળ મહિને રૂ. 3500 મળશે, તમને મેસેજ આવ્યો?

મારામારીના કારણે મોડે સુધી અફરાતફરીનો માહોલ જોવા મળ્યો હતો. સંતો વચ્ચે થયેલી મારામારીના કારણે બેઠક યોજાઈ શકી નહોતી. આજે પ્રયાગરાજ મેળા વહિવટી તંત્રની બેઠક યોજાવાની હતી. વહિવટી તંત્રની બેઠક માટે અખાડા પરિષદના બંને જૂથોને બોલાવવામાં આવ્યા હતા. ઓપચારિક રીતે બેઠકની શરૂઆત થતા પહેલા જ હોબાળો શરૂ થઈ ગયો હતો. મારામારીના કારણે આ ઘટનામાં કેટલાક સંતોને સામાન્ય ઈજા પણ આવી છે. મળતી માહિતી અનુસાર, પૂર્વ અધ્યક્ષ નરેન્દ્ર ગિરીના મોત બાદથી અખાડા પરિષદ બે જૂથમાં વહેંચાયું છે.

આ ઘટનાને લઈને અખાડા પરિષદના અધ્યક્ષ રવિન્દ્ર પુરીજીએ જણાવ્યું હતું કે, 'જમીન વહેંચણીને લઈને વિવાદ થયો છે, કેટલાક સંતો તરફથી હોબાળો કરાયો હતો. મહાકુંભ માટે જમીન વહેંચણીને લઈને એકબીજા બંને જૂથોની બેઠક બોલાવવામાં આવી હતી જેમાં સંતો ઝઘડ્યા હતા.'

બીજી તરફ નિર્મોહી અખાડાના અધ્યક્ષ રાજેન્દ્ર દાસે કહ્યું કે, 'જ્યારે પણ કોઈ મેળો થાય છે ત્યારે અખાડાના પદાધિકારીઓને બોલાવવામાં આવે છે. પરંતુ કુંભ મેળામાં આવું બે-ત્રણ વાર થયું છે કે પદાધિકારીઓને બદલે અન્યને બેસાડવામાં આવે છે. જૂના અખાડાઓનો રેકોર્ડ સારો નથી, ઝઘડા કરવા અને વિવાદ કરવો એ જ તેમનું કામ છે. અમને ત્યાં બેસવા માટેની જગ્યા મળી નથી, જેના કારણે અમે વાત કરી હતી. જેને લઈને જૂના અખાડાના પ્રેમ ગિરીએ હુમલો કરી દીધો હતો.'

આ પણ વાંચો: વડતાલ સ્વામીનારાયણના સંતોએ રૂ. 1.55 કરોડની છેતરપિંડી આચરી?

નવી યોજનાનો ઉદ્દેશ્ય સ્થાનિક સંસ્થાઓમાં ઉચ્ચ શિક્ષણ માટે 10 લાખ રૂપિયા સુધીની લોન આપવાનો છે. આ યોજનામાં દર વર્ષે એક લાખ વિદ્યાર્થીઓ માટે 3% વ્યાજ સબસિડી અને ઈ-વાઉચરનો સમાવેશ થાય છે.

આ યોજના અંતર્ગત વાર્ષિક ₹8 લાખથી ઓછી આવક ધરાવતા પરિવારોના બાળકોને ₹10 લાખ સુધીની એજ્યુકેશન લૉન મળશે. એક પ્રેસ કૉન્ફરન્સમાં કેન્દ્રીય મંત્રી અશ્વિની વૈષ્ણવે આ બાબતની વિસ્તૃત જાણકારી આપી હતી અને ઉમેર્યું હતું કે આ યોજનાનો હેતુ કોઈ પણ વિદ્યાર્થી આર્થિક સ્થિતિના કારણે પાછળ ન રહી જાય તે સુનિશ્ચિત કરવાનો છે. સરકાર આના પર 3 ટકા વ્યાજ સબસિડી આપશે. ઉચ્ચ શિક્ષણ સંસ્થાનમાં પ્રવેશ લેનાર કોઈપણ વિદ્યાર્થી પ્રધાનમંત્રી વિદ્યાલક્ષ્મી યોજનાનો લાભ લઈ શકે છે. આ સ્કીમ દ્વારા લોન લેવા માટે કોઈ ગેરેન્ટરની પણ જરૂર રહેશે નહીં.

વિદ્યાર્થીઓ કોઈપણ બેંકોમાં અરજી કરીને “PM-વિદ્યાલક્ષ્મી” પોર્ટલ દ્વારા લોન અને વ્યાજનો લાભ મેળવવા માટે અરજી કરી શકે છે. ઇ-વાઉચર અને સેન્ટ્રલ બેંક ડિજિટલ કરન્સી (CBDC) વૉલેટ દ્વારા વ્યાજ સબવેન્શન પેમેન્ટની પ્રક્રિયા કરવામાં આવશે.

નેશનલ એજ્યુકેશન પોલિસી 2020 થી વિકસાવવામાં આવેલી આ યોજનાનો ઉદ્દેશ્ય એ સુનિશ્ચિત કરવાનો છે કે ગુણવત્તાયુક્ત ઉચ્ચ શિક્ષણ સંસ્થાઓ (QHEIs)માં પ્રવેશ મેળવવા માંગતા વિદ્યાર્થીઓ ટ્યુશન ફી અને કોર્સ-સંબંધિત ખર્ચાઓને આવરી લેવા માટે કોલેટરલ ફ્રી, ગેરેંટર-ફ્રી લોન મેળવી શકે. જે એક ડિજિટલ, પારદર્શક અને સ્ટુડન્ટ ફ્રેન્ડલી સિસ્ટમ દ્વારા થશે.

આ યોજના NIRF રેન્કિંગની ટોચની શૈક્ષણિક સંસ્થાઓ પર ધ્યાન કેન્દ્રિત કરે છે. તેમાં ટોચની 100 શ્રેણી-વિશિષ્ટ અને ડોમેન-વિશિષ્ટ સરકારી અને ખાનગી સંસ્થાઓનો સમાવેશ થાય છે.

આ યોજનામાં 101-200 રેન્ક ધરાવતી રાજ્ય સરકારની સંસ્થાઓ અને કેન્દ્ર સરકારની તમામ સંસ્થાઓ પણ પાત્ર છે. NIRF રેન્કિંગ પર આધારિત વાર્ષિક અપડેટમાં હાલમાં 860 QHEIનો સમાવેશ થાય છે, જેનાથી અંદાજે 22 લાખથી વધુ વિદ્યાર્થીઓને લાભ થશે.

