વોટ્સએપ ચેનલ ફોલો કરવા અહીં ક્લિક કરો.
લિવ-ઈન રિલેશનશિપ ભારતીય સંસ્કૃતિ માટે 'કલંક' છેઃ છત્તીસગઢ હાઈકોર્ટ
છત્તીસગઢ હાઈકોર્ટે Live-in relationship ને એક આયાતી ખ્યાલ ગણાવીને તેને ભારતીય સંસ્કૃતિ માટે કલંક ગણાવી છે.
KhabarAntar
છત્તીસગઢ હાઈકોર્ટે લિવ ઈન રિલેશનશીપને ભારતીય સંસ્કૃતિ માટે કલંક ગણાવતો નિર્ણય સંભળાવ્યો છે. કોર્ટે કહ્યું છે કે આ ભારતીય સંસ્કૃતિનું અપમાન છે. હાઈકોર્ટે તેની ટિપ્પણીમાં કહ્યું કે આ પશ્ચિમી દેશો દ્વારા લાવવામાં આવેલી વિચારસરણી છે, જે ભારતીય રિવાજોની સામાન્ય અપેક્ષાઓથી વિરુદ્ધ છે. છત્તીસગઢ હાઈકોર્ટે દંતેવાડા સાથે જોડાયેલા એક કેસમાં આ નિર્ણય આપ્યો હતો.
જસ્ટિસ ગૌતમ ભાદુરી અને સંજય એસ. અગ્રવાલની બેંચે લિવ-ઈન રિલેશનશિપથી જન્મેલા બાળકની કસ્ટડીના કેસમાં આ ટિપ્પણી કરી હતી. વાસ્તવમાં પિતાએ બાળકની કસ્ટડીને લઈને હાઈકોર્ટમાં અરજી કરી હતી. આ કેસની સુનાવણી બાદ કોર્ટે આ અરજી ફગાવી દીધી હતી.
આ મામલે આકરી ટીપ્પણી કરતાં કોર્ટે કહ્યું હતું કે સમાજના કેટલાક વર્ગોમાં અપનાવવામાં આવેલ લિવ-ઈન રિલેશનશિપ હજુ પણ ભારતીય સંસ્કૃતિમાં કલંક સમાન છે, કારણ કે લિવ-ઇન રિલેશનશિપ એક આયાતી ખ્યાલ છે, જે ભારતીય રિવાજોની સામાન્ય અપેક્ષાઓથી વિરુદ્ધ છે.
કોર્ટે કહ્યું કે વિવાહિત વ્યક્તિ માટે લિવ-ઈન રિલેશનશિપમાંથી બહાર આવવું ખૂબ જ સરળ છે. આવા કિસ્સાઓમાં, કોર્ટ આ ત્રાસદાયક લિવ-ઇન રિલેશનશિપમાંથી બચી ગયેલી વ્યક્તિ અને તે સંબંધમાંથી જન્મેલા બાળકોની દુર્દશા પ્રત્યે આંખો બંધ કરી શકતી નથી. કોર્ટે આ સંબંધને ભારતીય માન્યતાઓ વિરુદ્ધ ગણાવ્યો છે.
આ પણ વાંચો: મંત્રોચ્ચાર અને સાતફેરા વિના તમારા લગ્ન માન્ય નહીં- સુપ્રીમ કોર્ટ
