ગોરખપુર-પટના AIIMS ના ડિરેક્ટરના પુત્રના OBC પ્રમાણપત્રની તપાસ થશે

પટના એઈમ્સ(Patna AIIMS)ના એક્ઝિક્યુટિવ ડાયરેક્ટર ડૉ. ગોપાલ કૃષ્ણ પાલ(Dr. Gopal Krishna Pal)ના પુત્ર ડૉ. અરુ પ્રકાશ પાલ(Dr. Aaru Prakash Pal)ના નોન-ક્રિમી લેયર(Non crème layer) ઓબીસી (OBC)પ્રમાણપત્રમાં ગેરરીતિની ફરિયાદો મળી છે. આ અંગે આરોગ્ય અને પરિવાર કલ્યાણ મંત્રાલયે મામલાની તપાસ માટે એક સમિતિની રચના કરી છે, જેને એક સપ્તાહમાં તપાસ રિપોર્ટ સોંપવાનો નિર્દેશ આપવામાં આવ્યો છે.

મળતી માહિતી મુજબ, ફરિયાદોમાં ડો. અરુ પ્રકાશ પાલને ઓબીસી (નોન-ક્રિમી લેયર) પ્રમાણપત્ર આપવામાં ગેરરીતિ આચરવામાં આવી હોવાના આક્ષેપો કરવામાં આવ્યા છે. આ સંબંધમાં મળેલી ફરિયાદોને ગંભીરતાથી લઈને મંત્રાલયે તાત્કાલિક પગલાં લીધાં છે અને એક સમિતિની રચના કરી છે, જે તમામ તથ્યો અને પુરાવાઓની તપાસ કરશે. કમિટી આ બાબતની સંપૂર્ણ તપાસ કરશે અને ખાતરી કરશે કે પ્રમાણપત્રો આપવાની પ્રક્રિયામાં કોઈ અનિયમિતતા કે નિયમોનું ઉલ્લંઘન થયું છે કે કેમ.

સમિતિને તેની તપાસ પૂર્ણ કરવા અને એક સપ્તાહની અંદર આરોગ્ય મંત્રાલયને રિપોર્ટ સોંપવાનો નિર્દેશ આપવામાં આવ્યો છે. રિપોર્ટના આધારે આગળની કાર્યવાહી નક્કી કરવામાં આવશે. આ બાબતે આરોગ્ય મંત્રાલયે સ્પષ્ટતા કરી છે કે અનિયમિતતાની ફરિયાદોને ગંભીરતાથી લેવામાં આવી છે અને જો કોઈ ખામી જણાશે તો યોગ્ય કાર્યવાહી કરવામાં આવશે.

મળતી માહિતી મુજબ, આ પહેલા ગોરખપુર(AIIMS Gorakhpur) અને પટના એઈમ્સ(AIIMS Patna)ના ડાયરેક્ટર ડો. ગોપાલ કૃષ્ણ પાલ(Dr. Gopal Krishna Pal) પર નકલી ઓબીસી (નોન-ક્રિમી લેયર) સર્ટિફિકેટ બનાવીને ગોરખપુર અને પટના એમ્સમાં પોતાના પુત્ર અને પુત્રીને નોકરી અપાવવાના ગંભીર આરોપો લાગ્યા છે. ગોરખપુર એઈમ્સના સર્જરી વિભાગના વડા ડૉ. ગૌરવ ગુપ્તાએ તેમની વિરુદ્ધ ગોરખપુર એઈમ્સ  પોલીસમાં ફરિયાદ નોંધાવી હતી, જેમાં તેમણે આરોપ લગાવ્યો હતો કે ડિરેક્ટરે તેમના બાળકોને નકલી ઓબીસી પ્રમાણપત્રો બનાવીને નિયુક્ત કર્યા હતા.

આ પણ વાંચો: નકલી દલિત - નકલી આદિવાસી બની SC-ST ની નોકરીઓ કોણ ખાય છે?

ડૉ. ગૌરવ ગુપ્તાના જણાવ્યા અનુસાર ડૉ. ગોપાલ કૃષ્ણ પાલ અને તેમનો પરિવાર સામાન્ય કેટેગરી(General Category) મા આવતા ઠાકુર સમાજમાંથી આવે છે, પરંતુ તેમણે તેમના પુત્ર અરુ પ્રકાશ પાલ અને પુત્રી માટે બનાવટી ઓબીસી પ્રમાણપત્રો મેળવ્યા હતા. આ સર્ટિફિકેટમાં તેમની કૌટુંબિક આવક ૮૦ લાખને બદલે માત્ર ૮ લાખ રૂપિયા દર્શાવવામાં આવી હતી. તેમણે આરોપ લગાવ્યો કે આ છેતરપિંડીમાં ડૉ. ગોપાલ કૃષ્ણ પાલ, તેમની પત્ની પ્રભાતિ પાલ અને તેમનો પુત્ર અરુ પ્રકાશ પાલ સામેલ છે. 