7.5 લાખ સુધીની લોન માટે વિદ્યાર્થીઓને બાકી ડિફોલ્ટ સામે 75% ક્રેડિટ ગેરંટી મળશે, જેનાથી બેંકોને આ યોજના હેઠળ એજ્યુકેશન લોન આપવા માટે પ્રોત્સાહન મળશે.

8 લાખ સુધીની વાર્ષિક આવક ધરાવતા પરિવારોના વિદ્યાર્થીઓ, જેઓ અન્ય સરકારી શિષ્યવૃત્તિ અથવા વ્યાજના લાભો માટે પાત્ર નથી, તેઓ રૂ. 10 લાખ સુધીની લોન માટે મોરેટોરિયમ સમયગાળા દરમિયાન 3% વ્યાજ સબવેન્શન મેળવી શકે છે.

આ સહાયનો ઉદ્દેશ્ય દર વર્ષે 1 લાખ વિદ્યાર્થીઓને સહાય કરવાનો છે, જેમાં ટેકનિકલ/વ્યાવસાયિક અભ્યાસક્રમોમાં ભણતા સરકારી સંસ્થાઓના વિદ્યાર્થીઓને પ્રાથમિકતા અપાશે.

આ પણ વાંચોઃ પીએમ બેરોજગારી ભથ્થાં હેઠળ મહિને રૂ. 3500 મળશે, તેમને મેસેજ આવ્યો હોય તો ચેતી જજો

આમાંના ઘણા પ્રોફેસરો તો એવા છે કે જેઓ ઘર ખર્ચ પુરો કરવા માટે રસ્તાની બાજુમાં બેસીને શાકભાજી વેચી રહ્યાં છે. તેઓ દરરોજ 500 થી 1000 રૂપિયાની કમાણી કરે છે, જે તેની પ્રોફેસરશિપ દરમિયાન કમાણી કરેલ 40 હજારથી 1.5 લાખ રૂપિયા કરતા ઘણી ઓછી છે. જો કે, આમાંના કેટલાક લોકો કે જેઓ ફ્રીલાન્સ શિક્ષકો અથવા આઉટસોર્સ કર્મચારી તરીકે કામ કરી રહ્યા છે તેમની સ્થિતિ વધુ સારી છે. પરંતુ હજુ પણ ઘણા લોકો બેરોજગાર છે. જ્યારે તેમને નોકરી ગુમાવ્યાને લગભગ બે વર્ષ જેટલો સમય થઈ ગયો છે. તેમને અચાનક તેમના પદ પરથી મુક્ત કરવામાં આવ્યા હતા.

હાલમાં તેલંગાણામાં એન્જિનિયરિંગની 86943 બેઠકો છે. જે EAP અને CET દ્વારા ભરવામાં આવે છે. તેમાંથી 61587 બેઠકો કોમ્પ્યુટર સાયન્સ અને તેની સંબંધિત શાખાઓની છે. જ્યારે સિવિલ, મિકેનિકલ અને તેની સાથે જોડાયેલી બ્રાન્ચ માટે માત્ર 7458 બેઠકો છે. જ્યારે વર્ષ 2020 પહેલા તેમાં પણ 18 હજાર સીટો હતી. એટલું જ નહીં, ઇલેક્ટ્રિકલ અને ઇલેક્ટ્રોનિક્સની પણ મહત્તમ સીટો 4751 છે.

આ પણ વાંચોઃ આમાં કેવી રીતે 'ભણશે ગુજરાત'?

મુખ્ય એન્જિનિયરિંગ સેક્ટરમાં આટલી મર્યાદિત સીટો હોવા છતાં દર વર્ષે 25 ટકા સીટો ખાલી જઈ રહી છે. અપેક્ષા મુજબ મિકેનિકલ, સિવિલ અને ઇલેક્ટ્રીકલના મુખ્ય ક્ષેત્રો AI, ડેટા સાયન્સ, LOT અને સાયબર સિક્યોરિટી તરફ વળ્યા પછી તેલંગાણાની 175 થી વધુ એન્જિનિયરિંગ કોલેજો તેમની સીટોમાં 50-75 ટકા ઘટાડો કરશે.આનું પરિણામ શું આવશે? આ કોર્સના ફેકલ્ટી મેમ્બર્સને છુટા કરવામાં આવશે અથવા ખૂબ જ ઓછા પગારમાં તેમની પોતાની શરતો પર કામ કરવાની ફરજ પાડવામાં આવશે. 

અચ્યુત વીએ નામના એક પ્રોફેસરે કહ્યું કે, મેં પ્રોફેસર તરીકે નોકરી કરવાનું છોડી દીધું છે, કારણ કે મને મારા પહેલાથી ઓછા પગારમાં પણ 50 ટકા કાપની ઓફર કરવામાં આવી હતી. અચ્યુત શહેરની એક કોલેજમાં મિકેનિકલ એન્જિનિયરિંગનો કોર્સ ભણાવતા હતા. હવે તે ડિલિવરી બોય તરીકે કામ કરી રહ્યા છે જેના માટે તેને રોજના 600 રૂપિયા મળે છે. જ્યારે પણ તેમને સમય મળે છે ત્યારે તેઓ ટુ-વ્હીલર ટેક્સી ડ્રાઈવર તરીકે પણ કામ કરે છે.

આ પણ વાંચોઃ જિલ્લા શિક્ષણાધિકારીએ 11 દલિત પરિવારોની જમીન પડાવી લીધી

તેમણે કહ્યું, પહેલા મને શરૂઆતમાં 40 હજાર રૂપિયા મળતા હતા પરંતુ મેનેજમેન્ટે તેને ઘટાડીને 20 હજાર રૂપિયા કરી દીધા હતા. જે બાદ વધુ કાપ મુકવાની વાત થઈ હતી. મારે તે નોકરી છોડી દેવી પડી, કારણ કે મારો પરિવાર 10,000 રૂપિયામાં જીવન જીવી શકે તેમ ન હતો. અચ્યુતને બે બાળકો પણ છે. એક 7મા ધોરણમાં ભણે છે જ્યારે બીજો 8મા ધોરણમાં ભણે છે. તે બાળકોને ખબર નથી કે તેમના પિતા ડિલિવરી બોય તરીકે કામ કરે છે. અચ્યુતે અન્ય જગ્યાએ ભણાવવાનો પ્રયત્ન કર્યો પણ સફળતા ન મળી. તેમણે કહ્યું કે ઘણી કોલેજોની બ્રાન્ચો બંધ કરી દેવામાં આવી છે અથવા તો સીટોની સંખ્યા ઘટાડીને 30 કરી દેવામાં આવી છે.

