વોટ્સએપ ચેનલ ફોલો કરવા અહીં ક્લિક કરો.
બંગાળમાં 77 જાતિઓને OBC માં સામેલ કરવાના કેસની સુનાવણીનો ઈનકાર
સુપ્રીમ કોર્ટે બંગાળમાં 77 જાતિઓને OBCમાં સામેલ કરવાના કેસની સુનાવણી કરવાનો ઇનકાર કરી દીધો છે. જાણો કોર્ટે શું કારણ આપ્યું.
KhabarAntar
સુપ્રીમ કોર્ટે બંગાળમાં 77 જાતિઓને ઓબીસીમાં સામેલ કરવાના કેસની સુનાવણી કરવાનો ઈનકાર કરી દીધો છે. આ સાથે જ કોર્ટે આ મામલે મુખ્યમંત્રી મમતા બેનર્જીની અરજી પર સુનાવણી માટે ૨૭ ઓગસ્ટની તારીખ નક્કી કરી છે. આ પહેલા કોલકાતા હાઈકોર્ટે મમતા સરકારના નિર્ણય પર રોક લગાવી દીધી હતી.
પશ્ચિમ બંગાળ સરકારે મંગળવારે સુપ્રીમ કોર્ટના ચીફ જસ્ટિસ ડી.વાય. ચંદ્રચૂડ પાસે આ કેસની વહેલી સુનાવણીની માંગ કરી છે. પશ્ચિમ બંગાળ સરકાર તરફથી હાજર રહેલા એડવોકેટ કપિલ સિબ્બલે કહ્યું કે આ મામલે આજે સુનાવણી થવી જોઈએ, અમારે પેન્ડિંગ સ્કોલરશિપ પર સ્ટે મુકવો જોઈએ. પરીક્ષાઓ આનાથી પ્રભાવિત થશે. છેલ્લી સુનાવણીમાં સુપ્રીમ કોર્ટે કલકત્તા હાઈકોર્ટના આદેશ પર સ્ટે આપવાનો ઈન્કાર કરી દીધો હતો.
આ પણ વાંચો: OBCની 6 જ્ઞાતિઓ માટે વપરાતા અપમાનજનક શબ્દ પર પ્રતિબંધ મૂકાયો
પશ્ચિમ બંગાળમાં 77 જાતિઓને ઓબીસીમાં સામેલ કરવાના મામલે તેની છેલ્લી સુનાવણીમાં સુપ્રીમ કોર્ટે મમતા સરકારને નોટિસ મોકલી હતી. કોર્ટે કહ્યું હતું કે શા માટે 77 જાતિઓને ઓબીસી યાદીમાં સામેલ કરવામાં આવી? રાજ્ય સરકારે આ જાતિઓના સામાજિક અને આર્થિક પછાતપણાં વિશે માહિતી આપવી જોઈએ.
સુપ્રીમ કોર્ટે પશ્ચિમ બંગાળ સરકારને નિર્દેશ આપ્યો હતો કે આ જાતિઓને કયા આધારે ઓબીસી યાદીમાં સામેલ કરવામાં આવી છે તેની માહિતી આપે. કોર્ટે તેમને યાદીમાં સામેલ કરતા પહેલા તેમની સામાજિક અને શૈક્ષણિક પછાતતા નક્કી કરવા માટે હાથ ધરાયેલા સર્વેની માહિતી એક સપ્તાહમાં આપવા જણાવ્યું હતું. હવે આ કેસની સુનાવણી ૨૭મી ઓગસ્ટે થશે.
કોલકાતા હાઈકોર્ટે મે મહિનામાં મમતા સરકાર દ્વારા જારી કરાયેલા આ નિર્ણય પર રોક લગાવી દીધી હતી. આ ઉપરાંત કોર્ટે ૨૦૧૦ પછી મમતા સરકાર દ્વારા જારી કરાયેલા તમામ ઓબીસી પ્રમાણપત્રો પણ રદ કરી દીધા છે. એપ્રિલ ૨૦૧૦થી સપ્ટેમ્બર ૨૦૧૦ સુધી હાઈકોર્ટે મુસ્લિમ સહિત 77 જાતિઓને OBC માં સામેલ કરવાના મમતા સરકારના નિર્ણયને ગેરબંધારણીય ગણાવીને રદ્દ કરી દીધો હતો. કોર્ટે કહ્યું હતું કે આ જાતિઓને ઓબીસીમાં સામેલ કરવા પાછળ ધર્મ જ એકમાત્ર માપદંડ લાગે છે અને તેમને OBCમાં સામેલ કરવાનો રાજકીય ઉદ્દેશ્ય હોઈ શકે અને તેને વોટ બેંક તરીકે જોવામાં આવી છે.
આ પણ વાંચો: મહારાષ્ટ્રમાં દરેક પક્ષોને OBC મતો જોઈએ છે પણ OBC સીએમ નહીં?
