વોટ્સએપ ચેનલ ફોલો કરવા અહીં ક્લિક કરો.
ભ્રૂણને પણ જીવવાનો મૂળભૂત અધિકાર છેઃ સુપ્રીમ કોર્ટ
સુપ્રીમ કોર્ટે એક ચૂકાદામાં 20 વર્ષીય અપરિણીત યુવતીની 27 અઠવાડિયાની ગર્ભાવસ્થાને સમાપ્ત કરી દેવાની માંગ કરતી અરજીને ફગાવી દીધી હતી. શું હતો આખો મામલો, વાંચો આ રિપોર્ટ.
KhabarAntar
સુપ્રીમ કોર્ટે એક મહત્વના ચૂકાદમાં વીસ વર્ષીય અપરિણીત યુવતીના 27 અઠવાડિયાથી વધુ ગર્ભને સમાપ્ત કરી દેવાની તેની અરજીને ધ્યાનમાં વાનો ઈનકાર કરી દીધો હતો. સર્વોચ્ચ અદાલતે કહ્યું હતું કે ગર્ભમાં રહેલા ગર્ભને પણ જીવવાનો મૂળભૂત અધિકાર છે. જસ્ટિસ બી.આર. ગવઈની આગેવાની હેઠળની બેન્ચે મહિલાની અરજી પર સુનાવણી કરતી વખતે આ આદેશ આપ્યો હતો.
અગાઉ 3 મેના રોજ દિલ્હી હાઈકોર્ટે યુવતીની ગર્ભાવસ્થા ખતમ કરવાની પરવાનગી માંગતી અરજીને ફગાવી દીધી હતી. જસ્ટિસ એસ.વી. એન. ભાટી અને જસ્ટિસ સંદીપ મહેતાની બનેલી અરજદારના વકીલને કહ્યું હતું કે, "અમે કાયદાની વિરુદ્ધ કોઈ આદેશ આપી શકીએ નહીં." ખંડપીઠે પૂછ્યું, "ગર્ભાશયમાં રહેલા બાળકને પણ જીવનનો મૂળભૂત અધિકાર છે આ અંગે તમે શું કહો છો?" મહિલાના વકીલે કહ્યું કે મેડિકલ ટર્મિનેશન ઑફ પ્રેગ્નન્સી (એમટીપી) કાયદો માત્ર માતા વિશે જ વાત કરે છે અને તે માતા માટે જ બનાવવામાં આવ્યો હતો".
ખંડપીઠે કહ્યું કે, " જો ગર્ભાવસ્થાનો સમયગાળો સાત મહિનાને વટાવી ગયો છે તો પછી બાળકના જીવિત રહેવાના અધિકારનું શું? તમે આ કેવી રીતે સમજાવશો?" આના પર અરજીકર્તાના વકીલે કહ્યું કે ગર્ભ ગર્ભાશયમાં છે અને જ્યાં સુધી બાળકનો જન્મ ન થાય ત્યાં સુધી તે માતાનો અધિકાર છે. વકીલે કહ્યું, "અરજીકર્તા એટલી ગંભીર પીડાદાયક સ્થિતિમાં છે કે તે તેમાંથી બહાર પણ આવી શકતી નથી. તે પરીક્ષાની તૈયારીઓ કરી રહી છે, તેના માટે ક્લાસ ભરી રહી છે. આ બધાં વચ્ચે તે અત્યંત પીડાદાયક સ્થિતિમાં છે. તે આ સમયે સમાજનો સામનો કરી શકતી નથી." વકીલે દલીલ કરી હતી કે યુવતીની માનસિક અને શારીરિક તંદુરસ્તીને ધ્યાનમાં લેવી જોઈએ.
આ પણ વાંચોઃ ફક્ત ડૉ. આંબેડકરના કારણે જજ બની શક્યો છું – જસ્ટિસ બી.આર. ગવઈ
૩ મેના રોજના તેના આદેશમાં હાઈકોર્ટે કહ્યું હતું કે ૨૫ એપ્રિલે કોર્ટે ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સને ગર્ભ અને અરજદારની સ્થિતિ જાણવા માટે મેડિકલ બોર્ડની રચના કરવાનો નિર્દેશ આપ્યો હતો. હાઈકોર્ટે કહ્યું હતું કે, "રિપોર્ટ (મેડિકલ બોર્ડના)નું અવલોકન દર્શાવે છે કે ગર્ભમાં કોઈ જન્મજાત ખોડખાપણ નથી અને ગર્ભધારણ ચાલું રાખવામાં માતા માટે કોઈ જોખમ નથી કે જેનાથી ગર્ભને સમાપ્ત કરવાની જરૂર પડશે." તેમાં કહેવામાં આવ્યું હતું કે, "ભ્રૂણ તંદુરસ્ત અને સામાન્ય હોવાથી અરજદારને ગર્ભાવસ્થા ચાલુ રાખવામાં કોઈ જોખમ નથી, તેથી ભ્રૂણહત્યા નૈતિક કે કાયદાકીય રીતે સ્વીકાર્ય નહીં હોય."
હાઈકોર્ટમાં સુનાવણી દરમિયાન અરજદારે મહિલાએ કહ્યું હતું કે ૧૬ એપ્રિલે, તેને પેટમાં દુખાવો ઉપડ્યો હતો અને અલ્ટ્રાસાઉન્ડ સ્કેન કરાવતા ખ્યાલ આવ્યો હતો કે, તે ૨૭ અઠવાડિયાની ગર્ભવતી હતી, જે ૨૪ અઠવાડિયાની કાયદાકીય રીતે સ્વીકાર્ય મર્યાદા કરતાં વધુ હતી. એમટીપી એક્ટ હેઠળ, ૨૪ અઠવાડિયાથી વધુ સમયગાળાની ગર્ભાવસ્થાને સમાપ્ત કરવાની મંજૂરી આપવામાં આવી શકે છે. જ્યારે તબીબી બોર્ડ દ્વારા અથવા સગર્ભા સ્ત્રીના જીવનને બચાવવાના હેતુથી ગર્ભમાં કોઈ મોટી ખામીનું નિદાન કરવામાં આવ્યું હોય.
આગળ વાંચોઃ શું જેલોમાં પણ થાય છે જાતિ આધારિત ભેદભાવ? સુપ્રીમ કોર્ટે કેન્દ્ર અને 11 રાજ્યો પાસે માંગ્યો જવાબ