19 વર્ષનો અનુભવ ધરાવતા ઈલેક્ટ્રિકલ એન્જિનિયરિંગના પ્રોફેસર ચૌધરી વામસી કૃષ્ણનને પણ આવા જ અનુભવનો સામનો કરવો પડ્યો હતો. તેમણે કહ્યું, "મને દર મહિને 1.30 લાખ રૂપિયા મળતા હતા. જે બાદ મેનેજમેન્ટે મને 50 હજાર રૂપિયામાં કામ કરવાનું કહ્યું હતું. મને અત્યંત અપમાનજનક લાગ્યું. અત્યારે હું મારી બચત પર જ જીવન જીવી રહ્યો છે."

આ પણ વાંચોઃ શિક્ષણ જેટલું વધુ એટલી જ નોકરીની તકો ઓછીઃ ઈન્ટરનેશનલ લેબર ઓર્ગેનાઈઝેશનનો રિપોર્ટ

રાજ્ય સરકાર દ્વારા ખેડા જિલ્લા પંચાયત અને કઠલાલ, કપડવંજ અને ગાંધીનગર તાલુકા પંચાયતની બેઠકો અંગે જાહેરનામું પ્રસિદ્ધ કરાયું છે. જેમાં ખેડા જિલ્લા પંચાયત અને કઠલાલ, કપડવંજ અને ગાંધીનગર તાલુકા પંચાયતની એસસી, એસટી અને ઓબીસી બેઠકો અંગેની જાહેરાત કરાઇ છે.

ગુજરાત સરકારના વિકાસ કમિશનર કચેરીના અધિક વિકાસ કમિશનર ડૉ. ગૌરવ દહિયા દ્વારા ઉક્ત જિલ્લા પંચાયત અને તાલુકા પંચાયતોની  અનામત બેઠકો અંગે જાહેરનામું પ્રસિદ્ધ કરવામાં આવ્યું છે. જેમાં ખેડા જિલ્લા પંચાયતની કુલ ૪૪ બેઠકો પૈકીની અનામત બેઠકો જાહેર કરાઇ છે. તેમાં ઓબીસી માટે ૧૨ બેઠકો, એસસી માટે ૨ અને એસટી માટે ૧ બેઠક જાહેર કરાઇ છે તો બિન અનામત વર્ગ માટે ૨૯ બેઠકો રહેશે.

જ્યારે કપડવંજ અને કઠલાલ તાલુકા પંચાયતની બેઠકોને માટે પણ જાહેરનામું પ્રસિદ્ધ કર્યું છે. તેમાં કપડવંજ તાલુકા પંચાયતની કુલ ૨૬ બેઠકોમાંથી ૧ એસસી, ૧ એસટી, ૭ ઓબીસી માટે અને બાકીની ૧૭ બેઠક બિનઅનામત બેઠક જાહેર કરાઇ છે. તો કઠલાલ તાલુકા પંચયતની કુલ ૨૪ બેઠકોમાંથી ૧ એસસી માટે, ૧ એસટી માટે, ૬ ઓબીસી માટે અને બાકીની ૧૬ બેઠક બિનઅનામત બેઠક જાહેર કરાઇ છે.

તો ગાંધીનગર તાલુકા પંચાયતની કુલ ૨૮ બેઠકોમાંથી ૧ એસસી, ૧ એસટી માટે, ૮ ઓબીસી માટે અને બાકીની ૧૮ બેઠક બિનઅનામત બેઠક જાહેર કરવામાં આવી છે.

આ પણ વાંચો: આગામી સપ્ટેમ્બરમાં રાજ્યની 7 હજાર ગ્રામ પંચાયતોની ચૂંટણી યોજાશે

ઘટના કુશલપુરાના દેવડુંગરી ગામની છે. અહીં વહીવટીતંત્ર દ્વારા ફાળવવામાં આવેલા સ્મશાનભૂમિમાં મૃતક ઘીસા રામનો પરિવાર અંતિમ સંસ્કારની તૈયારી કરી રહ્યો હતો ત્યારે આ ઝઘડો થયો હતો. સ્થાનિક રાવત સમાજે મૃતકના પરિવારને અહીં મૃતદેહને દફનાવતા રોકવાનો પ્રયાસ કર્યો હતો, જેના કારણે તંગદિલી સર્જાઈ હતી. મામલો એટલો ઉગ્ર બની ગયો કે બંને પક્ષો વચ્ચે પથ્થરમારો થયો. આખરે પોલીસની દરમિયાનગીરી, કડકાઈ અને સમજાવટ બાદ પોલીસ જાપ્તા વચ્ચે મૃતદેહને દફનાવવામાં આવ્યો હતો.

ઘટના શું હતી?

ઘટના 31 ઓક્ટોબરની છે. અહીં ઘીસા રામ નામના દલિત વ્યક્તિનું અવસાન થયું હતું. જેની અંતિમવિધિની તૈયારીઓ ચાલી રહી હતી. તેમના પુત્ર ગંગા રામે સમાજના લોકો સાથે જિલ્લા વહીવટીતંત્ર દ્વારા ફાળવવામાં આવેલા સ્મશાન ખાતે અંતિમ સંસ્કારની તૈયારીઓ શરૂ કરી હતી.

ગંગારામના જણાવ્યા પ્રમાણે, જ્યારે દફનવિધિ માટે જેસીબી મશીનથી ખાડો ખોદવામાં આવી રહ્યો હતો ત્યારે મહિલાઓ સહિત રાવત સમાજના લગભગ 50 થી 100 લોકો ત્યાં આવી પહોંચ્યા હતા અને પથ્થરમારો શરૂ કરી દીધો હતો. આ પથ્થરમારામાં જેસીબી મશીનનો કાચ તૂટી ગયો હતો અને ડ્રાઇવરને પણ માર મારવામાં આવ્યો હતો. સાથે જ સાળવી સમાજના લોકોને જાતિસૂચક ગાળો ભાંડવામાં આવી હતી.

આ પણ વાંચો: સ્મશાનનો રસ્તો બંધ, દલિત દીકરીનો મૃતદેહ 18 કલાકથી રસ્તામાં પડ્યો છે

ઘટના દરમિયાન આરોપીઓએ સાળવી સમાજના લોકોને ધમકી આપીને કહ્યું હતું કે, “તમે નીચી જાતિના લોકો અમારી જમીન પર અંતિમ સંસ્કાર ન કરી શકો.” આરોપીઓએ અંતિમયાત્રામાં વિક્ષેપ પાડ્યો હતો અને અનુસૂચિત જાતિ સમુદાયના લોકોને સ્થળ છોડી દેવાનો આદેશ આપ્યો હતો.

