વોટ્સએપ ચેનલ ફોલો કરવા અહીં ક્લિક કરો.
"હું સ્કૂલે જતાં બીવું છું..." - જાતિવાદી સરપંચથી ત્રાસી ગયેલા જૂના જાંજરિયાની શાળાના દલિત આચાર્યએ ઝેર પીને જીવન ટૂંકાવ્યું!
સંતોની ભૂમિ કહેવાતા સૌરાષ્ટ્રની બીજી ઓળખ આપવી હોય તો જાતિવાદનું એપીસેન્ટર કહી શકાય. અહીં જાતિવાદનું ઝેર સદીઓથી પોષાતું રહ્યું છે તેનો વધુ એક પુરાવો આ રહ્યો...
KhabarAntar
મીડિયાના અહેવાલો મુજબ પરિવારજનો અને દલિત સમાજે એમ્બ્યુલન્સમાં મૃતદેહ રાખીને સરપંચ, 3 શિક્ષિકાની તાત્કાલિક ધરપકડની માંગ કરી હતી. જ્યાં સુધી આરોપીઓ નહીં પકડાય ત્યાં સુધી મૃતદેહ સ્વીકારવાનો પરિવારજનોએ ઈનકાર કર્યો હતો. અમરેલી પોલીસ અધિકારીઓ દ્વારા મૃતક આચાર્યના પરિવારજનોને સમજાવવાનો પ્રયાસ કરવામાં આવ્યો હતો.
કાંતિભાઈ ચૌહાણે આપઘાત પહેલા વીડિયો બનાવીને સરપંચ અને સ્ટાફ પર આક્ષેપ કર્યો હતો. એમણે જણાવ્યું હતું કે, ગામના સરપંચ મુકેશભાઈ અવારનવાર આવીને મને ધમકાવે છે તથા મારી પાસે ગ્રાન્ટની માંગણી કરે છે. ગામના લોકોને મારા વિરુદ્ધ ભડકાવે છે અને જ્ઞાતિ વિષયક અપશબ્દો બોલે છે. ગામના ગ્રુપમાં મારા વિરુદ્ધ ખોટા મેસેજ કરીને ભડકાવે છે." વધુમાં એમણે વીડિયોમાં જણાવ્યું હતું કે, 'મને હવે સ્કૂલે જતાં પહેલા પણ ડર લાગે છે કારણ કે આ માણસ ક્યારે શું કરી નાખે એ કઈ કહી શકાય તેમ નથી. આ વ્યક્તિ ચોખ્ખું કહે છે કે હું તમારી તાત્કાલિક બદલી કરાવી નાખીશ.'
