વોટ્સએપ ચેનલ ફોલો કરવા અહીં ક્લિક કરો.
મહારાષ્ટ્રની શિંદે સરકારે દેશી ગાયને રાજમાતા-ગૌમાતાનો દરજ્જો આપ્યો
મહારાષ્ટ્રની એકનાથ શિંદે સરકારે ચૂંટણીમાં અન્ય કોઈ મુદ્દો ન મળતા ગાયનું રાજકારણ શરૂ કર્યું.
KhabarAntar
મહારાષ્ટ્રની ભાજપ, એકનાથ શિંદેની શિવસેના અને અજીત પવાર જૂથની એનસીપીની સરકારે રાજ્યમાં દેશી ગાયને હવે રાજમાતા અને ગૌમાતાનો દરજ્જો આપ્યો છે. સરકારનું કહેવું છે કે, ભારતીય સંસ્કૃતિ, કૃષિ અને આરોગ્ય સંભાળમાં તેના મહત્વને ધ્યાનમાં રાખીને સરકારે ઔપચારિક રીતે દેશી ગાયને 'રાજમાતા-ગૌમાતા'નો દરજ્જો આપ્યો છે.
આ અંગેની જાહેરાત કરતાં સરકારે જણાવ્યું હતું કે, “વૈદિક કાળથી ભારતીય સંસ્કૃતિમાં દેશી ગાયનું મહત્વનું સ્થાન છે. તેનું મહત્વ માત્ર ધાર્મિક જ નથી પરંતુ તેના ઔષધીય અને કૃષિ ક્ષેત્રે પણ ઘણા ફાયદા છે. દેવરી અને લલકનારી જેવી ગાયોની વિવિધ સ્વદેશી જાતિઓ મરાઠવાડા અને ડાંગી અને ઉત્તર મહારાષ્ટ્રમાં શવદભમાં જોવા મળે છે. જો કે, દેશી ગાયોની સંખ્યામાં ઝડપથી ઘટાડાને લઈને ચિંતા વ્યક્ત કરવામાં આવી રહી છે. સરકારને આશા છે કે આ દરજ્જો આપીને ખેડૂતોને આ ગાયોના પાલન માટે પ્રોત્સાહિત કરવામાં આવશે.”
આ પણ વાંચો: OBC Politics: પછાત ક્વોટા માટેની લડાઈ હવે ચૂંટણીનો મુદ્દો
મહારાષ્ટ્રના રાજ્યપાલ સીપી રાધાકૃષ્ણન દ્વારા હસ્તાક્ષર કરાયેલા સરકારી આદેશ દ્વારા આ જાહેરાત કરવામાં આવી છે. તેમાં કહેવામાં આવ્યું છે કે, “ગાય પ્રાચીન સમયથી માનવ જીવનનો મહત્વપૂર્ણ ભાગ છે. પ્રાચીન કાળથી, ગાયને કામધેનુ નામ આપવામાં આવ્યું હતું. તેનું ઐતિહાસિક, વૈજ્ઞાનિક અને આધ્યાત્મિક મહત્વ છે. આપણને દેશભરમાં ગાયોની વિવિધ જાતિઓ જોવા મળે છે, પરંતુ દેશી ગાયોની સંખ્યા ઝડપથી ઘટી રહી છે.”
દરમિયાન, મુખ્ય પ્રધાન એકનાથ શિંદે અને નાયબ મુખ્ય પ્રધાન દેવેન્દ્ર ફડણવીસ તથા અજિત પવારની અધ્યક્ષતામાં યોજાયેલી રાજ્ય કેબિનેટની બેઠકમાં ઘણા મહત્વપૂર્ણ નિર્ણયો લેવામાં આવ્યા છે. જેમાં કોટવાલોના પગારમાં ૧૦ ટકાનો વધારો કરવો, ગ્રામ રોજગાર સેવકોનું માનદ વેતન વધારીને ૮૦૦૦ રૂપિયા પ્રતિ માસ કરવું, ઓરેન્જ ગેટથી મરીન ડ્રાઇવ સબવેના કામને ઝડપી બનાવવાનો સમાવેશ થાય છે. જો કે આ તમામ મહત્વના નિર્ણયો ગાયના રાજમાતા-ગૌમાતાના દરજ્જા પાછળ ઢંકાઈ ગયા હતા.
આ પણ વાંચો: મહારાષ્ટ્રમાં દરેક પક્ષોને OBC મતો જોઈએ છે પણ OBC સીએમ નહીં?