સાળવી સમાજનો સામાજિક બહિષ્કાર કરાયો

ગંગા રામે આરોપ લગાવ્યો છે કે રાવત સમાજના લોકો તેમને સ્મશાન પર જવાથી રોકી રહ્યાં છે અને તેમના સમાજની મહિલાઓને પણ મનરેગા કાર્યસ્થળ અને વાજબી ભાવની દુકાનમાં પ્રવેશ આપવાનો ઇનકાર કરવામાં આવ્યો છે. આ ઉપરાંત કોઈપણ દુકાનમાંથી સામાન ખરીદવા પર પણ પ્રતિબંધ લાદવામાં આવ્યો છે. આ રીતે તેમનો સામાજિક બહિષ્કાર કરવામાં આવ્યો છે. 

ગંગારામે પોલીસ સ્ટેશનમાં ફરિયાદ નોંધાવી

આ ઘટના બાદ મૃતકના પુત્ર ગંગારામે એફઆઈઆર દાખલ કરી છે. જેમાં 22 લોકોના નામજોગ જ્યારે 50-100 અજાણ્યા લોકો વિરુદ્ધ જાતિ આધારિત દુર્વ્યવહાર, ધમકીઓ આપવી અને મારામારી કરવાનો આરોપ લગાવવામાં આવ્યો છે. FIRમાં અનુસૂચિત જાતિ અને અનુસૂચિત જનજાતિ (અત્યાચાર નિવારણ) અધિનિયમની કલમ 3(1)(r)(s), 3(2)(v)(a)નો સમાવેશ કરવામાં આવ્યો છે. પોલીસ અધિક્ષકે આ કેસની તપાસ ડીવાયએસપી પારસ ચૌધરીને સોંપી છે.

દલિતોને સ્મશાન માટે જમીન ફાળવાતા સવર્ણોને ન ગમ્યું

આખા મામલામાં દલિતોને સ્મશાન માટે ગામની નજીક ફાળવવામાં આવેલી જમીન કારણભૂત છે. સવર્ણો જાણે ગામ આસપાસની જમીન તેમના બાપદાદાની જ જાગીર હોય તેમ વર્તતા હોવાથી ડખો ઉભો થયો હતો. સરકારી ધોરણે જમીન દલિતોને સ્મશાન માટે ફાળવવામાં આવી હોવા છતાં સવર્ણો દાદાગીરી કરીને તેમને આ જમીન છોડી દેવા ધમકી આપતા હતા.

છેલ્લા ત્રણ મહિનામાં જ્યારે વહીવટીતંત્રે સાળવી સમાજને સ્મશાન માટે ગૌચરની જમીન ફાળવી ત્યારથી બંને સમાજો વચ્ચે વિવાદ શરૂ થયો હતો. એ પહેલા દલિતો માટે કોઈ સ્મશાન નહોતું. હાઈવેની આજુબાજુ, ખાલી ખાનગી જમીન હતી જેના માલિકો બહાર રહેતા હોવાથી વર્ષોથી સાળવી સમાજ તેમના મૃતકોની અંતિમવિધિ કરતો હતો. પરંતુ વરસાદમાં ત્યાં પહોંચવું મુશ્કેલ બનતું હતું. પંચાયત તરફથી સુવિધાના અભાવે, તળાવ ભરાઈ જવાથી અને જમીનમાં પાણી ભરાઈ જવાથી મૃતદેહને દફનાવવાની સમસ્યાને જોતા સાળવી સમાજે સરકાર પાસે સ્મશાનભૂમિની માંગણી કરી હતી. જેના આધારે ત્રણ મહિના પહેલા જ તેમને ગૌચરમાંથી હાલની જગ્યા ફાળવવામાં આવી હતી. 

રાવતો દલિતોને ધમકી આપી રહ્યાં છે

જમીન મળ્યા બાદ રાવત સમુદાયે અગાઉ પણ એક વખત મૃતદેહને દફનાવવા સામે વિરોધ દર્શાવ્યો હતો, પરંતુ આ વખતે મામલો વધુ વણસી ગયો હતો. ગામમાં સાળવી સમાજના 20-25 ઘર છે જ્યારે રાવત સમુદાયના ઘરો વધુ છે. તેમના વર્ચસ્વને કારણે બંને સમાજ વચ્ચે કડવાશ વધી છે. જમીનની ફાળવણી બાદ તેમને મનરેગા રોસ્ટરમાં મસ્ટર રોલ પણ અલગ કરી દેવાયા છે. ગામની પ્રાથમિક શાળા અને સસ્તા અનાજની દુકાન રાવતોના વિસ્તારમાં છે. તેઓ અમને ધમકી આપે છે કે, “એકવાર અમારી બાજુ આવીને બતાવો, પછી અમે તમને બતાવીએ.”

આ પણ વાંચો: સ્મશાન સુધીનો રસ્તો નથી, આંગણામાં દલિત વૃદ્ધની અંતિમવિધિ કરવી પડી

નેશનલ હાઇ સ્પીડ રેલ કોર્પોરેશન લિમિટેડે જણાવ્યું હતું કે, “આજે સાંજે ચાર કામદારો મહી નદી પર બુલેટ ટ્રેન પ્રોજેક્ટના નિર્માણ સ્થળ પર કોંક્રીટ બ્લોક વચ્ચે ફસાયા હતા. જેમાંથી બેના મોત થયા છે. હાલ બચાવ કાર્ય ચાલુ છે. ત્રણ મજૂરને બચાવી લેવામાં આવ્યા છે અને તેમને હોસ્પિટલમાં દાખલ કરવામાં આવ્યા છે. જે પૈકી બેના મોત નીપજ્યા છે.

ઘટના અંગે ડીએસપી આનંદ ગૌરવ જસાણીએ જણાવ્યું હતું કે બુલેટ ટ્રેન પ્રોજેક્ટ સાઈટ પર લગાવવામાં આવેલો ગર્ડર આજે પડી ગયો હતો. આ ઘટનામાં ત્રણ મજૂરોને બચાવીને હોસ્પિટલમાં ખસેડવામાં આવ્યા હતા. પ્રાથમિક માહિતી મુજબ હજુ એક મજૂર તેમાં ફસાયેલો છે અને તેને બચાવવાનું ઓપરેશન ચાલી રહ્યું છે. 

આ તરફ દુર્ઘટના સર્જાતા સ્થાનિકોમાં ભયનો માહોલ છવાયો છે. ઘટનાની જાણ થતાં જ પોલીસ, ઉચ્ચ પોલીસ અધિકારીઓ અને તંત્રના અધિકારીઓ અને એમ્બ્યુલન્સ સહિતનો કાફલો ઘટના સ્થળે દોડી આવ્યો હતો. પોલીસ સહિતના કાફલા દ્વારા તાબડતોબ બચાવ અને રાહત કામગીરી હાથ ધરાઈ. જેસીબી-ક્રેન વડે પથ્થરો હટાવવાની કામગીરી હાથ ધરાઈ છે.

