વોટ્સએપ ચેનલ ફોલો કરવા અહીં ક્લિક કરો.
'હું રામ-કૃષ્ણને જેલમાં મોકલી દેત...' કહેનારા પ્રોફેસર વિક્રમ હરિજનને હાઈકોર્ટ તરફથી રાહત
KhabarAntar
અલાહાબાદ યુનિવર્સિટીના હિસ્ટ્રી ડિપાર્ટમેન્ટના એક આસિસ્ટન્ટ પ્રોફેસર દ્વારા X પર રામ-કૃષ્ણને જેલમાં મોકલવા અંગે કરેલી પોસ્ટ બદલ દાખલ કરવામાં આવેલી FIRમાં હાઈકોર્ટમાંથી રાહત મળી છે. હાઈકોર્ટના આદેશને કારણે ધરપકડ પર સ્ટે મુકવામાં આવ્યો છે. સ્ટે ઓર્ડર મળ્યા બાદ આસિસ્ટન્ટ પ્રોફેસર વિક્રમ પણ પોતાનું નિવેદન નોંધાવા કર્નલગંજ પોલીસ સ્ટેશન પહોંચ્યા હતા. તેનો આરોપ છે કે પોલીસે તેને માનસિક રીતે બીમાર જાહેર કર્યા છે. તેણે જૂના કેસમાં ફરિયાદ કરવાની પણ ધમકી અપાયાનો પણ આરોપ મૂક્યો છે.
કેસ વિશે વિગતવાર જાણો
અલાહાબાદ યુનિવર્સિટીમાં મધ્યયુગીન અને આધુનિક ઇતિહાસના આસિસ્ટન્ટ પ્રોફેસર વિક્રમ હરિજને તાજેતરમાં જ તેમના સોશિયલ મીડિયા પ્લેટફોર્મ X પર હિન્દુ દેવતાઓ રામ અને કૃષ્ણને જેલમાં નાખવા વિશે લખ્યું હતું. તેણે તેમાં લખ્યું છે કે, "જો ભગવાન શ્રી રામ આજે હાજર હોત, તો મેં તેમને ઋષિ શંભુકની હત્યા કરવા બદલ આઈપીસીની કલમ 302 હેઠળ જેલમાં મોકલ્યા હોત. જો કૃષ્ણ આજે હાજર હોત તો મેં તેમને મહિલાઓની જાતીય સતામણી માટે જેલમાં મોકલ્યા હોત.''
આ મામલામાં વિશ્વ હિન્દુ પરિષદ, હિન્દુ જાગરણ મંચ અને બજરંગ દળે સંયુક્ત રીતે પ્રયાગરાજના કર્નલગંજ પોલીસ સ્ટેશનમાં આસિસ્ટન્ટ પ્રોફેસર ડૉ. વિક્રમ હરિજન વિરુદ્ધ ભગવાન રામ અને કૃષ્ણ પર વાંધાજનક ટિપ્પણી કરવાનો આરોપ લગાવીને FIR દાખલ કરી હતી.
FIRમાં શું આરોપો હતા?
આસિસ્ટન્ટ પ્રોફેસર સામે IPC કલમ 15-A (ધર્મના આધારે જુદા જુદા જૂથો વચ્ચે દુશ્મનાવટને પ્રોત્સાહન આપવું), 295-A (ધાર્મિક લાગણીઓને ભડકાવવાનનો ઈરાદો, ઈરાદાપૂર્વક અને દૂષિત કૃત્યો) અને આઈટી એક્ટની કલમ 66 હેઠળ કેસ નોંધવામાં આવ્યો છે.
ફરિયાદીએ કહ્યું હતું કે આ ટિપ્પણીથી યુનિવર્સિટીના ઘણા વિદ્યાર્થીઓ નારાજ થયા હતા. તેમજ હિંદુ સમુદાયની ભાવનાઓને ઠેસ પહોંચી હતી. સાથે જ ફરિયાદી શુભમનું કહેવું છે કે ભારતીય બંધારણ તમને અભિવ્યક્તિની સ્વતંત્રતા આપે છે, પરંતુ વિક્રમ હરિજન જેવા લોકો તેનો ગેરલાભ ઉઠાવીને સામાજિક અશાંતિ ફેલાવી રહ્યા છે. તેઓ જાણતા નથી કે બંધારણ તમને દેશની સુરક્ષા અને જાહેર વ્યવસ્થાને જોખમમાં મૂકે તેવી ટિપ્પણી કરવાની મંજૂરી આપતું નથી.
પ્રોફેસરને હાઈકોર્ટમાંથી રાહત મળી
પ્રોફેસર વિક્રમ હરિજન વિરુદ્ધ FIR નોંધાયા બાદ પ્રોફેસરે હાઈકોર્ટનો સંપર્ક કર્યો હતો. જે બાદ હાઈકોર્ટે પ્રોફેસરની ધરપકડ પર રોક લગાવી દીધી છે. પ્રોફેસરના જણાવ્યા અનુસાર, તેઓ આજે પોતાનું નિવેદન નોંધવા માટે કર્નલગંજ પોલીસ સ્ટેશન પણ પહોંચ્યા હતા. પ્રોફેસરે આરોપ લગાવ્યો કે પોલીસે તેને માનસિક રીતે બીમાર કહ્યા. પ્રોફેસરે કહ્યું કે પોલીસ જૂના વીડિયોને લઈને કેસ નોંધવાની પણ વાત કરી રહી છે. પ્રોફેસર કહે છે - 'હું એક પ્રેક્ટિસિંગ હિંદુ છું. હિંદુ ધર્મમાં નાસ્તિક જન્મવું એ ગુનો નથી. આ પહેલા પણ બૌદ્ધ અને જૈનોમાં ઘણા લોકો નાસ્તિક બની ચૂક્યા છે.'
આગળ વાંચોઃ કોણ છે પ્રોફેસર વિક્રમ હરિજન, જેમની સામે VHP, બજરંગ દળે FIR કરી છે?