ફરિયાદમાં આ ત્રણેય વિરુદ્ધ એફઆઈઆર નોંધવાની માંગ કરવામાં આવી છે. કેસની તપાસ દરમિયાન, એવું બહાર આવ્યું છે કે ડૉ. ગોપાલ કૃષ્ણ પાલે તેમના પુત્ર અરુપ્રકાશ પાલને ગોરખપુર એમ્સમાં એમડી-પીજી કોર્સમાં પ્રવેશ અપાવવા માટે નકલી ઓબીસી પ્રમાણપત્રનો ઉપયોગ કર્યો હતો. ૨૭ એપ્રિલ, ૨૦૨૪ ના રોજ, અરુપ્રકાશ પાલે એમ્સ ગોરખપુરના માઇક્રોબાયોલોજી વિભાગમાં પ્રવેશ લીધો. તેણે બિહારના દાનાપુરના સરનામે જારી કરેલા ઓબીસી પ્રમાણપત્રમાં તેની કૌટુંબિક આવક રૂ. ૮ લાખથી ઓછી દર્શાવી હતી અને નોન-ક્રિમી લેયરનું સોગંદનામું આપ્યું હતું.

તપાસ દરમિયાન જાણવા મળ્યું કે ડૉ. ગોપાલ કૃષ્ણ પાલ અને તેમની પત્ની પ્રભાતી પાલની સંયુક્ત વાર્ષિક આવક રૂ. ૮૦ થી ૯૦ લાખ છે, જે ઓબીસી નોન-ક્રિમી લેયરની શરતોથી વિપરીત છે. આ છેતરપિંડીનો પર્દાફાશ થતાં જ તેમના પુત્ર અરુપ્રકાશ પાલની નિમણૂક રદ કરવામાં આવી હતી. તપાસમાં એ પણ સામે આવ્યું છે કે ડો. ગોપાલ કૃષ્ણ પાલે તેમની પુત્રીને પણ બનાવટી ઓબીસી પ્રમાણપત્ર દ્વારા પટના એઈમ્સના ફોરેન્સિક મેડિસિન વિભાગમાં વરિષ્ઠ નિવાસી પદ પર નિયુક્ત કર્યા હતા. એઈમ્સ પટનામાં વરિષ્ઠ નિવાસી પદ માટે જારી કરાયેલ સૂચનામાં, સ્પષ્ટપણે કહેવામાં આવ્યું હતું કે ઓબીસી નોન-ક્રીમી લેયર પ્રમાણપત્ર એક વર્ષની અંદર હોવું જાેઈએ. તેમજ ઉમેદવારોના માતા-પિતાની વાર્ષિક આવક આઠ લાખથી ઓછી હોવી જાેઈએ. જાે કે, ડાયરેક્ટરની કૌટુંબિક આવક ઓબીસી નોન-ક્રિમી લેયરની જરૂરિયાતો કરતા અનેકગણી વધુ હોવાનું જાણવા મળ્યું હતું.

આ છેતરપિંડી પ્રકાશમાં આવતાની સાથે જ અરુ પ્રકાશ પાલની નિમણૂક અંગત કારણોસર રદ કરવામાં આવી હતી. મામલાની ગંભીરતાને ધ્યાનમાં લઈને એમ્સ પ્રશાસને તપાસ શરૂ કરી છે. જો કે, એઈમ્સના મીડિયા ઈન્ચાર્જ અરૂપ મોહંતીએ આ આરોપોને પાયાવિહોણા ગણાવ્યા હતા અને મામલો દબાવવાનો પ્રયાસ કર્યો હતો, પરંતુ વિવાદ વકર્યો હતો. બનાવટી ઓબીસી પ્રમાણપત્રના આ મામલાએ ગોરખપુર અને પટના એઈમ્સમાં હલચલ મચાવી દીધી હતી. જે બાદ એઈમ્સ તંત્રે આ મામલે એફઆઇઆર નોંધવાની પ્રક્રિયા શરૂ કરી હતી.

આ પણ વાંચો: AIIMS ના ડિરેક્ટર 'રાજપૂત', પણ એમનો દીકરો-દીકરી 'OBC'