આ પણ વાંચો: બુલેટ ટ્રેન પ્રોજેક્ટમાં ગિરધરનગરના 150 દલિતોના ઘર તૂટ્યાં, વળતર નહીં

સીજેઆઈએ કહ્યું હતું કે એ બાબતનું સન્માન થવું જોઈએ કે ન્યાયતંત્ર અને કારોબારી વચ્ચેની ક્રિયાપ્રતિક્રિયા મજબૂત આંતર-સંસ્થાકીય મિકેનિઝમ્સ હેઠળ થાય છે અને સત્તાના વિભાજનનો અર્થ એ નથી કે તેઓ એકબીજાને મળશે નહીં.

ઉલ્લેખનીય છે કે, ગણેશોત્સવ દરમિયાન પીએમ મોદી ચંદ્રચૂડના ઘરે ગણપતિ પૂજામાં હાજરી આપવા ગયા હતા. જેના સમગ્ર દેશમાં ઘેરા પ્રત્યાઘાતો પડ્યા હતા. કોંગ્રેસ સહિતના વિપક્ષોએ આ મામલે સીજેઆઈની આકરી ઝાટકણી કાઢી હતી. શિવસેના યુબીટીના સાંસદ સંજય રાઉતે તો ત્યાં સુધી કહી દીધું હતું કે, હવે કદાચ અમારા પેન્ડિંગ કેસો મામલે અમારા વિરોધમાં કોઈ ચૂકાદો આવે છે તો અમને ખ્યાલ આવી જશે કે આવું શા માટે થયું. આ મામલે ચોતરફથી ટીકાઓ થઈ રહી હતી ત્યારે સીજેઆઈ ચંદ્રચૂડે કશો પણ જવાબ વાળ્યો નહોતો. હવે તેમણે આ મામલે ખુલાસો કર્યો છે કે, એમાં કશું ખોટું નથી.

આ ઘટના બની એ દરમિયાન કોંગ્રેસની આગેવાની હેઠળ વિરોધ પક્ષો અને વકીલોના એક વર્ગ દ્વારા વડા પ્રધાનની ચંદ્રચૂડના ઘરની મુલાકાતની યોગ્યતા અને ન્યાયતંત્ર અને કાર્યપાલિકાની મર્યાદાઓ પર પ્રશ્નો ઉઠાવવામાં આવ્યા હતા. બીજી તરફ, ભાજપે ટીકાને અવગણીને કહ્યું હતું કે “આ દેશની સંસ્કૃતિનો એક ભાગ છે.”

ચંદ્રચુડે કહ્યું, “સત્તાઓના વિભાજનની વિભાવનાનો અર્થ એ નથી કે ન્યાયતંત્ર અને કાર્યપાલિકા એકબીજાથી અલગ છે તે અર્થમાં તેઓ એકબીજાને મળશે નહીં અથવા તર્કસંગત સંવાદ નહીં કરે. રાજ્યોમાં મુખ્ય ન્યાયાધીશનો પ્રોટોકોલ હોય છે અને હાઈકોર્ટની વહીવટી સમિતિ મુખ્ય પ્રધાન અને મુખ્ય ન્યાયાધીશને તેમના નિવાસસ્થાને મળે છે. આમાંની મોટાભાગની બેઠકોમાં બજેટ, ઈન્ફ્રાસ્ટ્રક્ચર, ટેક્નોલોજી વગેરે જેવા મૂળભૂત મુદ્દાઓ પર ચર્ચા કરવામાં આવે છે.”

પીએમ મોદીની તેમના ઘરની મુલાકાતને લઈને ચંદ્રચૂડે કહ્યું, “વડાપ્રધાન મારા ઘરે ગણપતિ પૂજા માટે આવ્યા હતા. આમાં કંઈ ખોટું નથી કારણ કે સામાજિક સ્તરે ન્યાયતંત્ર અને કાર્યપાલિકા સાથે જોડાયેલા લોકો વચ્ચે નિયમિત બેઠકો થતી રહે છે. આપણે રાષ્ટ્રપતિ ભવન, પ્રજાસત્તાક દિવસ વગેરે પર મળીએ છીએ. અમે વડાપ્રધાન અને મંત્રીઓ સાથે વાત કરીએ છીએ. આ સમય દરમિયાન અમે એવા મુદ્દાઓની ચર્ચા કરતા નથી કે જેના પર અમારે નિર્ણય લેવાનો હોય, પરંતુ સામાન્ય રીતે જીવન અને સમાજ સાથે સંબંધિત બાબતોની ચર્ચા કરીએ છીએ.”

તેમણે કહ્યું, “રાજકીય પદ્ધતિમાં આને સમજવા અને તેના ન્યાયાધીશો પર વિશ્વાસ કરવા માટે પરિપક્વતાની ભાવના હોવી જોઈએ, કારણ કે અમે જે કામ કરીએ છીએ તેનું મૂલ્યાંકન અમારા લેખિત શબ્દો દ્વારા કરવામાં આવે છે. અમે જે પણ નિર્ણય લઈએ છીએ તે ગુપ્ત રાખવામાં આવતો નથી અને ખુલ્લેઆમ ચર્ચા કરી શકાય છે. એ રીતે વહીવટી સ્તરે કારોબારી અને ન્યાયતંત્ર વચ્ચેની વાતચીતને ન્યાયિક બાજુ સાથે કોઈ લેવાદેવા નથી.”

આ પણ વાંચો: માય લોર્ડ, સામાજિક ન્યાયનો ભાર દલિતો-આદિવાસીઓને ખભે શા માટે?

જિલ્લા-તાલુકાની કોર્ટોમાં 15.62 લાખ કેસો પેન્ડિંગ

ગુજરાતના વિવિધ જિલ્લાઓ અને તાલુકાઓમાં આવેલી કોર્ટોની વાત કરીએ તો આ કોર્ટોમાં પેન્ડિંગ કેસોની કુલ સંખ્યા 15.62 લાખ જેટલી છે. આ 15.62 લાખ કેસો પૈકી 77,000 જેટલા કેસો 10 વર્ષ કરતા જૂના છે. જ્યારે 4,641 જેટલા કેસો 25 વર્ષ કરતાં વધુ જૂના છે. ગુજરાતમાં આવેલી તમામ લેબરકોર્ટમાં કુલ 41,364 જેટલા કેસો પેન્ડિંગ છે. જે પૈકી 3,068 કેસો 10 વર્ષ કરતા વધુ જુના અને 388 જેટલા કેસો 20 વર્ષ કરતાં વધુ જુના છે. ગુજરાતમાં આવેલી તમામ જિલ્લાની ફેમિલી કોર્ટ મળીને આશરે 54 હજાર જેટલા કેસ પેન્ડિંગ છે.

અમદાવાદ જિલ્લા-તાલુકા કોર્ટોમાં 80 હજારથી વધુ કેસોનો ખડકલો

અમદાવાદ જિલ્લા કોર્ટ અને તેની અંતર્ગત આવતી તાલુકા કોર્ટોની વાત કરીએ તો કુલ 80,485 જેટલા કેસો પેન્ડિંગ છે. જે પૈકી 8,241 કેસો 10 વર્ષ કરતાં વધુ જુના અને 1225 કેસો 20 વર્ષ કરતાં વધુ જુના છે. અમદાવાદ શહેરમાં આવેલી સિટી સિવિલ એન્ડ સેશન્સ કોર્ટમાં કુલ 26,784 જેટલા કેસો પેન્ડિંગ છે. જે પૈકી 2,958 કેસો 10 વર્ષ કરતાં વધુ જુના અને 423 જેટલા કેસો 20 વર્ષ કરતાં વધુ જુના છે.

અમદાવાદના જિલ્લામાં આવેલી તમામ ફેમિલી કોર્ટમાં 11,133 જેટલા કેસો પેન્ડિંગ છે. જે પૈકી 10 વર્ષ કરતા વધુ જુના કેસો 23 છે. અમદાવાદ મેટ્રો કોર્ટમાં સૌથી વધુ 4,21,091 જેટલા કેસો પેન્ડિંગ છે. જે પૈકી 16,317 કેસો 10 વર્ષ કરતાં વધુ જુના, જ્યારે આશરે 4,800 જેટલા કેસો 20 વર્ષ કરતાં વધુ જુના છે.

રાજકોટ, સુરત, વડોદરાની કોર્ટોમાં પણ હજારો કેસો પેન્ડિંગ

ઉપરાંત રાજકોટ, સુરત અને વડોદરા જિલ્લા અને તેમાં તાલુકા કોર્ટની વાત કરીએ તો રાજકોટ જિલ્લામાં આવેલી કોર્ટોમાં કુલ 96,412 જેટલા કેસો પેન્ડિંગ છે. જે પૈકી 3600 કેસો 10 વર્ષ કરતાં વધુ સમય જૂના અને આશરે 760 કરતાં વધુ કેસો 20 વર્ષ કરતાં વધુ જૂના છે. જ્યારે ફેમિલી કોર્ટમા 3925 કેસો પૈકી 02 કેસ 10 વર્ષ કરતા જૂના છે. સુરતમાં જિલ્લામાં આવેલી કોર્ટોમાં 1.32 લાખ જેટલા કેસો પેન્ડિંગ છે. જે પૈકી 6,332 કેસો 10 વર્ષ કરતાં વધુ જુના અને આશરે 1200 કરતા વધુ કેસો 20 વર્ષ કરતાં વધુ જૂના છે. સુરતની ફેમિલી કોર્ટમાં 5801 કેસ પેન્ડિંગ છે. જે પૈકી 01 કેસ 10 વર્ષ જૂનો છે. જ્યારે વડોદરા જિલ્લામાં આવેલી કોર્ટોમાં 87,962 જેટલા કેસો પેન્ડિંગ છે તે પૈકી 4,668 જેટલા કેસો 10 વર્ષ કરતાં વધુ જૂના અને આશરે 1180 જેટલા કેસો 20 વર્ષ કરતાં વધુ જુના છે. વડોદરા ફેમિલી કોર્ટમા 6924 કેસો પૈકી 07 કેસ 10 વર્ષ કરતા વધુ જૂના છે

આ પણ વાંચો: દલિત અત્યાચારના 97 ટકા કેસો માત્ર 13 રાજ્યોમાં નોંધાય છેઃ રિપોર્ટ

તા. 3 નવેમ્બર 2024ને રવિવારના રોજ અમરાઈવાડીના સુખરામનગરમાં આવેલા પ્રબુદ્ધ બુદ્ધ વિહાર ખાતે અમદાવાદ જિલ્લાના વિવિધ વિસ્તારોમાંથી આવેલા કુલ 37 લોકો બૌદ્ધ ધર્મની દીક્ષા ગ્રહણ કરી હતી.

મહાગુજરાત બૌદ્ધ સંઘ અમદાવાદ દ્વારા આયોજિત આ બંધારણીય બૌદ્ધ ધમ્મ દીક્ષા સમારોહ કાયદાકીય રીતે રાજ્ય સરકારના ધર્મ સ્વાતંત્ર્ય અધિનિયમ 2008ના નિયમ-1ના પેટાનિયમ 3 મુજબ યોજાયો હતો.

આ બંધારણીય બૌદ્ધ ધમ્મ દીક્ષા સમારોહમાં અમદાવાદ જિલ્લાના કુલ 37 લોકોએ બૌદ્ધ ધર્મની દીક્ષા ગ્રહણ કરી બૌદ્ધ ધર્મ અંગિકાર કર્યો હતો. દીક્ષા સમારોહની શરૂઆતમાં દીક્ષાર્થીઓનાં હસ્તે ભગવાન બુદ્ધ તેમજ બોધિસત્વ બાબાસાહેબ ડૉ. ભીમરાવ આંબેડકરને દીપ પ્રજ્વલિત કરી, ફૂલહાર અર્પિત કરવામાં આવેલ. ત્યારબાદ તમામ દીક્ષાર્થીઓને અનિત્યતાનો સિદ્ધાંત સમજાવી ત્રિશરણ અને પંચશીલનું સંઘાયાન કરી સૌને દીક્ષા ગ્રહણ કરાવેલ. ત્યારબાદ બોધિસત્વ બાબાસાહેબની 22 પ્રતિજ્ઞાનું પઠન કરી ધમ્મ દેશના આપવામાં આવી હતી.

આ પણ વાંચો: ચીનમાં પ્રિન્ટીંગ મશીન શોધાયા બાદ છપાયેલું પ્રથમ પુસ્તક ‘ધમ્મપદ’ હતું?

ત્યારબાદ સૌને ગુજરાત ધર્મ સ્વાતંત્ર્ય અધિનિયમ 2008,અનૂસુચિત જાતિ પૈકી બૌદ્ધનો ગુજરાત સરકારશ્રીનો પરિપત્ર 1991 તેમજ અનુસૂચિત જાતિ પૈકી બૌદ્ધ અને ધાર્મિક લઘુમતીનું પ્રમાણપત્ર કેવી રીતે મેળવવા તેની આધાર પુરાવા સહિતની વિગતવાર વિસ્તૃત માહિતી તેમજ જાણકારી આપવામાં આવી હતી. એ પછી બુદ્ધ ધમ્મના જીવનવ્યાપન અંગેની વિશેષ માહિતી આપવામાં આવેલ. ત્યારબાદ ઉપસ્થિત મહેમાનો દ્વારા તમામ દીક્ષાર્થીઓને ધમ્મ દીક્ષાના પ્રમાણપત્રનું વિતરણ કરવામાં આવેલ. અંતે સમાપન ગાથા દ્વારા કાર્યક્રમની પૂર્ણાહુતિ કરવામાં આવેલ. ત્યારબાદ સૌ સાથે મળીને ભોજનદાન ગ્રહણ કરેલ. અંતે મહા ગુજરાત બૌદ્ધ સંઘ તરફથી તમામ દીક્ષાર્થીઓને નવજીવનની મંગલકામનાઓ પાઠવવામાં આવી હતી.

આ પણ વાંચો: કચરામાં ખાવાનું શોધતી દીકરીને એક બૌદ્ધ ભિક્ષુકે ડોક્ટર બનાવી

ભીમ આર્મી ચીફ અને ASP(K) ના અધ્યક્ષ ચંદ્રશેખર આઝાદે રાજ્યના મુખ્ય સચિવ મનોજ કુમાર સિંહા (Manoj kumar sinha) ને પત્ર લખીને અધિક મુખ્ય સચિવથી લઈને પોલીસ સ્ટેશનોના એસપી સુધીના પદો પર દલિત અધિકારીઓની નિમણૂંકને લઈને હિસાબ માંગ્યો છે. જેના કારણે રાજકીય ગરમાવો આવી ગયો છે. આઝાદના આ પગલાને કારણે યોગી સરકાર ભીંસમાં મૂકાઈ છે, તો બીજી તરફ રાજ્યના રાજકારણમાં ફરી એકવાર દલિત અધિકારીઓ સાથે થતો ભેદભાવનો મુદ્દો કેન્દ્રમાં આવી ગયો છે.

ભેદભાવના આક્ષેપોનો પણ ઉલ્લેખ કરાયો

ચંદ્રશેખરે પત્ર લખીને નિમણૂંક વિભાગ, ગૃહ વિભાગ અને ડીજીપી પાસેથી આ જાણકારી માંગી છે. તેની સાથે જ ચંદ્રશેખરે દલિતો સાથે થતા ભેદભાવો અને અન્યાયનો ઉલ્લેખ કરીને લખ્યું છે કે વર્તમાનમાં આ મુખ્ય પદો પર બેઠેલા અધિકારીઓ દ્વારા દલિતો સાથે થતા અન્યાયના મામલાઓમાં ન્યાય અપાવવામાં જાણી જોઈને ઢીલ દાખવવામાં આવે છે.

આ પણ વાંચો: મધ્યપ્રદેશ સરકારે SC-ST ના હકના કરોડો રૂપિયા ગાયો માટે ફાળવી દીધાં

ઉલ્લેખીય છે કે, ચંદ્રશેખરે હાલમાં જ લખનઉમાં પોલીસ કસ્ટડીમાં મોતને ભેટેલા એક દલિત યુવકના પરિવારજનો સાથે પણ મુલાકાત કરી હતી અને તેમને ન્યાયનું આશ્વાસન આપ્યું હતું. સામાન્ય રીતે બીએસપીના નેતાઓ દલિત અત્યાચારની ઘટનાઓમાં ન્યાય અપાવવા માટે સૌથી પહેલા પહોંચી જતા હોય છે. પરંતુ આ કેસમાં હજુ સુધી બીએસપીના કોઈ મોટા નેતા પહોંચ્યા નહોતા.

22 ટકા દલિત વસ્તી સાથે અન્યાય

ચંદ્રશેખરે પોતાના પત્રમાં લખ્યું હતું કે, દલિતોની અંદાજે 22 ટકા વસ્તી છે, જેમની સાથે જાતિ આધારિત અત્યાચારો, શોષણ અને અન્યાય થઈ રહ્યો છે. તેમને પોલીસ સ્ટેશનમાંથી ભગાડી દેવામાં આવે છે, પોલીસ તેમની સાથે અભદ્ર વર્તન કરે છે, કેસ નોંધવામાં નથી આવતો અને મજબૂરીમાં કેસ નોંધવામાં પણ આવે તો તેમાં ચેડાં કરવામાં આવે છે અને હકીકત બદલી દેવામાં આવે છે, જેથી આખો કેસ નબળો પડી જાય છે અને આરોપીઓ છટકી જાય છે. અનેક કેસોમાં હળવી કલમો લગાવીને પોલીસ કથિત ઉચ્ચ જાતિના આરોપીઓને છાવરે છે.

કઈ કઈ માહિતી માંગવામાં આવી?

ચંદ્રશેખરે મુખ્ય સચિવ, અધિક મુખ્ય સચિવ, સચિવ, વિભાગીય કમિશનર, DG, ADG, IG, DIG, DM, SSP, SP, ADM અને પોલીસ સ્ટેશનોના એસપી સુધીમાં દલિત-આદિવાસી સમાજના અધિકારીઓની વસ્તી કેટલી છે તેની માહિતી માંગી છે. જો આ માહિતી મળી જાય છે, તો યુપીમાં દલિત અધિકારીઓ કેટલા છે, તેનો ખ્યાલ આવી જશે.

આ પણ વાંચો: નકલી દલિત - નકલી આદિવાસી બની SC-ST ની નોકરીઓ કોણ ખાય છે?

રાજસ્થાનમાં પેટાચૂંટણી યોજાવાની છે અને રાજકીય પક્ષો પોતાની તૈયારીઓમાં વ્યસ્ત છે. દરમિયાન રાજ્યમાં સત્તાધારી પક્ષ ભાજપ ગાયો પર ભારે મહેરબાન હોય તેવું લાગી રહ્યું છે. થોડા દિવસ પહેલા રસ્તા પર રખડતી ગાયોને ‘આવારા પશુ કે રખડતા ઢોર’ કહેવા પર પ્રતિબંધ લાદવામાં આવ્યો હતો. અને હવે સરકારી શાળાઓમાં પણ ગાયને અભ્યાસક્રમનો ભાગ બનાવવાની તૈયારીઓ ચાલી રહી છે. રાજ્ય સરકાર પ્રાથમિક શાળાના પુસ્તકોમાં ગાય આધારિત પ્રકરણનો સમાવેશ કરી શકે છે. રાજસ્થાનના શિક્ષણ મંત્રી મદન દિલાવરે આ અંગે માહિતી આપી હતી.

શિક્ષણ મંત્રી મદન દિલાવરે (Madan Dilawar) જણાવ્યું હતું કે, “અમે વિદ્વાનો અને નિષ્ણાતો સાથે વાત કરીશું અને બની શકે તો પ્રાથમિક શાળાના પુસ્તકોમાં ગાય માતા વિશેની માહિતી આપવાનો પ્રયાસ કરીશું. અમે ગાય માતા પર સારી ફિલ્મો બતાવવાનો પણ પ્રયાસ કરીશું. જો કે, આ વિષય પર પહેલા નિષ્ણાતો અને વિદ્વાનો સાથે ચર્ચા કરવામાં આવશે.”

ગાયને ‘રખડતું ઢોર’ કહેવા પર પ્રતિબંધ
તાજેતરમાં રાજસ્થાનના પશુપાલન વિભાગે ગાયને ‘રખડતું ઢોર’ કહેવા પર પ્રતિબંધ મૂક્યો હતો. વિભાગે આવી ગાયો માટે 'રખડતી' ને બદલે 'નિરાધાર' શબ્દ વાપરવાનું કહ્યું હતું. પશુપાલન મંત્રી જોરારામ કુમાવતે ગાયને સાંસ્કૃતિક વારસાનો મહત્વપૂર્ણ ભાગ ગણાવી હતી અને જાહેર સ્થળોએ નિ:સહાય અવસ્થામાં રખડતી ગાયોને ‘રખડતાં ઢોર’ ને બદલે 'નિ:સહાય' કે 'નિરાધાર' કહીને સંબોધવાનું નક્કી કર્યું હતું.

ગાયને રાજ્ય માતાનો દરજ્જો આપવા માંગ
મહારાષ્ટ્ર સરકારે દેશી ગાયને રાજ્ય માતાનો દરજ્જો આપ્યો છે. જે બાદ રાજસ્થાનમાં પણ ગાયને રાજ્ય માતા બનાવવાની માંગ ઉઠી છે. રાજસ્થાનમાં ભાજપ અને અપક્ષ ધારાસભ્યોએ ગાયને રાજ્ય માતાનો દરજ્જો આપવાની માંગ સાથે એક અભિયાન શરૂ કર્યું છે. તેમની માંગ છે કે ગાયને રાજ્ય માતાનો દરજ્જો મળવો જોઈએ. રાજસ્થાન સરકારે પણ આ મામલે તમામ ધારાસભ્યો અને કાર્યકર્તાઓને આશ્વાસન આપ્યું છે કે તેઓ આ અંગે જલ્દી નિર્ણય લેશે. અત્યાર સુધી ભાજપ અને અપક્ષ સહિત કુલ 31 ધારાસભ્યોએ આ માટે મુખ્યમંત્રી ભજનલાલ શર્માને પત્ર લખ્યો છે. 

ઉલ્લેખનીય છે કે રાજસ્થાનમાં સાત વિધાનસભા બેઠકો માટે 13 નવેમ્બરે પેટાચૂંટણી યોજાવાની છે. જેમાં દૌસા, દેવલી-ઉનિયારા, ઝૂંઝણું. રામગઢ, ચૌરાસી, સલૂંબર અને ખીંવસર સીટનો સમાવેશ થાય છે. 25 ઓક્ટોબર સુધી આ બેઠકો માટે કુલ 118 ઉમેદવારીપત્રો ભરાયા હતા, જેમાંથી 11 રદ થયા છે. નામાંકન પાછું ખેંચવાની છેલ્લી તારીખ 30 ઓક્ટોબર છે. ટૂંકમાં આખો મામલો ચૂંટણી આવી રહી હોવાથી હિંદુત્વ મુદ્દે લોકોનું ધ્યાન ખેંચવા માટે કરાઈ રહ્યો છે.

આ પણ વાંચોઃ વ્રત, ઉપવાસ, મંગળસૂત્ર, સિંદૂર છોડો, આપણે હિંદુ નથીઃ આદિવાસી સમાજ

ગત શુક્રવારે રાજકોટના શાપર વેરાવળના પારડી ખાતે આવેલી પી.જી.વી.સી.એલ.ની કચેરી ખાતે ભારતીય જન વિજ્ઞાન જાથાના જયંત પંડ્યા પહોંચ્યા હતા અને ચાલુ કચેરીએ યોજવામાં આવી રહેલી સત્યનારાયણ ભગવાનની કથાને બંધ કરાવી હતી. જે બાદ બ્રાહ્મણો રોષે ભરાયા હતા.

આજે રાજકોટમાં ભૂદેવ સેવા સમિતિ દ્વારા તેને લઈને વિરોધ કરવામાં આવ્યો હતો. આ સમિતિના તેજસ ત્રિવેદીએ મીડિયાને જણાવ્યું હતું કે,  તેઓ દાનવના ઘરને શુદ્ધિકરણ કરવા માટે આવ્યા હતા. જેમાં કર્મકાંડી બ્રાહ્મણો દ્વારા શ્લોકના ઉચ્ચારણ સાથે ગંગાજળનો છંટકાવ કરવામાં આવ્યો હતો. કારણ કે દાનવનું ઘર શુદ્ધ ન હોઈ શકે.

તેમણે જણાવ્યું હતું કે, જયંત પંડ્યા ભારતીય જન વિજ્ઞાન જાથાના નામે તોડબાજી થાય છે તે બાબતે રાજ્ય સરકારને અમારું પ્રતિનિધિ મંડળ રજૂઆત કરવા માટે જશે. જયંત પંડ્યા તોડબાજી કરીને પોતાનું ગુજરાન ચલાવે છે. જેથી રાજ્ય સરકારને પણ અમે વિનંતી કરીએ છીએ કે, આ ટ્રસ્ટ બંધ કરાવવામાં આવે. હિન્દુ દેવી દેવતાઓના મંદિરો ઉપર જાથા વારંવાર રેડ પાડે છે. કારણ કે હિન્દુઓની સરકાર છે અથવા તો સરકારે એવી જાહેરાત કરવી પડશે કે જાથાને હિન્દુ દેવી-દેવતાઓને ત્યાં રેડ પાડવા માટેની અમે પરમિશન આપેલી છે. અમે વડાપ્રધાન નરેન્દ્ર મોદીને પણ રજૂઆત કરશું અને પૂછશું કે શું સરકારે હિન્દુ દેવી દેવતાઓના મંદિરે રેડ પાડવાની જયંત પંડ્યાને પરમિશન આપેલી છે?

આ પણ વાંચો: સોમનાથમાં બહારના બ્રાહ્મણો પાસે પૂજા કરાવાતા સ્થાનિક બ્રાહ્મણો ઉપવાસ પર ઉતર્યા